M OTTO : (1) Hunawl hmanthat (2) Zofate hmasawnna ngaihtuah (3) Kristian Nundan tha ngaihsan

Vol - XXIV No. 15 ~

T H U VAW N :- Y.M.A. chu tanpui ngaite tanpuitu a ni.

~ SEPTEMBER 1 - 15, 2012

YMA KULIKAWN BRANCH CHANCHINBU THLA KHATA VAWI HNIH CHHUAK

TUALCHHUNG
Sept. 24 (Thawhtanni) 2:00pm ah hian Pi Rengpuii (Ralna Thing ziaktu) hovin Kulikawn pheiah Mual Inkhawm buatsaih tum a ni a, vengchhung mi zawng zawng lo tel ngei tura sawm vek kan ni. Tunlai chu KYMA Hall pawh a rak ve hle mai. Teachers Day programme atan Caroline School lamin an hman bakah ICDS lamin Sept. 7 khan Tlangnuam Block huam chhunga Anganwadi Centre hrang hrang te tana Nutrition Training buatsaih nan an hmanga, National Institute of Technology (NIT) te chuan Sept. 8 khan an zirlaite programme Jigsaw atan an hmang bawk. Sept. 25-29, 2012 chhung hian Directorate of of Advertising & Visual Publicity, Ministry of Information & Broadcasting chuan KYMA Hall ah Bharat Nirman Flagship Programme pualin photo exhibition an buatsaih dawna, he hun hi chhim vek turin vengchhung mipuite min sawm a ni. Kulikawn Local Council hnuaiah vengchhung hmasawnna atan hmun hrang hrangah step siam, checkered tile phah leh culvert siam hnathawh mek a ni. KOHHRAN LAM Presbyterian Kohhran Kulikawn leh Hmunthar leh Salvation Army ten urhsun takin Beirual inkhawm an nei chho mek a. Kulikawn Vengthlang lamin Sept 10-22 chhungin Camp chhawng hnih an neih hnuah Beirual programme an hmang zui dawn. Penticostal Reformed Church lam erawh chuan thla thar lam October thla hian Beirual Inkhawm an nei dawn thung a ni.

YWCA COMMUNITY ADVOCACY & AWARENESS CAMPAIGN

Young Womens Christian Association (YWCA) leh MSACS tangdun chuan Aug 31 (Zitawpni) zan khan Kuilkawn YMA Hall ah Community Advocacy & HIV/ AIDS Awareness campaign an nei a, HIV/AIDS chungchang a hriat tur te in hrilh hriatna atan leh mipui ten People Living with HIV (PLHIV) te laka an mawhphurhna te in hrilh hriat a, thawh ho na tha kan neih theih nan hma lakna a ni. HIV/ AIDS n a t n a chungchang hi chu mipui lamin kan hre nual tawh hlawma, he natna dam thei tawhlo kai t a w h (PLHIV) te kan en dan erawh inzirtir a la ngaih em avanga hetiang programme hi buatsaih a ni. YWCA, Aizawl hmalakna hian Kulikawn Police Station ah Aug. 8 2012 atang khan Family Counselling Centre hawn a lo ni tawh a. He FCC hi nitin in qualified counsellor in a thutchilh renga, nupa kar a harsatna, chhungkua leh fate leh rilru lama harsatna nei leh a mamawhtute tan a pan theih reng a ni. Tin, kan Counsellor-te an awm loh palh hunah pawh a mamawhtute tan a biakpawh theihna tur police station ah a awm nghal a, engtik hunah pawh koh / biak theih reng a ni.

KULIKAWN INTERNAL ROAD HI VL Huala, Kulikawn H/S

Mi thenkhat titi kan hriat dan chuan Kulikawn Local Council chuan Committee an neih hmasak lamah khan Kulikawn Internal Road laih zauh chungchang hi suggestion an siam tawh a, proposal pawh thehlutin, tunah hian sorkar kut nghah mek a ni, tih a ni. Engpawhnise, thil tha leh nuam lam hi chu a nghaktu tan chuan a nghahhlelhawm thin a, a lo thlen mai loh phei chuan tawrhchhel te pawh a ngai tel thin. pic. courtesy of Editor Tlumtea thlira taka dingdihlipa thlir thin ni mahse, lehlamah chuan hmanhmawh lutuk hi inchhuih tlukna a ni ve bawk. Chuvangin dawhthei taka fatute kut nghah thiamte pawh hi kan zir fo a tul a ni. Kulikawn Salvation Army Biak In atanga tlak lam motor kawng hi kei pawh ka ni tin zawh thin a ni a, khawpui chhung internal road ah chuan a lun pawl tak a ni awm e. Ka mitvai chu a ni em long chu maw! A pawimawh dan leh a zau zawng hi a (phek 4-na ah zawm)

KEIMAHNI
Thla hlui lama chanchinbu man `20/- an rawn khawn dawn tih kha chhutsual palh a ni. Kulikawn chanchinbu man hi thla hnih danah ` 10/- khawn thin a ni zawk. Chanchinbu agent ten `20/a khawn an lo neih nual tawh avangin khang ho kha chu khawn leh hunah siamrem mai a ni ang.

YMA KULIKAWN BRANCH

Mim Kut Thla

~~~~ ~~~~
Tun tum chu infuihna lam aiin YMA chanchinbu lam i sawi daih teh ang. Kan hruaitu hmasa te khan Kulikawn YMA chanchinbu hi a tangkai zia, vengchhung mit, beng leh ka anih zia hria in theihtawp chhuahin hma an lo la tawh thina. Computer kan hriat hma atang tawhin cyclostyle a her chawp turin typewriter nen an lo bei ngat ngat tawh thin. Branch lamin sum lamah tanpui theihna a nei lo tih hria in vengchhunga mi ngamtlak leh tlawmngai thei tur te hnenah tanpuina khawnin an lo vahvaih pui tawh thin. An inpekna a ropui takzet a ni! Tunah chuan computer hmang tangkai chung leh YMA chanchinbu man te khawnin a harsat dan nep zawkin kan chhuah ve thei zel chu a nih hi. YMA chanchinbu kan kalpui dan hi a inang lo hlawm khawp mai a, veng/Branch tam zawkah chuan YMA kaihhnawih loh chu an chhuah mang lo zawk a, Kulikawn Branch ah erawh chuan vengchhung mipui ten Kulikawn huam chhunga thil thleng chi hrang hrang, a kimchang thei ang ber kan hriat kim theihna hmanraw tangkai thei ber ani tih hria in, Branch hruaitute hriatpuiin kan kalpui zel a ni. Hetiang anih avang hian YMA thuchhuak bakah vengchhunga pawl hrang hrang MHIP, MUP mai bakah Club ang chi te thlengin a huap ta vek a ni. A chhuah hun bi chungchangah pawh branch thenkhata kar tin an chhuah theih laiin keini chuan kar hnih danah kan han ti hram hram chu a ni a, a thu chhuah chungchangah pawh khawvel zau zawk lama hriatna tizau thei, internet lama mi lehlin ang te tichhuak mai lovin Kulikawn vengchhung liau liau a thil thleng kan chhuah hram hram thin. Hetianga kan kal dan hi buaithlakna tak erawh a awm, vengchhunga thil thleng pawimawh deuh han chhuah mai tur awm loh chang a awm fova, Section thenkhatin hmalakna chanchinthar an neih theih viau laia thenkhat tana thu chhuah tur awm loh chang a awm fo bawk. Chu mai piah lamah chuan YMA member leh vengchhung mipuite fuih theihna leh kawng tha zawk inkawhhmuh theihna tur article neih theih a har duh khawp mai! Kulikawn chanchinbu editorial board lam mawhpuh ngawt lo hian theihtawpa tanrual a ngai tih hriata theih ang anga puih kan mamawh a ni. Vengchhunga thil thleng thenkhat chu hriat hlawh leh bengverh tak a ni thei a, hetiang piah lamah hian thu lawmawm, midangte hnena puanchhuah chakawm tak hriat hmaih kan nei fo bawk, chutiang thil thleng a awm anih phawt chuan he chanchinbu phek hnung lama chanchinbu enkawltute phone nambar ah hian hriattir thei zel ila a lawmawm khawp ang. Section hruaitute hi kan chanchinthar hriat theihna ber an ni a, mahse an ni pawh hian an hre kim vek seng bik lo a ni. Vengchhung mite laka beiseina kan neih san viau laiin hei tun tum chu veng pawn lam mi, mipui tana hmasawn theihna tura mi thahnemngai in thu a rawn thawh tlat mai. Hei hi vengchhung mi ten cho na ah ngaiin khawtlang hmasawnna leh hriatzauna atana tangkai thei tur chu i thawh khawm zel teh ang u khai. Mi fing pawh a ngawih reng chuan mi mawl anga ngaih a ni tih ang deuh khan kan that tlan theihna tur leh hma kan sawn theihna turin theihtawp i chhuah tlang ang u khai. Keini lam chu kan inhawng reng e...

BRANCH THUTHAR
Sept. 12 a Central YMA CCC Meeting neih ah Branch President Pu Laldawngliana leh Secy., Tv. H Lalhmingliana te an kal a, he Meeting ah hian YMA Gen. Conference neih tura agenda leh kumpuan rawtna lut thlitfimna neih a ni. Central YMA Volleyball Tournament neih turah kan Branch aiawhin mipa leh hmeichhe team kan telve dawna, hetiang hian chanvo siam a ni: i/c - Tv. K Lalremruata, T. Sec. Tv. Lalrinawma, Ch. Sec. Mipa Team Coach - Tv. Lalfakawma, T. Sec. Manager - Tv. Jonathan Lalbiakhlua, T. Sec. Hmeichhe Team Coach - Nl. C Lalmuanpuii, T. Sec. Manager - Tv. Lalhmlimpuia, T. sec. - Tv. Michael Lalchhandama, Ch. Sec. Hei bakah hian Oct. 6 a Central YMA Marathon Race (Mipa & Hmeichhia) neih tura tel duh chuan Branch hruaitute hnenah inhriattir tur a ni bawk. Marathon ah hian Branch khat atanga tel thei tur bituk a awm lova, a duh apiang tan tel theih a ni ang.

KUMPUAN REPORT
Sept. 13 (Ningani) tlai khan Kulikawn dungah Lalchhanchhuahi, Model Veng/Tuikual nia inchhal hnen atangin Kumpuan Committee ten parvon mum 986 lai an man sak. Amah hi Central YMA hnuaia CADS hnenah pek nghal a ni a, an ni hian Excise hotute hnenah an hlan chhawng nghal a ni. Tlema inthlahdul hret anih hian sualna a pawngpawrh nghal thuai zel a, vengchhung a thianghlim a a chengte kan him zawk theihna turin mipui kan tan ho a ngai a, mit leh beng kan chhit reng a ngai a ni.

RIKRUM THUHLA AH
Aizawl Municipal Council a din tak hnuah Village Disaster Management Committee chu Locality Disaster Management Committee tia a hming thlak tur a ni a, Local Council Level Task Force/Disaster Management Team hrang hrang pasarih din tur a ni bawk. Rikrum thila chhiatna a lo thlen palh thilthu ah heng a hnuai tarlan phone nambar hi chhinchhiah tur a ni. Pu Franklin Laltinkhuma DC (A) 0389-2329202 -2329203 8575014985 Pu J. Hmingthanmawia Addl. DC 0389-2329205 9862078140 Pu HD Lalpekmawia Zonal Officer 9089669945 Police Control Room 0389-2334327

MAPUIA VIDEO STUDIO

Hengte hi kan ti thei e :

Tunlai khawl changkang ber ber chi in audio cassette audio cd ah kan convert thei a, sofware changkang ber ber chi in DVD /CD ah thlalak kan convert thei.Video editing pawh kan ti thei bawk. Chiatni/Thatni ah Video camera in kan cover sak thei reng bawk. (1-3)
Contact: Michael Lalchhandama, Lalmuana Building, Kulikawn Ph2325755, 9436152754

YMA KULIKAWN BRANCH

SEPTEMBER 1 - 15, 2012

SECTION HUANG
Taitesena Section Hun remchang hmasa berah Section sum tuak nan sachek zawrh an tuma, vengchhung mipuite thahnemngai lo chansak ngei turin an ngen. Ruah tla zualpui a reh hunah Section huamchhung thenfai hnatlang neih thuai an tum a, Section member-te lo in kau lawk turin an inchah a ni. An Section huam chhungah Pu David Lalliansanga leh Pu Vanlalsiama ten fanu duhawm tak an neih thar ve ve avangin an lawmpui hle Chawngbawla Section An Section Committee member, Nl. Lalrinzuali Hrahsel chuan phai lamah BDS zir tura a kalsan dawn avangin an ui hle a, a zirna kawngah hlawhtling taka a rawn haw theih ngei nan duhsakna an hlan nghal a ni. An Section huam chhunga in tin te House number siamsak vek an tuma, mahni house number nei lo chuan Section hruaitute hnenah in hriattur turin an ngen a ni. Vanapa Section An Section member a hnuaia tarlan te hian an zirna lamah hlawhtlinna an hmuh avangin an chhuangin an lawmpui hle Nl. Vanlalhmangaihi Hmar - MA (Psycho.) Nl. Doris Zodinpuii - MSc (Lab. Tech.) Tv. Thanghnuna - MA (Pol. Sc.)

THAWNTHU TAWI
Loneitu pakhat hi vanduaithlak takin a sabengtung chu tuichhunchhuah ah a tla hlauh mai a. Sabengtung mangang hram ri a hriat chuan lakchhuah a harsat tur zia a hre zui nghal a ni. Ngun taka a inngaihtuah hnu chuan a thenawmte hnenah a zualko ta a, Ka sabengtung hi kan chhanchhuah theih hmel si lova, leiin vur ila phum nghal law law mai teh ang u tiin a sawm zui ta a. Chutia tuichhunchhuaha tlak tawh hnua leivunga an han vur lehnghal chu sabengtung chu a chiai hneh ngei mai! Mahse thil pakhat a hrechhuak ta tlat. An vurna lei chu rit viau mahse tan khawha a lo inthin zel chuan leiin vur lovin lei chungah amah chu a ding sang thei zel tih a hre ta tlat mai! Hahthlak hle mahse an vur nasat poh leh a dinna a kang sang telh telh tih hria in thih tha in hnuai lamah tan a khawh ta fat fat mai a, a chauh viau hnuah pawh amah chu inthing la, lawn sang zel rawh tiin a infuih ve sauh sauh zel a ni. Tichuan a pu ten an phum pil tha tawk tawha an ngaih hunah chuan beisei loh takin sabengtung chau tawh tak chu a rawn zuang chhuak ta hlawl mai. A tira amah phumna tura an ruahman leivung chu amah chhanchhuak tu ah a lo hmang ta hlauh a ni! Hetiang chiah hi hringnun chu a ni. Kan hma ah harsatna chitin pawh awm mahse a hmachhawn dan kan thiam a, chiai lo leh mahni inkhawngaih ringawt lova kan tawn tlang zel phawt chuan min tithuanawptu nilovin nunna min pe tu a ni zel dawn a ni.

I HRE TAWH NGAI EM? Sept. 11 (9/11) tih i hmuh/chhiar hian i rilru ah enge lo lang thin? Mi tam zawk chuan America history a thilthleng rapthlak tak, New York khawpuia World Trade Centre inchhawngsang pahnih chim khu rum rum kha kan mitthla ah a lang nghal awm e. Pawisawi lo mi sang chuangin nunna an channa kha theihnghilh a har a ni. Mahse hemi ni vek hi Mizoram tana thil chhinchhiah tlak tak thlen ni a nive tho asin. Kum 1942, Sept. 11 khan Mizorama motor lut hmasa ber turin Pu C. Rochhinga chuan Chevrolet truck-te chu Sairang a rawn thlenpui a ni! Pu C Rochhinga hian Mizorama he motor lalut tur hian Cachar district ah thiat darhin lawngin a rawn phur chhova, Sairang an thlen hnuin a remkhawm leh vek a ni. Motor in Mizoram leilung a rawn rahna hmasa ber hmun Sairang ah hian tun thlengin Rochhinga Road hi a la awm reng a ni. Pu Rochhinga Aizawla a inkhalh luh ni hian motor hmu turin a khaw nawtin mipui an rawn tlanchhuak hlawm a, khatih hun laia Lushai Hills bawrhsap chuan intihpalh laka fimkhur thilthu ah motor kalna atanga furlong khat ( furlong 1= meter 201) aia hnaiah tumahin thing phur lo turin thupek a chhuah hial a ni. CL ENTERPRISE
Bazar lama kal buai ngai lovin CL Enterprise, Kulikawn (Indoor Stadium peng bulah) hian motor spare parts leh a kaihnawih accessories kimchang lei tur a awm ta. Contact: 9856360316 / 8974020178

FC KULIKAWN
L & L Football Tournament, Serchhip a neih mekah an tumpuite an la hneh chho zel. Mizoram Premier League khel turin an intuaihriam chho mek a, Sept. 15 (Inrinni) zingkar atang khan Kulikawn dungah FC Kulikawn fan tshirt zuarin sum an tuak AbbeeFill AbbeeFill COMPUTER PRINTER CARTRIDGE REFILL STATION (ISO certified (9001-2000) Printer/cartridge refill leh repair kan ti thei a, Laser & inkjet cartridge chi hrang hrang lei tur kan nei bawk e. HP 12A @` 2797/- HP 88A @` 2885/HP 15 @` 3470/- HP 49A @` 3380/. HP 36A @` 2885/-HP 78A @` 3177/CANON FX-9 @` 3100/SAMSUNG SCX 4300 @` 4132/Printer lama i harsatna sutkian sak che hi kan tum ber ani. Chanmari, Near Presbyterian Church, Aizawl Phone: 0389-2306758 / 9774403423 / 9862758763 (A Wisdom Traders Franchisee undertaking)

TICKETWINDOW
Domestic & International Air Tickets, Train Tickets India ram mai bakah Foreign kal turte tan thlawhna ticket booking kan tih sak thei a, Rail ticket pawh kan book sak thei bawk e. Tin, ticket te hi inah kan rawn dah sak (Home delivery) thei bawk e. Ticketwindow Vangchhe Enterprise, Mendus Building, Kulikawn Mission Veng Phone: 0389-2322751/2300636 9615334455

(1-3)

YMA KULIKAWN BRANCH

(Mim Kut Thla) SEPTEMBER 1 - 15, 2012

HLA THU |AWNGKAM LEH A BEHBAWM

- James Dokhuma (Fam)

Hla hian zalenna hran a nei a. Sapin Grammar an tih ang pawh hi Mizo Hla hi chuan a pawisa ve vak lo. Thu inluh khalh tak takte pawh ni se, a thluk nena a inrem zawk dawn chuan a \ha zawk hlei hlei thei bawk a ni. Tin, Mizote hi hla \awng bik nei kan nih a vang ringawta rem leh rem lo pawh thlu lova hla a nih a vanga hla \awng hman tum ngawt pawh hi a ni chuang lo va. A thu inrem dan leh a thl<k nena a inchawih dan ang zela hman a \hat zawk chang a awm \hin a ni. Entir nan han sawi ta ila: Varparh arsi Chhandamtu lalna ramah, tih hi, a hla \awng lo ve, tiin, Varparh si-ar Chhandamtu lalna ramah, ti ta zawk ila, hetah hian chuan arsi hman hi a mawi zawk a. Mahse Zing\ian arsi tih ^i chuan Zing\ian si-ar tih chu a mawi leh zawk si ang. Tin, a thu awmzia (context) a\ang chauha a nihna dik man theih, mahse hl^ riau si, a hrana awmze sawi tur nei mumal si lo; hl^ ti hl^tu pawimawh tak ni ang lawi si a awm leh a. Chutiang chu hla phuah thiam bikte chauh hman thiam chi a ni thung. Hla \awng kauchheh bik hrim hrim a nih a vang leh hman thiam a har bawk a vangin mi naranin hman chi a ni meuh lo. Hmang ve mah se a khawr \ut \hin. Hetiang - ai e tih te, ngawi tih te leh maw e tih ang te hi eng nge a nih hre mah ila rin aiin hman thiam a har. Chuvangin, hla \awng un hmang kher lo pawh a Tin, hla \awng nghet ni chuang lo, a hmangtu hman hla phuah thiam hi a ropuiin a nep chuang lo mai pawh ni thiam avanga hla \awng riau mai leh hla thu ta ngawih lovin hlutna hran nei; ropuina danglam khumtu a ni zawk a ngawih chi a awm a. Chutiang chu: Thlarau chang tih ni. aia raupui phuar v>l tih ang chi te, silai ri tih aia Nangma khawngaihna kuta ta, chengr^ng r^wl han tih mai ang chi te hi. Tin, Tlawng Nunna leh ch^kkhai tinr>ng; lui a leh-luan tih chu a Grammar tak chuan dik zawk Hlobet pangp^r nung tinr>ngin, mahse, hla-ah chuan Tlawng tui a leh-luan tih chu a An dawng \hin malsawmnate, mawi zawk ang. Chutianga hla \awng chiah si lo hla thu mawi tak hmanga phuah thiam hi hla phuah thiamte s<lhn< Ti-a thiam taka phuahtu leh a\angin a lang thin. Miin thiam tuma a beih chu a \ha. Thaikawi zia-\ialah a chuang kim ta, Mahse a thiam si loh chuan a hla phuah chu a ti-tualchher A siam tak e Captain val Sailo ng<rin; \<t ta \hin a ni. Hul>ng rual naufate lung lawm nan. Hla phuah thiamte chungchuan lehna em em chu: ti-a Awithangpan Capt. L.R. Sailo-in a hla phuah bu a Hla \awng an hmang thiam bik ni mai lovin \awng tualleng siamsak a phuahna te chu, ama zawnah a mawi lamdangin hmangin hl^ raih si a an phuah thiam leh zel bik chu a ni. A a ropui tho mai. Hla-a \awng m^wl zawk hmang thiam thu intuah rem (flow) mam thlap leh han sawi mai nuam apiangin a thu un an hmang thiam leh a. Thu hian thl<k tak a nih bakah a thluk nen a inrem chho thlap a. Hla \awng (tone) a nei a, chumi thl<k z<l zuia a hla thl<k siam thiamte (poetical word) harsa pawh hmang chuang kher lovin hla chu hla phuah thiam tih loh rual an ni lo. A thu sawi paha riau siin an phuah thiam a. Chutianga phuah chu hla \ha sa nghal tituai ni thei zel mai khawpa a thu leh a thl<k pawh a ni r>ng mai. Tin, \awng awmzia hre mumal lo va, inbukthuah thiam hi a ropui hran leh ngawt mai. |ahlai hla \awng a ni e tih vanga hman tum ve ngawt hian \awng ni k^wl k<ng zamual a liam thei lo, tih ang chi hi sawi a tih khawloh zawh \hin avangin fimkhur a ngai \hin. Mi pahin kan sa a ni nghal zel mai. pakhat chuan Se bo hnu kh^r s^wn iang a ti a. A tum Aw le, hla \awngah hian Mizote hi kan hausa em ni-awm chu Mizo thufing Se bo hnu-a se kawngkhar ang tih kha a nih hmel a. Mahse kh^r s^wn iang a tih em a, \awngkama hman ve chi si loh hla chauha hman chi leh t^k miau si avangin Se bo hnu-a se kawng hawn kan nei hi hnam dangte ^ia kan ropuina bik pawh a ni. Heti (s^wn) ang ti angin a hmang ta a, a tum a \helh ta hlauh a lama kan filawrna hi kan s^nna awm chhun pawimawh tak a nih hre rengin i humhim hr^m hr^m ang u. Kan ropui ni. bikna hi Mizote kutah a himna a innghat si a. (phek 1-na chhunzawmna) in-match lo deuh tlatin a lang. Khawi lai pawh hi Light Vehicle chin hnuailam tan pawha inpelh harsa tak veka zim a ni a. Bus tlan chang phei chuan mihring tan pawh pelh huphurhawm tak a ni thin. Damdawi In te, Health Worker Training Centre te, CMO(W) Office te, Primary School, Middle School, High School te, YMA Hall leh Thlanmual panna kawng a ni a, a pawimawh dan hi a thuah hnih em avangin a hrechiangte chuan a zauh hun hi an nghakhlel theuhvin a rinawm. He kawng hi Salvation Biak In atanga metre hnih aia zim lova zauh belh vek chu nise, a zim lai ber pawh metre nga aia zau a lo ni anga, eng motor pawh duhtawkin an tlan thei ang a, an duhna hmun hmunah an inpel theiin a rinawm. Thuneitute thu thu nise. Mizoram chhim lama zinchhuak passenger phur thin, Aizawla lut emaw, chhuak emaw ten he kawng hi zawh ta sela. A remchan dan azirin Melthum, Tlangnuam Vengthar, Hridaikawn, CP Road kawng dunga awmte leh Kulikawn tlak lamte chhawr phak turin City Bus pawh Saikhawmakawna tlan kualin he kawng hi zawh bawk sela, a lawmawm dan a dang lehzual ang. Chu mai a ni lo, veng hla tak atanga Damdawi In kal turte, school kal tur leh Office kai turte, Office dawr turte chu city Bus-in an kal thei tawh bawk ang. Mipui tan a va tangkai dawn tehlul em!
E-mail: EDITORIAL BOARD kulikawnyma@gmail.com Editor Pu Thangnghinglova (9436143652) Jt. Editors Tv.StephenLaldintluanga (9856735743) & Pu H. Lalrinsanga (9862133940) News Editor Pu David Lalliansanga (9436152626) Cir. Manager Nl. Marina Lalsangpuii (9612567427)

Printed on behalf of YMA Kulikawn Branch 850 copies