SIMEIKHU KARTIN CHHUAK THINGSULTHLIAH

Dt. 2 March 2013 (INRINNI) PHEK- 3

POOR FUND-AH PE Hospital Veng Branch KTP chuan Thingsulthliah CHC Poor Fund atan Rs. 1000/- tunkar khan an pe. Tin, Thingsulthliah Block MHIP ten Poor Fund atan Rs. 3000/- an pe tia kar hmasa issue-a kan rawn tarlan kha Rs. 3165/- tih zawk tur a ni e. Block MHIP hian Poor Fund atan an Conference khan an khawn a, an hmuh ang ang chu an chhunglut ta a ni. POOR FUND SUM HMANNA Thingsulthliah CHC atanga kan lo dawn danin tun February thla chhung hian damlo harsa zual hmunpui lama refer mi 5 an nei a, damdawi leina neilo mi pakhat awmin heng mite tanpui nan hian Poor Fund atangin sum Rs. 5660/- pek chhuah a ni. Poor Fund sum hi damlo harsa zualte tanpui nan hman thin a ni a, damlo awm dan a zirin a chang chuan Poor Fund sum hi hman nasat te pawh a ngai thin a; sum a awm tam loh lai leh damlo harsa tanpui ngai an tam zual lai nen a in-nan chang phei hi chuan a buaithlak hle dawn niin a lang. Mimal/ pawl/kohhran etc ten Poor Fund atan sum an rawn pe thin hi CHC thawktute pawh an lawm hle thin a ni. PATHIAN CHAWIMAWI Vawiin(inrinni) hian Tst UPC(NEI) Kohhran-ah an Upa F. Vanlalrawna te chhung chuan Pathian chawimawi nan an vawk an thawh a. Hei hi in thar hlanna leh lawmthu sawina a ni a. He hun hmang tur hian Rev. Rosanga Kawlni, Aizawl East Dist. Secretary lokalin Speaker a ni ang. Ani bakah hian General PYD Choir te an lo kal bawk ang. Nimin Zirtawpni tlaiha Pu Rawna te inthar hlanna leh lawmpuina Local Church Board ten neiin vawiin ah Biak In-ah chawimawina ruai theh a ni ang a, zanin atanga naktuk Pathianni zan thleng Revival inkhawm a hun hman a ni ang. SEMINAR IN AIZAWL-AH Vawiin(Inrinni) a Mizoram pum huap Lalhnam Seminar, Aizawl Saron Veng (an Headquarters)-a neih mek hmang turin kan sub-town Lalhnamte pawh an kal hlawm. TUIKHUR SIAM DAWN Tst MUP Unit-I chuan Pu Tlangruala D/A In bul Tuikhur siamthat hna an thawk dawn a. Hemi atan hian 1st Instalment Rs. 4900/- BDO Office atangin an la. He tuikhur hi Rs. 7000/- a siam tur a ni. Hnathawh tan hun tur chu tunkar Ningani zanah MUP Unit-I chuan Committee neiin an rel. Tin, MUP Unit-I te hi tunkar Nilaini khan Bialtu MLA Pu R. Lalzirlianan Mouthpiece leina tur Rs. 2000/- a pek bakah, Social Welfare Depatment Deputy Director Pu VL Nghaka chuan thingpui inna no Doz 3 a pe bawk.
RADIANT HEARTS SCHOOL, THINGSULTHLIAH ADMISSION NOTICE
OLD
(Fee Structure)

A LO NIH TAK CHU AN TI

- Tunlai hian khawchhak lam atanga lo kal ni awm tak, hmel hriatloh an tam an ti - Zu hmunah ai chuan Biak In-ah piantharna Chance a tam zawk an ti. - Fate an sualna kan haider hian an sual tulh tulh duh an ti. - Ui khawlai leng an va tam em! an ti. - Vote kan duh lutuk avang hian mi pawi sawi hlau leh hlau lo kan inzat ang em an ti. - Tunlai thalaite zingah mu peih lo, tho peih bawk si lo an tam an ti. - Exam lai na na na hi chuan Kohhran lam pawh hian thawm bengchheng siam lo se an ti. - Kan Sub-town hmun thenkhata Nauban, Awke leh Saphu zawng khawchhak mite hi tunge khap a, dodal ang an ti. - Feb ni 20 ral hma a daihnai ram vat hal tur an tih hnua hal te, la hal lo awm te hi engtia tih tur nge an ti. - Sorkar dan bawhchhia-ah chuan Driving Licence nei lova lirthei khalh hi VC, JAC etc anga kan hrem tum loh pawl tak a ni. - Kan Sub-town Veng tin hian kan la neih ngai miah loh, thil thar diai kan neih lohna a rei ta an ti. - Khawchhung kawng Black-top dim thiam veng apiang an vannei a ni mai an ti. - VC te hi kawng engkimah inthurual thei zel se an chakna a ni an ti. - Rickshaw Driver te hi Rate-ah an inthurual tak tak theilo an ti. - Vawksa ser ten Pathianni sa tur zirtawp zana an talh thin kha tunah chuan zirtawp khaw en laiin an peihfel tawh an ti. - Kan Sub-town ah hian infiamna hrang rhang Competition a thleng khat an ti. - Mahni thlai thar zuar duh te hian zawrhna hmun an chang ta lo hi ngaihtuah ran a ngai an ti. - Zan lama ui khuahkhirh loh, mi hnawm bawm hai ching te hian tur ei palh ta se, a neitu an vui ngam tur anilo an ti. ASSAM RIFLE-AH Tunkar Thawhtanni khan Tv H. Lalramthara S/o H. Lalparzuala leh Pu Lalmuanawma S/o K. Lallenmawii, H/A te chu Assam Rifles Training turin Dimapur (Nagaland)-ah an kal. Training Centre-ah hian ni 28.2.2013 ah an in-report ang.

Nursery Free 200 300 50 550 Nursery Free 200 300 50 550 OLD FREE 1750 1000 2750

KG 100 300 300 50 750 KG 300 300 300 50 950 NEW 1000 1750 1000 3750

Cl I IV 150 300 300 50 800 Cl I IV 350 300 300 50 1000

Cl V VII 200 350 350 50 950 Cl V VII 400 350 350 50 1150

Cl VIII X 250 350 400 50 1050 Cl VIII X 450 400 400 50 1250

Adm. Fee Yearly Fees

Monthly Fee (March)

Diary Total
NEW (Fee Structure)

Adm. Fee Yearly Fees

Monthly Fee (March)

Diary Total HOSTEL Adm Fee

Hostel Fee (March )

Security Total

1. Admission open : 9:00 12 Noon 2. Half concession in admission & Monthly fee from the 3rd child of the same parent. 3. Uniform(Oday/Hostel) & Exercise books are available at School 4. School re-open : 18/3/2013(Mon)

(Zirlaibu thenkhat & tiffin siam buai ngai lovin a thlawnin zirlaiten an dawng e)

- Contact : 9856915656 / 9615234372