||shrIdakShiNakAlIhRRidayastotraM|| shrImahAkAla uvAcha| mahAkautUhalastotraM hRRidayAkhyaMmahottamam| shRRiNu priye mahAgopyandakShiNAyAH sugopitam||1|| avAchyamapi vakShyAmi tava prItyA prakAshitam| anyebhyaH

kuru gopya~ncha satyaM satya~ncha shailaje||2|| shrIdevyuvAcha| kasminyuge samutpanna~Nkena stotra~NkRRitampurA| tatsarva~NkathyatAM shambho maheshvara dayAnidhe||3|| shrImahAkAla uvAcha| purA prajApateH shIrShashChedana~NkRRitavAnaham| brahmahatyAkRRitaiH pApairbhairavatvammamAgatam||4|| brahmahatyAvinAshAya kRRitaM stotrammayA priye| kRRityAvinAshakaM stotrambrahmahatyApahArakam||5|| OM asya shrIdakShiNakAlyAhRRidayastotramantrasya| shrImahAkAlaRRiShiH| uShNikCha ndaH| shrIdakShiNakAlikAdevatA| krIM bIjaM| hrIM shaktiH| namaH kIlakaM| sarvatr asarvadA jape viniyogaH|| atha ShaDa~NganyAsaH|| krAM hRRidayAya namaH| krIM shirase svAhA| krUM shikhAyai vaShaT| kraiM kavacAya hUM| krauM netratrayAya vauShaT| kraH astrAya phaT|| atha karanyAsaH|| krAM a~NguShThAbhyAM namaH| krIM tarjjanIbhyAM svAhA| krUM madhyamAbhyAM vaShaT| kraiM anAmikAbhyAM hUM| krauM kaniShThAbhyAM vauShaT| kraH karatalakarapRRiShThAbhyAM phaT|| atha dhyAnaM|| dhyAyetkAlIMmahAmAyAntrinetrAmbahurUpiNIm| chaturbhujAM lalajjihvAmpUrNachandranibhAnanAm||1|| nIlotpaladalaprakhyAM shatrusha~NghavidAriNIm| naramuNDantathA khaDga~NkamalaM varadantathA||2|| bibhrANAM raktavadanAndaMShTrAlI~NghorarUpiNIm| aTTATTahAsaniratAM sarvadA cha digambarAm||3|| shavAsanasthitAndevIMmuNDamAlAvibhUShitAm| iti dhyAtvA mahAdevIntatastu hRRidayampaThet||4|| OM kAlikA ghorarUpAdyA sarvakAmaphalapradA| sarvadevastutA devI shatrunAsha~Nkarotu me||5|| hrIM hrIM svarUpiNI shreShThA triShu lokeShu durlabhA| tava snehAnmayAkhyAtanna deyaM yasya kasyacit||6|| atha dhyAnampravakShyAmi nishAmaya parAtmike|

yasya vij~nAnamAtreNa jIvanmukto bhaviShyati||7|| nAgayaj~nopavItA~ncha chandrArddhakRRitashekharAm| jaTAjUTA~ncha sa~ncintya mahAkAlasamIpagAm||8|| evannyAsAdayassarve ye prakurvanti mAnavAH| prApnuvanti cha te mokSha satyaM satyaM varAnane||9|| yantraM shRRiNu parandevyAssarvArthasiddhidAyakam| gopyAdgopyataraM gopya~NgopyAdgopyataraMmahat||10|| trikoNampa~nchaka~ncAShTakamalambhUpurAnvitam| muNDapa~Nkti~ncha jvAlA~ncha kAliyantraM susiddhidam||11|| mantrantu pUrvakathitandhArayasva sadA priye| devyA dakShiNakAlyAstu nAmamAlAnnishAmaya||12|| kAlI dakShiNakAlI cha kRRiShNarUpA parAtmikA| muNDamAlI vishAlAkShI sRRiShTisaMhArakArikA||13|| sthitirUpA mahAmAyA yoganidrA bhagAtmikA| bhagasarpiH pAnaratA bhagodyotA bhagA~NgajA||14|| AdyA sadA navA ghorA mahAtejAH karAlikA| pretavAhA siddhilakShmIraniruddhA sarasvatI||15|| etAni nAmamAlyAni ye paThanti dine dine| teShAndAsasya dAso'haM satyaM satyaMmaheshvari||16|| kAlI~NkAlaharAndevI~Nka~NkAlabIjarUpiNIm| kAkarUpA~NkalAtItA~NkAlikAndakShiNAmbhaje||17|| kuNDagolapriyAndevIM svayambhUkusumeratAm| ratipriyAmmahAraudrI~NkAlikAmpraNamAmyaham||18|| dUtIpriyAmmahAdUtIndUtIyogeshvarImparAm| dUtIyogodbhavaratAndUtIrUpAnnamAmyaham||19|| krIM mantreNa jala~njaptvA saptadhA sechanena tu| sarve rogA vinashyanti nAtra kAryA vicAraNA||20|| krIM svAhAntairmahAmantraishchandanaM sAdhayettattaH| tilaka~Nkriyate prAj~nairlloko vashyo bhavetsadA||21|| krIM hrUM hrIM mantrajaptena cAkShataM saptabhiH priye| mahAbhayavinAshashcha jAyate nAtra saMshayaH|| 22|| krIM hrIM hrUM svAhA mantreNa shmashAnAgni~ncha mantrayet| shatrorgRRihe pratikShiptvA shatrormRRityurbbhaviShyati|| 23|| hrUM hrIM krIM caiva uchcATe puShpaM saMshodhya saptadhA| ripUNA~ncaiva cochcATannayatyeva na saMshayaH||24|| AkarShaNe cha krIM krIM krIM japtvA'kShatampratikShipet| sahasrayojanasthA cha shIghramAgachChati priye||25|| krIM krIM krIM hrUM hrUM hrIM hrIM cha kajjalaM shodhitantathA| tilakena jaganmohaM saptadhA mantramAcharet||26|| hRRidayamparameshAni sarvapApaharamparam|

ashvamedhAdidAnAnA~NkoTikoTiguNottaram||27|| kanyAdAnAdidAnAnA~NkoTikoTiguNamphalam| dUtIyAgAdiyAgAnA~NkoTikoTiphalaM smRRitam||28|| ga~NgAdisarvatIrthAnAmphala~NkoTiguNaM smRRitam| ekadhA pAThamAtreNa satyaM satyaMmayoditam||29|| kaumArI sveShTarUpeNa pUjA~NkRRitvA vidhAnataH| paThetstotraMmaheshAni jIvanmuktassa uchyate||30|| rajasvalAbhagandRRiShTvA paThedekAgramAnasaH| labhate paramaM sthAnandevIloke varAnane||31|| mahAduHkhe mahAroge mahAsa~NkaTake dine| mahAbhaye mahAghore paThetstotraM mahottamam| satyaM satyampunassatya~NgopayenmAtRRijAravat||32|| ||iti hRRidayaM samAptam||