CHHIMBAL

VOL. XVI ISSUE NO. 21 SUNDAY

CMWA INKHAWM PROGRAMME
Dt. 01. 12. 2013 FELLOWSHIP INKHAWM

www.chennaimizo.org chhimbalweekly@gmail.com 2 Pages Free Circulation Since 1998

AN OFFICIAL ORGAN OF THE CHENNAI MIZO WELFARE ASSOCIATION 24.NOVEMBER.2013

ENGKIM HI PATHIAN ROPUI NAN

-Rick Warren Amah atang leh, amah avang leh amah atan thil zawng zawng a lo awm a ni si a; ama hnenah chuan chatuanin ropuina chu awm rawh se ( Rom 11 : 36 ). Lalpan thil zawng zawng hi chhan nei theuhvin a siam a..( Thufing 16 4 ). Engkim hi Lalpa ropui nan siam a ni. Mihring te siam kan nih chhan chang nilovin, lei leh vana thil awm zawng zawng nen lam hian Isua ropui nan siam kan ni a, chu thilsiam zingah chuan nang leh kei pawh hi kan tel a. Pathian ropuina avanga engkim hi lo awm a ni si a. Pathian ropuina chu eng nge? A ropuina chu Pathian a nihna lanfiahtirtu chu a ni. Pathian ropuina chu khawiah nge a awm? Hawi vel la, Pathian thilsiam I hmuh apiang chuan engtin emaw Pathian ropuina chu an puang chhuak vek a ni. Lei mawina tinreng leh van boruak zau tak te, ni, thla leh arsi engmawi tak te, khawvela thil te ber atang lian ber chenin Pathian ropuina chu an lantir a. Thilsiam te atang hian siamtu ropui zia chu hmuh theihin a awm a, Pathian thuah chuan, Vante khian Pathian ropuizia chu a hriattir a ( Sam 19 : 1 ), tiin kan hmu a ni. Khawvel thawnthu kan thlirlet chuan Pathianin mihringte hnenah a ropuina chu chi hrang hrangin a lanchhuahtir a. Eden huan atang intanin Mosia hnenah, Puan in leh Maichamah, tin, hun a liam zel a Isua kaltlangin Pathian ropuina chu puan chhuah a ni a, tunlai khawvelah pawh a Kohhran kaltlangin Pathian chuan mihringte hnenah a ropuina a puang chhuak a ni ( Gen 3 : 8, Exo 33 : 18 23, I Lalte 7 : 51, Johana 1 : 14, Ephe 2 : 21 22, II Korin 4 : 6 7 ). Pathian ropuina chuan vanram ngei mai pawh khi eng ropui takin a tuam a, Bible chuan, Tin, chu khua chuan a en turin ni a ngai lova, thla pawh a ngai hek lo; Pathian ropuina chuan a en a, an khawnvar chu Beram No a ni si a( Thupuan 21 : 23 ), tiin min hrilh a ni. Pathian ropuina chu Krista Isuaah chuan fiah takin mihringte hmuh theihin a inpuang a, Isua, khawvel eng chuan Pathian nihna famkim chu a rawn puang chhuak a. Bible chuan, Thu chu tisaah a lo chang a, kan zingah a lo awm ta a, Pa famal neih ropui angina a ropuizia kan hmu ( Johana 1 : 14 ) tiin min hrilh a ni. Hringfaten Pathian ropuina chu kan hriatfiah theih nan Isua chu khawvelah a rawn kal reng a. Pathian ropuina chu puang chhuak a, hrefiah a, chhang let a fak turin mihringte hi Pathianin min duh a ni. Engkim siamtu chuan ropuina zawng zawng chan tur hi a phu reng a, Bible chuan, Nang kan Lalpa leh kan Pathian, Ropuina te, chawimawina te, thiltihtheihna te chu hmu tlak I ni e; nangin engkim I siam a, I duh vanga awm leh siam an ni bawk si a ( Thupuan 4 : 11 ), tiin min hrilh. Thilsiamte hian A hnena ropuina hlan leh a ropuina puan chhuah hi kan leiba leh kan kova innghat liau liau a ni a, chu chu kan Pathian lawmna ber pawh a ni. Pathian thilsiam zawng zawng zingah, thilsiam chi hnih chauhin a ropuina hi kan puang chhuak lo va, chu chu van atanga vantirhkoh tla te leh mihring te kan ni. Pathian aia thildang kan hmangaih zawk tik apiang leh, Pathian hnena ropuina kan hlan loh apiang hian sual lian ber kan bawhchhia tihna a ni. Pathian hnena ropuina hlan duhlohna sual hi Setana, van atang a tlakna chhan ber kha a ni a, nang leh keia tan pawh chu ngei chu Pathian kan uire sanna sual lian ber a ni bawk. Kawng danga kan sawi chuan, Mihringte hian Pathian ropui nan kan nung lova, keimahni ropui nan chauh kan nitin hun hi kan hmang, tihna a ni. Bible chuan, Mi zawng zawngin thil an tisual ta vek a, Pathian ropuina an chang zo ta lo a ni ( Rom 3 : 23 ), a ti hial a. Tumahin Pathian hnenah ropuina kan pek tur zat kan pe lo va, mihringte hnen atang kan Pathian chuan ropuina a dawntur zat a dawng bawk lo tihna a ni. Pathian chuan mihringte hi a ropuina puang chhuaktu atan min siam si a, Pathian thu

A Hmun: CSI Wesley Church, Egmore Tan Hun : 03:30 pm Hruaitu : Tv. Michael P.C Lalrinkima (Chepauk) Tantu : Tv. Carmel Vanlalhnema (UCA) Thawhlawm Khawntu : December tha Receptionist Thawhlawm Hlantu :Tv. Lalremkima (Barath University) Thu sawi tawi : Tv. Lalnunsanga Bawitlung (Chepauk) Musicians: 1. Tv. Hmangaihzuala (Chepauk) 2. Tv.Samuel Laldingngheta (MCC) 3. Tv. Lalruatfela Renthlei (Choolaimedu) Receptionists : 1. Tv. Biakthanmawia (Chepauk) 2. Tv. J.Lalrinchhana (Chepauk) 3. Nl. A. Lalremtluangi(Chepauk) 4. Nl.R.Lalfamkimi (Chepauk)

Bible Changthlan
Mithi zing ata nung leh angin Pathian hnenah inpe u la, In taksa peng pawh chu felna hriamhrei atan Pathian hnenah pe phal zawk rawh u. -Rom 6 : 13

www.vanglaini.org

CHHIMBAL

SUNDAY
KAN CHHUNGKUA 1. Kan Founder president Pu.P.C Lallawmsanga te pawh Dt.20.11.khan tluang takin Mizoram lam panin an haw thei a, alawmawm hle a ni. 2. Dt.01.12.2013 hian North East Christian Fellowship MCC chuan ProjectMessiah Gloria In Excelsis Deo an nei dawn a,CMWA memberte tel vek turin min sawm a,Rs 120/- pekin dinner a awm nghal dawn a ni. 3. Dt. 21/11/2013 (Thursday) Dar 2:30 p.m vel khan, CMWA a kan Vice President Pu, Lalnuntluanga Vanchhawng nupui, Pi Doris Lalduhawmi chuan New Life Hospital Aizawl, ah Fapa duhawm tak (Kg 3.280) a nei a, Welfare chuan Pu, Tluangtea te Chhungkua kan lawmpui hle a ni.An fapa hming hi David Vanlalhriata a ni e. 4. University of Madras te pawhin Semester Exam karleh atangin an tan dawn a,zirlai zawng zawngte tha taka an tih theih nan duhsakna kan hlan a,tin,college leh University dang exam asdas mek leh la exam turte pawh duhsakna kan hlan nghal a ni. 5. Mizo sport chu kan tan a ni ta der mai,House in elna kan neih tawh ah te kan tang tlangin Lengkhawm zai intihsiak pawh ngaihthlak anuam hle mai a,kan hmaa in elna kan neih leh zel turah House memberten theihtawp chhuah tlang zel turin kan inchah nghal a ni e.. 6. Vawina kan thingpui in min sponsor tu hi Pu Lalnuntluanga Vanchhawng a ni a, a fapa thar lawm nan a arawn sponsor a ni a, a chungah lawmthu kan sawi mawlh mawlh a ni.
CHAWNGKHUM DAN TLANG HUAT LOH..!!

24.NOVEMBER.2013

Editorial
Mitin te hian Dream (Duhthusam/suangtuahna) kan nei vekin a rinawm chu kan Dream erawh chu ahrang theuh awm e. Mi hlawhtling leh mi chhuanawm tam tak te hian an dream antih hlawhtlin theih vanga lar leh hmingtha te pawh ti ila kan sawi sual awm love. Mahse chu kan Dream ti hlawhtling tur erawh chuan mahni tapchhak zawl atanga thu der der paha tih hlawhtlin chu a har thung hle si ang. Kan Lal Isua ngei pawh khan a dream chu a ti hlawhtling chiang khawp mai, dawt tin renga hekna,phatsanna,tih hlum hial pawh tawk mahse, chhandamtu ropui a ni. Dream ti hlawhtling tur chuan huaisen a ngai a;mi ropui nih erawh a ngailo. Tumruh a ngaia;mi chungnung bik nih angailo. A thil tuma hlawhtling mi chu sawiselna in a pawt dinglo a, a thil tum hlutna a tipung zawk thin. Hausak leh retheih in kawng ro a su berlo a, rethei tak leh harsatna tam tak tawrh pawh an inhuam zawk thin. A pawimawh berah chuan Lalpa, ka dream hi min tih hlawhtlin sak ang che? ti a dil ai chuan Lalpa eng nge dream tura min duh? eng nge khawvela ka pian ve chhan? ti a kan dil ngam a ngai a ni. Mi tam takin hei hi hmuh hmaih in thiamna sang tak tak neiin zir chhuak mahse Pathian theihnghilhin Pathian an zir chhuak tel thin lo a,rei an daih thin lo. Kan zirna leh kan hnathawhna theuh ah hian Pathian atel ve arem em? Pathian atel tak tak em? tih hi kan in zawh nawn fo atan a duhawm hle a ni.

Editorial board
Editors K. Lalchhuanliana 9790978813 Jt.Editors Lalnuntluanga Vanchhawng 9176955764 F. Hmingthanzuala 9600027841 Lalthanpuia 7401652340 Correspondents Tv. C.Lalnuntluanga 9940187058 Tv. Lalnunthara 9884820638 Tv. R.Lalruatfela 9677160495 Nl. Hmingsangzuali 9940441412

ARTICLE WRITTING COMPETITION

SHOOT ME...SHOOT ME..!

HRIATTIRNA
CMWA Inkhawm a Chanvo neite rokhawlhna avanga ti hlawhtling theilo tur te chuan arang lamin a hnuaia hming leh contact no. ah hian in hriattir thin tur a ni e. Hming : Tv. Vanlalhruaia Pautu Contact : +91 7845239784

A hua hua

hlawk-ah....

Article Writting Competition buatsaih tum a ni a, House inelna a hman nghal tur ani dawn a ni. Tel tur zat bituk a awm lo anga, house tin atangin memberten house tan aziak thei ang. Thupui a awm dawnlo a, Pathian thu emaw Chennai mizo te nena in hmeh thei leh kan hmasawn tlan theihna tur lam hawi zawnga ziah theih nise alawm awm hle ang. 2000 words aia tam lo ziah tur a ni bawk ang. Tel duh tur chuan mahni House Leader te hnen a in hriattir tur a ni e. Dt.01.Dec.2013 aia tlai lo ah submit vek tur a ni a, house Leader ten kan Chhimbal Editor hnenah December ni 2 aia tlai lo ah thehluh tur a ni ang.He competition a kan Judge tur te chu Chhimbal Editorial Board te an ni dawn a ni.
SUNDAY INKHAWM REPORT

1.Ka inkhawm hi chuan kan house nula ho hi an rawn kal kim thap thap zel.. -Blue House Leader 2.Anne zawngtah chu min rawn thawn ngei ngei rawh aw -Chami Chepauk 3.Krismas nangnen tih hla hlir ka ngaithla tawh dawn. -Hriatpuia Loyola

Date : 17.11. 2013 Inkhawm zat Mipa :58 Hmeichhia: 57 Total :117 Thawhlawm : Rs. 2437/-

CHHIMBAL

SUNDAY

24.NOVEMBER.2013

chuan, Ka hming pu apiangte leh ka ropuina tura ka siam apiangte chu; anmahni chu ka din a, ani, anmahni chu ka siam a ni ( Isaia 43 : 7 ) tiin min hrilh a ni. Chuvangin Pathian ropuina lantir chu kan tum lianber pawh a ni tur a ni. Engtin nge Pathian Ropuina Chu Ka Puan Chhuah Ve Ang? Isua chuan A Pa hnenah tihian a tawngtai a, Nangin thil tihtur mi pek kha ka tizovin, khawvelah I ropuina ka puang chhuak tawh e ( John 17 : 4 NIV ) tiin. Isua chuan khawvela a rawn kal chhan a tihzawh khan Pathian ropuina chu puan chhuahin a awm a; chutiang bawkin, thilsiam zawng zawng te hian siam kan nih chhan kan tihhlawhtlin hun apiangah Pathian ropuina kan puang chhuak a ni. Mu vanlai chuan siam a nih ang taka, thang van zawla a thlawh duai duai khian siamtu ropuina chu a puang chhuak a, chutiang bawkin rannung chi hrang hrang pawhin an awm dan tur anga an awm hian Pathian ropuina an puang chhuak mai a ni. Pathianin fanghmir chu fanghmir ni turin a siam a, nang pawh nangmah ni turin a siam che. Mihring kan nih vang ngawt pawh hian Pathian ropuina chu kan lantir a ni, tiin St Irenaeus khan a lo sawi a. Mihringte hian kawng tamtakin Pathian ropuina chu kan puang chuak thei awm e. A tlangpui thuin thil panga han tarlang I la: Pathian nen kan inpawl ( worship ) hian, Pathian ropuina puan chhuahin a awm thin. Pathian nena inpawl chu thilsiam chuan siamtu hnena kan tihmakmawh hmasa ber a ni reng a. Pathian chuan englai pawhin a fate hi pawl min duh a, chu kan inpawlna chuan Pathian ropuina chu a puang chhuak a ni. Pathian biak ( worship ) tih awmzia tak tak chu fakna hla sak leh tawngtai aiin a thuk zawk a, kan nih ang anga amah hmangaihna, a hman theih tura inpekna, kan nitin nunah Pathian vanga lawm hliah hlaihna ( lifestyle of enjoying God ), Amah nena inpawlna te hi pathian biak tih awmzia diktak chu a ni. I nun chu Pathian ropuinan I hman chung chuan, I thiltih engkim kha Pathian biakna ( worship ) an tling a. Bible chuan, Mithi zing ata nung leh angin Pathian hnenah inpe u la, In taksa peng pawh chu felna hriamhrei atan Pathian hnenah pe phal zawk rawh u ( Rom 6 : 13 ) tiin min hrilh a ni. Kan Ringtu puite kan hmangaih hian Pathian ropuina puan chhuahin a awm thin. Thlarauva piantharna I dawn a tang khan Pathian chhungkua member pakhat I ni a. Krista hnungzui tih awmzia chu amah rinna chauh a ni lo, Pathian chhungte, rinnaa kan unaute hmangaih pawh zir a ngai a ni. Pathian thu chuan, Chuvangin Krista chuan Pathian tih ropui nan a lawm che u ang khan inlawm tawn rawh u ( Rom 15 : 7 ), tiin min zirtir a. Pathian chu hmangaihna a ni a, kan inhmangaihtawn hian a ropuina chu hmuhtheiha puan chhuahin a awm thin. Isua chuan, Thupek thar ka pek che u hi, inhmangaih ula; keiin ka hmangaih ang che u hian nangni pawh inhmangaih u la: in inhmangaih chuan mi zawng zawngin ka zirtirte inni tih chumiah chuan an hria ang ( John 13 : 34 ), tiin thu min chah bawk. Krista annaah kan thanlen hian Pathian ropuina puan chhuahin a awm thin. Pathian chhungkuaah kan lo pianin, thlarau lamah thanglian a, puitling turin min duh a. Thlarau lama puitlinna chu engnge ni? Mi engang hi nge thlarau lama puitling te chu? Krista rilrupu, Krista tih ang ti ve, nitina Krista ang deuh deuh te hi thlarau lama mi puitling te chu an ni. Krista annaa I thanlen poh leh I nunah Pathian ropuina a inpuang tam ting dawn tihna a ni. Pathianthu chuan tihian min hrilh a, Lalpa thlarauin kan chhunga a thawh ang zelin Amah chu kan ang deuh deuh a, A ropuina chu kan lanchhuahtir zualzel thin ( II Korin 3 : 18 NIV ), tiin. Krista I pawm ni atang khan Pathianin nun thar, khawvel thar a pe che a. Chu tiang taka nung chhunzawm zela, Ama ropui nan rah tha tam tak chhuah turin Pathianin a duh che. Bible chuan, Hemi avang hian ka Pa chu chawimawiin a awm thin, tam taka in rah hian; chutichuan ka zirtirte inni ang ( Johana 15 : 8 ), tiin min hrilh a. Krista annaa kan thanlen poh leh Pa ropuina chu puan chhuahin a awm thin a ni. Kan thilpek dawnte hmanga midang rawng kan bawlsak hian Pathian ropuina puan chhuahin a awm thin. Mitin hian Pathian hnen atang thilpek chihrang theuh, thiamzawng, tui zawng leh theihna zawn kan dawng theuh a. Accident vang maiin tumah khawvelah kan piang hek lo. Mahse kan hriat rengtur chu, mahni tanghma haina atan Pathianin heng thilpekte hi min pe lo, tih hi a ni. Midang ten I talent kha an lo chhawr tangkai a, midang talent pawh itan a lo tangkai theih nan, Pathianin a ropui puan chhuah nan fing takin min sem theuh zawk a ni. Bible chuan tihian a sawi a, Mitinin thilpek in hmuh ang zelin, Pathian khawngaihna tinreng enkawltu thate angina, chung chuan rawng inbawl tawn theuh rawh u. Mi tupawhin thu a sawi chuan Pathian thute angin sawi rawh se, mi tupawhin rawng a bawl chuan Pathianin chakna a pek ang zelin bawl rawh se; chutichuan Isua Krista avangin Pathian chu thil engkimah chawimawiin a awm thei ang, ropuina leh rorelna chu chatuanin ama ta a ni si a ( I Petera 4 : 11 ). Pathianin theihna min pekte phal taka kan hman chhuah hun apiangah Pathian ropuina chu puan chhuahin a awm thin. Pathian chanchin kan sawi hian Pathian ropuina puan chhuahin a awm thin. Pathian chuan, hmangaihna a ngahzia thu te, chhandamna min buatsaihsak thu te, kan tana a chatuan thiltum te hi a ruk arala thamral mai mai turin a phal lova, kan inhrilh chhawn zel a duh a, khawvel zawng zawngin hriat a duh a ni. Isua chanchin sawitura tirh kan ni hi ringtute hamthatna lian tak chu a ni a, chu chu kan Pathian ropuina a ni. Isua hre ngailo te hnena Isua chanchin sawi te, van ram nuamah chatuana cheng tura siam an nih thu hrilh hriat te, khawvela an dam chhan leh thlarau khawvela an chatuan kawng zawhtur tan inpuahchah tura kawng kawhhmuhtuah Lalpan min tirh avang hian kan vannei chungchuang a, A chanchin kan sawi hian Pathian ropuina chu puanchhuahin a awm thin a ni. Pathian ropui nana hun hmang tur chuan kan ngainat zawng leh thil tih thin tamtak te bansan a ngaih chang a awm thei a, kawng nuam zawk zawh ngawt lovin kan hreh ngawih ngawih kawng te pawh zawh a tul chang a awm thei. Isua meuh pawh khan he duhthlanna tlangah hian harsatna a tawk a. Krosah khenbeh a ni tawh dawn tih a hriat khan he thu hi a sawi a, Tunah ka rilru a mangang e, engnge ka sawi ang aw? Ka Pa, hemi hun lakah hian min chhandam rawh ka ti ang em ni?

CHHIMBAL

SUNDAY

24.NOVEMBER.2013

Engpawh ni sela, he mi thu hi, he mi hun thleng hian ka awm chhan a ni. Ka Pa, I hming chawimawi rawh ( Johana 11 : 27 28 ), tiin. Isua chuan a hmakhua chauh thlira, kawng nuam zawk chu thlang lovin a Pa ropuina tura nun chu a thlang ta zawk a, A tawrhnaah chuan Pathian ropuina chu puan chhuahin a lo awm hlauh zawk a ni. Ringtute pawh hi nitin duhthlanna tlangah kan ding fo thin a, nangma hlimna leh hamthatna tur mai nge I thlan dawn a, Pathian ropuinan I nung zawk dawn? Engtinnge I khawvel hun I hman zel dawn? I tan nge Pathian tan? Engtinnge ka dam chhung zawng chuan Pathian ropui nan ka nun theih ang tiin I inngaihtuah buai a ni mai thei. Lungngai suh, A tana nung tura I mamawh chakna chu Pathian chuan a pe em em ang che. I duhthlanna kha Lalpan a ngaipawimawh a ni. Pathian chuan, A siam chhan che tihlawhtling a, A ropuina puan chhuah nana nung turin a sawm che a. Chu chu mihringte nun dantur awm chhun a ni reng a. Isua hnenah kan nun, kan awmdantur zawng zawng kan hlan hian nun tak tak bul chu kan tan tihna a ni a, nunna minpetu chuan ama ropuina puan chhuahnan ani min pek ni. Pathian ropuinan kan nun zawng zawng kan hlan hian, kan thiltih engkim hi Pathian ropuina lantirtu a lo ni thin a, thilsiam engkim mai hian siam kan nih chhan kan tihhlawhtlin hian Pathian ropuina chu puanchhuahin a lo awm thin. Pathian hnenah ropuina awm kumkhua rawh se! (Note : Rick Warren-a hi Saddleback Kohhran, California, dintu niin pastor hna a thawk mek a, rawngbawlna hrang hrangah hma a la bawk a, members 700,000 neiin America-a Kohhran lian leh hriathlawh ber pakhat a enkawl mek a ni.)

MIZORAM NEWS
Thlan atan inbuatsaihna zawhfel a ni Inthlan duty turte'n an awmna tur an pan tan; Mizoram Assembly inthlan, November 25, Thawhtan nia neih tur atan inbuatsaih peihfel thawkhat a ni tawh a; nimin khan election official tur zinga hmun hla zuala awm turte chuan an duty na hmun tur panin an chhuak a, vawiin leh naktukah mi eng emaw zatin an duty na hmun tur an pan leh ang. Aizawl district chhunga Assembly constituency pali - Tuivawl, Chalfilh, Tawi leh Aizawl South-III (rural area bik)-a inthlannaa duty turte chuan nimin chawhma a?ang khan Vanapa Hall atangin inthlanna tur hmanrua/bungruate an la chhuak tan a, vawiinah EVM an la chhuak leh ang. Aizawl district-a Aizawl khawpui pawn lama duty turte hian Pathianni-ah an dutu-na tur an pan dawn a ni. Lunglei district chhunga polling party 29, hmun kilkhawr deuha duty turte chuan nimin khan Lunglei chhuahsanin, an duty na tur an pan a; vawiinah polling party 107 an chhuak ang a, naktuk Pathianniah Lunglei khawpui chhunga duty tur polling party 39-te an chhuak ve leh ang. Kolasib-ah chuan nimin khan Kolasib district chhunga constituency pathuma duty tur polling party-te chuan inthlannaa hman tur bungruate, DC office a?angin an la chhuak. Kolasib district-a polling party-te hian vawiinah an duty na hmun tur an pan dawn a, inthlanna atan a inpeih tawh a ni. Kolasib district-a Assembly bial thumah polling station 76 a awm a, district headquarters atanga khaw hla ber chu North Hlimen a ni. Kolasib district-ah hian kawlphetha la awm lohna khaw pathum - Rastali, South Chhimluang leh North Thinglian te a awm a; motor luh theih lohna khua Rastali panna kawng chu ngawrh taka siam mek a ni. Serchhipah chuan nimin tlai dar 4 thleng khan postal ballot thawn chhuah 989 zinga 449 DEO office-ah a let tawh a, postal ballot-te chu strong room-ah dah nghal zel a ni. Postal ballot hi eizawnna leh thil dang vanga mahni vote neihna hmuna vote thlak ve thei lote'n vote an thlakna a ni. Serchhipah vek hian nimin khan DEO, Juhi Mukherjee kaihhruaina hnuaiah Serchhip NIC-ah final randomisation of polling party neih a ni a, polling party-te duty-na tur hmun siamfel a ni. Polling party-te chu vawiinah Serchhip atangin an chhuak tan dawn a, Pathiannia chhuak tur eng emaw zat an awm bawk. Champhaiah pawh nimin khan Town Hall-ah inthlana duty turte a hnuhnung ber atan training neihpui an ni. (Source- Vanglaini)

SEVEN BRILLIANT QUOTES

1. Shakespeare Never play with the feeling of others because you may win the game but the risk is that you will surely lose the person for a life time 2. Napoleon The world suffers a lot,Not because of the violence of bad people,But because of the silence of good people 3. Albert Einstein I am thankful to all those who said NO to me,Its because of them I did it myself 4. Abraham Lincoln If Friendship is your weakest point then you are the strongest person in the world 5. Martin Luther King We must learn to live together as brother or we will perish together as fools 6. Mahatma Gandhi The weak can never forgive,Forgiveness is the attribute of the strong 7. Dr. Abdul Kalaam It is very easy to defeat someone,but it is very hard to win someone