Salvation Army Ramhlun Corps, Crusader Weekly

Vol. XXII

No.13 Dt.7th April, 2013

FOUNDER
William Booth

CO BIAL SAY FAREWELL MEETING NEIH A NI

Dt. 1st April, 2013 (Thawhtanni) zan SAY Meeting hunah khan Aizawl Bethel Corps-ah Ramhlun CO Bial SAY Farewell Meeting neih a ni. Farewell Meeting hi Bawngkawn Corps leh Aizawl Bethel Corps te Ramhlun CO Bial chhuahsana CO bial danga an awm dawn tak avangin anmahni thlahna inkhawm hi neih a ni. Bawngkawn Corps hi CO thuthmun a ni dawn in, Edenthar Corps, Hunthar Corps te nen awm hovin, Bawngkawn CO bial din a ni dawn a ni. CO thar dah a nih hman chu Central North Divisional Commander, Maj. Zothanmawian CO charge la in, a enkawl hrih dawn a ni. Aizawl Bethel Corps erawh Hermon CO bialah an awm thung ang. Farewell Meetingah hian Ramhlun Corps atangin Nl. Lalthawhpuiin Pathian fakhla a sa a. Tin, Bawngkawn Corps leh Aizawl Bethel Corps te hi Ngaihhruina thilpek Ramhlun Corps SAY hminga pek an ni. He inkhawm ah hian Tv. F. Zorimawia, Leader; Ramhlun CO Bial SAY hnen atangin Pathian thuchah ngaihthlak a ni bawk.

General
Linda Bond

Territorial Commander
Col. Lalngaihawmi
Divisional Youth Secretary

Maj.F Remthanga

Commanding Officer
Maj. T Vanlalnghaka
PAKHATNA NIH LAWM
Ramhlun Corps YP te chuan CO Bial YP Rally-a pakhatna an nih lawmna chu Dt 30.3.2013 (Inrinni) nileng khan Hrangbana Resort ah an hmang a, hun hlimawm tak an hmang a ni. He an hun hman atana kalna senso hi Pu Lallunghnema Hrahsel chuan a tumsak a, Ramhlun Corps YP te chuan lawmthu an sawi a ni. OUTREACH HRIATTIRNA Zanin Chhandamna Inkhawm ban hian Outreach Brigade member ten Bible Study neih tur a ni a, Bible Study min neih sak turin Pu MS Dawngliana, Leader; Ramhlun Corps SAY ruat a ni. - Secretary March Thla chhunga Senior Corps-a chanvo nei tur te : Thawhlawm khawntur te: (1) Nl V Lalnunmawii (2) Nl V Lalrinmawii (3) Nl Lalrammawii (4) Nl Lalthawhpuii PangparKhawitu: Nl K Lalhruaizeli Usher tur te: (1) Tv Lalruatsanga (2) Nl Zonunsangi

SAY SONGSTER IN HLA ZIR TAN DAWN

Ramhlun Corps SAY chuan Kum 2013 chhunga Ramhlun Corps SAY Songster member ni tur thalai mi engemaw zat a ruat chhuak a. Heng ruatchhuah te hian Dt. 8th April, 2013 (Thawhtanni) zan SAY Meeting banah hla an zir tan dawn a ni. Ramhlun Corps SAY hian zaipawl hmanga Pathian rawngbawlna nasa taka kalpui a tum a, Songster Leader atan, Tv. David Vanlalfela ruatin, a ni hi, Terrritorial Songster a, songster leader charge la mek a ni a. Tin, Deputy Songster Leader atan, Tv. K. Lalringliana a ruatin, a ni hi kum 2013-2014 atana Ramhlun CO Bial Songster leader tanglai a ni bawk. Songster leader te kaihhruaina hnuaiah hian zaipawl intihsiakna Division SAY buatsaih turah tel ngei tuma hmalakna kalpui mek a ni bawk.

THIANGHLIMA (A KHN DANG ATANGIN)

- C. Lalrinmawia Holiness meeting nei thin kan ni a. Thianghlimna chungchang sawi nasa tak kohhran pawh ka ni e. Mahse, keinin thianghlimna kan hrilhfiah dan leh hnampui zawk ten thianghlimna an hrilhfiah dan hi alo inang lo hle a. Keini chuan taksa, rilru, thlarau thianghlimna kan tia, kan thlarau thianghlimnaah chuan kan thawhhah a ngai lova, kan taksa thianghlimna hi kan buaipui ber a. Zuk leh hmuam ruihtheih thil, faina thlengin kan kawhtir vek a. Rilru thianghlimna phei chu athu chauhvin kan tui pui. Hnam dangten holiness an interpret dan hi chu heng ai hian alo la zau daih mai a. Zuk leh hmuam a fihlimna, faina vai vai ah hian thianghlimna an ti tawp lova, tanpui ngai te kan tanpui duhna hi kan thianghlimna chu a ni an ti a. Tanpui ngai kan chhehvel a mite tanpui duh loa, enliam mai thei khawp rilru pu chu mithianghlimah an ngai lo. A sipai zia viau mai. Tin, mi reng reng hi mitha tak anga en vek theihna te, midangte chungchanga inrawlh loh na thleng hian thianghlimnaah an ngai vek a ni. Zuk leh hmuama insum fam kim, fai taka (phek 3-naah chhunzawm a ni)

Salvation Army Youth, Ramhlun Corps; Central North Division

Salvation Army Ramhlun Corps, Crusader Weekly

Editor Manager Jt. Editors : Lalnuntluanga (9612698781) : David Vanlalfela (9862327235) : C. Lalrinmawia (9774638655) : David Zohmingliana (9862808201) : Lalremruata (Mapuia) (9615432515) Circulation Manager : Lalthansiama (9856649186) Asst. Cir. Manager : Rolungmuana, Lalrinfela Zote, Vanneihtluanga News Editor : Rammuanpuii, B.C. Lalrintluangi, K. Lalremtluangi, Bethsy Lalhriatpuii

Vol. XXII

No.13 Dt. 7th April, 2013

THIANGHLIMNA INKHAWM
Hruaitu Thusawitu : Nl Lalruatkimi, ACG : Pu Lalnunrempuia, CCG

SUNDAY BIBLE SCHOOL

Pu RC Lalthangpuia, Asst. Superintendent

CHHANDAMNA INKHAWM
Hruaitu Thusawitu : Pu Remsangpuia : Pu MS Dawngliana

Editorial :
Tunlai khawvel thilthar hlek a awm chuan kan bawr luih luih a, neih ve ngei tumin kan phe suau suau mai thin hi changkanna chu a ni. Amaherawhchu, Lal Isua, hmana Lal Isua, tuna hmuchhuak thar tu tan pawha hlui thei chuanglo hi neih ngei tumin kan phe suau suau thin em? Keini Lalpa zawnchhuah te hian a chanchin thar, hlui theilo hi thil thar a ni tih hre hauh lo te hnenah he chanchin thar ber mai leh duhawm tak mai, chatuan nunna keng tel hi kan hril zel dawn lawm ni? He chhandamna chanchintha hi kan tan hmasawnna a ni a, kan tan chhandamna a ni fawm. Chhandamna Sipai Pawl kan ni a, kan nihna kan hai em lovang chu maw? Nihna hi hai theih deuh mai ania, kan awmlohna tur hmuna kan awm palh te pawh hi thil pawi tak a ni. William Booth-a hnathawh hi a ropui em avang leh a rawngbawlna tawmpui ve theia kan awm hi vannei tak van va ni em! Sipai Pawl rawngbawlna avangin nang leh kei hian hma kan sawn phah in i hria em? Nge i puangchhuak duhlo zawk? Krista tana kan tihtheih hi Biak In chhung rawngbawlna ah hian tunlai hian kan tawp leh tan deuh niin a lang a, Biakin chhung chu kan rorelna hmun chauh tur a ni. Ralrelna lama kan inhman lutuk a thiang hauh lo, ralrel reng reng a kan hmanhlel a, ramlak kan neih miah loh chuan kan ralrel kha a thlawn, engmahlo mai, hnawmhne pawh tluklo ka ti ngam ngat. Sipai Pawl rawngbawlna chhunzawm a, ram la tura fehchhuahna hi alawm kan hmasawnna chu. Mite tana kan fehchhuah hian keichuan a pung tamtak ka hlep tlat thin avangin ka hmasawnna ka tilo ngamlo. Ram lak tur ala tam a, hmasawn zel tur kan ni. Mi hnuaihnung leh harsa, rethei, chhungkaw tlabal te hnenah chuan eitur tisa leh thlarau kan hlui dawn lawm ni? Aizawl khawpi ah hian Biak In chhiar sen loh a awm ta, an mawiin an tha hlawm khawp mai! Lehlamah thung chuan Krista a chhanchhuah ngai an tam tulh tulh mai hi kan rawngbawlna hi a rualkhai lo niin a lang. Krista hma ah kan in sawi fiah vek dawn a, enge kan sawi tak ang le? Kan rawngbawlna theuh hi han bih chian tak tak chuan kan bawl lo a ang a, Biak In hi ralrelna tur hmun a ni a, indona mual lam ah hian kan feh chhuah khat viau chuan rallak kan nei dawn lo tihna a ni a, Lalpa ram tan titu te hian enge kan sawi tak ang le? Tun aia zual zawka ral kan do loh chuan kan rawngbawlna hi a rualkhai lo fo dawn a ni.

SIPAI INKHAWM
Hruaitu Zirlai : Pi Ramdinthari : Pu T Vanlalnghakliana

TAWNGTAI INKHAWM
Hruaitu Thusawitu : Pi Lalrokungi : Pu V Varziki, YPSM

SAY HUNRUATNA
Hruaitu : Tv Lalbeiseia Announcement : Secretary Offering : Nl Lalnunmawii Bible chhiarrual : Pu Lalhmingsanga Hnungtawlh pual : Tv Lalringliana Bible : Nl PC Lalthathangi

HOME LEAGUE INKHAWM

Hruaitu Zirlai : Pi Thangruni : Pi Lalbiakliani. HLVS

YP HUNRUATNA
Hruaitu : Pi Rebek Zonunsangi, CG Tantu : R. Lalthanfeli, Senr Solo : H. Vanlalhmangaihzuali, Int Recitation : David Lalchhandama, Pri Pangpar khawitu : Grace Lalnunpuii, Beg Damlo tawngtai saktu : Hruaitu

CORPS CADET
Hruaitu Offering Solo Recitation News Items : Ellie VL Malsawmtluangi : Lalthawhpuii : Laltlansai : Lalchhuanthangi : Vanneihtluanga

ZING TAWNGTAI INKHAWM

Mon - Tue Wed - Thu Fri - Sat Sun : Pi Biaknguri, AHLS : Pi Lalbiakliani, HLVS : Pi Thangruni : Pi Dari, HLS

I hriatna thiamna finna zawngte hmachhuanin Lal thu i sawi thin em? I mualphona zawkah Lal a lo mawi ang

Salvation Army Youth, Ramhlun Corps; Central North Division

Salvation Army Ramhlun Corps, Crusader Weekly

Vol. XXII

No.13 Dt.7th April, 2013

CORPS NEWS
Nl Linda Lalremruati Asst, Secy Champhai a zin pawh damtakin alo haw leh ta. Nl Zonunsangi, i/c Evan. leh Pi Lalmuanpuii chu hna pawimawh buaipuiin Sangauah a zin. Nl Lalthazampuii d/o Pu Lalrammawia, RS chu damlohna avanga Nazareth Hospital a awm pawh dam takin alo chhuak. Pu Rohmingthanga h/o Pi Laldingliani chu in check up turin Guwahati ah a kal. Tv Henry Lalhumhima chu thil pawimawh buaipuiin Kepran ah a zin. Pu Lallunghnema Hrahsel te chhungkua Ratu-a a pizawn Good Friday leh Easter Sunday hmanpui a zin pawh dam takin anlo haw. Dt 5th April 2013 (Zirtawp) zan khan SAY Council Room-ah Corps Council neih a ni. Pu Remsangpuia-te chhungkua chuan Motor thar tha tak an nei thar.

(Thianghlimna- chhunzawmna) uniform nena lam dah dah, lang duhawm tak te pawh hian tu te emaw chanchin sawi nuam kan ti leh thin. Kawmthlangpa fanu chuan sawn a pai ta nge nge alawm mawle, a zei hah hah bawk a, a hlawhchhuak tha khawp a lawm, ti duh tawk kan awm thin. Kan kawmchhakpa fapa chu a OD leh ta maw! A nu leh pa te hian an duat hliau hliau deuh a ni, kan ti tlat zel. Kan sawi ve tur a awm lo. Duh leh mang vek khawp pawn ruihhlo chu lo khawih ang hmiang. Kan inrawlh lohna turah kan inrawlh thin a ni. I tawngtaisak theilo a nih chuan ngawi mai la. I chungchang a ni lo a, an chungchang a ni. An chungchang I sawi duh anih chuan Pathian hnenah sawi rawh. Chuti anih loh chuan theihnghilh daih la, I chungchangah buaipui tur I ngah zawk daih. Ngatinge mizo te hi kan incheina asan em em le. Thilmak a ni hlei nem. Midang chungchangah kan inrawlh nasa lutuk a, kekawr mawngbel hak ngam na chi a nilo atin ni. Nuih tet tet bak kan hlawhchhuak lovang. Fashion inthlak ang zela kan inchei thiamlo anih phei chuan kan thing chu a ni mai e. Hei hian incheina changkang tak tak neih duhnaah min luhpui a lawm maw. Miin a neih zawng zawnga cell phone changkang tak a lei anih pawn dem ngawt suh, nang leh kei hian lei turin kan nawr lui zawk a ni. Miin a neih zawng zawnga motor alei anih pawn dem ngawt suh, nang leh kei hian kan nawr lui zawk a ni. Miin aneih zawng zawng senga show room a mi kher arawn khaichhuak thin anih pawn, dem thei kan ni hlei nem. A chhan chu achungchangah kan inrawlh tlat a, kan lakah lanmawi a duh ve ani mai. Mite hi an awm dan ang ang hian kan awm tir mai mai thei lovem maw ni le! Thalai deuh hlekin inchei ila, kan sam te pawh han hawi khawthawn tir leh vel ila chu, patling pui si min ti ang a; formal takin tie nen han induang zaih ila, thawhchhuah pawh nei si lo min ti leh tho ang a; holam takin kekawr bul nen thalai thiltihnaah te telve ta ziah ila, hruaitu nisi a incheina a zahawm lo min ti leh ang a; ninawm anni ngaihdan mai mai ti dawn ila, nitina ka bul hnaia khawsa te an ni si. Fiamthu-a, ka pian-a-hnulamah ka la zak chhin aih lo, ti thin te pawh hian an mihring pui te hmai eng an zah ve thin anih si chuan, mi pangngai tan chuan midangte mitmei ven ava ngai nasa dawn em! I tana hnawksak a nih loh chuan, a chungchangah inrawlh suh. Tute emaw incheina leh nundan nuihzat a, rel vak vak thin te hian, kan chan ai min eisaktu eiru lian tak tak te kan enliam mai a. Mi fate sualna sawi nuam ti tak te hian, kan kawmthlanga zurui kan fa zirlai te tana bengchheng siam thin te thuneitute hnenah kan thlen leh ngam chuang si lo. Its my life, tiin a hmai zawng zawngah bengbeh rawn vuah khat vek pawh ni se, kawng dik i kawhhmuh dawn anih loh chuan enliam mai rawh. Chutiang an nihve loh nan i fate/i unaute zirtir zawk rawh. Le, sil loh pawha chhum tlak khawpa lang duhawm te hi, midangte chungchanga inrawlh lo ngam khawpa kan rilru athianghlim tawklo a nih chuan thlan pawn lam hnawih var mai kan ni ang. Isuan naupang te chungchangah, Pathian ram chu hetiang mite ta ani si a, a tih khan an chhungril thianghlimna a ni a en ni. Naupang te chuan eng pawh mai hi thianghlim takin an thlir a, mi reng reng hi ang khat ang maiin an en vek a ni. Thupui-ah kan nei tawh, sanctify yourselve tih a ni a. Eng angin nge thianghlimna hi kan lo hriat ve tawh le. Isua thisen avanga kan thianghlimna hi nuam kan tih chinah kan rek bung mai a nih chuan, kan tisual hle ang tih a hlauhawm a ni.

THALAI TE RILRU SAWIZAWI NA A hnuai a hawrawp hrang hrang hi mi tu emaw hming leh nihna a ni a, hawrawp hi pakhatmah chuang leh kimlo awmlo in remdik vek tur a ni a, a remdik hnen-ah he thil rawn buatsaihtu hian lawmman lianpui a pe dawn a ni. A chhanna hi a hnuaia hmingziak hnen ah hian pek tur a ni ang.

TRAM AHU DANISCKIS HUAT

A chhanna hi karleh Issue ah rawn tihchhuah a ni ang.

- C Rosiama CSM (R) PRAYER HELPLINE & COUNSELLING

Ramhlun Corps SAY te rawngbawlna pawimawh tak Prayer Helpline chu tihlen a ni a, hetah hian kan harsatna te SMS emaw E-Mail hmanga thawnin a tul chuan Counselling pawh nei thei turin in buatsaih a ni a, Sipai Member te zingah harsatna tawk tupawh a mamawh apiang ten in harsatna te he Phone number 9615221944-ah emaw :Prayer_ helpline@Yahoo.com-ah te thawn theih reng a ni.

Salvation Army Youth, Ramhlun Corps; Central North Division

Salvation Army Ramhlun Corps, Crusader Weekly

Headquarters News : CO BIAL THAR PIANG LEH TA. Dt 1st April, 2013 (Thawhtanni) atang khan Central North Division chhunga Bawngkawn Corps chu Commanding Officer Bial Centre atan ruat ani leh ta a. Tun dinhmunah chuan anmahni thutchilhtu tur C.O an la awm rih loh vangin Division Headquarters atanga vawn rih an ni ang. Bawngkawn C.O Bial chhungah hian Bawngkawn Corps, Edenthar Corps, Hunthar Corps te an awm ang. CENTRAL SOUTH DIVISION IN AN BUDGET AN KHUM Central South Division chuan Kum 2012 2013 Budget THQa chhun tur zawng zawng chu Dt 28th March, 2013 (Ningani) khan THQ ah an chhung lut vek a, Budget Head tin an khum fai vek bawk a ni. An Budget an khumna zawng zawng belhkhawm hi Rs 23,62,561.00 ( Nuaih sawmhnih pathum singruk sanghnih zanga sumruk pakhat) a tling a ni. Hemi chungchangah hian Major Lalhmingliana Divisional Commander chuan, Pathian tana rimtaka thawktu Commanding Officer te leh Sipai thahnemngai zawng zawngte chungah alawmthu a sawi a, Lalpan thil ropui tak min tihsaka, Self Support Budget bikah pawh hnehna min pe a kan lawm hle a ni, tiin a thawhpuite chungah leh Lalpa chunga lawmthu a sawi a; Central South Division hian an Budget Rs 1,91,51,530.00 ah Rs 2,15,14,091.00-an hmu a ni INTERNATIONAL SECRETARY THLAH FEL TA , I. S. AH MIZO BAWK. Commr Lalkiamlova I.S leh Commr Lalhlimpui ZSWM te chu Dt 31st March, 2013 (Pathianni) khan, ropui taka thlah an lo ni ta a, An nupa hi India Eastern Territory-a Sipai ten kan chhuang em em a, an Retire hun alo thlen pawh hian kan ui em em bawk a ni. . Hetih rual hian Col. Lalzamlova leh Col. Nu-i te chu International Secretary leh Zonal Secretary for Women Minsitries atan ruat thar an lo ni leh ta. Dt 1st April, 2013 khan Col Lalzamlova hi Commissioner rank pek ani a, Dt 2nd April, 2013 khan Col Nu-i pawh Commissionar Rank pek ani bawka, an hna pawh an tan nghal dawn a ni. Mi tamtak chuan anni hi IS atan duh mah ila kan beisei phaklo mai theia, kan lawmpui rualin hlawhtling taka South Asia mipuite tan rawng an bawl theih nan kan tawngtai pui theuh dawn nia. Commissioner tharte Pathianin malsawm rawh se. RAMHLUN VENGTHAR CORPS IN BIAKIN AN SA ZO, AN HAWNG NGHAL Ramhlun Vengthar Corps chuan, Agash Saimarua, Tripura-a Work Camp-ah an Biak In sak chu an sak zawh rualin a hawnna hun hmangin Pathian hnenah an hlan nghala, Biak In thar hlanna hi Bialtu CO Maj. T Vanlalnghakan a hmang a, hun hlimawm tak leh Pathian chibai bukna hmun thatak neiin an rawn haw san leh ta a ni. Agash Saimarua hi Zohnahthlak diktak Mualthuam (anmahni chuan Molsom an inti) hnam an ni a, an tawng pawh Mizo tawng nen a inzul-na lai tamtak a awm a, tunah hian Soldier Of Cross Samuel C.Vanlalsawma te nupa in an enkawl mek a ni. CHANMARI WEST CORPS IN AN PE. Chanmari West Corps chuan Salvation Army, Uainsohmoh School (Hmangaihna School) Damparengpui a hman turin Computer set thatak an pe a, hei hian naupangte zirnaah leh School hnathawhna atan a tangkai hle dawn a ni. Tin, Chanmari West Corps vek hian Dilzawl Corps tan Steel Almirah an pe bawk. Dilzawl khua hi Tut lui dung,Tut khua atanga ke leh Lawnga kalin Darkar 3 ve ve kawng a ni a, Tun dinhmun-ah chuan Hmunpui khaw rorelna hnuaia Bawk a awm an ni a, Chhungkaw 70 vel an awm a ni.

Vol. XXII

No.13 Dt.7th April, 2013

Naupang Pual: HEI PAWH HI A LA RAL ANG Israel Lal ropui tak Solomona khan ro a rel lai khan tumkhat chu a khawnbawl upa te zinga ami rin ber Benaiah ben Yehoyadah hnenah tihian a hrilh a, Benaiah, zungbun pakhat min pe la ka duh a chu zungbun min pek chu kut niah ka bun turin, chu zungbun i neih theih nan chuan thla 6 hun ka pe agng che tiin. Ka Lalpa, he leiah hian a awm phawt chuan khawi hmunah pawh awm se itan chuan ka rawn la ngei ang, mahse chu zungbun chu enge a danglam bikna tur niang? a ti a. Solomona chuan, Chu zungbun chuan thiltihtheihna a nei tur a ni. Mi hlim thei tak ten chu zungbun chu an en chuan an lungngaih phah a nga,tin mi lungngai tak ten chu zungbun chu an en chuan an lungngaihna te an theinghilh anga an lo hlim phah bawk angtiin a chhang a.Solomona chuan chutiang zungbun chu khawvel khawi hmunah mah a awm a ring lova, mahse a khawnbawl chu han tihbuai ve hrim hrim a duh vanga ti a ni a. Hun a kal zel a,thal leh nipui te an liam a, Benaiah chuan Lalina a sawi ang zungbun chu a neih theih dan tur reng reng a la ngaihtuah chuak thiam lova.Kut hma ni zan chuan mirethei ho awmna ah chuan a va kal a sumdawng pakhat chhun a a bazarna bungrua te sai ip tet hrup mai a thuam chunga rawn pu haw lu lu hi a tawk a. Chupa hnenah chuan, Thianpa vanneih thlak takin zungbun, mi hlim te ti lungngaia mi lungngaite ti hlima an lungngaihna theihnghilh tir theitu hi i hre mial lo maw?tiin a zawt ta chawt mai a. Chupa chuan a puan put tet hrup kar atang chuan rangkachak zungbun, a panga thu engemaw inziak hi a rawn phawrh chhuak a.Benaiah chuan chu zungbuna thu inziak chu a han chhiar chuan a hmel chu hlimna in a lo khat ta a. Chu mi zan chuan kaw mipui zawng zawng te chu kut hmang tur chuan an inpuahchah a,Benaiah pawh chu Lal Solomona hnenah chuan lungawi hmel tak hian a va inlan ve a, Solomona chuan a thil zawn tir chu a hmuh leh hmuh loh a lo zawt a.Chutia a zawh pah chuan a thil zawn tir chu thil atthlak tak anih avangin Lal pawh chu a nui chhuak hial a,a khawnbawl dang ho pawh chuan Benaiah chu nui chungin an en thap mai a. Chuta mi awm zawng zawng te mak tih turin Benaiah chuan rangkachak zungbun pakhat hi a rawn phawrh chhuak a, Lalpa hei, i thil duh chu letiin Lal chu a pe a.Lal chuan zungbun chu a la a,zungbun a thil inziak chu a chhiar a,chu veleh a nui hmel chu mak ti hmelin a lo khat ta a.Chu zungbunah chuan Hebrai tawng hian, Hei pawh hi a la ral ang tih hi a lo inchhu a. Chutah Lal ropui tak Solomona chuan a finna,ropuina leh thiltihtheihna zawng zawng te pawh chu engmah lo mai a ni tih a hriat phah a.Chung a ropuina zawng zawng pawh chu nakinah chuan engmahlo leh vaivut a thamral tur mai a ni tih a hriat phah ta a. (Lei leh van a ral ang a, ka thu erawh chu a ral lovang. Matt 24:35)

Published by : Leader, on behalf of SAY Ramhlun Corps, Central North Division Edited by : Lalnuntluanga - 9612698781; Leader - 9436146304; Secretary - 8794277944 Printed at: KC Paper Works, Ramhlun North