BMA AW An Official Organ of The Bangalore Mizo Association
Registered Under Societies Act of Karnataka No. BLU-S188-2007-08 Date 7 May 2007
Vol XIII Issue No. 1 Bangalore Mizo Associ ation Pathianni Tin Chhuak Chanchinbu
KEIMAHNI
&& BMA Directory 2007-2008 a
chhuak tawh e. Bu khat Rs. 50
chauhin a lei theih. Inkhawmna
kawtah lei theihin Pathianni
apiangin a awm ang a, tin hruaitute
hnenah pawh lei theih a ni ang.
Directory hi Bangalore a Mizo
awmte kan inhriat tawn theih nan
te, chhiatni thatni atan te a tangkai
hle a ni. A copy a tam loh avangin
chanloh palh awm thei a ni a. I
ngaihven rang dawn nia. Tin, BMA
Inkaihhruaina dan bu leitur a awm
bawk a. Bu khat Rs.25 chauh a ni.
&& Mysore lam a kan member
thenkhat, JSS Law College a
zirlaiten an zirlai tha takin an
passed vek.
&& UVCE a zirlai kan member
thenkhat ten theory exam an zo tan
mek, practical exam an nei zui ang.
&& RJ Lalnunpuia, krismas hma
atanga dam thalo pawh nimin khan
Baptist Hospital ah admit a ni.
&& Kan Senior Adviser Pu
Sapthanga te nupa Mizoram lama
krismas han hmang pawh January
ni 1 khan an lo haw thla leh ta.
&& Kan Editor haw chho pawh a
lo chhuk leh tawh e.
BMCF INKHAWM PROGRAMME
Pathianni (13th Jan. 2008, 3:00pm):
Hruaitu : Pi C. Rothangpuii
Tantu : Tv. Vanlalpeka
Thawhlawm: Pi Lalawmpuii Chawngthu
Special Number : Nl BC Lalremmawii
Thusawitu : Rev. Dr. K. Sapthanga
Vawiin Bangalore:
A boruak a nuam tawk khawp mai.
Temperature a san lai berin 26.6 deg C
a ni a, a hniam lai berin 19.1 deg C.
Vawiin tlai 6:07pm ah Ni a tla anga,
naktuk 6:44am ah Ni a chhuak ang.
Please purchase PDF Split-Merge on www.verypdf.com to remove this watermark.
Date: 6th January 2008 Phek Khatna
BMA DAY ROPUI TAKA HMAN A NI.
January 1, 2008 Thawhlehni tlai 3:30pm.
Tagore Hall, United Theological College, Benson Town,
Bangalore.
Kum dang pawha lo lawm thin BMA Day chu kumin 2008,
kumthar ni-in, hlim taka hm an a ni. A hmun hi krismas kan hman
zawh chiahna a ni bawk a, a nuamin a remchang a, kal pawh kan
thahnem hle.
Program chu chawhnu dar 3:30 ah tan a ni a. President, Pu K.
Lalrokima’n inkhawm a kaihruai a. ‘E Khai! Hlim rawh u’ tih hla
kan sa ho a. Hun hmasa lam hi chu urhsun taka hman a ni. Pathian
hnena inhlan tharna leh tawngtainate Rev. R. Lalnunzira’n a nei a.
Hunserh te neih a nih hnu hian BMA Inkaihhruaina dan siamthar, a
bu a siam chu kan Senior Adviser, Dr. Lalrinawmi Ralte in a
tlangzarh a, tin, BMA Directory 2007-2008 chu BMMP Convener, Pi
Lalnunmawii’n a tlangzarh bawk a ni. Tun tum day hi a danglam
riauna pakhat chu Padma Shri Khawlkungi’n min hmanpui thei a. A
hnen atangin Kumthar Chibai bukna thu kan ngaithla bawk a ni.
He’ng program karah hian zaithiam tak tak, Zorina te, Suzane te
unau leh Solomon-a zaite kan ngaithla bawk. Hun then hmasa tawp
lamah chuan ‘Tlawmngaihna Hlu’ tih hla kan sa ho a, refreshment tui
tak kan eiho bawk a ni.
Then hnihna kan tan a. Then hnihna lam hi chu zangkhai leh
hlimawm zawnga hman a ni a. A hmasa berin Bangalore nuho
zaipawl an rawn zai. An conductor chu thirsakawr chungah a rawn
chuang lut, uniform mawi tak nen ‘Bohemian Rhapsody’ an rawn sa.
Thiam leh zei ber thlan theih pawh a nilo, tute nge an nih hriat
theihloh khawpin an thiam a rual hle a ni. A dawt ah, BMA
naupangte an rawn lam. Anni tluka lam thiam hi an awm kher ang e
maw, tih tur an ni. Mawi taka an lam hnu chuan Nl. Sarah
Lalngaihawmi a rawn zai a, a hlasak a mawiin zai a thiam kher mai.
Chumi zawhah, intelligence report turu tak tak Pu Rengpuia leh Nl.
Blessy te hnen atangin kan ngaihthla a, a bengvar thlak hle. The
Khal s ho an rawn che ve leh a. Anni hian fashion show leh modeling
an rawn entir a ni. Mipa ho mah nise, an pian leh incheina khan
hmeichhia an an lohna reng a awm lo. Pu Pca leh Mapuia (of
KRPuram) te uluk lutuk mawlh khan nuih an ti za. The Khals te
mawi taka an rawn inthehthil vel hnu chuan, kan nghahhlelh leh
kumdang pawha kan neih zen zen loh, Cheraw, m awi lutukin Mapuii
Hostel nula leh BMA tlangval ten an rawn entir a. Mit a tleiin hun
hlimawm tak kan hmang a ni. Hun kha a khamawm loh a ni ber a.
He’ng program karah hian games neih ani zauh zauh bawk.
Ban dawnah chuan BMA Hla kan sa a. Tawngtaina Vice
President, Rev. PC Lalduhawma’n a hman zawhin zanriah tuitak,
vawksa rep, bai leh sangha kan te kan eiho ta a ni.
 Vol XIII Issue No. 1 Bangalore Mizo Associati on Pathi anni Tin Chhuak Chanchinbu
Editor
C. Lalhmachhuana, UTC,
Ph- 9845330822
Joint Editor
Thaarie Hnamte
Vasanth Nagar,
Ph. 9886145877
Circulation Staffs:
David Laldanfela
Joshua Lalramdinmawia
C. Lalramthanpuia
Guest Editor – Mâdawnga
E-mail: bmanews@gmail.com
Website: www.bangaloremizo.info
A Man Thla Khatah : Rs. 15/-
Editorial
Tihdanglam ngai a awm em?
Kumthar 2008 kan lo chuangkai
leh ta a. BMA AW pawh kum 13
lai a lo ni ve ta. Awle, Kumhlui a
kan thil tih tam tak te, hriatreng
tlakloh te pawh a awm ang,
chutiangte atang chuan mahni
nun enin inzir chiang ila.
Mihring nuna thil ho mai mai
tihduhna awmte hi i peih then
zel ang u. Mizo kan lo awm tam
hian ‘neuh neuh’ kan ngah duh
khawp mai. In rêl te, in sawisel
te, awhna sualte, mi tih ang
tihve kher duhna te, hawkdakna
te, insumtheihlohna te, heng hi
bansan a tha khawp mai. Mizo
thalai inluah tam takte, hnam
dang leh sakhaw dangte zah lek
lova, mahni duhthu a inluahna
hmun a khawsak kan ching hle
mai te, mimal puitlin lohna kan
tilang a ni tih leh hnam kan
timualpho a ni tih hriain, mawi
tak leh puitling taka khawsak i
zir zel ang u. Kumthar a nih
angin resolution thar, project
thar i insiam ila. A tul hunah
chuan ei loh, in loh, tih loh, sawi
loh, kal loh te i zir ang u. Mahni
hnam kan inzahpui hma hian,
Mizo nula leh tlangval te u, rilru
fimin kan khawsakdan te i
ngaihtuah thin ang u.
Please purchase PDF Split-Merge on www.verypdf.com to remove this watermark.
Date: 6th January 2008 Phek Hnihna
BMA IN LAWMTHU A SAWI.
1. Day hm an dawn ni atanga thil engkim buaipui tute:
Gilbert, Ramhluna, Peter, Michael, Tetea, Rema, Lucy, A-mami,
Maenga, Patea, Jerry, Ramchhuana, Fela, Chhuanpuia, Mapuia, Tetei,
Colin, Joshua, Andrew, Mapuii, Zorini, Kimkimi, Baby, Tluanga,
Ricky te, heng bakah hian hruaitu thenkhatte, in chungah lawmthu kan
sawi e. In zarah Day kan lawm a hlawhtling tak zet a ni.
2. BMA Day kan hmanna atana thil tul tam tak min buaipui
sak tute: Hall min hmantirtu – UTC, Hall chhung mawi taka min
cheisak tute – Zoram Villa leh Grace Home Boys, Pangpar min
khawisaktu Pi Tanpuii, Sound System leh ei rawngbawlna hmanrua min
hmantirtu – BMCF, Banner mawi tak min siamsaktu – Tv Obeda
Lalhuliana, Sound system min enkawl sak a, min buaipui saktute –
Isaac Lallunghnema, Michael leh Amos-a te, in chungah lawmthu kan
sawi tak zet zet a ni.
3. Day hlimawm tak hmang thei tura Items hrang hrang
min tihhlawhtlinsak tute: Tv. Zorina, Tv Solomon Lalhminghlua,
Suzane te unau, Nl. Sarah Lalngaihawmi, BMMP, BMA naupangte,
The Khals te, Cheraw min entirtu – Mapuii Hostel nula te leh Tv. Peter,
Gilbert, Tetea, Aldrin, Ramchhuana, Nundika, Robert leh Fela te; in za
a chungah lawmthu kan sawi e.
4. Kan sawmna te min ngaih pawimawhsaka, min tih
hlawhtlinsak tute: Dr. Lalrinawmi Ralte, Pi Lalnunmawii, Rev. R.
Lalnunzira, Padma Shri Khawlkungi, Rev. Lalhmingchhuanga Zongte,
Nl. Lalrinpuii leh Nl. Sarah Lalngaihawmi. Kan inkhawm in
tiphuisuiin, in tinuam hle mai. In hnenah lawmthu kan sawi e.
5. Directory siamna atana bul min tumsak tute – Tv.
Lalremliana Pachuau, Tv. John Lalsiamthara, Tv. Lalrotluanga, Nl BS
Lucy, Pi Rita Ralte, Tv. C. Remmawia, Tv. Lalrothara Tlau (Wisdom
Home), Pu PS Chhuasa (Mapuii Hostel), Nl. Vanlalchhuani (Grace
Home Boys’ Hostel), Pu Lalchawilena (Zoram Villa), Pi Lalpianmawii
(Shalom Hostel) leh Pu Jim Lalrammawia (Mary Jones Hostel) te
chungah kan lawm em em bawk a. Tin, Directory, an hun chep tak kara
min chhutpui tute – Tv. Beihmosia Lava, Lalrinzuala Pachuau, B.
Laldinpuia leh Isaac Lallunghnema te, nangmahni min puihna avangin
Directory kan chhuah leh thei a, in chungah kan lawm tak zet a ni.
6. BMA Directory 2007-2008, a man pangai aia tam a min
leisaktute – Pi Tanpuii, Pi Angel Sailo, Pi Nunmawii, Pi Mahlui, Dr.
Marina, Dr. Machhungi, Pu Thangzamuana, Pu C. Lalramzauva, Pu
Joshua Lalrempuia, Tv. Amos Lalremtluanga, Tv. Titus, Tv. Samuel
Lalrozama, Nl. Laldingliani Sailo, Nl. A-mami leh Nl. Ropuii te, in
chungah lawmthu kan sawi tak zet a ni.
Member zawng zawngte chungah lawmthu kan sawi bawk a.
Heng kan han sawi bakah hian nasa taka rilru leh tha min sensak tute
sawi hmaih kan lo nei hlauh a nih chuan min ngaidam a, in chungah kan
lawm tak zet a ni tih min lo hriatsak turin kan in ngen bawk ani.
Hruaitute leh nu leh pa te, in tello chuan engmah lo mai a ni ang.
Khawtlang rawngbawlna hi Pathian rawngbawlna a ni tih rilru pu a,
thahnem min ngaihpui avangin in chungah kan lawm tak zet a ni. He’ng
zawng zawng ti thei leh min hman hlawhtlin tirtu, Pathian chungah
lawmthu min sawipui theuh turin kan insawm nghal bawk e.
- General Secretary,
Bangalore Mizo Association.
 Vol XIII Issue No. 1 Bangalore Mizo Association
SCIENCE & TECHNOLOGY
Virus chi hrang thenkhatte
BMA AW Vol.XII Issue
No. 49 9th December ‘07 ah khan
computer virus chungchang kan
rawn chhuah tawh a. Tunah hian
kan han chhunzawm leh ang e.
Worms: Hei hi software
chi khat amah leh amah intihpun
nana computer network leh
computer invenna hmun awl luah
a, hmang thei a ni, program
thenkhat pawh a khawih chhe thei
bawk. Chu’ng worm copy te chu
network kaltlangin emaw
computer dangah an lut a, amah
leh amah chu computer invenna
hmun awl te kaltlangin a insiam
pung ta thin a ni.
Trojan horse: He virus hi
hnathawh hrang tak nei a ni a.
Virus te chu i computer ah a dah
lut thei a, tin, file te chu a tireh
thei bawk a ni.
Macro viruses: He virus
hian command pakhat ‘macros’
tih chu virus kaitir nan leh
thehdarh nan a hmang tlat thung
a. He macros command hi
software thenkhat, Microsoft
word leh Excel te hian file tihlan
nan an hmang a. Chu command
chu he virus hian a lo hmang ta
hlauh mai a ni.
Backdoor Trojans: Hei
hi program a ni a, computer
pakhat atangin a dang chu
internet emaw, local area network
kaltlangin emaw a control tir thei
a ni.
Resident viruses: Hetiang
virus te hi RAM memory ah an
awm tawp a, chuta tang chuan
computer hnathawh chu an lo
thunun ta thin a ni.
Computer virus hi chi
hrang tam tak a awm a. I
computer ah Anti-virus i dahloh
chuan nasa takin virus te hian an
thunun thei a ni.
(Remchangah Anti-virus
hnathawhdan kan rawn tarlang
leh ang.)
Please purchase PDF Split-Merge on www.verypdf.com to remove this watermark.
Pathianni Tin Chhuak Chanchinbu
TODAY DIGEST
Goal thun hnem
International football match-a la
inhneh chiang ber, goal luh hnem
berna match chu June 30, 1951
khan Australia rama Sidney ah a
ni a. England 17-0 Australia a ni.
Samak
Samak ki kan tih mai, a hnar
chung a mi hi, ruh ni lovin, sam a
ni.
Thlai thenkhat
Hmâsang hunah chuan thlai
thenkhat chu hriat ngai reng reng
loh an ni a. He’ng, hmarcha te,
bawkbawn te, alu leh tomato te hi
kum 1500 bawr vel, Spanish in
America an run atang chauh khan
Europe ramah khuan hriat a ni.
Guwahati
Khawvel a Thingpui lilamna
hmun lian ber pahnih chu
Guwahati leh Colombo (Sri
Lanka) te an ni.
ATM
Tunlaiah ATM kan hmang nasa ta
hle mai a. A lampum chu
‘Automatic Teller Machine’ tih a
ni a, chu chu bank dawrtute hnena
pawisa petu khawl a ni. Kum
1960 bawr chho vel deih tawh
khan England ah hman a lo ni
tawh a, chumi hnu ah US ah leh
Japan ah.
ATM i hmanin fimkhur hle la,
hmun fianrial a mi chu
nangmahin hmang ngai suh ang
che. ATM hmun khat ami pawh
hman rengah neih loh tur, a theih
hram chuan hmun hrang hrang
ami hman tur. I PIN tumah
hriattir suh ang che.
“Life is like a taxi. The meter
just keeps ticking whether you
are getting somewhere or just
standing still.” - Lou Erickso
“The best doctors in the world
are Doctor Diet, Doctor Quiet
and Doctor Mirth.” – Jonathan
Swift
Date: 6th January 2008 Phek Thumna
MIZORAM CHANCHINTHAR
## Tunhnaia Orissa State a
Kristian Biakin engemaw zat
suasam leh tharum thawhna
thleng chungchanga a hmuna thil
awmdan thlithlai tura kal Kristian
MP te chuan Ningani 3rd January
2008 chhun khan Bhubaneswar-
ah Orissa Chief Minister Navin
Patnaik hmuin thil awmdan an
sawipui. Heng MP rual te hi
Mizoram MP Pu Vanlalzawma
bakah Kristian MP 3 - P.C.
Thomas, Francis George, Ani
Raja leh CPM hruaitu langsar tak
Sitaram Yachuri te an ni a. Chief
Minister bakah hian an State
Home Secretary leh Special
Secretary te thil awmdan an
sawipui.
(source:DIPR)
## Ningani January ni 3 khan
Food & Civil Supply Minister
hovin, a office ah Mizoram buhfai
dunhmun thlirho a ni a. Tun
dinhmunah chuan harsatna em em
a thleng lo niin an hria. Tuna
Mizoram buhfai dinhmun chu
hetiang hi a ni e.
1. Bairabi FCI Godown
- 31,600qtls.
2. Rengtekawn FCI Godown
- 644 qtls.
3. Tanhril FCI Godown - 829 qtls.
4. Zuangtui Godown - 7,732 qtls.
TOTAL - 40,805 qtls.
December thla chhung khan FCI
atangin buhfai 1,16,586 qtls.
lakchhuah a ni.
(source:DIPR)
## Pathianni hmasa December 30
leh a tuk Thawhtanni ni 31 khan
Serchhip Bukpui Biak Inah mi
tutih hriatloh a lut a, Biak In
chhunga bungraw thenkhat leh
Bible te a sawisa a. A titu hi
tunge tih hriat a la ni lo a, mahse
rinhleh neih a ni. Police-ah FIR
thehluha ni. Biak In a lut a
bungrua a sawisak vel hun tak hi
hriat a nilo.
(source:internet)
 Vol XIII Issue No. 1 Bangalore Mizo Association Pathianni Tin Chhuak Chanchinbu Date: 6th January 2008 Phek Li na

INFIAMNA EPL point dinhmun:

$$ Manchester United defender Evans chuan Black Played Pts
Cat chu loan bawkin a zawm leh ta. Season hmasa 1 Arsenal 21 50
lama loan a awm tawh, kum 20 a upa, Northern 2 Man. United 21 48
Ireland mi, Jonny Evans chuan tun season zawh 3 Chelsea 21 44
hma chu Sunderland ah a khel leh dawn a ni. Tun 4 Man. City 21 39
Ningani khan Manchester United leh Sunderland te 5 Liverpool 20 38
chuan inremna an siam leh. 6 Everton 21 36
$$ Wes Brown chu Manchester United tan tun nipui 7 Aston Villa 21 36
chho hian a contract a tawp dawn ta a. Newcastle 8 Portsmouth 21 34
United lamin an defender atan an duh hle mai a. 9 Blackburn 21 33
Mahse, Wes Brown an dawrna chu Manchester 10 West Ham 20 29
United chuan tun Zirtawpni khan a hnawl tlat mai.
Sir Alex chuan, ‘hemi chungchang chu tunah chuan
Infiamna Dang…
Wes-a kutah a innghat tlat a ni’ a ti. Toon manager
Sam Allardyce chuan an defence atana a awh thu a [%] Kan editor, Mizoram lam atanga alo thlen avanga
sawi. Bangalore nula lo lawm thar ta em em an awm hriat a ni
rih lo. – UTC Times
$$ Tun thla January hian Mascherano chu Liverpool
ah a nghet dawn ta. Thla 18 chhung atana nikum [%] Nl Mapuii leh Nl Zorini te chu, Krismas vuakvetah
2007 January a loan-a an lak Javier Mascherano chu an dinhmun a in anglo hle. Pakhatin hne lo chauhin,
pakhatin, ‘kar a hla, di bawihte… ’ a ni ringawt. – UTC
Liverpool a a luh tirh atangin a che tha hle zel a.
Times
Kumin 2008 January atang hian Rafa Benitez chuan
a nghet turin lakluh a tum ta a ni. Barcelona in an lo [%] Mi ten a kawpte a kumhlui an thlah laiin kei zawng
awh em em, Mascherano chuan Liverpool tana thlawhna engine down pahin, thlawhna thla zutin ka
khelh zel chu a duhthu a sawi bawk a. Javier thlah liam ta nih kha. – Sammy
Mascherano hi Liverpool hian £17 million a lei [%] Krismas leh kumthar hmang rei ber chu kan ni ve
dawn a ni. chiang a lawm. – Michael, Rema, Lucy, Andrew, Sammy,
A-mami, Tetea (ruai theh kha vawi 8 vel an nawn)
$$ English Premier League
Inrinni 12th January 2008 [%] Nimin chu National Park-ah kan chhungkuain kan
08:30pm – Arsenal vs Birmingham va kal a, kan chhungte dang kan va hmuhbelh kha.
08:30pm – Aston Villa vs Reading Lungawi thlak khawp mai. – Pu Rka (Mr. President)
08:30pm – Derby County vs Wigan Athl. [%] Krismas leh kumthar han single chiah chu a dan a
08:30pm – West Ham vs Fulham dang khawp mai. – Pi Nunmawii
08:30pm – Everton vs Man. City
08:30pm – Middlesbrough vs Liverpool [%] BMA Day kha chu vawksa rep ka ei hnem lutuk a,
ka OD tep a lawm mawle. – Ramhluna (Shantinagar)
10:45pm – Manchester Utd vs Newcastle
Pathianni 13th January 2008 [%] Tunah tak hian ka harh chhuak ta, thildang nilovin,
07:00pm – Sunderland vs Portsmouth NUPUI a ni ka lo mamawh ni. – Thara (Wisdom Home)
09:30pm – Bolton vs Blackburn
[%] Krismas manager han nih meuh chuan thilthar neih
$$ Zanin FA Cup khel turte: a har dawn khawp mai. – Pu Bobby & Pu Sailo (Mysore
07:30pm – Burnley vs Arsenal lamah trip neiin an kal ham ham.)
07:30pm – Fulham vs Bristol Rovers [%] Krismas leh kumthar kha chuan ka champion ber
07:30pm – Derby County vs Sheffield mai. – Chhuanpuia Rapper
09:30pm – Luton Town vs Liverpool
11:30pm – Stoke City vs Newcastle Utd [%] Ka lung chu a leng ve reng. - Blessy

BMA Office Bearers:

President : Pu K. Lalrokima Vice President : Rev. PC Lalduhawma
General Secretary : Tv. Mâdawnga Hauhnâr Asst.Gen. Secretary : Tv. James Lalrintluanga
Treasurer : Nl. Blessy Sailo Assistant Treasurer : Nl. Thaarie Hnamte
Secretary i/c Sports : Tv. Joar Panzela Secretary i/c Cultural : Tv. Obeda Lalhuliana
Secretary i/c Academic & Human Resources : Tv. Lalrothara Tlau
Please purchase PDF Split-Merge on www.verypdf.com to remove this watermark.