May 2013

Editorial A Chhunga thu awm te * Editorial - 1 * Mire rama BCM rawngbawlna - 2 * Ralthuam theuh theuh - 8 * Vairawkaiah Vanram lei kan dawh - 8 * Hruitezawl Work Camp - 18 * Lawmthu sawina - 24 * Hui zinga rawngbawlna 25 * BCM Mission chanchin thar 28
MI TIN TA TUR CHANCHIN THA Luka 2:10 - Hlau suh ulang, ngai rawh u, mi tin ta tur Chanchin Tha lawmawm em em ka rawn thlen che u a ni.
Chanchin Tha ziaktu Dr. Luka chuan, chanchin chhia hlir deuh thawa khat khawvel hnena Pathian thilpek hlu ber Chanchin Tha hi khawvel pum tan, hnam zawng zawng tan (Luka 24:47) a ni tih min hrilh a. A Chanchin Tha ziak chhunzawma a ziak Tirhkohte Thiltih buah hian chu Chanchin Thain Palestina pela Asia Minor, Rom khawpui leh Europe ram engemawzat a thlen dan a sawi zui a ni. Amah kan Lalpa Isuan a zirtirte hnena a lo sawi lawk angin, chu Chanchin Tha eng chu Jerusalem khawpuia in tanin, Judai leh Samari ramah a darhzau a, kawlkil a theng ta rawk a ni (Tirhkohte 1:8). A van lawmawm em! Mizo hnamte kan chenna, kha tih laia min awptu British-hovin Lushai Hills an tih pawh, tlai khaw hnuah January 11, 1894 khan kan Missionary-te kal tlangin he Chanchin Tha hian a lo thleng ve ta a. Hemi atanga kum 100na 1994 kum khan Mizoram pumah kan rama Chanchin Tha lo thlen ni January ni 11 hi ropui takin kan lawm anih kha. Aizawl lam muala mipui tam tak hmaa hmar lam Missionary ni thin

Missionary Tlangau
lovin, ringtu zawng zawng hnena min pek a ni, tia a sawi pawh chu an pawm thiam tlat lo! An Chairman Pastor senior phei chuan William Carey chu kut zungchala kawkin, Tlangval thu rawh. Pathianin khawvela amah hre lo hnamte hi Chanchin Tha hre tura a duh chuan, nang leh kei tel lo pawh hian a hriattir mai ang, a ti khawl mai nia. Nimahsela William Carey-a thinlunga Thlarau Thianghlim aw chu a ngawi mai lo! A hnu lawkah Baptist Missionary Society (BMS) a lo piang a; Chanchin Tha hril tui pawl tam tak a lo piang ta tuk tuk anih kha. Keini BCM kohhrante pawh hi an rawngbawlna rah chhuak kan lo ni ta a ni. Chanchin Tha a ring apiang tana nunna, damna, thlamuanna leh hmasawnna hnar hlu tak hi i tan leh ka tan chauh a ni lo; mi tin ta tura Pathian pek a ni. Kal chhuak a, hril turin Lalpan thu min pe a, a thu kan awih dawn nge, kan ngaihdan dah lalin Lalber thu hi kan hnial zawk dawn? BCM hi chu Lal Isua thupek zawm kohhran, Chanchin Tha hril nana kan chakna, mittui leh pawisa phal taka sawr chhuaktu i ni zel teh ang u.

Pi Tein Gospel Centenary Tshirt hring haa Mizo Tawnga thu a sawi a, kut kan ben hluah hluah te kha rilru mitthlaah a la cham reng mai. Chanchin Tha hi Pathianin khawvela hnam tin hnena a pek a ni a. A hnam thlan Israel-ten Pathianin a tirhna (Isaia 42:6-7), Jentailte tiengtu atana ruat an nihna an ti hlawhtling zo lo va, Pathian malsawmna chu pumbilh tum ang hrima, zim taka an thlir tlat ang khan, tun laia kohhran, Lal Isua ringtute awm khawmna, Chanchin Tha meichher khawvel pumpuia chhi darh tura koh leh tirhte pawh hian, Chanchin Tha malsawmna hlu tak kan dawn mek lai hian, kan Lalpa thupek ropui (Matthaia 28:18-19; Marka 16:15; Johana 20:21) hi kan ngaihthah ang a, kan la pial mai palh ang tih a va hlauhawm em! Hetiang deuh bawk hian William Carey hun lai pawh khan Sap ram kohhran Baptist ruh tak takte pawhin ngaihdan an lo nei tawh a. Pastor junior te William Careyan, Lal Isuan khawvel puma Chanchin Tha hril tura thupek a pek hi, a zirtirte chauh ni

May 2013

Mire rama B.C.M rawngbawlna Report tlangpui

F. Rosanglura, Empu, Bangladesh 1.BCM hian Bangladesh-a Mire hnam zingah hian khaw sawm pali (14)-ah hma kan la mek a, Mire Kristian hi 636 an ni. 2.BCM Head Quarters rawih Missionary 2 (pahnih) Pu F. Rosanglura, Evangelist leh Pu C. Lalruatkima, Evan. Teacher te an ni. Mimal leh Kohhran/Pawlho chawm Evangelist mi panga (5) kan nei. Music Teacher J.Vanlalsanga hi B.C.M Hqrs. in min chawmsak. 3.Mire Pastor 3 (pathum) kan nei. 4.Medical lama thawktu mi 2 (pahnih) kan nei. Clinic 1 (pakhat) kan nei bawk. Kan Clinic awmna hi Baptist Church of Maruchah (Maruchah=Miria) Headquarters Empu-ah a ni. 5.Education lama kan hmalakna-ah a rammi Evangelist Teacher paruk (6) kan nei. Hostel pawh kan nei a; kumin 2013 hian Hostel naupang 63 (sawmruk leh pathum) kan nei. Kan School hi Bangla Medium a ni a, KG Class V thleng kan nei. Kan School leh Hostel awmna hi Baptist Church of Maruchah (Maruchah =Miria) Headquarters, Empu-ah a ni. Hostel-a eirawngbawltu (Cook) pahnih kan nei. School lama mawhphurtu atan a BCM rawn tirh Missionary C.Lalruatkima te chhung chu Passport leh Visa-a Bangladesh tlang rama an rawn awm theih rih loh avangin, a rammi nihna ID Card siam leh tawng zirin Bangladesh ram chhung Laizo khuaah an awm mek a, May thla atang hian kan District khawpui Bandarban-ah Bangla tawng zirin an awm leh rih ang. J.Vanlasanga, Music Teacher, mi thahnemngaite

Missionary Tlangau

chawm leh keini pahnih bak chu, thawktute hi a rammi vek an ni. 6.Literature lama kan hma laknaah chuan: Mire tawngin Thuthlung Thar kan nei tawh a, tunah hian Thuthlung Hlui kan chhu mek a, Jeremia thleng kan let zo tawhin, Josua thleng kan chhu zo tawh. Mire N.T leh Hlabu (hla 351 awmna) leh A Aw B bu leh lehkhabu dang te nen Mire tawngin Lehkhabu 9 (bu kua) tih chhuah tawh a ni. 7.Music lam a kan hma lakna te: Mire hlain Audio Cassette pariat kan siam tawh a, Music Video Cassette 3 (pathum) kan siam tawh. Music Teacher J.Vanlalsanga kan nei a, tunah chuan zaipawl te pawh kan nei ve tawh a ni. 8.Nikum 2012 khan thlarau bo man tur Target mi 50 (sawmnga) kan in tuk a, kan target engemaw zatin kan khum. Kumin 2013 hian thlarau bo man tur mi 60 (sawmruk) kan Target leh. Kan target hi kan tlin leh theih nan in mi tawngtaipuina kan mamawh

leh dawn a ni. 9.Thla tin BCM Staff te hian Tahrik 15 hian Staff Meeting kan nei thin a, a chang chuan chumi hunah chuan hruaitu Training/Seminar kan nei bawk thin. 10. Kum khatah Missionary Tour vawi khat kan nei thin a, kan hlawkpui thei thin khawp mai. 11.Kumin 2013 hian hian Sawnba khuaah ring thar in ruk lai Lalpan min pe leh a, members sawmhnih leh pasarih vel an ni. Lalpan min la pek belh zel kan beisei tlat a ni. 12.Kum tin Baptist Church of Maruchah (Maruchah=Miria) Assembly kan nei thin a, Mire Kristian zawng zawng Mission dang hnuai amite pawh kan sawm thin a, thlarau lamah kan hlawkpui hle thin a ni. Kumin 2013 Assembly phei chu Mire Kristian te zinga la thleng ngai reng reng lo, Pathian Thlarau Thianghlim harhna kan chang nasa hle a, kan Assembly tawp thlengin Pathian hming faka zaia lamin, thalaiho phei chu Pathian hmangaihna an

May 2013

hriat avang leh Pathiana an tlin lohna te in hre chhuakin aw rawl chhuah meuhin an tap hawm hawm hlawm a. Kan Speaker Evan. Upa K.Dengdailova Thutak Puangtu Team Lalpan a hmang tak meuh a ni. Pathian hmangaihna avanga inpawlho nuam an ti hle a, kan in then tur chu lawm avangin mittui a luang lo thei lo a ni. 13.Mire Arsi lian Pastor Chownglowk a her liam ta: Pastor Chownglowk kum 1928 January (a pian ni tahrik chiah hi tunah chuan ka hre mai lo tlat)-ah a piang a, 1939 ah kum 11 mi a nih atangin kan District khawpui Bandarban atanga chhim lam Mire khua Miza Ruaza Para-ah N.E.I.G Mission School-ah lehkha a zir tan a, chuta Mizo Missionary fa a School kalpui te chu Kamliani, Thangliana, Remlala Pastor H.Dala fate. Sangliana leh Rinliana, Evan Zakhuma fate. Lallawma, Thantlaii, Singmen (Hei hi a Mizo hming ka hre lo) Evan Tleikawnga fate. Biakhnuni

Evan. Thangkunga fa. Mire naupang pawh engemawzat a zirpuite an awm bawk a, chumi hnu kum 1943 khan India ram Manipur-a N.E.I.G Mission School Churachanpur-ah lehkha a zir chhunzawm leh a, chuta a lehkha zirlai chuan Pachhunga nena an inkawmna atangin chhandamna changin mi piangthar a lo ni ta a. Hetia Churachanpur-a lehkha a zir lai hian British leh Japan indo lai a nih a vangin a kum lehah chuan Bangladesh Bawm ram Pankhiang khuaa N.E.I.G Mission Primary School-ah a zir chhunzawm zel a, tlema ram buai zual a fel deuh hnu in Churachanpurah a let leh a, hetah hian Junior High School chu tha takin a pass chhuak a, chuta an zirtirtu zinga pakhat chu Rev. Lalthanliana Myanmar Rengoon Radio Station atanga Pathian thu rawn sawi thin kha a ni a. Hemi hnu hian a chipuite hnenah haw lehin a Lalpa tan thahnemngai takin a thawk ta a, Mire Bible (N.T) a letling zo a, O.T pawh Gen-

Missionary Tlangau

esis Jeremia thleng a letling bawk a, Mizo hla atangin an mahni Tawng Miria-in Pathian hla engemawzat a letling a, amah pawhin hla engemawzat a phuah nghe nghe a ni. A hnampui Miria-te hmasawn nan nasa takin a thawk a, huan siam dan leh thlai chin dante a zirtir nasa hle a. Kristian an la tlem leh an la hnufual em avangin anmahni taksa leh thlarauva chhan chhuak turin Mission dang dang a bel thin a, mahse, a eng Mission mahin an taksa leh thlarau chhan chhuah hnaah a duh anga an puih theih loh avangin, thlarauva anmahni hringtu leh chawikan hna lo thawk hmasatu an unau Mizote chu beiseina sang tak nen kum 1978 khan a rawngbawlpui Pi Romawii W/ o Evan. Zahmingthanga leh a rawngbawlpui Mire then khat te nen Mizoramah rawn chhuakin Zoram Baptist Mission (ZBM) hruaitu Rev. C.L.Hminga an rawn bia a, mahse, ram dang (Foreign) anih avang leh Mizoram a la buai em avangin, an beiseina chu tih hlawhtlin a ni thei ta rih lo va.

Amah chauhva chak lo tak leh beidawng taka a awm laiin Lalpan 1991 March ni 28 khan kei (Tv. Evan. F. Rosanglura) mi chak lo leh naupang te chu Mire ram min hruai thleng ta a. Pastor Chownglowka nen kan han inhmu chu kan hlim hle mai a, Lalpan engtinnge min hruai zel dawn tih hre rih lo mah ila kan thla a muang dun hle a ni. Pastor Chownglowka chuan, Missionary rawn thlen hun atan, tiin ka in hmun tur leh Biak in kan sak theih hunah tiin tlang dung khatah a awmna Empu khuaah chuan Jehova-Jire tlang tiin tlang an lo ruat diam nghe nghe a, chu tlang leh hmun leh hmate chu hlim tak leh phur em emin min entirin min fanpui a, kan hlim tak meuh a ni. Kum engemawzat hnuah chu hmun ngeiah chuan Baptist Church of Mizoram chuan in tha tak mai min sak sak nghe nghe a, Biak in hmun atana a lo ruatah chuan tunah chuan Biak in thar kan rel ve uaih tawh nghe nghe a ni. Kan Biak in sak zawh thleng tal chu ka Pa Pastor Chownglowk hian min han

May 2013

dampui ve hram se ka tih tehlul nen, hmangaihtu Lalpa chuan, a khualzinna kawng chhuk chho tak mai chu chatuana chawlhsan turin a lo zawh tawptir ta si a ni. Mire ram Lalpan min hruai thlen atanga kum khat dawn chu ka Pa Pastor Chownglowka inah ka awm a, a ni hian fapa pakhat leh fanu pathum a nei a, a ni chuan a fapa-ah min neihin kei pawhin min hringtu ka Pa ang maia ngaiin taksa leh thlarauvah inzawmna leh inkungkaihna thuk tak mai kan nei a, min hmangaih tak zet a ni. Kawng engkimah ka Pa leh ka zirtirtu a ni a, a thih hma hian ka hnenah a thurochhiah zawng zawng a hlan vek a ni. Amarawhchu a hnung ka zui zo lo lutuk ang tih erawh chu ka hlau hle a ni. Ka Pa Pastor Chownglowka hi mi in vawng fel leh midang tih buai hlau tak mi a nih a vangin Ka thih hunah midang tih buai ngai lovin, tiin a kuang tur leh a nupui (ka nu) kuang tur leh thlanlung tur te a siam lawk diam a. A thlanlung pawh a thih ni tih loh

chu a lo ziak dim diam a, a ruang tuamna tur puan pawh a lei sa thlap a, a lehkha pawimawh zawng zawng pawh ka kutah min pe vek tawh a, a thih huna hah taka thlan laitu te ei a tan a ma pualin vawk te pawh a vulh diam tawh nghe nghe a ni. Ka Nu leh ka Pa te hi an dam lai chuan an kuang chungah an mu a, an thih hnu chuan midang tih buai ngai miah lovin a chhungah an mu leh then mai a ni. Tunah hian Pastor Chownglowka tupa, a fapa ka u, Chakramang Uaniawngpeka (Lalpa thilthlawnpeka) fapa Solomon Chownglowk chu a pu rawngbawlna chhunzawmtu tur atan Mizoramah School a rawn kal a, chu chu Rahsiveng Pi Thangziki fapa Lalhmangaihsanga (Mangaiha) te chuan ka fate pahnih min enkawlsak tawh bakah, Lalpa rawng kan bawl vena a ni e, tiin Lalpa avang chauhin min lo enkawlsak leh a. Chawngfianga Memorial School (CMS) Principal F.Rohminglianan (U Hmingtea) ka fate pahnih

Missionary Tlangau

Class KG I Class X thleng a Hostel-ah Monthly fee pek ve ngai miah lova min chawmsak hnuah, ani pawh hi Monthly fees a lo awl leh vek a, Lalpa avang hian mite hi an va thain keini Pathian leh an zara malsawmna dawngtu tan chuan lawmthu sawi tur a va tam thin tak em! Pastor Chownglowka hi he khawvelah hian awm tawh lo mahse a chipui Mire hnam te chuan an thinlungah chuan a hlut zia an la hre chhuak tulh tulh anga, an la ngaisang tulh tulh dawn ani. A thih hnuah pawh achipuite hnenah thu a la sawi zel dawn a ni. Keini Mizo te pawh hian Pastor Chownglowka hi a hrechiang a piang in kan ngaisang tulh tulh ngei ang. Mire ARSI LIAN

chu Dt. 13 th April, 2013 Inrinni khan a her liam ta. Thawhlehna ni ropuiah chauh kan la hmu leh dawn a ni. A lei taksa chu chawimawina ropui tak nen ama pianna khua Empu khua ngeiah ropui taka thlah liam a ni a, Mizoramah pawh a tuk Dt. 14th April, 2013 Pathianniah Lunglei Rahsi Veng Moria-a Pu Lalhmangaihsanga leh Pi Lalhmingsangi te inah, amah hre chianga lo kawm tawhtu Upa R.Zaichhuanan thlamuanna thuchah sawiin, BCM-a kan hotu lian thenkhat leh mi thahnem tawk tak te nen a sunna hun kan hmang a. Pastor Chownglowk hi a va han vannei tak em! Lalpa mi thianghlimte hi chu an thihna pawh hi a lo ropui a nih hi.

RAL THU AM THEUH THEUH A RALTHU THUAM IN ANG L O TEH E INANG LO

Rev.B.Thangchina Zotlang, Lunglei.

Philistia mi chak Goliatha ralthuam hi a turu hle mai. Amah hi tawng ruk leh khap (feet 10) a sang a ni bawk a, a awmphaw rih lam chu dar sekel sangnga (80Kgs vel), a fei lu ringawt pawh thir sekel zaruk (10Kgs thelh) a rit an ni. Dar

May 2013

lukhum a khum a, dar ngalphaw a bun a, dar fei leh feite te a nei bawk a, chak hmel tiah tiah tak a ni. A beitu tur Israel tleirawl Davida erawh chuan a beram ven tiang, ipte leh lung mum panga leh virvawm (a beram venna ralthuam) mai a keng a. Inbei turah chuan an inkhing lo ber awm e. An han inhmachhawn a, an han inbei ta chu Goliatha a che hman der lo, hmanraw nei nep zawk Davidan awlsam takin a hneh a, a lu a lak/tan sak a, Philistia sipaite chu baklengin an tlanchhia a, Israel sipaite chuan an um a, Israel leh Juda sipaite chuan hnehna an chang ta a ni (I Samuela 17). Engvangnge chuti taka mihring leh ralthuam inthlau si Davidan hnenhna a chan theih tlat? A chhan chu Davidan ralthuam tha zawk a nei tlat a ni. Tirhkoh Pawla chuan, Keini inralthuamnate chu tisaa mi a ni si lo va, kulhpui nghet takte thiatna tura Pathian zarah thil ti thei tak a ni zawk (II Kor 10:4) a tih kha Davida hian a hmang a ni. Chu chu Pathian

thiltihtheihna- Pathian thu Chanchin Tha hi a ni (Rom 1:16; I Kor 1:18; Heb.4:12). Chuvangin Lal Davida chuan, Thenkhatin tawlailirte an ring a, thenkhatin sakawrte an ring. Keini erawh chuan Lalpa kan Pathian hming chu kan lam zawk ang, (Sam 20:7) kan tih tlat hi a va ngai em! Rev.Lalthanzauva-te nupa Thailand Akha hnam zinga an luh tirh lai khan Akha khaw daiah Ramhuai Gate nghet tak, uluk taka ven a lo awm zel thin a, luh pawh hmel hriat loh tan harsa tak a ni a. Mahse thahnemngai taka Chanchin Tha an hrilhna avangin tunah chuan Thailand rama Akha hnamte chu Kristian an lo ni ta vek a. Ramhuai Gate khawi khuaah mah a awm tawh lo, Biak In a ding ta zawk a, a va ropui em! Ringtute ralthuam chu, Pathian thu nung, ngunhnam leh rinna phaw, nitin kan nun min kaihruai tur leh ralthuam tha ber hmelma hneh nana Lalpan ringtute min pek a ni, i hmang tangkai ang u. Kum 1974 favang tawp

10

Missionary Tlangau

lam khan Archhuang khua atangin Phawngpui tlangdung paltlanga Sangau-a haw kan tum a. Archhuang khua atanga thlir a, Phawngpui tlang (Blur Mountain) dum dur mai kara khaw te takte lo lang chu Pangrang khua in sawm vel lek awmna a ni a. Chu khuaah chuan Pastor kan nih hma 1968 kumtir lam khan nilengin Assam Rifles sawm vel nen an Captain hovin kan tawm a, kan thlamuang lo hle mai bawk si a, rill ah chu a tam fu bawk si a, a ninawm hman khawp mai. Chutia Pangrang khaw te takte kan tawmsen rengna chhan chu Sorkar ngaih pawimawh tak mai MLA inthlanna Bualpui (Ng)-a buatsaih turin Sangau atangin zing dar hnihah Assam Rifles venna hnuaiah Pu Hmunhrea, Pu Ukmanga, Pu Sanglura Returning Officer leh Transport mi 5 vel nen kan chhuak a. Phawngpui tlangdung nuam tak kan chuan chhuak tantirh chuan khua a lo var a, thla a muang sawng sawng mai a, chhawkhlei par mawi tak tak leh far hmun nuam tak takte kan kal pel a, kan titi phei bawrh bawrh a, khawchhak

lam atangin ni eng mawi tak a lo chhuak a, tawng chen vela sang a ni tawh ang (6:007:00am) tihah chuan MNF Sipai (Mizo Army) ten min lo ambush ta chiam mai a. Sipai 3 an kaphlum a, sipai dang leh Civil mite zawng chu ngawpui hnuaiah kan pil ta vek a. Mizo sipaite an kian hnu chuan ambush-na hmunah chuan kan inhmukhawm leh a, tichuan Pangrang khuaah chuan ruang pathum nen chuan kan tawm nileng ta a ni. Tlai dar 4 velah chaw kan ei a, arsa kan hmeh bawk a, zing chaw tlai dar 4 vela ei chu a puar theih khawp mai. Chaw eikham felah chuan kan chhuak mai dawn emaw tih nak alaiin khawthim hle hnuah (8:00pm) kan chhuak ta a. Engmah sipaiin tih en an phal lo va, a thim em em mai a, kawng lah chu a te in a phihrit si, a awiin a umelh bawk si, Ka kalna kawng zim tak a ni, a sir pawh a lengkir hle, tih hla ang chiah hi a ni. Mitthi ruang pathum kan kalpui bawk si, thaw a ipik thlak hle mai, thim hrehawmzia leh thlaphan manganthlakzia a chiang hle. Chutianga darkar thum zet

May 2013

11

indap chunga kan vahthlak hnu chuan Archhuang khaw paho min hmuak tur an lo au ta a, lui dung an lo thleng hmasa a, mei an lo chhem hluah mai a, meichher an lo chhi bawk a, kan thlamuang sawng sawng mai. Mi thim hnuaia kalte chuan eng nasa tak an hmu ta, thihna hlim rama awmte chungah ngei chuan eng chu a lo eng ta. (Isaia 9:2) hi ka hre chhuak nghal a, Lal Isua Krista Khawvel entu ropuizia leh chhanchhuaktu ropui a nihzia min hriat chian lehzualtir hle a ni. Tichuan, meichher eng hnuaiah Archhuang chu zanlai velah kan thleng a, tui takin dapchhuat nuam takah kan mu ta a. Chumi hnu kum 7-na kum 1974 tawp lama Archhuang khuaa kan BCM Kohhran Upa Kapchina in atang chuan Bialtu Pastor pakhat ni vein lei sipai leh ralthuamin min venhim theih lohna hmun sipai 3 nunna leh sipai ralthuam leh civil thawmhnaw zawng zawng Ramhnuai sipaiin min laksakna Blue Mountain kal tlang turin SSB Officer pakhat

Harimath-a nen kan chhuak dawn a, ka ralthuam neih chhun Bible leh Hlabu ka ak a. Kan thlen in pa chuan, E, in kalna turah hian ramhnuai sipai an tam em mai, tiin ralthuam min siamsak a, puanthemin chi thirfian hnih vel a fun a, tuiah a hnim huh a, ka thianpa nen chuan min pe a, Ramhnuai sipaiin (vangvat) an rawn beih che u apiangin in ralthuam chifun hian in thai thla zel dawn nia, a ti a. Min tawngtaisak a, kawng chhuk tak, nal tak maiah chuan kan kal ta a, ruah a sur seng seng a, kan tlu leh zawt thin a. Pu Harimath-a chuan, Tlu mah ila ka tho leh ang, a ti a, kan nui kan nui mai a, kan hlim phian zawk a, kan ralthuam chu a lo tangkai hle mai a. Ramhnuai sipai ke-ah leh banah an lo kai apiangin kan hawlh thla zung zung mai a. Phawngpui tlangdung ramhnuai sipai tamna hmun kan thlen chuan ruahpui vanawnin min nuai ta a, ambush kan tawhna hmun laite chu kan han thleng a, ruahsur ri sung sung mai lo chu thawm dang hriat tur a awm

12

Missionary Tlangau

lo. Ruahpui tuk vak chuan ramhnuai sipaite pawh chu a titawm im a ni awm e, tum ang he hu pawhin min bei lo, kan hawlh thla zeuh zeuh chauh a ni, ti ila, Sangau kan thlen chuan pheikhawk chhungah ke kar velah pathum vel chu an lo puar hman a. Hlim takin chhungte nen kan inhmu a, Dina nun Pathian hnenah lawmthu a sawi a. Harimatha nen hian hun remchangah kan inkawm thin a, Ka pu, nang chu Pastor i ni a, theology train chhuak i ni a, Pathian thu lam i sawi hi ka awi zel ang, kei chu M.Sc ka ni a, science lam ka sawi chu i awi ve mai tur a ni, a ti a, ka hre reng thin. Kum 15 lai hnuah Serkawna Mission Bungalowa kan awm laiin Harimath-a chu Mizoramah a lo zin leh a, nupui nei tawhin fa pakhat nen Lunglei Circuit House-ah an thleng a, Serkawnah pawh an lo leng zawk a, Mizoram hmuh leh ka chak a, kan lo zin a ni, a ti a. Ralthuam tha ber Pathian thu Gospel silaimu hian a lo kapfuh ve a ni mai awm mang e aw! ka ti rum

rum a, inhmuh leh a chakawm viau mai. A ni tak e, lei ralthuam hi chu Goliatha hun lai atang khan a rinawmin a hautak a, tunlai ralthuam phei hi chu a ropuiin a man a to khawp a, Indo thlawhna pakhat ringawt pawh ram roreltute buaipui laih laih tham a ni. Kan Pathian ralthuam erawh chu a mawl thin hle mai- Beram ventiang, hlum bel, berampa ki, vir vawm leh anchhedawng Kraws. Mahse, Pathian hmanruate hi khawvel ralthuam ropuite aiin thil an tithei zawk-chu ralthuam Pathian thu chu hriat mai duh tawk lovin hmang ve rawh le. Pathian ralthuam Bible leh chifun ralthuam ka hman ve atangin BCM Mission Field hrang hranga Pathian ralthuam thiltih theihzia ka hmuhte hi a ropui a, sawisen rual a ni lo. Ralthuam tha ber Pathian thu, Thlarau ngunhnam hi Mission Field-ah leh kan awmna hmun apiangah hmanrawpui ber leh ralthuamah i neih tlat ang u. (Eph.6:10-20; Heb.4:12).

May 2013

13

VAIRAWKAIAH VANRAM LEI KAN DAWH

R. Laldinpuia Evan Teacher, BCM A hmasa berin chhiartu zawng zawngte, engkim ti thei kan Pathian nung hmingin chibai ka buk a che u. Aw le, Vanram Lei han tih em em chu kan ti mai thei, mahse ka ngaihdan chuan a ni tlat si a, thildang tehchiam ni lovin Pathian Biak buk thianghlim kan sak dan hi ziah ngei a ngai tlat a, duh ang erawh chuan ka ziak kim seng lovang tih chu ka hlau viau mai. Tin, ka duh aiin ka tlai deuh a, a chhan chu kan Lei dawh hi kan complete mai loh vang a ni. A hmasa in Vairawkai chanchin hi sawi phawt a tulin ka hria a, kum 1987 khan Upa Zokhuma (L) Rualalung hian tuna Vairawkai khua a Chakma ho thlawhhma rawn nei te a vei em em a. Pathianni a hman pui a, chanchin tha chi a theh tan a khua a din tir a, tichuan in engemawzat a din hnu ah Pathian thu a hrilh atangin Ringthar an lo awm a. Baptisma chang te an lo awm ta a, kum 1988 ah Kohhran a lo ding tan ta mai a, a lawmawm hle mai. Vairawkai awmna hmun hi Lunglei atanga khawthlang lam Chawngte kawng Km 86 vel a awm, Lungrang leh Rualalung inkar, Chawngte kawng atanga tlak lamah Km 2 vel a peng a, khaw nuam leh rem tak, Zo-boruak pawh chhim phak a ni a, a nuam khawp mai. Tunah tak hian In 38 thawktu In nen in sawmli (40) kan ni a, Chakma hlang khua a ni a, kum 2007 khan Presbyterian Synod Kohhran an lut ve a, tunah hian in 12 vel chu an ni ve. Kum 2011 Jan 5 ah kan lut a, Chakma khaw te ah si chuan khaw ru ra ve tak mai, zurui avanga zan reh pawh awm mang lo, Lal Isua hmel alan lohna tak khua a ni awm e. Kan thlen tirh Pathianni (Sunday) hmasa berah

14

Missionary Tlangau

inkhawm pawh mi 15 vel Kum 2011 Feb thla ah Naupang nen kan ni awm e. A chuan Biak In sa tha turin khawharthlak ang reng hle a ni. ngaihdan kan han siam fel a, Lo vah hnatlanga inhlawh kan Thlakhat emaw kan han han nei a, lung a rual kim thei awm a, kum hmasa lam a, rih lo, a zam awm duh hle mai. Biak In sak an lo ur leh an Mahse kan lam atang chu pamtul dan te kan hria a, tuna Lalpa a ni, tichungin kan be Biak in ding lai lah chu sak that ihram hram a, inhlawh na tam tul ngawih ngawih a ni tawh thei ang ber nei a, sum tuak si. Biak in sa tha tur a hma han phawt kan tum a, zing lak leh chu ka huphurh tawh tawngtainaah kan pung hret hle mai a. Kum 2009 ah hret bawk a, kum 2011 April Phairuangkai ah kum 4 lai urin thla tawpah Salvation campkan sa tha zo chauh a, kan ing kan nei a, heta sum senso hah ve em em a, luah pawh hi Lunglei Venglai BCM Misluah mumal hman lovin sion & Evangelism in Rs. Transferred in kan chhuahsan 10000/- (singkhat) min pe a, a, Biak in thar sa tur a hma tin BCM Zobawk Ebenezer han lak leh chu kan huphurh M&E ten Rs. 5000/tawh takmeuh a ni. (Sangnga) min pe bawk a, heng hi a thlawn lo Lalpan mal Pathian hnenah kan thlen a sawm a, a rah tak an lo a, kan rawn bawk a, Pathian chhuak a, tuna kan Kohhran in kan duhna min hriat sak a, kut leh ke rawngbawltu Lal Davidan a chak em em a tangkai tak te an lo ni ta Lalpa sak theih loh Pathian Biak Buk chu fakin awm rawh se. thianghlim, Vanram lei dawh chu Pathianin kan hna atan Tichuan Vanram lei dawh kan koah a nghat leh chu a ni zel tur in kan inpumkhat sauh si a. Kan in sitin kan huphurh a, kan lungrual chho deuh hle mai, mahse tih makmawh deuh bawk a, kan khaw bul kan koah a innghat mauh mai hnai a, Theikhawkham kung si a, kan theih ang tawk a lian tha deuh mai chu Biakin hma lak chu kan tum leh ta Ren atan kan awt a, kan V.C nge nge a ni.

May 2013

15

te (Rualalung) lehkha ziakin vitamin a ni in, chakna ata kan dil a, tawngkam chuan a chak leh zualna a ni e. theih turah ngai rawh u min ti Tichuan Bezalela tea wm a, kan ngaih a tha viau a, kan tawh lo mahse an aiawh tur, lawm hle. kan thiam loh Biak in sak dan Kum 2012 Feb a rawn her tur min ruahman sak tu atan, chhuah meuh chuan thing Pu R.Lalhmingliana leh Pu chu ngaihngamin kan han kit C.Vanlalhmachhuana Zobawk ta ngawt mai a, kan khawtlang Ebenezer ami ten estimate a Presbyterian Kohhran te ha min siam sak a, an hun chep a hawlh ta deuh a, Rualalung tak karah min buaipui vek a, YMA ah min lo report a, YMA aman pawh chawi miah lovin, President in Forest R.O. ah phur takin min peihfel sak a, min lo thlen a, Summon kan kan va lawm tak em. han hmu leh rih, R.O in stay Phairuangkai Bethel Biak order min pe bawk, hui ha..ava pik sawt em! R.O kan In pawh hi an ni pahnih in eszu hmu kan hawng lam chu timate min siam sak ani bawk kan accident a. Ka ke ka ti a. A mawi kan ti a, Chakma kang duai mai bawk a, thlakhat Biak in sak tum chuan an chhung chu ka sil ti tih leh mitthla hmasa ve zel zawng nghal. Kohhran hnatlang pawh a ni. Kan tan chuan Solomona ka ho thei lo, thaw a pik duh hun laia In sa thiam Bezalela hle. Mahse Lalpa kan lamah te aiawhtu kha an ni e. a atanga, Kohhran nu leh pa Biak In Ren tur kan han ten bang lovin min tawngtaipui a, kan dawl maithei lo, ka thla zai a, Naupang nen, pitar putar a muang tlat. Kan theih ang thlengin kan bang lo, Biak In tawk in hma kan la daih tur zai chhuah ve ngei chhunzawm zel a, kan kan tum a. Cubic 160 chuang beidawng mai lo, kan tang Frame turn en kan zai a, kan zual sauh sauh a ni. Kohhran hnatlang hian mi 10 aiin kan te u, min tawngtaipuina hi a tlem ngai lova, vawi 60 chuang thlawn lo, kan tan chaw tha kan hnatlang a, pawisa lamah

16

Missionary Tlangau

erawh chuan kan ngah rih lo hle mahse engkim ti thei tu kan Pathian chuan min thlahthlam lo hle mai, kan rilru pawh a, kan tin ngam loh a chung ceiling leh a chhuat cement a zut thlengin kan inruahman thei ta hial mai Lalpa thatzia hi chu aw! Kan tawngtaina tlawm tak chhan nan a Lalpa hmanrua te chu heng a hnuaia mite hi an ni a, tarlan awm tak, tarlan hmaih ka neih chuan ngaihdam ka dil nghal e. 1. Bazar Bial M&E Lunglei Rs 5000 (sangnga) 2. BCM Ebenezer, Zobawk Rs.20000 (singhnih) 3. Zobawk Bial M&E Rs. 4000 (sangli) 4. Lunglei Bazar Bial BKHP Rs.10000 (singkhat) 5. BCM Hqrs. Relief to Churches-Rs.20000 (singhnih) 6. BCM Chanmari Vengthlang Rs.30000 (singthum) 7. BCM Ariel South Vanlaiphai Rs.1000 (sangkhat) 8. Upa Ch.Romawia, South Vanlaiphai Rs. 2000 (sanghnih) 9. Upper Republic Bial BKHP Rs. 8320

Total Rs. 100320 (Nuaikhat zathum sawmhnih) Helai Vairawkaia, vanram lei dawh nana kohhran nu leh pa te hmanga Lalpan hma min laksak hi kan lawm em em a, kan Director in min ngaihven pui em em a, kan lawm takmeuh meuh a ni. Tichuan Date 58.11.2012 chhung khan New Lungrang Kohhran atangin mi 11 in kan Quarter min rawn extend sak a, hei hi a pawimawh takmeuh a, a chhan chu kan Quarter hi a te si a, Biak in sa tur work-camp dawl nan chuan a te lulai deuha kan inruahman lawkna a ni a, kan lawm tak meuh meuh a ni. Dt.14.11.12 khan Zobawk Venglai BCM Kohhran ten an Pulpit hlui min rochun tir a, kan va lawm tak em, kan tan chuan a thar ang mai a ni a, BCM Venglai Zobawk Kohhrante hnenah Pathian hmingin lawmthu kan sawi mawlh mawlh e. Dt.19.11.12 khan Zobawk Bial BMP ten Vanram leihlawn dawh tan turin an rawn kal

May 2013

17

mep mep mai a, an lo thlen hma hian Dar 10-ah kan Chakma Mission Director leh Chawngte lama Upa pali vel nen kan Biak in Lungphum chu Kohhran hote nen urhsun takin min phum sak a, kan lawm hle. Tlai dar 6 velah Zobawk Biak BMP te lo thlen hmain ruah a rawn thleng leh rih a, thli a tel deuh bawk a, kan buai hle. Rualalung ah an tlang a, motor nen khua a rawn luh chi a ni si lo, mi 18 an lo kal a zan dar 7-ah ke in Rualalung a an innghahna Pu Thanmawiate in atangin kan va hruai leh a, an khawngaihthlak hle mai. A tukah kan rel a, kan han thawk tak tak mai chu kan hlimin kan phur tlang a a va nuam tak em. Hei mai hi a la ni lo kan dinhmun hria in Zobawk a Kohhran hrang hrang atangin second hand bag 30 dawn lai sem atan an lo keng bawk a ava lawmawm tak em. Kan thawh thiam loh leh theih loh thahnem ngai taka min thawh sak mai ni loin kan silh leh fen tur Lalpa Kohhrante hnen atangin min

rawn ken sak teuh mai bawk a kan va hlim hlawm tak em. Malsawmna thuah hnih an ni ringawt mai e. Dt.24.11.12 ah min hawsan a, an han tlan liam chu kan naute thenkhat chu an tap zawih zawih mai a, a khawhar thlak hle. An hmabak chhunzawm tur hi tu te nge ni ang? tih kan ngaihtuah laiin Lalpan Chawngte P Shaloam Kohhran atangin Mistiri deuh thiau 8 lai mai Dt.7.11.12 ah zing chaw rawn eiin a rawn tir thleng leh tar up mai, kan va lawm tak em rim tak leh hlim tak siin thahnemngai em em in an thawk leh char char, Dt.30.11.12 Friday zanah min hawsan leh ta a, kan Vanram leihlawn dawh pawh a pum deuh pual ta mai a, ava mawi tawh tak em, min ti hlim a, kan lawm a, kan thla a muang hle bawk. Tichuan, kan Lalpa kum 2012 Krismas hman hman kan duh si, tunge min rawn complete sak ang aw? ti a kan ngaihtuah laiin Theiriat Gilgal Kohhran an rawn che ve leh ta, mi 8 an rawn kal a, an hotu pa Upa Vanlallawma phei chu kum 78 lai a ni tawh a, thil a

18

Missionary Tlangau

a, kan chhuang viau mai. Heng zawng zawng hi Lalpa tih a ni, kan lawm tak meuh meuh a, tichuan kan Vanram lei dawh (BIAK IN SAK) chu thlakhat chhung lekin a hungna leh Gate thlengin a Kohhrante hmangin Lalpan min tih zawh sak vek a, kan lawmna hi a va thukin a va Current a awm loh sang em, Lalpa chu fakin awm avangin Tukverh Frame kan rawh se. order an siam peih kim hman loh avangin kan vuah kim Kan Biak In sak hi 38ft a hman ta lova, a chhuat leh dung lamah a ni a, avang 16ft skirting erawh chu vai Mistiri a ni. A skirting chin Brick rem, min rawih sak a, mawi takin a ban Cement a chhun, a kan zo thei a, an hmabak chung rangva a ni a, a mawi pawh hlawhfa a tih turin kan ti ve hle mai. Kan Biak In pawisa an dah a, chumai a la sak lai hian kan mamawh em ni lo, Sanapui Wall Clock leina em Khuangte Ebenezer BMP atan Rs. 500 an dah a, kan lei Zobawk ten min pe bawk a, tawh a, Pulpit chungah kan tar kan lawm takmeuh a ni. duh ulukin a taima em em bawk a, midang pawh an theih tawkah chuan an taima hle mai. A hungna thlengin min hung pui a, chubakah kan quarter Tap leh Tui khawihna Rapchung leh kaiten min siam that sak a, kan lawm takmeuh meuh a ni.

HRUITEZAWL WORK CAMP REPORT

Rohimliana Secretary TKP Lawngtlai North Pastor Bial

Thuhma: TKP Lawngtlai North Pastor Bial rorel Oct 2012 a neih chuan Work Camp neih chu lungrual takin ban dinglam phar ngeiin kan han titlu ta a. Executive Committee Meeting chuan a hmun atan Hruitezawl chu thlengin ni 4th -9th March, 2013 a ruat fel a. Unit tin atanga kal tur zatte bituk siamin Bial

May 2013

19

O.B 6 bakah Unit panga kan awm a, unit tin atangin 6 theuh ni se tiin hmeichhia leh mipa kal dan turte bithliah siam fel a ni a, a kal tur zat chu kan vaiin 36 kan ni ta. A kal turte kan hanin report sang sang a, kan dan hnaiah chuan Sorkar hnalam avangte leh chhungkaw rokhawlhnate a lo awm ve bawk a, Pathianin mi 30 (Isua man zat chiah) min han thlang chhuak ta a ni (Bial OB 5 leh Unit atangin 25). Hruitezawl lam tluang: Zing dar 6:00am ah Electric veng Biak inah kan han in nghakkhawm sang sang a, kan Bialtu Pastor leh Sr.Adviser te an lo lang bawk a, Rev.Lalhmunsanga Bialtu Pastor chuan tawngtainain min thlah a. Sumo 3 leh Gypsy 1 nen kan liam thla ta. TKP Diltlang Unit a Zeptha Group chuan tukthuan min lo siam sak a, kan va han lawm tak em!! Puar takin kan ei a, Hruitezawl lam pan chuan kan chhuak leh ta a. Bungtlang South thleng chuan Metal Road bumboh takah kan tlan a, Bungtlang pelh chiah 4Km vel atangin kan han peng a,

chuta chin chu Vut khu-in min bawh tan a. Doctor ho ina hmai an tuamna chu kan keng a, kan han invuah far hlawm a. Mahse a khuk dan chu hmaituamna kan invuah chung pawh khan kan hnar hmulah vaivut khu a la ber tuar thei tho mai. Hlim tak leh tluang takin Hruitezawl chu tlai lam dar 2:45Pm ah kan thleng ta. A ni khatna chu (4/3/2013): Hruitezawl kan thleng chiah a, BCM Compound kan lut a, a hmun a lo nuamin a lo zau khawp mai a. Missionary Upa L.Dinsanga leh a nupui Pi Jenny te bakah kohhran hruaituten min lo hmuak bawk a, lawmthu sawina tawngtai kan Missionary-in a han nei a, introduction te kan han tih zawh hnu chuan TKP Hruitezawl Unit chuan thingpui tui tak leh chhang ban hlawm kut tum tiat min han pe chu riltam a dawm sawng sawng a, puar pawh a rei duh khawp mai. Eirawngbawl ngai lovin kan missionary te leh kohhran hruaituten Kel min lo talh sak vek a, min lo bawl sak vek bawk a, kan va lawm tak em!!

20

Missionary Tlangau

Work Camp thlarauah kan cheng nghal a, zin chauh pawh sawi lovin darker 1 vel kan han hahchawlh hnu chuan a sak dan tur kan han sawi ho a, School awmsa chu zawma, Office sak zawm tura ruahman a ni a, mahse school building awmsa hi a lo awn deuh bur mai a (80 degree velin). Sak zawm chiah kan missionary te leh kohhran hruaitute nen chuan kan ngai lo va (School building sak that hi dil a ni a, mahse sum indaih lohna avangin extend nan Rs.50000/- pek an ni), building hran sa turin thutlukna kan siam ho ta a. A hmun tur lai zawl nghalin, ban khurte kan lai nghal a, thenkhatin a ban tur an lo siam mawlh mawlh bawk a. (Hruitezawlah hian current a awm loh avangin Kohhran hoten Generator an neih chu kan hmang tangkai hle) zan dar 6:00pm ah Kel min lo talh sak chu puar takin kan ei a, zan lamah pawh eng hnuaiah kan thawk leh thei. Zan lamah chuan Chartin kan nawt char char a, mistiri ten chokut leh inchhun te an lo siam char char bawk a, zan dar 10:00pm ah chuan kan

han duh tawk ta phawt a, School-ah hahdam takin kan han mu chu, kan chau tlang ani ang, kan thaw ri a in ang lo nasa khawp mai, a then a ri thum chi te, a ri sin leh a ri fiak hrak hrak chi te (kan thianpa pakhat chuan woofer a vuah hial emaw te an ti) kan awm nuk mai. A ni hnihna chu (5/3/2013): Kan chau tlang bawk a, zing tho thei kan awm lo ang chu tih laiin zing dar 6:15am a ka han harh chu School chhuat zau tak maiah chuan keimah chauh chuan ka lo let ve ngal mai a, ka han tho chhuak chu hna an lo tan leh sap sap tawh, thla ava han muang tak em!! Zing karah a ban phunte, chokut leh inchhunte kan vuah a, chartin nawt pawl lah bo lo, kan nula te lah Hruitezawl BKHP te ho nen Tuipui bulah Balu an zu phur bawk, zing chaw dar 10:00am ah kan ei a. Tukthuan ei kham atangin hna tan lehnghal a ni a, ava lumen a va han sa tak em!! (Hruitezawl boruak hi amak khawp mai, chhungah chuan Guwahati ang, zanah chuan Shillong boruak ang mai a ni).

May 2013

21

Vawiin chu a bik takin kan mistiri te an hah lehzual bik, thiam nei lo chu an tirhkah kan ni ringawt mai. Nilengin inching tur siamin lei si lo, van si lovin an awm nilleng thak. Zan lam chu kan hahtlang bawk a, chawlh kan puang a, han awm awl ringawt ai chuan tiin OB 5 te chu member 4 in min zui a, Tuipuiah chawhmeh tur Kaikuang kap turin kan chhuak ta a, kan va hlim tak em! Engmah kap thei lo mah ila, lui dunga kan awm aiin kham kara kan lawn a zing zawk. Kan han haw chho chu kan nula ten min lo hmuakin tuilum inbualna tur min lo siam sak dap mai a, an va fel em!! Chawhtawlh lian tawk tak an han chhawp chhuahah chuan kan thil man kaikuang leh sangha chu kan han bun a, rin aiin a lo tlem deuh a ni ang, nui lo reng hi an awm lo. Hah leh vun thak leh hlimna chiah kan hawn. A ni thumna (6/3/2013): Zing dar 6:am ah hna kan tan leh a, a bang kan ping zo a, kawngkharpui leh tukverh te siam tanin a chung kan chih

zo bawk. Dar 11:00am ah tukthuan kan ei a, ni a sat em avangin chhun nisat vang lai chu chawlhah puan a ni a, a lum lutuk mu thei bawk si lo chu kan Asst.Secy Pu Michaela nen dar 1:30pm atangin a chhuat tih rualna tur lei kan han lai a, midang puitu hmel reng an lang thei lo. Nimin lamah kha chuan ka tactic play kha a fuh viau a (Tlangval ho tir duh miah lovin chartin put hunah Nula ka han sawm zaih a, kan han inzawn an han hmu chiah mai chu, koh ngai lovin tlangval 5 an lo chhuak thawt nghal), han play leh ka tum lahin kan nula te chu ni a sat em avangin an la mu bawrh bawrh bawk si. Tichuan tlai dar 3:00Pm atang chuan min lo zawm tan vein, a chhuat chu kan t i mam tan a, kawngkharpui vuahin, tukverh kan vuah zo bawk a, zan dar 10:30pm thleng a chhuat cement-in kan chhung bawk a, kan hnathawh tura ruahman chu kan zo fel a, mut zai kan rel ta a. Kan mut hlanin President Pu Muanvela leh Treasurer Pu Mawitea, Fin.Secy Pu Hmingthana leh Pu Ramnghaka (Tea) ten kan

22

Missionary Tlangau

chhuat chhun man lo laite timamin zing dar 2:00am kan hriat miah lovin an lo thleng der a ni awm e (an in sawi danin). A ni lina chu (7/3/2013): Kan hnathawh tur kan zawh fel tawh avangin hemi ni hi kan haw hun tura ruahman a ni a. Amaherawhchu kohhran hoten Biak in thutphah nghenchhan nei min siam sak ve ru an tih avangin zinga chhuak lovin zing kar atang chuan kan han siam tan leh a. Hemi ni hian kan electric randa ava han chhe ngun tak em!! Pali kan keng a, pakhat phei chu Satel kawr ang chiah a ni, a chhung a ruak vek, a part kha a dangah kan sawn chhuak vek..Randa a chhiat loh leh generator a chhia, a chhe zing lutuk siam tha hlei thei tawh lo chu Kohhran hruaitute leh kan missionary pawh a beidawng tawh, tawk tawh mai rawh se, an ti, kan President tawngkam chuan min tiharh zawk mai, Vawiin chu setanan min hneh zawk tlat a ni a han ti chu, kan khawl tan hian ka lo tawngtai miah lova, ka awm hnunah chuan

ka tawngtai nghal a, Lalpa kan hna thawh mek hi kan zawh theih nan kan khawl hi min siam that sak rawh kan ti nghal tawp mai a. Dar 11:00am ah tukthuan kan ei a, chaw ei kham atang chuan kan khawl chuan chhiat hun reng nei tawh lovin kan hmang char char thei tawh a ni. Lalpa hi ava han tha tak em!! Tlai dar 2:00pm a rik meuh chuan Thutthleng 10 chu kan bonus thei ta. Kohhran te pawh an hlim keini pawh kan hlim. Sawi hmaih theih miah loh; kan haw ni tukah hian kan Missionary Upa L.Dinsanga chuan chaw hmeh tui tak Jakoba Kelsa aia tui chu min lo chhawp sak leh ta, Isaka pawh kha la damin han ei ve se, Upa L.Dinsanga te chhungkua hi mal ava han sawm nasa dawn em!! A in pekna a ropuiin, a ke na chung chungin min va han pui nasa in, min va han buaipui nasa em!! Kan lawm tak meuh meuh a ni. Kan han insiam sang sang a, Upa L.Dinsanga kan Missionary chuan lawmthu sawina leh tawngtainate neiin tlai lam dar 3:00pm ah chuan

May 2013

23

Lawngtlai lam panin kan haw hman lo deuh a, rei lote kan leh ta a ni. han nghah hnu chuan zanriah kan ei a, puar takin Lawngtlai Lawngtlai lam panin: A kal lam kan pan leh thei ta. kawng khuk dan chu sawi ngai tawh lo, kal lam ang tho Lawngtlai chu dar kha a ni. Hruitezawlah Net- 10:30pm ah kan thleng a, work a awm loh avangin Electric veng Biak Inah Elechmun dang nen kan in be thei tric veng unit te chauh min lo lova, WLL lah hemi ni kher hmuak tura ruahmanna siam hian a lo chhe bawk si. Kan kha a ni a, Unit hrang hrang hriat miah lovin zing kara atangin hmuaktu hmel kan chhuak turah ngaiin han hmu kha chu a va nuamin Bungtlang South TKP ten hah ava dam em!! ..Thingpui chhunah Thingpui nen min lo leh chhang tui tak kan in hmuak tih thawmte zawhin Pu R.Lalmawizuala Bungtlang South kan han Secy Elect.Veng Unit in thleng chho chu kan han hria lawmthu sawi tawngtaina a a, kan va lawm tak em!! nei a, inthlahlel takin mahni in Mahse kan chhuah tlai em lam theuh kan pan ta a ni. avangin kan in nang thei ta lo erawh pawi kan ti hle. Chaw Hruitezawl chanchin eina hmun tur Diltlang lam tlangpui: Hruitezawlah hian in phone thei si lo, Lawngtlai 72 a awm a, Kohhran hrang lam engtin tin emaw kan hrang BCM- In 33, EFCI- In 22 phone tlang thei hlauh mai, (School an nei), LIKBK- In 17 Diltlang lam min lo biak saka, an awm a. BCM Member zat Hotel ah chaw min lo order hi 170 an ni a. School thawktu sak turin kan chah tawp mai Missionary 3 an awm a, a. Diltlang kan han thleng a, School naupang 48 neiin Kg Nl.Rochanmawii chuan Hotel I-Class IV thleng an nei. min lo biak sak hlauh mai a, Kohhran hi tunah hian Upa 5 kan va lawm tak em!! Chaw leh Rawngbawltu 5 in chu an lo chhum zo hman a, enkawlin, BKHP, TKP, KNP an chaw hmeh an la siam zo awm bawk.

24

Missionary Tlangau

Pathian hnenah lawmthu kan sawi a, sum leh pai thawk chhuak a, tawngtainaa min hre rengtu TKP Lawngtlai North Pastor Bial member zawng zawngte hnenah lawmthu ka sawi mawlh mawlh a ni. Engkimah Heng zawng zawng Lalpa ropui ber rawh se. thawk theia min siamtu Ka lawm e. Hruitezawl hi Bungtlang South Pastor Bial chhunga awm a ni a, an bial chhunga Kohhrante hian vawi 2/3 vel work camp an nei ve tawh a. Bial pawn atanga work camp hmasa ber kan ni a, kan lawm hle.

LAWMTHU SAWINA
PC Lalzabiaka, Evan. Teacher, Tuikawi, Chakma Mission

Kan Nu (ka nupui) C. Lalngeni Dt. 25.02.2013 a Civil Hospital, Lungleia zai anih chungchangah mimal, chhungkua leh kohhran min tawngtaisaka sum leh pai, tha leh zung senga min tanpuitu zawng zawngte hnenah a mal malin lawmthu sawi duh mah ila ka sawi seng lo va. Hei hi ka lawmthu sawinaah min lo pawmsak turin ka ngen a che u. A enkawltu Doctor leh Nurse te chungah pawh Pathian hmingin lawmthu ka sawi a ni. Lal Isuan, Heng ka mi te ber chunga in tih hi ka chunga ti in ni, a ti a. Kan dam loh leh mamawh lai taka kan chungah khawngaihna in lantir kha Lal Isua chunga ti in ni tih ka hrilh duh che u a ni. Lalpan a let tam takin in chungah malsawmna vur theuh che u rawh se, tih hi kan tawngtai hla a ni.

May 2013

25

HUI ZINGA RAWNGBAWLNA CHANCHIN THAR

Rema leh Beii, Chaina

Nikum 2012 atanga Australia leh Mizoramah thla li vel chhung ve ve deputation programme kan hman hnuin February ni 23,2013 khan Pathianin a rawngbawl tura min kohna hmun Chaina rama Hui hnam zingah min hruai thleng leh a, kan lawm hle a ni. Pathian koh nawnna: Kan kir leh dawn hian visa kan beisei aia rei leh kualin buaipui a ngai a. Chaina-a kan thawhna University leh province atanga sawmna lehkha pawimawh tak mai chuan kawng a bo tlat mai a. A ngaihna hre lova kan nghah reng laiin Pathian hnenah zawhna kan zawt a. A ni pawhin, He rama kal leh tur hian ka kohna chhangin in inpe tak tak em? tiin min zawt nawn leh niin kan hria a. Mahni duhna leh chakna ringawt chu nise kan kal tawh kher lovang a, duh ringawt mah ila kan kal thei kher tawh lovang. Pathian kan zawh letna ve pawh, Lalpa he ramah hian kal leh turin min duh tak zet em? Min duh tak zet a, min ko takzet a nih chuan kawng inkhar hi min hawn sak la. Nangmah ngeiin min kal puiin mal min sawm rawh, tiin kan au a ni. Pathianin a hun takah kawng min hawn sak leh a, visa pawh kan hmu leh ta mai. Kan thawhna university ngaiah kan let leh a. Nitin class lak leh thil dang tul vangin kan buai ve mawp mawp hle. Pathian khawngaihna avangin kan University hotute pawhin min lo dawngsawng tha hle a. A rammi kan hmelhriat sa leh helaia ram dangmi rawngbawltu awm ve hote pawh kan kir leh avangin an lo lawm ve hlawm hlein kan hria a ni. Keini pawhin nuam kan tiin mahni khua a haw ang niin kan inhria a. Kan team member te an lo dam tlang a, tlemin kan pung ve ta deuh a, tunah hian mi pasarih kan awm mek a, thla tawpah mi pahnih an lo kal thar dawn bawk a ni. Rawngbawl dan tlangpui: Kan awmna ram sawrkar hian

26

Missionary Tlangau

University-a thawk turin min sawm a. Kan luhna tur visa te min buaipuiin, kan chenna tur in te min buatsaih sak a. Hei hi a ram chhunga sawrkar hriatpuia kan awm theihna a ni a. Miten min hriat dan ber pawh (foreign teacher) ramdangmi zirtirtu tih a ni a. Sawrkar atang pawhin enkawlna leh duhsakna tha tak kan dawng a ni. Kan team (field) ah hian zirtirtu chhungkaw pathum kan awm mek a. Chinese tawng zirlai pahnih an awm mek bawk a, an zinga pakhat hian kan rawngbawlna zau zawkna turin Vocational Training Centre din tur leh sawrkara in register turin hma a la pah mek bawk a ni.

theihna tur kawngte zawngin kan theih ang angin class pawn lamah hun kan hman pui a. A changin kan office lamah duh duh sawina hun (freetalk) te neih puiin hetiang hunah hian Pathian thu te pawh kan sawi thei fo thin a ni. Tin, team enkawl hi a hautakin, administrative work khawih tur neuh neuh a tam thin hle bawk. Finna, dawhtheihna, lungrualna kan neih a tul thin hle. Tawng leh Hnam Nun zir chian zelna: Kan field-a thawktu te hian kan thawhna hnam te tawng leh hnam nun a theih ang angin kan zir chho zel bawk a. Beii pawh tunah hian Hui hnam tawng zirtirtu tur a zawng mek a. Kan hmuh veleh tawng zirna a chhunzawm leh char char dawn a ni. Hui hnam maktaduai 12 zingah kohhran pakhat mah a la din loh avang hian Pathian hruainaa an zingah a ram a lo din ngei theihna turin min tawngtai pui a, bang lova min thawhpui turin kan sawm che u a ni.

University-ah hian zirtirna hna kan thawk mawlh mawlh a. Hemi pah hian kan zirlai zingah Hui hnam ho te chu Pathian thu hrilh kan tum bik te niin anmahni nena inpawhna, inthianna leh inkawmna tha zawk neih theihna turin midang hriat em em si lohvin theihtawpin hma kan la a. Zirlaite Saptawng zirna leh an hma lam huna Vocational Training Centre: hna tha zawk an hmuh Hei hi kan buaipuina a rei ve

May 2013

27

ta angreng viau mai. A rammi ten kawng hrang hranga thiamna an puak chhuah a, eizawnna tluan tling an neih theihna tura training centre hawn kan tum a ni ber a. Sum leh pai tam tak kan mamawh te chu Pathianin min pe zel a. Tin, training centre register tur hian a rammi ngei hming hman a ngai a. Hemi atan hian Xian atanga ringtu thian kan neih chu kan sawm a, a lo remchang hlauh mai a. Tunah hian he centre hi register turin hma kan la mek zel a, kawng awlsam erawh a ni lo. He centre hi a lo ding thei a, a lo hlawhtling anih chuan rawngbawltu tam zawk kan luh belh theih kan inbeisei a. Tin, Hui hnam hote mamawh education leh vocational training te pein an hnenah Chanchin Tha hrilhna kawng zau zawk a inhawn theih beiseiin Pathian rawn chungin ruahmanna kan siam a, hma kan la chho mek zel a. In mi tawngtaipui zelna kan mamawh hle a ni. Kan thiante: Kan thlen hlimah a rammi kan thiante pawh kan han inbe pawp leh a. Xiao Hua Xiao Wang-i te Pathian thu

kan hrilh tawh leh Lehkhabu Thianghlim kan pek tawh te pawh an lo dam tha a, a remchan veleh an khuaa zin tur tein min sawm ve a. Xiao Wang-i hian kan awm loh hlanin pasal te a lo nei tawh a. Pathianin rem a tih chuan anmahni tlawh hian zin ngei kan duh a. Mahse, sawrkar hriatpui lohva mahni thua thingtlanga zin ngawtte hi kan tan a remchang ta thin lova. June thla hian Australia atangin mi 8-in min lo tlawh dawn a. Hei hi remchangah lain kan thiante thawhna sikul tlawhna programme sawrkar hriatpuiin siam ila tiin ruahmanna kan nei mek. A hlawhtlin ngei theihnan min lo dil pui teh u. John Piper-a chuan, Kohhran hna pui ber leh dinchhan ber chu mission a ni lo. Pathian chibai bukna hi a ni zawk. Pathian chibai bukna a awm loh avangin Mission hi a tul ta chauh zawk a ni, a ti a. Hui hnam hovin Pathian awm chhun pakhat chauh chu an lo hriat a, chibai an lo buk ve ngei theihna turin beidawng hauh lovin tawngtaina nen i thawk ho zel ang u.

28

Missionary Tlangau

BCM MISSION CHANCHIN THAR

Mission Promoter

1. Missionary chhuak tharte : April 28, 2013 Pathiannia BCM Biak in, Kikawna tirh chhuah Missionary te (Contract Evangelist Teachers) chanchin lo tarlang ila, an rawngbawlna atan i tawngtaisak ang u : (i) Pu F. Lalthangmawia, B.A Upa F. Lalrinawma (L), BCM Shalom, Lunglawn fapa a ni a. Nupui neiin fapa pakhat an nei tawh. 2003 khan Ambassador for Christ Team Camp buatsaihah a piangthar a. Kohhrana inhmang tak KNP hruaitu, Zaipawla member tangkai tak a ni. Zote South kohhran English Medium School-ah kum 4 lai Principal a ni a, kohhran Zaipawl Conductor a ni. Zirtirnaa tui leh thahnemngai tak a ni a, Missionary-a a kalsan tur hi an ui hle. 2012 khan Pathian aw hre turin Biak inah a tawngtai tlaivar a. Zing dar 2 velah Johana 15:16 thu hmang hian Pathianin a hnenah thu a sawi ta a. Remchang hmasa berah Missionary hna dil a tum ta a ni. A Nu leh a unaute chuan sorkar hna tha deuh dil sela an tih laiin, Pathian kohna chhangin Missionary hna a rawn dil a, lak a ni a, Nazareth Comp. H/S, Vathuampuiah a thawk ta a ni. (ii) Nl. Vanlalzami Pachuau, B.A - Pu P.C. Lalchamreia fanu, BCM Elim, Bungtlang S ami Zami hi a naupan tet lai atanga piangthar a ni a. A pan a naupan lai atangin Missionary Tlangau a chhiarsak thin. A nih tum ber chu Missionary emaw, Pastor nupui emaw a ni. Tum khat chu Mission Promoter Upa R. Zaichhuana kha lehkha thawnin Missionary nih a chak thu a hrilh a, ani chuan, I la naupang a, lehkha zir rih rawh tiin a lo chhang a. B.A a pass hnuin Computer a zir a. Aizawla BCM Shalom-ah a lawi thin. Orissa-a New Life Ministry te nen an inbe pawp a, thawk turin an sawm a. Mahse a chhungten BCM-a dil

May 2013

29

zawk turin an ti a. Tum hnih lak anih loh hnuin Putlungasih Comp. H/S-ah volunteer E.Tin a thawk a. Tunah hian a vawi 3 (thum) dilnaah lak a ni a, Nazareth Comp. H/S. Vathuampuiah a thawk ta a ni. (iii) Nl. Marilyn C. Lalthanzuali, XII Pu C. Lalbiakthanga, LADC-a M.D.C lo ni tawh thin fanu a ni a. Aizawlah lehkha zirin Hostelah a awm thin. An Madam-in Pathian thu a hrilh thin a, Class X a zir laiin Lal Isua hnenah a nun a hlan ta a ni. A thinlung khawihtu Bible chang chu Galatia 2:20 thu hi a ni. Pawl XII a pass hnuin Nazareth Comp. H/S, Vathuampuiah volunteer E.T tura sawm a ni a, a thawk ta a. Jan. 2011 sikul chawlh lai khan Vaseitlanga Tv. Vanlalliana martar-na (24.12.1968) hmunah an kal a, a thlanah a in hlan thar a. Hemi atang hian Missionary hna dil a duh a. Mahse a pan lehkha zir zel turin a duh a, a phal lo va. Tunah hian I.G.N.O.U-ah B.A a zir mek. A thinlungah a nung tlat si a, tun tum hian Missionary atan lak a ni a, Mautlang P/S-ah E.T hna a thawk ta a ni.

(iv) Nl. R. Lalruatsangi, XII BCM Chanmari, Hnahthial a lawi Pu R. Lalthantluanga fanu, KNP anih laia piangthar a ni. Thlarau lama intuaithar nan Camp-ah chuan a lut ve. Pathianin a tawngtaina a chhang thin. Class XII a zir laiin Pathian hnenah a inpe a, 2009 atang khan remchang hmasa bera Missionary hna dil a tum. KNP leh Bial Zaipawlah a in hmang thin. Pathianin a thinlunga thu a sawina Bible chang chu Habakuka 3:3 Rei deuh mahse, nghak rawh. tih hi a ni. 2011 June thlatira an Bial Hnahthial S Mission Convention, BCM Biak in, Lunglenga neihah Missionary turin a inpe a. Bial tirhin Tiprah Academy, Tripuraah te, Samuksuri, Chakma Mission-ah te volunteer E.T hna a thawk a. Tunah hian BCM Missionary atan lak a ni a, Mautlang P/S-ah a thawk ta a ni. 2. Chakma Baptist Church (C.B.C) : May 5, 2013 Pathianni khan Chawngte C Kamalanagar-ah Chakma Baptist Church chu, BCM Assembly vawi 117-na BCM

30

Missionary Tlangau

Biak in, Lunglawna March 6 10, 2013 a neihin a lo remtih tawh angin, Rev. H. Lianngaia, General Secretary, BCM chuan a hawng ta. BCM hian 1939 khan Chakma hnam zingah hian thawktu a tir tan a. Nasa zawka hma a lak chu 1990 hnu lamah khan a ni. Tunah hian Mizorama Chakma nuai khat dawn lai zinga za zela 5 - 5,000 (sangnga) vel chauh Kristian an ni a, a dang zawng chu Buddhist sakhaw bia an la ni. CBC lo ding ta hian Chakmaho ngaihdan Kristianna hi Mizo sakhua a ni tih chu a thiat ngei rin a ni. Hruaitu buatsaih hna pawh chak taka kalpui mek a ni a. BCM Missionary-te leh Chakma Mission-a Mission Workers chu a ngaiin an la bung chhunzawm zel dawn a ni. Chakma Mission hi a zauvin a hautak hle a. Chakma Kristiante zingah Thlarau Thianghlimin hna a thawk a, 2010 atang khan kum tin ringthar zanga chuang kan nei ta a, 2012 khan 564 kan nei a; 2013 chhung hian za chuang an tling leh tawh a ni. Pathian hnenah lawmthu i sawi ang u.

CBC hi thlarau lama kohhran chak leh nung tak, an hnampuite hnena huai taka Chanchin Tha hril a, Pathian ram tizautu anih theih nan, thahnemngai takin i tawngtaisak thin ang u. 3. Field Director tharten hna tan : BCM Mission chuan Regional Director leh Field Directror thar ruatin hma thar a la tan ta. Rev. Joseph Vanlalruata chu Guwahati Baptist House-ah awmin, Regional Director a ni ta a. Assam-a Muslim leh Hindu sakhaw biate zingah Chanchin Tha an hril mek a ni. Rev. T. Lalsangvunga chu MP & MS Field Director-in Dharni-ah a awm ta a. Khawlum tuar chungin Korku hnam zingah Hostel leh Evangelism hmangin rawng an bawl. Chhelna leh Thlarau thiltihtheihna i dilsak ang u. Rev. B. Zirsangliana chu Bengal Field Director a ni ta a, Siliguri-a awm tura ruahman a ni a, tunah chuan Birpara-ah a in nghat rih phawt a ni. He Field hian

May 2013

31

Birpara Area-a Adivasi, Nepali leh hnam dangte zingah; Rajbonshi Area-a Rajbonshi hnam zingah; Sikkim-a Lepcha leh Nepali Buddhist leh Hindu sakhaw biate zingah leh Jharkhand-a Santali hnam zingah School leh Evangelism hmangin Chanchin Tha a hril mek a, Thlarau Thianghlim hruaina i ngensak ang u. Rev. P.C. Lalnunzira chu Assam Field Director niin, Dhubri-ah a awm ta a. He Field hian School leh Evangelism hmangin Rabha, Adivasi, Nepali, Boro, Assamese leh hnam dangte zingah Chanchin Tha an hril a. Rabha Area hian Lower Assam-a mite leh Mendavari, W. Bengal ami te a huam. Dhubri Area leh Boro Area a la awm bawk. Rabha hnam hi chu an inhawng deuh a; Dhubri Area-a Muslim sakhaw biate leh Boro Area-a Boro hnam, Hindu sakhaw biate hi chu Mission rawngbawlnaa deh khirh ber zinga mi an ni. Hei vang hian ringthar siam a harsa a, tin, Kristian awm chhun tlemte hian harsatna an la tawk fo bawk. Kan

Missionary-te leh a rammi thawktute tha ti chak turin kohhranhote thahnemngai takin i tawngtai ang u. Rev. C. Lalrochama chu Arunachal West Field Director-in Naharlagun (Itanagar chuan hnuai)-a Nyshi Baptist Church Council (NBCC) compound-ah a awm ta. He Field hian hnam hnih Nyshi leh Apatani zingah Chanchin Tha a hril a, an hmanrua chu School, Music leh Evangelism a ni ber a. Tailoring Centre hmangin an bei bawk. Nyshi hnam hi za zela 60 chuang Kristian an ni tawh. An Politics leh khawtlang nun pawh Kristiannain a hneh tial tial. Apatani hnam hi a la thim deuh a, mihring singli velah Kristian 6,000 emaw chauh (15 % ?) an la ni. Ringthar an pung tha thaw khat. Kan Missionary-te leh a rammi thawktuten nasa lehzuala Chanchin Tha an hril a, ringthar tam zawk siam chung a, kohhran ding tawhsa te an chawma an enkawl a tul hle. Thlarau Thianghlim tihchakna i dilsak ang u.

32

Missionary Tlangau

Rev. T.C. Zodinsanga chu Arunachal East Field Directorin Pasighat-a Adi Baptist Union (ABU) compound-ah a awm ta. He Field hian Evangelism leh kohhran enkawlin rawng an bawl a. Adi hnam leh Galo hnam zingah an thawk. Adi hnamah hian Kristian an pung chak viau a, za zela 25 30 an tling tawh awm e. Pasighat khawpuiah chuan a zatve aia tam daih Kristian an ni tawh a ni. Missionary-te leh a rammi thawktuten Chanchin Tha hril pahin, kohhran an enkawl a. Kohhran ding tawh te tihchak leh kaihhruai a tul hle. An hlawhtlin theih nan i tawngtaisak ang u. Rev. C. Vanlalmuankima chu Tripura Field Director-in Agartala-ah a awm ta. Mizo hnah thlak Molsom hnam zingah kan rawngbawlna a hlawhtling tawh hle a,

lawmthu i sawi ang u. Jamatia, Noatia, Debbarman leh hnam dangte zingah kan lut tan. Bengali thimpui erawhchu kan la luh chilh meuh lo. School hmanga kan thawhna a hlawhtling chho mek. Rubber an phun uar hle a, an hnaia an hralh hun chuan, sikul an intodelh bakah, Evangelism pawh an enkawl theih a beiseiawm. Thlarau Thianghlim Harhnain a tih en zel theih nan i tawngtaisak ang u. Rev. T.C. Vanlalmalsawma chu Non-Mizo Evangelism enkawltu Pastor a ni ta a, Serkawnah a awm. Mizorama hnam dang awmte zingah kan Evangelist rawihte nen huai taka thu hril a, ringthar an siam a, Kristian ni tawhte pawh Pathian thu taka chawm a, an sawh ngheh theih nan, i tawngtaisak ang u.

MISSIONARY TE TANA TAWNGTAI BCM Missionary Address 2013 Headquarters Office atangin pakhat Rs.10 in lei theih reng a ni. Hemi hmang hian kan Missionary te rawngbawlna atan ni tin thahnemngai takin i tawngtai ang u.