LIMKHAI NEWs

Limkhai Zo, P .O Thuklai03042, Chinstate Myanmar

Mihing sim in thu maan heak tu
Vol.03, No. 3

I Timothy 2:4

Ph., 0947138149. 0947173232. 0947173117. 07322626.

March News 2013

Victory in Japan day 27. 3. 1945(U SingD) 5. 5. 1894 Bo Khai Kam te English te khut sungah ki ap hi. Kawlngam suatak na nga natu 5. 5. 1894 Bogyorke Aung San le ngalkap 30 Japan ngam ah ngalsim dan sin in pai hi. 1942 March hong cia in Rangon sim in zopai hi. 15.11. 1943 Japan te khuasak hong theng a, Sizaang sung khua 12 hong uk pai hi. 1942-1944 Japan tetaw kipawl in English te kido hi. Ngalkap te anhuan U Son Thawng (Voklak) a anhuan na maingat in tilte sia sia, nanung sang ngat in sia in. an tuisung ah na tilte tu hi aci le antuisung zong tilphi lai tu khi hi ci hi. Ta sia ciang in hi sia pa sia English te ii enquiry hi ci in Japan tetung ah son in Japan te in atawlbawk pan naamtaw at vahe hi. Thu maan, ason ngawl pa zong a inn mong pai hi. Japan te ki uk dan sia, anneak thei a ngu te that lum in, angil khua in en a, amubaw le akhia sia zongh that lum kik pai hi. Japan te in mawna nei ngawl mihing tam mama ii lawngh tawl hong at ahi man 19441945 English tetaw kipawl kik in Sizaang sung Ngalhang lampui te in Japan te nasia tatak in do kik laleau uh hi. 16. 3. 1944 hun in Japan te in English te Inphal dong notto a, zo ngawl in Sualiim dong hong nungkin hi. 10. 9.1944 hun in Voklak, Limkhai hong simh hi. Sizaang khua 12 teng in 14.10.1944 Thuamvum, TungVum, Sakhiang mun teng ah a om Japan te simh kik uh hi. Japan te khat in hongkap nawn heak in surrender zo khi hi ci hi kale U Lam Suan(Khuasak)in kap vaset in 9 Nov 1944 in Sizaangsung ah Japante bo thiang pheang hi. U Vum Ko Hau Sia Teddim, Falam, Sagaing ah sangka a, 1937 kum in Tan 10 ong hi. 1944 kum in Janpan tetung ah Hingh School ngen hi. 1945 kum in English te kung ah Goverment Hingh School ngen hi. Hakha, Falam, Tiddim te Thuklai ah sang hong ka hi. Tua zawk ciang Tiddim ah tan 6, Famlam ah tan 7 sang pia hi. Ambassordor nasep akipat kum in kum 29 pha hi. 1957 France Ambassordor 12 Anniversary London ah
Page 1

sam a, Siyin Independence army Senior Commander hi ci in thu son sak hi. Kum 50 Anniversary ciang in Second Worldwar sung BDA, BNA, BIA, AFO sung ah aseam ngeite sam in U Vum Ko Hau bek ma pai thei hi. England kumpi nu in thuson sak hi. 27. 3.1995 kum pan kum sim, Ngalkap te ni, Mar 27 ni in ki vawt hi. February News pua kik na [1] 2013-2016 SRBA panmunlen thak. Vice President I - Dr A Pau Za Nang ci in ih at sia kikhial a, Rev. Vum Khat Pau (YSBC) hi zaw hi. [2] Durwon..U Pa Kam hi. LEN NUPA pai [Zongal BYF] Khua pan Mach 2 ni pai in Suangzaang ah zan khat taam. Mar 3 Am 6:00 in LEN NUPA mual ah kato uh a, a et nop huai theampo en kakawi uh hi. LEN NUPA mual sia Acre 10 val zai hi. Tuipi maipan 7256 sang Elevation. Heisok le Len nupa paak te paak zihziah. Thingkung hoi nano te le vaciim nam tatuam te thanop huai mama in om. Taanglai in a omsa Suang innkaa om. Pathian hoi na taw apiang Mual hoi dildial le Luam hoi nano Len Nupa mual. Ih et ciim thei ngawl a, ih thin hong nuam sak mama hi. PM 6:00 ciangciakik in 9:00 PM cidam in khua theng uh hi. A tung abang in atha nga na hong son hi. Thungetpi nei 4 Mar 2013 Pa Sing Tual ama kum, kum 60 cin lungdam na Vok tuuk 6 khat taw Topa tung ah lungdamko thunget na cialpi nei hi. Khuasang nasep/Antang manh Zo sang ah Aaluu,vaaimiim, tuuh tu man zo a, simh sang ah thaaituuh kipan uh hi. [1] Kaisuan alian tawi khat ks- 650/- ano tawi khat ks-400/- taw kizuak hi.[2] Antang ipkhat aniam bel 15000/-ks alai 16500/-ks le asang bel 18000/ -ks taw adadawl in ki ne hi. Zawngkong Leidaw mawtaw lampi 4 - 8 Mar 2013 hunsung le 11 - 14 Mar 2013 hun sung Zongal le Bungh u le nau te in suangpha/ngualh uh a, man zo uh hi. Lai Thiangtho sangka manzo Sm. Neam Cingh Pau 2013 Mar 8 ni in M.Div Degree taw zaw na nga a, Limkhai Zongal apawlpi ah cidam tak in hong theng zo hi.
limkhai News

Limkhai huamsung

Mawtaw thak lei Pa Suak Za Dal (Family)TOYOTA Caldina 9E 7229 Mawtaw thak khat lei uh hi. Akuama theampo in ki lungdampui tek mama hi. Samaria Mission Field March 18 ni, Rev. Lian Ko Hau, Rev. Thang Za Pum, Pr. Ciin Hau Cing, Upa Do Khan Nang, U Mang Lamh Cin te Mission ngam vil in Kyunpin khua ah pai uh hi. Inn kaangh (Limkhai Bungh) Pa On Ko kam (Hausa) pa inn. March 23 Sat.12: 30 PM hun in, a innkhumh tung ah meikhu asuah to ngilngul sia ki ngalmu masa hi. Meikhu nasia va ial ahi kom, Bungh pan Zongal pan ih om na mumun tek pan, kidel kheangkhung hi ka le amun ih thet hun in a innpi kuang va heeu zo ahi man, bang ma ki hi thei nawn ngawl hi. Pa Suak Ko Pau thingbuk lawzo a, kisumit in kihun khia hi. A inn nung/lengh Thingsiat, eakbuk, akbukte kuang zo a, Tuiphum zum inn zongh meikhu zo, kuang tu kithawi zo hi. Zopan in hong delsuk Pasal, Nupi, tangval, ngaknu thahat te meikhuu sung ah tumsuk cip in meiphelna buung taw, tuitaw, thatang taw meikuang khen tan in Zum innpi hunkhia uh hi. Khuasung tui om na muntheampo pan tui nawn in meikamh theampo 5:00 PM dong kisumit hi. Zan khua teak tuipeei, ki peei sak hi. Rev. Cin Kho Pau te innkuan in Pa Kam te innkuan ainn ah cia pui a, lungmuang tatak in lum sak hi.[1] Mar 23 Sat. Inn kak ni, Zongal Tuiphum pawlpi te in meiphelh theampo Niangtui suanpui khat awm hi. [2] Mar 24 Sun. Leidaw, Zongal, Bungh pan kanghkhuh puak in topui hi. Bungh Tuiphum pawlpi te in Niangtui suan 1 le Vok khat taw satham sep a, Rev. Cin Kho Pau inn ah nitak an neakkhop na neipui hi. Pa Kok (Malaysia) ii inn, tawmvei belh tu in ngen a, Mar 24 nitak inn tum na, Pawlpi te in Biakpiak na thapiak na nei pui hi. [3] Mar 25 Mon. Leidaw, Zo, Bungh pan kaanghvaam tawmin ki hu hi. Amakpa Khailek&HungCingh te in Niangtui suan 2 leVok tuk 5 khat taw sathamsep a, ahu theampo nitak an nesak hi. [4] Mar 26 Tues. Asungh nu Pi Thuam Za Dim te innkuan in Keal khat taw satham sep hi. [5] Mar 27 Wed. Kawl zaang Limkhai kipawl na pan sum 106800/-ks le Puan/van tuatuam te puak to hi. [6] Mar 28 Thurs. SRBA zumpan sum 100000/-ks. [7]Pumva pawlpi sum 50000/-ks.[8]Thuklai pawlpi sum 100000/ -ks.Individual sum 110000/-ks. puak uh hi. SRBA CE Workshop (Mar 25-31) Lophei Limkhai khua 3 pan zingsang Sya/ma te kim tatak in kihel thei uh a, nuamsatek peuma uh
Page 2

a, thanga tek peuma uh hi ci thu kiza hi. ZBC Triennial meeting 21-24 March 2013 hun sung CBA Johson Church ah vawt hi. ZBC CMC palai pai te 2013 kum atu zaw na la uh hi. CCOC/CMC pai ngei theampo sam a, Limkhai huam sung pan zongh Palai luite kihel thei hi. Patoai piak na/anneak khop na nei pui hi. 2013 kum CMC Palai akuan Lia Dim Nuam Cing (Limkhai Bungh) apawlpi ah cidam tak in hong theng kik zo hi. Palm Sunday Muana[Zo BYF] Mar 23 Sat. Tuanmual Thunget mual ah mihing 60 val zantaam in Topa pokna, a kammal taw ki hanthot na, thungetkhopna le kimaina tatuam tetaw athanophuai mama in hun zangh uh hi. Zan in Mame/Aksa taangmal vuan uh hi. Mar 24 AM 5:00 Tuanmual pan Taakzaang dong Nuktuukbaak tawi in Hosanaci inTopa min pok in auvaniau uh a,thanophuai peumahi. Thawkik poai Limkhai khua 3 pawlpi tatuam tek pan aciliap huai biakpiak na, alimci neak le dawntaw kimuak hi.Bungh Tuiphum, Daw Ciin Hung te unau in Vok 1 taw muak a, a inn pan biakpiakna le nitak an neakkhopna nei uh hi. Mopoai [1] Pa Thang Khaw Pau le Nu Thian Za Huai te ii tapa Tg Cin Thian Hau&Pa Cin Za Thang le (Nu Ciang Khan Dim) te ii tanu Lia Uap Khan Cing te nupa pum khat sua na March 7 Thurs, Pa Cin Za Thang inn ah Mopui na le March 8 Fri, Pa Thang Khaw Pau inn ah akngaw tan na nei uh hi.[2] Pa Lian Do le Nu Dim Ko Man(Tedim) te ii tapa Tg Khup Tual &Pa Pau Cin Kam le Nu Cing Do Niang (Khuasak) te ii tanu Lia Niang Thian Man te 2012 May 20 ni in nupa pumkhat suak zo a, March 15 ni, Khuasak Pa Pau Cin Kam inn ah Khui khat taw Mopui na nei hi.[3] Pa Ngin Thawng le Nu Ciang Za Cing te ii tapa Lian bel Ngin Khan Mang & Pa Thang Khan Nang le Nu Thein Mya (Kalay) te ii tanu Man Khan Huai te, tapa 3 taw USA ah om uh hi. March 23 ni, Pa Ngin Thawng in Pa Thang Khan Nang inn ah Mopui na vawt hi. [4] Pa Vial Za Kam le Nu Thang Khen Cing (Tedim) te ii tapa nobel Tg Tuanthang & Sm Dimkhek (Pa Son Pum le Nu Dim Ngin) te ii tanu 3 na, March 28. Pa Ngin Kaang inn (Zongal) ah Mo hong pui hi. Rev.Thang Za Pum [KSBC] in hanthot na hun zangh hi. Mithi [1] Tg Pum Za Khai (Pa Tun Pau) tapa [Khaikam khua] 15 Mar 2013 ni in leitung nusia a, 16 March 2013 ni in hui hi. [2] Nu Dim Neam (Pa Kham Ngin)zi, Rev. Lian Khua Hau nu. 30 Mar 2013 ni in Tahan pan thi a, Khamtung ah puato hi. 1 April 2013 ni in khua a inn pan in hui hi. Rev. W Khai Tual(AGS-SRBA) in hanthotna hun zangh hi.
limkhaiNews

limkhai huamsung bek