SEPTEMBER THLA DUTY DEACONS :

1. Upa R. Lallawma Leader 2. Upa C. Lalzidinga 3. Upa R. Lawmthanga 4. Rbt. H. Zamuana 5. Rbt H. Remtluanga

USHERS
1. Tv H. Lalramhlana Leader 2. Tv R. Saitluanga 3. Pu Laltlankima Sailo 4. Nl R. Lalrempuii 5. Nl Dr.C. Laldingsangi 6. Nl Chawngthanmawii
Dt 2nd.9.2012(Sun)-Dt 8th Sept Inrinnni

Khuang : Upa C. Lalzidinga Leader Pu Lalngairenga Ralte Sound : Tv K. Lalhriatpuia Pu H. Lalramchhana Keyboard : Pu Johan Lalrammuana Zaihruai : Tv. Lalhmunsiama Th. Nl.R. Lalrempuii Nl.S. Lalengzuali
Dt 9.9.2012(Sun)-Dt 15.9.12 Inrinnni

Khuang : Rbt H. Remtluanga Leader Pu R. Lallianzuala Sound : Pu John R.Lallawmzuala Tv Lalrosanga Keyboard : Pu H. Lalramchhana Zaihruai : Pu Lalngairenga Ralte Nl.R. Lalhriatpuii Nl.C. Ramluahmawii

THIANGHLIMNA
Thuhma: Kumin beirual thuzir atan Thianghlimna tih kan zir dawn a. Kawng hrang hrangin kan zir leh turah ngai ila. Beirual thuzir kan zira kan luhchilh hmain khuhhawnna ang rengin tlem lo sawi ila, kan ngaihtuahna kan sen zui zel theih nan. Thianghlimna awmzia: Thuthlung Hlui kan en chuan kan Pathian hi thianghlimna kawnga chungchuang, thil dang zawng aia a danglamna leh thilsiam dangte chung daiha chawisan a nihna chu thianghlimnaah a ni. Serafhote chuan, A thianghlim e, a thianghlim e, tiin an chawimawi thin a ni . Pathian thianghlim a nih avangin a mite pawh thianghlim turin a ti a . Chuvangin sual thawina thilhlan atan pawh sawiselbo a phut a ni Lal Isuan, Thinlunga thianghlimte chu an eng a thawl e, Pathian an la hmu dawn si a, a tihah khan katharos hman a ni. Engmah pawlh loh, hlir tihna a ni ber mai. Paulan, Bawlhhlawh kai lo leh zur lo leh chutiang thil reng pu lovin thianghlim leh hmelhem lova awm zawkin, a tih ang kha a ni ang. Tichuan Thianghlimna awmzia ber chu hetiang hian lo sawi ila. An zing ata lo chhuak ula, a hrangin awm rawh u, thil bawlhhlawh reng reng bawh dek suh u, tia Paula sawi ang kha a ni ber mai. Serhhran emaw tihhran tihna emaw a ni ber awm e. Kan Pathian hi sual kai lo, sual laka fihlim chu a ni a, chu chu kan thianghlimna dan tur pawh a ni. Tichuan tisa leh thlarau bawlhhlawhna tinreng laka inthiar fihlim hi thianghlimna chu a ni. Chumi kawngah chuan kan kristian nun hian ke pen sela, kan kristianna hian awmzia a nei thuk zawk ngeiin a rinawm. In thianghlim tur a ni kei ka thianghlim si a, tiin kan Pathian chuan thianghlim atan min ko a ni si a. Krista avangin: Ringtute hi mahnia thianghlimna nei reng reng lo, Amah Pathian vek rawn intum chawpna ram atang chauhva thianghlim ve thei kan ni. Bible chuan kan thianghlimna ber pawh puanchhe hnangkhai, tenawm lutuk ang chauhvin min hrilh a. Kan thianghlim theihna chu Kristaah a nihzia min hrilh nghal bawk. Pathianin a tira mihring a siam chu thianghlim famkim, Amah nena inpawl leh lengdun thei tur khawpa thianghlim a ni. Mahse tlukna avangin mihring chu sual leh bawlhhlawhna tinrengin a tlakbuak a. Anchhedawng a ni a, Pathian ram thianghlimnaah chuan lut leh tura tlinna reng nei lo chu a ni. Vankhua leh tuite tana mi bawlhhlawh leh tenawm mai a ni. Lal Isua kan rin pawh hian kan thianghlim a ni mai lo va, Krista thianghlimna chu kan tawmpui a, kan lo chang ve a, tichuan Pathianin thianghlimah min pawm mai zawk a ni. Erwin W. Lutzer chuan, Parliament of Worlds Religion 1995-a a tel tumin zawlnei, zirtirtu leh chhandamtu sualna nei lo, thianghlim ka zawng a. Hindu swami ka zawt a, sualna nei lo chu hindu an ni lovang tiin min chhang a, Buddha hi enge ni tih ka ngaihven leh a, Enna a zawng mai a ni, a famkim lo. Baha U Allah ve thung hi ka zawt leh ta a. Pathian hnen ata lo kal zawlnei chu niin an ngai a, mahse sual nei lo leh famkimah amah pawh a inngai lo. Mohamed-a pawh chutiang bawk chu a ni, tih chu an chhanna a ni a ti a. Lal Isua chauh sualna nei lo mi thianghlim, misualte chhandam theitu awm chhun chu a ni tih a hmuchhuak ta a ni. Isua Krista avang chauh lo chuan Pathian hmaah khawvela mi ropui, sakhaw zirtirtute pawh thianghlimna ding thei tumah an awm lo.. Ringtu Nun Thianghlimna : Pathian hmaa kan thianghlim theihna kawng awm chhun chu Kristaah a ni tih kan hre tawh a. Kan nun kawng tinrengah thianghlimnaa thanglian tur kan ni a. Sawi tawh angin kan Pathian chungchuanna chu thianghlimnaah a ni a, a mite pawh thianghlim tura tih kan ni. Sual leh bawlhhlawhna laka inthiar fihlim chu kan thianghlimna dan tur a ni. Pathian fate thianghlimna chu sual laka inthiar fihlim hi a ni e. Chumi thianghlimna lo chuan tuman Pathian an hmu dawn si lo. Mihring nihna dik tak chu thinlungah a awm a, chuvangin Pathian chuan pawn lam ni lovin thinlung lam a en thin tih Davida hriak thih thuah pawh khan kan hmu a ni. Bible-in mihring pum pui tehna atana a hman chu thinlung a ni. Sir Walter Raleigh chu a lu an tansak dawn laiin, a tansaktu tur sipai chuan, I lu nghahna kha a tha em ? ka tan dawn a nia, tiin a zawt a. Ani chuan, Lu chu eng ang pawhin lo innghat mai mai rawh se, thinlung lam hi a dik phawt chuan, tiin a chhang a ni. Kan rilru kan tithianghlim ang a, kan ngaihtuahna pawh Krista rilru tawmpuina a ni tur a ni. Lal Isuan, Thinlunga thianghlimte chu an eng a thawl e,a tih kha. Tin, sual laka thianghlim hi Pathianin min kohna leh a mite min duh dan ber a ni tih i theihnghilh lovang u. Pathian fate himna

chu tuar lo tura himna a ni lo va, sual laka himna a ni a, chu chu thianghlimna chu a ni

Mahse kan ram kristiante hi chawhpawlh nunin kan khawsa nasa hle. Pathian thu leh politic kan chawhpawlh a, hruaitu nihna leh nawmchenna, Pathian ram leh sum kan chawhpawlh a, kan zalenna chu sual tihna remchangah kan hmang ta bawk. Kan taksa vawn thianghlim thu te kan ei leh in thianghlimna thu te, zuk leh hmuam leh ruihhlo leh hmeichhiat mipatna chungchang thute sawi tur a tam hle. Tuna kan rama natna

tihbaiawm tak, HIV/AIDS pawh hi hmeichhiat mipatna (hurna) avanga inkai chhawng an tam ber. Chu chuan kan kristian nun tenawmzia leh bawlhhlawhzia a tilang hle. Pathian ringtu kan nih angin khawvel bawlhhlawh kai lova insiam chu kan tihtur pawimawh tak, khawvel laka kan danglamna tur a ni. He khawvel dan ang hian awm suh ula, Pathian duhzawng a tha leh lawm tlak leh that famkim chu in hriatfiah theih nan in rilru a thara danglamin awm zawk tawh rawh u, Kohhran Thianghlimna: Kohhran chu Pathian chhungte ni tura kohna chhangtute an ni a. Pathian chuan a ko satliah mai a ni lo va, a bika hman tur atana tih a ni. Kohhran chhin-chhiahna pali One, Holistic, Apostle tih leh Holy tihte an ni. Kohhran chinchhiahna pawimawh tak pakhat chu Thianghlimna hi a ni. Kohhran hi thianghlim a nihna chu thil dang laka serhhran a nihna hi a ni a. Pathian Nung kohhran chu khawvel thil dang zingah serhhran a ni. An zing ata lo chhuak ula, ahrangin awm rawh u, thil bawlhhlawh reng reng pawh dek suh u tih a ni. Lawng chu tuia awm tura siam a ni a, mahse lawng chhungah tui a lut tur a ni lo angin, chutiangin kohhran pawh hi khawvela awmin serhhran a ni a, khawvel bawlhhlawhna a lut tur a ni lo. Kohhran chu dah hran leh thil dang laka tihhran, thianghlim tura buatsaih, a bika hman turatana thianghlim a ni. Tin, Kohhran thianghlimna Pathian thuin min kawhhmuh leh chu Thutakah a ni. Khawvel thawn thu leh thu dik ni ve satliah buaipuiin kohhran hi kan phi buai ang tih ka hlau thin. Pathian chhungte chu Pathian Nung kohhranho thutak ban leh innghahna chu an ni, tiin Paulan min hrilh. Tin, Joh 17:18-19 thuah chuan, Nangin khawvela kei mi tir ang

khan, kei pawhin anni chu khawvelah ka tirh hi. Anmahni avangin ka intithianghlim a ni, anni pawh thutaka an thianghlimna turin, tiin Lal Isua tawngtaina kan hmu a ni. Tlawmngaia Gilgal Aw min sem sak tu te : 2. Lalnunmawii 4. T. Lalremruata 6. H. Lalrinmuani 8. K. Lalruatdiki 10. Tv Lallawmsanga 12. Tv R. Lalthanpuia
Editor: Tv. Lalrammuana Sailo Jt. Editor: Tv H. Lalramhlana 9612180862

1. C. Lalhmingmawii 3. B.Lalruatfeli 5. F.Malsawmdawngliana 7. PC. Vanlalhruaii 9. Tv K. Ramchangliana 11.PC Malsawmkima

13. Samuel Lalduhawma

9612865492

Production Staff: Tv K. Lalhriatpuia 9862925580 Tv Lalrosanga 8974130804 Tv K. Lalramnghaka 9862656240 Tv Fredy Malsawmsanga 9615375563 Pu H. Vanlalmawia 8575692363

Dt 16th/08/2012 Sunday Chawhnu Fellowship Programme

A hmun : Biak In ( la dil tur ani) Tan Hun : 1 : 45 Pm Chairman : Nl C. Vanlalhruaii Electronic Media : Conducted by Laltholeha Chhakchhuak

|halai Memberte mai bak ah Jr.|KP leh Kohhran member zawng zawng te he hun min hman pui tur hian kan sawm che u ani. Dt 23rd Semptember,2012 Sunday Chawhnu hian Unit Pual Fehchhuah neih tur ani a, Unit |KP member te lo inbuatsaih lawk theuh tur in kan in hriattir ani.
UNIT SPORT THAWHHNIHNA |KP Gilgal Unit Executive Committee chuan Unit Sport thawh hnihna atan Organising Committee tur a ruat fel leh ta, Unit Sport hlung tak kan neih theihna tur in tun atangin |KP member te tawngtaina a tang tur in kan in ngen ani. Organising Committee chuan Items tur te ruahmanin Executive Committee ah thlen ani tawh a, Kum danga kan la tih ngailoh Computer Games te, Talent Hunt Etc.. a awm thar nual dawn a, Group member te pawh tun atanga lo inbuatsaih lawk tur in kan in hriattir a, a hun leh ni tur chu Organising Committee in a ruat ang. Organising Committee Memberte: Chairman : Tv. H. Zorinmuana Secrertary : Tv H. Lalramhlana Treasurer : Nl S. Lalthlengliani Member : Pu Samuel Lalnunpuia Tv Lalrammuana Sailo Pu Lalremruata Sailo Ex-Officio : Pu H. Lalramchhana Tv F. Ramfangzauva

BIAL |KP ROREL

Theiriat Pastor Bial |KP Rorel chu Dt. 24th November,2012 BCM Biak In Sethlun ah neih tur ani dawn a, kan Unit Agenda tur pawh Executive Committee in a ruahman fel vek tawh a, Rorel palai tur te pawh kan inruat leh anga Rorel Palai Pakhat zel in Unit |KP member(10) ai kan awh dawn avangin ngaipawimawh a rorelna a kal ngei tur in kan in hriattir lawk ani.

Zanin tlai Evangelical Cell hma lak na in chaw nghei \awng\ai neih leh tur ani a, |KP member te mai bak ah a thei a piang lo tel tur in kan insawm e. Hruaitu atan Tv H. Zorinmuana ani ang. |an Hun 5:30 Pm.

M|KP INKHAWMPUI 2013

Kum 2013 M|KP inkhawmpui Haulawng a neih tur ah Pre-Registration neih tur anih avangin September thla ral hma in Unit Secretary Tv F. Ramfangzuava hnenah inkhawmpuia kal tum te chu in hriattir tur a nia, hei hi December thla ral hmain Bial |KP ah theh luh tur ani.

BIAL WORSHIP&MUSICAL MEET

Dt 25&26 August a BCM Biak In Sethun a Bial Worship&Music Committee in Zaipawl intihsiak a buatsaih chu tluang taka zawh fel ani ta a, he intihsiakna ah hian Zaipawl pali (4) te hla 2 ( Mosia Tuipui sen kan lehss KHB.NO 42) hmangin intihsiakna neih ani a, kan Kohhran zaipawl he intihsiakna ah hian kan tel ve a, 2nd Position kan ni a, Citation mawi tak leh ` 700/- kan dawng ani. Result kim chang chu he tiang hi ani: 1st Position - BCM Theiriat Kohhran Zaipawl. 2nd Position - BCM Gilgal Kohhran Zaipawl - BCM Sethlun Kohhran Zaipawl 3rd Position - BCM Luangmual Kohhran Zaipawl. Kohhran Zaipawl memberte thahnemngaia taimak chhuah leh zual tur in kan i sawm a, Zaia Rawngbawlna tur tam tak kan la nei ani tih i hre reng ang u. Editorial Board ten Kohhran Zaipawlte lawmman 2na kan dawng hi a lawmpui tak zet ani.

Unit |KP Member Date of Birth kan hmuh theih atanga siam ani a, |KP member chhiar laia D.O.B pe lo te pawh han in report hram hram teh u. Member ten kan piancham kan inlawmpui theih nan he column hi buatsaih ani. Happy Birthday

Short Film Competition

M|KP chuan Electronic Media a tha zawng leh a tangkai zawnga hmang tura inzirtirna leh Nulat tlangval kawnga thianghlimna kan inzirtirna atan Short Film competition siam nise a ti a, Unit a tam thei ang ber tel turin kan beisei a ni. Hetiangin :- 1) Short Film hi Electronic Media a tha zawng leh a tangkai zawnga hmang tura inzirtirna leh Nulat tlangval kawnga thianghlimna inzirtirna pholang thei a ni tur a ni. 2) Short Film thui zawng atan Minutes 30-45 a ni tur a ni. 3) Lawmman :1st - ` 10,000/- 2nd - ` 7,000/- 3rd -` 5,000/4) Lawmman hi M|KP Inkhawmpui 2013 ah sem a ni ang. 5) Film hi December 15, 2012 aia tlai lovah M|KP Organiser hnenah thehluh tur a ni.Zawh fiah duh nei tan Pu Pc Vanlalrova Ph-9436370679, Pu R.Lalengliana Ph9436390719

Environment Photo Exhibition

M|KP Inkhawmpui 2013 ah hian Environment lama inzirtirna atan Environment Photo Exhibition buatsaih leh tur a ni a. A tam thei ang ber tel turin kan insawm a. Tin, kumin June 9-a Environment humhalh hnatlanga unit hnatlang lai thlalak.(thlalak pahnih, A4 size) pawh, he hunah hian tarlan bawk tur a ni. Photo Exhibition chungchanga hriattur te 1) A duh apiang tel theih a ni. 2) Thlalak chu A4 size in buatsaih tur a ni. Thlalak comment nan mipui zirtirna pe thei thuziak thumal 100 aia tam lo telh theih a ni. Comment hi paper hranah ziak tur a ni. 3) Thlalak chu category hrang hrangah hetiang hian then a ni ang. Category tinah mi pakhatin thlalak pakhat zel thawh theih a ni ang. Category hrang hrangte chu: i) Nungcha (sava etc) leh ramsa ten humhalh an mamawh zia tilang thei. ii) Ram kan tih chereu nasat zia tilang thei iii) Polythene paih fimkhur loh avanga harsatna thleng / thleng thei thlalak iv) Kan chhehvela Pathian thil siam danglam / hmuhnawm bik te v) Environmental Awareness tha tak pe thei tur thlalak in edit siak (free style & size) 4) Thlalak hnungah a Category No, Hming, Address leh Phone No tarlan tur a ni. 5) Category tinah lawmman 1-3 na thleng siam a ni ang. 6) Mimal thlalak thawhtu zawng zawngte participation prize & citation pek vek tum a ni. 7) Thlalak te chu February 2013 ral hmain Lunglei Area tan Organiser, M|KP; BCM Office Serkawnah thehluh tur a ni. 8) Thlalak te hi M|KP Inkhawmpui 2013 (Haulawng)-ah palaite en theih turin pho chhuah a ni ang a. Zawhfiah duh nei tan Pu R.Lalnghakliana Ph- 9436157372, Pu T.Lalhlimpuia Ph-9436150892 biak ni se.

BCM MISSION NEWS

Work Camp : Theiriat Bial |KP member 11 te chuan Work Camp-in Chawngtea Kamalanagar (Chakma) Biak In leh Baptist Boarding School Quarters sak hna an thawk. Aug 27th khan chhuakin,1st Sept, 2012 khan dam takin an lo hawng leh ta e. Missionary damlote : 1) Pu H. Laltlankima, Kal thlak leh Stroke 2) Nl. F. Zoramthangi, Hnar chhung Cancer, 3) Nl. V. Lalawmpuii, Rilphir leh Pile zai. 4) Tv. Lalhriatpuia Malaria PF. Ringthar : 1) Chawlhkar hmasa khan Tuikawi-ah mi 14 in Baptisma an chang a, 7 chu ringthar, 7 chu kohhran member nisa an ni, lawmthu i sawi ang u. 2) Basar, AP East-a Adi Galo chhungkaw hausa tak chu kohhranah lo lutin, 2ndSept, 2012 Pathianni hian an chhungkua hi Pathian hnenah hlan an ni dawn. An chhungkua hian 2012 chhung ngawt pawh hian Sial 16 zet talhin, ramhuai hnena inthawina an lo hlan a ni. Lawmthu sawiin rinnain Pathian ram tan i hauh tlat ang u. Adi |halai hruaitute training : AP East chhung Pasighat, Basar leh Tirbin a |halai hruaitu 5 te chu BCM Shalom, Aizawl (Mission Vengthlang Bial) chuan Aizawlah ko chhuakin, training an neihpui a. Hun chep tak karah 28th Aug, 2012 khan BCM Hqrs. Office, Serkawn an rawn tlawh. Pu C. Lalramnghaka, (Evangelist) Pasighat-in a rawn hruai a ni.
Published and Edited by Lalrammuana Sailo on behalf of |KP Gilgal Unit. Theiriat Lunglei. 170/c