Estd

1.2.1998

An Official Organ of YMA : Nursery Veng Branch

KUMPUAN : Ram leh Hnam humhalh THUVAWN: YMA chu anpui ngaite anpuitu a ni
VOL - XV I SSUE N O 33

nurseryaw@gmail.com

MOTTO: Hunawl Hmanhat Zofate hmasawnna ngaihtuah Kristian nundan ha ngaihsan

N URSERY AW : K ARTIN C HHUAK

PATHIANNI 26.08.2012

Editor: Lalsawmliana Renthlei (9436150110) Joint Editors: B Lalmalsawma (8974773066) Lalsangmawia Colney (9436350683) Laltlanthianghlima (9856569628) Romalsawma (8575180980)

KUANG DUAN HNATLANG NEIH A NI

Ni 20.8.2012 (Thawhanni) nileng khan NYMA Executive Committee Member leh mi tlawmngaiten hnatlangin kuang 9 lai an duang. Ni 12.8.2012 (Pathianni) zana chhiat tawk 2 kan neih khan kuang kan neihsa 1 hman zawh bakah 1 dang chu a zan zanin siam chawp a ngai a, tlaivarpui ngai anni hlauh va kan mualpho lo hram a ni. Hetiang hi kan dinhmun anih avangin O/B hukhawm chuan ni 20/8/12 (sawrkar office chawlh) hian kuang duan hnatlang neih mai nise anti a. Executive Committee Member-te bakah hmangchang hre deuh tlawmngai tur leh hman remchang tlawmngai thei apiang hnatlang tur hian sawm mai nise tih angin hnatlang hi hlawhtling taka neih ani ta a ni. Kuang tur thingphel hi kuang 4 daih chauh kan neih avangin lei belh tur zawn nise tih a ni a. Tichuan Maubawk Branch YMA-in an neihsa atangin 21 lai min lo pe phal hlauh mai a, a lawmawm hle a ni. Kuang duan ni hian thawkchhuak apiangten mamawh tur hmanrua neih ang ang an rawn thawhchhuahpui hlawm a, a bikin Pu Auvan thingnawhna khawl a rawn thawhchhuahpui chuan min zangkhaiin kuthnu a ti mam hle a ni. A zai ngai chin lah Pu Hmingthanmawian ka hnatlang ve ani mai alawm tiin man lovin min zai sak vek bawk, ava han lawmawm tak em.. Hnatlang thawkchhuak hi 16 kan ni a, min rawn tlawh zawk zawktu mi 4 vel an awm bawk. Thingphel lei nan hian Rs. 8,400/- hman ani a, perek leh hmanraw dang lei nan leh chhun thingpui man atan Rs. 920/- sen ral ani bawk. Kuang 9 duan sa kan neih tak bakah hian engemaw mamawh atan kuang 2 daih vel chu duan lohvin la dahthat a ni bawk. Hnatlanga thawkchhuak te leh an hmanraw neihte ui lova rawn thawhchhuahpuitu zawng zawng te, man lova zai ngai min zai saktu leh thingphel tlawm taka min phurhsaktu zawng zawngte chungah Nursery Veng Branch YMA chuan lawmthu a sawi tak meuh meuh a ni. Hnatlanga thawkchhuak te : 1. Pu Zokunga 2. Pu C. Lalchhanhima 3. Pu R.C. Vanlalsawma 4. Pu Lalchhuanawma 5. Pu Lalbiakliana 6. Dr. Vanlalauva 7. Pu C. Lalzarmawia 8. Pu F. Vanlalliana 9. Pu H. Zothanpuia 10. Tv. Lalsangmawia Colney 11. Pu K. Lalremmawia 12. Pu H. Lalchungnunga 13. Tv. Vanlalvena 14. Pu S. Hrangzuala
(chhunzawmna... phek 1-na veilam.)

LALPA chuan mi felte kawng chu

a hre si thin: Mi suaksualte kawng erawh chu a boral ang.
Sam 1:6
Library: 24th August 2012 zan khan Library Sub-Committee member ten hnatlang neih leh a ni a, kan Branch President leh Library Chairman nibawk, Pu R. Lalhmangaiha leh Nl. Lalzahawmi Chenkual te Art & Culture Director hnenah va lengin lehkhabu 170 lai kan dawng leh a, lehkhabu min petu Art & Culture chungah lawmthu kan sawi tak meuh meuh a ni. Consumer Union: Veng chhungah Gas Connection la nei lo, connection thar ti duh kan awm a nih chuan Consumer Hruaitute hnenah inhriattir theih reng a ni e. - H. Zothanpuia Secretary (Chhunzawmna..) 15. Tv. Lalrimawia (Pu Ri-a) 16. Tv. Romalsawma Rawn tlawh zawk tute : 1. Pu R. Zonunthara 2. Pu C. Lalbiakmawia 3. Pu Zirthanmawia 4. Pu Vanlalenga Pu R. Lalhmangaiha President chu Kohhran hnatlang lama mawhphurhna a neih avangin a tel thei lova, Pu Roneihthanga, Vice President pawh CYMA Camping lamah Secretary nia a riah chilh avangin a lang thei lo bawk a ni.

www.nurseryveng.x10.mx

26.08.2012

Nursery Aw : Thlazing

Phk 2-na

NURSERY VENG BRANCH YMA OFFICE BEARERS 2012

President Vice President Secretary Asst. Secretary Treasurer Fin. Secretary : Pu R Lalhmangaiha : Pu Roneihthanga : Pu Zokunga : Pu C. Lalchhanhima : Pu Lalchhuanawma : Pu RC Vanlalsawma

CONSUMERS LEH GAS DISTRIBUTOR AGENTS INKAR R. Zonunthara Tunlaiin kan vengah Domestic Gas Consumers leh Distributor Agents te inkarah sawi neuh neuh, tlangthu thang a tam hle a. Hemi avang pawh hian a ni ang, kan khawtlang hruaitu zahawm tak tak te, a bikin Local Council hotute leh Consumer Union Branch hruaitute pawhin zawhna hrang hrang an dawn hnem mawlh mawlh hle a ni. Hei hian a entir chu, mitin mamawh, Domestic gas, a tel lova kan khawsak hleih theih siloh, ram pumah kan hnianghnar lohzia a tilang chiang hle awm e. Hemi chungchangah hian, Tumah demtur emaw sawisel bik tur emaw an awm lova, ram chhung khua leh tui dik tak ten Domestic Gas hnianghnar zawka kan hmuh theihna anih beiseiin, Petroleum Ministry, Govt. of India chuan fir deuh zawkin policy thar a rawn duan chhuah tak avang mai a ni. Ram khua leh tui dik takte tan zel hmakhaw ngaia thil tih a ni zawk. He policy thar Know Your Customer (KYC) an tih chungchangah Dt. 22.8.2012-ah khan, Nursery Veng Consumers Union Branch hruaitu te leh M&B Gas Distributor Agent hruaitute inhmkhawmin ngun takin an sawi ho va. Gas Consumer Card hi mi tam tak chuan, sum tam tak senga lei te an nei a. Tin, chhungkawpa ber hminga Consumer Card la nei si, ahming neitu boral tawh si te leh thil tam tak sawiho a ni. Petroleum Ministry leh Oil Company lam ten, kalphung thar eng pawh rawn duang mah se, tunhma lama Gas Agent ten fel leh ha taka Consumer Card an lo pek chhuah tawh ang ang hi chuan harsatna engmah siamloh nise tih hi Nursery Veng ConsumersUnion Branch dinna a nih thu chiang taka hrilh a ni. M&B Gas Distributor Agent te pawhin hei hi hrethiamin hmalak chhoh mek zel a ni a. Tunah hian, tih fel theih nghal ang chi zawng zawng chu tang taka tih fel nghal zung zung a, hemi zawhah hian, siam hat ngai ang chi chu siamha a tihfel chhoh nghal zel nise tiin fel taka thu tih thluk a ni ta a ni.

Editorial
Mahni ei chak zawng leh duhzawng apiang ei in thei nih hi tunlai khawvelah chuan mi vannei an ni a; mi hausa tia kan han sawi mai te ai pawha hausakna a taka chen tute an ni ti ila kan sawi sual awm love. Allergy ni si lova duh duh ei theihloh natna hi vanduai vang liau liau te awm bawk hin mahse a tam zawk hi chu a hunlaia kan inthlahdah leh fimkhur loh vang a ni fo. Chuvangin kan ei leh inahte fimkhur a hun ta khawp mai. Mizote hian kan ei duhzawng hi taksa tana ha aia hatlohna siam theitu zawk ang hi kan nei nual awm e. Bekang te pawh hi chakna tam tak a ni a, mahse a um awih kher kan han duh a. Vawksa thau pawh tih tawh nak alaiin a Um awih kher kan han duh leh bawk a. Ei laklawh chuan a lo tui em em mai bawk si a. Chutiang zelin sawitur a awm nual ang! Tin, damdawi chi hrang hrang multi-vitamin leh nachhawkna, antibiotic chak pui pui, a dose mumal awm si lovin kan ei awk awk a. Zir mite chuan heng avangte hian kala lungte awm te hi a tam phah a ni anti. A dikna chen pawh a awm ngei ang. Damdawi chak deuh deuh ei vak vak hrim hrim hian nakin zelah kan dose a ti sang zual zel thei bawk. Chuvangin, rikrum thil tak tak a nih loh chuan Daktawr te min chawh chauh emaw, investigation mumal tak kan ti phawt te a nih loh chuan Damdawi hi i ei nghal zung zung lo teh ang u! Hun lokal zel tur dawnin, nakinah damdawi chak zawk kan ei hial te a ngaih phah loh nan fimkhur ve deuh hi a ha khawp mai.

Hemi a nih avang hian, Nursery Veng chhunga Consumer zawng zawngte chuan, an Gas Card tihfel theih ang zawng zawngte chu Gas Distributor Agent, M&B-ah report a tihfel zung zung tur a ni. Tihfel mai theihloh nei chi te pawhin, Nursery Veng A tawp ber atan chuan kea kal hi ConsumersUnion Branch ziaktute hnenah an tihfel i uar deuh deuh ang u. ul thil bik tih theihloh chhan chiang taka hrilhin report tur a ni bawk. lohah hi chuan taimak chhuahin kan taksa tan a hat mai bakah sum khawlna Kan zavaia anrualna ah chauh harsatna engpawh ha tak a nih avangin kein i han kal suau suau teh ang u. Nakin hnua taksa tana lo thleng se kan hneh thei zel ang tih hi Nursery Veng ha tia peih leh peih lova a hranpaa exer Consumers Union Branch innghahna a ni e. Democracy lak ngai lovin a tlachawp zel hian a tih ramah chuan, engkim hi mipuite kuta awm a ni si a. ve theih ngei ang. Tuia hml ngai ngai a lang angin Mihring thinlung chu mihringah a lang.

26.08.2012

Nursery Aw : Thlazing

Phk 3-na

SECTION REPORT
Y Section
Pu B. Lalzamliana leh a nupui Pi Kawltei te chu damlohna avangin New Life Hospital enkawlmek an ni a, an dam leh thuai an duhsak hle.

YMA LIBRARY REPORT 24th August, 2012 zan khan Library committee member member-ten lehkhabu an dawn thar tam takte ziahfel leh remfel hnatlang neih leh a ni a , member an member-te thawkchhuak hain an phur tlang hle. hain Library member hi engtik lai pawhin Rs 10 pein a nih theih reng a, Library hi Inrinni apiangin dar 1PM 4 PM thleng hawn ziah hin a ni. hin

NURSERY VENG LOCAL COUNCIL HRIATTIRNA

Nursery Veng Chhung Inenkawlna Dan
1. Nursery Veng chhungah Zu leh Ruihtheih thil reng reng lak luh leh zawrh khat tlat a nia, la lut leh zuar hriat annih chuan an chungah action lak an ni ang. 2. PWD thu dinglai anih angin kawngpui dungah insakna bungrua leh thil dang engpawh kawngdal a dah khap tlat a nia, thu awilo a dah kan lo awm anih chuan Local Council in hriattirna a chhuah hnuah tul a tih ang in hma a lak naah sawi sel theih a ni lovang. 3. Kawngpui (Metal Road) ah Iron Road chhut ngil phal a nilova, kawngchhuat mam Road)-ah ngil tichhe thei zawng a hriamhrei leh thil dang reng reng hman phal a ni lo. 4. Ran vulh reng reng khawlaiah chhuah phal a nilova, khawlai a chhuak te chu man an nih chuan Ar Rs 200/ leh Ui Rs 500/- chawi tir a ni ang. 200/5. Kan veng mualpho theihna tur zawnga hmala leh khawsa lo turin mitin kan in ngen g a, pawisa lo a khawsa lui kan awm a nih chuan Local Council in an chung chang a ngaihtuah thin ang. 6. Kan veng chhungah sawrkar thil leh bungrua reng rengte hi kan ta vek a ni a, uluk tak a enkawl a veng him tlat turin mitin te kan in ngen in kan in hriattir a ni. 7. Mahni in leh avel fai tak a vawng turin kan inngen in kan inhriattir a, kan bawlhhlawh te dah khawla, bawlhhlawh Motor a paih zel tur a ni. 8. Nursery veng Local council Jurisdiction chhungah mipui ti thinthawng leh ti Jurisdiction thlabar thei zawng a che lo turin mitin te kan in hriattir a, hetiang zawnga chet chingte chu an chung thu ngaihtuah thin a ni ang. 9. Ruihhtheih thil tih avanga chhungkua leh pawn lama buaina siam khap tlat a ni. 10. Kan veng chhung Turning point khawi hmunah pawh motor engang chi pawh dahphal loh a ni a khap tlat a ni. 11. Nursery veng chhunga step ti chhe zawnga thil tih reng reng khap tlat a ni. Tin, metal road-ah inchung tui leh insukna thli paih phal a nilo. Tin, kawngpuiah motor ah sil leh insuk phal a ni lo a khap tlat a ni. 12. AMC thuding lai angin mi tupawh inthat tur extend leh inbul siam danglam tur reng reng chuan Local council ah hriattir hmasak zel tur a ni. Hriattir hmasa lova council-ah lo khawih dang lam a nih a, vangtlang tana hnawk a nih a, tih danglam (thiahtir) an vangtlang nih pawhin Local council in mawh a phur lovang. council-in
miin mahni ropuina an zawng hi ropuina a ni lo ve

26.08.2012

Nursery Aw : Thlazing

Phk 4-na

CHHANCHHUAHNA CAMPING : BERAWTLANG

- Roneihthanga, CEC Camp Secretary 13th - 25th Aug. 2012 chhung hian central YMA buatsaih ruihhlo ngaite pualin buatsaih a ni a, 13th Aug. (Monday) ni chaw ei kham atangin Gate hawn tan a ni. A tan ni hian branch pali Zemabawk Branch YMA, Zemabawk N Branch YMA, Thuampui Branch YMA te leh Falkland YMA ten theihtawp chhuahin zingkar atangin Berawtlang Art & Culture building hmunah thawk chhuakin tih tur hrang hrang te an lo buaipui lawk vek tawh a ni. Zing dar 10 atangin Campers te an lo lut khawm tan a, Ruihhlo ngaite tih takah kan chhang chhe tlang hle a ni. Puak luh ngai leh zawn luh ngai engemawzat an lo lut khawm nawk bawk a, a nuihzathlak zawnga lak phei chuan a nuihzathlak in a hlim awm phian mai. 15th Aug. 2012 (Wenesday) ni tlai dar 3 : 00 ah vanduai thlak takin Pu Thangchhuma s/o Cheulenga Tuirial Airfield chuan a taksa chak lohna avangin GreenWood Hospital panpui a nih hnu ah min boralsan hlauh mai a pawi kan tiin Camp chhunga awmte kan hrilh hai hle maia, a kalsan tak chhungte kan tuarpui takzet a ni. A kuang hi Central YMA in buatsaih sakin, a ruang hi Camping Center ah lakluh leh phawt a ni a, thlahna Inkhawm a pual hian buatsaih a ni. Art & Culture Minister Pu PC Zoramsangliana pawh a thlahna Inkhawmah lo telin Speaker in thlamuanna thuchah a sawi a, Pu PB Lalmalsawma Zemabawk bialtu Pastor leh Upa te an lo tel bawk a ni. Thlahna Inkhawm buatsaih a nih zawhah an veng panpui a ni a, Central YMA a OB te leh CEC awm ten an zui thla a, a hmunah Pu RL Rindika, Asst. Secretary CYMA in an in lamah thusawina hun a nei bawk a ni. He mi zan vek hian zanlaiah Campers ruihhlo in atih buai te taksa lamah harsatna an neih avangin damdawiin panpui an ni a, mi paruk (6) lai Civil Hospital leh Greenwood Hospital ah hruai an ni. Admit ngaite pawh damna tisa leh Thlarau-ah pianthar duhin damdawiin lut duh loin Camping Centre an rawn pan leh a, a va Ropui em !!! Campers thenkhat Court Case avanga an Court ni turte thu neitu te hnenah dilpuiin an Court ni turte min sawn sak avangin kan lawm hle a, chhangchhe takin hun kan hmang chho ve zel thei a, Krista inpuanna a va ropui tehlul em!! He Camp na-ah hian sawi hmaih hauh loh tur Zemabawk nula Malsawmtluangi Nurse Duty lai leh Laltlanmawii te thian ho leh an tlangval rual tlawmngai ten Drus avanga panchhia Dressing ngaite lung ten hauh lova an lo tuam sak thinte leh zan khaw tairek thleng thlenga mut mu pawh tuah hman lova an tana Camping chhung zawnga an lo riak lut thei te kha eng dang vang a nilo, hmangaih taka an panchhia te an lo tuam sak zo zai te kha Krista vang tih loh rual a ni lo, Kan va lawm tak em. Campers lokal Registration A tawp thlenga awm Hmeichhia Mipa Total A tawp thleng zo lo Branch hrang hrang atang rawn lut zat Kohhran : 1) 7th Day Adventist 2) Baptis 3) EFCI 4) IKK 5) Prebyterian 6) Roman Catholic 7) Salvation Army 8) UPC 9) Kohhran neilo :2 : 10 :1 :1 : 132 :4 : 14 : 15 :2 : : : : : : 292 181 14 167 181 111

51

Camper a tawp thlenga awm 181 laiin Krista chhanchhuahna an chang vek a, a va ropui em Lalpa chu fakin awm rawh se. 25th Aug. 2012 (Saturday) tukthuan chu vawk talhin CEC Member te leh Camp puipa te leh kan OB te bakah a chhimtu thenkhat te nen puar takin kan ei ho a ni. Chaw ei kham dar 10-ah a kharna hun hlimawm tak hman a nih hnuin Camping Centre chu kan chhuahsan ta a ni. Follow Up Programme chu buatsaih a ni a, a chhuahni inrinni zan ah Central YMA hall ah neih a ni a, Sunday zan leh Monday leh Tuesday chu Chanmari YMA Hall ah hman leh a ni. Branch hrang hrang hruaitu ten theihtawp chhuaha hma an lakna a zarah he Camp hi hlawhtling takin kan tiak ta.
Printed at JL Publication Published by Nursery Veng Branch YMA Copies - 415