SIMEIKHU KARTIN CHHUAK THINGSULTHLIAH

Dt. 16 February 2013 (INRINNI) PHEK- 2

Editorial : TLAWMNGAI PAWL LEH IN (BUILDING) NEIH

HRUAITU THAR

Lalromawia, Jt.Editor.
Kan Sub-Town-ah hian Tlawmngai Pawl thenkhatte chuan In an nei nual tawh a, In neih tum a hma la mek te an awm rualin, hma la lem lo, mahse In neih tum mek pawh an awm a rinawm.

MZI, THINGSULTHLIAH Br. President : H. Lalrinchama Vice Pre : Vanlalnghaka Secretary : H. Lalremruata(L-Ray) Asst.Secy : K. Lalremruata Treasurer : Vanlalnguri Fin. Secy : K. Rosangzuali
TLANGNUAM BRANCH YMA

Pawl hovin In kan neih hian kan neih chhan enge tih hriat a tha hle mai. Midang ten an nei a lawm, tih vang ringawt a mahni sum thawhchhuah pawh nilo, Sawrkar sum hai then zawnga In neih tum tlat emaw, Hmun awl ni a kan hriat avang a kawngpui zauh zelna tur pawh dal thei tur a nih leh nih loh ngaihtuah miah lova In neih kan chak ringawt hi chu a fuh ber lo mai thei. Pawl chuan chhiatni thatni a mitin ten a thlawna an hman theih tur bungrua kan nei hlawm a. Heng kan bungrua te mimal In tihnawk leh sawichhuah nuam si lova phurrit siamtu te hi kan In-ah te hian dah ta ila. Mimal leh midang man chawia luahtir a Pawl sum neih teuh ai chuan a hlu zawk ngei ang. Tuna Pawlho In neih te kan hman dan tlangpui chu Sum hailuih nan ni berin a lang a, a sakna tur kan dil chhan leh min tanpuitute min tanpui dan nen hian a inmil ang em tih chhut ta ila, Tin, Tlawmngai Pawl inti siin, Mahni thawhchhuah ngei hmanga In neih kan tum ta lo lutuk te leh, Sawrkar kut ngawt a kan innghat lutuk te hi Tlawmngai Pawl zia a ni thei ang em? Heng Tlawmngai Pawl In, Sawrkar min sak sakte hi kan sum hman tam phu tawkin a tangkai zawngin hman tum ta ila, mimal luahtir a luahman tlingkhawm a kumtawp a ruai theh ngawt ai chuan, member chak vak lo zawk te hunawl hman theihna tura infiamna chi hrang hrang emaw, an khawhar hnem tura hun an hman theihna tura buatsaih ni ta zawk se, Heng hi a bik takin MUP tan bik nise a tha lehzualin a rinawm. BIAL KHAWMPUI NEI MEK Nizan atanga naktuk Pathianni zan thleng awh tur UPC(NEI) Tst Pastor Bial khawmpui chu Tlangnuam Kohhran-ah neih mek a ni. Khawmpui thupui chu, I rawngbawlna hlen rawh tih a ni a, Vawiin hian rorel a ni ang. Speaker atan Bialtu Pastor C. Lalmalsawma a ni ang.

SIALKHAWTHANGA SECTION Leader : Tv C. Laltholeha A/Leader : Pu K. Zoramthanga Secretary : Nl H. Lalhriatpuii Asst.Secy : Tv A. Lalrinchhana Treasurer : Tv C. Lalhmangaihzuala Fin. Secy : Pu H. Hmingthansanga C.ZASIAMA SECTION Leader : Pu C. Lalhriatkima A/Leader : Pu TC Lalhriata Secretary : Tv H. Lalngaihawma Asst.Secy : Nl Zonunsangi Treasurer : Nl PC Lalparmawii Fin. Secy : Nl Irine K. Lalhlimpuii TLANGNUAM GSA President : Pu R. Zohmangaiha Vice Pre : Pu R. Lalsawma Secretary : Tv H. Lalhmangaihzuala Asst.Secy : Pu C. Zarzoliana Treasurer : Pi Zohmingthangi Fin. Secy : Pu T. Lalramzauva

UPA ZASIAMA HLA PHUAH PAHNIH RAWN CHHUI Tunkar ni 13/2/2013 khan Synod Music Committee te Upa Zasiama Hla phuah zinga hla 2 chungchangah chhuizauna neiin Tlangnuam an lokal a, Tlangnuam Presbyterian Kohhran Music Committee te nen inkawm hona neiin hun an hmang. Tlangnuam Kohhran Upa hmasa ber Upa Zasiama hian Hla 14 a phuah niin hriat a ni a. Chung a hla phuah zinga pahnih En ru Pathian Beram No(KHB No 213) leh Thlarau Thianghlim thuro nunnem (KHB No. 306) tih te chu phuahtu hming dang a tarlan a ni a. Heng hla pahnihte hi Upa Zasiama damlai thlanlung-ah pawh ama phuah ngei nia tarlan a ni a. Mahse, Thanherha leh Khawkunga phuah anga tihlan anih avangin Tlangnuam Music Committee chuan Bial leh Presbytery kaltlangin Synod-ah chhui chiang turin an thlen a. Hemi bawhzuina hmasa neiin Synod Music Committee ruat angin tunkar khan Synod Music Committee atangin Upa F. Lalremthanga, Music Coordinator bakah Upa RL Thianga leh Upa Hmingthansanga te an lokal a ni. Heng hla pahnih te hi a phuahtu dik tak Upa Zasiama anih leh nih loh rawn chhuiin an thil hmuhchhuah te hi kumin June thla-ah SEC-ah an thlen dawn a ni. SELING LPS CONSUMER INHMUKHAWM Ni 10.2.2013 khan LPS Consumer Union, Seling te inhmukhawmin Assembly an nei a. He hunah hian Seling LPS Consumer chu tihtawp/thiah a Mizoram Consumer Union, Seling Branch a inchhunluh mai a tha em? tih leh, LPS Connection Direct a lak mek hi tihtawp a, Local DTH hmanga lak mai a tha em tih an ngaihtuah a. Thu tihtlukna nei lovin heng thu te hi zir chian leh phawt nise an ti. CHHIATNI FUND Tst Diakkawn Area Branch YMA chuan Chhiatni fund an kalpui mek-ah chhiat tawk chhungkua hnena tanpuina Rs. 700/- an pek thin chu Rs. 1000/-ah an tisang. Hun remchangah Chhiatni Fund hi chhung tinte hnenah khawn leh tum a ni a, chhung tinte lo inring lawk turin an duh thu an tarlang.

SELING LPS CONSUMER UNION

President : Pu C. Lalchhuangliana Vice Pre : Pu Lalhuliana Secretary : Pu C. Lalbiaktluanga Asst.Secy: Pu Lalchhuanawma Kawlni Treasurer : Pu Lalduhlaia Fin. Secy : Pu F. Lalchhandama THINGSULTHLIAH GSA Vawiin hian Thingsulthliah GSA chuan Committee neiin hruaitu thar thlanna neih an tum a, Tst V/C ten Inthlanna neihpuiin tlaiah chawhlui kilho nghal an tum. AUDIT NEI Tunkar Thawhlehni leh Nilaini khan Salvation Army Tst. C.O. Bial Corps hrang hrangah Division Headquarters Staff ten Corps chhunga section hrang hrangte inenkawl dan leh sum Audit neiin hun an rawn hmang. FINANCIAL TRAINING Nimin (Zirtawpni) khan S.A. Central South Division chhunga section khat huamchhung, Serchhip atanga CTI Corps thalai(SAY) hruaituten Tst Corpsah Financial Training an nei a, tlaiah chawhlui an kilho nghal.