AGENTS : Lalramchuana Keihfang Tlang, NEUVA Sec.: Peka, Zarzova, Sang sangi, Zoremi, Hmangaihi. TAITESENA Sec.

: Rammawia, Chama, Hriatpuia, Rinpuii VANAPA Sec. : Ropuia, Moses-a, Melody-i, Nununi, Emily, Hmingsangi,Hriatpuii KHUANGCHERA Sec. : Zaia, Huna , Rammawii, Mamawii

Tualchhung
VC News: * Vengchhung alo thianghlim zawk nan September Ni 10 2012 atangin Vengsang huamchhungah ui leh ar chhuah khap tlat a ni a, Khawlaia ui leh ar chhuak an awm anih chuan Magistrate thuchhuak angin mana chawitir zel an ni ang. Lehkha pawimawh lam ru: Job Card lehkha pawimawh Lalmalsawma leh Jerry Lalremmawia te VC Secretary Pu Zosanglura hnenah lam tura ngen leh hriattir in ni e. Ui leh Ar chhuah kan la tam: Kan veng huam chhungah chhungkaw tam tak ten Ui leh Ar chhuah kan la tam in hei hian chhungkaw tam tak tan harsatna asiam in veng a ti tawp hle bawk a Ui leh ar vulh zawng zawngten khuahkhirh hram hram turin kan inngen nawn leh a ni. Kan khuahkhirh lo anih chuan Sept 10 atang chuan VC ten a khuahkhirh lote an chawitir dawn a ni. In leh avel tifai ang.. Vengsang huam chhunga chhung tinte mahni in leh a vel leh inbul vantlang kawng te tunthla chhung ngeia tifai theuh turin kan inngen a ni. Tin, Bawlhlawh paihna hmun lo tura bawlhhlawh paih thin ten bawlhhlawh apaihna tur ah paih hram hram turin kan inngen nawn leh a ni. Naupang / tleirawl Dendrite hnim an awm: GM High School Compound chhungah tunlai hian Naupang Dendrite hnim an awm leh thin a, Chhungtin ten mahni fate veng uluka chik deuh turin kan inngen a ni. Naupang Inkhawmpui thu leh hla zir a chhuak thinte an ni tlangpui a hei hian an mahni aia naupang zawkte an tihhmuh in naupang zawkte tan leh an mahni tan thil thalo tak a ni a, Naupang/Tleirawl Dendrite hnim man an nih leh chuan Vengsang Branch YMA ten na takin an chungah action ala tawh ang tin, chanchinbu ah an hming leh nu leh pa hming tarlan an ni tawh ang.

Article...

Ropui lo leh Changkang lote

CL. Thangliana

Khawnge YMA-in kumpuan kan neih ang zulzuiin thupui-ah ka han tarlan ang deuhin ka han thaikual vel dawn teh ang. A che che sih hlawkah tih ang deuhin a hua hua chu mahni inenlet nan hmanga insiamthatah kan ti mai a ni ang chu. Hetiang hian point te tein han tarlang ve ta ila : 1. Patling thankin tawh, a then phei chu tute pawh neih tawh thlenga zu la rui chhur reng mai mite hi a va han ropui lovin a va changkang lo em! 2. Fate pawhin rawn tive se tia kan duh loh tur leh fate pawhin an tih ve thin zeuh pawha kan duh loha kan huat em em si; mahni inenlet duh miah si lo leh sim tumna nei miah si lo, mahni sualna leh dik lohna inhmu duh simiah si lo, mahni fate sualna leh dik lohna leh midang dik lohna leh sualna chauh hmuhsak thinte hi a ropui lovin a changkang lo hle bawk tih kan hriat a tha. 3. Zurui akara in chhungkhura nupui fanaute hlau leh thlabara siam fote hi a ropui lovin a va changkang lo tak em! Chu ai chuan kan nupui fanute kan lajah ngampain thlamuang sela a va duhawm tak em! Chu lovah a changkan thlak fe zawk bawk a ni. Mizoram State Tree - Herhse 4. Ruaitheh nikhuate leh chaw eikhawm nikhuate, thiltihkhawm nikhuaa lo ruih chhur thinte hi a ropui lova, a changkang lo hle bawk. 5. Mahni fanaute lungmuang taka awplum a, thlamuang taka siamtu ni lova zu ruih vanga hlau leh thlabar taka siam thin a, tawng chaltlai tak tak leh anchhe pui pui tawng khum leh an khum reng fo hi a ropui lovin a changkang lo hle tih hriat tur a ni. 6. Mahni taksa hriselna tichhetu, tangkaina nei miah lova mahni duhthu nheia intih atna leh chatuan hremhmuna kan luh theihna tura hmelma pa Setanan kan chhiatna tura a mi bum tumna a ni tih pawh hre duh miah lote hi a ropui lova, a changkang lo hle tih pawh kan rhiat tel a tha hle bawk an. 7. Kan fate entawn tura nunga awm tur kan ni tih pawh ngaihtuah duh miah lo leh hre miah loa mahni chhungte tan pawha zahthlak leh mualphothlak khawpa khawsak fo reng maite hi a ropui lovin a changkang lo hle bawk. 8. Miten hmatiang sawnna lamtluang zawhna ke an pen mek halw laia damdawi drugs tih angreng vel lo ruih chhur te, phai vaihoin kan thatna tur ni lova kan chhiatna tur atana an siam proxyvon lo ruihpui a, a zuartua lo tan fote hi a ropui lovin a changkan loh thlak hle bawk a ni. 9. Hmeichhe tan bik - Mitthi in leh khawhar in kalten puan pawh bih lova kekawr an rawn ha thinte hi chu a va han inhmeh lovin a hun lova, a Mizo zia lo a, a hmun leh hun pawh thliar thiam lo khawpa kan khawsa tate hi chu a va ropui lovin a va han changkang lo em! Kan veng bikah erawh hi chuan hmeichhiate kekawr ha chunga lokal hi chu ka la hmu meuh lova, Veng dang atanga lo kal ho erawh hi chu kekawr haa rawn kal hi ka hmu fo mai. Hei hi chu a ropui lovin a changkang ber lo khawp mai. A hmun leh hun hre zawngte hian kan Mizo ze lan theihna tur ang chite leh kan Kristianna tarlang tur zawngte hian Mizo takin intihchangkante tum ta ila, a ropuiin a changkang a, a mawi fe zawk bawk a ni. Heng kan changkan theihna tur laka min tichhe leh min tithuanawptu hmelmapa bumna leh a kaihhnawih thil, ruihtheih thil chi hrang hrang min tichhetu hi bansanin i sim vat teh ang u. kan taksa leh kan thlarau min tihchhiatsak vek hi hmelmapa thil tum a ni si a. Kristian tak leh Mizo taklin i intichangkang tawh zawk ang u. Kristian tak leh Mizo taka intih-changkan hi ila tlin e

CHAMPHAI VENGSANG CHANCHINBU KARTIN CHHUAK. A MAN THLAKHATAH Rs 10/- Dt09.09.2012 _______ President : Hmingthansanga ( 9862713079) Vice Pre : C. Zohmingliana ( 9862533342) Secy. : C.Lalmuanpuia (8014125196) Asst. Secy : C. Lalchhuanawma (9856553974) Treasurer : F Lalthanmawia (9862506254) Fin. Secy : C.Vanlalchhuanga (9862775452)

18th Annual Mizo Day (MSA)

Kum 1985 a din, Mizo Society of America chuan a vawi 18 na a tan, Mizo Day chu September ni 1 leh ni 2-ah khan Middletown High School auditorium,Middletown khua, Maryland state ah ropui takin a hmang. Kan hruaitute, volunteer a Mizo Society enkawltute an fakawm hle mai. State hrang hrang a t.anga khual t.ha tam tak lokal te pawh an hawihhawmin thlen nawn awn awn an chakawm mai. A zan hmasa zawkah chuan naupang harh deuhin, fire alarm a lo kuaithla a, thusawi-lai ngaihsak lek lo vin kan chhuah a ngai. Ani thusawitu lah chuan chawl hauh lo vin, an hrilh hma chuan rinawm takin a sawi chhunzawm. Misual lam member Bawmranga chu Missouri aiawhin a rawn ding chhuak a, report felfai tak a pe a ni. hairehai Chhun lamah football (American handball ni lo) leh volleyball-ah te state hrang hrang, team hrang hrang ten inelna an nei a, kan hlim tlang dar dar hle. Fatu lamin inkhel leh a entute chhunchaw-ah bawngsa, kelsa leh thlai thar tui tak tak min hlui bawk, laipawng thle bur a ei awl tak tur a ni. Mizo Society of America hian state hrang hrangah branch a hawng zel a, chung branch tin a hruaitute chuan chhun lamah Rev.Rodawla in-ah inhmuhkhawmna neiin, Central MSA din an rel thlu bawk. Central MSA a awm chuan chuta kan hruaitu chuan kum 2 chhung a nihna a chelh ang a, branch lam erawh chu kumtin inthlanna a awm thung dawn tawh a ni. Mikhualte an hawihhawmin, theih nise thlen nawn awn awn an chakawm hle mai. USA ah Mizo tam tak awm mah ila, in kohdan a dan ie:Chin/Mizo/ Kuki adt. a vangin Mizo ten kan hmang ho vek thei t.hin lo erawh a pawi ka ti takzet. Native American te ang hian inkohdan dang mahse, mi khat kan nih hi keini Lusei t.awng hmang te, Mizo zing a t.awng khat hmang tam ber a te hian u zawk kan chan thiam a pawimawh hle niin ka hria. Indiana state lam a MSA hotu Pu Rodinga chuan, Lusei t.awng a bible kan neihna ringawt pawh a rei tawh nen kan unau t.henkhatte chuan 1975 bawr vel khan an t.awngbilin an nei ve chauh a ni a, a tidarhtu leh huikhawm tu kan ni thei a, a huikhawmtu nih kan tum a ngai, tiin a sawi nghe nghe! (Misual .com) Thlalak thenkhat

ENGLO HUANG
J Ka ha hmai kher nan chuan Toothpick Inches 1 vela hlai a ngai -Pu Remsanga, News Ed. J Tunlai chu kan member te ho an dam hlei thei lo damdawi inah an lut nual mai...tawngtai tam deuh angai leh tawh anih hi... -Pu Hmingtea, Chairman Lamkhuang hnuai Committee J Sawma nen kan kawmthlangah kan len rual chuan a haw hmasa tur kan pawt thin... -Hmingsanga. N. Sec J Zokawngchho ah khian lungdumtu thar ka chhar ta e Pu Thangsiama te inhnuai luah tu khi a ni. -Tv. JC. Mawitea, N. Sec J Duh aiin ka nu dawr nghak hi a rawn haw hma thei tlat... -Rintea, V. Sec J Bolera a athlawna ka thlah theih kha dawt vek a nih kha.. -Lalngaiha. V, Sec J Tetea chu ka shampoo ilo hmang zo vek zela i hmang hnem thei ropui si a.... \ - Pu Siama Ex-Editor. V. Sec

USA a chhungkaw pem hmasa ber, Pu Darrikhuma Hmar te nupa Sialsuk lal, Pu Thangliana Sailo te nupa:

MSA President Mizo Nula buhthlei lai

Rev.Rualchhina Vangchhia

E d i t e d o n b e h a l f o f Ve n g s a n g B r a n c h Y M A