BMA AW An Official Organ of The Bangalore Mizo Association
Registered Under Societies Act of Karnataka No.BLU-S188-2007-08 Date 7 May 2007
Vol XIV Issue No. 11 Bangalore Mizo Association Pathianni Tin Chhuak Chanchinbu
“Hmeichhia Leh Uite...” An Ti Maw
- Dr. Lalhmingmuana Sailo
Min hmangaih em em tu Ka nu hriatreng nan…
Kan thupui han en khian mipa ziak ni awm lo tak a ni a. Tin a
thumal hmasa ber ‘Hmeichhia’ han tih khian tu te emaw chuan
an helh deuh awl awl mai thei. Ka inthlahrung ve deuh hlek
bawk….mahse kan Bible-in a lehlin hnuhnung ber thlengin
‘Hmeichhia’ a la tih tlat avangin ka huai ve leh lawi si a.
Chuvangin, ‘Hmeichhia’, kan ti zel tawh mai a ni ang chu...
Hmeichhia han tih bawl bawl mai hi chu, a dik chiah chuan a no
fahran lo khawp mai. Mahse thlakna thumal dang (vantlang
pawmtlan) kan la nei thei silo a. Tam tak enghelh leh thlak an
chak pawh a ni reng a, inhnialna pawh kan neih fo thin hi.
‘Minu’ tih duh pawl an awm laiin, mi thenkhat in, “Minu’ tih te
chu hmeichhe sawina niloin, mipa, pa famkim lo sawina a ni”,
an ti ve thung a. Nge vawksa pawh sapin Pork an ti a, a tuina
a dang chuang hlei nem tiraw??!! Tin he thumal pahnih hi ka
sawi tum ber pawh a ni lo a. A duh in ‘Hmeichhia’ lo tise a duh
lo in ‘Minu’ lo ti raw sek sek, ka pawi an sawi lo!!. Ka sawi tum
erawh chu...
Lengi te tello chuan...
Tlangvalte chakna thahrui hian a daih rei thei lo a, tin hmeichhe
tel lo chuan Pa a awm theih loh kan ti thei ang. Biakin a kal a
phurawm loh a, College kal lah a nuam bawk hek lo. Tlangval
dangin, “I thawmhnaw chu a va nalh, I va’n in hmeh”, a tih aiin
nula in he thu ngai tho a sawi hi a ngaihnawm in, a ngaihthlak a
nuam fe zawk. Chutiang bawkin hmeichhia pawh mipa tello
chuan an awm thei bik lo a; in mamawhtawn a siam kan nih tlat
vang a ni. Ama’rawhchu tun tum ah hi chuan hmeichhia te kan
dah pawimawh bik ang. An tangkaina leh an thatna ka fak ang
a, tin ka fuih in ka zilh anga, an tlinlohna leh an fellohna ah te
ka hau ang a, a hua hua sih hlawk ah...
Mizo tlangval fiamthu...
“….Hmeichhia leh Uite a chul nel peih peih; Hmeichia leh
palchhia te chu a thlak theih”, ti zut zut tlangval hi tlangval luck
an ni ngailo a. Hmangaihna tak tak hrethiam lo, engemaw
beisei vang a nula be lawr dun dun, an ni duh. Tin an in sawi
luck ang in an luck lo tlangpui bawk. He kan tlangval(keipawh)
fiamthu hi thu tak khukpui vak chi a nilo a, fiamthu a nih ang in
a hua pawh kan awm lo tur ah ka ngai.Mi a in, ‘Ka a’, a ti duh
bik lo a. Chutiang chiah chuan tlangval luck-in ‘Ka luck’, a ti zut
zut ngailo. A lo luck a nih pawhin a thian hnai te’n, “Nang hi chu
I luck bik ngawt mai chuti khati…”, pawh lo ti mahse, mizo
tlangval chhanna chu, “Ka luck em ni?, nang ni zawk a lom
luck”, tih a ni daih ang. Chuvangin Mizo tlangval te fiamthu
pakhat kum hnihkhat kal ta a MHIP in an han khap vel te kha
ho ka ti. Fiamthu an haw ngailo. Tin ‘Hmeichhia leh Uite’ tih hla
an huat lai a sa lartu ber lah kha an hmeichhe pui tho a ni
lehnghal.Hmeichhia leh Uite a chul nel peih peih’ an tih hi kei
chuan ti hian ka ngai. Mi min hmangaihtu leh kan tan a engkim
huam a min duh ngawih ngawih tu, an hun seng a min vil leuh
Date: 15th March 2009
leuh tu lo duh loh hi sual ka ti. Joyce Meyer-in January thla
Peace Festival-a an nupa chungchang a sawi kha ka
hrechhuak a, ropui ka ti. A pasal in a hmangaih a, atan hun a
sen tam zia leh, thil a duh ang a tih sak nasat zia te kha , a niin
a induh khum vel a. Mahse amah hmangaihtu tak tak chu a
induhkhum rei theilo, a hmangaihtu nen chuan inneiin tun
thleng hian khawvel nupa a lar ber pawl an ni. Tin Joyce
Meyer-i paw’n rawng a bawl theihna chhan chu a pasal amah
hmangaihtu kha a ni tlat. Hetiang chiah hian min hmangaihtute
induhkhum a lo inlak khum ai chuan lo hmangaih let ve hi a tha
zawk fe lo maw?? Uite mai maiin hmangaihtu leh lainattu,
kawmneltu a hriat chuan hmeichhia te ngat chuan hre lehzual
tur in ni.
Hmeichhe finin tuikhur ral a kai lo...
Kan la ti tak deuh deuh…Chauhthubarawh mai mai a ang
ta…Kan khawpui chhung Office lut ila, nula leh nu an tam a,
dawr ah nise hmeichhia dawrnghak an tam. Lehkha zirna
lamah nise a ti tha zawk an ni chho zel ti tih a. Kan khawtlang
nun ah an dinhmun a sang chho zel a. Kan mizo hmeichhia te
hi in chuan awm tak zet.
Mi thenkhat ancheh deuh in ramhruaitu MLA hmeichhia kan
duh chuti khati,, an ti erawh hi chu ka thlawp lo. A chhan chu
MLA nih duh chuan Party ah an in hmang a nih loh vek leh
MLA ni thei turin theihna an neih phawt chuan nawr ngailo in
an tling thei. Central ah reng hmeichhia hruaitu lawk tak tak an
tam. Tin kan ram ngei ah pawh Secretary te pawh an awm
chho zel a. An duh phawt chuan MLA chu an ni thei, nawr a
ngailo.
Thufingte 12:4...
“Hmeichhe khawsak tha chu a pasal tan lallukhum a ni”, a ti a.
Kan Bible meuhin a sawi si a, hmeichhia te hi in pawimawh
takzet a ni. Chhungkaw zahawmna leh mawina in kut ah a
awm a, Tin Thufingte 14:1 phei chuan, “Hmeichhe fing zawng
zawng in in an sa”, a ti deuh deuh. Mizo hnam kalphung ah,
insa turin hmeichhia an thawh chhuah ngai kan hrelo.
Chuvangin Home sweet Home a cheng thei tur chuan NU in
pawimawh. An sawi fo thin: In lian leh ropui, a chhung a cheng
te in ngeihlohna chu ‘suamhmang puk lianpui’ ang chauh a ni
an ti thin. Chuvangin in inchhhung chenna nuam leh hlimawm,
khawilo kal chhuah pawh a haw nghahhlelh awm tak a siam
thei tur chuan chhungkawnu te hian tih tur in va nei tam em!.
In tawngkam...
Nu vin tak leh thinawrh tak chenna inchhung a chen hi a nuam
ngailo. Nu ber a vin reng chuan midang pawhin tawngkam vin
an hmang lo theilo a, chu chuan chenhona boruak a ti chhhia
a. Mahni inchhungkhur pawh nuam ti lo a in fate an awm hun
meuh chuan tunlai tawng takin Future a bright lo ve khawp ang.
“Chhanna nem in thinur a tikiang” tih hi a dik fo thin. I pasal
thinrimin vin khur khur mah se I thinrim pui ve tlat loh chuan an
( Phek hnihna ah chhunzawm)
 Vol XIV Issue No. 11 Bangalore Mizo Association Pathianni Tin Chhuak Chanchinbu
Editorial
Tunlai chu Bangalore Mizo te’n inthlan runpui kan nei mek zel
a, BMA leh BMCF lam te’n inthlanna an zo fel tawh a. Vawiin
hian MSA lam te’n hruaitu thlanna an nei ve leh ang. BMMP
lam atang pawn hruaitu thar hmel kan hmuh thuai a beisei
awm. Ti hian mi ram ah kan awm a, tih tur tul nei veka
kalkhawm kan ni, hruaitu kan thlan te pawh mahni hna leh zirlai
pawimawh tak tak vuan vek an ni a, tin, tupawh mai hi hruaitu
tura tlingzo em em an awmlo. Mi tin te’n fel lohna leh tlinlohna
kan nei vek. Amaherawh chu, kan phak ang tawk te te a
Khawtlang rawngbawlna hi Pathian rawngbawlna ani tih hre
rengin mahni chanpual hlen theuh tu nih tum ila,kan chhiatna
lam ai hian thatna kan neih ve lai te in hmuhsak i tum thin zawk
ang u!
(Phek khatna chhunzawm)
thin a rim rei thei lo, mi thinchhia hrim hrim a nih ngawt loh
chuan. Chhungkawpa ber a thinrim a, nu ber a thinrim ve ngat
chuan…!##??***!!!….a ni mai.
Bible atanga hmeichhia in pawimawhna...
Hmeichhe rinawm leh entawntlak chanchin tam tak kan
chhiarin kan zir thin a. Mahni hnam tan a himna thawkchhuak
thei fahrah nula, Lalnu Estheri te, hmangaihna hmasa bansan
duh lo a, pasal te nu hrehawmna karah pawh pui a vuan tlat a,
a tawp a Isua Krista thlahtute zing tel ta Ruthi te, Nula
thianghlim Mari, Mihring sual a tlu tawh te tana chatuan nunna
kan neihna kawng min hawnsak tur a Isua hringtu ni ta te leh
mi dang tam tak kan hmu. An fakawm in an nun ah hian zir tur
tam tak a awm.
Hetih rual hian Evi vangin Adama chu sual a thlemin a awm a,
Pathian anchhia a dawng hial a. Lalnu Jezebeli suahsual
vangin Lal Ahaba’n sual rawng a bawl a, Solomona lal ropui leh
fing pawh a nupui te vangin Baal biain Pathian a hawisan hial
bawk.
Kan hriat tawh leh kan vawn hlui tawh te chanchin ka sawi
pawh a ni thei. Heng kan sawi atang hian chhungkawnu in
pawimawh zia ka sawi duh. In pasal te hi nangmahni
hmangaihtu te an nih avangin in tan an theihtawp chhuah a in
hlimna leh lawmna siam sak che u an duh. Chuvang tak chuan
in pasalte kawng dik leh kawng diklo in zawh tir thei.
Thenawmnu thil neih ang hlawhin a phak siloh i it a i sawi i
sawi chuan, chhungkawpa ber tan chuan phak tawk chuang
liam a sum thuaikawi tur zawn mai a awlsam ngei ang. Thahrui
nei tlem zawk ni mah ula in nem leh in no poh leh thil in ti thei
mai si a. Chuvangin chhungkaw entawntlak, vantlang leh ram
siamtha tur a bul tantu ni tura hma la zel turin ka sawm che u a
ni e.
( He article ngaihnawm tak ziaktu hi kan member
chhuanawm tak niin tunah hian Veterinary College,
Hebbal ah Medicine scholar ani.Thu ngaihnawm leh tha
tak tak pawh a rawn thawh zel kan beisei, kan lawm e.)
Tunkar changvawn:”Sipaihote Lalpa chuan heti
hian a ti: In kawngte chu chhut ngun rawh u.”
Hagaia 1:7
Date: 15th March 2009
TUALCHHUNG NEWS
Bangalore Mizo Christian Fellowship chuan tun
sunday, February 8, 2009 khan General Body Meeting
leh Election inkhawm kan nei a. Hetah hian heng mite
hi BMCF Office Bearers 2009-2010 tur atan kan thlang.
President : Rev. Dr. K. Sapthanga
Vice President : Rev. C. Lalmuankima
Secretary : Rev. C. Vanlaldika
Asst. Secretary : Pu P.S. Chhuasa
Treasurer : Dr. Lalrinawmi Ralte
Financial Secretary : Rev. H. Lalhmingmawia
Bangalore Mizo Football team te an che tha hle.
Thawhlehni kal ta khan BMA Football team akan
chhuanvar thrah te chu Tv.R.Laremruata (BMA Sports
Secy kalchhuak ta) hovin Mysore Mizo ten en an inkhel
a, he inkhelhna ah hian BMA team chuan 3-2 in
Mysore hi an hneh a ni. He inkhelhna ah hian Mandya
lama kan member te pawh thahnem tak an rawn tel
bawk. Mysore lam unaute hian chaw tui tak an lo hlui
nghe nghe a,kan member zu kal te an lo dawngsawng
thra hle a, an rawn lawm haw hle ani.BMA Football
team te kan lawmpui hle.
Vawiin tlai inkhawm ban hian Mizo Student
Association, Bangalore chuan kum 2009-2010 hruaitu
tur thlanna Biakin hnung, Vestry ah a nei dawn a,
zirlaite a tam thei ang ber kal tura beisei an ni.
BMA Silver Jubilee Committee chuan vawiin hian
Special Bulletin BMA member tin te chhiar theih turin
an ti chhuak.Silver Jubilee lawm dan tur chungchang
leh kaihhnawih zawng zawng te tarlan ani.
BMA Directory mamawh tan Nl.Blessy Sailo hnen
ah inkhawm ban apiangin lei tur a la awm e.
Tunlai hi zirlai tam zawkte exam lai ani a, exam mai
tur te an awm nual bawk. Member te’n kan zirlai te tha
taka an exam an beih theih nan I tawngtaipui thin ang
u.
 Vol XIV Issue No. 11 Bangalore Mizo Association Pathianni Tin Chhuak Chanchinbu
MIZORAM NEWS
§ Aizawl:Chapchar Kut chu March 13 khan Mizoram
hmun hrang hrangah hman a ni a. Aizawlah chuan
Lammualah Mizo lam chi hrang hrang entirin, mal zai
leh a huhova zai ngaihthlakte leh pawnto, Mizo inchei,
Mizo thawnthu lemchante, Mizoram hmanlai leh tunhnu
entirte, khuangchawi leh chhawnghnawh te hmangin
Chief Minister Lal Thanhawla chu Kut Pa a ni.Kut Pa
chuan Mizo ten kan ni ropui hlut nachang kan hria chu
lawmawm a tih thu a sawi a. Kut hi mi mawlte kan nih
atanga lo chhuak nimahse, malmak chi anih loh thu
sawiin, kristian kan nihna nen indipdal lova kal chho
dun zel thei a kan herrem thei te hi a lawmawm a ni a ti
a. A hman dan kan ti tunlai ta te pawh hi a lawmawmin,
a inhmeh em em a ni, a ti.Chief Minister chuan
Chapchar Kut min rawn hlut saka kan state pawn
atanga lokal zawng zawngte chungah lawmthu a
sawi. Chapchar Kut Thlengtu, Art & Culture Minister
PC Zoramsangliana chuan ram hmasawnna a kal ruala
kan hnam ziarang pholan chhoh zel a ni chu lawmawm
a tih thu a sawi a. “Lal Isua nen I kut ang u” tiin mipuite
chu a sawm a ni.Tourism Minister S.Hiato pawhin
thusawiin, Chapchar kut hi rethei leh lal awm lova,
angkhat tlang taka hman thin anih thu a sawi a. Inngeih
tak leh lungrual taka hman thin anihna hian Zoram thar
thlentu ni thei se a duhthu a sawi bawk a ni.Kut rawn
chhima rawn hlut saktu te zingah Japan leh USA
atangte in mikhual an lokal bakah, state dang atangte
in lokal an awm a ni. Kumin Kut lawmna ah hian
Assam Rifles hotute pawh an rawn tel bawk.Mumbai
lam atanga lo kal hnamdang pakhat chuan “India ram
hi ka fang kual ve nual tawh a, tin, thil tihkhawmnaah
pawh ka tel ve nual tawh, hetiang ang reng renga
mahni culture pho chhuahna hi ka la hmu ngai lo, a
ropui ka tiin vannei ka in ti hle,” tiin kan palai a
hrilh.Sapram atanga lo kal, NGO member pakhat
chuan, Chhinga Veng fashion parade kha a ropui a tih
thu a sawi a, veng pakhat atanga khatiang an ti thei
kha population ngaihtuahin fakawm a ti a. “Kha thil
khan Mizote khawvel zuan ruala a zuan ve zia a tilang
chiang hlein ka hria,” tiin a sawi. (Courtesy Evening
Post)
§ March ni 10 leh 11 khan Reiek Tourist Resort-ah
thalaite intihhlimna hunpui ‘Extravaganza Youth Fest
2009′ hman a ni a, he Fest-ah hian silai inkahsiak 10
mtrs Air Rifle Shooting Competition cum Talent Search
neih a ni a; hmeichhia leh mipa intih-siakna hranpa
siam a ni lo a, Electric Veng nula Feline Lalrinfeli
Hrahsel chu pa-khatna niin, mipa rualin Feli hi an tluk
lo!He intihsiakah hian mi 158 zetin silai an kap a, tarlan
tawh angin, Feline Lalrinfeli Hrahsel chu pakhatna a ni
a; Solomon-a Nursery Veng leh Reiek shooter
Malsawmtluanga chu pahnihna niin, pathumna chu
Reiek star Lalhlimpuia a ni thung.He shooting
competition cum talent search-a ‘most promising
shooter’ chu Khatla South tlangval Lalengmawia a ni.
(Courtesy Evening Post)
§ LPS Youth Icon 2007 Malsawmtluangi Fanai’n
Youth Icon Organising Committee hnena a thu thehluh
chu Organising Committee chuan ngaihtuah nghalin
Date: 15th March 2009
thukhawmte chuan Icon-in a inhuamna ang ngeiin a nihna
hlih sak chu an reltlu ta a ni.Kum 2007-a LPS Youth Icon
thlanna neih tuma Icon-a thlanchhuah Malsawmtluangi
Fanai, Bungtlang khua chu tun hnai hian a sex video
niawm taka sawi a tlangthan mek avangin sawi leh thawm
a tam hle a. Youth Icon hian a hming mawilo zawnga a
tlangthan tak avang hian Organising Committee hnenah
hian an lo intiam tawhna ang ngeiin a nihna hlih sak thleng
pawha ‘action’ la thei an nih thu thlengin a ziak a,
Organising Committee hian ngun taka ngaihtuahin Icon
nihna hi an hlih sak ta niin Evening Post an hrilh."A nun a
hman leh zelna turah leh a hmalam hun turah duhsakna
sang ber kan hlan a, Youth Icon top ten chinte khan Icon
hming an tihchhiat chuan an nihna hlih sak theih a ni tih
kha an intiam hlawm a, tunah hian Icon hming chu sawi
buangbarin a lo awm tak avangin Organising Committee
chuan ngun taka a ngaihtuah hnuin Malsawmtluangi Fanai
hi a nihna kan hlihsak ta a ni," tiin Evening Post an
hrilh. Sex video-a hmeichhia kha Msi a ni em? tih zawhna
chu, "Keini chuan a nih leh nih loh hi kan sawi thei lo a, kan
tih tur chin tiin kan inhria," tiin an chhang.LPS Youth Icon
host Malsawmi (Mali) chuan, "Tuna Mizo thalaite zinga
challenge lian tak awm mek chu sex video hi a ni ta a,
khawvel changkanna lamah kan thang nasa si a. Kan
hnam hi a inring hman lo a ni, heng mobile phone camera,
digital camera leh computer-te hi kan hneh lo anih pawhin
engemaw chen chu kan pawm thiam a ngai a. A
pawimawh ta ber chu sex video emaw, midang a mualpho
zawnga tarlanna video emaw kan neih hian, a tidarhtu ni
lova a paih ngamtu kan nih hi a pawimawh, chu chu he thil
thalo tak kan dolet theihna tur a niin ka ring, kan ‘moral’ hi
a pawimawh ber," tiin a sawi ve thung.Icon nihna an hlih
avang hian Youth Icon 2007 thlannaa pahnihna chu Icon-
ah ruat theih ngawt a nih loh thu Organising Committee
lam chuan an sawi bawk. (Courtesy Evening Post)
§ Prominent Journalist Ellis Saidenga hriatrengna
tribute concert chu Aizawl-ah March 20 leh Lunglei-ah
March 25, 2009 khian neih a ni dawn. He concert atan
hian inbuatsaihna pawh peihfel thawkhat a ni tawh.
§ Mizoram hmun hrang hrangah ei leh bar zawnna
atan tlangram lo neih (shifting cultivation) chu bansan
hleih theih lohin a la awm a, mithiamte chhut dan
chuan Mizoram chhungkaw zaa sawm sarih vel lai
chuan tlangram lo neih hi innghahna atan an la hmang
niin a lang a, ngaw tha leh thingte a chereu chhoh zel
avangin Mizoram boruak pawh a chhe zual zel a,
Pollution Control Board lamin an teh dan chuan Aizawl
khawpui bik hi a kum telin boruak a chhe chho zel a,
chemichal thalo sulphur dioxide leh nitrogen oxide a
tam tial tial tih an sawi.Mizoram sawrkar chuan kumin
atana lo hal ni hnuhnung ber chu March ni 15 a nih tur
thu a lo puang tawh a, hemi hma hian tlangram lo
neitute chuan vahchap chu an hal vek tur a ni tiin
thuchhuahah chuan tarlan a ni.Tun kar Inrinni thlengin
vahchap hi hal theih a ni a, tun kar chho phei chuan
thingtlang lam chauh pawh ni lo, Aizawl chung boruak
 Vol XIV Issue No. 11 Bangalore Mizo Association Pathianni Tin Chhuak Chanchinbu
a bal hle a, zan lamah phei chuan thla eng pawh a sen dul
deuh ruih a, hei hian boruak bawlhhlawh zia a tarlang niin
a ngaih theih.
LAWRKHAWM
ü Supreme Court chuan mahni inven nan chuan
midang tihhlum a thiang tiin kum 30 kal ta atanga
tualthah thubuai lo awrh tawh pahnih chu a chhuah
zalen.Mahni inven chu dan anga right a nih avangin
phal a ni, tiin justice Dalveer Bhandari leh justice HS
Bedi te awmna Supreme Court bench chuan, "Miin na
tawk takin a tuar ngei dawn tih hria rin theihna tur tha
tawk a neih chuan chutiang tawrh tirtu tur ni ngeia a
hriat chu a that thei a ni, na chu lo tawrh tir tak tak
chiah lo pawh ni se," a ti a."Hetiang thilah hian tawrh tir
ni chiah lo mah se tuar ngei tur nia lang chuan right of
private (self) defence a hmang tangkai thei a ni," a ti.
ü Dr Rajendra Prasad Medical College, Tanda,
Kangra District, Himachal Pradesh-a third year zirlai
pali chu zirlai lut thar pakhat sawisak hlum
chungchangah tualthah thubuai siamsak an ni.Zirlai
palite hian IPC hnuaiah thubuai siam sak an nih bakah
‘anti-ragging ordinance" hmangin man an ni
bawk.Pathianni khan he medical college-a lut thar
pakhat Amann Kachroo (19) chu a thi a, a hma zan
khan an senior-ten nasa takin darkar eng emaw zah
chhung an lo ‘rag’ a ni. Forensic report-a a lan dan
chuan an senior-ten kut an thlak avanga a thluaka
thisen lut avanga thi a ni a. A chhungte chuan
kutthlaktute hi a na thei ang bera hrem an phut a ni.
Dr. Buki
Tv. Puia : Dr. Buk, hmannia ka zawhna min chhan dan kha
ka lawm rilru riau a, tun tum chu personal lam
deuh zawh che ka duh a, chu chu ‘habit’ an tih hi
a ni. Tunlai chu zawngtah vanglai a ni a,
zawngtah ei hi ka ‘habit’ zinga pakhat a ni ve a,
zawngtah rah lai hi chuan ka insum thei si lova,
ka ei nasa lutuk a, ka zunah leh ekah a nam a,
thiante zinga awm hi a inthlahrunawm thin ka ti
a, a chhan chu ka vawih nasa thei lutuk a. Chu
bakah kan pumpui hian engtinnge a lo
dawnsawn ang, tih hi kan zawt duh che a.
Dr. Buki Puia hi tlangval invawng tak i nih dawn hi,
tunlaiah tlangval hi chu rimtui hi an khel nasa
bawk a, an rimtui reng a ni. Mizo tlangvalte hi
hnamdang tlangval ai chuan an smart riau hian
ka hre thin. A ni ngawt mai, zawngtah hi a
hunteah a lo rah leh tuar mai thin a, a tui ropui
mai si a, insum hi a har hle mai. A ni reng a,
Editor: Thaarie Hnamte – (Mb) 9886145877
Jt.Editor:Isaac Chawngthu (Mb) 9986137633
Cir.Manager:Vanlalchhuani
Email:bmanews@gmail.com / www.bangaloremizo.info
I lo bengvar lehzual nan sms JOIN BloreMizo type la, 567678 ah thawn
rawh le. I lo fin deuh deuh nan BMA AW chhiar thin bawk ang che. Thla
3 lak man Rs.50/-
Date: 15th March 2009
zawngtah ei hian chuan ka mai bak ah zun leh ekah a nam a, mi
ina inthiarte pawh a inthlahrun awm thei a. Ka hriatreng pakhat
chu Rajiv Gandhi pawh kha pilot anih laiin Mizo nula Air
Hostess hnenah passengers te toilet kalna hnu a rimchhiat zia
a sawi a, Mizo nula chuan a va en chuan ‘zawngtah rim a nam’
a ti an ti a. Engpawh nise, kan thin hian zawngtah hi a ngaina
lo a, thinte hi chu a lo nem ve a, thil rum tak han thial thei pawh
a ni lova, pumpuiin a thial zawh an pek ve dawn pawh hian a lo
melh tha duh lo, tlemte, rim nam tham vak lo chu pawi a tilo
thei a, mahse a hlawm lian tak anga thawn thlak thin hi chu a
lawm lo tawp anih chu. Puia, zawngtah i ei pawhin tlemte ei tur
anih ber mai chu! (Dr.Buki hi chhiartute lam atanga kan dawn
ani a, remchan dan ang apianga chhuah fo thin tum ani.)
(Hriselna Huang)
Damlo pakhat, HIV/AIDS kum sawm lai lo vei tawh chuan ti hian a
sawi. "Ka natna avanga ka rilru hah leh ka thlarau nun chawikang
tur hian thil hrang hrang ka chhin tawh thin a, zai mawi tak
ngaihthlak leh ka hla duhzawng, rilru kuai tak mai thinlung taka
ka han sak hian min chawi kang ber a ni ," a ti a ni. Tin, Ida
Goldman, kum 90 mi chuan ti hian a sawi. "Kum 1991 August thla
khan damdawiinah zai ka ni a. Min zai hma chuan i ke in i kal leh
ngai tawh lovang tiin min hrilh a. Mahse hla mawi tak ka han
ngaihthlak hian ka na zawng zawng hi a bo vek mai a, mi kaih
chuan zawi zawiin ka kal ve thei a ni," a ti. Dr. Oliver Sacks
chuan, "Thluak lam hrisel lohna avanga damlo tawng theilote
pawh hi hla mawi ri an han hriat hian an lam dawrh dawrh thin a
ni," a ti bawk. Thluaka thisen zam chat (stroke) vanga zeng tan te
pawh hian hla mawi a tangkai a ni tih fiah a ni tawh bawk.Mi
thiamte chhut dan leh sawi danin, hetia hla mawi (music) hi
damlo chi hrang hrang te tana a tangkaina chhan hi theory
pakhat a awm a, chu chu endorphin theory a ni. Endorphin hi kan
thluakin hormones a siam tamtakte zinga tangkai ber pawl a ni.
Scientists ho hmuh chhuah danin endorphin hi na chhawkna
chak tak a ni a, rilru hlimna a pe thei bawk an ti. Kan Bible pawhin
thinlung hlim chu damdawi tha tak a ni a lo ti bawk a. He mi
bakah hian endorphin hi natna laka min veng him turin a tangkai
a ni an ti bawk. Endorphin kan siam tam chuan kan thisenna mur
(blood cell) chi khat, white blood cells an tih te hi kan siam tam a.
Heng white blood cells te hnathawh pui ber chu natna hrik ten
kan taksa an han beih hian heng natna hrikte lo beih let ve hi a
ni. Heng white blood cells te zingah hian T-cell an awm ve a. An
ni ho hnathawh pui ber chu kan taksaa cancer cell awmte lo
tihhlum hi a ni. Kan rilru a hlim zawhpoh leh he endorphin hi kan
siam tam a ni an ti bawk. Mi thiamte lo enchhinaah chuan mi hlim
thei takte zingah cancer vei an tlem bik an ti bawk a ni. Biakinah
te emaw tui taka kan zaite leh zai mawi tak tak han ngaihthlakte
hian he endorphin hi kan siam tam thei an ti bawk. (Source -
Women's Ministry of First Mizo SDA Church of America)
QUOTE OF THE WEEK –
I believe a leaf of grass is no less than the
journey-work of the stars. - Walt Whitman
BMCF INKHAWM PROGRAMME DATE: 22.03.2009
Hruaitu : Rev.C.Lalmuankima
Tantu : Nl.Caroline Hmingthansiami
Thawhlawm Hlan : Pi Laltanpuii
Spl.No : Dr.AIT Students
Thuhriltu : Dr.Lalrinawmi Ralte
 BMA SILVER JUBILEE SPECIAL
The Bangalore Mizo Association
Registered Under Societies Act of Karnataka No.BLU-S188-2007-08 Date 7 May 2007
Issue No. 1 25 years of BMA
Bangalore Mizo Association
SILVER JUBILEE LAWMNA
India rama khawpui nuam leh thangchak, Garden City ti-a
an sawi thin, Information Technology khawpui a nih
avanga khawvela lar pha Bangalore ah hian Mizo te kan
pung zel a. Tunah chuan member pawh sang chuang kan
lo awm ta a ni. Mizo te hi kan awmna hmun apiangah Mizo
Society fel taka din thin kan nih ang in Bangalore ah pawh
hian ‘Bangalore Mizo Association” tiin April 8, 1984 khan
din a ni.
He kum 25-na hi uluk taka lawm turin Bangalore Mizo
Association chu an inpuahchah mek a. Silver Jubilee
lawmna Theme atan “Zofate Hmasawnna leh Hmabak” tih
thlan a ni a. Bangalore Mizote chuan April ni 4, 2009 hian
Silver jubilee lawmna ropui taka neih tan a tum a ni. A
hawnna inkhawm (inaugural ceremony) hi April 4.2009 zing
dar 10.30 ah Tagore Hall, United Theological College,
Benson Town ah neih tum a ni. Hetah hian Association
dintu, President hmasa ber, Dr. John M Ralte leh Secretary
hmasa ber, Pu Lalrochuanga Pachuau ten an rawn
hmanpui dawn a. Tin, Closing function hi 2nd October
2009 ah urhsun taka buatsaih tur a ni bawk a,
Mizoram Chief Minister khuallian atan beisei a ni bawk a ni.
Chhinlung Special edition pawh release tum a ni bawk.
SEMINAR
Silver Jubilee lawmnan Bangalore a Mizo awm te tan bik
Seminar mithiam tak tak te resource person atana sawmin
neih tum a ni bawk a ni a, Tin, silver Jubilee lawm nan
thingphun te pawh tum a ni.
ESSAY ZIAK LEH HLA PHUAH INELNA
Silver Jubilee lawmna denchhen hian zofate khawvel
hmuntina awm te huap in Essay inziaksiakna leh Hla in-
phuahsiakna neih a ni dawn bawk a. Essay thupui atan
chuan “ Zofate hmasawnna zinga langsar zualte” tih a ni
a, Hla in phuahsiak thupui atan “Zofate hmasawnna lam
hawi” chi reng reng a ni thung. Essay sei zawng hi thumal
(words) 1500 aia sei lo ni tur a ni. Hla (peom) sei dan hi
chang 3 leh thunawn a ni thei ang.
LAWMMAN
Essay leh Hlaphuah atan lawmman a hran ve vein: Cash
prize : 1st prize Rs. 2000/- Second Prize Rs. 1500/- third
prize Rs. 1000/- a ni ang.
Date: 15th March 2009
THEH LUH HUN LEH THEHLUHNA TUR
July 15, 2009. Pi. Lalrinpuii, H.No. 90, 17th B-Main Road.
5th Block, Koramangala, Bangalore-560 095. Kanataka ah
emaw a soft copy thawn duh tan
rinigracehome@yahoo.com thawn theih a ni. Bangalore
Mizo Association Silver Jubilee min hmanpui tur hian
khawvel hmun hrang hrang a BMA member lo ni tawh te
kan sawm vek che u a ni.
A chunga kan thu han chhuah tak khi Mizoram hmun
hrang hranga chanchinbu , TV leh Radio ah te a zau thei
ang bera puanzar mek ani a, tin, Mizo website hrang hrang
bak ah www.bangaloremizo.info leh
www.msabangalore.org ah te tarchhuah ani. Hemi thu theh
darh kawngah hian nasa takin BMA Silver Jubilee
Committee chuan hma a la mek a, thurawn engpawh pe
duh tan englai pawhin bmanews@gmail.com ah thawn
theih reng ani e. Thahnemngai lehzualin member tin ten
kan theih ang tawk theuh BMA Silver Jubilee lawmna tura
inbuatsaihna ah hian rilru lam emaw, sum in emaw, kan
theih ang tawk theuh i thawhkhawm ang u!
BMA Zaipawl Hla zir lai – Kar hmasa Sunday inkhawm ban khan a
vawihnihna atan BMA Zaipawl te chuan Biakin Vestry ah hla an zir a,
an hla zir hi a mawi danglam hle a, zaipawl member te pawh an phurin
an thiam chak hle ani. En lovin an sa thei trep tawh e ! Opening a sak
tur hi Tv.Aris-a phuah ani a, Closing Ceremony ah Nl.Msi-i phuah sak
ve thung ani ang.Member 40 vel an ni.Zaipawl Director leh member tin
te duhsakna sangber kan hlan e!
Silver Jubilee atana thawhlawm khawn mek chu Pathian
malsawmna azarah member te’n thahnem ngai takin kan
thawhkhawm zel a, a lawmawm hle mai, la pe remchang lo te
pawn mahni remchan ang hun ah a hmalam in hruaitute hnenah I
hlan zel ang u. Thawhlawm thawh tawh tu te phek hnung ah
tarlan ani – Hming ziah sual palh leh tih hmaih palh a awm anih
chuan inhriattir ni se a lawmawm hle ang -
 Issue No. 1 25 years of BMA Date: 15th March 2009

CHHUNGKUA
Samuel Varte Lalbiaknungi Vanlalruati Pachuau
Dr Lalrinawmi Ralte Sawmteii Khawlhring Lalchhanhimi Z.F.Rokima
Pi Angela Sailo Seni Lalhruaizela Zirtira
Pi Baby Thaarie Hnamte Lalhruaizela Zorengpuii Sailo
Pi Rita Titus Lalkungpuii Zosangliana Ralte
Pu B.Kapthuama Vanneihtluanga Lalliankimi Zothansangi
Pu Bobby Lalnunmawii Zothantluangi Sailo
Lalnuntluanga
Pu Jim Lalrammawia ZIRLAI Pachuau
Pu Jonathan F. Lalawmpuii Lalnunzama BMA MEMBER HLUI
Pu Josiah Ralte Mimi Sailo Lalramsanga David Lalramliana-
Pu Paul Zodinpuii Lalrinawma Lalbiakchhawni
Pu Rahul Patel Allen Lalrinkimi Lalthanzuali
Rev. Vanlaldinpiua Amelin Lalrintluanga Nl.Lalrimnawi
Rev.Dr.K.Sapthanga Angela Lalrotluangi Nl.Remlalfaki
Rev.H.Lalnunmawia Belinda Lalruatpuii Pi.Lalramneli
Rev.H.Lalhmingmawia. Benjamin Lalthazuala
Bethseba Lalthlamuanpuia
ü BMA Silver Jubilee T-Shirt mawi tak
HNATHAWK Bethsebi LaLzikpuii siam ani dawn a, hei hi mi tin te neih
Amos Biaknunmawia Liana theih ngei turin man tlawm taka
zawrh ani ang.
Andy Biakzuala Liana
B.Lalhmangaihzuali Buatsaiha M.C.Lalruatfela ü Silver Jubilee Seminar ah I kal anih
Beirokhu C.Zonunmawii Madini chuan BMA pen mawi leh dangdai
tak bak ah Notepad changkang tak I
Blondie Carey Sailo Malsawmtluanga dawng ang.
Joel Sailo Christy Margaret
Kimkimi Pachuau Colinson Mary ü Zaipawl member te’n T-shirt mawi
tak Jubilee Logo chuanna chu
Kungpuii Daniel Cunsuanpaing Matetei Zaipawl form atan an thlang fel ta.
Lalbiaknungi Emily Micky
ü Silver Jubilee denchhenin Bangalore
Lalmuanpuia F.Lalhriatpuii Miriam Ralte
khawpui ah thing phunna hun
Lalnunkimi Fabian Moses hlimawm leh ropui tak hman ani
Lalnunpuii Fanai (Mami) Faka Muanlianphaigi dawn.
Lalropuii Golden-i Natalia Lalrinpuii ü Silver Jubilee Documentary (25 years
Laltanpuii Hnamte Gracy Nu-i of The Bangalore Mizos) siam ani
Laltlankimi H.Lalnunfela P.L.Liandika dawn a, heta tana rawtna pe duh
chuan BMA email ah thawn mai tur
Lana Hminthantluanga Patea ani e.
Llanuntluanga Jenny Lalmuanpuii Peka
ü Silver Jubilee Opening day ah hian
Maliani Jessica Lalawmpuii Raymond
ruai tui leh changkang tak I ei dawn
Mami Joel Murray Reginald Vanlalchaka bawk.Ha lo tat hriam tran rawh le!
Mapuia Joseph Roduhkima
ü Jubilee Logo mawi tak mai chu
Marian Joseph K.Dinga Ruata Tv.Madawnga Hauhnar design ani.
Michael Joseph Lalhmangaiha Ruth Lalrinchhani
Muanpuii Joshua Lalthakima S.R.Lalhruaitluanga
Nancy Judy Sairengpuii
Pawsa K.C.Lalhminghlui T.Lalremruati
Remremi K.Lalrinmawia Tetea

Published and Edited by Editor, BMA AW - on behalf of the Bangalore Mizo Silver Jubilee Celebrations Committee 2009