CHANG KUT (or) CHAVANG KUT Kiman dan Amasan hoto bang lekha sunthei ding a kaum jeh

in kaki pah e. Koi hileh asim jousen Juithei, ijui uva, Suhdih thei isuh dih be uleh keiding a kasut lo na chamkim ahi tai. Kut kiti hi jani khatvei nia hung um hilou vin ton a Pu le Pa te khang a kon ana kimang jing ahi tai. Ahinla khang kikhel dan jeh ham?, Vannoi khantou jeh ham? I-nam sung lhahsam jeh tiding ham Kut kiti hi sunmil in phatsot tah mang talou vin eina um vin ahi. Ahin Phatche sa 1979 Kum chun Lamkai phabep ho le Haosa Upa kihou kilung to najal in, Khangthah hon Jatchon, Jatlam, Puchon, Pachon ahai mil gam diu ahitai. Hijeh chun Khangthah hon nam achoi sang thei nadiu tin Kut hi ahung kithah pet kit in tuchen gei hin kum seh a kimang jing ahi tai. Hiche hi Tua i-man jing u Chavang Kut kiti ton a pu te paten ana man Chang Kut hidan ahi. Tillai pi le pute chun Changkut kiti hi Hapta khat (1 week) anam mang jiu vin hiche a chun kichep na jatchom chom toh ana tho jiu vin ahi. (1). Suhtum kho (2). Kungkal (3).Lamkoul (4).Kibot na (5) Goshem mut (6) Dahpi chup kitet na (7) Pengkul Mut kiti ho hi Pasal a kon kitet na aumji in Numei hochu ahi leh (1) Kang kikap le Lhemlhe mut chu leh Jatlam a ding chun (1) Sagol kengkhai (2) Suhta lam (3) Pheiphit lam (4) Lakoi la holeh adang dang tamtah jong akhang duijui jin ana bol jiu vin ahi. Ahin tukhang in vang hiche kichep naho chu umtalou vin Gam khang tou nadung jui tiding ham Lasah na le Hoi kitet na (Miss Contents ) hojoh in akihei doh gam tai. Hiche ho hi akivet teng Jat chon dan jong khat cha umlou ahi tai. Lainat umtah khat chu ahi. Hiche kut hi akumkum in ahung khangtou chehcheh e i ti diu ham, akikhelna tamtah ahung umdoh tan, pulepate chondan suhmil louna ding a kibol hi amanthahna ding joh ahung hikha dem ti zong gellou theilou ahitai. Ton a Pu te paten Kut ananga lal nau chu Namsung, Phung lah a Ahat pen le Thilbol thei kichu ding jeh a ahin Tukhang in vang Nungah hoi hoi minom jeh ham? Golle pai toh Ju le sa a kham a sun lam janlam helou va pen ding jeh ham jeh ahi. Til lai jin Til lai a Kut a jaojou lou Nungah gollhang chu Mihem a jong kisim lou ahin Tukhang in vang nu le pate tah in jong chate Kut a ajao ding aphal tapou vin ahi. Leiset khantou na jeh ham ache sa 1979 kum a Chagkut a kon Changvang kut tia kikhel chu Phatche sa 2000 lai dung a chun ahin khel kit uvin Chikim te Changvang kut ahin tikit tau vin ahi. Asei lo nachu (Chin ,Kuki,Mizou ) tina ahi. AHin hiche Chavang kut hi eiho bouvin inei u hilou vin Chin le Mizou hon jong anei u ahi. Chin ten (Seilkhawm Pawi ) atiu vin Mizou ten vang Kut 3 anei uvin ahi. Kut pi, Mim Kut, Chapchar Kut tin anei uvin ahi. Ahin amahon vang eiho eijao sah pou vin ahi. Ajeh chu Ama jon Kuki chu ama ho noilang a akikhai lhah sah jeh uahi. Tulai Chavang kut akiman jiteng Chief ding in Milen, Milel ikou jiu vin i-lam kai ho jong mikhut noi kithol le le in Jatchon, Jatlam, Jatnam tahlang ding sang in Milen, Milel ho lung dei dei ho joh hi i -gel uvin leiset nop na Pathen dei lou le Jat chon dan toh kikal thil tamtah i-bol doh jing tau vin ahi. Malai chun Khosung a achungthu kisei ding ho le Khosung dan palkeh ho jong Chavang kut nikho teng Haosa upa akon asei toh a , Nupa kicham lou ho jong akicham sah a hita chu thutan natoh ana nei jiu ahi. Malaysia sung a jong hint u hileh athum vein a(3) Kut kimang ahitan ahi. Ahin amun le ajang jeh in Jatchon, Jatlam toh thon kimang jou hijong le Pathen lungdei toh toh a vang chu man ding a lomtah ahi. Ajeh chu Christian ihiu toh lhon a Lamkai le Mipi lung hol sang a Pathen lunglam hol chu Chih na le Khantou na ahi jeng in ahi. Pakaimin a -Mangneo