Since 2006

ZAM Information Department

Volume 7, Issue 11 August 19, 2012

Estd. 2006

informing people, transforming lives

Sanggamte aw, no na hih uh leh, thasial lo-in, na hoih sep ding na hanciam un. Thessalonica Nihna 3: 13 ZAM 2012-2013 PANMUN THAK KITEELNA NUAMTAK KIZO
Zomi Association of Malaysia (ZAM) ah 2012-2013 ZAM kumsung panmun tawh hunbit palai semding kiteelna pen August 7, 2012 ni-in, ZAM zumnuai-ah picing takin ki bawlkhawm thei hi. Mipi tampen kiteelna ki cithei hi. A tangzai pen leh lawhcing pen kiteelna ZAM tangthu leh Zomi tangthu mahmah ah zong a lamdang deuhin kiteelna thupi mahmah khat hong suak hi. Banghang hiam cihleh, aki tangkosa ommah bangin Khua Kipawlna khatta pan makai (2) ta leh Biakna pawlpi pan upa/sia (1) ta, ZAM 2011-2012 Thudotpite, ZAM 20122013 aa ding teel theihding min kipuak khempeuh in mee (vote) piakna tawh aki kipsak kiteelna ahihi. Malaysia ah pen, Khua Kipawlna khatah a tawmpen khuapih (40) pan a tampen (300) ciangciang bang ki omtek hi. Tuate ii makaite (2) ta a kisam ahihi. Hih Khua Kipawlna makaite tawh sepkhopna mah zom toto ding ngimna kawmin Khua Kipawlna khempeuh pan makai (2) ta a kisam ciatciat ahihi. Tuasung panin Khua kibanglo atuamtuam pan makai/tangmi bekbek Khua (40) dektak pan makai (70) bang hong kihel thei uhhi. Biakna pawlpi (10) val pan Sia/upa te, ZAM Thudotpite leh a kiteel thakding kihel khempeuh ii mee piakna tungtawn aa panmunte aki khentat ahihi. Ih zumpan aki vaihawm KFC aksa leh buh kham takin umkhopna zong ki neithei hi. Banghang kiteel hun a ni kikhin ngei ZAM kiteelna hun pen nihvei bang kikhinto hi. Thusia, thu poimawh om hi hetlo-in Zomi maban ngim leh tupna pawlkhat hang tawh kiteel ding kikhinto ahihi. Ahun khat hong tun ciang kician takin ki tangko theipan ding hi. Kiteelzia Kumsim ih zatsa dan mahin Election Committee in hunsung khempeuh makaih in, khentat ding, tangko ding khempeuh amau ii khutsung ah om hi. Mi (5) apha Election Committee ahi Rev. Dr. Zam Khan Thang (Convener), Pa Dai Za Kam, Rev. Thawng Ngaih Khup, Rev. Pau Cin Thang, Sia Kham Ngaih Langh te-in mee piaktheih hamphatna neilo uhhi. Amau-in vai khempeuh makaih hi. Mipi ii piak mee tam ngahpen (10) kiteel Aki teel theiding vekpi mi (17) lakpan EC ding (10) mipi-in mee kipia aa, mee khia thei khempeuh (92) pha hi. Mee tam ngahpen mi (10) a kiteel ahihi. Numei ih teel theihding min a puak omlo ahih manin palai semsemsa Sianu En Cing pen, kiteelna sungah hel nawnlo-in EC khatin a thakin hong hanciam laiding ki kipsak sa ahihi.

ZAM Makai Ding Teelna Ngahthakte

Mipi ii mee tawh EC panmun a ngah mi (11) tengin Election Committee makaihna mah tawh mee piakna system mah zangin amau (11) sung, amau teng mah OB ding mi (8) hong kiteel leuleu uhhi. Mee tang phazah mah tawh ki khentat leuleu hiin, anuai aa bangin ZAM 20122013 Executive Committee ding panmun ngah uhhi; Lutangpi (President) : Tg. Kham @ Khampi Lutangpi Huh 1 (V. President 1) : Nang Khan Pau @ Paupi Lutangpi Huh 2 (V. President 2) : David Mungno Thuvanpi (Secretary) : Francis Khampi Thuvanpi Huh 1 (Assist. Secretary 1) : Kam Sang Thuvanpi Huh 2 (Assist. Secretary 2) : Hau Suan Khai Sumkem (Treasurer) : Kap Lian Thang Sum vai encian (Accountant) : Joseph Mangsen Rin En Cing Tuan Sawm Tuang @ Tuangpu Lang Khan Mung @ Thaa Mung

Zomi In Zomi Kipawlna Tha Pia Hi

Malaysia Zomi Kipawlna (Zomi Association of Malaysia) in, Kipawlna leh nasep kipat khiat June 7, 2006 panin tuni ciang maban zomthei banah lawhcinna, sepzawhna tampi om semsem ahih manin Zomi avei akuama peuh angtang dingin ih ngaihsun pah hi. Tuni ciang, laihawm kibawl, lai kigelh cih hilo-in na kisem cih ahihi. Kipawlna khat makai panmun thak kiteelna omding cihin en leng, banghang panmun thak kiteel cihin thu tampi ki muthei hi. Panmun nei aluite lemlohna hang tawh panmun thak kiteel maw, kumcin kiteelna maw, Kipawlna lawhcing lo lua dinmun pan ki thaksuak sak aa panmun thak kiteelna maw, cihbangin kipawlna khatin panmun kiteelna thak vaihawm thei hi. Zomi Kipawlna ZAM in kumsimin ih neih Kiteelna pen, tukum ah zong vaihawm zawhna ding ciang semkhawm khin, bawlkhawm khin ihih man aa, kumte cingin a kum kik aa ding nasep maban tampi tawh panmun kiteel thak zawhna dinmun ciang a koihzo ihih manin Zomi Kipawlna thapia akuama peuh ii hanciamna ahihi. Nisim hunbit nasepna masuan ZAM bek om hi Leitung mun tuamtuam ah, Zomi minam leh mipi khualna tawh mapina ala Zomi kipawlna pen ki tam mawhlo-in, tha ngah huai zong tampi ki om hi. Malaysia ah, Zomi kitam mahmahna leh galtai dinmun ii hong tuahkhaksak panpihna ih kisap zia tampite hang tawh zong ih Kipawlna ZAM in kumsim in ih sepding tamden in, atung ding kum ah sepding teng maban limci om phitphet dinmun tunzawhna ding pen Kipawlna-in atua

ZAM THUPUAK
ma hun beisa sungah hanciam takin a sepnate tung a vekpi phialin ki nga hi. Sepding tam cih ciang, nisim mahin vaihawm ding ih Department kim ah omden cih thu hi. Leitung mun tuamtuam aa Zomi kipawlna tuamtuam sungpan, department tuamtuam ah daily operation (nisim hunbit nasep ma panna) tawh kum (6) val anei zom toto zo ZAM lo ngal adang om khollo ding hi. Hih in Zomi avei akuama peuh ii lungsim kipaak, angtang sak hi. Nang kihel kei lecin kua kihel mawk ding hiam? Kipawlna ii thanemna bek na muh leh, tuni aa kipan na muhzia na ki dongpha in. Hih Kipawlna namdangte aa hiam? Nang aa hi! Muanhuai pen dinmun atun semsemna ding thapiak taak Kipawlna ahih lam kum (6) val lakzo khin hi. Zomi akici khempeuhin thapiak leh a phungvuh ding Kipawlna hi. Tg. Kham

August 19, 2012

EST pan aa nasep lut limlimin, nang ginatlohna hang

hilo aa sumngahlo na buaina a om leh EST ah hong zasak un, ci hi. Tuamah bangin, EST lo mundang pan agent tawh lutten sum ngahlohna buaina a om leh EST hong ko kei-un, ci uhhi. RSC makaipinu pulak galtai khat ii vai paizia tangpi Galtai khat ii vai paizia tangpi pen hibang ahihi; UNHCR registration (galtai ciaptehna); RST; RSC; RSC khitteh kha (3) pan (5) kikal ziakai thei; DHS; IOM; CO Class; IOM. RSC phi khit zawh a tangpi in kha 8-12 hun lathei hi. US gam paiding peuhmah na piak meltheihte omna-ah na tuntheihna dingin a masa-in vaihawm sakna kinei-in, ahih theih kei aa leh tua mun tawh kinai penpen ah hong kipuak. Na piak meltheihte kiang ah nang aa ding mun a kicing mah hiam, ki en masa-in a kicin leh tuamun hong kipuak hi. Tualo adang teng pen, nasep tamna State ah resettlement agency tawh semkhawm in ahoih penna munah hong kipuak ding. Na tunzawh ciangin nopsaklohna, omna laihnopna na neih leh zong a tawmpen kha (6) sung hong kipuak masakna munah omphot in. Tua hikei leh, na ngahding hamphatna, huhna tuamtuamte ngahlo ding hi teh. RSC thudotna na lutding ciangin nang ii nunglam thu, na taiina thu, maan, form aa kipan, kisam asak bangun hong kidong ding aa, tuateng khempeuh DHS ah ki-ap hi. Innkuan lutpih dingte pen kum 2009-2010 sung aa te tulaitak a buaipih san laitak uhhi. 2011-2012 aa galtaiin Malaysia a tungpante-in ngakphot ding, ci hi. Pawlkhatte-in RSC pan innkuan lutpih ding a ki ngah sasa lai uhhi. Innkuan lutpih vai pen UNHCR-Registration te sep hiin, tua pan a puaktoh bangbang RSC ten a sem hizaw hi. Tua hi-in, hong kisap theihna dingin Kipawlna tungtawnin UNHCRRegistration ah zaksak hamtang ding kisam hi. Fraud ci aa a ciapteh khat uh maban Fraud acih uh ciang, na gen thu hong ki sangzolo, sanzawh ding aa omlo cihnopna hi. Bang thu teng ah hici theihiam cih leh, min, kum, innkuan unau thu, sum le pai tawh lei, sum le pai tawh metna bawl, na tangthu ding bawlsak tawm, cihbang dante aa kipan, tuadan thute hong kidot ciang a maanloh lam leh a paizia na zuihloh man thei gige, na gen noploh teh mawhpaihna (penalty) hong kipia thei hi. Hihdan atuak khate kum (3) pan a tungsiah a vai ki koihphot thei hi.

EST Vai UNHCR Pan Pulakna Leh RSC Vai

August 17, 2012 ni-in UNHCR-CDU makaihna tawh khasim kikupna khat vaihawm uh aa, ZAM pan Sia Hau Khai leh Thaa Mung va kihel thei hi. Theihhuai thu tampi hong hawmkik uhhi. Employment Service Team (EST) pan pulakna UNHCR-EST panin galtai-gambelte aa ding Kipawlnate ngetna tungtawn in nasep ki zonsak den hi. EST in nasep a zonsak ciangin, a masa-in tua company tangthu kan photin kumpi tawh kisiatna ommaw, omlo, ahih kei leh tua company in nasem kha sum hoihtak piamaw, pialo; tuakhit ciang hoih in teh cihleh khasum bangzah ding, omna piading maw, pialo ding; Kha khat ni bangzah tawlngal thei; Ni khat nasep hun nai bangzah; Damlohna khat om leh zatui, zaha sikmaw, siklo cihte ki enin, company pan a kisam ding laiteng la-in EST tawh thukimna kinei masa den hi. Nasem ding peuhmah UNHCR zumah kisamin athu leh avai teng kicing takin kigen, tuapan athu kim uh leh nasep kipuak theipan hi. Nasep puakziau bektawh khawllo-in, nasepna mun ah kha khat (1) vei cihbang buaina, lemlohna om hiam cih enzel uhhi. Hih nasep zonsakna aa semte-in lungkimlohna a om leh nasep khawlsan ziaulo-ni EST ki genkik theiden hi. EST pan aa nasep lutte khasum a tawmpen RM900 tawh kipanin, a citak, a semzote-in kha khatin RM1500 ciang ngahthei, ci uhhi. A citakte mah a tawpna-ah hampha zaw hi. Tulian nasep mun pen company te leh hyper market te kipuak den hi. A sawtlo-in, ansai leh hotel te ah zong kipuak ding hi, ci uhhi. UN card tawh nasemte-in innmai, saimai lamah septheihna om khollo zaw, cih thu zong genkhia uh hi. Hamsatna, buaina Nasep tawh kisai-in Kipawlna-ah mihau (boss) te direct aa hong kisawl lohna pen Kipawlna pawlkhatin sum ngen uh ahih man hi. Tuadan aa nasepna ding sum hong ngen Kipawlna a om leh zong boss te-in EST hong zasak uh, ci hi. Mi pawlkhat pau lah theilo, kivakna lah neilo-in gammite ngahzah a ngahnuam pah pawlkhat omthei hi. Nasepna mun zong teelin nasep nuam hiding, nasep huntawm ding, aircon sung hiding, ut hunhun aa off theiding, khasum tamding cih dan, lunggulh mawk uh ahih manin hamsatna tam hi. A taktak in, laibu tawh semte sang sum tam ngahzaw hi uh teh, ci hi. Pawlkhat leuleu, na zong sem nailo-in sum thohkhol nuampah cihbang; A tamzaw khamtung gampan a paite-in zu dawnin, a khamkhit teh kitawngin kimanin thong tung zong om, ci uhhi. Boss te-in, Kawlgam pan aa galtai-gambelte zu dawn vive mah ahi uhhiam, ci-in hong dongden uh, ci hi. Nasep zong mun khatah sauveipi sem nuamlo-in a khawlding uh teh thu hong zasaklo-in avan uh tawh taisimin, tua banah van pawlkhat zong la thei lai-in, boss te-in sum hong pia kei cithei lai uh, ci uhhi. Pawlkhatte-in sum 400 bang lakholin khasum sanding ciang tua a sumlak uh pen a mawkna aa ngahdan sa-in kha sum abup aa ngahding utlai uhhi, ci hi.

UNHCR-EST Pan Nasep Nilai acihna mun ah numei

(30) leh pasal (20) kideih; Ansai ah pau tawmtawm thei mi 3050 kideih; Hyper market ah numei (20) leh pasal (20) kideih; Khasum RM932; Omna pia, an pialo; OT tawh a citak ten RM1500 ciang ngahthei. Factory ah zong kideih; Omna pia, an pia, OT omden. Kizoptheihna: Sia Hau Khai (012 367 4665) HONG HUH UN Pa Thuam Ko Hau (Lawibual/ Tedim) leh Nu Huai Ko Vung te tapa Thang Khan Pum (Kum 39) pen Malaysia atun zawh kum 17 phakhin in, a nunung pen innlam a hopih 2011 March kha hi. Athei kha a om leh hehpihna tawh hong zasak un: Pau Khek (012 643 5574, 017 354 1552) Nasep ZAM card tawh nasep- Numei waitress (1); Mangpau tawm leh Malay pau thei; Kha sum RM900. Kuang silding pasal (1); Khasum RM850. Contact: Thaa Mung (016 646 5375) ZAM EC Kikupna ZAM 2012-2013 aa ding a masa pen EC kikupna August 9, 2012 ni-in kinei thei hi. Hun sungah, ZAM panmun ki-apnate zong nuamtakin ki neikhawm thei hi. ZAM Mah Dongpah In ZAM vaihawmna leh nasep ziate na telloh khatpeuh na zak simin ZAM palaite dongpah zaw in! Ngak UN register vai Kipawlna kuama aa omkiknailo phot hi. PAHTAWINA ZEC-Talalla ah kum 2 bang naupang pattahna a sepkhit teh August 6, 2012 ni-in USA gam azuan thei Sianu Khup Suan Vung pahtawina leh lungdampihna ih pulak hi. ZEC Theihsakkikna A beisa kaal THUPUAK kibawl manlo hi.