SAMBAYANG

MGA KADYAWAN NANG SAMBAYANG AW MGA SIKSA SANG MAGA TAGAK NANG SAMBAYANG Dalil sikon sang Qur-an: Sa buna-buna ako yang Allah way tuhan na wajib simbahon yatabya ako, simbahon mayo ako, indog yang sambayang bilang pagtadum mayo kanak: (Surah Taha 20:14) Yang Mana: Yang Sambayang adi sang basa; pangayo na madayaw aw adi sang Hukuman; pagsimba sang Allaho Taala na makagwas pinaagi ng mga piaglaongan aw mga inang na simba adto sang Allaho Taala; Yang Samabayang maga sugod sang Allaho Akbar aw maga tapos sang salam. Yang kabutang nang Sambayang adi sang Islam. 1. Yang sambayang madayaw na mga gaobok. 2. Yang sambayang na haligi nang Agama Islam. 3. Yang sambayang yan yang pigapitasan sang pagotan ng Muslim aw kaper. Mga kadyawan na ihatag ng sambayang. 1. Yang sambayang maga hatag ng sigay sidtong mga otao na yaga sambayang. 2. Yang sambayang amakapapas ng mga dusa. 3. Yang sambayang yan yang paga sabapan na akasod sang sorga. Mga tumong nangasa piga pugos yang sambayang. 1. Hak ng Allang adto sang Allaho Taala. 2. Yang sambayang amainang ng Muslim na permanente na koneksyon adto sang Allaho Taala. 3. Yang sambayang pagpakusog ng pagpanginto sang Allaho Taala. 4. Yang sambayang na makasagda sang mga mangkaat na inang. Mga siksa sang magtagak ng sambaang na 15 ka klase. 1. 6 adi sa Donya 2. 3 sang pagsakratal Maut 3. 3 adi sa sood ng kubor aw 4. 3 sang allaw ng kiyamah Mga siksa kanang sang Donya 1. Way barakat ng kanan kinabuhi 2. Amawa yang kadayawan sikon sang goya nan 3. Kariko ng gaubok na ininang nan na waybaras kanan nang Allaho Taala.

4. Dili atarimaon ng Allaho Taala yang mga dua nan. 5. Way koneksyon nan sikon sang mga pangayo ng mga otaso na mga SAALEH. 6. Mologwa yang kanan niyawa na way iman. Mga siksa nan adi sang pag sakratal Maut 1. Amatay yan na otao na mababa yang kabutang nan. 2. Amatay yan na otao na bali na kagutoman. 3. Amatay yan na otao na bali na kauhaw na maskin painom pa kanan yang ubos ng tubig sang Donya. Mga siksa nan adi sang pakuburan 1. Apahirapan yan ng Allaho Taala adi sang kubor nan, sampay amangkadupok yang kanan mga pusa. 2. Apadatongon kanan ng Allaho Taala adi sang kubor nan, yang mapaso na atoon gabi aw allaw. 3. Madatong kanan sang kubor yang Ahas or Sawa na maysog na kalbo na magasiksa kanan sang pagtagak ng mga sambayang, aw magahirap yan sang mga siksa kanan kung pila ka wakto yang itagak or ibiyan nan. Mga siksa kanan sang allaw nang kiyamah 1. Madatong kanan yang malaikat na sikon sa langit na aon dala na kadena na 7 ka metro yang kataas na asaribodbod sang liyog nan, aw osogsog uman sang baba nan, aw makalabas idto na kadena sang bobot nan, aw yang malaikat magatawag sidtong mga otaw na Saleh, tanawa mayo yang siksa sinyan na otaw na magtagak ng mga fardo ng Allaho Taala. 2. Dili apansinon ng Allaho Taala yan na otaw sang allaw na mauri. 3. Way amakatabang kanan, aw amadawat da nan yang siksa na mapdos. Mga lumon sang Agama Islam, Taduman ta sa bunabuna yang donya tanoman para sang allaw na mauri, taduman ta oman na yang kubor na magtawag adi sang kariko ng mga allaw na makalima pagbarikon. 1. Ako yang bahay na sambok da, pagdaa kamo ng musika, yang madyaw na musika na adaon sang Qubor yang perme pagbatya ng Qur-an. 2. Ako yang bahay na madonggom, pagdaa kamo ng ilaw, yang madyaw na ilaw sang qubor, yang pagsambayang ng gabi aw allaw. 3. Ako yang bahay na lupa, pagdaa kamo ng kamon, yang madyaw na kamon sang qubor, yang pag-inang ng mga kadyawan. 4. Ako yang bahay na iyan yang usip ni monkar aw naker, pagdaa kamo ng tubag. 5. Ako yang bahay na madaig yang ood, pagdaa kamo nang tambal or boboong, yang madyaw na boboong yang maga laong perme ng Lailaha Illallah Mohammad Rasullulah. Sukran sang kariko. Research by: A.N. Macaraan C.Y. 2012