22

28

14.10.2012
Editor Jt. Ed. : C. Lalmuanpuia 8014125196 : J. Zosangliana 9862614890 8014225294 8014764717

News Ed. : H. Remsanga : Zodinsanga

Cir. Man. : All Section Asst.Secy. & Ramchuana, Keifangtlang Y M A ch u t a n p u i n ga i t e t a n p u i t u a ni Manager: R.Lalchhuanawma 9862530551 CHAMPHAI VENGSANG BRANCH Y.M.A CHANCHINBU KARTIN CHHUAK ( Chawlhni a piangin ) Hall Ph. 234336

The Vengsang 14 th October, 2012 Electoral Roll Rivision chungchanga Central YMA duh dan: (I chhiar liam mai lo ang u)

BRANCH
O.B committee : Ni 12.10.2012 zing kar khan Vengsang Banch YMA chanchinbu Vengsang Silver Jubulee Organising Committee O.B-te Pu J.Ralkulhawna Chairman in ah in hmukhawm in hmalaktawhna hrang hrangte an sawi khawm a, tin, ni 15.10.2012 (International Hand Washing Day) lo awm tur chungchang te an sawi ho. He mi ni atana awareness campaign neih dan turte an sawi ho nghal. Hemi ni atan hian hian heng mite hi thuswai tur a beisei an ni : Dr. Lallianmawia Pu Lalthantluanga Tochawng Pu J. Ralkulhtawna Nl. K.Lalnuntluangi Tin, hemi atana inbuatsaihna atan hian Pu J.Ralkulhtawna te In ah Ni 15.10.2012 zing dar 7:00 hian Department lam hotu te, thusawitu tur leh organising Commttee O.B-te inhmuhkhawmna neih tur a ni a, kal tura beiseite kim taka kal tura ngen an ni. O.B meeting : Tun kar lo awm tur hun remchangah hian Branch O.B chuan General Conference lo awm tur chungchang leh kan Branch atanga kal turte motor ngaihtuah dan tur relin O.B meeting an nei dawn. Pialral Bus : Veng chung mi in pe te zarah tunah hian Kuang nawrna tur tawlailir chu peih fel thawkhat tawh a ni a, a senso tumtu Dr. Ziliana leh a chhungte chungah Branch YMA chuan lawmthu a sawi mawlh mawlhin a buaipuitu chungah pawh lawn thu a sawi tak meuh a ni.

Central YMA C.E.C chuan Electoral Roll Rivision lo awm leh turah Sawrkarin phungbawma a sawm angin ngun takin a ngaihtuah a, a hnuaia mi ang hian duhdan a zam a, mipuite pawh zawm ngei turin a beisei a ni : 1. Electoral Roll-a chuang tawh, khua leh tui dik tak nilo, Electoral Roll atanga paih kan duhte chu Form 7 hmangin October 31 hma ngeiin complaint thehluh ngei tur a ni. Form 7 hi Designated Officer (DO)/ Booth Level Officer (BLO) te hnen atanga la chhuakin, fill up zawhah thehluh leh ngei tur a ni. 2. Electoral Roll atanga paih ngai kan tihte kan paihna complaint form kan thehluhte hi paih an nih ngei theih nan a copy Central YMA-ah thehluh nise. 3. Electoral Roll hearing neih hunah YMA aiawh mi 6 aia tlemlo tel ngei nise. A tul a nih chuan huaisen taka Dan lova luh tumte dodal nise.
MIZO INNEIH CHUNGCHANGA MUP, MHIP LEH MZP NGENNA INTAWM (Kar hmasa Issue chhunzawmna) b) Thuamchhawm turte : vi) Heng a chunga kan sawi bak Mo-in a mamawh leh a neihsa thilte chu hun dangah lak mai nise. 4. MAN TANG SEM LEH EITIR : Man ei hi a eitur dik tak eitir ngei thin nise. Hnam dan 2006 a chhut angin:i) Sum hmahruai ii) Sumfang iii) Pusum iv) Palal v) Ni-ar vi) Naupuakpuan Man kan in eitir chiam chiam hi a tha lova sim tur a ni. Kan piputen an lo tih dan hi (Man eitur dik tak eitir hi) a lo tha in a lo nghet zawk thin. vii) Nu Man : Nu man hi kan hmang diklo ta fo mai a. Ka piputen an lo tih dan hi (Man eitur dik tak eitir hi) a lo tha in a lo nghet zawk thin. viii) Thian man : Thian man hi a awm ngai lova, pek a nih pawhin mipa lam pek tur a ni. ix) Charsutphawi man : Mo chuan a u (laizawn) pasal a neih khalh hian Charsutphawi an ti a . Mo u (pakhat aia tam pawh awm se) pakhat in Charsutphawi man Tlai (Rs 20/-) a ei ang. Hei hi sumchhuah thuah pawh chhuah tel a ni ve lo. 5. LAWI AR : Lawi Ar hi man eitute tum a ni a. Mo a pasal in lawi tur malsawmna a lawipui atan pek thin a ni. Ar hi pathum vel a tawk hle. 6. LAWICHAL : Lawichal hi mo a pasal in a hlim taka hruai thleng tu tur a ni a, a mawhphurhna hi a san em a vangin leh kan hnam Dan a bet tlat a nih avangin ban theih a ni lova. Lawichal man hi phut a nih chuan mipa lam pek tur a ni. (phek lehlamah chhunzawm ani)....

VENGSANG BRANCH YMA DIN TAN KUM: 13th OCTOBER 1946

YMA CHANCHINBU CHHUAH TAN KUM : 1991

Editorial
Section tanpuina awlsam... Section ah- kan Branch huamchhunga Section thenkhat ah chuan section inhlawh nan section huamchhungah electric bill khawn thin a ni a. Veng mipuite tan pawh a awlsam hle in a hriat. An neih bik vang pawh ni chuanglo a thahnem ngai tak an lo awm hi chuan thla a muang in section hruaitute pawh an lawm thin hle in a rinawm. Mahse hetiang karah hian thil chhut chiang lemlo a lo awmawl tum ve mai te pawh an awm thei tho bawk a, chutia a nih chuan in hriat thar tir a tul hle mai a, kan tawngna deuh a nih pawhin keimahni tan theuh a lawm le! Electric Bill khawn hlawh hi in sawi daih teh ang. Cheng 10 aia hniam hi chu section hlawh atan chuan a tlem lulai ve khawp mai. I bill kha nangmahin pek han tum chhin la. Nileng a electric bill pe tur a i tha senso te, lirthei i hmang a nih phei chuan i fare man zawng zawng te kha han chhut la, a lo berah Rs. 10/- aia tam hi chu i seng hrim hrim ang. Tunlaiah YMA section inhlawh tura thalai inkoh chhuah a har tawh si, inhlawhna tur dang a lo vang em em bawk nen i inchhung lum atanga hlawh pangai tak ilo pek khan ilo hnatlang ve tho a ni tih te kha in hrechhuak thin ang che. Cheng sawm hian eng tham mah thil hi a ti thei tawh silo, mahse keimahni tawka section tan thahnem kan lo ngaih ve na an tlingkhawm a, pangai takin hlep te a lo nei ve thei ta a ni. Tin, thu dang daih in belh leh teh ang. Kan inchhung khur ngeia kan tu leh fate hi YMA kutthlak na a che chhuak ber an ni fo. Phal tak a nu leh pa , chhungkua ten kan tir chhuak thin hi a lawmawm tak zet. Mahse, hemi karah hian engemaw tak ril tak si in phum a awm tlat mai, chu chu kan nu leh pa, kan pi leh pu te hian an lo hmuh hmaih lo. Khawtlang lawm phaklo nih hi an lo duh miahlo mai. Mitin mai hian Chhiatni/thatni hi kan tawng vek ang. A pawimawh zawk i ti mai teh ang Chhiatni hi! YMAchu tlawmngai tur a ni na meuh mai. Mahse , a chhunga cheng member-te rilru lak pen hi a harsa khawp mai. Member tin hian hetiang hun kan tawn hian khawtlang tan kan lo tangkai thin em? tih hi sawichhuak lemlo pawh hian mimal tin hian keimahni rilru ah ngaihdan hi kan lo pu ve fur tlat. He rilru putu rilru hi tuman an thlak theilo. Chuvang chuan, kan theih tawk khawtlang tana inhawn ve mai hi kan tihtur a ni tih i hre tlang theuh ang u...

Chhunzawmna... 7. MAN HLAN : Mizote inneihna hi kan Kristianna nen inzawm tlat a nih avangin man hlan pawh hi mawi tak leh zahawm tak a hman tur a ni. 8. RUAI : Mo lawmna leh thlahna ei leh in hi a hautaklo thei anga kalpui theih nise. Hei hi kohhran duhdan pawh a ni a, zawm hram a tha (a nei leh awm bik ruai te chu thuhran a ni e.) Keimahni
NAUTE THAR KAN NEI E !

TIHDIKNA ! Ni 2.10.2012 (Thawhleh) nileng a vengchhung thianfaia Branch hnatlang neihna a sumfaia min puitute hming chhuah hmaih palh a awm a, han tarlan ve hrim hrim kan duh e :Pu DK Tluanga, T.Sec -Rs. 500/Pu Fala, V.Sec-Rs. 100/- te hnenah lawmthu kan sawi mawlh mawlh a ni. Khawnge Tea Urn!? YMA Tea Urn (Thingpui lum chhawpna) Pu R.L Chhuankima hriatreng nan a a chhungten Branch an pek chu a awm lo a. Ngawi reng a lo kawl chuan a rang thei ang ber a Pu Duhzuala kaltlang a YMA Hallah dah turin kan in ngenin kan in hriattir a ni.

Kan Editor Pu Mpa chu Pu tak tak a ni ve ta. Inrinni zing dar 1 bawr vel khan fanu duhawm tak mai Presbyterian Hospital, Durtlang ah tluang takin an nei e. Kan va lawmpui tak em! A ka pawh zen ila min seh lo ang..

MUT TLEMIN TAKSA A NGHAWNG DAN (Chhunzawmna) Mut Dan Tha(1) Electrict Bulb te hi tihthim vek tur a ni. Zan laiah zun a chhuah avanga bual in-a kal a ngai a nih pawhin Electrict Bulb te hi on loh tur; hei hi a chhan chu rei lote light on pawh hian kan taksaa melatonin hnathawh a tibuai thin a ni. Melatonin hi taksa thau lutuk tur thununtu pawimawh tak pakhat a ni. (2) Mut pindan hi a vawt deuh raih tur a ni a, 70F aiin a lum tur a ni lo. (3) Sana chek ring chi hman loh a tha. (4) Alarm Clock kan set duh a nih pawhin khum atanga ft. 3 tala hlaah dah tur a ni. 5) Mut rei zawng duhthusam chu darkar 7 to 8 hi a ni. (6) Tleirawl (teenagers) te chuan darker 9 an mamawh thung. (7) American Cancer Association ten an hmuh dan chuan darkar 6 aia mu tlem leh darkar 9 aia mu tamte hian cancer an nei awlsam zawk a nih chu! (8) Coffee leh zu te hian rilru an chawh harh avangin pumpelh ngei tur a ni. Zu hian a tirah chuan mut han tichhuak ve mahse a hnu lawkah rilru a tiharh leh zawk si a ni. (9) Mut hma darkar hnih (2) atang chuan engmah ei tawh loh a tha. (10) Taksa sawizawi that hi a pawimawh hle bawk.

Aw le, sawi tur tam tak awm mahse i duhtawk phawt teh ang. Mut tlem luattuk that loh dan pawh kan lo hre ta bawk a, tul leh pawimawh em em si lova pawngpaw zan men rei em em te hi sim a tha khawp mai. Hma taka mut a, zingah hma taka thawh leh hi a hrisel a ni tih hi thudik dinglai reng a la ni. Eizawnna avanga loh theih loh a zan lama kan menrei emaw, tlaivar hial pawh a lo ngai a nih pawhin taksa mamawh tawk chu mutna hun insiam chawp ve leh mai thin tur a ni e.