JAMHURI YA MUUNGANO WA TANZANIA WIZARA YA MAMBO YA NDANI YA NCHI JESHI LA POLISI TANZANIA.

RPC. Namba ya simu 2502572 Fax - +255252503734 E-mail:- rpc.cmbeya@tpf.go.tz

Ofisi ya Kamanda wa Polisi, Mkoa wa Mbeya, S. L. P. 260, MBEYA.

TAARIFA YA JESHI LA POLISI MKOA WA MBEYA KWA VYOMBO VYA HABARI PRESS RELEASE TAREHE 24.03.2014.

MTOTO WA MWAKA MMOJA NA MIEZI SABA AUAWA KWA KUNYONGWA NA BABA YAKE MZAZI.

BIBI WA MIAKA KATI YA 60 - 70 AFARIKI DUNIA BAADA YA NYUMBA ALIYOKUWA AKIISHI KUSHIKA MOTO.

MWANAFUNZI WA SHULE YA MSINGI CHEKECHEA ILONGO AFARIKI DUNIA BAADA YA KUGONGWA NA GARI.

MWANAFUNZI WA SHULE YA MSINGI KIWIRA AFARIKI DUNIA BAADA YA KUSOMBWA NA MAJI.

KATIKA TUKIO LA KWANZA: MTOTO MWENYE UMRI WA MWAKA MMOJA NA MIEZI SABA ALIYEFAHAMIKA KWA JINA LA HENRY JUMA MKAZI WA MIGOMBANI ALIKUTWA AMEUAWA KWA KUNYONGWA SHINGO KISHA KULAZWA KITANDANI NA BABA YAKE MZAZI ALIYEFAHAMIKA KWA JINA LA JUMA VENANCE. TUKIO HILO LA KUSIKITISHA LIMETOKEA MNAMO TAREHE 22.03.2014 MAJIRA YA SAA 18:00 JIONI HUKO KATIKA KATA YA MIGOMBANI, TARAFA YA TUNDUMA, WILAYA YA MOMBA AMBAPO BAADA YA UHALIFU HUO, MTUHUMIWA ALIFUNGA MLANGO KWA NJE NA KUFULI NA KUTOKOMEA MAHALI KUSIKOJULIKANA. WAPELELEZI PAMOJA NA RAIA WALIPOVUNJA MLANGO NA KUINGIA NDANI WALIKUTA MAITI YA MTOTO HUYO IKIWA KITANDANI. KATIKA CHUMBA HICHO WALIKUTA UJUMBE WA MANENO MENGI YALIYOANDIKWA NA MTUHUMIWA, BAADHI YA MANENO HAYO NI UNYAMA

UNYAMANI, TUTAFUTE PESA KWANZA NIITE J.M A.K.A GAIDI. JITIHADA ZA KUMTAFUTA ZINAENDELEA. KAMANDA WA POLISI MKOA WA MBEYA KAMISHNA MSAIDIZI MWANDAMIZI WA POLISI AHMED Z. MSANGI ANATOA WITO KWA YEYOTE MWENYE TAARIFA ZA MAHALI ALIPO MTUHUMIWA WA TUKIO HILI AZITOE KATIKA MAMLAKA HUSIKA ILI AKAMATWE NA HATUA ZAIDI ZA KISHERIA ZICHUKULIWE DHIDI YAKE.

KATIKA TUKIO LA PILI: BIBI MMOJA ALIYEFAHAMIKA KWA JINA LA LENNAR KALINGA, MWENYE UMRI KATI YA MIAKA 60-70 MKAZI WA IPINDA AFARIKI DUNIA BAADA YA NYUMBA YA NYASI ALIMOKUWA AKIISHI KUSHIKA MOTO NA KUTEKETEA. TUKIO HILO LIMETOKEA MNAMO TAREHE 22.03.2014 MAJIRA YA SAA 22:25 USIKU HUKO KATIKA KATA YA IPINDA, TARAFA YA UNYAKYUSA, WILAYA YA KYELA. CHANZO CHA MOTO HUO INADAIWA NI BAADA YA MAREHEMU AKIWA NA MUME WAKE KUWASHA KIBATARI KWA LENGO LA KUFUKUZA SIAFU WALIOKUWA WAMEINGIA NDANI NA NDIPO MOTO ULIPO LIPUKA NA KUSHIKA PAA LA NYUMBA HIYO LILILOKUWA LIMEEZEKWA KWA NYASI KAVU NA KUWAKA. MAREHEMU KWA KUONA HIVYO ALIAMUA KURUDI NDANI YA NYUMBA HIYO KWA LENGO LA KUTOA VITU VILIVYOKUWA NDANI NA NDIPO MOTO ULIPOMZIDIA NA KUSABABISHA KIFO CHAKE. MWILI WA MAREHEMU UMEHIFADHIWA HOSPITALI YA WILAYA KYELA. KAMANDA WA POLISI MKOA WA MBEYA KAMISHNA MSAIDIZI MWANDAMIZI WA POLISI AHMED Z. MSANGI ANATOA WITO KWA JAMII KUWA MAKINI NA MAJANGA YATOKANAYO NA MOTO KWANI YANA MADHARA MAKUBWA KWA JAMII. KATIKA TUKIO LA TATU: MWANAFUNZI WA SHULE YA MSINGI CHEKECHEKEA ILONGO ALIYEFAHAMIKA KWA JINA LA ONESMO HAULE (6) MKAZI WA MKAZI WA MAHENJE AFARIKI DUNIA BAADA YA KUGONGWA NA GARI LENYE NAMBA ZA USAJIRI T.597 BGU AINA YA TOYOTA COASTER LILILOKUWA LIKIENDESHWA NA STANLEY ELIA MWANDA (44) MKAZI WA MWANJELWA JIJINI MBEYA. AJALI HIYO IMETOKEA MNAMO TAREHE 22.03.2014 MAJIRA YA SAA 10:30 ASUBUHI HUKO KATIKA KITONGOI CHA ILONGA, KIJIJI NA KATA YA MAHENJE, TARAFA YA MLOWO, WILAYA YA MBOZI, MKOA WA MBEYA KATIKA BARABARA YA MBEYA/TUNDUMA. CHANZO CHA AJALI NI MWENDO KASI, DEREVA AMEKAMATWA NA GARI LIPO KITUONI. MWILI WA MAREHEMU UMEHIFADHIWA HOSPITALI YA VWAWA MBOZI. KAMANDA WA POLISI MKOA WA MBEYA KAMISHNA MSAIDIZI MWANDAMIZI WA POLISI AHMED Z. MSANGI ANATOA WITO KWA MADEREVA KUWA MAKINI WANAPOTUMIA VYOMBO VYA MOTO KWA KUZINGATIA NA KUFUATA SHERIA NA ALAMA ZA USALAMA BARABARANI ILI KUEPUKA AJALI ZINAZOWEZA KUEPUKIKA. AIDHA ANATOA WITO KWA WAZAZI/WALEZI NA WALIMU KUWAELEKEZA WATOTO NAMNA SALAMA YA KUVUKA BARABARA

IKIWA NI PAMOJA NA KUVUKA KATIKA MAENEO YENYE VIVUKO [ZEBRA CROSSING].

KATIKA TUKIO LA NNE: MWANAFUNZI WA SHULE YA MSINGI KIWIRA DARASA LA TATU ALIYEFAHAMIKA KWA JINA LA EVA MATHIAS (11) MKAZI WA KIJIJI CHA IBILIRO AMEFARIKI DUNIA BAADA YA KUSOMBWA NA MAJI YA MTO KIWIRA BAADA YA KUTELEZA KATIKA DARAJA LILILOJENGWA KIENYEJI. TUKIO HILO LIMETOKEA MNAMO TAREHE 20.03.2014 MAJIRA YA SAA 09:00 ASUBUHI HUKO KATIKA KITONGOJI CHA ILONGO, KIJIJI CHA IBILIRO, KATA YA KIWIRA, TARAFA YA UKUKWE, WILAYA YA RUNGWE. WAKATI TUKIO HILO LINATOKEA MAREHEMU ALIKUWA NA DADA YAKE AITWAYE VERO LUCAS (20) AMBAE ALITOA TAARIFA ZA KUTOKEA KWA TUKIO HILO NA NDIPO JUHUDI ZA KUMTAFUTA ZILIPOFANYIKA NA HATIMAE MWILI WAKE KUPATIKANA MNAMO TAREHE 23.03.2014 MAJIRA YA SAA 17:00 JIONI MAENEO YA CHUO CHA MAGEREZA KIWIRA KATIKA MTO HUO HUO. KAMANDA WA POLISI MKOA WA MBEYA KAMISHNA MSAIDIZI MWANDAMIZI WA POLISI AHMED Z. MSANGI ANATOA WITO KWA WAZAZI/WALEZI KUACHA TABIA YA KUWATUMA WATOTO PEKE YAO MAENEO YA PORINI KWANI NI HATARI HASA KIPINDI HIKI CHA MVUA ZINAZOENDELEA KUNYESHA. Signed by: [AHMED Z. MSANGI SACP] KAMANDA WA POLISI MKOA WA MBEYA.