MITOO AKO (Apostles' Creed) Mitoo ako sa Dios, ang Amahan Makagagahum sa tanan Magbubuhat sa langit ug sa yuta.

Mitoo ako kang Jesucristo Iyang Bugtong Anak, atng Ginoo. Gipanamkon Siya sa lalang sa Espiritu Santo Ug natawo kang Santa Maria ng ulay. Nag-antos Siya ubos sa sugo ni Poncio Pilato Gilansang sa kruz, namatay ug gilubong. Minaog Siya sa mga nangamatay. Sa ikatulong adlaw nabanhaw Siya. Misaka Siya sa langit ug nagalingkod sa too sa Dios Amahan Makagagahum sa tanan. Gikan didto mobalik Siya aron sa paghukom sa mga buhi ug sa mga minatay. Mitoo ako sa Espiritu Santo Sa Santa Iglesia Katolika Sa panag-ambit sa mga Santos Sa kapasaylo-an sa mga sala Sa pagkabanhaw sa lawas Ug sa kinabuhing walay katapusan. Amen.

THE LORD'S PRAYER Amahan namo, nga anaa sa mga langit, Pagdaygon ang Imong Ngalan. Moabot kanamo ang Imong gingharian, Matuman ang Imong pagbuot, Dinhi sa yuta maingon sa langit. Ang kalan-on namo sa matag adlaw, Ihatag kanamo karong adlawa, Ug pasayloa kami sa among mga sala, Ingon nga nagapasaylo kami sa mga nakasala kanamo, Ug dili mo kami itugyan sa mga panulay, Hinonoa luwasa kami sa dautan. [Kay Imo man ang Gingharian, Ang gahum ug ang himaya Hangtud sa kahangturan. Amen.

MAGHIMAYA KA MARIA (Hail Mary) Maghimaya ka Maria, napuno ka sa Grasya! Ang Ginoong Dios maanaa Kanimo; Bulahan Ikaw sa mga babayeng tanan Ug bulahan man usab ang bunga sa tiyan Mo nga si Jesus. Santa Maria, Inahan Ka sa Dios, I-ampo mo kaming makakasala Karon ug sa oras sa among kamatayon. Amen.

HIMAYA SA AMAHAN (Glory Be) Himaya sa Amahan ug sa Anak ug sa Epiritu Santo. Maingon sa sinugdan, karon ug sa gihapon Ug sa mga katuigan nga walay katapusan. Amen.

MAGHIMAYA KA RAYNA (Hail, holy Queen) Maghimaya Ka Rayna, Inahan sa kalooy Kinabuhi ug kinatam-is, Ikaw ang gilauman namo Maghimaya Ka. Nagapanawag kami kanamo Ang mga gihinginlang anak ni Eva. Nagapanghupaw kami Nagaagulo ug nagapanghilak Dinhi niining walog sa mga luha. Busa among mag-alampo Ilingi mo kanamo ang imong matang maloloy-on Ug kon ubos na sa kining paghingilin Ipakita mo kanamo ang bunga sa tiyan mo nga si Jesus. Ay maaghup! Ay maloloy-on! Ay Matam-is nga Birhen Maria.

IKAUNOM NGA ESTASYON- Ang Paghidugmo ni Hesus

P. Dayegon ug simbahon ka, O Kristo. T. Tungod sa mahal Mong krus giluwas mo ang kalibutan. (The Parish Youth Ministry will act out real life situationsthen, freeze)

PAMALANDONG: Si Hesus nahisukamod sa Iyang pagpas-an sa mabug-at kayo nga krus. Apan diha taliwala sa iyang kalisod, nagpadayon siya sa Iyang paglakaw ngadto sa kalbaryo. Nangita Siyag kalooy ug pagtagad, apan wala Siya makakaplag. Bisan pa niana, wala kini makapabugnaw sa Iyang tinguha sa pagpadayon; walay pagkatapus ang Iyang gugma kanato. Kay ang Iyang gugma kanato labaw pa batok sa kabug-at sa atong mga sala. Mibangon Siya ug mipadayon pagpas-an sa Iyang mabug-at nga krus.

PAG-AMPO: Sa Imong pagkadugmo, Ginoong Hesukristo, akong nahibaloan ang akong kapakyasan ug ang kinahanglanon sa walay hunong nga pag-usab sa akong kaugalingon. Hayagi ako aron makit-an nako ang akong kaugalingong kaluyahan ug kasaypanan. Ayaw itugot nga magmatig-a ang akong kasingkasing tungod sa mga sala; tabangi ako sa pagbarog. Itugot nga mosalig ako dili lamang sa akong kaugalingong kahanas kondili Kanimo. Kay Ikaw mao ang akong kusog ug kaluwasan.

P. O Ginoong Hesukristo, gilansang sa krus. T. Kaloy-I kami.