1

Nhtoi. 11.7.2013 Myen Asuya a Katsi majan masing

Wunpawng amyu sha ni a ntsa e Myen Asuya ni jahkrat ai katsi majan masing gaw laknak hte gasat yang aten grai galu na tai ai majaw, lahkawng ning laman daram hta ka-ni N0 4 ka-ni hpraw hte Wunpawng ramma ni yawng hpe shamyit na masing jahkrat sai; dai masing hpe hkrang shapraw na matu Jinghpawmung a kaba htum rai nga ai balik duwa hpe lit jaw sai; lit jaw hkrum sai hte maren, Myitkyina balik ni gaw mungshawa bu hpun palawng hpun nna bungli tsang amyu myu, uhpawng urawng amyu myu hta shang nna gumhpraw n jaw ra ai, ka-ni hpraw hpe manu hpa hpa hte hkan dut jaw ai; gumhpraw garai n lu ai ni hpe hkoi ya ai; hka hpyi shatsang ai lam hpa n nga ai; ka-ni hpraw garan let, tinang mung mahti sha ai. Ka-ni hpraw lu ai masha gaw manu hpa sai majaw, ka-ni hpraw gaw amyu n lata ai hku na ramma hpawng de lwi shang wa ai; dai lwi shang wa ai ka-ni hpuntun gaw Myen hpyenla hpyendu ni kaw du hkra chyam bra wa ai; hpang jahtum Jinghpaw mungdaw up ai hpyendu kaba htum ai a Kasha du hkra lawm mat wa ai. Dai hpe e Myenmung ginjaw kaw na alak mi san dat ai pat jasan hpung ni e rim kau ai kaw lawm mat ai. Shingrai hpyendap kata kaw pat jasan hpung ni hte hpyendu ni manghkang byin ai. Kaga lam langai mi gaw, Mali hka kau mayan Jinghpaw lawk Lahpa daru kaw ka-ni hpe e n dut n dang dut jaw dut ya lu sha nga ai hpe chye nna, pyada du jum langai mi hpe dai shara pat jasan na lit jaw dat ai raitim, shi mahtang ka-ni ya tai mat nna tsi rung htawng rawng ra mat ai. Mare lawk nkau mi kaw Myen hpyendu ni sa lu na ka-ni sum ni nga shajang ai; dai ka-ni sum ni hta gaw, ramma ni hte kaga masha ni kadai n sa lu ai, raitim dai ka-ni dut ai shara hpe gaw myo kata pyada ni rim ai jahpan kaw galoi mung n lawm ai. Dai nta ni gaw kaga buga ginra ni de ka-ni dut garan ai shaloi dai nta a mying hpe tsun jang rim n hkrum ai. Lai wa sai hkun jan ya shani hta (&Jrif;MuD;) Pyada du kaba gaw ka-ni dawn tsi rung up Dr. Nandanq hte sa bawngban ai hpe ka-ni dawn ai ramma ni lagu na kau ai. Pyada duwa sa bawng ai lam gaw Jinghpaw ni hpe ka-ni hte shamyit na ngu ai masing awng dang na n tai wa ai lam hpyenla ni hte Asuya magam gun ni kaw mung maren sha manghkang byin wa ai. Dai hpe sarawun wa mahtai jaw ai gaw ka-ni lu ai ni (sh) shadu ai ni yawng hpe rim nna htawng rawng na kun? (sh) tsi tsi hkam na kun ? ngu nna san ti lam lam masing jahkrat ma ai. Dai masing hte maren June shata praw 4 ya kaw nna kahtawng shagu na ka ni lu ai ni hpe rim hpang sai, dai ni hpe gaw shani shagu sa lu nna ta masat galaw na matu matsun ai, dai tsi gaw 30cc rai yang ka-ni lu dawn ai hpe mungkan ting tara shang lang ai tsi re, raitim mung 60cm lu sai masha gaw masha langai mi hku n mai asak hkrung sai lam amyu myu hku nna hten za si mat wa ai baw tsi re. Dai tsi gaw tsa hte n mai gayau ai Jinghpaw masha ni tsa n chye lu ai masha n nga ai daram re tsa hte gayau lu yang law htum laning mi daram sha nga lu sai. Ndai baw tsi gaw Sin hte Sate n kaja ai ni tsep kawp n mai lu ai, raitim Wunpawng sha rai jang n jep tim jaw lu nga ma ai. Mabyin langai mi hpe tsun ga nga yang, tsi rung rawng nga ai shabrang ma langai mi gaw dai tsi lu mayu ai lam sarawun hpe tsun ai. Sarawun gaw n mai lu ai lam tsun ai. Raitim machyi masha wa gaw aput tsun ai shaloi gaw hpa byin tim lu ai wa a lit sha re ngu, ta masat galaw jang jaw lu kau ai, shata mi n du yang si mat sai. Dai masha gaw sin ana a majaw si na daram n re.

MYO SHINGGAN DE NA MABYIN MASA

1. Dut shabra ai ni hte pat jasan hka rim ai ni chye hkat mu hkat na yak ai. Shingrai shabra ai a akyu mung Wunpawng ni sha hkan she hkan rim ai a akyu mung Wunpawng ni sha hkam sha ai. Gashadawn langai mi tsun ga nga yang... Ubyit na salang Zau Ra gaw dut shabra ai ni kaw na lit kaba jaw da hkrum ai wa re; hkan rim ai ni mung shi hpe lu rim na yak ai. Shi gaw bumga na jahkrai ma ni hpe lakawn bau da masa hku shi nta kaw ma law law rem da ai. Asak 10 ning n hpring ai ma kasha ni hpe ka-ni gun shalai shangun ai ma ni re majaw, rim ai ni mung n shadu ai. Mabyin hpe gaw Shanglawt Asuya kaw na woi la nna jep sai lam bai dat kau sai lam chye lu ai. Ndai shi ga gaw, shi nan tsun dan ai kaw na na la ai re. 2. Jinghpaw lawk kaw na Daniela ngu ai wa gaw la rai nna, la n du ai wa re (tajcmuf) shi hta HIV ana kap ai NO4 htu ai. MDM tsi gawk kaw bungli galaw ai shi hpe e seng ang ai kaw na ram ma ni hpe anum ala ganawn mazum ladat hte jahten na ka-ni hpraw hte jahten na lit jaw da ai nga nna shi nan tsun ai. Ndai shata laman e sha pyi (MDT) tsi jaw lu na matu kahtawng masum kaw na marai 42 rai sai lam chye lu ai. Ginjaw shara ni hta pat jasan lam aja awa jum tek wa sai rai tim, shawng lam de na anhte a masha ni gawng kya ai lam chye lu ai.

NANGHPAN MASING HPE GUJI GUYANG GALAW AI LAM

1. Myitkyina gawp pa makau na htawng hpe gaw lu rim ai ka-ni yawng ni hpe bang da zing da ai; Shara re ka-ni dai hpe sin ai gaw pyada re. Shi a madu jan gaw htawng hte manhkrum Du kaba Hpauyu a nta wang kaw shap nga nna ka-ni dut ai. Shi n-gup kaw na tsun ai gaw Jinghpaw ni hpe sha dut ya na nga ai. 2. Myen ni ka-ni dut garan da shangun ai ni gaw marai langai ngai hpe shi ka-ni dut jaw sai rai yang, dai ka-ni ya wa garai n kut shi yang bai sa jaw da sai. Lama wa gumhpraw n lu ang ai rai yang, hkoi jaw da ai. Ka-ni ya hkrak byin sai hpe chye ai hte bai n sa jaw mat sai. Dai hku rai yang marai langai ma gawm lani mi hta sha pyi masha hkun, sumshi hpe ka-ni ya shatai lu nga ai.

MYEN PAT JASAN TSI RUNG NA MABYIN MASA

1. Wupawng sha n re ai ka-ni dawn ai ni hpe ( M.T.D) tsi hpe shi hte htap htuk ai hku jaw lu nna yup pyaw nga shangun da ai; laksan gawk de ya hkyak hkyak du sa wa ai ka-ni kut nna kadau kadap re ai JInghpaw ma ni hpe gayau bang dat ai. Shaloi gaw Jinghpaw ma ni shanhte nan dai ( M.T.D) tsi ntsin lu na hpyi shawn wa ai; dai hku hpyi ai hte kalang ta jaw lu kau ai. Kani dawn tsi majing gaw O.P ngu ai tsi re (sh) M.T.D 30cm re, raitim mung pyada du kaba hte doctor yan bawngban ngut ai hpang gaw 65cm jaw lu nna masha sat nga sai.

From, Sara Pungga Sinwa Awng