Vol.

XIV :

Issue No. 52

30th December 2012

Pathianni

Phek 1 - na

Kumtharah - I Thu Ni Se
Pastor Lalramdinthara Colney
2013 kumthar lawmawm tak min hruai thlengtu Pathian hnenah lawmthu awm rawh se. Hun kal tawha zahngaihnaa min hruainaah leh min tih thlawn ngai loh avangin a rinawmna a ropui a ni. Kum hluiah khan Pathian rinawmna kawng hrang hrangin kan hmu a, a malsawmna chhiar thiamtu tan chuan lawmna tur hlir a ni a. Kan duh angin kan chungah a rorelna a lo thlen loh chang a awm mai thei. Chutichung chuan kan tana a rinawmna chu a pangngai reng a ni. Kum 2012 ah khan kan duh loh leh harsatna hmangaihtu, amaha ruat anga a kohvate tan chuan, chi hrang hrang kan tawk mai thei. Chhungkaw thenkhat an thatna turin engkimin a thawhsak hlawm thin tih phei chuan thihna hial pawh kan tuar a ni. Hlawhchhamna kan hria (Rom 8:28) tiin kan Pathian thu chuan a sawi hrang hrang pawh kan nei ang. Kan duh loh leh thlan loh a. Amaherawhchu, he Pathian thu hi kan ringhlel lek lek natna kan tuar kum te pawh a ni thei bawk. Chung thilte thin em? Dam thlapa pawm harsa kan tih chang a awm avang chuan kan Pathian hi kan chungah a tha ta lo tihna fo niin a lang thin. em ni? Pathian hi kan tan rintlak a ni ta lo em ni ang? Thilpek chu lawm taka dawn tur a ni a. Kan Kum hluiah kan chhungkuain malsawmna tam tak kan dawng a. Kan faten hlawhtlinna an hmu a. Kan eizawnnaah kan tluang a. Harsatna sawi thamin min tibuai lo va. A va lawmawm em! Amah Pathian leh Kohhran tan pawh theihtawp kan chhuah ve reng a ni kan ti mai dawn em ni? Thahnemngai taka a rawng kan bawl hi Lalpan min hriatsak a nih hi kan ti mai dawn em ni le? Nge ni, Kan thawhrah liau liau a ni kan ti zawk dawn? Pathian malsawmna chhiar thiam hi ringtute tan thil pawimawh tak a ni. Kan nuna thil lo thleng zawng zawng hi thilpek(gift) a ni a. Thilpek reng reng chu a petu chuan duhsakna nen a pe thin a. A lo dawngtu rilru erawhchu a dang daih thei. A petu chuan a theih sang ber a nih loh pawhin, a theih tawk a tha a pe thin a. A dawngtu chuan a petu rilru a tawmpui thiam a tul thin. Thilpek chu a dawngtuin a hman zui dan a zirin malsawmna a ni thei a, a petu nena an inkar tichhetu leh anchhia hialah pawh a chang thei a ni. Kan chunga thil lo thleng zawng zawng hi Pathian hnen ata thilpek(gift) kan dawn a ni a. A lo dawngtu hian thilpek(duhsakna) angin kan ngai thei em le? Pathian duhzawng tak a ni emaw, duhzawng lo deuh a nih pawhin, min petu nena kan inlaichinna a that zawkna turin, a petu thinlung tawmpuia lawm taka dawn tur a ni. Kum 2013 ah pawh hian kan chhungkuaah engnge lo thleng dawn engmah kan hre lawk lo. Nimahsela, kan chunga thil lo thleng apiang chu thilpek kan dawn a ni tih kan hriat leh pawm a tul. Chu thilpek kan dawnsawn dan chuan malsawmna a nih leh nih loh chu a hril mai dawn a ni. Kan chunga thil lo thleng apiang hi Amen ti a, I thu ang ni zel rawh se ti chunga kan dawn chuan eng pawh mai hi malsawmnaah a chang thin. He kumthar kan hman chhoh turah hian Pathian hnenah Amen ti zel thei turin i inhlan thar ang u. Kan hriatthiam lohah pawh Amen ti ila, kan natnaah pawh Amen ti ila, thihna meuhah pawh hian Amen ti ila. Amen ti a, I thu ni se kan tih theihna chin zelah kan thilpek dawn hlutzia chu kan hmu zel ang. Kum 2013 ah hian Lalpa, I thu ang ni zel rawh se tiin, a hnenah kan chhungkua i inhlan thar ang u. Pathian malsawmna dawng tur chuan inpekna hi a hmahruai a ni a. Thuawihna avangin engkim hi malsawmnaah a lo chang thin. Pathian thilpek apiang a hlutna ang taka dawng turin I thu ni se tiin i inhlan thar ang u.

Kohhran Aw

Pathianni chhuak

30th December 2012

Phek -2- na

2012- KOHHRAN AW SEMTUTE: B-1: Lalengkima, Lalruatfeli, Lalkhawngaiha B-2: Vanlalnghaka, Zahmingliana B-3: Vanlalruata, Lalbiakthanga B-4: Zochhuanmawia, Lalrinawma B-5: Noel Lalremsiami, Lalnunpuia B-6: Lalawmpuia, Lalmuanawma, Zonunmawia B-7: Zohmingthanga Tlau, Zodinmawia B-8: F. Lalremruatpuia, Lalrindika, MS Dawngliana, Zohmingkima B-9: Lalramengmawii,Lalbiaksiami, Lalramtharzuala B-10: Lalramchhana, Roluahpuia B-11: Vanlalpeka, Remruatsanga B-12:Lalnunthara, Lalfelkima, New Saron : BL Thanzama, TBC VL Remruatsanga

Kumin chu kan ruaitheh dan tidanglamin KTP inpekna azarah thutna kan nei a. Ruaithehnah pawh usher an awm thlap bawk a, a felfaiin a hahdamthlak hle. Tin, kan ei nawi pawh tihfai tur a tlem sawt hle a, changkanna tha tak, chhawm nun zel chi a ni. Tin, KTP vekin eitur tihlumna panga an lei thar a, ei tlai deuh tan pawh a lumin a ei theih a, a lawmawm hle. Nakum Krismas-ah chuan a aia tam nei theiin counter tinah phei chuan hung thei ila, a lawmawm lehzual ang. Kumtharah hian counter siam belh tum a ni a, mipui intlar thui lutuk tur kan ziaawm beisei ila. Ruai theh tur chu tlai lutuka kal ching lo ila, a ningnawi chingfel tute tan a hahdamthlak ang. Tin, counter a duty ten chaw dawh te a zira lo pek tam leh tlem dan kan zir lehzual a ngai deuh niin a lang. Naupang leh puitling a inzat renga kan pek chuan a thenin an ei seng lo va, a then tan a tlem bawk si . A zakzum deuh tan chuan dawh nawn te hi a nuam chiah lo va, duty ten a awm tawk pek kan zir a tul. Tin, sum thawh lamah tanlak leh zual a tul. A thenin an pek that viau laiin a thenin kan ngaihthah hle a, pe thei tho si, pe mumal lo nih phei chu a zahthlak tih hriat a tha hle.

Editorial : Krismas Thlirletna

Nigeria rama Borno state-ah December 24, urlawk zan vek khan Muslim firfiak en silai hmangin mi Kristian 12 an that . Tin, tun thla tir lam khan Mulim firfiak nia rin ten Baptist Kristiante chu hriamhrei hmanga beiin mi 10 an that tawh bawk. He tualthahna hi Muslim firfiak Boko Haram-te tih a nih rin a ni a Urlawk zan khan Peri khuaa Evangelical Church Winning All (ECWA) chu heng firfiak pawlte hian an luhchilh thut a, Biak In chhunga Kristian lo awmte chu an that nghal hmiah hmiah mai a ni, an mi thah zingah hian Pastor pawh a tel nia hriat a ni. He tualthahna thleng hi eng pawl mahin an tih nia inchhal an la awm rih lo a. Amaherawhchu, mi tam ber rin danin Muslim firfiak Boko Haram-te tih a nih rin a ni a, nikum Krismas pawh khan Boko Haram-te hian Kristiante chungah hetiang hian an lo che tawh a. He firfiak pawl hian Nigeria ram atanga Kristianna hnawh bo chu an thil tum ber a ni a. Hei vang hian Kristiante an bei deuh ber thin a, sawrkar pawh an bei bawka, tin mosolman biak in thenkhat pawh an bei tho bawk thin a ni. Boko Haram pawl hian kumin chhung ringawt pawhin Kristiante leh Biak In chi hrang hrang beiin mi tam tak an that tawh bawk a ni. Nigeria ramah hian an ram mipui zawng zawng zaa 51.3 te hi Kristian an ni a, a tlangpuiin an ram chhim lamah an cheng a, Muslim hian an ram mipui zawng zawng zaa 45 an hauh thung. Tin, an hmanlai sakhua la bia hi zaa 10 vel nia rin a ni bawk. Iran rama Pastor pakhar Yousef Nadarkhani, an ram dan bawhchhia nia an puh avanga kum 3 lungin tang, tun thla tira an chhuah zalen tak chu Krismas ni khan man nawn leh a ni. He Pastor hi kum 2006 khan man a ni tawh a, thiam loh chantir a nih hnuah kum 3 a tan hnuin Krismas ni khan Lakan Tan Inah dah lut leh a ni. Thuneitute chuan a tan hun tur a la tlak lo niin an puh a, kum 3 tan tlin nan ni 45 ala tan belh leh a ngai niin an sawi. He Pastor hi a tir takah phei chuan thi tura a chungthu relthluk a ni tawh a, amaherawhchu, ram hrang hrangin he thu hi an hriatin an duh loh thu an au chhuahpui nasat avangin kum 3 tang tura tih a ni leh ta zawk a ni. Tun tuma man nawn leh a ni hi International Human Rights lam chuan an dodal nasa hle a, UNO High Commission chu inrawlh tur leh Iran rama sakhaw te zawkte chunga hleilenna a lo reh thuai theihna tura hma la turin a ngen. Kar hmasa zirtawpni khan Pennsylvania-ah mi pakhat silai keng chuan mi 3 a kap hlum. heng zinga pakhat chu hmeichhia a ni. He hmeichhian hian Krismas inbuatsaih nan Biak In a chei a, silai mu hian Biak In tukverh tawn tlangin he hmeichhia hia a fuh ta a ni. February thlaa India sangha mantute an thah avanga India rama tang mek Italy lawng sipai 3-te chu India sawrkar chuan an rama Krismas hman a phalsak. Amaherawhchu an haw hlen dawn lo a, Krismas an chhungte nena an hman zawh ah kumthar January ni 10 tlai dar 3 hmain India rama an awmna hmun an thleng leh hman turin an intiamkam tir a, tin cheng nuai 60 an dahkham tir bawk. Italian defence minister Giampaolo Di Paolo chuan Krismas hma Pathianni hnuhnung ber khan heng sipai tangte hi an awmna hmunah a tlawh a, vantlang inkhawmah thu sawi nghalin heng an mi mante hi an chhungte hnena Krismas hman phalsak turin court a ngen thu a sawi a ni.

Christian News

Kohhran Aw

Pathianni chhuak

Dt. 30th December 2012

Phek -3-na

KUMHLUI THLAH ZAN PROGRAMME Hruaitu : T.Upa C. Lallianzauva, Treasurer Tantu : Nl. Zairemtluangi Khiangte Thuchah tawi : Pu V.L. Zauva Chhangte, Leader Report : Branch Secretary Zai hruaitute : Pu K. Lalremsiama leh Nl. H. Lalsangpuii Hla hriltu : Nl. H. Ramengmawii Musician : Guitar : Tv. Robert Lalmuanpuia Bass : Tv. R. Vanlalnghaka Drums : Tv. Isak Lalrinngheta Keyboard : Nl. F. Lalchhanhimi Compere : Pu J. Lalmuanpuia Items 1. Musical Dance : Nl. Lalnundiki leh a thiante 2. Solo : Tv. K. Lalremruata 3. Games : Tv. Ricky Hmingthansanga 4. Musical Dance : Marka Group mipa 5. Beat Group: Convener : Pu R. Laltanpuia 6. Malsawmna dawn thleng thlir ho Buaipuitu : Tv. Chanchinmawia leh Tv. H. Lalfakzuala 7. Special Item : Kum 2012 chhunga hmun danga awmte atangin Convener : Tv. C. Zothanmawia 8. Duet : Nl. Lalremtluangi leh Nl. Lalrinmawii 9. Special Item : Tv. V.L. Ramdina leh a thiante

Damlo Tawngtaipui Ngaite

Pu Lalzarmawia, Pi Sangkhawli,Upa Hrangvelthanga, Pi Bawitluangi, Pi Zoramthari, Pu Lalhlunthanga, Nl. Zoramthangi leh Pi Lalengi te i tawngtaipui zel ang u.

Pangpar Khawi Turte

Dt 30 Dec & 1st Jan-a pangpar khawiturte: 1) Pi Vanlalzawmi 2) Pi Lalnipuii 3) Pi Lalbiakmawii Dt 6 Jan,2013-a pangpar khawiturte: 1) Nl. Lalhlutpuii 2) Nl PC Vanlalhruaii

Pangpar Tui Petu Turte

Dt 2-6.1.2013 chhunga pang par tui petu tur te:-(1) Pi Lalventhangi (2)Pi F Lalrozami (3) Pi C Thanthuami (4) Pi Ramdinliani.

Vawiin NPSS Zirlai

Vawiinah NPSS ah zirlai a awm lo va. Department tin ten programme siamchawpa hman mai tur a ni e.

Kohhran Sum Khaikhawmna - 2012

Sum Lakluh(`) Hmanral (`) Balance (`) Tualchhung - I 41,12,453 17,64,119 24,48,334 Tualchhung-II 3,72,089 2,62,776 1,09,313 Sunday School 6,43,981 2,50,163 3,93,818 Ramthar 13,75,014 11,41,360 2,33,654 Kohhran Hmeichhia 7,15,173 5,12,731 2,02,442 KTP 6,26,294 4,84,178 1,42,116 Pavalai Pawl 1,16,263 90,664 25,599 Dawr luah man 2,21,978 1,10,000 1,11,978 P.E.S 9,22,752 7,76,840 1,45,912 Kum 2012 hian Champhai Vengthlang Kohhran sum hian sum lu tinrengah nikum khum vek a ni. Kohhran mipuite inpekna leh Pathian hnathawh avanga hmasawnna nasa tak lo lang hi a lawmawm hle a ni.

Hruaitu Thar
Chairman V/Chairman Secretary A/ Secy Treasurer Fin. Secy : Upa VL Hruaia Sailo : Upa BL Chuailova : Pu K. Vanlalhriata : Pu K. Lalfakzuala : Pu C. Hrangmanthanga : Pu HS Lalchhuanmawia

Vawk Vulhtute Tan

Kan Kohhran Endowment Fund atanga kumina vawk vulhtute zawng zawngin tun thla chhung ngei hian Upa H. Nghakliana hnenah sum thehluh fel vek tur a ni e.

Lawmthu Sawina
Pathian zara kan Kohhranin RAMTHAR Chanchinbu, Kohhran mala la hnem ber ( copies 349) a tum thumna atana kan hauh leh thei hi a lawmawm tak meuh a, Pathian leh Kohhran chhungkuate chungah lawmthu kan sawi e. Kumthar 2013 atan a la tawh sa te chah kep leh vek kan ni a, tlawmngaia min lo laksak leh theuh turin kan ngen a che u. Tin, a la la ve lo chhungkuate pawhin kumtharah chuan lak vek tum hram ila(Agent te hnena inhriattirin). Kum khat atan ` 50 leka thlarau bo zawnna a tha kan thawh ve theihna a ni tih hriain thahnem i ngai ang u. Chanchin Tha puan darh hi ringtute tih makmawh a ni si a. T/Upa TC Lalrizapa & Pu Lalhmangaiha Khiangte Agents : RAMTHAR Chanchinbu

Kohhran Aw Lawmman
Kar hmasa a Kohhran Aw semtute lawmman la dawng ve loten Editor hnenah lam tur a ni. Tin, nakumah sem leh vek turin kan inngen a, harsatna nei chuan mahni aiawh tur rawn ruatfel sa turin kan inngen a ni.

Kumthar Chibai
Kohhran chhungkuate Kohhran Aw Editorial Board-in kumthar duhsakna sang ber kan hlan a che u.

Kohhran Aw

Pathianni chhuak

Dt. 30th December

2012

Phek -4-na

Darthlalang : Mihring Thlak Danglamtu

Lehkhabu lar tak How Now Shall We Live ? tih ziaktu, khawvel hmun hrang hranga Tan Ina tangte hnena rawngbawl thin, leh a rawngbawlna chanchin ziak thin Charles Colson hian tumkhat chu Tan In pakhata rilru lam mi thiam (psychiatrist) a kawmna a ziak a. Chu rilru doctor chuan Tan Inah hun rei tak ka thawk tawh a, mi chi hrang hrang, ngaihtuahna inang lo leh at dan inang lo tak tak ka enkawl tawh a. Mihring atna hi ka tidam thei a, mahse mihring sualna erawh tihdam har ka ti a, ka tidanglam thei lo a ni ber mai a ti a ni awm e. Khawvel finna leh thiamna hmangin mihring taksa pianphung thlengin thlak danglam theih a ni tawh a. Mihring ngaihtuahna pawh engemawchen chu khawl changkang tak tak kan hman thinte hmangin kaihruai a, engemawchen chu tihdanglam theih a ni. Mahse mihring sualna siam tha a, tidanglam tura kawng tha ber chu Lal Isua chanchin tha hi a ni. Hei aia hmanraw tha hi a awm lova, chu hmanrua lah chu mitin hman theihin Lal Isua hian min pe a ni. Hei hi khawvel a scientist hmingthang, thilnung mawlmang tak tak lo inthlah chhawn dan leh mihring hiala a lo pianchhuah dan (evolution theory) ngaihdan thawhchhuak hnem ber zinga mi Charles Darwin pawh khan hriain, Lal Isua chanchinin mi a thlak danglam theih zia hi a hre hle mai. Rawngbawltu pakhat hnena a lehkha thawnah chuan Kum tam tak kan khawtlang siamtha tura kan lo beih ve tawhna aiin hun rei lote chhunga i thuhril khan kawngro a su nasa zawk a. Zu ngawlvei pakhat pawh a simna tura tih theih kan neih loh laiin i rawngbawlna avang erawh chuan kan khawtlangah zu ngawlvei pakhatmah hmuh tur an awm ta love a ti hial a ni. Thilnung lo inthlah chhawn dan chungchang zir turin a hnu deuhvah Charles Darwin hian South America khawmual chhim tawp Tierra del Fuego hmun a tlawh a. Chutah chuan hnam mawl leh rapthlak tak mai a va hmu a.Chulai hmuna missionary an luh hnua a va tlawh leh a thil lo danglam nasa ta lutuk chu mak a ti a, missionary hnathawh chuan a rilru a hneh hle a, a damchhungin chu rawngbawlna atan chuan sum a thawh ve hial nghe nghe a ni. I Petera 2 a kan hmuh angin Lal Isua, kan tana Kross-a a thih khan kan sualte avanga tuar a ni mai lova, Lal Isua chakna leh thiltihtheihna tihlanna hun pawimawh a ni a. Kross lerah khan a thiltihtheihna chu a ring apiangin an chan theih nan a sawhkeh nghal bawk a ni. Lal Isua hian engkim a tithei tih hi a rinngamte chuan an hlawk phah a, mi nun an thlak danglama, a ring ngamte chuan hun harsa leh hrehawmah pawh an thlamuan pui thin a ni.

December Chairman : Upa BS Kailiana

VAWIIN BIAK INPUI

Chawhma : Pathian Biak Inkhawm Hruaitu : Meeting Chairman Thuhriltu : Upa Vanlalhruaia Sailo Chawhnu : Bible Sunday Inkhawm Hruaitu : Meeting Chairman Thuhriltu : Upa C. Hualchhunga Zan : Pathian Biak Inkhawm Hruaitu : Meeting Chairman Thuhriltu : Upa H. Thangliana KTP TAWNGTAI INKHAWM Hruaitu : Pu Vanlalruata Tantu : Tv. Lalramzauva (Lk. Gr) Tihtur : Hla zir Dt. 31. 12. 2012:THAWHTAN ZAN Sunna & Kohhran Report Hruaitu : Rev Lalramdinthara Colney Report : Upa C. Hualchhunga Zanlai Inkhawm Hruaitu : Upa Lalthlamuana Thuhriltu : T/Upa Lallawmthanga Dt. 01. 01. 2013 : KUMTHAR NI Chawhma Inkhawm Hruaitu : Rev Lalramdinthara Colney Thupui : Lalpa chunga lawmna chu chakna a ni Sawitu : Upa K. Lalthlengliana Zan Inkhawm Hruaitu : Upa H. Nghakliana Thupui : Pathian lawmtlak inthawina Sawitu : Rev Lalramdinthara Colney Dt. 02. 01. 2013 : NILAI ZAN Hruaitu : Pi Lalhruaitluangi, B-13 Thupui : Presbyterian Kohhran awmzia Hawngtu : Pu R. Laltanpuia Dt. 05. 01. 2013 : INRINNI ZAN Tantu : Pi R. Tlangmawii, B-11 Thuhriltu : Pi Hmangaihengi
(Kohhran Aw-a thuchhuah tur nei chuan Editorial Board member hnenah emaw Chowkider inah emaw thehluh thin tur a ni )

TAWNGTAI INKHAWM HRUAITU

TAHRIK ZING :Dar 6:00 AM TLAI: Dar 4:00 PM Tv. Lalhrilzauva 31.12.12(Thawhtanni) : Pu HS Zoramliana Upa Vanlalhranga Pi Lalhlupuii 01.01.13(Thawhlehni) : 02.01.13(Nilaini) : Upa Lalchungnunga Pu V. Rozama T/Upa TC Lalrizapa 03.01.13(Ningani) : Nl. Lalzamveli Pu Thanzauva Pu F. Piangthanga 04.01.13(Zirtawpni) : Pi Zosiami 05.01.13(Inrinni) : Pu C. Denga Pi Lalzikpuii Sailo Pi VL Hmuchhuaki 06.01.13(Pathianni) :

Editor : T/Upa Lalhuapzauva, Jt. Editor : C.Lalthanpuia, News Editor : Robert Lalmuanpuia Manager : JC.Laldinsanga Cir. Manager : K.Lalrinawma, Published by Vengthlang Kohhran & Printed at C.K.Offset, Vengthlang. Biak In Ph.: 235380