President : K. Lalsawivela - 9612112835 V/President: R. Lalremmawia - 9862506091 Secretary: V.Lalchhuanawma - 9862315830 A/Secretary: K. Lalhmingliana - 9612714872 Treasurer : TC.

Lalmuanpuia - 9615021801 F/Secretary : F.Laltanpuia - 9862614700

Editorial Board
Editor : Joint Eds.: : : News Eds.: K. Zomuansanga David Lalrammawia Ramthanmawia Rosangzuala Branch Secretaries & Section Secretaries Manager : TC. Lalmuanpuia Ph. 8575304397 / 9862010834

AN OFFICIAL ORGAN OF VENGLAI BR. YMA CHAMPHAI

Vol. XXI

Issue No. 32 Dt.12.8.2012 (Thitin Thla) Chawlhni

Editor Kamliam/ Article P-2

Chhuak

P-1

Venglai City/Venglai Football League boruak sang/ L a wr k ha wm P-1

Article chhunzawmna/ Awi ka rei!! vengl ai Football Leagu e!!! P-3

Article/Section News/ Muzuk fei P-4

Venglai City Naute Thar

Pu Zakaria Vanlalthiana Keikawla Section te nupa chuan kar hmasa khan Durtlang Hospital fapa duhawm tak an nei. Naute thar neite kan lawmpui tak meuh meuh a ni.

Venglai Football League boruak sang

Venglai August Ni 12 : Khawvel ram changkang leh ropui zawk ten an ngaihsan leh an ngaihhlut Football inelna ropui tak Venglai Sporting Club-in a buatsaih, Venglai Football League September ni 1 atanga tan tura an ruahman chuan tun atangin boruak a nei lian tawh hle. Thalai pali panga awmkhawm tawh naah chuan titi pui ber leh sawi nasat bera an neih Venglai Football League chu inbuatsaihna a kal mup mup reng a, tunah hian League khel turin Club/Team 14 in register tawhin heng Club/Team te hian ball,jersey leh Football khelna atana mamawh tur dangte tuakin an inhlawh mup mup reng a ni.Zing tin mai Chhangphut field leh DC Road ah Venglai thalai za rual lai exercise la hmuh tur an awm reng a, tan anih hma hauh atang hian Venglai Football League hian boruak a nei sang tawh hle a ni. Club ropui tak leh Champion ngei tum FC Mahin, Tv.Zorama kaihhruai Team te chuan Zirtawpni khan Chhangphut Field ah leivung paiha inhlawhna an nei a, heng bakah Team member te sum leh pai thawhkhawm in jersey man an tuak mek a,heng bakah mi inphal ten sponsor an tum mek niin kan hria. RK Enterprise leh LL Computers te sponsor FC Angelos pawhin tunah hian Club Jersey pahnih lai nei tawhin tan an la nasa hle a, nimin zing khan vawk talha inhlawhna neiin sum an tuak belh mek bawk. Keilungliah Team lam pawhin nimin khan Gas siam leh sarep zuarin inhlawhna an nei a, an ni Team pawh hian karleh lam chuan Jersey neih an tum niin thu kan dawng. Formidable FC lam pawhin tan lain an Team Jersey tur pawh Nepal lamah chah an tum mek niin thu kan dawng bawk.Heng kan rawn tarlan Team/Club bakah hian Team dang te pawhin theihtawpin tan an la a, zing leh tlaiah a huhova practise, exercise lakna te neiin a kal tlai palh te pawh an inhrem hial thin a,heng bakah hian ruihtheih thil lo ti palh an awm pawhin na takin an chungah action an la hial thin a ni. Venglai Sporting Club buaisaih Venglai Football League hian ngaihven a hlawh hle tawh a, mi inphal ten Club/Team te hi a sponsor theih reng a ni. Venglai in Football ah tun ai nasaa hma kan sawn theih nan leh kan thalai pui ten ruihhlo leh ruihtheihthil an kalsan theih na atan he thil hi thil tanglai tak anih kan beisei a, chutin rualin vengchhung nu leh pa te pawhin kan fate full support pe tur leh ruihlo kan dona kawng pawimawh tak a ni tih kan hriat reng a tha awm e.

Lawrkhawm Hna hmu thar

C.Lalhruaitluanga s/o Chalzari Hranghleia Section chu tunhnaia Mizoram sawrkarin ITI Instructor tur post 1 a ngheta a lak naah written leh interview palthlangin a tling a, he hna hi Aizawlah a thawk ang. ENTU editorial ten kan lawmpui tak meuh meuh a ni.

Damlo
* Pu Bualhleithanga Keikawla Section chu hunrei tak damlohna avanga Aizawl lama an inenkawl hnuin dam takin an rawn haw leh ta. * Pi Sangkhumi Chawngthu w/o Sawikhuma (L) Keikawla Section chu Zirtawp zan khan zunthlum leh kal lam thalo vangin Aizawl lamah enkawl tura kalpui a ni. Dam taka an rawn haw leh thuai kan beisei.

PYKKA News
Kan hma lawka PYKKA Sports lo awm tura Judo leh Wrestling khel tur zawng zawng ten naktuk zing dar 6:00 atang hian Community Hall ah practise tan tawh tur a ni e.

Football League thuthar

* VFL affiliation form la chhuak zawng zawng ten ni 19.8.2012 (Sunday) ral hma ngeiin affiliation form kha kan lak chhuahna ah submit/ thehluh vek tur a ni. Tin, mahni player tur te hming a za vain ziah luh nghal bawk tur a ni. * Affiliation form hnunga VFL dan te sep kha ngun taka chhiara lo bih chian theuh tur a ni. Belh leh paih ngai leh tuldangte hria chuan Manager meeting hunah Club/ team Manager kalkhawmte rel atan chhawpchhuah theih a ni. * Manager meetingah hian Entry Fee Rs.100/- leh Security Deposit Rs.400/- kha Sporting Club OB te hnenah pek nghal tur a ni ang. * Kan hmangaih kal ta te hriat reng nan VFL Champion No mawi emaw prize money (a tangka faiin) emaw lawman chi dang dang atan pawh pek theih reng a ni. A pe duh tan Venglai Sporting Club OB te hnenah pek theih reng a ni.

Motor Thar
* Pu RTC Lalmuanpuia Zp Section chuan Auto-Rickshow thar tha tak ala chhuak ve leh ta. * Pu Liannawla Chawngduma Section te chhungkua pawhin Alto car thar mawi tak an nei bawk. * Pu H.Lalrodinga Chawngduma Section pawhin Scooty thar tha a nei thar bawk. Motor thar neite kan lawmpui hle.

Pem thar
Pu R.Lalhmachhuana te chhungkua chu Bungzung khua atangin pem lehkha fel tak neiin kan veng, Keikawla Section ah an rawn pem thar.

2012 Central Y.M.A. Kumpuan - Ram leh Hnam humhalh

ENTU Venglai Br. YMA

Chanchinbu

Chawlhnitin

chhuak

lak

man

thlakhatah

Rs 20/-

P-4

KUM 2012-2013 JANUARY CHHUNGA ENTU CHANCHINBU SEMTUTE

BRANCH ADVISERS Pu F.Aizika, Pu V. Hrangzika, Pu Lalhlupuia, Pu Kamlova Zadeng

Hranghleia Section Keikawla Section

: Lalbutsaiha, Malsawmkima, Lalremkima, Vanlalhruaia, Malsawmtlunga, Lalhmangaihzuala : Isaak Lalthutiama, Lalramtiama, Zodinpuia,

Reuben Lalruatsanga, Lalhriatpuia, Robert Lalhmachhuana, F.Lalhmangaihzuala

Zampuimanga Section : Vanromawia, K Zosangkima, K Lalhruaitluanga, H Laltlansanga, Lalhmangaihzuala Chawngduma Section : Lalchhandama, Sanghmingliana, Vanneihtluanga, VL. MS Dawngzela, Benjamin Lalhruaizela.

YMA Motto :
1. Hunawl hman that 2. Zofate hmasawnna ngaihtuah 3. Kristian nundan tha ngaihsan

(chhunzawmna)

INHLAWH MAI DING ??

Mahse.!! Mathusela min nau entir thei tur an hung pen suah ma chun kei valrianga hian hrisel ka duh bawk si chuan Inhlawhna zawngin thawk lawp lawp mai tang ka ti. Nu leh pa ka pur buai lo vanga, ka thawh chhuah sa hman theihna RIGHT (mi intih theih khumna write ni lo) ka nei ve alawm maw tiraw ka u ?? A tam emaw a tlem emaw tu neih mah kha hmang dawn hek lo i le. Chilimte ka thawh chhuah ve avangin ru suh, awt suh adt. tih vel chuan min ti buai dawn lek si lo a leh, nuam po po hai leh tlem chu ka ta, mahse pumbilh lo mai ding, sem sem dam dam, ei bil thi thi an ti. Tichuan..a eng lawmman ber nge ka tum ve dawn ? ka tih loh leh champion no mawi chu ka lo tum ve ang e, ka tih loh leh prize money cheng vaibeltuibur bangzah nge in mamawh? ka tih loh pawn chumi khami club/team chu ka sponsor tih vel chu ka in sawi theihna alo ni tawh ang. Chuan midangte tan nang malsawmna ni ang che tih kha a practicalin ka hmang ang a, thu chauh hla chauh a ni tawh lo vanga, thu chu tisaah changin, hla chu hlan lovin, sa in ka zai thung tawh ang. OLYMPIC NA THEI MAW ? London 2012 na thei maw ? Thei mah mah ei ! Infiam mi, Mi-lian-er ho, sum leh tangka keng tel lo, tangkapui (medal) lak tuma theihpatheihtawpa tha senga infiam tura kalkhawm an ni e. Engvang nge sum tel silo tangkapui la te an hlima an lawm em em le ? Zianghman a si lo som ? Sum tam tak ai in hmingthat an thlang mawle ma-te, mi fa te chu. An mittui a parawl rawl nen. Kei ve chu sum nei chuang hawt si lo infiam peih bawk silo ka lo nifutbol ah chang ila mi in min pet hrep se ni mai. Mahse kompani lamin chu chu an ngai ngam lo tlats mai le !! Kei aia pet tur dik zawk savun kaihmum an lo siam tawh sihmaaaan ka piaaaan hma daih tawh khan, chu chu tun thlengin ka pet theihin a la awm a, engvangin nge ka han pet loh teh lul ang ni?????? Inthlahrung hauh lo vin ka chhir dep dep dawn khawps. Keia tan chauh a ni lo, nangma tan pawh a pet theih rengs. NI 100 LAI A LIAM TA !!! EN AR EE ZEE EES hi a lampum ka hriat ve dan chuan khua leh tui tupawh in kum khat chhunga an fairel kiam tur ven nana inhlawhna an neih theihna tur tihna a ni em kha ? chuan mahni thlai huan eng ilo vel leh khawtlang tana hmasawnna hna thawh nan pawh a hman theih a ni tiin ka thenawmpan min hrilh bawk. Kan khawtlanga nu leh pa te pawhin hmasawnna chu kalkawng, tuiluan kawr, adt. siam chauh ni lo vin mihring te tha leh zung tih chaka hriselna siam nan pawh an hrilhfiah a. Venglaia pa rawn leh min ber pawhin tiang hian min hrilh,Awi karei !! Venglai futbol league!!!! Ni 100 hi tun hun atan a ni lawm ni in khelh hun chhung tur chu ??? tia hram ziap ziap chungin a thlawk bo ta daih a. Ka han in sik chhin a, ka mumang a lo ni awzawng lo mai a???!!!!! A thu min zirtir Mi thilphalte avangin infiamnaah sum a tam.

SECTION NEWS Chawngduma Section

* Report kan dawng lo.

Zampuimanga Section
* Zampuimanga Section chuan remchang hmasa berah hmalak dan tur relin Section O.B Meeting neih an tum.

Keikawla Section
* Keikawla Section chuan Dt.7.8.2012 zingkar khan Section OB Meeting Pu KT Vanlalchhuana inah an nei a, hmalak dan tur hrang hrang an rel. * Jubilee puala sports a hnaih tawh avangin Section OB te chuan member te Section Champion ni thei ngei turin tun atanga tan laa exercise pawh la thin turin an ngen a ni.

Hranghleia Section
* Hranghleia Section chuan Zirtawp zan khan Section committee neiin hmalak dan tur hrang hrang an rel a, remchang hmasa berah BP check a inhlawhna neih an tum a ni. * Jubilee puala Name Plate thar hman tur pawh an section ta tur siam tir zo tawhin tunah hian semchhuah an tum mek a, section huam chhunga chhungkaw tin te Rs.70/- nen lo inring turin an ngen a ni.

www.muzukfei.com
(Chawngkhum dan, tlang huatloh)

* Kei chu inkhelh tih vel ai chuan kan Team hian kum tluanin vawk talh mai ani ka duh ni! - Pu Biaktea Lekluk * Kuhva man min pek dawn chuan eng Team ah pawh ka khel mai ang. - Tv TKA Hmar * Hmanzan Taksa chetna kan chang tak tak mai kha chu a....buaithlak duh khawp mai..nu tling pahnih zawn ka ngai hial mawle. - Tv Enga (rossi) Chd.Sec
,

India ram venhimna lam thawk tute (Chhunzawmna)

A tul huna hman thei tur Territorial Army Territorial Army hi kum 1949 khan India venhimna thuah hnihna a tan din a ni a, CitizensArmy an ni a,pianphunga tling ngei kum 18 leh 35 inkar lak thin an ni.Hetah hian unit chi hrang hrang an awm ve a, part timein trainning an nei a, a tul bik thilah koh an ni thin.

* Keini ho hi kan enge kan Team hming ve tur? - Pu Nunenga * Ka exer la ve chu ka thau tulh tulh mai, tlangval lai ava ngaihawm em! - Pa Ngaihtea Chd.Sec

Published & Edited By K.Zomuansanga and Printed at V.Tlanglawma Cyber World Champhai : Mizoram

ENTU Venglai Br. YMA

Editor Kamliam...

Chanchinbu

Chawlhnitin

chhuak

lak

man

thlakhatah

Rs 20/-

P-2

Article

VENGLAI FOOTBALL LEAGUE (V.F.L)

- Hruaite-a Pa Chd.Sec

Tunlai khawvel changkanna leh hmasawnna tam takin kan thalai te nunah a tha lam leh tha lo lamah ngawng a neih hmuh tur tam tak a awm a, Internet leh Cable TV ten nasa taka an nun leh khawsak phung a her danglam lai hian thil tam tak a tha zawnga a her chhuahpui pawh hmuh tur a awm tih erawh haider phal chi a ni lo. IT lo thang zel avanga kan thalai tam zawkin IT lama eizawnna ngial nghet an lo neih phah ta te, chung zingah chuan sawi hmaih phal hauh lo chi, kan veng chhung tlangval ngeiin India ram mai pawh ni lo khawvela IT zirna lama tlin harsa ber leh miten an ngaisan rawn IIT Mizoramah ngei Instructor hna an hmu ve hlauh mai te hi an chhungkaw tan mai pawh ni lo veng chhung tan meuh pawh chhuanawm a va ni teh lul em! Chutih laiin zirna lamah chauh ni lo, Cable TV ten entertainment (Zauthauna) kawng lamah chauh emaw kan thalai te nun a suk kan tihlaiin tun hmaa Champhai khua Mizoram hmun danga kan larna thin, hun engemaw chen atanga kan thlauh thlak tak nia ngaih theih Football infiamna lamah ngei mai Foreign Company leh Industry llian ten an Sponsor pawh ngai miah lova, mahni in Johova Jire chawp chunga Venglai Sporting Club hmalakna zarah tun atang ngei mai hian Champhai Football thlarau mu thlu tawh chu kan veng chhung atang ngei mai a chhit alha a lo awm chho tan leh ta leh, chu mei de chuan Champhai veng hrang hranga Football thlarau mu thlu tawh chu engtiang chiahin nge a kaih harh dawn tih pawh suangtuah lawk ngam loh khawpa liana Venglai chhungah atang ngeia Football lama harh tharna mei chher deta a lo awm ta mai hi a va lawm awm teh lul em. Kan thalai tam tak abikin ruih hloa an tlan avanga chhungkaw tam tak kan rumna chu he Footballa kan harh tharna hian engthawlna tukverha min dahtir dawn chiang ngei mai, chu mai a la ni lo he thil hian kan thalai tam tak helama talent nei tha tak tak eizawnna tlak hmu ngei thei turin a chher chhuak ngei ang, chuvang chuan veng chhung mipui te pawhin Footballa harh tharna kan vengin kan neih mek chhawm nung chho zel turin mawhphurhna kan nei ngei ang , chung ang kan mawh phurhna chu Camping leh Crusade kan zawh hlim vanglaia thil phalna thlarauvin min nuai thin ang chiah hian, kan thalai te hmakhua ngai chunga veng chhung nu leh pa leh chhungkaw tinin a theih chen chenah kan mawhphurhna tlan chhiatsan loh ava duhawm teh lul em.

Thin tithawng !! Ka biakhlatna lukham hnuaia ka dah chu ring mangkheng hian a rawn chiau vawr vawr a...engthil nge ni ta?? ti a kan bih chuan Zing dar 4:16 a ni tih ka han hmu zui thuak a. Chu Second rei lo te chhung chuan ngaihtuahna ah thil tam tak a lo lut zut zut mai a. Khual a kan chhungten chhiat an tawk ta nge... Keifang quarry a chim nawn? nge thianpa Sangte an nupui a ru?!!! tiin thil tam tak rilru ah a rawn inlar zut zut a..Mahse chiang zawka ka han bih leh chuan min rawn biak tum tu pa chu tu dang ni lovin thianpa Davida of LL Computer (Champhai computer dawr lun ber neitupa) a lo ni reng a......Lak tuma ka han intintuah lai mekin pa inren tihtakah a Off leh nghal daih a..Mahse rilru in min rawn miss call na chhan chu a hrechhuak nghal tho mai. Thil dang ni lovin Football Club ropui ni tura in din chho mek FC ANGELOS Exercise lak a hun leh ta tih chu rilru in a ngaihtuah chhuak nghal a. Tihdan thin pangngaiin thawhphan nei hlek lovin khum atang chuan inthazo fahranin ka han in perh tho at a.Second reilo te chhungin kekawr bul,BallBoot leh tul dang kan la khawm zung zung a, thianpa Awmte a mutui lai kaitho tur chuan kan inchhung lum chu ka chhuahsan ta a. Infit loh hlau taka thuthlengseia a lo mu kawm ngat chu ka va ching harh a.Thianpa Awmte a zawng naupan lai atang a thil ti tak tak thin mi a ni bawk a, a game plan a hlawhtling turah ngai phawt ang!! Thianpa Sangtea nghah ai chuan nghah a manhla lo deuh..mitkhap kar lo ah a ralthuam famkim nen a rawn inpeih nghal at a.(Ani hi a awmthat duh chuan Super Hero te chi atan ruahman mek a ni). Thiante zawng zawng kan thawhkhalh e... tiin thu in a sawifiah hleihtheih loh khawp a phurin chhangphut field lamah kan ving phei nghal a.Kan va thlen meuh chuan ..tlangval rual a maka maka tam an lo phu suau suau tawh mai!!! Tlangval Mawitea zei tak maiin a sir zawng, a hma zawng,a hnungtawlh zawng ten chulram sakhi an sawi ang maiin a lo tlanin a lo zuang zek zek tawh a..U lawma of Conductor pawh a tih dan pangngaiin field a lo tlan hual leh pap pap tawh mai.Kum upa deuh te, naupang deuh te, naupang vak lo leh upa vaklo thlengin kan kim viau ...Thalai 300 (15 team x 20 Player=300) rual han phu suau suau han hmuh chu a ropui danglam kher mai..Ngaihdan pawm dan a tam tih ang in chutia venglai thalai zawng zawng field lamah kan liam ta emaw kan tihlai chuan Thianpa Lalmatea ( David Lalrammawia) ve thung chuan Exer lak te mai mai chu hnawmhne ah ngaiin tul lova tha senna a ti hmiah. Ka tha leh zung hi Tournament atan ka khek a ti chheu chheu mai thung.. Sum to Sum...Delloite in khawvela club hausa ber thinin,Forbes magazine ten chumi League ah chuan sum a tam ber tiin chhut thin mah se,chhut nachang an hriat loh Venglai Football League (VFL) ah hian tha leh zung mai bakah sum leh pai pawh a leng nasa ngiang mai.A thawm thangva a lo rik atang ringawt pawh hian Venglai mai ni lo Champhai dawr sum che vel a sawi danglam dawrh a, infiamna bungraw zuartu te fakna ri fawn vel ringawt pawh kan hruaitute tana zunthlum vei phah hlauthawn pui tham zet a ni ta. Hetiang hian kan sum chet vel dan in chhut vel mai mai teh ang..Tunah hian Team 15 vel zet in report kan awm tawh a, team pakhatah hian chawhrualin Player 20 ( FC Angelos ah chuan 30 dawn) vel kan awm turah han ngai ila.Inkhelhna tura kan mamawh Jersey, Ballboot,Mawza ah han ngai bawk ila, han hisap chhin teh ang..Chawhrualin Ballboot pakhat man Rs 450, Mawza Rs.60, Jersey Set khat 5000 vel in han chhut chhin ila.Team Pakhat senso hetiang deuh hian a chhut theih ang a. Ballboot 450x20 = Rs.9000 Mawza 60x20 =Rs.1200 Jersey Rs.5000 Total Rs.15200 Team pakhat senso 15teamx15200 = Rs.228000(Cheng nuai hnih singhnih leh sangriat) Tul hmasa atana kan senso khi alan danah chuan Rs.228000 (Cheng nuai hnih singhnih leh sangriat) zat zet khi a ni.Heng bakah hian a behbawm tul hrang hrang a la awm tam hle.. A Hlawhtling angem? Tv. U Lawma of Conductor ten mahni inringtawk tak a zing dar 4:30 ah

Venglai Branch Y.M.A. Thuvawn - Thil tha tih tur hriaa ti silo chu a tan sual a ni

ENTU Venglai Br. YMA

Chanchinbu

Chawlhnitin

chhuak

lak

man

thlakhatah

Rs 20/-

P-3

KUM 2012CHHUNGA SECTION HRANG HRANG OFFICE BEARERS TE Chawngduma Section : Leader : F. Vanlaltluanga Asst. Leader : ST Ropianga Secretary : R. Lalhlunpuia Asst.Secy : Lalchhuanliana Treasurer : C. Lalhmangaiha Fin.Secy : C. Biakchungnunga Zampuimanga Section : Leader : J. Lalchhanhima Asst. Leader : K. Lalmuankima Secretary : K. Zomuansanga Asst.Secy : Albert VL Hruaia Treasurer : H. Lawmsangpuii Fin.Secy : Rohlupuia Keikawla Section : Leader : R. Roluahpuia Asst. Leader : K.T Lalnunzira Secretary : Lalchhuanawma Asst.Secy : F.Lalchhandama Treasurer : K.Z Lalnunsanga Fin.Secy : Lalremruata Fanai Hranghleia Section : Leader : Malsawmtluanga Asst. Leader : J.H Laldinthara Secretary : K. Lalthangmawia Asst.Secy :C.Lallawmzama Treasurer : Lalhmangaihsanga Fin.Secy : Robert Lalliantluanga

chuan khua a var chiang tawh an han ti ringawt pawh hi hlawtlinna chikhat chu a ni tawh hrim hrim.Hausa leh rethei, hmetha leh hmeltha vak lo, inti thlarau mi deuh leh thlarau mi vak lo thleng a he khawvela kan mamawh chu pawisa a ni. Mimal thahnem ngaiin VFL a hlawhtlin theih nan an sumbawm an sawhkeh mek. Hun rei tak awh tur a nih avang hian vengchhung mipui te inphalna VFL hian a mamawh takzet. A lawmman tur Sporting Club in neihsa a nei hran lo ang.Amaherawh chu kan VC te kaltlanga Mipuite inphalna atang erawh chuan kan hmabak hi eng ti takin kan thlir.. Hmabak engnge? Khawvel letliam Brazil nausen leh kan chhak lawk Japan nausen te hian an pian hlimin mizo nausen aiin thiam an ngah bik lo. Rawlthar an nih meuh chuan inthlau thei tak an ni.He vengchhung League kan neih tur hi kan training ground lo ni sela,vengchhunga chet that leh fak hlawh maia lungawi lovin puan ven sawi chhingin i han bei ho tak tak teh ang. Sport hi mizote hian infiamna kan ti a, hun hmasa lam atang tawhin ti tak tak vak loin kan ti deuh mai mai thin.Sport hi a lem tel lova dinchhuah tuma indona hmun a ni.A ti tak tak peih tan kawngpui sialin a awm mek e, a kawng erawh kawng zawh nuam tak a ni lo.A zawh tluan peih tan chuan a t a w p a h h n e h n a , hlawhtlinna,chawlhna, chawimawina a awm e.

AWI KA REI !! VENGLAI FUTBOL LEAGUE !!!

- Volimte@chemkom MAK VE CHU !! Awi karei !! A pian a hnu lama futbol boot a bun thin tih pawh ka hriat lohten zing karah Chhangphut field-ah ball boot bunin ball an khel cher cher nia ! Venglai naupang kum10 atanga pavalai chin zawng hian futbol boot thar nen ball an pet luih luih ta mai. Tun boruakah chuan hetiang kum rual i niha ball boot bun nei lo leh inkhel tura chhangphut field a i kal thin loh chuan mi pangngai hnuai lamah an ngai ngei ang che tih ka hlauhlel lo. Its a Venglai New Fashion ni miau hek. Engvangin maw ? Ele, Venglai Futbol League tun September ni khat ni a khelh tan tur hi an ur lawk maw le !!! Heu mai raw le (h) ??!! ENGNGE NI ?? Hei, tunah pawh mi rilru a zawhna tam tak ka chhan sen loh chu maw, Khawiahnge u Nunenga te, u Mamawia te, u Muana te leh tun kum 4/5 kal taa kan Veng ti hmingthatu kan player seniar te kha ? tih a ni ta !! Engtinnge kan chhan ang a, engtinnge kan tih dawn le ? Imkhawm ka hrit noh. PUAKRUK VS BALLBOOT !? Cowboy ho vanglai pawh khan misual rualin chimawm an rawn chhuah kha chuan rual u phawirang inti pensawn tawh, kawm hnum hlarh khawpa an puakruk lo pai tawh an lo thulkhung vang vang hnu pawh an tu leh fate hamthat nan chuan mittui nena an lo bye bye hnu pawh ni se an phawrhchhuak leh fo lo vem ni ? Kei chuan ka ball boot khai ro rep tawh hi hetiang ang reng renga kan tu leh fa, thalai rualten ruih theih thil thlahthlam nana futbol pet an in tih hmuha, an thil chin tha lote sim phah nana an hman dawn phawt chuan ka va chiah hnawng leh rua em ! ka ti a ni. Heu heu mai dawn a! Ramvachal zopa , vanglai hmang zo tawh pawhin laifei chulin buannel ram dai a la thlir vawng vawng a, kei vanglai pawh la pel mang lo hian in ti seniar ringawt lo vin a field-ah ka luhchilh dawn a ni. Tun min sel lo u ! Ka right a ni a, kan ti ve teng. Nangni pawn chu right chu in nei a in duh leh in hmang thei ang, jail bang zut phahna chi a ni lo ve. PA NUAMSA KHAWNGE ?? Sum phei nei ila, hetiang taka futbol khelh chak ho hi an buk tawk theuh pek ka chak teh mai a nia, mahse nei lo na fam chuan a neinungte rawn thehchhuah hun kan sakuh ser nghah leh triap triap phawt mai dawn a ni. Hu ha ! Ka mobile phonea ka numbar in US dollar leh pound hnaptlanuaih tam tak a man zo zaite kha aw !!! Ka A/C ah lut thei ta mai se !!! Ka lawm lutuk ka thi daih ang ka ring, tumah ka tanpui thei lovang. Chuvangin khatiang zozai ni si lo, a tlukpui sum tam tak nei, nungdama awm, Sanghawngsei benga hriau luh ti awl thei tur khawpa sum nei im em te ka rilru mitthlaah an lang thin, tiang atan hian han thehchhuak rup rup mai se la, kan thalai ho chu an nung ngawt ang le ! Computer leh mobile phone, internet leh face book stress hre map lovin, taksa tana tha tawk lek si in an inkhel anga, an thlanah taksa tana tha lo tuichhia an paih chhuak anga, Mathusela te chu an NAU en vang vang tawh mai dawn a nih si hi ! Kawmkara se pa te dan chep hawi a hei ang mai in kan hawi paw veu mai dawn a nia(h) !!! (Phek 4-naah chhunzawm)

Pawan Hans Choper lo thleng

Nimin dar 11 vel khan Mizoram Service tur Pawan Hans Helicopter chu Lengpui Airport-ah a lo tum. Nimin vek khan Kolasib lamah Trial Landing a zuk nei a, Kolasib atang hian lo kir lehin, vawiinah Chawngte, Champhai leh hmun dangah Trial Landing a neih chhunzawm leh nghal ang a, a service na tur Helipad zawng zawng a tlawh kim hmasa vek phawt dawn a ni.Hetihlai hian, 14th August-a Inaugural Flt. neihna hmun tur Thuampui Helipad chu Army lam atangin hman phalna a la awm lo a nih hmel a. Chuvangin, Inaugural Flt. hi Lengpui Airport lama hman zawk a ngai maithei a, inbiakna erawh a la kal mek zel a ni.

Tanpui ngaite tanpuitu Y.M.A