Motto : Zir la. Tanpui la.

Humhim rawh

Theme :Pathian zarah huaitakin kan ti ang - Sam 108:13

ZIRLAITE KHAWNVAR
Vol. VIII Issue No.9 An official organ of the Mizo Students` Association, Bangalore Sunday September 23. 2012

ZIRLAITE TUKVERH
#. Vawiin chawhma dar 11:00 khan MSA hruaituten KLE College-a Mizo Zirlaite an tlawh a. KLE Mizote hi BMA Football Leaque-a Champion lai an ni bawk a. An phurin an hlim lai tak a ni a. MSA hruaitute pawhin nuam an ti tlang hle niin thu kan dawng. #. UVCE zirlaite pawhin tun thla ni 21 atang khan Practical exam an nei tan ang. Thlaleh, Oct. ni 19 hian an zofel thei ang. #. Hetihlai hian Dr. AIT College te pawhin tunlai hian Internal exam an nei mek a. Naktuk hian an zofel thei dawn niin thu kan dawng. #. Jyoti Niavs College te pawhin tunlai hian semester exam an nei mek a. Nimin piah, ni 21 atang khan Practical exam an nei tan a. Thlaleh ni 6 atang hian theory exam nei leh dawnin thlalak vek, October ni 6 hian an zofel thei ang. #. Ni 21st. September 2012 (Fri) khan MSA hmalaknain Bangalore Senior basketball team leh Fresher Team ten Basketball Friendly match an khel a. Inkhelah hian Senior Team te an chak zawk a ni. He match in a tum ber chu senior leh fresher inkara ilaichhinna tha siam a ni a. Huaihawt a nih chhan ang ngeiin hlim tak leh inpawhtlang takin an khel niin thu kan dawng a. MSA hruaitute pawh an lawm em em a ni.

ZIRNA KUTPUI A TIAK TA

(Chalfilh Group member zawng zawngte lawmin au rawh u!) Bangalore Mizo History-a thil la athleng ngai lo ZIRNA KUTPUI chu Mizo Students Association, Bangalore huaihawtna hnuaiah ni 15th. September 2012 (Sat) tlai dar 2:30 khan ropui takin Tagore Hall, UTC ah hman zawh a nit a a. Zirlaiten an hlutin an kham lo hle niin a lang. He hunah hian Karnataka Police hotu lu ber Pu Lalrokhuma Pachuau, DG &IGP chu khuallian niin Zirlaite tumruhna nei turin nasa takin min fuih a. Tin, MSAPresident Tv.K.Remruatfela pawhin ZIRNA KUTPUI huaihawt chhan chu Bangalore hi Zirna Khawpuia chhuah a nih thu uar takin a sawi bawk a. tin, chumai bakah Senior Adviser Pu Lalhriatrenga Chhangte pawhin zirlaite fuihna tha tak a sawi bawk a. Hemi ni-ah hian College hrang hrang atangin zirlai 300 chuang an kal khawm a ni. He Kutpuiah hian Bangalore Mizo Zirlai hrang hrangte chu Mizo tlang hming tlawhchhanin Lurh Group, Tawi Group, Chalfilh Group leh Bawm Group ah inthen Quiz, debate, Solo leh Extempore Speech ah te an inel chho a ni. He Kutpui hi Bangalore Mizo events siam tawhah chuan sum leh pai involve tamna berte zinga mi niin a lang a. Lawmman pawh a tha tawkin pawisa fai tam tak bakah Student Outlook Magazine leh ZOlife Magazine in 1st prize dawngtute kum khat chhung free subscribtion an pe dawn bawk a. MSA hruaitute kan lawm hle. Item zawng zawng a zawh hnuah ruai tuihnai tak kilho a ni a. Kham lo takin zan dar 9 velah ruai tui tak nen Kutpui chu a tiak ta a ni.

Published & Edited by Lalramruata on behalf of Mizo Student Association, Bangalore

ZIRLAITE KHAWNVAR, MSA, BANGALORE SUNDAY, SEPTEMBER 23, 2012. Editor : Lalramruata Mob. : 7204833454 Email:Zirlaitekhawnvar@rocketmail.com Jt. Editor : Aldrin Zoliansanga Contributor : K.Remruatfela Cir. Manager :Vanhmingliani Jacob Lalremsiama

Pyaar toh andha Hai ( LOVE IS BLIND )

Laltlanzova Pialtu K.L.E. College Hmangaihna chu a mit a del hle a, a hmuh duh loh chu hmu lo ve tak a . ni. Hmangaihna chuan a thil hmuh reng, inthuplo te poh a hmuh kan a, buaina aiah remna a siam a, sualna aiah felna a hmu thin. Hmangaihna hian nunna nei reng reng ah hian dinhmun sang ber a chang . a, nunna hian awmzia alo neih phah hial na chhan pawh hmangaihna vang ani. Hmanghaihna neih hlut zia te, hmangaih zawng nena hun hman nawm zia te chiang tak in a hmuh theih awm e. LOVE MAKES THE WORLD GO ROUND te an ti hial a; chu chuan hmangaihna hlut zia a sawi chiang hle ani. KHAWVEL hi hmangaihna tel miah lovin han awm dawn ta ang se, tumah hian khawvel a han khawsak reng hi nuam a ti lovng. Hmangaihna tel lohna ah chuan huatna in ro a rel a, itsikna leh elrelna te thuneihna an chang a, chutiang hmun a han khawsak reng chu thil awlai tak a ni lo ngei ang. Isua Krista hi hmangaihtu chanchang a ni a, a hmangaihte chu mihringte hi kan ni. Hmangaihna avang chuan thiam kan lo chang a, Pathian FA nih kan lo hloh ta hial a ni. Kan dinhmun lawawm zia chu a chiang hle mai, hmangaihna vanga kan lo chan ngei mai chu. Sual thimhnuai a boral mai tur chu Hmangaihna na in min lo tlan chhuak ta a ni. Krista min hmangaihna hi kan hriat chian pauh leh Krista hmangaihna ah kan intulut zual thin dawn a lo ni. PATHIAN in min hmangaihna pawh hi a mit a del hle awm e, Kan tan Lal Isua chu Kraws lerah kan sual zawng zawng te ngaidama kan awm theih nan nasa takin a tuar tir a, kan sual te ngaidama a lo awm theihnan. LOVE IS BLIND an tih angin Lal Isua vangin Pathian chuan kan sual te chu alo ngaidam ta a, a thisen avangin thiam kan lo chang ta a, amah avangin Pathian thinurna lak ata chu chhandamin kan lo awm ta ani. Sualna chuan thihna in ro a rel ang takin, Hmangaihna chuan felnain chatuan nun channa khawp hialin kan Lalpa Isua Krista zarah ro a rel ta a ni. April 1946-ah Mizo Union a lo din khan a pawng a puiin Mizo lalte chu a ngaimawhin a do mai lo a ni. Amaherawhchu, khang hunlaiah khan lalte rorelnaah mipui aiawh an tel lova, mipuite duh dan leh ngaihdan pawh ngaihchan a ni ngai lo. Vantlang mitemei venna pawh a awm ngai lova, khauh taka mimal rorelna a ni. Lal Upate chu an awm ve ngei mai, mahse, lalina ruat leh a duh hun huna a ban theihte an ni a. Chuvangin, Lal Upa nih an duh chhung chuan Lal thu leh hla an kalh tak tak ngam ngai lo. Chuvangin, khatih hunlai khan Hnamchawmte dinhmun chu a hniamin khawngaihthlak tak an ni. Chutianga Mizo mipuite dinhmun pik tak atanga chhanchhuah kha Mizo Union chuan a tum mai a ni page 30, Mizoram leh Kei by R.Thanhlira, Compile by R.Lallianzuala Associate Professor

Editorial:
ZIRNA HI
Zirna hi mitin hian kan ngai hlu hle a,mahse heti taka zirna ngaisang si hian kan zahpui ni zawk em tih tur hian kan awm thin lawi si a. Zofa te hi VAI nen a kan danglamna hi zirna lamah hian tlem a awm a, Pakhatah chuan zir nih hi kan zak thin a, zirlo nih kan tum fo thin. Hei hian a rah chhuah chu zirna a peng pawimawh tak zirna piah lama kan hriat tur tam tak hi kan lo manghlilh thin a, riltaka thil hre tur hi a phawvuak ah kan ral mai thin a lo ni. Pahnihna ah chuan kan zir dan kalhmang a tawp a tih tawk a awm thin tih kal dan hmang kan nei hi a ni. Hei hian Zirlai kan nih na ah chianlohna a siam em aw??hei hian ZIRLAI kan nihna hi paihthla in, A Lo A Mawi A Thil Ti (thatchhe ar bawm khai) lek kan lo ni ta a ni. Hnam rilru chak tia min hriat mai hi a tawk toh lova hnam-fing zirzau ti a min hriat hi a tul hle toh a ni. Zirlai te kan harh hi a hun toh hle a, huaisentak a ZIRNA lamah kan rilruin a tum leh duhna lamah hian theih tawp kan chhuah hi a hun hle toh a ni. Kan tui leh duhzawng ah hian thil dang reng intih buai tir lo ila, FINNA nei theuh tur in hma ila teh ang u khai.

Kan Chanchinbu hi kan Senior Adviser Pu Clement Lalhmingthanga`n tun session chhung min sponsor sak dawn a. A chungah kan lawm takzet a ni.

Published & Edited by Lalramruata on behalf of Mizo Student Association, Bangalore

ZIRLAITE KHAWNVAR, MSA, BANGALORE SUNDAY, SEPTEMBER 23, 2012.

ZIRNA KUTPUI REPORT

ZIRNA KUTPUI KAN HMAN TEIHNA ATANA MIN SPONSOR TU TE

1. Pi Nuteii (Siama nu, Zarkawt) 2. Dr. JafferSharief Baba 3. Pi Lalthannguri 4. PuLalthanliana 5. Pu L.P Sailo, Switzerlant 6. PuHriataChhangte 7. NlBlessySailo 8. TvVanlalnghakaChhawnchhek 9. Pu P. Cha 10. Pu LR DinglianaSailo 11. PuZoramchhuana 12. Upa R. Sangkhuma, Khatla 13. Pi Lalrinpuii 14.TvSaingurpuiaSailo (AIT) 15. TvObedaLalhuliana 16. Tv. Chris L. Ralte 17. K.O. Ajay Kumar (Deputy R C) 18. PuLalchhunga, Serchhip 19. Nl EileenRentheli 20. Zorks Enterprise : Rs 20,000 : Rs 15,000 : Rs 10,000 : Rs 5,000 : Rs 4,000 : Rs 3,000 : Rs 2,500 : Rs 2,500 : Rs 2,000 : Rs 1,000 : Rs 1,000 : Rs 1,000 : Rs 1,000 : Rs 1,000 : Rs 1,000 : Rs 1,000 : Rs 1000 : Rs 500 : Rs 500 : Rs 500

Group champion 2ndplace 3rd place 4th place

: : : :

Chalfilh Group Lurh Group Bawm Group Tawi Group

I. Extempore Speech : 1st place 2nd place 3rd place II. Debate : 1st place 2nd place 3rd place III. Solo : 1st place 2nd place 3rd place IV. Quiz: 1st place : ZomuaniRalte (Chalfilh Group) Dino Martin RinzualiHnamte : C. Lalhruaizela (Bawm Group) Lalhmangaihzuala Priscilla C. Biaki : Lalramzauvi (Chalfilh Group) : Bethel Lalchawimawia (Lurh Group) : Lalrinchhani (Lurh Group) : K. Zohmingmawii (Chalfilh Group) : David Lalrinliana (Lurh Group) : Henry Lalmuanzuala (Lurh Group) : Vanlalnghaki (Chalfilh Group) : Caroline Lalrinnungi (Lurh Group) : HJ Lalromawia (Bawm Group)

21. ZOlife : 1st Position (1 Year Free Subscription) 22. Student Outlook: 1st Position (1 Year Free Subscription) 23. K. Remruatfela - ThamralThei Lo Nunhlui ( 1st -3rd Position Free Gift) 24. Prof. LalrinawmiRalte HmatiangSawnin (All Participants)

2nd place

MSA FACEBOOK GROUP

Group Champion te hian tangkai fai Rs 3000 bakah member zawng zawng daih Chocalate Rs 10/- man chi an dawng a. Tin, Group Runner ten Rs 1500 bakah member zawng zawng daih Chocalete Rs 5/- man chi an dawng vek thung. A bak zawng group dangte chuan sweet tui te an dawng a a ni. Zirna Kutpui kan hman liam tak kha a hlawkthlakin a zawngchhangthlak ka ti hle a. Hetiang anga programme changkang MSA hruaituten huaihawtna chang an hria hi hruaitute an fakawm ka ti hle. Kumtin neih chhunzawm zel chi niin ka hria. Bangalore hi zirna khawpui tiin thangtharten hre mawlh rawh se. Dinsanga, KLE College MSA member-te min ti pumkhata, chanchin thar kan neih ang angte awlsam taka kan inhrilhpawh a, thawhhona tha zawk kan neih theihna a nih beiseiin Facebook-ah MIZO STUDENTS ASSOCIATION, BANGALORE tih group siam a ni a. He group hi mitan tana siam tih hre rengin chanchinthar kan neih ang ang apiangte leh zirna lampang thila kan vei zawng engpawh inthlahrung hauh lovin post thin ila. A la join ve lo kan awm a nih pawhin a thupui hming ang hi chhuin join theuh i tum ang u. Tin, kan thiante la join ve lo kan awm a nih pawhin add belh zel ila. Bangalore hi zirna khawpui, thiamna leh finna khurpuia chhuah thei tur hian puanven i sawi chhing sauh sauh ang u...

Published & Edited by Lalramruata on behalf of Mizo Student Association, Bangalore

ZIRLAITE KHAWNVAR, MSA, BANGALORE SUNDAY, SEPTEMBER 23, 2012. Regulars : K. Remruatfela

ROM FINNA KHURPUI THE ROMANS PHILOSOPHY - I (Issue tinah World political philosophy thanchhoh dan rawn kheuhhawn thin a ni ang tih a ni a. Tunah chuan Greek fiina atangin Rome Finna Khurpuiah tlulut ang u aw) Rom khua leh tui ka ni alawm ti-a mi tam takin insawitheihnana an lo hman thin, Latin bulthut Rom Finna Khurpui chanchin lam tunah chuan luhchilh leh tan tawh ang aw. Historian thenkhatte sawi dan chuan Rom lalram hi 750 BC vela intan niin an sawi. Mi tam zawk erawh chuan 1000 BC vela din niin an ngai zawk thung. A dintu chu Prince Romulus ni-a sawi thin a ni a. He khawpui hi Mediterranean tuipui atanga mel 20 vela hla, Tiber luipui kama din a ni. Rom hunlai hian sal dinhmun a hniam hle a. Tihduhdahna leh nekchepna nasa tak an tuar thin a ni. Heti a nih vang hian vawi tam tak helna sal helna a chhuak a. Kum 74-71 BC a Spartacus hruai salte helna chu Salte Helna (Slave Revolution) ropui ber ni-a ngaih a ni. Hetianga rorelna mumal lo leh chiri nuai a nih avang hian ram leh hnam veimi, mifing tam takte an lo inlarchhuak zur zut a. Rom lalram siamthat tumin namen lovin an hmanhlel hlawm a. Ram inrelbawlna dinhmun siamthat duhtu namen lova an pun avangin a lehlama vuttui thlawr ber tih ang hrimin thu leh hla fing tam tak a lo chhuah phah a. Chu chuan rah duhawm chhuahin Rom civilization ropui tak a lo chhuah phah kan ti thei ang. Rom lalram tundin a nih theihnanana thu leh hla kawihsapira hmanga lo kuai tang tangtu pawimawh tak chu Romans Philosopher rothap Polibus leh Cicero an ni a. Rom history sawi nikhuaa hemi te pahnih chanchin kan ziak tello a nih chuan Rom history kan ziak kimlo a ni thei ang. Polibus hi a bulthut takah chuan Greek mi a ni a. Amaherwhchu, Rom hnamah a sa chu phun em lo mah se, Rom ram inrelbawlnaah nasa takin a inrawlh a. Greek mi ni siin Rom chanchin History of Rome tih lehkhabu ropui tak a ziak a. He a lehkhabuah hian Rom sawrkar inrelbawl dan tur te, Greek ram inrelbawl dante leh Rom sawrkar inrelbawlna atana entawn tur lai awmte thur chhuakin Rom finna belhchhahtu nih nasa takin a tling a ni. Amah hi thuneihna insemzai (Decentrilazation of powers) duhtu a ni a. A lehkhabuah pawh hian a ziarang thui tak hmuh tur a awm. Ziakmi tam takin Fathers of Romans Philosophy nihna ropui tak an pek hial, Cicero chanchin pawh hi kan sawi hmaih thiang lo ang. Ani hi chu Rom khua leh tui dik tak a ni a. Rom finna lungphum pawh ti ila kan sawi sual lutuk lo ang. Ram inrelbalwna chungchanga a duhdan chu thil pathumah a innghat a. Stoicism duha pawmtu a ni. Stoicism thuthlung vawrhchhuaktu Zeno ang bawk a khuarel nihphung dah chungnung duhtu a nih angin, Eng dan pawh hi khuaarel nihphungah a innghat vek a ni, a ti a; Mihring nunphung leh khawsak inrelbawlna kawnga dank an siamte reng reng chuan chatuana danglam ve ngai lo, khuarel nihphung dan awmsa a milin a thlawp tur a ni tiin a zirtir thin. Amah hi a vanduai hle a, a vanglai hun a hmang chho tan dawn chauh tihah Dictator Antonio kut tuarin a thi a. Rom khua leh tuite chuan an rohlu an chan ta a ni. (Issue lehah chuan a Vol II, Rom lalrama Kristianna lo alhchhuahna philosophy kan rawn buan let ang.)

BACK TO THE UNION

Kum 1946 leh 1952 inkar hi Mizo mipuite hnehchhiahin an awmna atanga chhan chhuak tur leh, an phurritte namthlaksak tura Mizo Union-in, thuneihna engmah nei si lovi, thahnemngai tak leh huai taka atan a lak hun a nih avangin, Mizo Union ropui lai ber ka ti a ni Chutianga Mizo mipui dinhmun a chepna chhan ber chu, an pianpui finna in a tlin loh vang a ni lo va. Anmahni awptu rorel khawlin hniam tak leh mawl taka awm lo thei lo tura a kalw vang zawk a ni. Mizoram chu Bawrhsapin a awp a.Amah chu theuneihna engkim infawkkhawmna dan siamtu, thiat theitu, dan lekkhawhtu, dan bawhchhiate hremtu, sawrkar department zawng zawngte hotu a ni a. Chutiang kalhmang bawk chuan Mizo lalte pawh mahni tawkin, an khua theuhte lakah an lal a, an khua leh tuite chuan phung hlauh takin an hlau a ni. Chutichuan, Mizoramah Politics a lo luihin mipuite chuan Mizo Union chu anmahni humhima humhalh torah ngaiin, a thlaphen atangin an phurritte leh an duh dante chu an auchhuahpui ngam ta chauh a ni page 177, Mizoram leh Kei by R.Thanhlira, Compile by R.Lallianzuala Associate Professor India in an hruaitu hmasa Gandhi te, Nehru te, Sardar Vallabhai Patel etc. te a teihngilh thei tawh lo ang bawk hian keini Mizote pawh hian kan hruaitu hmasa, Mizo Union hruaitu hmasa Pu Ch.Saprawnga, Pu Ch. Chhunga, Pu Vanlawma etc. te hi i hre reng ang u page 139, Mizo Union Kha by K.L. Chhuanvawra

Published & Edited by Lalramruata on behalf of Mizo Student Association, Bangalore