The Official Publication of KTP: Leitan South Branch

2012 Branch Thupui

Nang Malsawmna Ni Ang Che G n s s1 :2( ) eei 2 b

Vol. XVII No. 1 K.T.P. LEITAN SOUTH BRANCH

CHANCHINBU BI-MONTHLY Dt. 13 Jan. 2013 (INRINNI)

LAWRKHAWM ** Feb. ni 23 ( Inrinni) nileng hian Kohhran Hall-ah Sunday School Zirtirtu training neih a ni dawn a, Department tina Sunday School Zirtirtute leh Secretary, Chawhnu Sunday School Zirtirtu leh Secrectary te chu tel theuh kan tum dawn nia. Nileng programme a ni a, chhunlamah thingpui leh a hmeh a awm dawn bawk a ni. ** Kum 2013 atanga hman tan tur hian kan Kohhran chuan kan Kohhran mi boral an awm chuan Nu leh Pa zanah ralna, Bible/ Kristian Hla Bu leh Rs 2000/-an hlan thin tawh dawn a ni. ** Tunlai hi naupang Sikul leh College exam lai a ni a, kan Kohhran chhungah pawh exam hmachhawn tur an awm nual.Khawlai a bengchheng leh zirlai te tibuai thei ang zawnga thawm neih te pawh kan insum tlan a tha hle. ** Ni 17, Sunday Chawhnu Group A Sunday School chu YWCA (Young Womens Christian Asociation) ten hun an hmanpui dawn a, tunlai tleirawl hriat tur pawimawh tak tak sawi a nih dawn avangin nu leh pa te kan fate inkhawm ngei turin i fuih theuh ang u, zaithiam tak tak te pawh an rawn hruai dawn a ni.

NANG MALSAWMNA NI ANG CHE Gen:12:2-3 Upa Zairemmawia Kohhran Committee Chairman Kum 2013 ah hian K.T.P Leitan South Branch chuan Thupui atan Nang malsawmna ni ang che tih thlan a ni a. He thupui hi tarmawi atan mai ni lova ataka member tinin kan tihhlawhtlin theuh theih chuan Lalpan kan rawngbawlna mal min sawm ngei ang. He thu hi tha tak leh sawi nuam tak a ni a, mahse a thu ken erawh a khal alh mai a. Mite tana malsawmna ni tur chuan thuawihna, channa, Inpekna, chhelna, tuarna, Insenso leh thihna thlengin a tul fo thin a ni. Abrahama hi malsawmna ni turin Pathian in a hriattir chu an khua, an chenna hmun leh a laichinte ho zing ata leh a pa in chhuahsan turin a hrilh a ni. I thlahte chu Vana Arsi zat an la ni ang, tia Pathianin a hrilh chu Kum 99 a nih pawhin a la thleng si lo. Keini ho ni ila kan bei a dawngin kan phunnawi nasa awm! A kohna chu hrilhnawn fo lo mahse a kotu Pathian rinawmna a hriat chian avangin a ringhlel lova. Tichuan a rinna chu a felnaah ruat a ni a. Israelte tana MALSAWMNA thlentu a lo ni ta a ni. A kawng zawh thuizia leh rei zia Bible ah kan hmu a ni. Nova chu Pathianin tui a tih let dawn avangin Lawng tuk (siam) turin a hriattira (Gen.6:14). Kum 100 chhung chhel taka Lawng a tuk lai khan a hrilh nawn fo thu kan hmu lo. Tui a let khan Kum 600 mi a ni tawh a ni. A kotu koh chhan anga rinawm leh chhel taka a thawh avangin a chhungte leh Ramsa/Rannung te tana malsawmna a ni ta a ni. Mosia pawh Kum 40 zet Israel fate a hruai lai khan Israel faten vawi tam tak Pathian hawisan mahse a kotu tan a rinawm a. Hebrai ziaktu chuan Hmuh theih lohva chu a hmuh avangin a tuar tan tan a ni tiin Heb.11:27 ah min hrilh a ni. Heng a kotu laka rinawm te nuna lang fiah m m chu an nghehna leh chhelna hi a ni. Mizote hi thar rang hmun siam a a rah seng nghal mai duh leh pumpelha kal ching kan ni an ti thin. Tei rei peih lo, haw haw a thil tih ching kan ni a. Kan Political Party-te leh Politician hote pawhin Ram tan leh mipui tan a tha rotling long term policy an neih theih miah hlawm loh hi. Zoram mipuiin kan tuar mek ta a ni em ? Kan rinna leh thlarau nunah pawh hian mi tam tak chu phur thut leh hlimna umin kan hmanhlel a. Harhna kan chan zin ang aiin kan daih rei thin lo a ni. Lapaw hal an sawi leh ruahmualliam ang maiin kum khat m pawh a vei hmain kan beidawngin kan chau leh mai thin a, mite tana malsawmna kan ni thei thin lo niin a lang. Kohhran hote pawh kan in en chian a tul a ni. K.T.P ...contd on next page GEN 12:2 Nang Malsawmna ni ang che

K.T.P.

LEITAN SOUTH BRANCH

CHANCHINBU BI-MONTHLY

PHEK 2- NA

EDITORIAL BOARD MEMBER

Editor : David Malsawmtluanga Joint Editor : Benson Lalawmpuia News Editor : H. Lalliansanga Ruth Lalbuatsaihi C Lallawmzuala Cir. Manager : R Lalawmpuii : 9862846085 9402592304 8794540130 8974792017 9856451865 9436961343

CHANCHINBU SEMTU TE
Hermon 1 - C Malsawmhlua Hermon 2 - C Lalngaihawma Hermon 3 - Lalrinsiama ATC - C Vanlalringa SR -Lalmalsawma Zotui 1 Zotui 2 Zotui 3 Zotui 4 Zotui 5 TV Centre - K Lalnunfela - Lalhriatpuia - C Lalliantluangi - C Laldingpuii - Jason Lalremruata - C Vansangzuala

Editorial ziah ber hi a ni huphurhawm chu... Kan hriatna a zim si, kan sawi ngam leh sawi theih a tlem bawk si, nitin chanchinbu angin Mizoram huap topic a hlap ve pup pup theih siloh.. kan that tlanna tur ni awma kan ngaih han sawi hian tute emaw sel ang lek lek hian a ngaih theih bawk si, thu ho deuh han ziah hi a nichiah mang bawk silo. Eng eng emaw chanchinbuah kan han tichhuak ve a, kan fimkhurloh vangin thil nilo pui chhiar tur leh diklo dueh chhuah te a awm leh zauh thin. Editorial Board te a ruka kan zah chem chem laiin atu ate mahin Khalai kha in tisual a tih tum hlek hlawm bawk si lo, kan chanchinbu hi tuman an chhiar ve tak tak lo anih hi, ti vel mai mai ang tih rilruk a awl duh khawp mai. Thahnemngai zual thenkhatin kan tih dikloh lai te min kawhhmuh chang hian Editorial Board te chuan phurna thar kan nei ve tlat thin. Kan diklohna lai te inhrilh ngam thin ila, Sound Operatoe te hnenah pawh In ti ring lutuk ; in ti zawi thei lutuk te ti ngam ila, Inkhawm i tlai reng mai te emaw Committee ngai pawimawh ve deuh teh tih hial ngai te pawh kan awm nawk ang. Kan chaklohna lai te han inhrilh ngam tlang ila, a dawngtu te pawhin kan zawm lem lo a nih pawhin haw lem lo ila, hma kan sawn tlang ngei ang. Tun Issue pawh hi lo chik mah teh, tihdikloh lai chu a tlem pharh mai ang. Kha daih kha asin....

CKTP Rorel Inkhawmpui, Lunglei-a kan Branch aiawha kal tura ruat Tv. Hmingthantluanga chu chhungkaw rokhawlhna avangia a theih leh dawn loh avangin a aiah Tv. H. Lalruatdika chu ruat a ni. Feb. ni 22 khi KTP Day a ni a, KTP Day pual liau liau hian zingkarah Branch hnatlang, Khawlai Tihfai neih tur a ni a, zing dar 6:30 ah Biakinah kalkhawm tur a ni. Member tam thei ang ber thawhchhuah i tum ang u. KTP anga Social Work kan neih khat em hi maw!! Kum 2013 chhunga Biual Budget ( kan branch in a pek tur) chu Rs 24100/- a ni a, hemi hi pe tla thei ngei turin memberten theihtawp i chhuah theuh ang u. Sports Sub-Committee te chuan hma chak taka lain RG Stadium pawh April ni 24 (Holiday) an hauh fel ran tawh a. Amaherawhchu Branch Committee-a ngaihtuah tur a la ni. Kum 2013 chhunga Leitan Bial OB -te Leader : Tv. Vanlalhmuaka Chenkual-Muthi Asst. Leader : Pu Lalchhuanawma- Leitan Secretary : Pu Lalhmingmawia- Leitan S Asst. Secy : Pu Lalbiakmawia- Leitan Treasurer : Pu Frederick Malsawmzuala- Leitan S Fin. Secy. : Tv. R. Lalbiaktluanga- Ramthar Bial Committee Member ah hian Nl. Ramsiamliani, Pu Malsawmtluanga leh Pu PD Vanlalzawna te ruat an ni bawk a ni.

...contd member-te hian Pathianin min koh chhan kan hriat chian loh chuan hlim hlawp leh nuam kan tih zawng huau huau thilin kan kal ral mai ang tih a hlauhawm a ni. A tawp berah chuan, Sawrkar hnaah te, Hnatlang leh infiamna chi hrang hrangah te chuan AIKAL/ AIAWH kan in tir thin. Pathian rawngbawlnaah chuan NANGMAH i pawimawh a, nangmah a ko che a, Aikal intirh chi a ni ve lo. Midang tana malsawmna ni tur hian thiam tak leh tui tak a sawi ngawt hi a tawk lova, rinna a ke pen tur a ni tih i hre thar leh ang u. Malsawmna hi nawmsip bawl chung leh pumpelh lamtluang zawh a, awlsam taka thleng chi a ni hek lo. Chanvo tha chan, lansarh leh mi ngaihsan hlawh nana rawngbawl tuten an thlen ngai bawk lovang. KEI heta hi ka awm, min tir ta che tia midang phut lo, hrehawm pawisa lova Lalpa rinchhana mahni inphata rawngbawltute rahchhuah tur a ni tlat a ni. Mahni hrehawm pawisa lo, a thim a var pawh thlu lova an nun lo hlantu Kohhran hruaitu leh K.T.P hruaitu kal hmasate hniakhnung zui ngam, Lalpa malsawm ram rim nam Thalai member kan Branch-ah hian Lalpan engzatnge a neih ang le ? Kan ram, kan khawtlang nun sualin min tihchhiat mk lai leh Thalai tam tak Setanan thihna thlan thim lama a hnuh luh mk lai hian a chhelai siamtha a, malsawmna ni turin Lalpan a ko che a ni. NANG malsawmna ni ang che GEN 12:2 Nang Malsawmna ni ang che

K.T.P. LEITAN SOUTH BRANCH

CHANCHINBU BI-MONTHLY

PHEK 3 - NA

Feb ni 1 zingkar khan Pu Tlangkhuma leh Pi Zothangliani te chu Kohhran Dan Thianghlimin anmahni chenna in, Zotui vengah Pro-Pastor Lalramchuangluran in a inneihtir. Pu Tlangkhuma te nupa hi thu leh awm hma chu kan Kohhran hian thla tin Rs. 1500 in a pui ziah dawn a ni. Hun engemaw chen Nerve that loh vanga kal thei lo, Pi Lalmalsawmi chu ni 9 zan khan damna chang in tuna dinhmunah chuan a taksa a chak chho tawh hle. Thalaite Thian Editorial Board te chuan kan lawmpui em em a ni. Rev. Dr. Vanlalnghaka Ralte, phai lama surgery ti tura kal chu Feb. ni 8 khan a lo haw leh a, doctor ten damdawi a la inenkawl zawk turin an lo rawn a ni. A lo thatchhuah zel theih nan Kohhran mipuiten kan tawngtainaah i hre reng ang u. Pu Lalrammuana ( Amuana) chu a zirna hmun atangin a lo haw. Tun tum chu a nupui a rawn hruai haw lo a ni. Hun engemaw chen a cham dawn niin thu kan dawng. Nl. C Lalduhkimi chu a zirna lam panin ni 13 khan a kal leh ta. Aizawl Hmar Presbytery KTP Meet neih turah kan Branch Leader Pu Lalhmingmawia chu Secretary atan ruat a ni, kan chhuang hle mai. Kan member PC Lalbiakdika ( Sena) chuan Leitanah insakna bungrua a bun ta rup mai. Kohhran mipuite tlawm te te in min pe dawn a ni.A dawr hming chu Sunday Closed a ni e. KTP GROUP NEWS MATTHAIA GROUP Ni 12 zan khan Alu zuarin hnatlang an nei a, member an thawkchhuak tha hle. Alu lo leisaktute zawng zawng chungah lawmthu an sawi a ni. Feb. 19 khian lehkhachhia zawngin an hnatlang leh dawn a, Kohhran in tin te lehkhachhia lo khawlsak turin min ngen bawk. MARKA GROUP Ni 16 khan Rescue Home-ah hnatlang an nei a, SRH ramri thirpal in an hung a ni. member thawkchhuak an tha hle. LUKA GROUP Ni 5 khan sangha zuarin hnatlang an nei a, an sangha zawrh tui tak lo leisaktute zawng zawng chuangah lawmthu an sawi a ni. Tum dang anglo takin Dil sangha ngat an zuar a, a fresh tha hle.

Leitan Pastor Bial Hmeichhe Inkhawmpui Vawi 8-na Leitan Pastor Bial Kohhran Hmeichhe Inkhawmpui Vawi 8-na chu tluang takin Feb. ni 8-10 khan Leitan Kohhran Biakin ah neih a ni a. Thupui atan Kristian Chhungkua tih a ni a, Speaker hi Rev. Lalhmingthanga a ni. Kan Kohhran Zaipawl in ni 9 (Inrinni) zan khan hla kan rem a, member 40 vel kan kal. He khawpui hian hetiang hian 2013 Leitan Bial hruaitute a thlang chhuak a ni. Chairman : Pi C Thansangi- Leitan Vice- Chairman : Pi C Lianzuali- Leitan South Secretary : Pi Lalchhari- Leitan South Asst. Secy : Pi Laltlanthangi- Muthi Treasurer : Pi Vanlalchhuangi- Leitan South Fin. Secy. : Pi Lalramzauvi- Ramthar Kan Kohhran atangin Pi Zoremmawii leh Pi Hawilopari te chu Bial Committee Member atan ruat an ni bawk BIAKIN SAK HMACHHAWP Kum 2013 chhung hian kan Biakin leh a vel hi cheitha turin hma lian taka lak a ni a, kan hriat theih chin te chu 1) Pu R Sangkhuma in lane atanga Biakin thlang kawng inkar step chu nalh leh felfai taka cement a zut a, chei hnum tum a ni a, fur ruah haw hma ngeia zawh hman tum a ni. 2) Biakin hmar lamah hian Committee Room, Reception Counter leh Tuizem siam tum a ni. 3) Sunday School Hall chung ceiling siam tum a ni. 4) Junior Dept. inkhawmna bulah zunin siam tur a ni a, hei hi a takin hma an la tawh bawk a ni. Kan Biakin hi sak lai, la ti deuh pheng phung leh hma lakna tur tam tak awm a la nih avangin hnatlang leh thawhlawm lamah pawh kohhran mipuite kan tan tlan zel a pawimawh hle. MUSIC COMMITTEE NEWS March ni 12 zan dar 7 hian Zaihruaitu Inhmuhkhawm neih tur a ni a, Zaihruaitu tura Kohhran Committee in a ruat zawng zawng te kim taka kal tur a ni. Hemi zan hian Resource Person atan Upa Vanlalthanga, Upa K. Lalthanzama leh Upa Dr. Ringluaia te ruat an ni. Kumin chhung hian FAK RUNPUI neih leh tum a ni a, hei hi Kohhran Committee ah thlen tum mek a ni. A hun atan April t emaw October thla emaw rinruat a ni. Biakin Zaihruaitu tur , Khuangpu leh Keyboardist a inkawp tur ruat fel a ni bawk. KEIMAHNI leh NANGMAHNI Tun kum chu, kan chanchinbu hi Kohhran in, kan duh duh naah ka siam mai dawn a. Mitin lo in ring ru ran rawh u. Tun Issue kan siamna Nl. Kuri leh a chhungte chungah lawmthu kan sawi e.

GEN 12:2 Nang Malsawmna ni ang che

K.T.P.

LEITAN SOUTH BRANCH

CHANCHINBU BI-MONTHLY

PHEK 4 - NA

February 16-28 Meeting Chairman : Upa.Dr.R.Lianzama Key-boardist : Tv.Henry Lalawmpuia Zai Hruaitute : Pu.R.T.Vela : Tv.Joseph V.Rentlei Operators : Tv. H.Lalruatdika : Tv. Lalruatfela 16.02.2013 ( Inrinni) Sermon : Dr.Biakhmingthanga 17-02-2013 (Pathianni) SS tantu : Pi Lalramliani ATC Chawhnu : Dr.C.Biakmawia Zan : Rev. Rosiamliana Tochhawng 20-02-2013 (Nilaini) Tantu : Nl. C.Lalduhawmi Thupui : Presby. zepui langsar zualte Thupui hawngtu : Tv. C.Lalvuana 23-02-2013(Inrinni) Tantu : Pu Satinkapa Thusawi : M.S.S.U atanga lo kal te 24-02-2013(Pathianni) SS tantu : Pu.C.Laldika Chawhnu : Pu. Lalhmingmawia Zan : Rev. Vanlalrova Khiangte 27-02-2013(Nilaini) Tantu : Nl. B.Nuchhungi Thupui : Presby. Kohhran inrelbawl dan Thupui hawngtu : Pi.Lalluii

Keyboardist Zaihruaitu

: Tv. C. Lalremruata : Tv. Benson Lalawmpuia

Thawhlawm Khawntu : 1. Nl.Cecil Zothanpuii 3. Tv. K. vaninmawia 17.02.2013 ( Sun) Hruaitu Tantu 18. 02. 2013 (Mon) Hruaitu Tantu Sermon 24.02.2013 ( Sun) Hruaitu Tantu Thupui Zirho Etiquette & Manner 25. 02. 2013 (Mon) Hruaitu Tantu Sermon Faith Promise Hlan 2.Nl. Mimi H. Lalremruati 4. Tv. Jonathan Lalramhluna : Kohhran Hall : Tv. F. Lalpianmawia : Nl. Mimi H. Lalremruati : Biakin : Pu Lalhmingmawia : Tv C Lallawmzuala : Upa Zairemmawia : Kohhran Hall : Nl Lalhmangaihzuali : Pu Lalramnghaka : Nl Ramsiamliani : Biakin : Tv. R Lalthanmawia : Nl. Lalhmingsangi : Pu Lallawmzuala : Pu Frederick Malsawmzuala

PAVALAI CORNER INKHAWM PROGRAMME 18.02.2013 ( Thawhtan) 6:30 A Hmun : Pu Saithanmawia Pachuau Hruaitu : Pu C Thangmawia Tantu : Pu H Hrangkima Sermon : Pu R Lalhluchhunga Thilpek Lakhawmtu : Dr. C Vanlalngheta 25.02.2013 ( Thawhtan) 6:30 A Hmun : Pi Ramdingi te in Hruaitu : Pu C Laldika Tantu : Pu Lalsangbera Sermon : Pu VR Vulmawia Thilpek Lakhawmtu : Pu Zonunthara *** Kum 2013 atan Pavalai member inpe mi 93 an tling tawh a, a la inpek theih zel e. *** March ni 11 khian Seminar neih tumin hma an la mek a, thupui atan Chhungkaw Enkawl Dan, Pa Mawhphurhna a ni a, Resource Person atan Rev. Vanlalrova Khiangte a ni ang. He hun hi Pavalai member tin ten ngai pawimawh tur leh a tam thei ang ber kal turin an insawm a ni. *** April thla chhung hian Sport ropui tak hman tum a ni.

### Kan Biakin hi....ka hmu khat viau nachungin..kan sel lawk teh ang. A mawiin a thianghlim roh phian a, a chhunga han thut ve zauh zauh chang pawh hian lung a awi hliah hliah mai. Amaherawhchu current an awm lova, kan thim thup lek lek fo mai. A thim rei deuh phei chuan Sound Room atang hian inverter lamin ring tone a rawn chhuah vat vat a, kan eng neih chhun ang ang te kan han that then leh a..aaa heti reng reng chuan reitak a tihchi dawn emawni le..a battery an tih emawni hi darkar 2 daih tal nei ila a tha ang, KTP inkhawmpui lai phei kha chuan in lamah ka lo zak angreng khawp mai a.. -Angel Mawia ### Tun kum chu KTP Day kan theihnghilh lo ve tlat mai hmasawna chikhat a ni. - Liansanga ### Kum dangah chuan kan Branch kumtir lamah hian kan chak thin viau a, tunkum chu kan cool ru riauvin ka hria, programme hlimawm tak siam vat a ngai a nih hi..programme current heh lutuk lo - RDa Zanin kan inleng Pu Lamawia Kawlni kan hlimpui hle. Lo leng ziah turin kan sawm nghal e. Chanchinbu siam erawh a khaihlak lek lek thin :-)