Professional Documents
Culture Documents
A Literatura Na Época Do Renacemento Carolinxio
A Literatura Na Época Do Renacemento Carolinxio
A Literatura Na Época Do Renacemento Carolinxio
1. Introdución
O Renacemento Carolinxio é o período que se dá desde finais do século
VIII e comezos do IX no imperio de Carlomagno, que se caracteriza por:
1) Carlomagno é un importante impulsor da cultura, nun momento no que a cultura
é fundamentalmente relixiosa (son poucos os laicos preocupados por ela). Porén,
o biógrafo de Carlomagno di que cando era xa ancián non escribía nin lía moi
ben, pero non sabemos se é que non sabía facelo, se eran limitacións da idade ou
se simplemente tiña mala caligrafía.
2) Carlomagno rodéase de intelectuais que veñen de todo o mundo á súa corte.
Neste senso podemos distinguir dúas fases:
a) Durante a vida de Carlomagno a maior parte dos intelectuais eran
foráneos;
b) Trala morte de Carlomagno predominarían os de orixe franca.
3) A maioría dos sabios da corte de Carlomagno eran ao mesmo tempo intelectuais
e homes de acción (políticos ou relixiosos). Mesmo para algúns a tarefa de
escribir non era máis ca un reflexo da tarefa civil ou relixiosa.
4) Agás un dos sabios, os mellores son tamén gramáticos, sobre todo nos seus
comezos, e teñen unha importante produción literaria en verso de temática
variada (asuntos triviais, biografías, haxiografías...) Con todo, moitas destas obras
en verso parecen máis exercicios de escola ca obras literarias.
5) Moito do que se escribe imita a literatura anterior, pero é unha boa literatura de
imitación. Así, por exemplo, Hexinaldo (na prosa) e Teodulfo (en verso) son
expertos en usar palabras e locucións doutros autores para expresar as súas ideas.
6) Desde a chegada de Alcuino á corte de Carlomagno é frecuente que os
intelectuais que pertencen a ela troquen os seus nomes por outros da Antigüidade
(Flacus – Horacio – ou Homero) ou da Biblia (Samuel). Así, Carlomagno pasará a
chamarse David.
7) Na corte de Carlomagno constrúese un ideario común no eido literario, que será
espallado cando o rei os envía a diversos lugares como bispos ou mestres (aínda
que non todos estaban de acordo con marchar da corte).
8) No centro da vida cultural está a Escola Palatina, que xa debía existir en tempos
de Charles Martel (primeira metade do século VIII) e que era o modelo de tódalas
escolas do reino.
9) O sistema de ensino é gradual, da base ao grao superior: gramática > trivium e
quadrivium > teosofía.
12) Foméntase a creación de bibliotecas, das que a máis importante será a Biblioteca
Palatina, composta polos exemplares encargados por Carlomagno e polos que lle
regalaban (dada a súa protección da cultura). Carlomango deixou escrito no seu
testamento que se vendese a biblioteca para darlles o diñeiro aos pobres, razón
pola que hoxe non a conservamos.
2. Principais autores
2.1.Pedro de Pisa (século VIII)
É un dos primeiros en ensinar a gramática latina en Italia e sería mestre
de latín de Carlomagno. A súa obra non é de grande importancia, pero dela podemos
citar:
1) Gramática dedicada ao rei, que é practicamente unha compilación dos
gramáticos antigos (Donato, Virxilio o Gramático...)
A) Estilo:
1. Afectado e ampuloso cando se dirixe en prosa aos seus amigos e ao mesmo
Carlomagno.
2. Diferente cando se dirixe a Herico.
B) Lingua:
1. Máis apegada á tradición cando escribe en hexámetros.
2. Máis libre nos poemas rítmicos.
PROSA
1) Libellus saerosyllabus:
■ Motivación e contido: tratado no que se critica o adopcionismo1 defendido
por Elipando, arzobispo de Toledo. É un escrito polémico e ben construído,
que sería usado por Carlomagno para condenar o adopcionismo.
2) Contra Felicem:
■ Motivación e contido:obra contra o adopcionismo que se centra na crítica a
Félix de Urgel2. Ademais, dise que o adopcionismo está achegado ao
1
O adopcionismo era unha das principais herexías da época. Defendía que Xesús era un home que fora
adoptado por Deus despois do bautismo.
2
Defensor do adopcionismo (bispo de Urgel), que é chamado por Carlomagno para pedirlle contas pola
súa herexía e, cando isto acontece, Félix de Urgel di rexeitar o adopcionismo, pero cando volve ao seu
bispado volverao defender.
2 Literatura Latina Medieval
2007/2008
USC
3. A literatura na época do Renacemento Carolinxio
POESÍA
4) Regula fidei:
■ Contido: profesión de fe e rexeitamento das herexías.
■ Forma: 151 hexámetros.
■ Estrutura:
50 versos dedicados á divindade de Cristo, rexeitando así o adopcionismo;
30 versos sobre as delicias do Paraíso;
40 versos atacando a tódolos herexes;
declaración da súa adhesión á fe tal e como se asinara no Concilio de Nicea
(325);
Epílogo en prosa no que se desculpa polos posibles erros técnicos, sobre
todo métricos.
■ Fontes: Biblia, á que sigue moi fielmente, agás nalgúns casos concretos
(estrofa 18, que lembra a unha pasaxe de Tibulo3; estrofa 15).
2.3.2. Obra
OBRA FILOLÓXICA
1) Gramática:
■ Motivación: xorde do ensino do latín e está destinada á escola.
■ Fontes: compilación doutras gramáticas, en especial da de Donato.
OBRA HISTORIOGRÁFICA
1) Historia romana:
■ Contido: historia de Roma ata a época de Xustiniano (século VI)
■ Fontes: é unha adaptación de Eutropio (século IV) que engade datos de
Xerónimo, Osorio, Xordanes e outros. Tamén colle datos do Liber
pontificalis (lista de papas e bispos que se realizaba desde o século II).
■ Difusión: no ano 1000 sería reelaborada por Londolfo, o Sabio, que amplía a
historia ata o século IX.
3
Sería interesante poder demostrar que Paulino de Aquilea coñecía a obra de Tibulo xa que, malia estar
na Biblioteca Palatina, era un autor practicamente descoñecido na Alta Idade Media.
É dicir, estamos perante un tema que fora tratado en verso nun poema
anónimo, e que Paulo Diácono trata en prosa e verso. Isto deberíase á importancia que
se lle concede á cidade por ser cristianizada por un discípulo de San Pedro.
4) Historia langobardorum:
■ Contido: historia dos lombardos desde a orixe do pobo ata á morte dun dos
seus reis no 744. Supón a continuación da Historia romana e a historiografía
critícalle a cronoloxía imprecisa e o feito de que parece incompleta porque:
falta a dedicatoria (frecuente neste tipo de obras);
remata 30 anos antes da caída do reino lombardo, o que pode deberse á
avanzada idade do autor ou a que non o quería contar.
■ Estrutura en 6 libros.
■ Estilo: intenta manter a atención do lector situando os acontecementos
importantes ao comezo ou final dos libros (igual ca Beda), pero non sempre o
consegue. Ademais, moitos dos episodios son presentados de xeito inconexo.
■ Fontes: historia anónima do pobo lombardo (século VII), historia de
Secundus de Trento, Gregorio de Tours, Beda, Liber Pontificalis,
Casiodoro...
■ Difusión: ten moito éxito xa que circula nuns 200 manuscritos nos séculos XI
e XII e son numerosas as súas edicións cando aparece a imprenta (4 edicións
no século XVI), así coma as traducións (ao italiano e ao francés). Crese que
este éxito se debe ao gusto do autor por incluír anécdotas.
2.4.2. Obra
PRIMEIRAS COMPOSICIÓNS
ESCRITOS DIDÁCTICOS
3) De ortographia:
■ Contido: tratado no que se explican diferenzas ortográficas entre palabras
que poderían resultar difíciles, así coma as diferenzas entre os sinónimos.
■ Forma: é un dos poucos casos na obra de Alcuino nos que non se usa o
diálogo, xa que esta obra é unha listaxe de palabras por orde alfabética
seguidas da explicación da súa dificultade ortográfica.
■ Fontes: lembra ás obras de Isidoro de Sevilla.
5) De dialectica:
■ Contido: definición de conceptos.
■ Forma: diálogo entre Carlomagno e Alcuino.
■ Fontes: Boecio e Etimoloxías de San Isidoro.
ESCRITOS DOGMÁTICOS
HAXIOGRAFÍA
POEMAS BREVES
1) Características xerais:
a) É autor duns cen poemas, todos eles escritos na corte de Carlomagno.
b) Adoitan tratar asuntos cotiáns, polo que son interesantes para coñecer a
vida do momento.
c) Escribe diferentes tipos de poemas:
■ tituli ou inscricións de diferentes tipos (para Igrexas, altares, cemiterios,
lugares do mosteiro...);
■ epitafios;
■ poemas incluídos nos seus libros en prosa cando os envía a alguén;
■ enigmas, que xeralmente son máis ben descricións (envíalle un peite a
un amigo e escribe un poema no que se describe o obxecto);
■ partes en verso que pechan as epístolas dedicatorias das obras;
■ poemas máis persoais, dirixidos aos seus achegados: persoas con cargos
(abades, Paulino de Aquilea...), a membros da familia real, a amigos, a
discípulos máis novos dos que hoxe non sabemos nin o nome etc, pero
sobre todo, a Carlomagno, a quen lle di que o admira pero tamén lle
lembra as súas obrigas.
2) Exemplos:
a) Vesus de cuculo:
■ Contido: trata dun cuco que é collido por Baco, un paralelismo co
alumno que se afasta da vida académica polo viño.
■ Fontes: algúns estudos relaciónano coa égloga, mesmo hai quen o
considerar o poema pastoril máis importante entre Virxilio e Dante.
b) O mea cella:
■ Autoría: foi discutida ata hai pouco, pero na actualidade considérase
que é de Alcuino, en especial a partir do estudo de Godman.
■ Contido: alude á destrución da cela de Alcuino no mosteiro de York.
10 Literatura Latina Medieval
2007/2008
USC
3. A literatura na época do Renacemento Carolinxio
2.5.José Scoto
É o discípulo máis antigo de Alcuino, ao que lle encarga que faga un
resumo do comentario de Xerónimo a Isaías. É tamén autor dalgúns poemas.
2.6.2. Obra
PROSA
1) É revisor do texto da Biblia, no que traballa durante toda a súa vida sen
chegar a obter un texto definitivo.
2) Participa no Libri Carolini, obra na que se expón a posición oficial da Igrexa
Franca respecto á querela das imaxes4.
3) De Spiritu Sancto: obra de carácter dogmático na que se trata a cuestión do
5
Filioque .
4) De ordine baptismi: obra de carácter dogmático sobre o bautismo.
POESÍA
2.7.Anxilberto
2.7.1. Vida
É dos primeiros autores de orixe franca que destaca dentro da Corte de
Carlomagno. Era discípulo de Paulino de Aquilea, de Pedro de Pisa e de Alcuino.
Era afeccionado ás representacións teatrais e tivo unha relación amorosa coa filla de
Carlomagno, consentida por este, froito da cal tivo dous fillos (un deles sería un
importante historiógrafo).
Tiña moitas calidades diplomáticas, polo que o rei enviouno a misións
diplomáticas en varias ocasións, mesmo perante o Papa. Posteriormente confiaríalle a
Abadía de Saint Riquier, converténdose así nun abade laico. Esfórzase moito na
xestión do mosteiro, de modo que reúne unha biblioteca moi importante (un 200
volumes). Ao final da súa vida volveríase máis devoto e morrería no 814, pouco
despois de Carlomagno.
2.7.2. Obra
PROSA
POESÍA
2.9.Dicuil
Dicuil é un irlandés que chega á Corte Franca a finais do século VIII
(morrería no 825) e destaca polo seu interese polas ciencias da natureza. Da súa obra
podemos sinalar:
1) Tratado de astronomía dedicado a Luís o Piadoso:
■ Contido: é bastante desordenado, afástase continuamente do tema e
mesmo inclúe fragmentos en verso. Con todo, é importante para saber o
grao de coñecemento científico do momento.
■ Fontes: non as menciona.
■ Difusión: ten pouco éxito xa que só se conserva un manuscrito do século
IX.
2) Liber de mensura orbis terrae:
■ Contido: manual de xeografía baseado só en fontes literarias, algo
habitual nos manuais de ciencias da Alta Idade Media.
■ Fontes: Mesuratio orbis terrae, obra encargada por Teodosio II e baseado
noutro da época de Augusto; Historia natural de Plinio, seguramente a
través do resumo de Solino (século III). É un autor crítico, que contrapón
as súas fontes e mesmo dá a súa opinión.
2.10.Modoin de Autum
É probable que sexa do sur de Francia e adopta o sobrenome de Naso na
Corte Carolinxia. No 815 foi nomeado bispo de Autum por Luís o Piadoso e morrería
a mediados do século IX.
1) Égloga:
■ Contido: é o poema máis coñecido dos que compón na Corte de
Carlomagno, e consta de:
Prólogo dedicado a Carlomagno.
Primeira parte: égloga de 95 versos na que hai un diálogo entre un
puer e un senex, acudindo a poetas da Antigüidade que gabaron so
césares e a outros da Corte Carolinxia (Homero, Flacus, Píndaro –
Teodulfo – Nardulos – Exinaldo – )
Segunda parte de 120 versos na que se describe de xeito bucólico a
vida do campo no verán. Apréciase tamén a tendencia xeral entre os
autores da Corte Carolinxia a gabar o emperador.
15 Literatura Latina Medieval
2007/2008
USC
3. A literatura na época do Renacemento Carolinxio
2.14.2.Obra
PRIMEIRAS OBRAS
2) De institutione clericorum:
■ Motivación: xorde das cuestións que os monxes lle fixeran sobre temas
eclesiásticos, de xeito que é unha compilación das mesmas.
■ Contido:
Libro I:
- graos da xerarquía eclesiástica;
- bautismo e outros sacramentos;
- rito da misa;
- vestimenta litúrxica.
Libro II:
■ horas canónicas;
■ xaxún e días do xaxún;
■ cantos da Igrexa;
■ festas;
■ lectura das escrituras;
■ herexías.
Libro III: formación do clero para que poida comprender as
Escrituras, de xeito que os saberes profanos poidan ser usados para esta
finalidade.
■ Fontes: non é unha obra orixinal, como el mesmo di na dedicatoria xa que
non quere dicir nada que non estea baseado na autoridade dos Pais da
Igrexa e outros escritores cristiáns. Así, cita a Ambrosio, Xerónimo,
Agostiño, Casiodoro ou Gregorio Magno, entre outros. Inclúe pasaxes deles
ao pé da letra, outras resumidos e tamén algunhas máis orixinais.
3) De sacris ordinibus:
■ Contido: tratado para axudar os sacerdotes máis novos no que se tratan os
temas do bautismo e a misa.
■ Fontes: é unha compilación na que mesmo usa a súa obra De institutione
clericorum, que xa era unha compilación.
4) De ecclesiastica disciplina:
■ Contido: tratado sobre a formación do clero.
■ Fontes: compilación na que usa, sobre todo, De institutione clericorum e a
Santo Agostiño.
19 Literatura Latina Medieval
2007/2008
USC
3. A literatura na época do Renacemento Carolinxio
OBRAS DIDÁCTICAS
5) Liber de computo:
■ Fontes: compilación a base de Beda, Isidoro, Boecio e outros.
■ Forma de diálogo entre un mestre o seu alumno, polo que parece que hai
unha certa influencia de Alcuino.
6) Excerptio de arte grammatica Prisciani: preséntase coma un resumo da
gramática de Prisciano, pero tamén inclúe citas doutros autores coma
Diomedes, Isidoro ou Beda. Crese que puido escribir tamén un tratado de
gramática.
7) De rerum naturis / De universo:
■ Motivación: quere axudar a un amigo na tarefa pastoral, xa que no lugar
no que este desenvolve o seu traballo hai poucos libros.
■ Contido: é unha das grandes enciclopedias da Idade Media, ademais de ser
a única enciclopedia ilustrada deste período.
■ Fontes: Etimoloxías de Isidoro de Sevilla, aínda que non ten a finalidade de
dar a coñecer todo o saber, senón a de axudar ao seu amigo. Usa
fundamentalmente fontes literarias, polo que non describe o mundo da
Época Carolinxia, senón o das súas fontes
■ Estrutura: é partidario da explicación alegórica e sigue un sistema
inverso ao habitual, xa que vai do superior ao inferior: persoas divinas >
espíritos máis puros (anxos) > persoas importantes na historia da
salvación > persoas do Novo Testamento e mártires da Igrexa > fe >
herexías > libros da Biblia > bibliotecas e libros > temas máis triviais
(agricultura, guerra, traballo manual, alimentación, obxectos cotiáns...)
■ Difusión: non ten tanta difusión coma as Etimoloxías de Isidoro de
Sevilla.
COMENTARIOS BÍBLICOS
OBRAS TEOLÓXICAS
12) De anima:
■ Contido: tratado sobre a alma que inclúe un apéndice titulado De
procinctu romanae milita, unha reelaboración de De re militarii de Vexecio
que é o testemuño máis antigo do coñecemento de Vexecio na Idade Media.
Este apéndice é unha mostra da inxenuidade de Rabano Mauro, xa que lle
envía a obra ao rei nun momento no que estaba en guerra cos normandos e
pretende aconsellalo con fontes literarias do século V.
■ Fontes: sigue ao pé da letra o tratado sobre a alma de Casiodoro e ten
extractos de De vita contemplativa de Xulián Pomerio.
HAXIOGRAFÍA
13) Vida de Santa María Magdalena, obra atribuída pero de autoría dubidosa.
14) Martiroloxio menos histórico có de Beda, considerado importante porque é
o primeiro que se escribe nesta zona oriental do Reino Franco e será o punto
de partida para outros martiroloxios.
POESÍA
PROSA
POESÍA
a) É dos poetas máis hábiles da Época Carolinxia, ata o punto que Rabano
Mauro refírese a el coma un experto no metro, polo que non é de estrañar
que sexa autor dun poema didáctico no que explica as formas métricas.
b) Coñecía a literatura antiga e destaca o feito de que parece coñecer algo
máis ca resumos de Lucrecio, un autor pouco difundido na época. É notable
a influencia de Virxilio, Ovidio, Venancio Fortunato, Prudencio e
Boecio, aos que imita de xeito discreto, adaptándoos.
4) Visio Wettini:
■ Obra dirixida a Grimaldo, cunha dedicatoria en prosa e unha historia do
Mosteiro de Reichenau.
■ Contido: obra composta aos 18 anos na que describe a visión que Wettini,
un dos seus mestres, ten antes da súa morte. Nela aparecen uns diaños que o
queren capturar, pero son expulsados por un anxo que o leva ao outro
mundo, onde ve os tormentos dos castigados e tamén aos benaventurados.
Tamén ve a personaxes coñecidos na época, coma a Carlomagno, no
Purgatorio, ao que sitúa alí mediante versos acrósticos. Esta considérase a
parte máis interesante da obra. Posteriormente Wettini recibe instrucións
para os irmáns do mosteiro e a promesa de que se atopará en pouco tempo
entre os benaventurados.
■ Fontes:
■ Diálogos de Gregorio Magno.
■ Relato en prosa da visión de Wettini realizado por Heito, unha das
testemuñas da visión.
■ Difusión: é un importante modelo para a Divina comedia de Dante en
aspectos coma:
■ División entre Inferno, Purgatorio e Paraíso.
■ Correspondencia pecado – castigo.
■ Presenza no alén de personaxes públicas da época.
5) De vita et fine Mammae monachi:
■ Contido: vida dun santo que era venerado no oriente grego e que parece
que se consagrara aos 15 anos á vida solitaria, predicando para os animais
salvaxes. Fora perseguido por ser cristián e, finalmente, lapidado.
■ Antecedentes: versións da lenda en grego e latín.
■ Estrutura:
■ Poema que contrapón as historias verídicas dos santos coas fábulas dos
antigos.
■ Poema no que se pide apoio divino, ao xeito da invocación das musas na
poesía pagá.
■ 730 versos sobre a vida do santo.
6) De beati Blaithmaic vita et fine:
■ Contido: vida de Blaithmaic, un santo pouco coñecido de orixe irlandesa
que intentou revitalizar o Mosteiro de Iona e é atacado polos viquingos.
Así, morre asasinado xunto con outros monxes no 825.
■ Fontes: é posible que monxes itinerantes levasen a historia ao continente;
baséase tamén en Virxilio e nos primeiros poetas cristiáns.
23 Literatura Latina Medieval
2007/2008
USC
3. A literatura na época do Renacemento Carolinxio
PROSA
POESÍA
4) Himnos: destaca Ut quid iubes, pusile, considerado mesmo unha obra mestra.
A interpretación de diminutivos coma pusili ou filiole interpretouse como:
■ Indicio dalgunha relación pederástica;
■ Referencias ao neno Xesús;
■ Un canto á súa amizade con Walafrido Estrabón, do que se chegou a dicir
que é o canto á amizade máis belo da Idade Media.
OBRAS DOGMÁTICAS
MARIOLOXÍA
7) De nativitate Mariae:
■ Autoría dubidosa, foi tamén atribuída a San Xerónimo (circulou entre as
súas obras).
■ Contido: vida da Virxe (nacemento, infancia, xuventude, compromiso con
Xosé, acontecementos antes do nacemento de Xesús...)
■ Fontes: evanxeo do Pseudomateu.
■ Difusión: tivo moito éxito por dúas razóns.
Por ser atribuída a San Xerónimo.
Por estar incluída na Lenda dourada de Xacobe de Voráxine.
8) Cogitis me:
■ Autoría dubidosa.
■ Contido: tratado sobre a asunción de María, un tema de actualidade no
momento xa que no Reino Franco fora establecido como festivo o día da
asunción de María.
■ Difusión: circula entre as epístolas de San Xerónimo a Paula e Eustoquia.
HAXIOGRAFÍA
2.20.Poeta Saxón
Poeta descoñecido que parece ser anterior ao 891 e é autor de:
1) Gesta Caroli Magni metrica:
■ Contido: poema épico de 2700 versos sobre Carlomagno.
■ Estrutura en 5 libros:
Annales de gestis Caroli Magni imperatoris (4 primeiros libros):
fazañas de Carlomagno baseándose en fontes históricas.
De vita et obitu Caroli Magni (libro 5): vida e morte de Carlomagno,
adaptando a obra de Exinardo.
■ Fontes: Exinardo. É curioso que adapte unha historia profana ao verso, xa
que o normal eran as adaptacións de obras relixiosas (Biblia, textos
patrísticos).
1) Carta a Rabano Mauro: pídelle que faga un comentario sobre a Xénese para
o seu mosteiro, que Rabano Mauro fará.
2) Dedicación dun exemplar de Vexecio (Epitome rei militaris) a un dos
emperadores, que Rabano Mauro xa introducira no seu tratado sobre a alma.
3) Crónica universal:
■ Contido: exposición continuada da historia do mundo.
■ Estrutura en dúas partes:
Primeira parte (7 libros): desde a creación de Adán ata o emperador
Augusto. Ten un poema introdutorio en 20 hexámetros sobre o
contido da obra e no que lle pide a Deus que lle axude a compoñela.
Parece que o autor pensaba escribir só esta parte.
Segunda parte (5 libros): desde o nacemento de Cristo ata Gregorio
Magno. Dedícalla á emperatriz para a educación do futuro rei, polo
que é unha especie de speculum. Pretende así que o príncipe aprenda
a actitude de sapiens, que lle permita recoñecer o ben e levar a cabo
as súas accións conforme á orde divina, para o que pensa que a
Historia pode ser un bo modelo. Isto é unha idea nova, porque
normalmente este tipo de obras baséanse na haxiografía, non ha
historiografía.
■ Lingua moi correcta e con moita habilidade na exposición.
■ Contido: manual de moral para os laicos no que lles explica aos esposos a
actitude que teñen que manter para levar unha vida que lle agrade a Deus
(deberes relixiosos, da vida en común, respecto aos defuntos, morte,
virtudes e vicios...)
■ Fontes: o autor di na epístola dedicatoria que quere facer un traballo
baseado nas fórmulas usadas por Deus na Biblia e nas interpretacións dos
Pais da Igrexa. Ademais, tamén engade observacións propias, polo que
non é un mero compilador. Podería ser considerado coma un espello de
laicos.
3) De institutione regia:
■ Contido: espello de príncipes no que se explican as normas de conduta
para o rei / príncipe ideal. Exponse que o poder civil é inferior ao
eclesiástico, porque o sacerdote é o responsable ante Deus mesmo da persoa
do rei.
■ Fontes: Biblia, Patrística, Beda, Alcuino e tamén contén observacións
persoais, coma no caso anterior.
4) De cultu imaginum:
■ Contido: tratado sobre o asunto das imaxes, mostrándose favorable ao
culto das imaxes e refutando os argumentos de Claudio de Turín.
■ Fontes: obra de Claudio de Turín (que usa para refutar os seus
argumentos) e citas da Biblia e da Patrística, pero en menor medida ca nos
casos anteriores xa que esta é a súa obra máis persoal.