Editor: H.

Malsawmtluanga
Ph: 9615425400 / 9436784572

Thingsulthliah Students Union

Jt. Editor: Lalromawia Ph:2370285 Correspondents: K.Khualluna : 9436392830 Lalbiaktluanga : 9612322711 Ramngaizuala : 9862386148

Thingsulthliah Sub - Town Weekly Newspaper

VOL. VI

No. 44 THINGSULTHLIAH

Ni 3 November 2012

(INRINNI)

THINGSULTHLIAH HSS BUILDING HAWNG DAWN TA (Bialtu MLA & Home Minister-in a hawng ang) MP(Lok Sabha) Fund Cheng Nuai 15 hmanga sak, Thingsulthliah Higher Secondary School Building Hawnna chu karleh ni 7 Nov 2012(nilaini) Dar 11:30 am-ah neih a ni dawn ta a. Fund tumtu Pu C.L.Ruala, MP chu a hman leh dawn tak loh avangin Bialtu MLA Pu R.Lalzirliana, Home Minister ni bawk-in Building thar hi a hawng dawn ta a ni.
Building thar hawnna-a tel tur hian Managing Board chuan mi 400 vel a beisei a. Chung te chu HSS Staff leh Zirlai naupang te, Managing Board member ni mek leh a din tirh kum 200304 atanga Member lo ni tawh zawng zawng te, Thingsulthliah H/S staff te, Thingsulthliah khawchhunga NGO hrang hrang(YMA, MUP,MHIP) leh Political Party hrang hrang OB te, Managing Board Chairman lo ni tawh te, Thingsulthliah VCP lo ni tawh te, Kohhran hrang hrang Pastor/Officer te, Department hrang hrang Head te, TTA OB leh Executive te, khaw thenawm Tlangnuam leh Seling V/C te bakah sawm bik mi pawimawh hrang hrang te an ni. Building thar Hawnna inkhawm hi Pu Lalrawngbawla, Managing Board Chairman & VCP-in a kaihruai ang a, School Report, Managing Board Report leh Building Report te ngaihthlak a ni ang a, Khuallian-in thusawina a neih hnuah a duh apiang tan thusawi tawi hun a awm bawk ang. He hunah hian Joint YMA Zaipawl bakah Solo te ngaihthlak a ni bawk ang. Tlai-ah Ruai ropui tak theh a ni ang.
TLANGNUAM CENTENARY - Tlangnuam kum 100 (Centenary) tlin lawmna tur hmun atana Field ruahman chu thlak lehin Community Hall-ah lawm turin Organising Committee chuan a rel. Community Hall hi peihfel hman ni dawn lo mahse Function hman theih tura siam tum a ni. - Centenary hi ni hnih lawm a ni dawn a, ni 19 Dec 2012-ah Khuallian turin Pu V.Lalremthanga, Mamit DC(BDO hlui) beisei a ni a, ni 20 Dec 2012-ah Bialtu MLA & Home Minister Pu R.Lalzirliana chu khuallian atan beisei a ni. - Vawiin chhun dar 12:00 hian Organising Committee leh SubCommittee peng hrang hrang te Tlangnuam Branch YMA In-ah an thukhawm dawn a, thlalakna te an nei ang. Tunah hian Programme pawh peih fel thawkhat a ni tawh a ni. - Organising Committee hnuaia Fund Rising ten Pu CL Ruala, MP(Lok Sabha) Fund an hmuh hmangin tunkar atang khan Footpath an siam mek. Foot-path hi 60 mtrs-a thui, a vang lam Ft 4 niin vawn ban nei tur a ni ang. VAWKSA RATE RS. 180/Tunkar ningani zan khan Thingsulthliah V/C leh Tst Saser Association aiawh ten Vawksa Rate chungchang an sawiho a. Tun dinhmunah Thingsulthliah khaw chhungah Vawksa Rate Kg 1 Rs. 180/- aia sang a zuar lo turin an inbia a, Hei hi Thingsulthliah khaw chhunga Vawksa ser ten zawm vek turin V/C ten an hriattir thar leh a ni. Tin, mipui lam pawhin Vawksa

KG khat Rs. 180/- aia sang a lei lo turin V/C ten an ngen bawk a ni. LUNGNGAIH DAR RI Ni 1.11.2012(Ningani) dar 5:15 pm khan Pu Salchhinga(82) H/o Chuailovi, H/A chu Lungphuchawl in a boral a, a tuk ni 2.11.2012 Dar 11:00 am-ah Pastor R. Lallianparan a vui. INNEI Ni 2.11.2012 khan Laltlankima S/o R. Thangthuama, H/A Lunglei Road leh Lalnunpuii D/o Lalhleia, NE Khawdungsei te Hospital Veng Kohhran Vestry-ah an innei. MELA NAKTUK THLENG Seling Field-a Mini Mela neih mek chu naktuk ni 4 Nov 2012 thleng neih a ni dawn a, zanah a tawp ang. Ruahman dan ang chuan vawiin inrinni thleng tur hi a ni a, mahse ni khat dil belhin naktuk Pathianni zanah Mela hi a tawp dawn ta niin kan lo dawng. M.A. PASS THAR H.Lalremruata(L-Ray) S/o H.Zalenthanga, C/A chuan tun hnai khan M.A. (English) II Division-ah a pass tih kan lo dawng. L-Ray hian Madurai Kamaraj University atangin M.A (English) hi Correspondent-in a zir chhuak a ni. Kan lawmpui hle mai. KHAWBUNG BDO-AH Pu Lallawmawma, MCS, S/o Pu K.Zahawma, Tlangnuam, Hmar Veng chu Khawbung BDO-in a awm dawn a, November ni 20, 2012 hnu lamah a hna thar hi a zawm dawn niin kan lo hria. Pu Lawmawma hi tunah Aizawl DC Officeah Sub-Deputy Commissioner(SDC)-in a awm mek a, Census lam enkawl telin Nodal Officer a ni bawk. Thingsulthliah BDO thar tur Pu Lalrohlua, Khawbung BDO pawh ni 20 Nov 2012 hnu lamah a rawn awm hmel chauh niin thu kan lo dawng bawk Seling VC ten INTER-VILLAGE LINK ROAD SIAM NREGS sum hmangin Seling V/C ten kar hmasa leh tunkar chhung hian Seling to Tlangnuam Seling M/S peng atanga BRTF camp thleng JCB hmangin kawng an lai a, kawng tihzauh leh a chhuat siamrem hna te an thawk.

He kawng bakah hian Seling to Sesawng Lungbial tlang atangin Maumit kawn thleng JCB hmangin kawng siamthat leh laih hna hi an thawk bawk. Tunkar tawp hian an zo fel.