KULIAH 1 BDK3023

KABAALAN MAMBASA

MAMBASA SABAAGI ISO PROSES

Mambasa nopo nga okon nopo ko popokito do komogoton popolombus maya boros verbal i ponsuang id teks nga kahanggum nogi koporluan do momonsoi rati maya inferens om interpretasi teks (Pearson, 1985 id Yahya Othman, 2008:3). Tumanud kawagu di Pearson, kopiromut o proses mambasa do revolusi pamahaman (the comprehension revolution).

 Poposotol o proses mambasa do ponguasaan toisoiso maklumat i aanu mantad teks om id kolimpupuson nopo nga orotian. Mooi do orotian i teks do osonong, oporlu i mamabasa do haro komilaan di nakatalib i poingopi id kahandaman timpu anaru di no organisasi maya pomprosesan maklumat (Woolfolk 2004 id Yahya Othman, 2008:3).

 Mamabasa di lobi otuo pomusarahan kaanu lobi osonong momonsoi rati om karahung iti id pamahaman diolo (Dagostino & Carifio, 1994 id Yahya Othman, 2008:3).

RATI MAMBASA
1. Mambasa nopo nga sabaagi proses manganu komoyon di kirati kumaa lambang-lambang nositak om nosurat (Harris & Sipay, 1980 id Yahya Othman, 2004:3). 2. Proses mambasa nogi nga sabaagi komogoton sosongulun mongimuri bontuk visual om popiromut do bontuk dii miampai tuni toi ko rati i noilaan maya koinganaan. Id kolimpupuson nopo nga kaanu komogoton mamarati komoyon dau.

 Smith & Johnson (1980) id Yahya Othman, 2004:3, mambasa nopo nga mantad id imananimanon koponoodaan interaksi id piolitan kolombuson idia di sonsuat om tanggapan di tinoodo di mamabasa. Goodman (1973) id Yahya Othman, 2004:3 nopo nga moboros do mambasa sabaagi proses psikolinguistik i nimpuun mantad mamabasa i mongimuri do suang teks di basaon gisom do obontuk o makna maya pongimurian di tinoodo.

TEORI MAMBASA
1. Teori Kognitif 2. Teori Behaviouris 3. Teori Konstruktivisme

KABAALAN MOMUSOROU SOIRA MAMBASA

Mambasa nopo nga proses momusorou i kahanggum o pomusarahan kokomoi ahal poinsurat, poinlisok, popiromut do idia, monguhot om manahak respons, manahak idia om mongaplikasi maklumat kawawagu id kinoyonon wagu. Mambasa nopo nga proses di potilombus i kohanggum o interaksi di mamabasa om monunurat om idia-idia di monunurat.

 Haro tolu pangaan toponsol do proses mambasa: 1. Pogulu Mambasa Monontu bahan di basaon. Monontu ralan mongulud di bahan. Monontu ahal di oporlu sorohon mantad bahan. Tudu mambasa.

2. Daamot mambasa Mongimuri tonsi toponsol. Monontu do pamansayan idia. Mongumiri pola pomusarahan di monunurat. Popoiromut do idia-idia. Mononduai do nunu i ajadi. Popoiromut do idia di monunurat om maklumat di noilaan.

3. Opongo mambasa Mongimuri tudu di monunurat. Monganalisis teknik om boros di monunurat. Monilai kogorisan om kotoronongon di monunurat. Monguhot do ponguhatan di okritis. Monilai kowoowoyoon om kawo bukti di gunoon di monunurat.

RUJUKAN
Yahya Othman (2008). Proses & Strategi Membaca Berkesan. Serdang:Penerbit UPM. Yahya Othman (2004).Mengajar Membaca: Teori & Aplikasi Panduan Meningkatkan Kemahiran Membaca . Bentong: PTS Publications & Distributors Sdn. Bhd.