Professional Documents
Culture Documents
Kohhran Aw 19th May 2013
Kohhran Aw 19th May 2013
XV :
Issue No. 19
2013
Pathianni
Phek 1 - na
Kohhran Aw
Pathianni chhuak
Phek 2- na
2013- KOHHRAN AW SEMTUTE: B-1: Lalengkima, Lalruatfeli, Lalkhawngaiha B-2: Lalrinzuala, Zahmingliana B-3: Vanlalruata, Lalfakmawia, Lalruatsanga B-4: Vanlalawmpuii, Lalrinawma B-5: Lalruatkima, Lalramluahkima B-6: Lalawmpuia, Lalmuanawma, Zonunmawia B-7: Zodinmawia, Jonathan Lalnuntluanga B-8: F. Lalremruatpuia, Lalrindika, MS Dawngliana, Zohmingkima B-9: Lalrinhlui,Lalbiaksiami, Lalramtharzuala B-10: Lalhmangaiha, Roluahpuia B-11: Vanlalpeka, Remruatsanga B-12:Lalnunthara, Lalfelkima, New Saron : BL Thanzama, TBC VL Remruatsanga, Lalruatkima
Synod News
** May 14 - 17 chhung khan Mizoram Presbyterian Church Synod hnuaia Pastor-te pualin Aizawl Theological College (ATC)-ah Intuaitharna (Retreat) neih mek a ni a, thupuiah Berampu Tha tih an hmang. Pastor-te intuaitharna, Pastors Retreat hi kum khat dana neih thin a ni a, Pastor thawklai leh pension tawhte, ram chhung leh pawna mite tel vek tura beisei an ni thin. May 14 (Thawhlehni) zan khan retreat hawnna inkhawm neih a ni a, Rev. Lalramliana Pachuau, Synod Moderatorin inlawmna thu a sawi a, Rev. Vanlalzuata, Senior Executive Secretary-in Keynote Address a pe bawk. Retreat neih chhunga thupui zirho turte chu : Berampu Tha - Tunlai Khawvelah - Rev. Dr. C. Lalhlira Berampu Tha - Thlarau nunah - Rev. R. Lalchangliana Berampu Tha - Inpeknaah - Rev. K. Lalhmuchhuaka, Berampu Tha - Thawhhonaah - Rev. F. Laltlanthanga, Berampu Tha - Personal Evangelism-ah - Rev. Lalneihvura, Berampu Tha - Thuhrilah - Rev. Lianhmingthanga Sailo Thupui ngaihthlak zawhah hian sawihona hun hman zel tura ruahman a ni.May 16 chawhnu khan General Discussion neih a ni a, zanah Inthlahna Thuchah Synod Moderator Rev. Lalramliana Pachuau-in a sawi. May 17 (Zirtawpni) zing dar 6:00-ah Inhlantharna tawngtairual neiin retreat khar nghal a ni. ** Synod Relief Fund atangin tanpuina pe May 14 (Thawhlehni) khan Rev. Lalramliana Pachuau, Synod Moderator chuan Synod Relief Fund atangin Laipuitlang leh Ramhlun Venglai leimin tuarte tanpuina a hlan a, Aizawl khaw pawn lam a mi chu Pastor te kaltlangin pek tura ruahman a ni. Tanpuina pek dan hetiang a ni : Mitthi 17 - ` 10,000/- theuh Hliam 6 - ` 5,000/- theuh In chhia 11 - ` 5,000/- theuh Hnatlang thingpui lumna - ` 10,000/Heng bakah hian Synod Relief Fund atangin tunhnaia chhiat tawkte hnenah hetiang hian tanpuina pek a ni bawk : Thlipui tuar (Kolasib Diakkawn Bial) - Chhungkaw 3 Thlipui tuar (Thuampui Bial) - Chhungkaw 7 Kangmei tuar (Vairengte Chhim Veng) - Chhungkaw 1 Thlipui tuar (Damdiai, Mamit Bial) - Chhungkaw 37 ** Association for Voluntary Blood Donation (AVBD) te ngenna angin CKTP chuan May thla atang hian Thisen Pek dan tur ruahmanna Blood Donation Calendar a siam a, May thla chhung hian Aizawl Civil Hospital-ah Armed Veng Bial (Branch 4) leh Chhinga Veng Bial (Branch 4) ten an pe ang a, Synod Hospital-ah Dawrpui Bial (Branch 3) leh Electric Veng Bial (Branch 3) ten thisen an pe ang. Central KTP committee chuan Kum 2014 KTP Gen. Conference/Diamond Jubilee pual Hla Bu buatsaih tha a ti a. Hla thawh duh tan July 15, 2013 aia tlai lovah CKTP Office-ah theh luh tur a ni. Hla phuahtu chanchin tawi, a hla phuah chanchin tawi leh a phuahtu contact no. chiang taka ziak lan tur a ni bawk.
Editorial : Pentikos Ni Vawiin hi Pentikos Ni a ni a, Pentikos tih awmzia hi Sawmngana tihna a ni. Thuthlung Hlui-ah chuan Kalhlen Kut tiak ni atanga ni sawmnganaah an hmang thin. Thuthlung Thar hunah erawh chuan Isua Thawhleh tuk (Easter) atanga ni 50naah hman a ni ta a ni. Presbyterian Kohhran chuan Pentikos ni hi Assembly puala tawngtai rual hun atan a hmang thin. Pentikos Ni a Thlarau Thianghlim lo thleng khan ringtute nun a sawi danglam nasa hle. Isuan hrechiang thei lo te, amah phatsan thin te ni mahse, Isua chu tan tlak a ni tih hriain thih pawh hlau lovin a chanchin an puang darh ngam ta a. Judate hlauva tawmim tlat thinte chuan ualau takin Isua chu Pathian fapa a nihzia an au chhuahpui ngam ta a nih kha. An nun lo danglam ta leh mi mawl mai an ni tih an hriatin Isua hnenah an awm tawh tih miten an lo hre thei ta hial a ni. Keini Lal Isua ringtute pawh hi Thlarau Thianghlim chenchilh kan nih chuan Lal Isua kan hrechiang leh zual zel ang a, kan hlauhna hrang hrang atanga chhanchhuah kan ni ngei tur a ni. Cyclone lo thleng tur avanga buai phili chiam kan ni em? Harsatnain min tlakbuak avanga chiai ta em em kan ni em? Thil ho te anga kan ngaih thleng hian Pathian rinna hi hman tangkai theih a ni a sin. Khawvel mite ang leka engemaw hleka buai phili ringtu inti si kan nih chuan kan inenfiah deuh chu a tul ngei ang le.
Kohhran Aw
Pathianni chhuak
Phek 3-na
Pangpar Khawitute
Vawiina pangpar khawitute : 1) Pi Helen Lalhriatrengi 2) Pi Zodinsangi (Dintei)
Chhungkaw Thu
Ni 15.05.2013(Nilai) zan khan mi pathum inngaihna suala tlute thunun an ni. Pu Ramnunsanga fate : Vanlalmalsawma(kum19) leh Malsawmtluangi (kum 16) te dan chhunga lawmluh an ni bawk.
Kohhran Aw
Pathianni chhuak
Phek 4-na
Editor : T/Upa Lalhuapzauva, Jt. Editor : C.Lalthanpuia, News Editor : Robert Lalmuanpuia Adviser : Upa C. Hualchhunga Cir. Manager : Zorampari, Published by Vengthlang Kohhran & Printed at C.K.Offset, Vengthlang. Biak In Ph.: 235380