I Topa kum 2013, July 7 (Nipi Ni) in Tedim Baptist Church - Yangon kum (16) cin Pawlpi Suahni

le No. 156, Baho Road, Kyuntaw(S) Ward,Sanchaung aa Biakinnpi Hon pawi kinei ding ahih manin khual le tual aa om i mipihte khempeuh tungah itna le ngaihna tawh kong theisak uha nong uappih tek nadingun kong kho uh hi. Celebration Main Committee TBC-Y

April 2013 Tedim Baptist Church - Yangon pan kihawmkhia hi.

Hih laibu sungah:

Editorial 1 Hanthotna Church Pastor Na Gam hong piang tahen! 3 Honorary Pastor Khristian-te le Leitung 7 Rev. Ngul Cin Thang Kum Sim Dan 10 Assist.PastorZenDotMang Messiah Kumpi Ukna le Zogam 14 Rev. Dr. JM Paupu Gualzawhna Khutte Domsak Ni 18 Khualzinna Associate Pastor Australia Khualzinna 32 Rev. Go Van Mung Yangon pan tawmvei Yonsei ah 35 Cidamna Sm. Niang Hen Cing Teekna hong dal Singgah tuite 42 Pawlpi sung nasepna Biakinn Thupulaakna 25 E&M Committee 26 Pawlmi Lainatpih Committee 26 Oneplus 29 Topa hong zeeksak kumsim thuphate (2007 pan) 17 Atuamtuam Computer tawh kisai theihhuai thute 44 Yangon ah sihna na tuah leh... 48 Kumsim Thubulphuhte Matthai Lai Siangtho tom-et pakna Tedim Khuavak, 2013 April

Tedim Khuavak, 2013 April

TEDIM BAPTIST CHURCH - YANGON Motto: Khazih le Minam Ading KUMSIM THUBULPHUHTE

MATTHAI LAI SIANGTHO TOM-ET PAKNA NGIMNA JESUH IN Jewte tangthu le lametna sunga a kiciam kholsa MESSIAH (Khrih) ahi hi. Amah mah TAWNTUNG KUMPIPA hi a, Thuciam Lui kamciamnate a tangtunna pa ahi hi. Thukhilna (Theme verse) 3 5:17 Moses Thukham le kamsangte thuhilhnate a phiat dingin hong pai hi, ci-in hong ngaihsun kei un. Tuate a phiat dingin a hong pai hi loin, a kicingsak dingin a hong pai ka hizaw hi. 2:2 Jew mite kumpi ding ahi naungek a hong suak pen koi lai-ah om ahi hiam? Nisuahna lam pan ama aksi hong suah ciangin ka mu uh a, amah a bia dingin a hong pai ka hi uh hi, a ci uh hi. 4:17 Tua hun a kipan Jesuh in thuhilh ding kipan a, Vantung kiukna hong naita ahih manin kisikin na omzia uh kheel un, ciin thu a hilh hi. KUA ADING A bulpi in: JEW MINAMTE ADING Deidan loin: MI KHEMPEUH ADING Mat 28:19 Tua ahih ciangin note pai unla, midang khempeuh, keima nungzui mi suaksakin, Pa min, Tapa min, le Kha Siangtho min tawh tui sungah na phum un Mathai laibu kilamzia KUMPIPA hong kilang (1-10) KUMPIPA kilangpan (11-13) KUMPIPA mipi muhna ah kilaak nuam lo 14-20) KUMPIPA kinial-in kithat (21-27) KUMPIPA thokik (28) MATTHAI KAMMAL THUPI 2 PAWLPI (3 VEI); GAM (UKNA) NA GAM HONG PIANG TA HEN! (Mat 6:9-10) Vantunga om kote Pa aw, Na min siangtho kizahtak hen. Na ukna hun hong tung hen la, (Na gam hong pia ta hen) Vantung bangin leitungah zong Na deih bangin kigamta hen.

Nang Nong paipih kei ding leh.(Paikhiatna 33:15) Kei hong thahatsak Khrih hangin na khempeuh ka hih thei hi (Fil. 4:13) 1999 Asia ding honkhia in (Luka 19:10) 2000 Nang kong ompih den hi (Isaiah 41:10) 2001 I Tunna peuhpeuh pan mainawt ni (Fil. 3:16) 2002 Lau kei inla hang in (Joshua 1:9) 2003 A sangzaw ah (Hab. 3:19) 2004 Khat le khat na ki-it un (Johan 15:12) 2005 Khrih laitaak Khristian innkuan (Luka 19:6) 2006 Kha Siangtho Makaih Nuntakna (Johan 16:13) 2007 Teci Pangkhia Pawlpi (Matt. 28:18, Sawl. 1:8) 2008 Khrih Sungah Adim Nuntakna (Johan 10:10) 2009 A Piakhia Pawlpi (Malakhi 3:10) 2010 Jesuh Khrih Eite Thahatna (Isaiah 40:31, Hab. 3:19, Fil. 4:13) 2011Pasian Kammal: I Nuntakna (Isaiah 55:10-11; Heb. 4:12) 2012Tukhang Ading A Nungta Pawlpi(Efesa 1:22-23,4:15-16) 2013 Na Gam Hong Piang Tahen (Matthai 6:10)

1997 1998

>>>Laibu tuamna sunglam pan azom...

MATTHAI LUNGDAMNA thu in Jew mite le Gentail mite a kibangin a nuaia bangin, lasa khawm dingin hong zawn hi! Ka kumpi na hita tun nang, vang liatna teng tangin, Ling na khuk ka mangngilh loh nang, Kalvary ah hong kha in.

Tedim Khuavak, 2013 April

Tedim Khuavak, 2013 April

>>>: laibu tuamna sunglam ah

YANGON AH SIHNA NA TUAH LEH... 1. Death Certificate kisam... - Zatopi ah i sih leh Siavuante kiang pan kila thei pah hi. - A pualam zato le inn ah i sih leh Siavuan khat peuh tung pan nget kul hi. 2. kisam A kingah theih nadingin Death Certificate,

EDITORIAL
Tukum TBC-Y pawlpi thubulphuh pen Topa Jesuh hong hilh thungetna sunga Na gam hong piang ta hen! (Thy Kingdom Come) ahihi. Na gam cih kammal pen Greek kammal basileia (Hebrew, malkut) a kiletkhia hi-a, kumpi thuneihna (royal reign) ahih kei leh kumpi gam (kings domain) cihna ahihi. Lai Siangtho sungah hih kammal pen Messiah ii kumpi gam (the kingdom of Messiah) a genna ah kilimzat penpen hi. Pasian ukna gam tawh kisai Thuciam lui hunin muhna na kikhel toto hi. BC kumzalom 9 lai-in Pasian ukna gam pen a bia mite teenna gamgi tawh kiciangtan hi. Gentehna-in, TOPA Pasian (Yahweh Elohim) ukna gam pen Israel gam ci-in kiciamteh hi (1 Khang 28:5). Moab mite biak Chemosh pasian ii ukna gam pen Moab gamsung teng hipah a, Ammon mite biak Molech pasian ii ukna gam pen Ammon gamsung teng hipah hi (1 Kum 11:7). Kamsangpa Elisha in Syria galkap mangpa Naaman phaaknatna pan damna a piak ciangin, Naaman in Israelte biak TOPA Pasian na umin Syria gamah tua Pasian a biak theihna dingin Israelte leitang la-sakol nih puakkhop na ngen ngei hi (2 Kum 5:17). Hih bang a ngetna pen Israel mite Pasian ii ukna gam pen Israel leitang tungah om hi, cih upna a om man hi (cf. Micah 4:5). BC kumzalom 8 hun ciangin Amos in Israel mite biak TOPA Pasian pen, vantung leitung a bawl Pasian ahihna (Amos 4:13; 5:8), minam khempeuh tungah ukna a nei Pasian ahihna (Amos 1:22:16), minam khempeuh ii tangthu a nei a ukpa ahihna (Amos 9:7) na gen hi. A tomin genleng, anungta Pasian ukna gam pen Israel mite leitang bek huamlo in, leitung vantung a huam ahihna hong musak hi. Kamsangpa Hosea in Pasian pen a pualam panin mihingte a uk Pasian hi beklo-in, mihingte tawh a om khawm a Siangtho Pasian ahihna na gen hi (Hosea 11:9). Kamsang Isaiah in TOPA Pasian in Zion ah minam khempeuh kaikhawmin galhiam khempeuh phiat-a daihna tawh uk ding ahihna (Isai 2:3-4), Pasian mahmah mihingte tawh hong omkhawm Pasian Immanuel ahihna na tangko hi (Isai 7:14). Tedim Khuavak, 2013 April 1

- Zato pi ah i sih leh, zato pan kila pah thei hi. - A pualam zato le inn ah i sih leh, ah kila hi. 3. puakna (01-637347) ngah zawh ciang han mawtaw samin ah puak ding. Innkuanpih khat in zuih kul hi. 4. Tapidaw Han - Yewei (01-701123; 09-73031273) - Han ah pai ahih keileh phone set ding. Misi vui nop ni le ahun amau tawh geelkhawm pah ding. Original le Pawlpi kem siate vuina lai kisam - Lei ah i phum leh Ks. 5000 + Hall sap man - Mei tawh i hal leh sum bei lo i bawl leh, Ks. 250,000 + hall sapman - Hankuang man Ks. 25,000 pan Ks. 100,000 5. Newspaper ah suahsakna tawh - Misi ii tangthu le ah kisuaksak theipah hi. - Zum hun - Ks. 10,000 kiim bang bei thei hi. Tedim Khuavak, 2013 April 48

Thuciam thak hun ah, tanglai kamsangte genna mah bangin Pasian ukna gam leh Pasian mahmah mihingte lakah hong tengdenna thu pen Topa Jesuh hong suahna, nuntakna, sihna leh thawhkikna ah hong kicing hi (John 1:1-14). Thuciam thak sungah Pasian ukna gam tawh kisai tangzai takin na kigelh a, tuate a nuaia bangin kitomlak thei hi. Topa Jesuh genna ah, Pasian ukna gam pen Jesuh mimal tungtawnin hong kiphut khin hi (Matt 12:28; Luk 11:20); ahizongin hong kicing na dingin thunget ding kisam hi (Matt 6:10). Paul genna ah, Pasian ukna pen hong tung khinsa hi-a, Kha Siangtho hangin i ngaih Pasian deih bangin gamtatna, kilemna leh lungdamna cihte ahihi (Rom 14:17); tua Pasian ukna gam pen ci leh sa deihna tawh a nungtate in luah theilo ding hi (1 Kor 6:9-10; Gal 5:21). Tua banah, Paul in Pasian ukna a kicingin hong tun ding pen mailam thupiang dingin na gen-a, tua ni ciangin vangtung, leitung leh leinuai-a om mi khempeuh Jesuh mai ah khukdin dinga, Jesuh Khrih in Topa hi ci-in tangko ding uh hi (Filippi 2:10-11). Tua hi-a, Pasian ukna gam pen khanuntakna (spirituality) bek hiloin vangtung leh leitung na khempeuh tawh kisai (universality) ahihna kimu thei hi. Mangmuhna sung i sim ciangin Pasian ukna gam pen kha thu bek hilo-in, leitung ki-ukna sungah tung taktak ding (political reality) ahihna zong kimu thei hi (Mang 11:15). Johan genna ah Pasian ukna pen thakhat in hong tung dinga, galkidona (Mang 9:1-12), gimna lianpi tunna (Mang 9:13-19) cihte hong om ding hi. Leitung mite in pawlnih in kikhen ding uh a, Satan leh a pawlte meilipi sungah kikhia dinga (Mang 20:7-15), tuuno pawlte ahih leh vanthak leh leithak luah ding uh hi (Mang 21). Leitung mihingte tangthu a nei a uk TOPA Pasian hi-a, Pasian ukna pen Jesuh Khris tungtawnin hong kiphut khin ahihi. Tua Pasian ukna gam leitung tangthu mahmah ah hong kicing ding hi-a, mihingte kha nuntakna (Pasian leh mihing, mihing leh mihing kizopna) dapphah in vantung leh leitung tangthu ah hong mualsuak ding ahihi. Tua ahih manin Topa Jesuh hong sawl Na gam hong piang ta hen! cih thungetna pen mimal Khristian nuntakna, pawlpi kalsuanna, minam kalsuanna leh leitung tangthu adingin thu laigil thu mungpi ahihi. Tuni-in hih thungetna I nget ciangin Na gam hong piang ta hen! Kei mimal nuntakna ah, ko innkuan sungah, ko pawlpi sungah, ko khua sungah, ko gam sungah, ci-in i nget ding ahihi.

manlang hi. Window XP version tawh kibang Microsoft a nunung pen operating system a hi Window 8 ah zong lemtak in a kizang thei a hi web browser khat zong a hihi.Hun bei zong tawm in a kisam thu tuamtuam zong nawh tak in kizang thei hi. IT tawh kisai eBook te a khong in ngahtheih na http://it-ebooks.info/ Hih website ah IT tawh kisai eBook(electronic laibu) te a khong in kingah thei hi.Laibu zong kim mahmahin, hih website tung a om eBook te a khong in kikai ( download ) thei hi.eBook deih penpen ii teeltheih na ding lim tawh zong kilak pah hi.A kikoih thak (upload) te zong ki-en thei hi.Laibu te, ii teel ciang a bawlkhia te, bawl kum , a kizang pau, Download hih theih File golzah cih te zong ki en thei hi. Gamsung ah nasep zong te a ding http://www.myanmarjob sdb.com Kawlgam sung ah nasep zong te a ding in Myanmar Job DB a kici website khat hi-in, hih website tung ah ii deih nasep nam te leh za, sep nopna mun te gelh le hang hun tawmno sung in hongzong sak ding hi.Hih website ii amai pen laimai ah zong tulaitak in a kisam nasep leh nasep tawh kisai a kisam tuamtuam leh nasep om na mun te zong kilak hi.Tua bek hi lo in, nasep sap a kisang nitawp ni (deadline) zong ki-gelh pah hi.Khua, mun tawh kisai i deih nasep te zong kizong thei hi.Ii deih nasep ii muhnai kei leh zong CV form kikoih thei hi.

Tedim Khuavak, 2013 April

Tedim Khuavak, 2013 April

47

Keyboard tungah PrtSc/SysRq zong in. Na muh ciangin meek in. Tua khit ciangin Window + R meekin mspaint cih gelh inla Enter meek in. Paint file hong kihong dinga tua sungah Ctrl + v meek in. Den aa na muh bangbang a maan tawh hong suak ding hi. Ctrl + s meek inla Save as type sung pan .jpeg teel inla tua tawh save in. (PrtSc/SysRq sunga na koih pen zong Photoshop ah kipuak thei hi). Desktop Background a kikheel theilo-in bawl dan ding... Na deih penpen khat na guan khit ciangin midang kuamah in a kheel theih nawn loh nadingin Run Box (Window Key + R) meekin gpedit.msc gelh inla Enter meek in. Local Group Policy Editor sung pan User Configuration nihvei meekin Administrative Templates teel in. Tua nuai-a Control Panel meek inla Personalization pen teelin anuai ensuk lecin Prevent Changing Desktop Background mu ding hi teh. Na muh ciangin Right Click inla Edit hong lecin Prevent Changing Desktop Background min tawh Window khat hong kihong ding hi. Enabled a cih pen teel inla Apply > OK meek in. Internet tungpan a khong in kingahthei Website tuamtuam te Mozilla Firefox Portable Software nam Akibawl khia version nam File golzah Akizang thei OS Web Browsers 19.0.1 21.54MB Windowx XP/ Vista/7/8

NA GAM HONG PIANG TAHEN!

Church Pastor

Feature tuamtuam kihel in, a kinawh mahmah khat a hi Mozilla browser pen portable (ki pua kawikawi thei) version tawh kizang thei hi.Pop-up blocking, tab browsing leh Google Search te zong kihel in, baih takin kikem thei a streamline browser window zong kizang thei hi. Feature zong kimtakin kihel a, zat ciang zong Tedim Khuavak, 2013 April 46

1997 kum pan kipan TBC-Y in Khazih le Minam Ading cih ngimna tawh i kalsuan toto hi. Akumkum-in thubulphuh kinei-a 2012 kum i thubulphuh in Tukhang Ading Anungta Pawlpi cih a hihi. Tukhang cih ciangin a bei thei nawn lo ding hun a kawk nuam a hihi. Tukum leuleu ciangin MBC in Judson hong tunzawh kum (200) hong cing ding hi-a thu bulphuh dingin Na Deihna Kawlgam ah hong kicingsak in ci-in nei uh hi. Tua dung zui-in ei in zong Na Gam hong piang tahen! ci-in i teel hi. Gualzawhna, thuneihna, liim le vaang cihte pen mihingte nuntakna ah a kisam pen khat na hi mawk hi. 1949 pan 1976 dong Sen gam a uk Mao Tse Tung in Power is with bullet ci-in kum 27 sung gam-uk makai-in om hi. Ama zawh ciang Ting Shaong Feng in luahsuk a Power is in the wallet ci-in taangko leuleu hi. Tua hileh liim le vaang taktak koi pan hong pai hi ding hiam, cih i kikum ding hi. I Lai Siangtho sungah Jesuh Khris in Amah a bawlsiate, a that nuam aa om mipite en-in kiko a, Pa aw, amauten bang bawl cih thei lo uh ahih manin a mawhna uh na maisak in ci hi. Ei dingin kingaihsun leng, Ka Nipi, ka Khapi, Ka Pasian, Ka Lungzai aw, na thei in. Hih teng hi ei kei hong bawlsiate cikha ding hihang. Topa Jesuh in thuneihna pen thautang ah om kei, sumbawm ah lah om kei! Thuneem tawh zawhna ah vaangliatna om hi, ci hi. Mi muhna ah amah pen hon ding nei lo bang ahih hang, van galkap a kuan akuanin a vaikhak theipa hi. Mihing muhna panin mi guallel, mi meidawite kampau hi, ci-in mawhsak theih ngel a hihi. Tedim Khuavak, 2013 April 3

Tua bek hilo-in, Sawltak 7 sungah Khristian biakna hanga a kithat masa penpen Stephen thu zong i enbeh nuam lai hi. Amah pen Judah biakna makaite in suang tawh a deen laitak mahin van ento a, Pasian taklam ah Topa Jesuh atu mu aa, amah zong khukdin sukin Pa aw, amauten bang ahih uh cih thei lo ahih manin amau mawhna na maisak in ci leuleu hi. Tua bang thupiang teng a encik gige khat na om aa amah pen Judah laigelh siamten The Lion of Judaisim a cihpa Judah biakna ii humpi neelkaai kici Saul zong kihel hi. Saul in tua bang thupiang teng amuh ciangin lamdang sa-a a lungsim sungah Ee, hi pa a Pasian tungah lah ko tuan lo. Amawhna na maisak in peuh ci mawkmawk. Kei bang siamna pilna bucing nei ding zong hi lo napi picing sa si ing. Kei neih loh bang nei tuan ahi tam? Kei ka kidiksak mahmah hang amah banzo kei mawk veng ci-in amah le amah kidong thapai hi. Tua dotnate lah kidawng tuan lo ahih manin Khristian-te bawlsia dingin hahkat veve aa, Damascus khua paina lampi panin Topan na hopih hi. Saul, Saul aw bang dingin kei hong bawlsia na hiam? ci-in Topan na dawng kik hi. A beisa huna a lungsim sunga adotdot khat pen tu-in a dawnna ngah pan mawk hi. Saul pianthakna pen Damascus khua lampi hi phing lo-in nidang aa a zak ngei Stephen thungetna panin a lungsim buai-in a kikheel na hizaw hi. 1563 kum tak ciangin Lai Siangtho bu kampau dang tawh teikhiat ding a kikham laitak England gam mi William Tyndale in Manglai tawh teikhia masa hi. Amah pen The Father of English Bible (Mang LaiSiangtho Pa) kici hi. Tua bang a a teikhiat kumpipa le biakna makaite in thei uh ahih manin a ngawng hekin, thah ding bekin a om laitak, thugen khuan khat pia hi. Amahn zong thungen a, Maw Pasian, England kumpipa mit na honsak in ci hi. (Open the eyes of the king of England). That lumin haltum uh hi. Ahi zongin a thungetna kammal pen Pasian in damdam-in dawngkik aa 1603 kum ciangin Scotlang pan hong khangkhia King James in Lai Siangtho a kiteikhia sate Tedim Khuavak, 2013 April 4

User Configuration nuai-a Administrative Templates pen nihvei meek in. Hong dawk Menu sung pan System pen nihvei mah meek in. Ctrl + Alt + Del Options meek inla, a taklam mun khat ah Remove Task Manager om ding hi. Tua zong nihvei mah meek in. Window thak khat hong kihong ding hi. Not Configured, Enabled, Disabled namthum lakah Enabled a kicih leh, Not Configured teel inla, Apply >> OK meek in. Khat veivei tua bang na cih hangin hong suah tuan keileh, Enabled teel inla Apply meekin, Not Configured cikik-in, Apply >> OK meek kik in. Tua hileh Task Manager kihong thei ta ding hi. Hardware hatsak zawk nading... Task Manager hong in. Menu sung pan View meek in. Upade Speed kawk lecin High, Normal, Low, Paused cihte kimuin High, Normal, Low, Paused cihte lakah na teel bangbang Na Computer ii nasepzia speed le Networking speed hong kikheel ding ahi hi. Khak theih loh khat khak nop ciang... Software khat peuhpeuh na hon laitak nasem nawnlo-in hong om ciang, Task Manager hong inla Performance tab teel in. F5 meek zelzel in. Tawmvei khit ciang nasep hong kipan pian ta ding hi. A zenzen-in Application khat peuh na khak nop hang a kingah loh ciangin tua na khaknop min pen zong in. Na muh ciangin Right Click meekin End Task teel in. Hong kikhak ding hi. Tua bang a ut keileh End Task meek lo-in Go to process teel lecin na khaknop pen vanmeel tawh kihighlight dinga tua tungahRight click kikin End Process lecin zong kingah hi. Computer Screen tunga kimu peuhpeuh photo (man) tawh suaksak ding... I computer bangci siat cih i gen theihloh hun tamveipi om thei hi. Tua bang hun ciangin maan tawh zaih-in a banban-in genkik theih ding kisam hi. Tua banga a kingah theih nadingin Tedim Khuavak, 2013 April 45

COMPUTER Task Manager a kikhak ciang koici honkik ding... Task Manager i cih ciangin Computer khat ii nasep teng, bang program teng kihong, tua program-te ii Memory Ram, CPU bangzah kizang, bang User teng om cih a kimuh theihna mun ahi hi. Task Manager hon dan ding... Ctrl + Shift + Esc athum-in mekkhawm ding; ahih keileh Start button tawh hong suakkhawm (screen ii a taw aa) apaiphei pi tungah mouse Right click ding in hong dawk Menu sung pan Start Task Manager (Task Manager) teel ding; ahih keileh Window Key + R mekkhawm-in taskman cih laimal gelh ding in OK ci ding. Task Manager hong suah kei leh... Khat veivei Task Manager a kizat theihloh nadingin kikhak thei hi. Tua bang hun ciangin na computer ah bang program teng kihong cih na theithei kei ding hi. Tua program-te na muh loh ciang na computer ading lauhuai thei hi. Tua bang ahih ciangin na honkik nop leh, Window Key + R meek inla tua khit ciangin gpedit.msc gelh in, Enter meek in. Local Group Policy Editor cih Window hong suak ding hi. Tua nuai-ah (1) Computer Configuration, (2) User Configuration hong suak dinga, (1) Computer Configuration sungah (a) Software Settings, (b) Windows Settings, (c) Administrative Templates cih nam thum om ding hi. (2) User Configuration sungah (a) Software Settings, (b) Windows Settings, (c) Administrative Templates cih teng mah om ding hi. Tedim Khuavak, 2013 April 44

puahpha sakin King James Version (KJV) ci-in Lai Siangtho manpha mahmah hong piangkhia hi. Tuni dong ahoih pen dingin kigen hi. 1907 kumin Zogam, Falam uk sung Bualkhua ah Tapidaw tung hi. Cong Kham in sang masa ahih manin a khua hausapa in sama, Cong Kham, nang Khristian suak lecin i khuasiam in, i khuazangin hong netum ding hi, ci-in khaam hi. Cong Kham in mang tuanlo ahih manin a loteng laksakin, a zi zong sal dingin sut lailai hi. Cong Kham khawl tuanlo ahih manin khua tangvalte mansakin a khua lai tual-ah 45 vei ciangpum tawh sat ding danpia hi. A khuazangin kikaikhawm uha Bualkhua tangval hat (5) in a banbanin a sat laitak thuak zo nawn lo ahih manin hausapa kiangah thugen khuan ngen hi. Hausapan zong, a lungsim kikheel hi ding hi, ci-in ngaihsun a satsak nawn lo hi. Cong Kham in thungen a, Pasian aw, khua hausapa mawhna na maisak in ci hi. Tua thungetna hangin hausapa in satzom sak nawn lo-in a liammate bawldam sak kik hi. Lumbang panin Khristian masa Thang Tsin zong a veh dingin hong pai lai hi. Tua thungetna hangin Bual khua pen Zogam ah khuazang bupa Tapidaw a suak masa pen khua hipah hi. Etteh taak muanhuai makai tampi tak zong piangkhia hi. 1982 Diamond Jubilee ah thugen dingin hong sap tak uh ciangin ka pai a, a mun le mual ka va ena, ka dipngeek hong zen mahmah hi. Pasian in tua bang kammalte maimang sak lo-in, tua kammalte vaang pia-in na lianpipi semkhia theizaw lai hi. Tukum zong Na gam hong piang tahen ci-in TBC-Y in thubulphuh in i neih ciangin i mimalin, i innkuan-in, i minam-in Pasian gam hong pianna ding thungente suak ciat ni. Sawltak Paul in Gitlohna pen gitlohna tawh lel loin, thuhoih thupha tawh na zo un ci-in hong vaikhak hi. Amaute in bang hih cih thei lo uh ahih manin amawhna uh na maisak in cih thungetna in gitlohna a zung panin botkhia hi. Asiate a pha tawh thuh tum dih ni. Tua in gitlohna zungkalh a Pasian gam hong piang taktak ding hi. Tedim Khuavak, 2013 April 5

1960 kum kiimin America gamah Mivom Mikaang kideidan hunlai-in Mivom makai nih khangkhia khawm hi. Malcolm X pen Muslim upna khangkhia ahih manin a khauhte a khauh mah tawh thuhkik ding thugenin nei hi. Ahi zongin Tuiphum makai Martin Luther King, Jr. in ahih leh eite muhdah in Mangkang, cikaangte hi lo-in tuate sunga om siatna (the evil inside) pen hizaw hi ci-in gen hi. Ngongtat loh ding a mite pantah aa gualzawh pih hi. Agah zong tuni ciang dong kimu toto lai-a President Barack Obama (mivom) zong khatin kihel hi. 1860 kum kiim a Abraham Lincoln zong a lawmte in hawmthawh den uh hi. Makaihna lam-ah zong picing sa loin zekai sa den uh hi. Amah in Gal beina dingin ka gal khempeuh ka gual dingin nei zo leng ci-in dawng kik hi. Kumpi a suah ciangin tua a galte mah zong amuanhuai mun lianpi mah-ah mapangsak hi. Thunem thunip tawh siatna zung lot hi. Lawmta nih om hi. Vengta ahih manun a lawmpa in akhatpa huan lamah niinbua phei pahpah hi. A lawmpan zong a gen ding kisuang sim ahih manin thu khat geel a, dum khat toin tua sungah tua niim lomte khol hi. Mai tang tuh-in hong po a, limci mahmah laisop hi. Ahun hong tun ciangin a maigah lo-in a veengpa va khol phei hi. Alawmpa kiangah, Lawm, i maigah hong khol ing ei ci-in a gen ciangin a lawmpa in lamdang sa hi. A lawmpa in a thu teng genkik a, tua ciangin a gennop thei hi. Tua ni aa kipan niin va lawnphei nawn loin hoih tak kaikhawm hi, cih thugentehna in thu tampi hong hilh hi. Tua bang gamtatna tawh Na gam hong piang tahen! ci-in kal masa i suanna ah thusia thuhoih tawh zawh tum-in, thuhoihlote zung bawhkhia ding hihang. Tua bang i sep zawhna dingin ei thahatna muang loin tha hong guan ding Topa Kha Siangtho tha i muang den zaw ding hi. Rev. Simon Pau Khan En, Ph.D Church Pastor TBC-Y Tedim Khuavak, 2013 April 6

(6) Vun hoih nading, (huai) guai loh nading ( ) ) Be nawi dawn in ( (7) Muscle khauhna ding ( ) ) Bawng nawi dawn in ( (8) Lungpil nading ( ) Monla-uh naipaak tui dawn in ( ) ) (9) Vun cancer dalna ding ( Coffee dawn in ( ) Ni khat coffee hai khat ta dawn lecin vun cancer dal hi. ) (10) Kamsung namsiat loh nading ( Tui dawn in ( ) Tui dawn lecin na tawl sung le na kam sung teng kawtsakin dangkeu sak lo hi. Dangkeu leh kamsung namsia sak hi. (11) Mit cidamna ding ( ) Lingmaw tui dawn in ( ) Lingmaw tui sunga vitamin (anhoxydent) in natna a pian loh nadingin dal hi. Ref: Good Health

Tedim Khuavak, 2013 April

43

TEEKNA HONG DAL SINGGAH TUI-TE

Sm. Niang Hen Cing Teekna cih pen pel lo a, i tuah khak ding thu ahi hi. Ahi zongin mihingte bangtan nungta cih tungtawnin i teekna zong kikhelna om hi. Khansau theihna, teek hakna thu tampi lak-ah neek le dawn teel theih ding zong thupi mahmah hi. Teek hakna dingin anuai-a singgah tui, le tui tuamtuamte dawn ciat ni. (1) Ci le sa hoihna ding ( ) ) dawn in. Grape Fruit singgah tui ( (2) Mangngilh baihna dalna ding ( ) ) Wine dawn in ( Numeite ni khatin hai khat, pasalte ni khatin hai nih dawn ding hoih bek hi. Tam na dawn leh na khuak cell-te kisia ding hi. (3) Lungtang cidamna ding ( ) Coco singgah tui dawn in ( ) (4) Naupang lungsim bat kikna dalna ding ( ) Monla-uh san tui dawn in ( ) (5) Cibawk dalna ding ( ) Niangteh eng niangphan dawn in ( ) Tedim Khuavak, 2013 April 42

KHRISTIAN-TE LE LEITUNG
Rev. Khoi Lam Thang Honorary Pastor Siampi 25:23 Leitung in keima aa ahih manin neihsuak dingin leitang kizuak lo ding hi. Bang hang hiam cihleh, note in kei tawh a omkhawm mikhual le peemtate na hi uh hi. Johan 16:33 Keimah tawh nong kipawlna uh hangun, lungnopna na neih theihna dingun hih thu a hong gen ka hi hi. Leitung gimna na thuak ding uh hi. Ahi zongin keimah in leitung nate zokhinta ka hih manin lungnuamin om un, aci hi. I Zomite paunak ka zak ngei khat-ah, Bual khuate in a khuazang bupin vakhu khat sa kham hi kici ngei hi. Ahang pen, khat pa in vakhu mana amau innkuan in ne leh kham zo lo ding cih thei ahih manin a inntungte va khol uh hi. Inn tungte in tua vakhu a muh ciangin amau bek neek ding ki-awi lo uh ahih manin amau inn tungte va khol sawnsawn uh hi. Tua bang tawh inn khat khit inn khat ban pai kawikawi-a athu a kan uh ciangin Inn nuaite itna le neekngaihna hi ci-in mukhia uh hi. Tua bang kikhualna tawh a nungta a khuasa Zomite i hihi. Khristian-te in i leitung bangci i muh hiam? I duh, i deih, i tatzia, i heekzia kilamdang mahmah hi. Leitung dan i theih leh i tatdan nuam hi. Kawlte in leitung pen nam thum pha sak uh hi napin, kua in bawl, cih om lo citciat hi. A bawl om lo ahih manin A kipatcil-in Pasian in vantung le leitung a piangsak hi Tedim Khuavak, 2013 April 7

(Piancil 1:1) cih Lai Siangtho in amau ngaihsutna kikheelsak zo hi. Sayadaw Nyan Lyinn in A kipatcil-in thu oma, tua thu Pasian tawh a omkhawm hi cih thu a theih ciangin a nuntakna kikheel hi. Tua thu in mihingte lungsim hong kheel hi. Tuni dong na hong semsem lai hi. Nidang Hebrew mite in leitangh tawh kisai-in bangci ngaihsut uh cih i Lai Siangtho sungah kimu thei hi. Pasian in Leitung pen keima aa hi-a, kuamah in neih suak dingin zuak thei lo ding hi ci hi. Jubilee kum a tunsimin mawhna kimaisakin, leitanghte aneite tung kipiakik hi. Israel-te ngeina ah Jubilee kum tun ciangin leitangh pen man ol mahmah ci hi. Jubilee khit ciangin leitangh manpha mahmah leuleu, ci hi. Tuni-a i leitangh pen eia hilo hi, cih ngaihsutna ahi hi. Greek-te ngaihsutna (Sawltak 18:17) sungah Epicurean le Stoic-te tungtawnin kimu thei hi. Amau ngaihsutna-ah, zingcianga hanmual zuan ding lelte i hih manin tuni-in ne ding, dawn ding, lungnuam takin om ding ci hi (Eat, drink, and be merry, for tomorrow we will die). Tua bek hilo, Pasian pen siangtho lua ahih manin hih leitung mihingte pen kiniin lua ahih manin, mawhna tawh a kidim mite hi uh hi, ci-in ngaihsun uh hi. Jesuh, Pasian Tapa takpi hih leitung ah hong paisukna pen amau ngaihsutna a kilumletsak thu khat ahi hi. Tuate kawmkal ah Pasian in Ama gam a phut ding le a taangzai sak dingin hong sawlte ihi hi. I lam-etet vangam pen hih leitung ah kiciamkhol theita hi, cih ei Khristian-te upna ahi hi. I thubulphuh Topa Thungetna, Vantung aa om kote Pa aw, Na gam hong piang tahen! Ei Khristian-te ading leitung bangci bang hiam? Bangci muh ihi hiam? Leitung i cih pen i khamtung ngaihsutna ah nuntakna hipah hi. Leitung pen khuaneu khat bangin tulai khantohna huhau-in khuaneuno khat hilel hi, kici hi. Leitung pen nidang sangin lianzaw, neuzaw hi zenzen tuan lo hi. Khatveivei,

kah uh hi. Full scholarship ngah uh hi. Manglai tawh sin uh hi. Ahi zong Korea pau theih kul hi. 6. Law School Law School zong hoih mahmah hi. Asinhuai sang khat mah ahi hi. Undergraduate leh Graduate School om hi. 7. Medical College/Dentistry College/Nursing College Korea gam ah sang hoih pen in kigen hi. Yonsei University a kipatkhiatna Medical College ahih mah bangin minthang mahmah hi. Severance Hospital of Yonsei University ci-in zatopi khat nei pah uh hi. Gam makai uliante ii zuatna zatopi ahih manin na khempeuh hoih kim mahmah hi. Cancer research center zong nei thak uh hi. Korea pau bulphuh in lai kisin hi. Yonsei University panin kal 2 ka om sungin ka muh pak teng hong at ka hihi. Gen ding tampi om lai-a, ahi zong hi zah tawh kong khawl bawl phot ding hi. Mai lamah hun I ngahleh Yonsei University tawh kisai thu tuamtuam kong at nuam lai hi. Tu-a bangin Yonsei tawh kisai thu kong sunkhiatna pen a simkha 1 le 2 bang peuh mah in phattuamna a ngah na ding, cih ngaihsutna tawh ahi hi.

Tedim Khuavak, 2013 April

Tedim Khuavak, 2013 April

41

i. International Cooperation (Master of Global Affairs & Policy) ii. International Trade, Finance & Management ( Master of Global Economy & Strategy) iii. International Cooperation (PhD) iv. International Trade & Finance (PhD) v. International Management (PhD) om hi. Theihding: IUC leh GSIS ah laihilhsia 80% pen gamdangmi vive hi. North America leh Britain pan hi zaw deuh uh hi. Europe leh Australia pan in zong om hi. 3. College of Social Sciences/Graduate School of Social Sciences College of Social Sciences zong a deihhuai department khat mah hi. Degree program 6 nei uh hi. Tuate zong ahoih vive mah hi. Hi programte ah international sangnaupang tampi mah om hi. Ahi zongin theih ding khat ah, Subject-te pen 40% Korea pau tawh sin ding hi ding hi. Korea pau tawh sin ding hi bek a, manglai tawh paper kibawl thei hi. i. Political Science & International Studies ii. Public Administration iii. Social Welfare 4. Business School Nasialua, cih ding hi. Korea gam ah Business tawh kisai sang ahoih pen pawl hi ding hi, ci uh hi. Korea gammi sangin Gamdangmi sangkah tam zaw hi. Bachelor pan in PhD dong om hi. Manglai, mangpau hi zaw hi. 5. College of Engineering/Graduate School of Engineering Engineering sang pen a minthang khat ahi hi. Amau gammite mahmah zong a kahnuam mahmah uh hi. Admission ngah ding baihlo dann hi. Laisiam mahmah kisamh dann hi. Ka meeltheih Iran pan in 2, Vietnam pan in 2, Sen pan 1, USA pan 1 cih bangin Tedim Khuavak, 2013 April 40

i innkuan nuntakna zong leitung hipah hi. I pawlpi zong eite adingin leitung mah hipah thei hi. Guta-te adingin Palik a muh ciangin lau-in linglawng den hi. A leitung uh toi mahmah hi. A leitung maban ah khamuanna om thei lo hi. Ahi zongin midikte-a dingin Palik cih pen ei hong hu ding, cih lungmuanna hong piate hizaw uh hi. Lung nuamtakin gamta, nungta thei uh hi. A leitung uh nuamsa hi. I Lai Siangtho sungah, Leitung zo khin ka hih manin lungnuam-in om un (Johan 16:33) Jesuh in ci hi. England gam khanlawhna-ah a makai John Wesley (17071788) in, Hih leitung pen ka Pasian nasepna hi ci hi (This world is my parish). Sakol tung tuangin Pasian nasem dingin zinkawikawi hi. Na lian tampi semzo hi. Khat lam leuleu-ah, Jim Reeves (1923-64) in, Hih leitung pen ka inn hi kei, ka kantanna pakna mun hi ci hi (This world is not my home, Im just a passing through). Tomkha sung kantanin i om laitak, eite in Topa ading bang sepsawm i hiam? Nang, na upna tawh leitung na zozo hiam? Upna in zawhna hi, ci-in la-in i sa hi. Leitung nate masuan-in na buai laitak, na neuno khat ultung sakin tua sila-in na om khak leh i Topa Jesuh in nang khatvei tha hong piakik nuam lai hi. Na guallelhna hih leitung ahih khakleh, a beisa hunte na guallelh hun ahih leh, tuni-in i Topa Jesuh in leitung zokhin ta hi.

Tedim Khuavak, 2013 April

KUM SIMDAN
Rev. Ngul Cin Thang Late 90:10-12 Kote nuntak hun kum 70 bang hi-a, cidam le ung kum 80 bang hithei hi. Ahih hangin tua hun sung nangawn gimna le haksatna hi a, tua hunte bei pakin kote ka maimang uh hi. Nang hong kizahtak nadingin na sinsona vangliatna kua in thei a, na hehna husiatna kua in thei ahi hiam? Tua ahih ciangin pilna lungsim ka ngah theih nadingun ka nuntak hun uh a tomlam ka theih nadingun hong hilh in. Luka 3:1-3 Gam tampi a uk Sisar Tiberius in a ukzawh a kum sawm le ngana, Pontias Pilat in Judea gam ukin, Herod in Galilee gam ukin, a nau Filip in Iturea gam le Trakhonitis gam ukin, Lysanias in Abilene gam uka, Annas le Kaiafas in siampi lianpen a sep laitakin sehnel gamah a om, Zekhariah tapa Johan tungah, Pasian thu hong tung hi. Tua ahih ciangin Jordan Gun kiim gam khempeuh ah Johan pai kawikawi a, kamsang Isaiah in Lai Siangtho sungah a gelh mah bangin, Na mawhna panun kisik unla tui kiphum un. Tua hileh Pasian in na mawhnate uh hong maisak ding hi ci-in thu a hilh hi. Thupatna Tuni dong lam hong pi i Pasian tungah lungdamko phapha hang. Kei ka pa suahkumin Tualzang khua kisat hi. Khuata pan khangkhia i hih manin khuasat kum tawh kum kisimtoto hi. Kei ka suah hun pen Japan galpi zawh ciang hi, ciTedim Khuavak, 2013 April 10

1. International Underwood College Sangmin pen Yonsei University a pankhia ahi, Horace Grant Underwood phawkna in International Underwood College (IUC) ci-in min apua sak uh ahi hi. IUC pen high school graduate-te kahna ahi hi. Eipau in cilehang University degree lak masak pen program ahi hi. Tann 12 a zote kisang hi. Tu tadih Myanmar gam pan tawmkhat a buaihuai na ding ah tann 11 ciang hi vet se hi. Tua hi in, sangnaupang pawlkhat University ah kum 1 khawng kah beh in tua kum khatna a zawh khit ciangun gamdang sangkah uh hi. Liberal Arts Program, MIT pan in tua bangin sangkah tampi om khin zo hi. IUC ah kum 1 mi 300 sang uh hi. Ahoihna khat ah, gamdang panin pilsin ding-a hong pai sangnaupangte masak uh hi. Gammite ahihleh IUC pan in mibangzah hi ding, cih sehsa in nei uh a tua zah bek mah la uh hi. IUC ah pen mangpau leh manglai lian bek tawh lai kihilh in lai kisin hi. Major lak theih ding 11 om hi. Tuasung ah: i. International Studies ii. Political Science and International Relations iii. Asian Studies iv. Culture and Design Management, cih bang teng hi. International sangnaupangte a dingin full scholarship om hi. Toefl/Ielts leh Tann 11, 12 grade hoih leh ngah ding lametna tampi om hi. 2. Graduate School of International Studies Graduate School of International Studies (GSIS) ahih mah bangin leitung kimaihzia, kizopzia tawh kisai pilsinna hi zaw deuh pah hi. Degree khat peuh mah neihkul hi. Grade hoih ding zong kisamh a, TOEFL leh IELTS hoih ding zong kisamh hi. Manglai & Mangpau bek tawh kisin hi. Scholarship hoih hi. Zomi khangnote a dingin ahoih khat hi dingin ka ngaihsun hi. Myanmar gamah ciahkik ding bang hilehang zong kumpisung na ngawh ah nasep lianpi a kingah thei nam pilsinna hi. Tedim Khuavak, 2013 April 39

I phawk gige ding khat in, gamdang ah sang I kah nopleh minamdangte dann in ei-le-ei a kisikzo ding pawlkhat I om sam hangin kitam nai hetlo hi. Gamdang sangkah ding I kithawi nakleh ei neihsa tawh kah ding dann hiphalo hi. Midangte neihsa tawh a kah ding ihi hi. Tua ahih manin midangte in pattahhuai hi, pattahtak hi, pantah lehang supna omlo ding hi hong cih zah khop dingin kithawi kul leuleu hi. Tua bang ahi dingin manglai TOEFL ahihkeileh IELTS score hoih neih ding kisamh hi. Hih TOEFL & IELTS mualpi pen kantanloh phamawh hi. Korea gamah biakna lam tawh kisai in Conference kah ding, Lai siangtho sangkah ding leh sum thalawh dingin Zomite kipai zaw deuh hi. Ahi zongin University education tawh kisai in a kah taktak kitam nailo hi (education min vawhna tuamtuamte zangh nuamlo kahih manin University pilsinna sang cih a kizang hi). Tua ahih manin Korea gamah a om University sang lianpipite ah pilsin ding pen lim ngaihsut ding thupi ka sa hi. Banghang hiam cihleh: 1. Sangkah ding tawh kisai-in Korea kumpi in tu laitak kongkhak hong ka sa hi. 2. A khangtogamte (developing countries) hong deihsak veve uh hi. 3. International sangnaupangte a dingin Scholarship atawm atam om hamtang hi. 4. Manglai tawh pilsinna department tampi mah om ta hi. 5. Manglai tawh lai I sinkawm in Korea pau le lai kithei ding hi. (Hamphatna ah pau nam 2 theih khat in a kithei ding ahi hi.) Yonsei University ah Zomi khangnote ading Program Pawlkhat Yonsei University ah a tungah i gensa mah bangin program tampi om a, ahi zongin Zomi khangnote a dingin a lem zaw deuh ding, ci-a ka ngaihsut pawlkhat hong gelh ka hihi. Tedim Khuavak, 2013 April 38

in ka nu ka pate in hong gen uh hi. I pu i pate in lokhawhna mun tawh zong kumsim thei uh hi. Leitung kumpite a kilaih ciangin kum khat a thakin kipan zelzel hi. Nidang lai-in Calendar tampitak na om ngei hi. Greekte in ni le kha, khuahun tawh ni na sim uh hi. January 1 nipen December 25 pan simtoto lehang Judah ngeina bangin vun-at pawi a hihi. Leitungbup kumsimna bek hilo-in i Topa kum a sim toto i hihi. Russia le France-te in March 1 ni kum thak hun ci uh hi. Europe gamah Byzantium uk sungah September kha sungin kum thak ci uh hi. Lai Siangtho sungah kum (25) a cin simin pawi bawlna tawh a beisa kum sung teng khempeuh nulmai hi, ci hi. Leiba, logam, kileitawi, amau aa ahi lo khempeuh piakkikna, cihte kivaihawm hi. Eite in tua pen Jubilee ci-in i tel a, ahi zongin vok le bawng gawh zawh ding ciang bek i ngaihsun zo hi. Constantine Emperor in AD 313 kumin Christian suahtakna (2013 kum ciang 17th Anniversary). 1962-65 sungin 1966 kum ciangin Pope Paul VI in Vatican Council ah leitung buppi mawhmaisakna a kam panin pusuak hi. Tua tawh zong kum kisim hi. AD 274 kumin December 25 ni-in Christmas ni dingin na ciangtan uh hi. Tua ma-in December 6 pan January 6 kikalin bawl uh hi. Tudong mah Orthodox Pawlpite in January 6 ni Christmas in ciamteh uh hi. Tanglai mi siangthote zong amu ni ding na kiciamteh uha, kum khat bupin mi siangtho ni a kivawh lo ni om nawn lo hi, kici hi. French le Germany-te pen minampi hi uh ahih manin Calendar thoh tek uh hi. Pope Gregory VIII in Julius Caesar bawlsa Calendar pan ni (10) phiat uha, 1582 February 24 nipan kipanin zang uh hi. Tua Calendar pen tu zawh kum 20,000 khit ciangin ni khat kipelh ding hi, kici hi. Calendar athak bawlkik kul ding hihtuak hi. Maya minamte in zong December 21 ni-in

Tedim Khuavak, 2013 April

11

leitung bei ding, ci uh hi. Leitung abei hilo-in amau Calendar athak bawlphat a kul ahi hi. Late 90:10-12 Late bu nga kikhen lakah bu (1-41, 42-72, 73-89, 90-106,107150) ci-in bu nga-in kikhen a, a bu tom pen zong hipah hi. Moses thungetna kibulphuh hi. Laphuak siamte in mi minthang khatpeuh vawhin om uh hi. Tua hunlai-in Kumpite ading zong la kiphuak tampi om hi. Manglai-in simkik lehang score cih na kizang hi. Nidang pek pana kipan nambat simna-ah 20 ciangin score khat kici hi. Mihing khan kum pen score (3) le 10 bang hi-a, a khantote score (4) ci hi. Ahi zongin tua hun sungah nuamsi ee, cih ding om lo hi. Tua bang gen thei haksatna i thuak khakna, Pasian deih na thei lo, zui zo lo-in i omkha hiam? Pasian deihna tawh kituak lungtang ka neih theih nadingin pilna hong pia in. Lungsim pilna ka neihpah na dingun, ci-in a kiteikhiatna mundangte ah i mu thei hi. Pilna cih pen Pasian tawh kikopa, Pilna pen Pasian aa a hihi. Tuiphumpa Johan khan kum le a thugente ciapteh huai le ngaihsut phat huai ahih manin kum na kisim hi. Kumpi Sisar Tiberius in gam a uk laitak, Siampi lian Annas le Kaiafas in a sep laitakin Johan in, Mawhna pan kisikin, kituiphum ding; tua hileh Pasian in i mawhnate hong maisak ding ci-in taangko hi. Tun ei zong kum thak ni manphate ah a kalsuan toto-ta i hihi. A beisa kum sung i kumsim dan ding ngaihsun phakik ni. Thupha tawh kum a sim om ding hanga, dahna tawh a sim om ding hihang. Late laphuak pa bangin ka damlai nite hong simsiam sak in, ci-in i thungetna ah ki-ap ding hihang. Pawlpi mi khat i hih buangin a beisa nite bangci sim ding? Jesuh kum simdan tawh i tehkak theih nading anuai-a Lai Siangtho i lungngai pha ding hi.

a omlo zah dong dingin van kimsitset hi. Computer tam mahmah a, computer tawh zat khop ding van tuamtuam zong kicing sak uh hi. Kumtawmno lai khangno thahat lai in sang a kahte hampha ka sa mahmah hi. Zomite leh Pilna sang sinna Zomite in pilna a thupina I theih sawt simta ahih hangin pilna kideih zo nai taktak lo hi, ci lehang kikhiallo ding hi. Sangkahna khat peuh nei lehang zong, a tamzaw pen ahun a cin ciangin sangzo dingin sangzawhna letmat (certificate) nei ding cih ciang hi zaw deuh hi. Tua zong khial hi, kici thei tuan samlo hi. Nasep khat peuh deih lehang certificate cih khawng mah hong kisam zel ahih man zong ahi hi. Ahi zongin, pilna a deih tentan zong tampi mah ki om veve hi. Pilna thupi ngaihsut in I deihbawl ding khangthakte hanthot na kawm in Yonsei tawh kisai a theihhuai thu pawlkhat kong gen nuam hi. Pilna pen man tam piakkul ta hi. Mundang tam ka theihloh hangin Myanmar Institute of Theology, Insein na ngawn pen biakna sang hi na pi-in kumkhat in sangkahna a bei pen atawm pen in cilehang then1 (1,000,000 kyats) bang tung veve hi. Kum 3 kahte pen then 3 bang bei pah ding a, kum 4 kahte pen then 4 bang bei pah ding hi. Tua mah bangin gamdang ah zong pilna I zon nopleh tampi mah man hi. Tua ahih manin Zomi khangnote in I ngaihsut ding thu hong omto hi. Pilna I deihleh, man piakkul ta hi. Hi theileh man piak ding veve, pawlkhat hanciam in gamhau gam minthangte ah pilna sin lehang hoih ding hi. Tu laitak lian bangbel, Myanmar pen gam tuamtuam in hong hel laitak ahi hi. Tua mah bawhthei in hamphat lak lehang I lametloh thu tampi hong piang ding hidihzen hi. Kei phawkkhak ciangciang ah gam lianpipi in zong amau gamah pilna sin dingin Myanmar panin khangno tampi mah deih uh hi. Hi thu mah tawh kizom in Korea gam laitansang pilsina thu a gennuam I hi hi.

Tedim Khuavak, 2013 April

12

Tedim Khuavak, 2013 April

37

(certificate) nei ding, cih ciang hi phalo in theih sawm tentan uh hi. Hanciam uh hi. Kan uh hi. Zong uh hi. Tua mah zong Zomite in I etteh dingin hoih ka sa hi. Yonsei University (Motto: The truth will set you free Thuman in hong suakta sak ding hi. Jn 8:32 ) 1885 kumin sang kiphuan hi. Korea gamah Khristian sangmang nasem dingin hong paite phuatkhiat ahi hi. Korea gam sungah pilsinna laitannsang sin na dingin a neih masakte lak uh ah zong khat in a kihel ahi hi. Tu laitak lian in, Yonsei University sungah Under Graduate College 22 nei uh a, Graduate Schoool 18 nei uh hi. Under Graduate program ah sangnaupang 28,000 val pha a, Graduate program ah sangnaupang 12,000 bang pha hi. International sangnaupang pen 4000 bang pha hi. Korea gamah international sangnaupang a tampenna mun pen Yonsei University ahi hi. Tualo program tuamtuam ah pilsin a nei tampi mah om lai hi. Sangnaupang 40,000 kim hi dingin kiseh thei hi. CNN in leitung ah sangmun ahoih mahmah atelna sung uh ah Yonsei song kihel hi. Yonsei sang a kingakh-na pen hoih mahmah citciat hi. Mualdung khat leh, mualkuamsung tengah kinga hi. Tua in etlawm sak hi. Singkung lopate zong hoih hi. Sang masapawl ahih mah bangin tanginn (kum zalom 19 lai-a innte ) leh khangthak innte nei khawm hi. Lamdang kasak ka phawkthak khat in, sanginnte leitungah a kidawk bek hiloin leinuai ah zong (basement) laisin na ding, seminar room leh hall tuamtuam zong neikim tek hi. Leinuai zatsiam ding ahanciam mahmah dann in mu ingh. Campus mun 2 nei uh-a, zat cing sak mahmah uh hi. Hawmthawh ding omlo hi. Tu laitak leitung ah information technology lamah a hat pente ahih mah bangun vanzatte pen sang thei mahmah hi. Laisinna khan sungah zong vanzat a kimsitset in om kim hi. Tualo library pai lehang, tua hi zawleh cih ding Tedim Khuavak, 2013 April 36

Luka 4:18-19 Gimna a thuak mite tungah lungdamna thu a hilh dingin Topa in kei hong sehkhin ahih manin keima sungah Topa kha hong om hi. Salin a kimante tungah suahtakna thu a gen ding, mittawte in khua a muhkik theih nading, a kinengniamte a suaktasak ding le Topa in a mite a hotkhiat ding kum a pulak dingin kei hong sawl hi Topa lungdamna thupha kum, eima kam tawh i gen hiam, i thatang tawh i sem hiam? Kam tawh a gente i huh hiam? Thatang tawh a semte i panpih hiam? Kei muhna ah i Topa kum 2013 kumin anuai-a bangin kumte sim thei leng, ci-in Pawlpi mite kong zawn nuam hi. 1. Biakinn thak hon pawi tawh kum sim ni. 2. Mission field nasepna le i Pastor-te ading bang ciang ngaihsut sakzo ding hi hiam? Cih tawh kum sim ni. 3. I phungpi MBC, TBC, ZCLS cihte tawh koici ciang mapang khawmzo ding, cih tawh kum sim ni. Mimalin bangtan ciang i kihelzo diam? Kum sim siamte ahi zo dingin Topan hong hehpih tahen!

Tedim Khuavak, 2013 April

13

MESSIAH KUMPI UKNA LE ZOGAM

Assistant Pastor Zen Dot Mang 1 Korin 4:20 Bang hang hiam cihleh, Pasian ukna thu i cih pen kampi bek tawh genna hi lo a, Pasian vang tawh nungta-in gamtatna ahi hi. Laikawi pai khat zong a thei lo, puansilh niikteen dan a siam lo minamte, mualkawm, guamkawm aa bu minamte ihi ngei hi. Ahi zongin a nungta Topa Pasian i thei-a, nam dangte i demzo kei phial zongin a banzo dingin Topan thupha hong pia hi. Ama min i phat hi. Zomite teenna mun ah Messiah in ukna aana hong nei henla, Messiah Ukna tawh a kidiim Zogam cih thulu tawh a kikum nuam i hihi. Tuni aa kipan Pasian ukna dim Zogam hong piang tahen, cih keima thungetna ahi hi. I Pawlpi in tukum 2013 kum adingin Vantung ki-ukna, Pasian ukna hih munah hong piang tahen cih thubulphuh-in i teel hi. Pasian gam tawh kisai-in Thuciam Thak Lai Siangtho sungah 68 vei bang akizang lakah 32 vei bang Lungdamna Matthai bu sungah kimu-a Vantung ki-ukna ci-in na zang hi. Pasian min lawh ding Judah kammal sungah zeksak uh ahih manin Vantung Gam ci-in a zang hizaw uh hi. Judah mite sim ding laibu kibawl ahihna hang ahi hi. Pasian Ukna Thu ngaihsutna nam nih oma, Jesuh mahmah in Pasian ukna pen tu mahmah-in hong tung khin hi ci hi. Hih lei nuntakna tawh a kiluah thei lo kha nuntakna tawh a kiluah thei bek hi, cih ngaihsutna zong om hi. Tedim Khuavak, 2013 April 14

YANGON PAN TAWMVEI YONSEI AH

Go Van Mung Yonsei University Yangon vanlengtual panin Korea gam Seoul khuapi ah a om ahi Yonsei University ah sangkah dingin March 07, 2013 niin ka lengkhia hi. March 08, zingsang 6:55 (Korea hun) in Incheon vanlengtual ah ka tu uh hi. Abeisa kum 7 kizomin leitung ah vanlengtual hoih pen in a kiciamteh khat ahi hi. Tua ahih zah khat in thupi hi, cih ding hipah hi. Vanlengtual tat dann khat nopna khat nei hi. Immigration ah thuneite zong khangno thei uh hi. Mihopih uh zong siam uh a, Korea pau atheilo, Mangpau atheilo khuazinte a dingin zong lunghimawh a om lo dingin vaihawm uh hi. Vanlengtual pan in khuasung zuatna meileng zong nuam hi. March 08, ni tawlnga cih bang om theilo in sang lam mah ka zuan pah uh hi. Sang ah sep ding teng kasep khit uh ciangin, ka om na ding mun hostel (sangnaupangte omna) ah ka tawlnga hi. Khualzin tungphet ka hih hang leh pauleham tel meelloh tawh tuni sun ka sep teng uh bang teng taktak hiam, cih ka ngaihsun phakik hi. Nitaak ciangin Yangon phone tawh hopih in cidam in Seoul ka tun na thu leh sun-a ka septeng uh ka gen thei hi. Sani (Saturday) leh Nipi(Sunday) in hong hal ahih manin sanghuang sung na ngawn ka khuadak man nai kei hi. Nipikhuavak (Monday), 11th March 2013 ni -a kipan sangkah ka kipan-a, sanghuang sung zong ka khuadak man zota hi. Tua bangin ka khuadakna pan ka muhkhak a thupi mahmah khat in bang ahiam cihleh: Korea khangnote in pilna deih mahmah uh hi, cih ahi hi. Sangman photphot dingin sangzawhna letmat Tedim Khuavak, 2013 April 35

Kumpi sang & Primary tan 6 dong kumpin sik. Private sangkah ding leh tuition lak haksa sa uh. University kah leh kumpi in sum leitawi pia Khuahun siatna hang mei, tui kisia leh kumpi in sum-in piakik

Hamphatna - Huh ngenin a pai kimlai, khawmpi, Zomi Nam Ni, Combine Service-te ah Guest of Honor dinmun pan hunzatna nei thei - Eimi Pawlpi omna teng le inn tampi ah hun zang thei - Hun awng kalin mun thupi pawl khat va pai thei - Mipihte itna tampi sang kha Thu khupna Lam-et ngam loh zah dongin Biakinn huhna sum thupha i saan manin i Biak Pasian tung leh thu le la hong vanpih khempeuh, thugenna, piakkhiatna tawh mapang khempeuh tungah Pawlpin lungdamna i ko hi.

Tua munah a kumpi ding pen Messiah hi-in Sathau kinilh pa (Isa. 9:6). Hih Messiah kumpi uk hun hong tun ding pen Judah mite ngaklah den ahi hi. Tua kumpi hong maan ciangin Mizawngte tungah lungdamna thu, lungsim kitamzante damsakin, a kihen mite suahtakna ngah ding (Luka 4:16-18) cih thuphate tawh kinungzuih hi. Koi munah: Luka 17:20ff Pasian ukna gam pen a mun ding hih mun, tua mun ah om cih bangin kiciantakin kikawk theilo hi. Jesuh in Farisee-te tungah Note lakah hong tung khinta hi ci hi. Farisee-te lungtang sungah a om khinta hi, acih nopna hipah sam lo-in tu-a a kampau Jesuh mahmah zong tua ukna hi, cih akigen nuam hizaw hi. A mipi: Judah minamte in amau bek hih ukna sungah a om dingin kingaihsun kha uh hi. Tua sungah Gentail-te, peemtate, minam tuamtuamte kihel uh hi. A ki-ultung sak ding nate: Piansak na khempeuh in suahtakna ngah ding uh hi. Eden huan sunga a kimansuah hamphatna khempeuh ngah kik ding uh hi, ci hi. Numei pasal kideidanna, tualsung le khualmi kikhen tuamna cihte om lo ding hi. Keivom le tuuno in anne khawm ding hi. Thumanna paak bangin palhkhia ding a, guntui bangin luang den ding hi. Gam mite in nuamsa den ding uh hi, ci hi. A kitangsam: Tuiphumpa Johan in (1) Mawh kisik lungtang (Matthai 3:2): Vantung ki-ukna lut theihna dingin a kitangsam penin kisikkikna lungtang a kisam ahi hi. Kiniamkhiatna lungtang Suang lungtang lakkhiat sakin mihing lungtang kibulh ding hi (Ezekiel 11:19). Messiah ukna pen lungtang sungah tua gam kiphut masa hi. Pasian aw na saan theih lungtang pen a kitamzan lungtang hi. Tua lungtangte na nawlkhin kei ding hi (Late 51:19) ci hi. Tua lungtang a kheel thei pen Kha Siangtho nasepna bek hi. Mihing lungtang a khel thei Pasian kha bek hi John 6:63. Kisikna in Kha Siangtho nasep hi-a, mihingte geel tawm theih Tedim Khuavak, 2013 April 15

Tedim Khuavak, 2013 April

34

hi lo hi. Tunglam panin nasepna hong hita mawk hi. Pasian phawk theihna lungtang ka guang ding, Topan ci hi. Vantung ki-ukna pen mimal khat tawh kipanin ankam tang, tang khat panin a tam semsem bangin, i kiim le paam ah kizeel toto-a, teh theih tawp lohin hong khangtoto ding hi. Thukhun hoih nono hong om kha mah dinga, tuate tungah a thunei pen Vanglian Pasian ahih manin Messiah vangliatna bek in nasemzo bek ding hi. Leitung kumpi ki-ukna gamte enkik lehang, Persia ukna, Greek ukna, Germany gam Hitler kumpi cihte ngaihsun in. Kumpi gam kip lo hi. Greekmi Alexander the Great pen a suah laitakin na lamdang tuamtuam piang kici-a, Greek pasian ii sawltak dingin kingaihsun hi. Khangno mahmah hunlai-in si hi. Democracy gam deihluatna hangin lungphona tampi om hi. Suahtakna a ki-ultung sak ciangin mite in thau tawiin, a ut-ut un gamta uh hi. American kumpi a sawmthum le kuana Jimmy Carter in Pasian kihel lo ki-ukna pen vai haksa mahmah ding hi ci-in Billy Graham Crusade khat ah genkhia ngei hi. Zogam zong Lungdamna thu hong tunzawh kum (100) a cingkhinsate ihi hi. Zomite nuntakna enkik pak lehang, khantoh lam a manawh ihih manin i gam le i lei keumahmah ta hi. Singkung te kiphuk bek hilo-in a bul sum, a zung nangawn kila hi. I singkung i lopate in suahtakna lunggulh mahmah uhhi. Messiah kumpi ukna sungah nisim khamkhop ding an neiciat uh hi. Jesuh thu gen thei tek hinapi hang in Messiah meel kilang lo mawk hi. Bang in tuamcip hi ding hiam? Duhhopna le angsung ngaihsutna, ci le sa lunggulhnate in i gam hong tuamcip hi. I gam i lei i taisan khak ding, sum bawl van lei dingin mun dang kimanawh ta hi. Midang gamte tawh tehkak lehang ei thupha sang lo deuh tawh i kibang hi. Pentecost Kha Siangtho in eite hong to hi. Kisikkik-in Topa mai i zon ding kisampha mahmah hi hang. A thupi le a bulpite kimang ngilh, kinelhsiah kha-in a nengneng peuh tawh i buaikha lua hiam? Tedim Khuavak, 2013 April 16

na kipawlin Wollongong Burmese Christian Fellowship na nei hi. Perth: Sanggam Sihzangte phualpi leh Hakate zong a tamna mun na hi. Kings Park le tembaw khawlna munte thupi mahmah hi. Melbourne: Sydney tawh a thupitna kibang ci uh hi. Eimi (Tedim Baptist Church - Yangon ) Pawlpi 10 bang na om hi. Sanggam Haka lam zong na pawlcing mahmah hi. ZCF in innteek dinmun la-in vai hong hawmpih hi. Sky Deck (dawl 88), Sky High, ganhing khawina, ngasa khawina, kangaroo hon omna munte mi lunglut mahmah hi. Eimite omzia - Refugee tawh atung kitam pen - Kumpi in sangkahsa - Nasep haksa, Certificate kisam. A simthamin lokuan-in sum thalawh thei hi. - Minam it. Huhna pia nuam. Amau ading cil mahmah (eg. Phone bang sum bei dingin zang lo) - Inn nei tawm, inn saap man tam - Mawtaw kisapna hangin a nei tamzaw tham - Khangno, naupangten Mangpau/lai zang theipah uh hi. - A Pawlpi ciat ah hanciam, phatna le biakna thupisak uh. - Ka innnuai-ah akkhuang, kelham phawk mahmah ing, ci-in a lungleng a om hang nuam asa tamzaw veve tham. Kumpi Hoihna - Gam mite kin mahmah hi. Gilkial om lo dingin koih. Mite suakta sak mahmah hi. - Nausuakte $ 5000 tawh huh, a moi pen pan a ham pen dong nasep nei lo khempeuh huhna sum pia - Kum 65 ciang pension pia Tedim Khuavak, 2013 April 33

AUSTRALIA KHUALZINNA Rev. Cin Sian Pau Pasian hehpihna tawh Biakinn lam nang huh ngen dingin Pawlpi tangin January 25, 2013 ni-in Australia ka tunga 15 March 2013 ni-in Yangon ka tungkik hi. Khualzinna tungtawnin theihhuai pawlkhat a kong hawm sawn hi. Tunkhakna khuapite Brisbane: Queensland State ii khuapi hi-in Zomi Christian Fellowship Australia min tawh a masa pen Khawmpi a kibawlna mun hipah hi. Zomi Christian Church le Emmanuel Church ciin eimi Pawlpi nih na om hi. Kumpi lam pan leh mihauten a haksa deuh-ten a mawkna-in a lak theih ding anneek tuidawn, mehteh mehgah, sa namkim koihsak hi. Coffs Harbour : Maymyo (Pyin Oo Lwin) danin mihaute tawlngakna khuapi nuam mahmah khat hi. Vasa mual cih munah singkung om lo-in leilak khaugui zam kawm-ah vasa namkim in butom, tui, suak, gamdang mite a lunglutna mun ahi hi. Eimi Pawlpi in na om zolo-in, inn kikhopin biakpiakna na zang uh hi. Sydney: Aussie khuapi Canberra ahih hang, a khuapi lian penin kiciamteh hi. Eimi na citawm mahmah a, Hill Song Phualpi leh mun minthang tampi omna ahih man thupi mahmah hi. Wollongong: Syndney pan mawtaw tawh nai 3-4 bang kipai hi. Khuapi neu khat ahih hang tembaw khawlna mun thupi mahmah khat a hihi. Beach hoih mahmah. Eimi a om teng (Haka, Falam..) Tedim Khuavak, 2013 April 32

Martin Luther King Jr. in mipite mai-ah; Thumanna paak bangin hong palh tak ciangin, sanggam cikangte le sanggam civomte tuuno le keivom bangin tukhawm ding hi ci hi. Tua a sunmang tu-in Barack Obama tawh kimu thei ta hi. Ka sunmang ah Kawlgam sung i sungtanna hong suak dinga, gam khantohna ding thu vaihawmna sabuai kiimah Zosuan tate in mun la ding uh hi. Laibu le na a kisep ciangin suakta takin na kisem theita ding hi. Kumpite in zat loh theih loh, kuppih loh theih loh a phamawh mite i suakta ding hi. Numei le pasal kideidan lo-in gam le go luah khuan a kikim-in nei ding uh hi. Messiah ukpipa in na lungtang sungah mun hong la dinga, na kiim na paam, i gampi thu vaihawmna sabuai kiim ah mun lain nang na tu ta ding hi. Zomi khempeuh tuntunna Messiah kumpi ukna gam suak henla, Zomi khempeuh Topan thupha hong pia tahen! TOPA HONG ZEEKSAK KUMSIM THUPHATE
Church Secretary pulaakna pan
(2007 to 2013) BUDGET, INCOME AND PAYMENT

Ministers Sunday Ni-a Hanthotna GUALZAWHNA KHUTTE DOMSAK NI (Paikhiatna 17:8-13) Rev. Dr. Jamang Ngul Khan Pau Israel minamte adingin go lian aneih pen uh biakpiakna hi. Amau minam nuntakna khempeuh Pasian tawh vaihawm khawm uh hi. Pasian tungah kinga minam (theocratic) suak uh hi. Ministers Sunday cih tawh kizui-in tawmkha i kihawmsawn nuam hi. Minam dangte in Ministers Sunday bangci bawl? A khatna-ah, nitumna gam khawngah Ministers Appreciation Sunday a kicih ciangin biakpiakna-ah siate khempeuh local Church panin pawlpi mite in mimal-in ahi zong, ahih keileh innkuan nih leh thum kipawlkhawmin siate innkuan bup mawtaw tawh dawnin amau utna penpen ah an nesak uh hi. Tua bangin siate innkuan bup, a siapa bek hilo, a innkuanpihte zong sam uh hi. Sia i cih ciangin pulpit tung ding teng bek sia i sak zenzen leh, ko bang ka zite khawng om keileh a cimawh mahmah ding vive. Amau thu hong ngetsak, pawlpi nawngkai ciangin i zite lungkham baihzaw hi. Khat veivei bang kigen ngam lo phial hi. Siate innkuanpihte zong na ngaihsutsak un. Anihna ah William Carey Sunday, India leitaw lam khuapi khat ah thugen dingin Telugu Pawlpiten hong sam uh hi. Tua khua pen lum mahmah ahih ciang ci-in puan bantawng nih tawh ka paisuk hi. Khatvei thu gen ding hi lel ing, ci-in khutkhai neu mahmah khat ka tawi hi. Amau William Carey khekhap zuihna ci-in Pasian nasemte pahtawina khat na vaihawm uh hi. Mawtaw tawh hong paipih-a sai khat ah hong paipih-in Siapa, na deih khat teel phot o hong ci hi. Kein zong ka teel paha, puansilh, puan-ak khawng teel baih mahmahin ahih hangin coat pen teel hak mahmah citciat hi. I zite khawng mah om henla, hong teelsak leh i kituak thei pan hi. Khedap (shoes) khat teel in, hong ci leuleu hi. Tua zawh ciang Tedim Khuavak, 2013 April 18

manin hau semsem hi. Na sep zong tam semsem a, mun tampi panin sum lut ziahziah ta hi. Tua hunciangin na deihdeih lei-in na sumpen a sila suakta, ci hi. Sum sila na suahleh na hau ngeikei ding a, sumin nang pen hong sawlsuk hong sawlto ding hi. Sesum sila suakliang ta maw. Tua bangin na sumte a no suakin a note in nonei in tua a note in no neithuah lai leh sum lutna income cih bek na neita ding hi. Tua hun ciangin na ut bangbang na semthei ta ding hi. Pasian nasepna ah zong hunbit in kha sum sanglo in na kipia zota ding hi. Midangte khantohna ding zong na lunggulhna zahzah, na veina zahzah tawh na semthei ta ding ci hi. Tuhun pen kipawl khop hun hita a, khatbek hanciamna tawh hauh ding ol nawnlo kici hi. Tua hi a, a kipawlsa kaihkhop tawmtawm a kul nawnlo Pawlpi pen Pasian thu bek hilo in leitung sumlepaai zonna lamah zong mapang khawm lehang Company lianpipi te mah bangin na lianpipi i semzo ding hi. Tua bang ih cih ciangin Oneplus in a ngimtawpna pen mimal kimin mission semding, a sumlepaai semsak ding, sum zonna tawh a hun beinawn lo-in hunbitin khasum lalo in mission a semzong tampi ki om toto ding cih ngimna hi. Tua kungdong i tunzawhna ding in kum sawmta, kum sawmta-in khen in ngimna koihin semtoto lehang hun hong cing paklel ding hi. Abeisa kum sawm pen I mang bang ei, tom mahmah in hong beiziau ei, ci-in tom i sak mah bangin mai lam kum sawmzong sauzaw tuanlo ding a, hong tomzaw theilai ding hi. A kibanglo ih siamnate a ma munmun ah gawmkhawmin Engineerte, Doctorte, innlam siamte, lai siamte, van zuaksiamte, makaih siamte, ganno a khawitheite, cih bangin Department tampi nei in TBC-Y bank, TBC-Y factory, TBC-Y industry cih bangin na sem theitek hile hang, Pawlpi khangto in mimal khangto ding a, Pasian min a thang semsem ding hi.

Tedim Khuavak, 2013 April

31

hi. Tua mihaupa in zong Khangno khat hih zahtak a, a hau nuam, hilhtaak mah ei, ci-in a thusim nahilh pah hi. Hauhna pen lungsim tawngpan kipan hi. Na lungsimah hauhnopna lungsim na neihtheih naikei leh zawnding mah hiphot lel hi. Hoihtak in kingaihsun tek lehang mi a tamzaw pen kihaunuam taktak lo hi. Hauhzawhna ding lungsim khauh kineilo mawk hi. Tuni hau nuam mahmah pak napi-in den ciangin sungpai a, a lua bang phialin lungsim tha nemsuk pak zel hi. Tuzawh kum khat, tu zawh kum 10 ciangin sum bangzah neita ning, inn bang zah man khat, neita ning ci-in a gelgel, lai tawh a gelhgelh kitawm mahmah ding hi. Ngimna gina kineilo hi. Hauna ding lampi kitawn kha vetlo hi. Yangon ah mihaute in bang semin bangci hau cih zong kikan nuam khollo lel hi. Tut munpanin tapkual han in, Mite, hau mawk mah ei, cici pong lel in bang mahmah kigello hi. Gel ing a ci sunsun ten zong gel mah ing a cih theihna ding ciangbek mah in gel hi. Ngimna kinei lo hi. Laibu sung a, tangval pa-in mihaupa hilh bangin kha sum a ngah ciangin sawmah khat khol pah hi. Kumkhat sung khol hi. Hau nuam in ngimna nei a hih manin kholzo hi. Kholding phawk hi. Amah leh a mah kikhemlo in thuman takin khol hi. A kholsa sumte sawkkiklo in zangkikzel lo hi. Tua bangin kumkhat a cih ciangin Lokho mi, a lawmpa khatin gamdang ah suangmanpha valei ning ci a hih manin suang manpha leina dingin tua a sumkholteng khak hi. Lokho pa pen suang bawlpa hilo a, suang mahpha tawh kisai bangmah theilo a hih manin mite in na khem a, a sumteng beisiang hi. Kumkhat sung a kholsa teng a mawkna suak hi. Tangval pa zong lungkia lo-in a nihveina kholkik a, kumkhat sungmah kholkik ci hi. Kumkhat a cin kik ciangin tua hun in Babylon ah sik omlo a, khuadang panin leikul a hih manin tua siklei in khol a, Babylon ah sik a kisap hun ciangin a ma khutsung hita a, a deihzahzah sa in zuak hi. Sumkhol zawngsang in khawnglo in kholtoto a, summet bawlzong siam semsem ahih Tedim Khuavak, 2013 April 30

ngawng-awh, mawza nangawn hong teelsak hi. Kei puan-ak a bantawng nih tawh a paipa pen van khop mahmahin ciah-kik hing. A thumna ah, Korea gamah bang dingin pawlpi hibang lawmlawm-in khang hiam? Kha khanlawhna hang hipen hi. Tua ban-ah a kihel gige khat pen pawlpi miten mawtaw thak ompeuh leh, a gen masak penpen uh, Ken lei ning ci ngeilo uh hi. I siapa adingin lei masa ni, ci hamtang uh hi. Zomite adingin zong Pasian teel minam i hih leh i siampite i minam go hi uhhi. Minam dangte in hong deih gawh mahmah sia tampi i nei hi. Siate na huh nopleh.... I Siate i huh theih nading thute i kikum nuam hi. Siapa na huh nopleh Pasian tawh kizopna nei masa in: Pasian tawh kizopna neilo mi pen kep hak mahmah hi. Gentehna-in zukham khawngin tuahsia-in sihna vaihna a tuak khat peuh, siate lam pan gen ding thuhoih, thu kilawm tawm mahmah aive. Lawpna khempeuh beihiau hi. Thawhkikna thu i gen ciang zong kidawm mahmah hihang. Pasian kiangah i cihsam hangin Pasian kiang hikhol lo mai thei hi. Tua ahih ciangin Sianu/siapa na huhnop leh, Pasian tawh kizopna nei mimal, mipum, innkuante hi un. Na thugen hoihsa mahmah ing, na ci zel un: Siste thuhilhna khat pen ngai-in tua zawh phetin, inn lam i ciah vingveng theimawk uh hi. Siate tha na piak nop uh leh, nong thugen thangah mahmah ing, ci le uh teh ahih keileh, Siapa aw, sianu aw, tuni na thu gen nuntakpih ingh, na cih uhleh, vitamin bungpi khat i leisak sang tha ngahzaw uh hi. A innkuanpihte kiangah, a diakdiakin zi/ pasal nei ahih leh Tukal sunga, i siapa/sianu thugen pen ko innsung, ko ading mahmah a ci hi ung, ci-in a innkuanpih khat peuhpeuh tungah na gen leh, siate innkuan lungdam khawm uh hi. Khat veivei i tate khawngin, Pa, tuni na thugen, kein zong zaknopsa lo hong cih ciangin upapa gen sang na kisa zaw hi. Tua ahih manin innkuan tungtawnin kihuh thei leng hoih hi. Siamna a neih lohte uh theih siam ni: Siate in kha letsong siamna khempeuh nei kimlo hi. A neih lohte uah zong lam-en Tedim Khuavak, 2013 April 19

kei ni. Tua pen zong gensiatna-in zang kei ni. Siapa/sianu in ngiimna khat vision hong gen ciangin, tha pia ni. Tua pen matpih phot ni in, thunget pih ni. Siapa/nu in tawlngak hun (Sabbath) ding a neih ni pen zahtaksak ni. Nipini kimanlah ciat a, Nipi Khuavak ni zong vai khempeuh sem ding, siate a kilamet ciangin gim mahmah ahih manin a Sabbath ni pen zahtak sakin amah tawlnga sak in. Kum nih sung ka nupa-un America gamah Sabattical hun va zang hi ung. Tua mun-ah Development Association International (DAI) in hunbit-in hong sem vet in, ci-in hong zol hi. Ahih hang kein, Hunbit a sep vet ding bel lem mahmah. Ahih hang kum 24 tawntung Pasian na ka sepna-ah, tawlnga lo a sem ka hih manin a tawlnga ding ngiat a hong pai hing ka ci hi. Siate tawlngak hun ding kum khat peuhmah vaihawmsak thei leng hoih hi. Lawi zat, bawng zatin zang loin kum guk zawh kum sagihna pen ama ut khat sem sakin, a khasum piak kawmin atawlnga sak thei hileng siaten thathak hong ngah ding uh hi. Na kimuhna peuhah pawlpi vai kuppih kei in. A diakdiak a pawlpi vai a nawngkai khawng, anne ding kimlai hong kigen ciang i ankam zong lim nawn lo hi. Tua ahih manin kimuhna khempeuh ah gen ding a kilawmte bek gen ding hi. Siate innkuan ading thungetsak in. Amaute thapia in. Sia aw bang na ci hiam? ci-in dongzel in. Gualzawhna khutte dompih ni Lai Siangtho sung kikumkik lehang, gualzawhna dingin makaipi Moses in Joshua kiangah, Gal do un. Kein zong hong dopih ning ci hi. Pawlpi buppi pen galdo khawm hi hang. Do ding gal khat bek nei hanga, tua pen Satan hi. Khat veivei pawlpi sung khawngah gal tampi a neidan-in i ki-ummawh kha hi. Gal khat bek om a, amah tawh a kido hihang. Amasa ah, khut sansak (high hands) ding kisam hi. Khut pen sansak ding kisam a, tua pen Moses khut ahi hi. Siate khut pen sansak ding kisam a, thungente khut sansak ding kisam hi. Moses in ama khut a sansak ding ama tavuan hi. Ahih hangin a dompih ding tavuan mipi in nei hihang. Tuni-in siapa/sianu in khut hong sangsak dinga, eiteng khempeuh in i khutte koihsuk Tedim Khuavak, 2013 April 20

Oneplus 2009 kum ciangin PLC in sumkhol kipan in a min Oneplus ci-in PLC nasep thakkhat ma pankhia hi. Sen minam Jetli in na lianpi a sepna dingin mikhat Yuan khatta dong a, sente million tampi a hih manin sum million tampi ngah ci hi. Tua zia sinsak in a min Oneplus ci-in a kiphuak a hihi. Pawlpi pen mi 1000 val pha a, mikhat in khakhat 1000 ta khol in mitul in kholden lehang khakhat in 1,000,000 phapah in kum khat a cin ciangin 12,000,000 phata ding hi. Tua sumlom pen a met ngahtheih nading in sumkholteng mahin hoihtak in geelin vaihawm thei hi lehang a sawtlo in Company lianpi khat hong piang theikha ding hi. Tu laitak in Oneplus member 130 pha a, tua sungah mantak in sum a kholzo mi 10 phalo hi. A sum 1000 haksa ki salo hi. Sumkholding ki phawkkha lo a hih manin kikholkha lo a, kizangbei khazaw hi. 2009 kumin sumkhol kipanlo hileng, tuin 4,000,000/- om nailo ding hi. Hih 2009 hun madeuh tengin Babylon mihaupa cih laibu khat Tedim laitawh suak hi. Tua laisungah a thubul pen sumkhol in cih thu hi a, na thalawhsa sum khempeuh tawh Neekledawn silhleteen na lei kul in, ansaite, puansaite na piakkul a, nang neih taktak ding pen na kholthei leh ombek ding hi. Tua na khol nangawn, thuman citak takin na zeek theih kei a, na sawkkik zelzel leh a khollo mahtawh na kibang ding ci hi. Tua na sumkholte pen neektawm zattawm leina ding hilo a, summetbawl na ding cilai hi. Tua hi a, khangno khatin sumkhol kipan baihleh sumneih baihzaw ding hi. Nulepa in a tate a neulai in kholsak pah thei leh sang a kah hun ciangin sum pawlkhat neita ding hi. Tua banah limtakin a kholsiam mikhat in a hamkhit, a teekkhit, na a sepzawhloh hun ciangin zong a mah leh a mah pension a kipia suak ding cilai hi. Tua sungah a hau nuam mahmah mizawng tangval khat i thu kigelh hi. Hau nuam mahmah a hih manin Babylon mihaupa khat kiangah, Na hauhna thusim kei hong hilh in, ci-in kunkun Tedim Khuavak, 2013 April 29

bek kivei zaw thei hi. Tua khengin mizawngte a veizo te-in semleh a lawhcing zawdeuh ding a hihi. Leitawi a la mite mahmahin zong bang lungsimpua cih theihhuai mahmah hi. Kumpi in vaihawm lel inteh, maisak lel inteh, Pawlpiten vaihawm lel inteh cih lungsim a omleh sum leitawi kiloh ngeilo ding hi. Hunkhat lai in Tedim ah kumpi tungah leitawi la-in lohkik lo a, mi tampi mah newspaper hong suak ngei hi. Bangbang ahi zongin buan sung a tum tawh a kibang mizawngte pen lampi tuamtuam zong in, kaihkhiat ding honkhiat teitei ding pen pawlpi vaipuak a hihi. Mizawng pawlkhatte pen a lungsim uh a bulpi mahmah panin zawng uh ci hi. Khut sungah bang mah omlo a, mai lamah na lianpi a piangding in zong ngaihsut in nei ngamlo, nei theilo in mukhol theilo uh ci hi. A mah leh a mah a zawngngiat ding a, Pasian bawl bangkeek in a kingaih sunsunzong om tuak hi. Lungsim suahtakna pan in sumlepaai, neihlelam hauhna, suahtakna hong piang theipan ding hi. Tua a hih manin sumleitawi zong thupi a, lungsim sungtawng panin Hauhna leitawi photphot ding zong thupi masa hi. A mah leh a mah a ngaihsun tawm theilo te, lungsim tawngah lawpna a ngahzolo te tungah Pasian thutawh kopin lunglawpna i guatding pen pawlpi sepding vaipuak liankhat mah hikha ding hi. Tua bang hileh leitawi piak tawh mizawngte ki hausak zolo mawk a hih leh bang cih nawn ding? Bang mah semlo in omlel theih lah hituan lo hi. I ngaitsutna gawmkhawmin kikumin lemtotoleng a hoihpen hong suakding hi. Tua a hih manin sepleh geel thuakin a hoihpen lamah manawh in PLC in Pawlmite panpih in hauhpih zawh dongin Pasian in hong huhta hen.

ni, i cih leh gallel ding hihang. Joshua le alawmte khempeuh in zong akhutte uh manlahsak mahmah uh hi. Tuni-in khut sansak nading thapiakna, sum le paai, huhna tuamtuam tawh kisangsak thei hi. Korea ka lawmpa khat in India ah sia khasum bangzah kipia, ci-in hong dong hi. Ka khasum ka gen hi. Amahn bang hong genkik hiam cih leh ko kiangah kha guk bekbek hong pai lecin zong na mawtaw lei nang tawh ciah niteh, hong ci hi. Pasian nasemte Pasian ka bat kei uh leh, Pasian in ko tungah dan hong tat ding hi. Leitung thu bekbek, sum bekbek kong zon uhleh Pasian in ko tawh vai hong nei ding hi. Khut kidompih ni. Ka khutte uh zaw thei hi. Ka khukte uh zaw thei hi. Ko zong ka lungsim uh neem thei hi. Innsung nawngkaina in ka khut uh hong khamsak hi. Topa ading na nasepna, na siapa/nu tungah teci pang in. Tua bang thu hoih a zak ciang siate pen lungdam lua-in ihmu theilo phial uh hi. Pasian min tawh sepna munmunah a ding ngam ding khangno, pilna siamna nei nungak tangval tampi hong piantak ciangin nuntak man/nuntak taak kisa uh hi. Ahih hangin nungak tangval a ginalo amuh ciangun nuntak taak kisak lohna tam mahmah hi. Tua bang hun ciangin a mit uh pua zolo uh hi. Tua hangin tua khutte ahi thei bangin dompih ta ni! Anih na-ah, Moses a khut kham (heavy hands) hi. Khut a kisansak ciangin sawtvei leh a kham ngeina hi. Leitung nuntakna ah, i phutkhak vangik abulpi-in kibang hi. No zong na ci uh na thei hi. Ko zong ka ci uh na veve hi. Pasian in a simtham in sum hong khiat tuanlo hi. A lamdangpi hi. I siapa pen a tuamin piaksim nei tuan lo hi. No nong piak uh simloh Pasian in a dang hong pia tuanlo hi. Nidang in America ka pai simun Mikang pawlpi vive ah thugen hing. Tu kum nih pen leuleu ciangin Mikangte kiangah thugen hun a om hang, Zomite kiang bekbek ah pai hi ungh. Mikangten hong sap ciangin ei Zomite tawh a kituah leh Mikangte pen a huh ding om lua lel ahih ciangin Zomite kiang bekbekah pai hi ungh. Pasian in hong phawksak khat pen Na mite mah in hong vak ding hi, cih pen ka lungsim sungah ka tel mahmah hi. Mikang sum lamen ken. Zomite khua-ul mah tawh Tedim Khuavak, 2013 April 21

Tedim Khuavak, 2013 April

28

hong kivak ding hi, cih thu hong phawksak hi. Khut gik pawl khat hong om ding hi. Tuate ah tha i kipiak ding, khut i kidompih ding kisam mahmah hi. I tate cina khawm ee, i tate laivuan khawm ee, i taten akisap uh kibang veve hi. Laikung a kisap hun uh kibang veve hi. Ka khutte uh a kham hun hong tam mahmah ding hi. Siapa thugen pen a lawpzia hong kibang khinlo ding hi. Nipi khenkhat pen siapa in tha a ngahloh hun hong tam mahmah ding hi. Lai Siangtho bu sungah gen ding thu a tam mahmah hangin siapa in a gen ding thu tawm a sak mahmah hun hong om ding hi. A khut kham mahmah cihna hi. Tua hun tak ciangin en bang i cih tam? En bang Topa mintawh vai i hawm thei diam? Athumna ah, khutte domtohsak (helping hands): Moses khut pen khamkhinzo kidom zolo ding ahih manin thuakzo nawn lo a, akiamsuk peuhpeuh ciang Israel-ten gal lel uh hi. Thu hong ngetsak zawh loh uh ciang gal kilel, hangsan taka thu hong gen zawh nawn loh uh ciang gal kilel, mawhna hong tai ngam nawnloh uh ciang gal kilel, i minam hong tai ngam nawnloh uh ciang gal kilel ding hi. Hong phatphat lel-in, phattak loh ihih khak ding, Pasian mai-a, lamkhial pi lamman hong totsak zawh loh uh ciangin gal kilel ding hi. America Zomite kiangah ka gen khat pen, Khanlawhna Zogam ah hong tun tuung a kipan Kawlgam, Vaigam, tuipi galah i tualsuak la teng mah kisasa hi. Neek le taak haksatna mun khawngah Pasian bek mah i muang tentan hi. La kiphuak-te zong haksatna bulompi akiphul zawh ciang bekin kiphuak leh hoih pan hi. Pasian in sathau a nilh late hong suak hi. Gamdang ah nuamsa-in airconditioned innsung khawng ah teengin, aksa pumkhat mikhat in ne leh, laphuah ding kithei nawnlo pah hi. Na luah nading gam uh pen nopsakna namkim omna mun hi ding... (Thuhilhkikna 8:8) ci hi. Tua ahih manin Yangon tung sukin Pasian mangngilh na om zenzen uh leh.... khatvei sum bawlin tuahpha mahmah-in Pasian mangngilh pah i om leh.... I zawn khinkhian pen mah Topa longal i belh ding om lo cih i cih pen mah ahoihzaw tam? Ahi hang i hau phial zong, i inn mai-ah mawtaw koih nading om kei phial leh zong, Pasian loin i cih veve leh tunglam a Pa in hong pia zo lua hi. Taihinn sungah Zomi khempeuh hong teng sak le zong tunglam a sum bei lo ahih tak ciang, kanglo ahih tak ciang, Topa Tedim Khuavak, 2013 April 22

pawlmi te tungah leitawi kikding in (Micro lending) kingaih sun hi. Tua a hihmanin huhna sum tulza sawmlenih (1,200,000/-Ks)te mikhat tulza khat (100,000) a met khakhat za-ah nih (2%) tawh mi 12 tungah kumkhat sung a lohkik dingin leitawi kipia hi. Committee in sumzonna (business) kipatna dingin ngaihsun in leitawi a pia hi a, a hizongin nektawm zattawm dingin zatloh phamawh cih tawh sumteng zangbeipah a, kumkhat sungin a met 2% tawh lohding cih ngimna tangtungzo tak lo hi. Sumzonna ding in vok lei-in a hanciam khatlenih om a, vok natgual hangin lametna tampi kisia in lungkiatna zong kibehlah zaw phial hi. Tua ciangin leitawi a late zong a lunguh nuamlo a, leitawi a piate zong lungnuamlo a hih manin khatlekhat maitang kimuh ding nangawn a haksa hun om thei hi. Nuntakna lamsang ding, pawlsung ah maingal tak a, Pasian a ding mapang khawm ding cih lungsimtawng ngimna pen a lehlam suak dekdekzel hi. Hih bang a, Sum leitawi piak (microlengding) nasep pen zawnna panin mizawngte a kaikhiazo dingin a kingaihsun hi a, a hizongin a kisep taktak ciangin ngimna sukhalo mawk ci hi. How micro lending lost its way and betrayed the poor? ci-in EcoEcho Journal (February 16-28, 2013) ah thului khat suak a, tua sungah leitung bup huam microfinance nasep ii a thanemna tampi kigelh hi. Leitawi la-in a met tawh a lohkik (ding) pen mizawngte hi a, leitawi a pia, a met a ngah (ding) pen mihaute hi. Confessions of a Microfinance Heretic, ki ci laibu sungah laigelh pa Hugh Sinclair in sepna tawh a tuahkhak Microfinance tawh kisai-in, Leitawi piakna (microcredit) in, mizawngte zawngsak zaw, ci hi. Micro finance pen a hoihlo hi lo hi. Tua nasep a sem mite in bangci sep, bang lungsim pua, bang ngimna nei cih thute tungah tampi kinga ci hi. Hih nasep pen NGOs te leh kumpite tawh a kisem khawm diak hi a, nasem thu vaihawmte in tua mizawngte bang zahtak in vei a, bang zahtak in deihsak hiam cih pen a ngaihsut huai mahmah thu a hihi. Nasemte aituam phattuam ding Tedim Khuavak, 2013 April 27

Evangelism and Mission Thanlyin Ayethitsa khua-ah Rev. Kam Do Thang in phual ngakin mission nasem hi. Zat tangzang dingin Ks. 430,000 man motorcycle khat zong Pawlpi mimal le Homecell-te hanciamin kilei hi. Myaungtaka khua-ah zong Sya Gin Khan Mang in phual ngakin mission nasem hi. Mission innmun 40x60' azai khat innmun khat Ks. 2,450,000 tawh kilei aa Pawlpi mite sum le paai kigawm Ks. 3,132,910 man inn khat kilamzo hi. Topan hong mainawtpih toto lai ding hi. Pawlmi Lainatpih Committee (PLC) 2008 kum nipi masa pen ni, kumthak hanthotna ah Pawlpi kem Syapa in, Pawlpi in do ding gal tampi a neih lakah zawnna pen gallian khat, ci hi. Hih thu sinsak in 2008 kum, a masa pen Pawlpi EC meeting ah zawnna a do ding Committee khat neihding in thu kisung hi. Zawnna do ding cih hi a, zawndo committee cih dingin thu a sung ki om a, pawlkhat in zawnna cih kammal zat loh ding in kuppih hi. Zawnna cih pen a Kammal limlim in mihing lungsim neusakin zawng sak zawhi, ci hi. Pawlkhat leuleu in Lainatna cih kammal, lapsangna cih kammalte hoihsa a, hih kammalte in zong mihing ngaihsutna lamsang zolo hi. Zawnna, lainatna, hehpihna cih kammalte in mihing lungsim lawpsak lo in thanem sakzaw a, negative vai lua ci-in hoih a salo ki om hi. NGOs kici, kipawlna tuamtuam te-in tua bang kammalte zanglo in World Vision, I Love Myanmar etc., cih bangin zang zaw a, lainatpihna, hehpihna tawh zawnna a do mah ahi uh hi ci-in a kikuppih zong ki-om hi. Bangbang a hizongin Pawlmi Lainatpih Committee ci-in kikipsak a, a tomin PLC kici hi. Committee thak a hizah khatin PLC pen kilawp mahmah tek a, Syate leh Upa makai te-in ngaihsutna, tha le ngal leh, hun bek hilo in Pawlmi te nuntakna lapsang theihna dingin sum le paai tawh mapang uh hi. A kingah huhna sumte sumbul a suahding revolving fund ngaihsutna tawh a met tawmno khat la-in Tedim Khuavak, 2013 April 26

buailo hi. Ei buaihuai zaw ihih man a, hong lamto thei nailo hizaw hi. Laptheih minam ihi hiam? Thupha saantaak, kemtaak, zeektaak-te ihi hiam? Zomite i tamzawk ciang, minam dang khawng i simmawh bawlpah nuam hi. Tu-in Delhi ah Zomi hong tampian-in Delhi khuapi sung munkhat-ah sumbuk akipan van zuak nasep tuamtuam Zomi vive hi. A sawtsawt ciangin, I vengah Kalate tam luata hong kici vial uh hi. Kalate veenga teng hi gige napi, Zomite pen i pau kidop huai mahmah hi. Mun dang gam dang ah i va peem a, tua munah a teengte sangin inn hoih, lo hoihzaw ah i teeng nuam pianpah mawk hi. Ein mi sep ngap loh teng va sem hive hang. Ei pen haksatna gam pan paimawk i hih ciang a, dollar ngah nading ahih peuh leh sep ngaploh neilo, sep ngap loh hun zong neilo hive hang. Tua bang kawmkal-ah Mikangten khatvei beek hong simmawh lo, ka pau na thei uh hia zong hong ci ngei vet lo, kam dong leng hoih taka hong dawng setset uh hi. Tua bang lungsim, tua bang ngaihsutna pen i neih ni a kipan ei zong minam lian suak ding hihang. I Topa in ninphual pan hong lamto bek hilo-in buannawng lak pan hong lamto hi. Domtoh ding na muh peuhpeuh domto in. I minam bup adinga mi manphate hi uh hi. I siate a nuntakna uh keppih un. A cidamna uh keppih un. I siate kem zo leng, a cinat lai-un kem zo leng, ci-in i kisikpih tampi tak omta hi. Amau kibawl nading ahuhzo ding Pasian thupha piak Zomi tampi tak omkhin hihang. Amaute pen i minam bup sumgum hi uhhi. Tua hangin dom theih dingte dom ni. Joshua le a lawmte in Moses khut dompih gige uh ahih manin nitum tan kidom suaka, atawpna-ah gualzawhna ngah takpi uh hi. Ni khat ni ciangin gualzo khawm ding hanga, Moses zawh hong hi tuan lo ding hi. Joshua zawh hi tuan lo ding hi. I vekpi zawhkhop hi ding hi. Tua gualzawhna pen i vekpi ading ahi hi. America President khat sabeng uk mahmah-in sabeng dingin Africa gamah thau hoih mahmah tawh sabeng-in kuan hi. Ni (21) bang sabengin thapai hi. Tua President pa a ciah ciangin tembaw zui sese hi. New York tembaw khawlna a tunkuan ciangin nasia takin mipite in dawn uh hi. Tua tembaw sungah missionary a sem nupa zong tuang uh hi. Amau zong Africa gamah kum Tedim Khuavak, 2013 April 23

25 sung Pasian nasem a, khuan la-in hong ciah uh ahi hi. Gungei a tembaw khawlna hong naih tektek ciang galkapte kigual diudeu-in tumging tum ziahziah uh hi. Uliante in zong dawn uh hi. Ei zong a ciah hihang a, ei hong dawn ding om lo. Hih president pa pen ni (21) sabeng hong paipak khat hici lawmlawm a kimuak ci-in Missionary pa zi in lungkia takin gen hi. Alawmpa in, I President pa pen ama kumpi gamah atung hi a, ei pen i kumpi gam tung nai lo hihang ci hi. I President pa pen thaman sanna ding phual atung hi ta a, ei pen i phualpi tung nailo hi hang. I san ni tak ciangin vantung miten tumging nasia tak tawh hong dawn ding uh hi. Tua tak ciangin Jesuh khut tektek panin a tul ngeilo ding thaman ngah ding hihang, ci-in a pasal in hehnem hi. I Topa en ni. Nikhat ni ciangin Amah in Pha hi, ka nasem pa aw, hong cihna kammal i zaktak ciangin leitung a i gimna khempeuh kimangngilh ding hi. Topa min tawh gualzawhna dingin khut kidomsak ciat ni.

TBC-Y BIAKINN THU PULAAKNA 2009 July 28 ni-a lamkhuan kingah i Biakinn pen 2009 August 29 ni-in khuambul phutin adung pi (100), a vaai pi (60), dawl (4) apha khat lam i kipan hi. Pawlpi Siate, upa vaihawmte makai-in mun tuamtuam-ah zin kawikawi-in Biakinn lam nading kidiang khengkhang hi. Gamdang aa om Pawlpi mite zong om mawk tuan lo uha, amau omna ciat panin ma na pang tek uh hi. Tua bek hilo Associate Pastor ii Malaysia le Singapore, Japan, Australia a vazinna ah zong Pawlpi a it mipihte in na dinpih uh hi. Associate Pastor Zam Khen Khai zong Malaysia le Singapore mah-ah khatvei va kithawi kik-in Topa thupha tampi hong lawhsak mimal tungah lungdamna tampi kinei hi. Biakinn lam nading hanciamnaah piakkhiatnate enpak hi lehang: 1. Pawlpi mite tungah a masa pen sehtan sehna 2. Pawlpi mite tungah upna kamciam lakna 3. Gamdang aa omte in amau hanciamna ciat tawh hong khak sum le paai 4. Kawlgam sung bek hilo, gampua lamah huhna sum dongin fundraising bawlna 5. Pawi bawlna le lam tuamtuam zangin huhna sum donna 6. Pawlpi mi khasum le pension sangte tung pan anpal, citpiak 7. A nunung dongtuak huhna sum (Sehtan thak) 8. Lampi tuamtuam pan huhna kici khempeuh tawh ma kipang hi. Biakinn Sumbei dingzah leh beina 1. Nasep ap ni (20%) Ks. 99,000,000/- (piazo) 2. Foundation man ni (10%) Ks. 49,500,000/- (piazo) 3. Dawl (1) na sual zawh ni (10%) Ks. 49,500,000/- (piazo) 4. Dawl (2) na sual zawh ni (10%) Ks. 49,500,000/- (piazo) 5. Dawl (3) na sual zawh ni (15%) Ks. 74,250,000/- (piazo) 6. Atung khuh zawh ni (15%) Ks. 74,250,000/- (piazo) 7. A zawh siang ni (15%) Ks. 74,250,000/(April kha kipat dong piak dingKs. 44,250,000/- om lai) 8. Tui/mei a man siang ni (5%) Ks. 24,750,000/Biakinnpi a lamna ding Ks. 495,000,000/- sung panin Ks. 396,000,000/- kipiazo hi. Tedim Khuavak, 2013 April 25

Tedim Khuavak, 2013 April

24