SIMEIKHU KARTIN CHHUAK THINGSULTHLIAH

Dt. 18 May 2013 (INRINNI) PHEK- 3

THINGSULTHLIAH TUILAK CHUNGCHANG Tunlai hian Thingsulthliah Tui lak a chhe deuh reng mai a. Tui Committee leh worker te pawh an hah thei hle. Simeikhu chhuak hmasa lama kan hmuh angin Tst Tui lak chu siamthat tawh anih hnuah vawi tam tak a chhe leh a, a chhiat apiangin Tui Committee te a chhe lai zawng tur leh siamtha turin an thawk chhuak thin a ni. Ni 10/5/13 khan motor hire-in Tlungvel ramah a chhiatna lai zawngin chhuah leh a ni a. Tuirini-ah tui a haw thleng lo tih hriat a ni a. A hma ni a siam tawh chu thawm thain tui a lo haw leh thei a. Lenchim lama Tui min lo buaipui saktu Pu Zuia han hriattir nghal niin anin tlawmngaiin a chhiatna lai chu khaw chhe hnuaiah a zawng a, Intake atanga 45m vela hlaah 100mm pipe chu thing tawlhin a khawh chhia a ni tih hmuin a rawn hriattir a. A siamthat dan tur ngaihtuahin Ni 14/5/13-ah Sanitation motor hmangin Pu K.Lalthlengkima, Vice-Chairman, Tui Committee leh Tui worker te Lenchim panin an kal a. Zan riak chhovin a tuk ni 15/5/13-ah Pu Zuia hovin a siamthat hna thawh a ni a. theihtawp chhuah a an siam hnuah chawhnu dar 1:15 velah siamtha felah ngaiin an haw san ta a ni. Mahse a tuk lamah Tui a lo haw thleng lo tih hriat a ni leh a. Khua a tha lo deuh reng bawk nen tunah hian khaw that veleh-a siamthat hna thawk turin ruahman a nih thu Tui Committee hruaitute hnen atangin kan lo dawng. Hemi chhung hian mipuiten lo hrethiam turin Tst Tui Committee chuan a ngen tak meuh a ni. SEMINAR Vawiin inrinni hian Thingsulthliah Mizoram UPC Pastor Bial huap seminar chu Tst Biak-inah neih a ni dawn a, Bialtu Pastor R.Lianzama chu Speaker niin Buhfaitham leh kohhran chhung tin rawngbawlna lam thupui-ah hman a ni ang. Zanin atanga naktuk Pathianni zan thleng Revival-a chhunzawm a ni ang. HSSLC PASS THAR C.Vanlalruatfela S/o C.Lalramchhana D/A Zonunchama S/o Lalbiaka D/A ten HSSLC II Division-ah v eve an pass tih kan lo dawng thar.

KAN HMANGAIH LEH DUAT LAI

PC ZOSANGZUALA (1986 2012)

A LO NIH TAK CHUAN TI - Ruihhlo dona kawngah Kohhran aw a rik fo tawh chuan kan khawlo viau tawh tihna a ni thei ang em an ti. - Internet khawih laklawh laia BSNL Landline Phone an off ziah hi a khamawm ta. Hetianga ngaihsakloh ai chuan hlip vek law law se an ti. - Vawk na hri avanga a Sa ei tha duh lo pawhin Saum an ei tho an ti. - H/A Vengsang a Side-drain thar hi a hmasa ami angin, tuihawkin a hrut pawp vat lovang chu maw an ti. - Hmun thenkhatah chuan, Khuanu ruatsa tuihawk luan kawr pawh a awm thei lo a ni ta ber mai an ti. - Contract hmu thei, Kohhran a mi tangkai si hnathawh a tha bik kher lo an ti. - Minister duhsakna dawng thei nazawng hi khawtlang an hmangaih vang a ni kher lo an ti. - Thlipui(Cyclone) tleh tur vanga School hial chawlh a nih lai hian kan hlauh hmel vak lo an ti. - Ruah a sur deuh reng a, Tui lama phunchiarna hriat tur a awm loh phah an ti. - LPS leh Zonet an awm ta a, Tst Cable TV hian hmasawn lam a pan zel ang chu maw an ti. - Sorkar kumthar April kan hmang zo a, May thla laihawlah pawh Tst High School Road Metal hna a la ri chuang lo an ti. - Zan rei tak tak a TV en kan awm thin a, current awm lo current awm leh tih angah hian TV en tur awm lo hi a ninawm, zing tho hma tan pawha TV en tur awm lo hi a thinrim thlak khawp mai an ti. - Mipui phunchiarna tam ber chu Tui, Current leh TV tha lo hi a ni an ti. - Mirinawmlo hian midang hi rinawm lovin an hmu duh an ti.

Vawiin ni 18.5.2013, i pian cham vawi 27-na a lo thlen hian kan va ngai tak che em! Vawiin, he khawvel hrehawm i chawlhsanna ni thla 8-naah hian kan ngaih che a zual asin! I nu leh pa, PC Lalbiakchama & Lalremsangi I nau te, PC Lalbiakthazauva PC Lallawmzuali, PC Ramrempuia Thingsulthliah Diakkawn Area TFC ATANGIN NUAI 2.6 HMU Thingsulthliah VC chuan Thirteenth Finance Commision (TFC) atangin Nuai 2.6 an dawng a, hei hi Field bul kawngpui (Hospital Road panna kawng nen) Foot-path siam tawh chhunzawmna tur atana hman tur a ni ang. Hna hi tan thuai tum a nih
thu Thingsulthliah VC atangin kan lo dawng.

SELING FARMING CO-OP SOCIETY LTD Chairman : Pu Lalsangzuala Vice Chmn : Pu R.Dengkunga Treasurer : Pu HS Vanlalruata Secretary : Pu Lalromawia Board of Directors : Pu Pukhuma Pautu

Pu K.Lalchamreia, Pu C.Zodingliana
THINGSULTHLIAH FARMING CO-OP SOCIETY LTD Chairman : Pu H.Chawngpianga Vice Chmn : Pu C.Biakvela Treasurer : Pu C.Belhliana Board of Directors : Pu S.Zamawia Pu Hrangvunga, Pu C.Rosiama
Note : Share pung 20% a sem a ni a, tun May thla chhung hian lak vek tur a ni.

THINGSULTHLIAH IWMP(Watershed Commt) Chairman : Pu Lalrawngbawla, VCP Secretary : Pu K. Zaihmingthanga

Pawl hrang hrang aiawhte Zilpui zau : Pu PC Lallawma Luithuam zau : Pu R. Lalsangliana Hmeichhia : Pi Ramfangzauvi Self Help Group : Pu R. Zatanga Pi C. Lalnuntluangi WDT : Pu Zorammawia

LAIPUITLANG LEIMIN TANPUI NAN

Seling VC chuan an huam chhungah Aizawl Laipuitlang Leimin/chhiatna tuarte tanpui nan vehbur an khawn a; heta an sum hmuh Rs. 30039/- chu tunkar nilaini khan Seling VC te Aizawl kalin Laipuitlang YMA kutah an hlan.