UAN M
NK A
N
ZI M
LA
I
ZOMI
YS IA
ZIM AWGING
Weekly News
R
KU
AL
A LU U
MP
Lom 1, Hawm (37) Coming together is a success
Naungek khat in ulian khat sang
in ama mailam, lametna hun
tam nei zaw tham a, tua
naungek pen koi ciang hong
khang ding a, bang teng hong semkhia ding cih pen
aki thei nailo ahi hi. Ahihhangin tu a I bawl
Christmas hung sung ah I phawk leh I muak ahi
Bethlehem khua neu khat pan, ki niamkhiat takin,
hong suak khia naupang in ama’ mite bek hilo
leitungmi khempeuh a gumkhia ding, a honkhia ding
in hong suak ahi hi. Tua ahihmanin lametna nei mite
ihi a, lametna tawh a nungtate ihi hi.
Ih omna leh ih pawlpi ciat ah Lungdambawl leh kum
thak nuamtakin adawnkim thei dingin , tu kum 2010
sangin 2011 kum ih ngim ih tupna te a tangtun kum
ahih theih dingin ih biak Pa Pasian in hong makaih
ciat ta hen. Sep leh bawl hang in khuasung a pai
theilo, biakinn akikhawm manlote zong a kibang in
Topa’ thupha ahi lametna thak, nuntakna thak tawh
kumthak 2011 sung I biak Pasian in hong kalsuan pih
ta hen!
Kumthak leh Mabanthak (2011)
Lametna thak leh nuntakna thak hong guan hong suak
khin ahi Gumpa Zeisu’ thupha tawh Malaysia a om
Zomi-te a ding in kumthak sung ah kal thak leh
thathak tawh a kalsuan ding ihi ta hi. Lai Siangtho
sung ah I bukmun (I upna) te khan ding leh upna,
lametna tawh nuntak ding hong genna a om mah bang
in ZIM in Malaysia a om Zomi galtai khempeuh a
ding hong pai ding kum 2011 sung ah UNHCR tawh
a beisa sang in bul kip zaw leh, zungthuk zaw in khut
kilen khawm ding a, galtai kipawlna tuamtuamte tawh
ma pangkhawm in Malaysia a om galtai buppi a ding
hanciamna thak kinei ding ahihmanin, mipi a kuamah
peuh in ma I pan khop ciat ding leh I thasan khop ciat
ding kong zawn uh hi.
Pasian’ lamlahna, UNHCR zumpi’ deihsakna leh
Zomi a kuamah peuh I hanciamna hang tawh, galtaite
a ding nasepna leh mapanna a picing zaw leh, a
tangzai zaw in sep theih na ding lampi kihong khin zo
hi. Tua tawh kizui in a nuai a bang in ZIM vaipuakna
thak kinei ding hi. ZIM zum thak pen kumthak sung
ah kihong ta ding hi. Zum thak tawh kituak in
behlapna leh mapanna thak a nuai a bang in kinei
ding a, kizom to paisuak ding hi.
26/12/2010
1. ZIM Logo leh Letterhead
Zomi Innkuan letterhead
revised kibawl a, kumthak
tawh kituak in kizang ta ding
hi.
2. Thubulphuh (Motto)
Galtai-te ading mapanpihna ah UNHCR leh Zomi
Innkuan khut kilen in ma pan khopna ding leh
hanciamna kinei a, mailam ah ki zomto paisuak ding
hi. Tuatawh kizui in ZIM in tu laitak a sep leh,
mailam ah asepding khempeuh, UN tawh kizopna pen
tomkim tak in telgenna, thubulphuh (Motto) kinei hi.
ZIM Motto: Rebuilding Lives, Restoring Hope
UN, UNHCR, NGO tuamtuam-te leh ZIM I nasep a
bulpi pen Lametna guankik in, Nuntakthak lamna ahi
hi. Tua ahihmanin hih thubulphuh thak zang in Zomi
Innkuan kipawlna in gam leh nam a ding in semto
paisuak ding hi. I gamsung pan in bawlsiatna
tuamtuam hang tawh nuntakna kisiat lawh numei,
naupang, galtai mi khempeuh; nenniamna tuamtuam
hang in lametna a khahsuah leh a tanlawh Zomi
galtaite a ding in Lametna guan kik in, Nuntakna
thak a lam kik ding in, I minam leh gam a ding khut
kilen in, mapangkhawm ciat ni ci-in kong zawn uh hi.
3. Zomi Innkuan Membership card
Malaysia a om Zomi galtai khempeuh a huam
kipawlna ahi ZIM pen a beisa kum 2005 a kipan in
mipi’ a ding in UNHCR tawh khut kilen khawm in
panlakna kinei hi. A beisa kum 3 sung bangh Zomi
Innkuan Malaysia (ZIM) membership card a kibawllo
pen tu in mathak, lametna thak tawh a kalsuan ihi ta
hi. ZIM mimal simna membership card lo tawh mipi’
a ding in panpihna leh na sepna ki nei thei hi mah ta
leh, a beisa sang in a zah tampi in thathak san in,
hanciamna nei nuam ihihmanin, a picing zaw leh
Zomi bup a ding bek thamlo in galtai mimal
khempeuh a ding in panlakna ki nei nuam ahihmanin
ZIM membership card pen etlawm tak leh, kician tak
in a kibawlbawl hi ta hi.
UNHCR card tawi khin Zomi Innkuan member card

UN minsanna ngak Zomi Innkuan member card
Abeisa hun ah ZIM in membership card abawlloh
hangin Malaysia aa om Zomi bup ii kitangsapnate sep
zawh tantan maa kipanpih den hi. ZIM tungtawn in
mipi te masuan tuamtuam ahi:
 UNHCR minsanna ngah thei nading,
 Cina luna te zato vai,
 Natna gilneite leh zato vaite tungtawnin
UNHCR huhna ngah theih nading,
 Thongkia te suahtak theih nading,
 Zum vai hamsatna tuakte gambeel zumke
tuamtuam te ah mimal aitangin kikham in ma
phutsakna
 Gambeel zum panin mipi theihding thuthakte
a hunlap in zaksakna,
 Hunbit Palai om zah leh phutzawh zah tawh
kizui in, UNHCR – SPF (refugee Social
Protection Fund) hi ta leh Unit tuamtuamte ah
galtai mipi’ a ding in maa phutsakna,
 Ngeina vai te (Khuado, Zo Minam Ni cih te)
ah hih theih tawpin maa panna,
 Biakna vai te ah ma pankhopna…
Cih te a semsemsa hia mailam ah zong picing
takin sepzawh semsem nadingin ngimna zong
kinei hi.
ZIM in tuni ciangdong mipi tawh kalsuannate
khanto in, mipi leh zum lam kikal kizopnate a beisa
sang in I bulkip zawk na na tampi kinei khin zo a,
mipi, mimal a kuamah peuhin hih pen khut kilen
khawm in ma I pan khop ding akisam ahi hi. ZIM in
zum, phone – landline kinei in khasim bill piak hiden
a, mipi I panpihna, nang mahmah I ki piakkhiatna
kisam mahmah hi.
Tua ahihmanin Zomi te in ih kipawlna
domkhawm, lamsang, phungvuh theih nadingin leh ih
vaipaipi ahi ih UN masuan khempeuh muibun takin ih
nehzawh nading maa ipan khop nadingin Zomi bup
tungah kong zasak uh hi. Ih pu ih pa te in “Suangpi
suangneu in thek” a cih mah bangin mimal sim in
Zomi Innkuan memnbership card ih bawl na hangin
ih masuan te tangzai takin tu aa ih sepkhitsa UN
masuan khempeuh sangin ki mazang zaw dinga ih
kipawlna in hong kipkho zaw semsem ding hi. A sawt
lo-in, mithak sazian zong kipuak tading ahihmanin
CRC card tawi Zomi khempeuh hi ta leh, kipawlna
dang card tawi hi ahi a, kipawlna khat peuhpeuh ah a
lut nailo mithakte aih zong in ih ZIM Zum ah nong
pai hamtang nadingun kongzasak kawm pah uh hi.
26/12/2010 ZIM Awging Lom 1, Hawm 37
UNHCR-ICMC pan kamphen kisam
Malaysia UNHCR aa ding in zumke thak khat ahi
International Catholic Mission Center – ICMC ah
volunter (sum piak) ding Mikangpau tawmtawm bang
a thei, kamphen ding kisam ahihmanin mipi ading a
kipia khia nuam ih om leh a manlang theithei in min
sazian nong piak nadingun kong zasak uh hi. Hih
nasepna pen RWPC (Refugee Women Protection
Committee) ci-in numei leh naupangte (protection)
piak theih nading seppi in a nei kipawlna zumke thak
ahi hi. Part time ding ahihmanin nasep dang tansai
kullo in, akisem kawm thei ding ahi hi.
UNHCR – Info. Hubs
UNHCR zum khan kicin lohna hangin, US reject,
DHS, OPE, RST ahizong UNHCR – departments
tuamtuam te ah ei leh ei ih ut hunhun kipai thei
ziauziau lo hi. Tua ahihmanin mipi tading geelna
tawh September 2010 aa kipan December 2010 dong
kaalsim Wednesday nisim 10:00 am – 12:00 sung
UNHCR ulian te tawh a vengveng ah kimuhna leh
thudotna kinei hi. Hong tungding kum thak aa kipan
ei sapsapna munmun ah hong pai dinguh ahihmanin a
mun/inn khan ding leh mimal adawp nuam a lomlom
aa om pian te in, 1. Na omna uh address, 2. Contact
Nos nong piak nadingun kong zasak uh hi.
IOM pan sisit ding kikan
Min: Pau Lian Thang UNHCR Ref.: 354-07C06496
Phone lui: 014-643 3650
Min: Khup Lian Tuang DOB: July 11, 1966,
791-09C00781 Phone Lui: 012-639 8147
UN Zum pai ciang zuih ding leh theih ding thute:-
-Zu, Za, Beer, Khaini, Kunza, Sahdah leh khamtheih
guih theih khat peuhpeuh a muamsa, a namsa in zum
pai ngei kei in.
-Na min, suahni suahkha khat peuhpeuh laih sawm
ngeikei in (a kisap luat leh gam thumna pan ki laih
thei lel hi). Paulap khat peuh suang in na min limlim
na laih sawm zenzen khak leh uliante in hong dong
ding uh a, bang paulap bang paulap na gen zong in,
hong pakta zaw tuanlo ding bek thamlo in, na mailam
vai nawngkaina om zaw thei hi. Vangulo hi napi a
kisuang I batloh ding thupi hi. Ei leh ei zong aki
pholak ihih loh ding kisam hi.
-Kamphente (a pai khinsa leh a omlaite) mawhsak
ngei kei in. ULian (officer) te zong mawhsak ngei kei
inla, na telloh leh, na vai kibanglo kha a om leh
thudam, lungduai tak tawh, aw dam in gen hithiat in,
kamphen leh uliante’ kiang ah huhna ngetbawl zaw in.
-Nangma tangthu tatak leh zumlamte’ ciaptehna a
kibanglo a om zenzen khak leh gencian inla, na
theihloh leh na tellohte dotbawl ding maizum,
kisuang, lauthawng kei in. (Mailam ah zop toh lai
ding)
Office: 03-9222 0595, Email: zim.mly@gmail.com