Editor: H.

Malsawmtluanga
Ph: 9615425400 / 9436784572

Thingsulthliah Students Union

Jt. Editor: Lalromawia Ph:2370285 Correspondents: K.Khualluna : 9436392830 Lalbiaktluanga : 9612322711 Ramngaizuala : 9862386148

Thingsulthliah Sub - Town Weekly Newspaper

VOL. VII

No. 5 THINGSULTHLIAH

Ni 16 February 2013

(INRINNI)

THINGSULTHLIAH HSLC & HSSLC EXAM CENTRE-A CANDIDATE NEIH DAN Karleh ni 22.2.2013 atangin HSLC Exam chu tan a ni dawn ta a. Ni 26.2.2013 atangin HSSLC exam pawh tan a ni ang. Thingsulthliah Govt. H/S Exam Centre-a HSLC candidate leh Thingsulthliah Higher Secondary School-a candidate neih dan chu hetiang hi a ni. Govt. Thingsulthliah H/S Exam Centre-a HSLC Candidate zat Hmeichhia Total S/N School Hming Mipa 1 Govt. H/S Thingsulthliah 13 18 31 2 Govt. H/S Seling 3 5 8 3 Govt. H/S Tlungvel 9 14 23 4 Tlangnuam H/S 2 5 7 5 T.M. H/S Sesawng 9 8 17 6 DBS, Seling 23 16 39 7 Radiant Hearts School, Tst 5 12 17 8 Private Candidate 19 24 43 Total : 53 102 185 Thingsulthliah HSS Exam Centre- HSSLC Candidate zat Hmeichhia S/N School Hming Mipa 1 Thingsulthliah HSS 23 21 2 Tlungvel HSS 4 8 3 Private Candidate 7 6 Total : 34 35 Total 44 12 13 69

LUNGNGAIH DAR RI Ni 10.2.2013 dar 8:30 am khan Pu Lallianzuala(67) C/A chu Cancer natna vangin a boral a, hemi ni vek dar 3:00 pm-ah Pastor R. Lallianparan a vui. INNEI Ni 13.2.2013 khan Lalrohlui D/o C. Vanlalhluna, C/A leh Robert MS Dawngliana S/o Pachhunga, Tuikual C Aizawl te an innei. Vawiin ni 16.2.2013 hian Lallawmawma S/o Lalzahawma, Tlangnuam Hmar Veng leh Zothanmawii D/o K. Lalchawiliana, Republic Venglai, Aizawl te Tst Salvation Army Biak In-ah an innei. Lallawmawma, MCS hi tuna Khawbung Block BDO hna thawk lai mek a ni. SELING UPA 4 THLANG DAWN Seling Presbyterian Kohhran chuan naktuk Pathianni hian Upa 4 thlan an dil angin an thlang dawn a. Inthlan pui tur hian Bialtu Pastor R. Lallianpara bakah Upa Vanlalthlana, Thingsulthliah leh Upa Lalchawiliana, Tlangnuam ten an thlanpui dawn a ni. NREGS NI 12 INHLAWHNA Tunkar khan MGNREGS (Ni 100 inhlawhna kan tih mai) ni 12 inhlawhna a lo chhuak thar leh ta a. Tunkar leh karleh chhung hian hnathawh a ni ang. RMSA STUDENTS EXCURSION RMSA hnuaia High School hrang hrang ten March ni 15, 2013 hmaa Students Local Excursion neih tura ruahman angin Govt. Thingsulthliah H/S chuan ni 28 Feb. 2013-ah Excursion hi an nei dawn a. Hetah hian Class IX zirlai 54 te chu Tuirini leh a chheh vel Environment te zirin Bus pahnih hmangin kal an tum EXAM TAN Tunkar ningani atang khan Govt. Middle leh Primary School ten Final Summative Evaluation neiin Exam an tan a, karleh zirtawpni-ah an zo ang. Ni 25-28 Feb. chhungin Final Result buatsaih a ni ang a, Result chu ni 1.3.2013-ah puan a ni ang.

SUMO ACCIDENT Ni 13.2.2013 zing dar 4:30 vel khan Zokhawthar Sumo Aizawl pana tlan chu Seling thlang Water Point leh Custom Gate inkar lei tlahniam bulah chesualin a tlan liam a, 500 mtrs vel a lum. Sumo-ah hian mi 11, mipa 8 leh hmeichhia 3 an chuang a, hliam na 8 awmin 3 te chu an na vak lo hlauh. Heng zinga 2 te chu na zual bikte niin Aizawl Civil Hospital panpui nghal an ni a, midang 9 te chu Thingsulthliah CHC panpui niin Doctor leh Nurse ten theih ang anga an enkawl hnuah MCON Bus leh Sumo 2 hmangin Aizawl lamah phurh thlak leh an ni. Kan thu dawnnain a sawi danin, Zokhawthar Sumo pathum te chu inzuiin Aizawl lamah an tlan a, tuna Accident hi a lai a tlan niin a hmasa bera tlan leh a hnung bera tlan te Seling-ah an dan pangngai a an chawlh khawmnaah a laia tlan a kim tak loh avangin a Driver chu an phone ta a, Sumo Accident Driver chuan vanneihthlak taka rawn chhangletin an accident thu a rawn hrilh a, tichuan Zokhawthar Sumo pahnih te accident-na hmun lam panin an tlanlet a, an accident-na hmun lei tlahniam lai a ni tih an finfiah hnuah Seling YMA leh VC te punin an tlan let leh nghal a, Zing dar 5:00 rik hmain Seling YMA leh VC te chhanchhuah hna thawkin an thawk thla nghal a. Vanneihthlak takin thi an awm lo hlauh a, Tst CHC leh Aizawl lamah hliamte panpui an ni ta hlawm a ni. PENSION THLAH Nimin zirtawpni khan Govt. Thingsulthliah High School zirtirtu leh zirlai naupang ten Pu Doremvela, Teacher, March ni 1, 2013-a pension tur thlahna an nei. Pu Doremvela hi kum 1981 atangin zirtirtu hna a thawk a, Zohmun High School-ah Headmaster-a thawkin kum 2006 atangin Thingsulthliah H/S-ah a rawn insawn a. A pension hun hi HSLC Exam lai anih dawn avangin Tst H/S chuan nimin khan a thlahna hun an hmang a, amah Pu Doremvelan ruai thehna tur sum thawhin naupang zawng zawng te nen tlaiah ruai an theh nghal.