Editor: H.

Malsawmtluanga
Ph: 9615425400 / 9436784572 sawma6970@gmail.com

Thingsulthliah Students Union

Jt. Editor: Lalromawia Ph:2370285 Correspondents: K.Khualluna : 9862217691 Lalbiaktluanga : 9612322711 Ramngaizuala : 9862386148 ramngaiahmar@gmail.com

Thingsulthliah Sub - Town Weekly Newspaper

VOL. VII

No. 30 THINGSULTHLIAH

Ni 10 August 2013

(INRINNI)

IND DAY ZING KARAH HMAN TURIN REL

Tunkar ni 8/8/2013(ningani) chawhnu dar 1:00 khan Independence Day Celebration Committee te BDO Office-ah an thukhawm a. Committee hi BDO Zothanmawia Khiangte-in a kaihruai a, kumin 2013 Independence Day(15 Aug) chu zingkarah hman nise tiin an rel. Zing dar 7:00-ah Function hi tan a ni ang a, BDO Zothanmawia Khiangte chu khuallian niin Hnam puanzar a pawt pharh ang a, Govt. Thingsulthliah High School naupangte chu Hnam Hla (National Anthem) sa tura ruat an ni. Khuallianin Independence Day thuchah a sawi ang a, chumi zawhah thingpui inhona neiin hun tihtawp nghal a ni ang. Independence Day-ah hian sub-town chhunga Village Council leh sawrkar hnathawk zawng zawng te chu an mawhphurhna a ni tih hriain kim taka kal nise an ti a; NGO hrang hrang te pawh he hun hmang tur hian khawtin VC tlangau hmangin sawm nise tih a ni bawk. THINGSULTHLIAH DEVELOPMENT COMMITTEE Thingsulthliah Development Committee ten an lo ruahman tawh angin karleh ni 15 Aug 2013(Ind. Day) dar 10:30 am atangin DYMA Hall-ah Meeting neih tum a ni a, Aizawl atangin hruaitute lo chhovin Tst VC, NGO hrang hrang, Pol.Party, Kohhran hrang hrang, Zirlai pawl etc te nen Meeting an nei ang a, tlaiah chawhlui an kilho nghal ang. He Meeting neih tur hi Tst Jt YMA ten an lo buaipui dawn a ni. THINGSULTHLIAH HA DOCTOR CHUNGCHANG Thingsulthliah Students Union chuan Thingsulthliah CHC- a Ha Doctor(Dental Surgeon) kan neih mek, Sawrkar in hmun danga awm tura a dah chungchangah theih tawp chhuahin hma a la nghal a, Bialtu MLA leh Home Minister ni bawk Pu R. Lalzirliana hmuin anin Health Department lama NRHM Director te biain theihtawp min chhuahpui a. Tin, Health Directorate lamah te vawi eng emaw zat kalin Ha Doctor kan neih mek a chhuah loh theih nan TSU chuan hma nasa takin a la a ni. Tuna Thingsulthliah CHC leh Mizoram hmundang Damdawiin a Ha Doctor kan neih mek tam tak te hi State Sawrkar-in Central sum, National Rural Health Mission(NRHM) Fund a Contractual a a rawih an ni a, tun hnaiah Central Sawrkarin Ha Doctor rawihna tur sum a rawn pek chhunzawm tawh loh avangin rawih zui zel theih an ni ta lova. Chuvangin, Ha Doctor kan nei ta lo a ni. Amaherawhchu, tunhma a Thingsulthliah CHC in Ha Doctor nghet Post kan neih thin kha a bo ta ni lovin, a la awm reng a. Mizoram-ah hian Ha Doctor nghet(Regular/Confirm) 28 vel emaw chauh kan neih rih avangin an indaih lo a ni ber mai. Hetih mek lai hian Central Sawrkar-in School Health Fund atan State Sawrkar-ah pawisa a rawn pek hmangin heng Ha Doctor te hi School naupang te hriselna endik leh buaipui turin a ruai leh mek a. Amaherawhchu, District Capital-ah Chief Medical Officer hnuaiah awmin Naupang hrilselna chauh an buaipui tawh dawn a. Damdawiin OPD-ah an thu tawh dawn lo a ni. Central Sawrkar-in Programme dang(School Health) atan a sum a rawn pek hmanga School naupang hriselna endik leh buaipui lam hna chauh thawk tura a hrana rawih thar leh an nih miau avangin OPD a thu tura lo pawhpen daih khan Central Sawrkar in sum a rawn pek duh dawn tawh loh avangin State Sawrkar tan pawh lo pawhpen a remchang ta lo a ni. Tun dinhmunah Ha Doctor nei rih lo mah ila, Thingsulthliah Student Union chuan kan neih leh thuai theih nan theihtawp chhuah zui zel a tum a ni. Issued by : Thingsulthliah Students Union, Thingsulthliah.

LUNGNGAIH DAR RI Ni 5/9/2013 dar 12:05 am khan Pi Lalnunmawii(68) W/o R.Kapchhinga, Tlangnuam Venglai chu Cancer natna avangin a boral a. Lumenpui niin chhun dar 12:00-ah Presbyterian Pastor R.Lalchanglianan a vui. LUNGPHUN Nimin Zirtawpni khan Upa C. Biakvela te chhung, D/A chuan an monu Pi Zonunpuii(Tei) W/o C. Lalruatkima, Tst D/A, ni 29.6.2010 a boral ta hriatrengna lung an phun. NREGS NI 14 INHLAWHNA Thingsulthliah RD Block BDO Zothanmawia Khiangte hnen atanga kan lo dawn danin MG-NREGS ni 14 inhlawhna a awm hnai dawn a, tunah hian hnathawhna tur Proposal siamin Aizawl lamah thawn thlak a ni tawh a ni. Tuna ni 14 inhlawhna lokal tur nen hian kumin 2013-14 chhungin ni 30 chiah(a hmain ni 16 hnathawh a ni tawh a) hna thawhna tur a ni dawn a ni. COM. DEVELOPMENT GROUP DIN Tunkar thawhleh zan khan NorthEast Rural Livelihood Project (NERLP) Aizawl District hotute Seling-ah lokalin Community Development Group(CDG) pali an din a. A tuk zingah Tlangnuam-ah CDG pathum din lehin nimin zirawpni zing khan Thingsulthliah-ah CDG din turin hmalak a ni bawk. Group tinah hian Executive mipa 4, hmeichhia 4 leh VCM 1 zel awmin an vaiin 9 an awm a, Group tinah hian member 100 bawr vel an awm dawn a ni. Heng CDG te hian Agri, Horti, Vety etc hnuaiah hmalakna hrang hrang hmangin chhungkaw dawm kanna turin hna an thawk dawn a ni. POOR FUND PE Khawngaihtu Pawl (LOM) Tst chuan ni 4.8.2013(Sun) khan Tst CHC-ah Poor Fund atan Rs. 1000/- an pe a, CHC thawktute an lawm hle. Pathianni kalta khan LOM Sunday hmangin tlaiah damlo te an kan nual hnuah Poor Fund hi an hlan leh a ni.