16

ZBCM-EC Meeting & Mission Seminar kinei ding: A 17 veina ZBCM-EC meeting & Mission Seminar a nuai-a hun geelna bangin ZBCM zum ah kinei ding hi. Dec. 11, 2012 Zintun ni Dec. 12, 2012 Mission Seminar Dec. 13, 2012 EC Meeting Dec. 14, 2012 Holim thunget Dec. 15, 2012 Ciahkik ni MC Conference zota: A 9 veina CTBA MC Conference pen CLBC, Cikha ah Sep. 22-23, 2012 sung om a, Pr. Cing Khan Dim (DmBC, Mauvom) le Pr. Kam Muan Lal (Selbung) tegel MC sang thak uh cih thu kiza hi. (Ref: Thupuak, Sep-Oct., 2012) EC Meeting manta: A 9 veina CTBA EC meeting, CLBC, Cikha ah Sep. 22-23, 2012 sung nuam takin nei thei uh hi. (Ref: Thupuak) ZBCA kiphuan: USA-a om (1) Agape Mission Church-Nashville, (2) ZBCM of Tulsa, (3) Zomi Community Church of Denver, (4) Zomi American Community-Pensacola-te in Zomi Baptist Churches of America cih kipawlna, Oct. 21, 2012 ni-in phuankhia uh hi.

CONTENT
(A sung a om thu te)
Editorial-A kileekkim nuntakna A hi ding tawh kibang, lah ahi lo thu pawlkhat Tuhun Pawlpi sung thanem theihna Kawlgam sung State le Division mi phazah lahna October ZOMKA tatman USA ah pawlpi lian pawlkhatte kilamzia le kalsuanzia Gip zong le Khuai zong Revival palaite tungtawna piakkhiatna Thu tuamtuam Dahpihna 1 3 7 9 9 10 12 14 15 16

Editorial
A KILEEKKIM NUNTAKNA A hoih pen hoih a, ahi zong a hoih val pen hoih nawn lo hi. A langkai, a langleek hoihna sangin a kileekkim ahih keileh a laihawl hoihna pen hoihzaw hi. A kileekkim cih ciangin, -50% le +50% cihna hi lo a, a hun, a mun, a thu, a la tawh kituaka nuntaktuah siamna a gen nuam ihi hi. Thu thum i lungngai pak ding hi. 1. Pilna le sum: Pilna le sum thupi khawm hi. Pilna bek in kicinna hong pia zo lo a, hauhna (sum) bek in zong kicinna hong guan zo lo hi. Pilna neiten a nuntak sungin tua pilna tawh nasem thei in, mi tampi adingin phattuamna bawl thei hi. Sum neite in zong sum tawh nalian tampi sem thei in, mi tampi adingin thupha bawl thei hi. Pilna neite a sih ciangin, a pilna tawh a bei hi a, a nuntak sungin a pilna tawh a sep teng a sih nungah a om lai ding ahi hi. Sum ahihleh a neite a si zongin a innkuanpihte a dingin nusiat theih ahih manin sum zong thupi hi. Sum pen pilna lo tawh ki-uk zo lo, kikem zo lo a, sum lo tawh pilna zon zawh ding hun zong hi nawn lo leuleu hi. Tua ahih manin pilna le sum i kisam khawm hi. Pilna le sum kikhen thei lo hi. Pilna le sum a kileekkima zon siam ding, lunggulh siam ding thupi hi. Lom 17, Hawm 131 Oct, 2012

DAHPIHNA
Pr.Neng Khan Cin (ZBCM-IMC) ZBCM-IMC palai No. 55na ahi, Pastor Neng Khan Cin (Kum 35) (Zozang Mission Field, KZBA) in 29.9.2012 ni-in A na a sepsak i Topa Pasian kiangah hong zuatsan hi. Pa Thawng Khan Cin (RZBC, ZZBA) Rubyland Zomi Baptist Church (RZBC, Mogoke, ZZBA) pawlpi upa, refae8sm? ausmufrsufwl;azmfa&;OD;pD;Xme in Sept. 2012 sungin hong nusia hi. Rev. Dr. Pum Suan Pau (Principal, TTC) Tedim Theological College ah Siapi a sem, Rev. Dr. Pum Suan Pau (Kum 55) in 8-9-2012 ni-in Tedim pan hong nusia hi. Zomi Khristian Aw (ZOMKA)

2
2. Nasep le cidamna: Na sep zawh nadingin cidamna kisam a, cidam nadingin zong na a sem (a gamtang) ihih ding kisam hi. Nasep bek hanciam kenkanin i cidamna awlmawh keileng i khan tom dinga, na sawtpi kisem zo lo ding hi. Tua ahih manin, nasep khit ciang, tawlngakna (tawlngak hun) neih ding thupi hi. Tua tawlngakna in tha hong dim kik ding a, na i sepkik zawh nading thathak hong guan ding hi. Bek tham loin, tawlngakna in cidam nading lampi khat zong ahi hi. Ahi zongin, i nasep tawh kituak loin, tawlngak hun i tam zat luat leuleu leh bang mah a sem man lo, mi thadah kisuak ding hi. Tua ahih manin, nasep le tawlngakna, ahih keileh nasep le cidamna a kileekkim ahih ding uh thupi hi. 3. IT le hun: Tu hun pen Information Technology (IT) hun a kicih mah bangin, thu kizaktuahna van le nate zong khangno, khanglaite khut sungah vanzatin hong om ta uh hi. (Laptop) Computer, Tablet, iPot, iPad, Mobile Phone a tuamtuamte hangin thu kizakna nuam mahmah hi. Bek tham loin, i theih nop, i sin nop thulelate zong hih vanzatte tawh internet pan kimu thei, kisin thei hi. IT hun sunga vanzatte in mihingte khantoh nading tampi hong pia hi. Ahi zongin, tua IT vante tawh khantoh nading hi loin, cimphawng le kimawlna peuhin a zang mi tampi mah om hi. Tuate adingin hih IT hun tawh a manpha a hun le a sum uh a beibeisak suak mawk uh hi. IT hun sungah nuntakkhopna pan khat guak nuntakna ah kitung thei pahpah ahih manin, hih IT van a zangte in i hun i zeek siam ding hong thupi mahmah ding hi. Tua ahih manin, IT hun sungah IT van i zatzia le i hun zeekziate a kilawm, a kituak le a kileekkim ahih ding thupi hi. I nuntakna sungah thu khat bek, vai khat bek ah a uanglua-a ngaihsutna, pomna, sepna pen lauhuai thei hi. A hoih nangawn hoihlo thei hi. Tua ahih manin, a kileekkim nuntakna pen thupi hi.

15 Thu tuamtuam
TBCA Youth Conference lawhcing: A 6 veina TBCA Youth Conference, Suangsang Zomi Baptist Church ah October 11-14, 2012 sung nei uh a, zin le innteek (pawlpi tuamtuam pan) kigawm mi 100 val kah thei in, lawhcing mahmah cih thu kiza hi. Hih Conference hun sungah Rev. Lang Suan Thawn (Youth & ZACC Secretary, ZBCM) in Khangno le Lawmzonzia, Rev. Lo Kap Tung Nung (GS, TBCA) in Khangno le Sianthona, Rev. Suan Khen Khap (AGS & Mission Secretary, TBCA) in Sumzonzia le Sumkepzia, Sia Cin Suan Thawn (Youth President, TBCA) in Hotkhiatna, Pr. Khup Tan Lian Nang (Youth Secretary, TBCA) in Kivaipuakzia cih thulute tawh thusinna pia uh hi. Department-ten kumcin meeting nei: A 10 veina ZBCM Youth Department kumcin meeting pen ZTS sanginn ah, a 15 veina ZBCM Women Department kumcin meeting pen Bethany Zomi Tuiphum Biakinn ah, le a 11 veina ZBCM Ministers Council kumcin meeting pen ZBCM zum sungah Oct. 23, 2012 ni-in nei ciat uh a, mailam ah sep ding tampi geelna nei-in meeting nuamtak zo thei uh hi. A 5 veina Zolai Seminar: Zomi Association for Christian Communication (ZACC) vaihawmna tawh a 5 veina Zolai Seminar pen Oct. 24-25, 2012 (Ni nih) sung, Bethany Zomi Tuiphum Biakinn ah nuamtakin nei thei uh hi. Tua Seminar ah Rev. Cin Ngaih Thang (Vice-President 2, ZBCM) in Khangthak Zomite Zolai gelhzia ding lamlahna le Rev. Lang Suan Thawn (ZACC & Youth Secy., ZBCM) in Lai gelhzia le laigelh tawsawnna cih thulute tawh thusinna makaih uh a, kisinsak pah uh ahih manin, Seminar a kah mi 50 valte in Zolai gelhzia khantohpih mahmah le lai gelh ding thalawp thei mahmah uh hi. Samaritan Tuikhuk thak: ZBCM-Mission Department Patron ahi Rev. Dr. D. Thang Za Pau (USA)te ministry, Samaritan Ministry min tawh ZBCM-Mission Quater-a zat ding tuikhuk thak tawhsakin 10.10.2012 niin zo siangta hi. Tui siang mahmah hi; ZBCM zum min tawh Samaritan Ministry tungah lungdam mahmah hang, cin Rev. Dr. Lang Khan Thang (Mission Secy. & AGS 2, ZBCM) in gen hi. GSM Phone pia: Upa En Za Kap-te innkuan in ZBCM MC Nipi Ni-in RZBC, Mogoke-a Church Pastor ahi, Rev. Tual Lun Pau tungah GSM Phone (09425328397) khat pia cih thu kiza hi. Lom 17, Hawm 131 Oct, 2012

Keima muhna ah mihoih le misia cih ka mu kei a, dinmun sang, dinmun niam ci-in zong ka mu kei hi. A kisinsak thei le a kisinsak theilo cih nam nih bekin ka khen hi. - Daw Aung San Su Kyi Zomi Khristian Aw (ZOMKA)

14
pawlkhat om hi. Tuate sung pan i kibatna i bulpite ah dinkhop, pankhop, sepkhop ding thupi hi. I beh tuamtuam sangin Zomi ihihna, kampau awkaih (gtn: Saizang, Teizang, Dim, etc.) tuamtuam sangin kamphen a kul lo i Tedim-Zopau, i khua tuamtuam sangin i Zogam, i pawlpi (denomination) tuamtuam sangin, Pawlpi (Church)/Khristian cihte pen i dinkhopna, i pankhopna mun (common ground) ihihsak ding ahi hi. I dinkhop, i pankhop, i sepkhop theih nading mun i zon ding thupi hi. Khatvei vei ciang, i kibatlohnate ki-en masakha ahih manin, i sepkhop theih ding thuhoih pipi zong sepkhop dingin kingaihsun thei nawn lo mawk hi. Gip zong le khuai zongte in khat le khat kihazatna nei lo uh hi. A neih uh kipiatuah nuam uh hi. Midangte hamphat nadingin zong pang nuam uh hi. Kiphalna om hi. Tua ahih manin, ei deihna ciat bulphuh a, sepkhop theih lohna panin, ei deihna le midangte deihna khinkhai khawm a, sepkhop pankhop theihna ah kal thak i suan zawh nading i lunggulhna ahi hi. Hibanga sepkhopna pan a kibang lo i lunggulhte kingahkhawm hi. Khaileh guai, gip zong le khuai zong kituak ciat ve ni.

3
AHI DING TAWH KIBANG, LAH AHI LO THU PAWLKHAT Rev. Than Za Cin (AGS, ZBCM) uhun ciangin Lai Siangtho kilim sim mahmah napi-in kilak sim kawikawi-in kikanpha nawn lo ahi tam, ei deihlakin thu kigen pawlkhat om thei hileh kilawm kasa hi. Tua pen bang dang hi loin, ei deihna le i thupom zia a kipsak dingin Lai Siangtho a matlap zaw ihi hi. Lai Siangtho deihna bang ahi tam, cih kitamtel loin, eima up bangin thu kien pawlkhat a nuai-a bangin i en ding hi. 1. Azah 30, azah 60, azah 100 (Mark. 4:3-8) Hih atunga nambat dawl 3 te pen thupha piakna-in kizang a, khial khin lo napi in, adeihna taktak hi lo hi. Pawlpite tung pan maw, ahih keileh mimal khat tung panin maw, thupha hong kipia-in lungdamna i koh kik ciangin Pasian in, azah 30, azah 60, azah 100 in hong thukkik tahen, i ci thei hi. Lai Siangtho kammal deihna in tua thu lamsang a genna hi loin, lei hoihna ah a kia Pasian thu (khaici) pianzia ding a gen na hi hi. Pasian thuummite nuntakzia ding a genna ahi hi. Tua hi a, hih a tunga nambat dawl 3te pen thupha kipiakna nambat hi lo hi, cih phawkhuai hi. 2. Lei hoihna ah khaici tuhna: (Matt. 13:23) Thu gensiam pawlkhat in, piakkhiatna pen leihoihna-a khaici tuh tawh kibang hi, tua lei hoih i

Revival Palaite tungtawna piakkhiatna 1. 2. 3. 4. 5. 6. 7. 8. 9. 10. 11. 12. 13. Buangkung Khumnuai Khampat Nanpulun NBC TVBA KZBA KapLianKhup,BCN Khual Sian Kham,NBC Sawbwa Baptist Church,KZBASingzung Bapt.Ch.,KZBA Zonuamzang Bapt.Ch.KZBA Chanthagyi Bapt.Ch. KZBA 30000/61000/67200/224200/292500/345000/232000/5000/9000/381000/56000/81000/56000/-

cih pen Pasian mizat diakte le a khami diakte hi, tuate tungah sawm ah khat ahi zong, citpiakna ahi zong pia lehang leihoihna muna khaici tuh tawh kibangin azah 30, azah 60, azah 100in khangding hi, ci thei hi. Tua bang thuhilhna nam tawh mipite lampi i pialsakkhak loh ding kidophuai mahmah hi. Tua bangin kalsuan mawk leng, i pawlpi sungah mizawngte, meigong tagahte, le khamangthangte tungah kua in huhna pia nawn peuhmah ding hiam? cih nophuai hi. Lai Siangtho in leih hoihna mun ah a tu khaicite pen Pasian thu a zak ciangin telin lungsim tak tawh a thumang mite nuntak zia ding a genna ahi hi. Tua hi a, lei hoihna mun pen Pasian mizat diakte, a khami diakte hisak peuhmah kei ni. Tuate tung bek ah i piakna pen man nei-in thupha kingah kik hi, cih zong genhuai lo hi. Mizawngte tungah i piakna pen a piangsak Pasian tungah a pia ihi a, Pasian in hong mangngilh het lo ding hi. 3. Thukkikna Topa-a: (Thkna. 32:35; Rom. 12:19) Thupha piakkikna le thukkikna kammal kibang lo hi. Lai Siangtho in thukkikna cih kammal a zat ciangin mihing lam tawh kisaikha loin Pasian bek tawh a kisai thu ahi hi. Lungdamna i ngah nate tungah Thukkikna in kei-a hi a ci Topan hong thukkik tahen; i

Zomi Khristian Aw (ZOMKA)

Lom 17, Hawm 131 Oct, 2012

4
va cih pen ahi ding tawh kibang napi-in tua thukkikna kammal pen kisamsiatna kammalin a kizang na hizaw hi. Gitlohna le mawh gamtatnate tungah Topan kong thukkik ding hi, a ci na hi a, eite khat le khat thupha kipiakna kammalin zat ding hi lo hi. 4. Abrahem thupha: (Rom. 4:3, 5; Gal. 3:14) A masa-in Abraham thupha i cih pen leitung cilesa vaia thupha a gennopna hi peuhmah lo hi. Zomite pen i nuntakna a haksat man ahi tam kithei lo, thupha bekbek kilim gen in, thupha ngahzo lo bangin i kingaihsun hi. Lai Siangtho in Abraham thupha a gen ciangin kha thu sung nuntakna a gen nuam ahi hi. Khat veivei ciangin Jesu le a hong hotkhiatna thu kilimgen loin, a thupha ah kilimgen thei zawsop hi. Tua a thupha i limgen zah a, taksa thupha a ngah pah ziahziah ding ihi peuhmah kei hi. Abraham thupha taktak i cih pen:1. Upna hangin Pasian in eite pen Abraham bangin midik lopi, midika hong sanna ahi hi. (Rom.4:3-5) 2. Hotkhiatna a ngahte pen Abraham suante (thupha ngah) in hong kiciamteh hi. (Lk. 19:9) 3. Jesu tawh a kipawl mite Abraham suante (thupha ngahte) ahi hi. (Gal. 3:29) 4. Abraham thupha pen Jesu Khris hangin Gentail mite in Pasian Zomi Khristian Aw (ZOMKA) tate suah theihna le Kha Siangtho ngahna ahi hi. (Gal. 3:14) Tua hi a, Abraham thupha i gen ciangin taksa lam bekbekin gen loin, kha thupha taktak ahih zawkna telin i gencian theih ding thupi hi. Pasian gam le a dikna a zong masate tungah kisap dangte zong hong pia thuah veve ding ahihna tawh kizomto pah hi. (Matt. 6:33). 5. Pasian mizat diak, a khami diak: (IITim. 2:21) I kampau ah zaw cih le diak i zat ciangin thu nam nih etkakna, ahih keileh mi nih etkakna kammal ahi hi. Hih pen mihing lungsim omzia ahi hi. Sangmuh deuh, le niam muhdeuh cih danin khiatna nei hi. Ahi diak, ahi lo deuh, cih bang thu omzia ahih manin khat le khat kikalah kideina hong suak hi. Pasian mizat diak cih i gen ciangin Pasian nasem veve, Pasian zatloh a om tawh kibang hi. Mihingte in adiak cih kammal i zat hangin Pasian in adiak cih kammal hong zang lo hi. Pawl in mikhat peuh ahoihlo na khempeuh panin kikemin a siangtho takin a om nakleh na hoih nam khempeuh a sem dingin a Topa tungah ki-ap in, a Topa tungah a manpha suak ahih manin a thupidiakte ah amah kizang ding hi, (IITim.2:21) na ci hi. Tua ban ah Pasian in a pawlpi sungah thu-um mi khempeuhte ama panmun ciat ding ah a hong bulh hi (IKor. 12:28-30) na ci hi. Eima panmun ciat ah Pasian in a

13
uh kibang lo ta mahleh, a deih uh ngah tuak hi. Innkuan khat, pawlpi khat, kipawlna khat ahih manin deih kibang den ding cih om thei lo hi. Tuamah bangin, a sep nop uh a kibat nak leh, innkuan khat, pawlpi khat, kipawlna khat ahih loh hang, semkhawm thei lo ding cih zong om tuan lo hi. Unity in diversity cih khat om hi. Tuamdanna sungah kipumkhatna cih ding hi. Tuamdannate (kibatlohnate) bulphuh masazaw loin, sepkhop, pankhop theihnate bulphuhna hi. Kibatlohnate sangin kibatnate a kibulphuh ciang, kipawlkhopna,kilunghualna, sepkhopna hong piang ahi hi. A deih uh kibang lo ta mahleh, tua a deih uh a ngah theih nadingin a zongte hong kimuh uh ciangin, khat-i deih a dang khat in nei tuak uh ahih manin a deih uh a kikhekkhawm cihna-in zong gip zong le khuai zong kituak cin kigenteh zel hi. Hih in khat le khat kitelsiamna, kimuanna, kipanpihna lim hong lak hi. Kei deihna bek ci-a aituam lungsim neihna hi loin, midangte deihna zong thupi ngaihsutsak theihna ahi hi. Kammal dang khatin gen hi leng, ei deihna a tangtun theih nadingin midangte deihna zong sepsak cihna hi. I deih i ngah theih nadingin, i neih piakkhiatna ahi hi. Hih munah supna sangin, hamphatkhopna om tuak uh hi. Pankhop, sepkhop theih nadingin ei deihna bek cih tentan theih om lo hi. Midangte deihna zong thupi ngiahsutsak theih ding kisam hi. Kibatna ah hoihna a om mah bangin, kilamdanna ah zong hoihna om hi. Tua ahih manin, i kilamdanna, i tuamdanna, i kibatlohnate pen ahoihin kimuhsakin, kitheisiam le ng, kimuhdahnate bei-in, ki-itna khangzaw ding hi. Tua hileh sepkhop, pankhop, khawlkhop theihna hong om semsem ding hi. Pankhopna in tha hi, a kicih bangin, pankhop theihna pen thupi mahmah hi. I pu i pate in, Nekkhop lim, sepkhop liau, puakkhop zang ci uh hi. Tua ahih manin, i kibatlohnate kitelsiamin, i pankhop, i sepkhop theih dingte ah pankhop, sepkhop ding ahi hi. A kibang lo, i hiangte sangin, i kibatna i bulpite ah dinkhop, sepkhop, kipawlkhop ding hun ahi hi. Zomi ihihna ah i kibatlohna i hiang pawlkhat a om bangin, i kibatna i bulpi zong Lom 17, Hawm 131 Oct, 2012

12
GIP ZONG LE KHUAI ZONG (COMMON GROUND) Rev. Lang Suan Thawn Zomite in Gip zong le khuai zong kituak cih thugil khat i nei hi. A khiatna in: Deih kibang lo napi, a sepnop kibang, a khawlkhawm thei, cihna hi. (Rev. Thang Kam kaihkhop, Zomite Paunak leh Thugil. Kalaymyo: ZCLS, 1994/1999, 26) Gip zonna: Gip pen sing tungah a kua a nei khuaite in a kua uh a bit nadinga a zat uh singnai namkhat hi. Tua ahih manin gip pen khuaikua-ah a om ahi hi. Tembulah tem a kip theih nadingin gip kizang hi. Tem pen Zomite adingin neih loh a phamawh, nisim van zat khat ahi hi. Tem pen a hiam mahmah zongin, a bulah a kip keileh ut bangin kizang thei nawn lo pah hi. Tua manin, zat a nuam tem hoih khat a suah theih nadingin gip pen a na thupi mahmah ahi hi. Khuai zonna: A zu le a no deihna tawh khuai kizong hi. Zomite in khuai pen a zu dawn ding le a no nek ding bekin kizang lo a, zatui le pawi bawl nadingin zong kizang lai hi. (Gtn: Khuado pawi le khuai aih nading) Tua ahih manin, Zomite adingin khuai pen thupi mahmah hi. Gip zong le khuai zong: Gip zong le khuai zongte in a deih a zon uh kibang lo hi. A deih a zon uh kibang lo hi ta mahleh a deih Zomi Khristian Aw (ZOMKA) a zon uh a omna mun kibang hi. Tua hangin mun khatah a kituakkhawm uh ahi hi. Tua mun in gip le khuai a omkhopna mun hi. Deih le zon a kibat loh hangin, a zong ahihna (a nasep) uh le tua a zonna uh mun hong kibang hi. Deih kibang lo a, a sep uh kibang hi. Mihingte pianzia khat in deih kibatlohna hi. Leitungah mihingte deih hong kibang ngeingai den mawk leh nak buaihuai lua keei ding hi. Deih a kibat loh phadawm lai, cih ding hi. Deih a kibat loh hang sep nop a kibat ciang, hong khawlkhawmsak thei hi. Khat le khat hong kitheisak hi. Khat le khat hong kitelsiamsak hi. Hamphatna zong hong ngahkhawmsak hi. Gip zong le khuai zongte, a sep nop uh kibang ahih manin na hong semkhawm uh ahi hi. Kitelsiamna tawh hong semkhawm toto uh hi. A tawpna ah a nasep uh hong zo hi. A deih

5
thupi diakin hong zat ding a thupipen ahi hi. Tua hi a, Pasian nasemte lakah Pasian mizat diak, a khami diak cih bang min kivawh tuan ding hi lo hi. 6. Ka pawlpi ah kei Senior Pastor I omna, ahih keileh Pasian na i sepna mun pen Ka Pawlpi kicikha thei den hi. Pawlpi pen eima neih kisuaksakkha thei hi. Pawlpi nei pen Khris Jesu hi a, a sisan tawh a lei Pawlpi ahi hi. (Matt. 16:18; Sawl. 20:28). Mite lakah i gen ciangin ka pawlpi cih sangin ko pawlpi cileng zak nuamzaw ding hi. Mangpau in Senior a kizat ciangin a khangham mite, min le zaliante, thuneite, cih lamin kigen hi. Pawlpi khat ah Pastor nih le thum omna ah Senior Pastor i koih ciangin adang teng Junior Pastor cih dan hong suak a, Siapi le Sia nengneng ci-in min kilawhna hong om thei a, zak nuam het lo hi. Piankum tam nai lo, nasep kum zong tam nai lo khat pen senior Pastor kipia thei pahpah lo hi. Senior Pastor cih sangin Church Pastor-in min kilo leng Pawlpi paizia nuamzaw ding hi. Senior cih pen nasep kum tamna zui-in miten hong lawh ding hi pan hi.
Gammial Sungah Khuavak Manlang A Tun Nading
Pr. Gin Sian Khual (IMC, Kalaw, Shan State)

Lai Siangtho hilhna tawh en leng Pasian thu a tun nai lohna, Pasian thu um mi a tam nai lohna munte gammial cih kimu thei hi. Pasian hehpihna tawh i Zogam a tamzaw gammial hi nawn lo hi. Ahih hangin ah Kawl gam sung en leng gammial tam mahmah lai hi. Kawl gam sungah Pasian thu a tun vet nai lohna mun 38000 bang om lai hi. Kei omna ahi Shan gam bek ah zong Jesu thu a tun nai lohna mun le a za vet nai lo mi tam mahmah lai hi. Hih munte ah Pasian thu a tun zawh nadingin nang le kei i vaipuak ahi hi. (Matt. 28:18-20). Jesu uma a nungzui peuhmah sep ding in Mission nasep hi. Mission cih in a nungta Pasian thu tangzai nading sepna hi. Tua ahih manin Mission tangzai nading hong hanthawn nuam ing. Bang ci bangin Pasian thu tangzaisak thei ding ihi hiam? Gammial sungah khuavak bang ci bangin puak ding ihi hiam? 1. Thungetna tawh mapang khawm ni: Pawlpi thungetna, mimal thungetna ah gammial sunga om i laizomte ading thungetsak ding kisam mahmah hi. Mi khat a piangthak nading, Jesu a up theih nadingin thungetsak ding kisam mahmah Lom 17, Hawm 131 Oct, 2012

6
hi. Hih bang ka cih ciangin ei ading thu ngen lo ding ka cihna hi lo a, mi dangte ading zong ngetsak ding kisam mahmah ka cih nopna hi. A diakin Pasian thu a thei nai lote adingin a kha mit uh kihong a, Pasian thu (Jesu gumpa le honpa) a sang zawh nading uh thungetsak ding kisam hi. Hih in koi mun koi gam ah i om zong, Pasian ading nasepna khat hi. I thunget simin gammial ah khua vak a tun theih nadingin ngetsak ciat ni. 2. Kipumpiakna tawh mapang khawm ni: Kipumpiakna ka cih ciangin Mission kuankhiatna gen nuam ka hizaw hi. Mission nasepna ah kipum piak zawh ding kisam mahmah hi. Kawl gam sungah Lai Siangtho sangnaupang kitam mahmah hi. Ei Zomite sung pan zong kitawm het lo hi. Ahih hang mission field ah kitawm mahmah lai hi. Bang hang hiam cihleh kipumpiak nopna lungsim i neih loh hang hi. A kuankhia ngam om hi leng zong nu le pa , u nau sanggamten phal ngam lo pawl om hi hang. Nu le Pate in zong i tu i tate phal ngam ding kisam hi. A phal ngam lo Nu le Pa i om khakleh i kipat cila kipan ki thawisak loh ding hi pah hi. Kawl gam sungah kum khat sunga Lai Siangtho sang man kitam mah mah napin mission Zomi Khristian Aw (ZOMKA) field ah a om loh teh Pasian mindai lel hi. Nang teekteek na kuankhiat zawh keileh zong na tu, na ta, na sang gamte phalna tawh hanthawn in. Gammial sungah khuavak tun theih nadingin Pasian in nang teekteek hong deih hizaw lai hi. 3. Sum le Paai, Neih le Lam tawh mapang khawm ni: Pasian nasem khat ka hihna tawh sum le paai vai gen ngei khol lo hing. Ahih hangin Mission nasep tangzai nading le a manlang theih nadingin sum le paai kisam mahmah hi. Gentehna-in ah ZBCM in mission fund tam nei le hang mission kuan ding mi tam kikhahkhia zo ding hi. Mission tam khahkhia zo lehang Pasian gam nakpitakin taangzaizaw lai ding hi. Pasian thu taang zai zawh na ding in nang le kei sum le paai piakkhiatna kisam mahmah hi. Piakhia ngam photphot lehang supna om lo hi. Pasian in na piakkhiatna hong guaksuaksak het lo ding hi. Sawltakte sunga thu ummite nuntakna en lehang a Inn a lo na ngawn uh Pasian ading a piakkhiatna uh kimu thei hi. Amau zong mihau pipite hi tuan lo uh hi. Neih val, lam val a piakhiate hi lo uh hi. A neih bangbang uh Pasian ading piakkhiat ngamna lungsim a neih tam mahmah in, Praise &

11
kimakaihzia, Media nakzat zia, Mission & Outreach hanciamziatea kipan Home-cell dongin a makaih ding ah amau Pawlpi ciat in Training nei ngekngek masa uh hi. Amau Pawlpi ah a lut dingte nangawn training pia masa uh a, amau paizia telgen masa uh hi. A santheih uhleh bek amau Pawlpi ah sang pan uh hi. Tuate sungah Dallas a om Christ for the Nations Churchtea, ettheih pak dingin kong pulak nuam masa hi. Amau Mission, Vision le Membership vai hih bangin thu khung uh hi. Mission Statement: (Mt. 28:18-20; 10:7-8; 2Cor. 5:17-20; 1Jn. 4:11) Lungdamna Thu (Gospel) in a kuamahpeuh tungah gupkhiatna, mawh kimaisakna, damna, kilamthakna le kikhuangkhohsak nadingin vaang a neihna thu mipite tungah tangkona le lahkhiatna tawh a Pawlpi innkuan sungah kimaingal takin kithuahna hoih neihsakna i a thupitnate hahzat nadingin thupi ngaihsut mahmah uh ahi hi. CFN Church Vision * Praise & Worship Thupisak Pawlpi * Thunget hat Pawlpi * Pasian kammal tungah kinga Pawlpi * Kilawmtatna Thupisak Pawlpi * Nungzuisiam hihna le Pasian thu tangkona (Evangelism) thupisak Pawlpi Membership: * Topa Jesu pen Topa le Honpa-a sang * Kha Siangtho vaang sungah khangto * CFNte mission le vision-te muangin um * CFN Pawlpi-a Senior Pastor-a kipan Siate makaihna tawh kimakaihsakna zuisiam * CFN Pawlpi ah nangmah teekteek na kikhopdetna, na thungetna, na piakkhiatna le nasep khiatna tawh Pasian hong sawl nasepnate ah huhin panpih siamna cihte neih ding, zuih ding, sep dingin thu khung uh hi. Thukhupna: Hih Pawlpi liante a paizia uh kibang kim phial hi. Amau Siate ding le amau zat ding mite (Upate le zum nasemte dongin) amau dinmun pulakna tawh kituakin pantahna nei uh hi. Pasian nasem Siate makaihna le Jesu zia zuihtheih tawpin zui-in ki-itna le kihuaina, kipahtakna leh kipanpihna tawh nasem khawm diamdiam uh a, Pawlpi lian pipi a suak uh hi. Thukhun (by law) zatna sangin Jesu zia ahi ki-itna (by love) tawh kalsuanin picin vai mahmah ngiamngiam uh hi. Topa in a telsiam dingin hong siam ta hen!

Lom 17, Hawm 131 Oct, 2012

10 USA AH PAWLPI LIAN PAWLKHATTE KILAMZIA LE KALSUANZIA

C. Thang Za Tuan, Ph D Thupatna: 2009 kuma kipanin USA ah Biakna Conference kah ding le Sanglam le Zomi vai tuamtuam tawhin ka Nupa-un thumveina ka paita uh hi. Vial khat ka tun sialun thuthak thupha khatta ka tut ding uh Topa in hong guan hi. Biakna ah thugen i zakna a tam hangin i zakzaksate sung pan mahin khatvei i lungsim hong lawng phadeuhte in i nuntakna hong kheel mahmah thei hi. Tuate Kha Siangtho hong lamlahna le makaihna hi ci-in ka sang hi. I Pawlpi ah tun pah ding kal bang kingaklah liang hi. Bang Thupha Ngah: 2009 kumin Tulsa Victory Christian Center-te 31st Annual Word Explosion Conference ah Nigeria-a Pawlpi lian mahmah khat pan hong pai Senior Pastor pa Rev. Dr. Oyedepo i thugen ahi Sawm ah khat manmanin na piak kei ngeingeileh leiba thaangba tawh na kidiah ding hi hong cih in ka lungsim uh hong lawngin Inn tun ciangin ka Pawlpi uh AZBC, Yangon ah ka pulak pah uh hi. 2009 beikuana kipan ka Pawlpi vuah sawm ah khat kilamdanna hong om takpi ka mu uh hi. 2010 kum ciangin Topa tawh kikhawl a, Topa a zahtak mite le Pasian na a limsepte in kitangsapna nei loin, a paipaina uh Zomi Khristian Aw (ZOMKA) ah thupha om hi cih John Bevere thugenna pan thupha ka ngah leuleu uh hi. Tua hangin Pasian nasemte hi-in Pawlpi mi sung panin hitaleh Pasian tawh akizomte tamasak ngei lo cih khamuanna thak hong pia hi. Tukum 2012 leuleu ciangin ahihleh San Antonio, Texas pan Cornerstone Church ah Pawlpi mi 20,000 val a nei John Hagee thugen Siampi Thupha Kipiak a thupitna (Gam.4:22-26) thupha ka ngah leuleu uh a, Tulsa ah om eimite Pawlpi ka kikhop khaknana vuah tua Siampi Thupha tung tawnin Pilna Thupha ka hawmziahziah uh hi. Pawlpi Liante Kalsuanzia Pawlkhat: Tutungin Dallas ah om Christ for The Nations Church Pawlpi (Pastors Billy and Marianne Allen), Tulsa ah om Victory Christian Center Pawlpi (Pastors Sharon Dougherty & Paul) le Portland ah om City Bible Church Pawlpi (Pastors Frank and Sharon Damazio) te kilamzia le kalsuanzia ah kibang khin phialin a etteh huaina uh tawm kong pulak nuam hi. Limtakin ka va hawhkha hi. Tua Pawlpi liante in Lai Siangtho Sinna Sang zong a nei ciat uh hi. Naupanno pattahna panin Upa thusinna dongin a nei dimdem uh hi. A vekpi-un Pawlpi ah Siate

7
Worship man uh hi. Jesu nungzui ahi nang le kei in zong hih bang lungsim i neih zawh ding kisam hi. Pasian gam tangzai nading na lunggulh leh na piakkhiat ngam ding zong kisam hi. I neih le i lamte Jesu ading i piakkhiat ngam keileh Jesu kiangah a dong tangvalpa i bangkha ding hi. Tangvalpa in a neih le lam teng a piakkhiat ngam loh manin Jesu kiang pan paikhia hi.Tua hi-a gammial sungah khuavak a tang mengmeng theih nadingin i neihsa sum le paai tawh ma i pan khop ding kisam hi. Gammial sungah khuavak a tang mengmeng theih nadingin nang le kei in vaipuak i nei hi. Gammial nasepna nam tampi sung pan a tunga thu thum tawh ma i pan khop nading hong hanthawn nuam ing. Thungetna, kipumpiakna le sum le paai tawh ma i pangkhawm ciat ni. A sem zo dingin Topa'n thupha hong pia kim ciat ta hen. Amen. Mipil na suah nop leh Lai Siangtho simsim in. Na lungmuan nop leh Lai Siangtho um inla, na siantho nop leh Lai Siangtho cih bang zui in. Gordon Kenlaan Mit tawh kimu thei lote upna tawh kimu thei hi. - ODB

TUHUN PAWLPISUNG THANEM THEIHNA

Rev. Than Za Cin (AGS, ZBCM)

Thupatna

uhun i pawlpi sung nuntak kalsuan dan i et ciangin pawlpi kim phial ah thanemna kinei ciat hi, cih kimu a, tua thanemna a piangsakte pen pawlpi khat le khat kibangkim lel hi. Pawlpi thahat i kisak laitak, khanglo i kisak laitak nangawnin thanem theihna na om thei veve hi. Tua thanem theihna a pianna pen a pualam pan hi loin, pawlpi sung panin hong om thei hi; tua bangte in:A. Pawlpi mite hangin Siate thanem theihna: Khat veivei pawlpi sung thanem theihna pen pawlpi mite hangin Siate (Makaite) thanem thei hi. Tua hangin pawlpi in zong thanemlawh thei hi. Tua bang ahih theihna a hang pawlkhat en dih ni. 1. Pawlpi Siate nuntakna ahi ding bangin i et zawhlohna panin om thei hi. 2. Pawlpi Sia nih le thum omna ah pahtak deuh i neih khakna panin om thei hi. 3. Siate pilna le nuntakna ah hawmthawhna le neu-etkhakna panin om thei hi. 4. Pawlpi Siate pen khasum i piaksa hi, i vaksa hi, ci-a kisai luatna panin om thei hi. 5. Pawlpi Siate sangin mun dang Siate thupisakzawkna panin om thei hi. Lom 17, Hawm 131 Oct, 2012

8
6. I dah hun, i nop hun ah hong ompih den i Siate i inn ah kisam ngei khol lo napin khual pan hong hawhpak Siate saptuamna panin om thei hi. 7. Hunbit Pasian nasemte khasum ding sangin vai dangte thupisakzawin sum le paai i geel ciangin om thei hi. 8. Vai lian le vai thupite ah Siate theisak loin kamkup simna pan om thei hi. 9. Pawlpi Siate tavuan le panmunte ah amau thuneisak loin amau panmun i tuha i suankhak ciangin om thei hi. B. Siate (Makaite) hangin pawlpi mite thanem theihna: A tunga i gensa om mah bangin khat veivei ciangin pawlpi sung thanem theihna pen pawlpi mite tungtawnin a om theih ban ah Siate (Makaite) hangin zong thanemna om thei hi. Tua bang ahih theihna a hang pawlkhat en dih ni. 1. Siaten mai-et tuam a neihkhak ciangin om thei hi. 2. Sia nih le thum omna ah amau le amau kihazatna a kineihkhak uh ciangin om thei hi. 3. Siaten (Makaite) pawlpi mite neu-et in, kobawlin simmawhkhakna a neih uh ciangin om thei hi. 4. Siaten sum le paai vai ah a sai nuam luat ciangin om thei hi. Zomi Khristian Aw (ZOMKA) 5. Siaten pawlpi inn kim ah thungetsak ngei loin a damlote a kiveh loh hangin om thei hi. 6. Siaten Pawlpi sung khanlawh nading, khantoh nadingin Camping, Crusade cih khawng neih ding a geel ngeiloh ciangin om thei hi. 7. Siate le makaite vai khempeuh ah thuneihna tawh leitung vai dang (politic) in pawlpi ukin, a makaih nop khak ciangin om thei hi. 8. Makai khat in a pualam thu pawlpi sungah hong lutpihkha-in khat le khat kitelkhial in, kilem lohna a om ciangin piang thei hi. 9. Makaiten pawlpi mite guptuam, paihtuam, a neihkhak uh ciangin om thei hi.
(Hih Thusun pen 2003 kum September - October ZOMKA, hawmkhiatna pan a kilakik hi.)

9 KawKawlgam sung State le Division mi phazah lahna 1. 2. 3. 4. 5. 6. 7. 8. 9. 10. 11. 12. 13. 14. 15. 16. 17. Nipyitaw Kachin State Kayin State Chin State Sagaing Division Thanintazi Division Bagu Division N.Bagu Division Magwe Division Mandalay Division Mon State Rakhine State Yangon Division S. Shan State N. Shan State E. Shan State Irawady Division 1,153,245 1,597,902 1,835,509 562,599 6,998,313 1,734,540 3,347,085 2,719,952. 5,677,094 7,352,397 3,165,275 3,338,669 7,097,297 2,227,305 260,066 892,771 8,123,746.

October ZOMKA tatman ngahna 1. ZCBC, Tahan 2. Rev. Neng Suan Thang, Bethel 3. Nu Cing Suan Niang, NBC 4. Pa Suan Sian Thang, Tuikhal 5. Pa Tual DoPau, VMBC 6. Pa Kam Do Cin, Langzang 7. Ptr.Niiang Lam Lun, PLBC 8. Pa Nang Khan Khup,Tauleng 9. Pa Do Za Thang, Talek 10. Rev. Dr. Go Chin Zam, Yangon 11. Rev. Go Van Mung, Yangon Ks. 4000 Ks. 2000 Ks. 4000 Ks. 4000 Ks. 2000 Rs. 8000 Ks. 4000 Ks. 2000 Ks. 2000 Ks. 8000 Ks. 8000

........ .......

Hilhcianna tawh a kithuah , The Bible Society of Myanmar pan a kibawl Te d i m Lai Siangtho (Thuciam thak) kingah ta ahih manin Pasian tung le a sem a bawl, a geel a hawmte tungah i lungdam mahmah hi. -Endik pawl

Lom 17, Hawm 131 Oct, 2012