03/11/2013

ZINGSOL | A Thum Veina Leitungbup Zomi Khawmpi Vaihawm tanupi Dr. R. Sanga thudotna (Zolai)

ZINGSOL

Cidamna

Inn

Ngeina

Nunna

Peter Test

Spiritual

The ZS Journal

Thuciin

Thudotna

Thuthang

Zogam

Siamsin

Lungngaihna

A T h u m V ei n a L ei t u n g b u p Zo mi K h awmp i V ai h awm t an u p i Dr. R . S an g a t h u d o t n a (Zo l ai )

A 3 Veina Leitunbup Zomi Khawmpi, Vaihawm Komiti Tanupi (Convener), Dr. R. Sanga tawh dotna le dawnna Hih Interview pen abeisa September kha sungin, Phualva Times pan in English tawh hong suak sak uh hi a, Zolai tawh letin kong suak sak uh hi. ZINGSOL Amasa in A 3 veina Leitungbup Zomi Khawmpi hong gualzawhna ding deihsakna hong gen masa nuam ung. Tutung a kibawlding Khawmpi i ngimna le tupna hehpihna tawh hong gen masa ve. Tua ban ah, hih Khawmpi i tangthu le akipatna te hong gen ve. Ka Lungdam hi. World Zomi Convention (Leitungbup Zomi Khawmpi) pen May 19 pan 21, 1988 Kum in, Champhai (Tonsim), Mizoram ah kibawl masa hi. Tua hun lai a, Manipur gam a om Zomi National Congress (ZNC) Pawllutang Pu T. Gougin, People Conferecne (PC) Pawllutang Brig. Tenphunga Sailo te makaihna tawh kibawl ahi hi. Aneih veina pen June 17-18, 1991 Kum-in, Vanapa Hall, Aizawl, Mizo ram ah Zo Re-unification Organization (ZoRo) Pawllutang Mr. R. Thangmawia i makaihna tawh kibawl hi. Tutung a, A 3 veina Leitunbup Zomi Khawmpi pen Zomi Council makaihna tawh kibawl ahi hi. April 23, 2013 ni a, Pawlbup Thukhentatna No.8 tawh kizawitawn in kibawl hi a, Council pan mah in, Committee Bulpi te hong phuankhia uh hi. Ngaihsutna tampi nung ah, i Khawmpi thubulphuh ding-in Mainawt ni(Marching on) cih i teel hi. Abeisa hunlui te a, i khialhna te nusia in, tuni i tuah khak i gami haksatna tuamtuamte kawmkal ah, i mainawt khop nading, abeisa hunsawtpi pek a i lunggulhna te hong tangtun nading lunggulhna tawh hi. Q: Hih Khawmpi in, Zo minam tuamtuam te sung ah pumkhat-suahna hong piang sak zo dingin na um hiam? Pumkhatsuahna pen, i dinmun le i kiimlepaam tawh kituak in, muhna tuamtuam om thei hi. Ahihang, Ngeina in, gamgi nei lo hi. Tua hi a, a om sa Gamgi, Gamvai te buaina piangsak lo-in, Zomi te i kipumkhat theihna ding pen i Ngeina te bulphuh huai ka sa uh hi. Gamgi, Gamleitang tawh kisai kipumkhat theihna ding bel Mangkang te hun lai a gam kikhenzia te puah phat lo in piang thei lo mai ding hi. A Khat veina le A Nih veina Zomi Khawmpi in, Gamvai thubulphuhna linlian hi in, hih a Thum veina pen Ngeina kibulphuh hi. Akitelzaw in gen leng, October 25, 2013 ni akibawl ding Khawmpi Honna hunpi bang, Zomite Ngeina Lahkhiatna Pawipi hong hi zaw ding hi. Khawmpi sung ah bel, ei Zomi te phuutkhak Thute, Haksatnate, Hamphat nading te tawh kisai Seminar/Worskhop te vuicing takin kibawl ding hi. Biakpiakna hunte zong, ei sung ah a om pakpak lo Pawlpi khat le khat Pulpit-kilaihna te kibawl ding a, Pasian mizat i Siate in, pawlpi tuamtuam ah Thuphangah Minam (Pian 12:1-3) tawh hanthotna hong pia ding uh hi. Ani tawpni ah, Khawmpi sung kihel khempeuh Biakpiakkhopna tawh khawmpi i hialbawl ding hi. Hih Khawmpi in, i minam sung ah Thuhoih tampi hong piangsak ding hi cih lunghiang lo takin um ung. Zomi le Zo mi (people) cih kammalte tung lungbuaina te banghang hi dingin na um a? Zomi le Zo mi cih kammal te tung ah buaihuai ka sa kei uh hi. Bang hang ci leh, Zomi le Zo mi(people) kikal ah akhiatna kilamdang na om lo hi. A laimal akhiatna linlian in en leng zong, Zo+Mi, Zo+People, Mi+Zo cih te pen Zofate, Zosuante, Zo-hnahthlak cihna vive hi ciat hi. Hih min nam thum te pen Zo i suan le khak te ihihna pan hong piang ahi hi.Khanglui thute, Ngeina tatzia te ah tampitak kimu thei hi. Akinial thei peuh mah lo thu in, mi te in, Chin, Kuki, Lusai ci a hong sap minam pen, Nam Khat, Phung Khat ihi hi. Hih thu a theitel takpi mi khat in nam sung kikhenkhap nading Lampi te hong phuankhia lo ding hi. A lang khat, i theihsa thu pawl khat tea hi, (i) Tuni a om, Zomi sung kikhenkhapna te atamzaw thamtham pen ei bawltawm hi lo-a, ei hong uk British te khut-ma, Gam tuamtuam ah hong khenthangna hang cih i thei hi. (ii) Zomi sung ah, Gamvai tawh kisai mikeuhna kibangkim lo cih thei hi. Pawl khatte, Tribe-Level (Beh-le-phung, Mun-le-kuam) cih te vei zaw uh a, pawl khatte in Nampi-bup huam nading vei zaw uh hi. Pawl khatte in Gam Thukhunpi tawh kituak Gam taktak ngah nading a vei lai takin pawl khatte in nek-le-dawn ding tawh kibuai mahmah lai hi. Pawl khatte in, i Khual-min (hong kipia minte) te zatnop a sak lai takin pawl khatte in, i Tual-min te zat zawk nading hanciam uh hi. Tua hi mawkin, hih i buaina te pen cikmah hun in kipaikhia zo ngei lo mai thei ding hi. Ahih hang, i akician mahmah Minampi i hihna a telcian taktak mi khat in i minam sung hong buai nianua sak ding hi cih pen, ahithei taktak lo thu khat hi. I Minambup a mangthan loh nading, i Mainawtna in, minam sung hong buaisak thei aw tuamtuam te sang thupi zaw hi. Q: Khawmpi nung ah bang teng lametna om hiam? Khawmpi nung ah, i lametnate in, Zo-suante in, Kei sang Ei thupi zaw cih i mukhia ding hi. Akikhelkhel Gam-le-Leitang thute telzaw-in, i kiim-le-pam a minam tuamtuam te tawh lungnuam takin, i om khawm hilhial thei ding hi. ASIA gamte ah hong piang ding, Sumlei-Sumzonzia kikhelna te mukhol in, ei kiang ah hong piang thei ding, ei Leitang, Leisung-sumpiang te hong kibuluh zawh loh nading i kiging kholh thei ding hi. I puansilh, nikten te, i kampau, i lai te, Nopna-dahna te ah i gamtatzia te kum khat khit kum khat kiman suah, mangthang semsem cih te i mukhia thei ding hi. Gamvai tawh kisai Zomi te dinmun e koi lam manawh ding i hiam? A tung a i cih sa mah bangin, i Khawmpi pen Gamvai kihel lo ding hi. Committee member khat ka hihna tawh Gamvai tawh kisam Ngimna te gending kilawm ka ki sa kei hi. Ei teng i kikhawl khop laisiah, Ngimna khat ading i tha-san khop laisiah, i tup, i ngimna te i ngahna ding pan kua mah in hong khaktan zo lo ding cih bel hong gen thei ing. Kua teng hong kihel thei ding na lamen hiam? ZORO te Laipi suahsak sak tung ah bang cih muh na hiam? Tutung bel Zomi a tul tampi hong kihel thei ding lamen hang. Hong kihel ding cih lawpna vive tawh thu hong kizaksak hi, lamet lohna pan nangawn hong kihel ding om hi. Mizoram sung a Choir Group minthang mahmah a tawmpen Thum, Meitei, Naga le Zomi namke tuamtuam te pan Ngeina Lampawl te hong kihel ding cih lai hong khak khin uh hi. Lamka khua sung Biakinn te ah Thuphungpi 10 in thusungna nei ding uh hi. Choir Groups te, 20 sang a tamzaw Ngeina Lampawlte, Zomi namte sung pan Lasiam, tumging siam minthang te tawh kizai khawm ziahziah ding hi. ZoRo Makai-te pen, hih Khawmpi ading a kikuppih masa pen te hi. Amau tung pan zong, Khawmpi ading thapiakna lai te ngah khin ung. Laihawm pawl khat ah akisuaksak thu te bel i ngimna, i a thu a la te thei lo te gamtatna hi lel hi, amau te pawl bel, i khawmpi nasiatak I gualzawh ding pen thusia a amu pawl hi zaw mai ding hi. Hih dan te a om hang, Khawmpi sung ah ZoRo te hong kihel thei ding in lungmuanna nei ung. Hih Khawmpi ading bang dan khaktanna le haksatna te na tuakkha uh hiam? I Nuntakna sung ah Vailian pi khat peuhpeuh i lunggulh leh, khaktanna le haksatna tampi i tuak ding hi. Khawmpi ading kiginkholhna lampi dung aa haksatna tampi te in ikiginna te hong kilangh khia sak zaw hi. Zomi sung ah namke makaite le sub-committee memberte, mimal khat ciat in, nasepkhop dan a siam mahmah uh hi. Tuni i tuahkhak a lian penpen haksatna na ngawn in, Khawmpi ibawlna ding hong khaktan zawh nading, neu lua mahmah lai hi. I Biak Pasian in ei hong tonpih toto hi. A minthang ta hen. Zomi namke tuamtuam te makai te tung pan panpihna na ngah mah uh hiam? Hih khawmpi ah a mau mun kician napia takpi zo ding uh hiam? Zomi namke tuamtuam te ading in, hih Khawmpi in a mau i Khawmpi hi zaw hi. Tua mah bangin zong, panpih lo ding, kihel lo ding cih te om lo hi. Vaihawm Committee pan in, Minam makai te i thusau muhna le, i Vaipi ah hong panpihna te uh lungdamna ka ko uh hi. Mailam ah Khawmpi mainawt suak ding hoih na sa hiam? Mimal khat le khat kimuhkhopna pen, kimuanna le ki-upna nading ahoihpen lampi hi. Hihdan a Kimuhkhopna ding vaihawmna pen, khat le khat kituam-khenna ding hanciamna sang minambup ading hoih zaw thamtham hi. Manupur Gam Ukpi Iboi I Kuki le Nagas Gamvai nasepna tung a genna tawh kisai bang na gen nuam hiam? Hih pen ei ading agenna zong hi thei ding na um hiam? Khawmpi Vaihawm Tanupi dinmun tawh hih thu pen, ka gen ding kilawm ka sa kei hi. Ahih hang, ka let-kip upna khat in, Kihuaina lungsim, (Inclusive) hi. Kihelkim theih nading thute le Kihuai nopna lungsim pen, Kideidanna, Tuam-sepnopna te (Exclusive), sang hoih zaw, kicianzaw, tak zaw thamtham sa ing. Bang hang in, Mr. Oscar Fernadez (Honble Union Minister, Ministry for Road Transport and Highways, Government of India) pen i Zinmangpi in sam i hiam? Ama kiang pan bang lametna nei i hiam? Shr. Oscar Fernandes in i Khawmpi hong uap ding a hong sanna tung ah i lungdamna lian mahmah hi. Amah pen India gam i Sak-Suahna lam minam te vai hong kinpih India gammakai a om sunsun khat hi thei pen mai ding hi. I theihna ciangciang ah, Delhi a kibawl ngei Minam Khawmpi te ah a mau nupa uap loh pen tawm mahmah ding hi. A leitual taktak a piang thute a mah i muh, i ciap sak nopna pen kikhial lua lo ding hi. Aman a ma i hunmanpha te sung pan, hong eu in, ei tawh hun tawmno sung hong om khop pen, Manipur le India gam I Saklam-Nisuahna lam a om mipi te ading mualsung khat hong hi ding hi. Bang hang hiam cih leh Mipi tawh kizop theihna ding ahoihpen lampi in, a mau tawh kizoptuahna hi. Sr:Phualva Times, Tongsan Lailet: Zingsol tanu
Lik e this :

zingsol.com/?p=799

Contact

Like
Be the first to like this.

October 26, 2013 Permalink Categories: Uncategorized

1/2

03/11/2013

ZINGSOL | A Thum Veina Leitungbup Zomi Khawmpi Vaihawm tanupi Dr. R. Sanga thudotna (Zolai)
You must log in to post a comment.

Zogamke sung aa om Zomi tualsuak minamte in atuam vilvel tualsuak minam in hong kiciapteh nading hanciam ding

Asian gam makaite kimuhkhop hun sung in Kawlgam lutang U Thein Sein le American, Sen, S-Korea te akihel gam giat pan makaite tawh atuam viilvel in kimukhawm

Taang sak Ni

zingsol.com/?p=799

2/2