Buhay pa ba ang Nationalismo ??

Gawa ni: Julius

Isa sa pinakamahalagang ugali ng tao sa bansang umuunlad ay ang nationalismo. Ngunit ano ba ang nationalismo? Ito ba ang pagsasakripisyo ng sariling buhay para sa bansang minulatan. Kung ganyan ang iniisip ng karamihan ay kokonti na lang ang nationalista sa ating bayan. Ang tunay na kahulugan ng nationalismo ay hindi ang pagsasakripisyo kundi ang pagmamahal sa sariling bansa. Kung tatanungin ko kayo ngayon ikaw bay makabayan? Isang filipinong may nationalismo? O isa ka sa mga Pilipinong walang pake sa pinagmulan? Oras na! para mamulat ang mga mata nang bawat isa kung walang magmamahal sa ating sariling lupa pano na ang mga pinaglaban nang ating mga ninuno? Muli ba itong mababaliwala? Mga kamag-aral ko, Mga kababayan ko, Mga kapwa Pilipino!! Tayo na at mag kaisa. Isa sa paraan upang pakita natin ang pagmamahala sa bayan ay ang pagbili natin at pag- tangkilik nang mga local na produkto, nakakatawang isipin pero ang dayuhan kumikita samantalang tayo ay lumulubog sa kahirapan sa bawat pagbili natin ng mga imported na produkto. Panahon na upang iahon ang ating bansang Pilipinas sa kahirapan sa pamamagitan ng nationalismo. May kasabihan nga Ang kabataan ay pag-asa ng inang bayan. Tayo raw ang maghahatid sa kanya sa langit ng kasaganaan at karangalan, o hihila sa kanya sa putik ng kahirapan at kahihiyan. Ang tunay na pag- ibig sa bayan, ang tunay na nationalismo, ay wala sa tamis ng pangarap, wala rin sa pagpag ng dila. Ang tunay na pag- ibig ay nasa pawis at gawa. Pagsikapan nating ipaunlad ang sariling bansa.

Ang panahon ng pagkilos ay ngayon, hindi bukas, hindi sa isang taon. Kung sa murang edad pa lang ay malaman na natin ang kahalagahan nang pagiging tao na may pagmamahal sa sariling bayan marahil sa kinabukasan ay masasabi na nang lahat nang nakataas ang nuo AKO AY PILIPINO!!!.