16116 SE Mill St.

Portland, OR 97233 USA

Date: 16/09/2013

Press Communiqu
Leitungbup WZC Finacial Representative neih ding tawh kisai tangkona
Atung a thu tawh kisai in, World Zomi Congress kihuaikhawm zawh, kum 3 val hong cing ta a, nasep silbawlnate zong lamen zah sangin, hong muibun leh masawn zaw in om ta ahihi. Tua ahih tawh kitonin WZC sum vaisai daan ( Financial System) zong, ahun tawh kituakin, khel ding hun hong tung ta hi. Abeisa in alawp leh thanuam khat peuh, vai neih dung zui in kiseh tawm a, vaipuak kiguan in liangko kisuan zel hi. Ahizongin, tuhun ciang WZC nasepnate masawn leh mipi thapiakna zong hong lian mahmah ta hihmanin, sum leh pai vaisai daan pen Palai ( Financial Representative) system tawh pai kul ta hi ci in, Nimit 09/01/2013, Nipini meeting pan ki mukhia ahihmanin thu khensatna zong kinei pah hi. Tua 09/01/2013 ni meeting khensatna tawh kituakin, Financial Representative System tawh kipai ta ding ahihmanin, asawt lo in Financial Representative te vaipuak leh kalsuan daan ding, mipi ah hong ki luikhia ding ahihi. Financial Representative te vaipuak leh kalbite hong ki tangko khit ciangin, WZC makaite Zomi Politics leh Financial Representative thu hilhcian dingin akhawkkhawk, agamgam ah hong zin ding uh a, palai sehna kinei ding ahihi. Hihbang kalbi thak vaihawm ta i hihmanin, Zovontawi akuama ciat pangkhawm dingin, WZC pan i ki zawn hi. Central Executive Committee, World Zomi Congress.