Theih masak ding:

Hong nusia Nu. Zen Khua Don tangthu pen Revd Job Nang Khaw
Thawng at OM Myanmar pan a ki hawmkhia Topa Lenggah huan ah
kum 43 Prof. Rev. Dr. Simon PAU KHAN EN, Ph.D laimai 84 pan le
Rev. Dr. Dam Khua Nang at Tedim Tualsuak laimai 100 pan kong
teikhiat ahihi. (Zambawi)

Nu Zen Khaw Don (Nuno)
Pu Lian Go (Suan Khup) leh Pi Vung Dah Suan (Thawmte) te tanu Nu
Zen Khaw Don pen 1973 October 15 ni-in Rev Dr. S. Pau Khan En tawh
kiteengin Rev. Paul Thuam Thangin letthat hi. Nu Zen Khua Don te unau
anuai a bang hi.

1) Dam Khaw Thang - Kum 2 in si
2) Sgt. Langh Khat Thang + Nu Niang Go Ciin - tapa 3, tanu 4
3) Nu Don Khan Niang + Pa Zel Za Cin - tapa 5, tanu 7
4) Nu Luan Khan Cing + Siapi Gin Kam - tapa 5
5) Nu Zen Khua Don + Rev. Dr. Simon Pau Khan En - tapa 3, tanu 2
6) Rev. Dr. Dam Khaw Nang + Nu Suan Go Lun - tapa 3, tanu 2
7) Sia Pau Do Dal + Nu Kham Khan Niang - tapa 2, tanu 1
8) Sia Sian Do Pau + Nu Suan Ngaih Vung - tapa 2, tanu 2
9) Sia Zam Cin Hau + Nu Zo Ngaih Lun - tapa 2, tanu 2

Amau unau teng pen pilna leh siamna (Bawlung siamna) a nei deuhte
hi. Nu Zen Khua Don pen 1942 December 23 ni-in Tedim ah suak a,
Myoma Zolai sang, Manglai sangah kahin tan 1-4 dong akhatna ngah hi.
Tan 1-4 Myoma ah kah (Sia Lian Za Go, Pa Pau Za Dongte tawh)
Tan 5-9 Kawlpi Aungmingala yatkuat ah Tan 2 akah kum 1952 kumin a
pa in sihsan a, 1968 kumin a nu in sihsan leuleu hi. A khangno lai-in
Tedim Myoma veng kikhop BYG, BYF te ah kihelin, group makai sem hi.
Tua hunin Mate, Maku, Luka, Zawhang ci-in kikhen hi. Sunday School
Siama zong sem a, Rev. Dr. Do Suan Mung (GS - GZA) bang ama'
sangnaupang hi. Tua hun mahmah in zong Sia Mungte unau teng pen Lai
Siangtho lotgen, tangthu gen, kivakim uh a, sawlmang mahmah uh hi.
La lam zong kiva mahmahin Solfa sinin Rev. Kai Khaw Thawn in hilh
hi. TBCEU min tawh Labu solfa tawh akithuah masa a kibawl lai-in a
mahzong kihel hi. Tape Recorder tawh khumin, hongkik in, ngai zel uh a,
lempha den uh hi. A lemphapi pen Sia Hang Khan Pau (Rev. David Sum'
pa) ahi hi. A dangtengin sasa denin amah'n na lempha den hi. Lasakna
kha 3 sung bang sawt hi. Soprano: Dim Khaw Lian, Luan Khan Cing,
Gin Khan Nang, Nang Khan Thang. Alto: Zen Khaw Don, Vung Khan
Ciin, Tenor: Hang Khan Pau, Cin Za Thawn, Bass: Thuam Khan Khup,
Sia Thawng Khen Pau,.. cihte hi. Hih labu pen solfa tawh labu akinei
masa a san a gol deda pen ahi hi.

Sianu in pasal aneih khit, suan leh khak a neih khit nungin pilna deihin
zongzong lai a, England a om hunsung uh 1993 September pan 1996
dong Octreeland College ah History sin hi. Tua banah 2005-2008 dong
Yangon, Living Centre Theological Seminary ah B.Th galsinin zoto hi.
Laigelh zong kiva in, Nelson tonu kiang hawhna, Nelson tonu tangthu
zong laibuno khat (Kawllai-Manglai-Zolai tawh) bawlin hawmkhia hi.
1992 May sungin Leipi Numeite tawh Thalakna cih laibuno khat bawlin
article tampi gelh hi. 1999 July 31 ni-in amau innah nupi honkhat
kikumin "Yangon Tedim Numei Kipawlna" phuan uh hi. Ngimna nam 7,
kilawmtatna, khantohna, kihuh nang, pilna leh siamna neih nang.... cihte
hi. Committee tuamtuam kisehin na tampi semkhia khin uh hi.

Sia Enno tawh a nuai a bangin suan leh khak tawi uh hi.
1) Tg. Thang Cin Suum (Suumpi)
2) Lia Do Lam Niang (Niang)
3) Tg. Go Sian Tuang (Tuangno)
4) Tg. Suan Sian Tung Nung (Nungbawi)
5) Lia Man Khat Lun (Beuhnu)

Tate teng Tangthu

A. Pa Thang Sian Mang (Mangbawi)
1970 March 17 ni-in suak a, Falam leh Leipi ah tan 3 dong kah hi.
Yangon Alone No. 4 ah tan 4-10 dong kah hi. 1987 November 20 ni-in
Rev. Dr. Robert Thawng Hlei in tuiphum hi. 1993-2000 February dong
Japan ah sum zongin pai a, a pa i gamdang sangkah sung innkuanpihte
vaak hi. Upen ahih bangin innkuan tavuan tampi len a, lokhawh leh
gankhawi zong semngei hi. AD 2000 May 17 ni-in Sia Pau Do Dal leh
Nu Kham Khan Niangte tanu Lia Suan Muan Kim (10.4.1978 suak) tawh
Rev. Smith Ngulh Za Thawng in Yangon Kachin Baptist Church ah
pumkhat suahna neihsak hi. Muannu pen unau pasal 2 leh numei 1 lakah
a upen hi-in Tedimah tan 10 ciang kahin TTC ah zong akah laitak a pasal
nei (Ni nungzui) ahi hi. Pasian' piak tanu tapate anuai a bang hi.
(1) Lia Don Lam Len 21.1.2001
(2) Tg. En Kop Sang 17.9.2003
(3) Tg. Dal Kom Vaan 25.9.2005

B. Sia Thang Cin Suum (Suumpi)
1974 October 18 ni-in Falamah suak hi. Falam, Kalaymyo St. Mary,
Yangon ... cihte ah sangkah hi. 1989 November sungin Rev. Dr. Robert
Thawng Hlei in tuiphum hi. 1993 kumin Birmingham pan tan 10 ong a,
1996 kumin USA White Pine College ah kahin 1999 in Eastern Baptist
University panin M.A (Education) tawh ong hi. College kah sung
Subjects kimah a khatna ngahin pahtawina Medal thupi sang den hi.
Sangkah hun sungin zong Pawlpi sungah Youth Director semkawm den
hi. 2008-2010 sung Palmer Theological Seminary (nidang a Rev. S.T Hau
Go kahna Eastern Baptist Theological Seminary) ah M.Div sinin ong hi.
2006 July kha sungin Anna Kim (Korea) Kimleuh (Nurse) tawh kiteeng
hi. 2011 August panin ama omna Pawlpi Exton Community Baptist
Church (America Baptist Churches) ah Senior Pastor sem hi. Thugen
lagen kiva in, Pasian in siampigui kitatsak loin a pa' khekhap a zui dingin
a bawl ahi hi.

C. Nu Do Lam Niang (Niang)
1976 June 10 ni-in suak hi. 1991 April sungin Rev. Zel Khaw Suan in
tuiphum hi. Kalaymyo St. Mary, Falam, Yangon Alone No. 4 cihte ah
sangkahin tan 10 dong kah hi. England, George Dixon High School ah
1993-1995 dong kah in, USA Asbury College ah zom a, 2000 kumin B.A
(Business Management) tawh zo hi. 2000 July 21 ni-in Pa Kim Khaw
Suan (Kimsan) leh Nu Vum Suan Cingte tapa Tg. Kam Sian Lian B.Th
tawh Rev. Glenn Potts (Free Methodist Church Pastor) in letthat hi.
Kiteen zawh kum 7 cin' 11.11.2008 ni-in tanu Christine Cing Muan Lian
nei uh hi. 1999 panin USA Miami, Forida ah innkuanbup in om uh hi. Pa
Kam Sian Lian pen unau 5 lakah a upen hi. Pa Kimsan pen khualui
Kaptel pan Lawibual a teeng, CMBC ah zong Secretary, Upa makai a
sem ngei, biakna a uuk, Pasian' a zahtak, kam a khumngiat, maitaii,
kipawl nuam mahmah khat hi. Pasian in tawisangin USA tung uh hi.

D. Pa Go Sian Tuang (Tuangno)
1979 January 17 ni-in Kawlpi ah suak hi. Falam leh Yangon ah sangkah
hi. 1993 April sungin Rev. S. Pau Khan En in Mingaladon ah tuiphum hi.
1996-98 dong USA Kings College ah kah a, kimawlna lam (Sports) sin hi.
2005 March sungin U Hla Nyunt leh Nu Len Lun Niangte tanu Lia Paa
Lam Cing (Bo Putpaa tunu) tawh kiteeng uh hi. 2008 July 11 ni-in Lia
Wynona Don Hau Tuang tanu khat nei uh hi. A nupa un USA ah nasem
tuak uh a, Tuangno in zatui Campany khat ah Asst. Manager sem hi.

E. Pa Suan Sian Tung Nung (Nungbawi)
1980 October 28 ni-in Leipi ah suak hi. Falam, Yangon cihte ah sangkah
hi. 1997 kumin Yangon pan tan 10 ong hi. USA, Samford University ah
1998-2001 dong kah a, Music lam sinin, B.A (Music) Bachelor of Music
ong hi. 2010 November 5 ni-in Rev. Dr. Dam Khaw Nang leh Nu Suan
Go Lun te tanu Lia Ciin San Nuam (B.A English) tawh kiteeng hi. Tu
laitak Nungbawi in USA Shusi Company khatah Manager sem hi.

F. Nu Man Khat Lun (Beuhnu)
1982 March 1, ni-in Leipi ah suak hi. 1993 April sungin Rev. Simon
Pau Khan En in Mingaladon ah tuiphum hi. Tan 2 dong Yangonah, tan 3-
7 dong England ah, tan 8-10 ong Yangonah kahin, 2001 in tan 10 ong a,
2006 in B.A zo hi. Tedim Christian College (TCC) ah 2002-2006 sung
kahin B.Th zo hi. 2006 December 2, ni-in Pa Thang Khan Lian leh Nu
Ciang Za Haute tapa Tg. Tuan Khan Dal (Dalpi) tawh kiteengin Rev. Cin
Sian Pau in U Naw Church ah letthat hi. 2007 September 5 ni-in tapa Tg.
Lian Sian Sang nei uhhi. Dalpi pen Music a siam, lasak a siam khat hi-in,
Kawlla, Mangla, Zola sain, khui tampi khumzo hi. Pawlpi sungah Amp
len, YF Secretary, group leader cihte sem zelin, CMF (Christian
Musicians' Fellowship) ah nasep huh hi. Yangonah OK khui sai hongin
CD zuak/lei cihte sem uh hi. Beuhnu zong CE sumkem, YF sumkem,
Mucu laihilh ... cihte semin Khangno lamah kihel tuaktuak uh hi. La uuk
tuaktuak uh ahih manin sakhawmin khumkhawm uh hi.