Thupha Puak April, 2014 Thupha Puak April, 2014

22
3
Kim Go Lian
Sia Dal Go Mang
Sia Dal Khan Khual
Sia Nang Sian Dongh
Thupha Puak
EBC Gambup zum
Tedim (03041)
Chin State, Myanmar
Phone: 070 50040
Email:
ebcgambupzum@gmail.com
Kum khat Kyats.1,000/-
Sia Thang Lian Mung
Head Clerk
tungah kipia thei hi.
A SUNGA OM THUTE
1. Hong Taisan Ngeilo Itna 3
2. Pawlpi Puahphate 5
3. Etteh Taakcing Pawlpi
Dinmun 6
4. A Bukim Pasian Itna 12
5. Thu Tuamtuam 18
Thupha Puak tatman
2014 kum ading
kipia thei ta hi.
A deih thak a om leh EBC
Gambup zum ah kivai khak thei
hi.
Lom (39), Hawm (2)
APRIL, 2014
Editors
Kizop nading Kizop nading
Tat man
Thu zaksakna
Editorial
HONG TAISAN NGEILO ITNA
Leitung in i khualzinna pak, i teenna pak hilel a i tawntung
mun ding ahi vantung zuan a pai ding ihihna Laisiangtho in kiciantakin
hong hilh hi(II Kawlentu 5:1). Nitum in khua amial ding ciangin
vasate nangawnin a buuk uh zuan uhi. I inn ah hoihtaka i tun ding
kisam hi. Tua tawntung-inn ciah nading lampi kuamahin thei lo hi
(Jerimiah 10:23). Tua lampi neu-in, kawciik hi (Mate 7:13-14).
Leitung a uk dawimangpa (Zawhang 14:30) om ahih manin
kidawmtakin ikalsuan ding hi. Aman lam ikhialh theihna dingin lampi
tuamtuam tawh hong khemin hong khaktan ding hi. Satan khemna
sungah awk-a, inn atung lo mi tampi om hi (Mate 7:13-14).
Ih nuntakna-ah Laisiangtho bekin lam hong lak gamlim (road
map) hi-a, Zeisu Khazih bekmah in lam hong lakpa ahihi. Zeisu
Khazih banga Vantung pan hong pai-in, mihingin hong piang-a
gentheihna namcin hong thuak kuamah dang koi-ah om ahi hiam?
Tua banah keimah mahin hong kha ning a ci kuamah dang koi-ah
om ahi hiam? Lampi hong laka hong kha, hong cin hong kepnate
Laisiangtho sungah muntampi-ah kimu thei hi. Ih nute gilsung pan
(Jeremiah 1: 5), ih khantawng in (Isaiah 46:3-4), sihna guamthukpi
ih kanlaitak dongin (Late 23) eite hong kha, hong cing hi. Abiahang,
Izet, Zakoh te akipan tuni ciang dong anungta thu um mite nuntakna
le teci pannate ah Pasian hong lamlahna tampite ih mu thei hi. Nang
nuntakna ah zong na muthei ding hi. Pasian hong hehpihna hang
bek hi na cih hun tampi om kha ding hi. A om kei phial le zong na
nuntakna en pha, kisit pha dih in.
Thupha Puak April, 2014 Thupha Puak April, 2014
4 5
Itazilah mite Izip pan hong paikhiat uh ciangin sunin
meiikhuampi, zanin meikhuampi tawh lam na lak hi cih i thei hi.
Tuma kum 3500 hun lai peka a mite a cing, a keem Pasian in tuni
dong a tate hong cing, hong keem hi. Tua ahih manin Late at pa in,
a tawntung-a eima Pasian hi,Amah in a tawntungin eite, lam
hong lak dingpa ahihi, (Late 48:14) na ci hi. Mawtaw, tembawte
ah GPS (Global Positioning System) kici lamlak van khat kithuah hi.
Ih pai nopna mun peuh i paidan ding hong hilh, hong lak pah hi. GPS
a kithuah ma-in vantunga om aksite en-in kipai hi. Mihingte
bawltawmte sia in hi mah tase leh Pasian bawl aksite cikmahin
leitungah kia ngeinai lo hi. Pasian hong lamlahnate lungngai pha dih
ni. Pasian in lampi nei kha ding hi. Ngai dih in. Taklam na kihei ciang uh
hi ta leh veilam na kihei ciang uh hita leh, Hih pen lampi hi, hih tawn
un, cihna aw, na nung lam panun na bil un a za ding hi (Isaiah 30:21).
Pasian in eite mai-ah pai-in lam hong sialsak khin hi (Isaiah 45:2). Tua
ahih manin ih nuntakna lampi ah upna tawh ih kalsuan ding ahihi. Upna
lotawh ih kalsuan khia thei kei ding hi. Bang hang hiam cih leh
lungdamna tawh Babilon panin na paikhia ding uh a, nopsakna tawh
hong kipaikhiatpih ding hi; note mai-a mual liante le mual neute in la sa-
in awng ding uh a, gamsunga sing khempeuh in a khut uh beeng ding
uhi (Isaiah 55:12) acih mah bangin akhang akhangin a mah a muangte
tungah kilamthakna, khamuanna hong guan tawntung hi. I kiim i paam
ah i galten hong um cih laitakin vantung lam i daak thei lai hi. Vantungah
lam etna aksite khat zong a om kei phial zongin eite hong nusia ngeilo
aksi khat om veve hi. Tua in hong honpa singlamteh ahihi. Tua
singlamteh i hong lahkhiat itna in eite cikmah hunin hong tai san
ngeilo cih i phawk tawntung ding hi.
Nung kha pan a zom
PAWLPI PUAHPHATE
(THE REFORMERS)
John Hus
John Hus pen Bohemia gam ah 1373 kum pawlin suaka
apa sibaih ahih manin a nuntakna ah haksatna tampi thuak hi. A
nu in pilna a ngah nading deihsak mahmah hi. Tua hun lai a sang
minthangpen khat ahi Prague University ah Laisiangtho leh
thuthuk pilnate sin hi. Lai pen a pil lua vangvang pawl hilo na pi
degree hong ngah zo veve-in kum (30) a phakma, 1403 kumin
siampi za ngah hi. A nununglam teh a sang kahna Prague Univer-
sity ah siapi hong ngah hi. Kum tawm lai mahmah a tua bang
zalianpi a ngah pen makaih siamna nei hikha ding hi. A nuntakna
zong paubang hetlo hih tuak hi. 1402 kumin Prague khua a om
Holy Innocents of Bethlehem kici pawlpi ah siampiza ngah-a pil
leh thugensiam thuah ahih manin a gambupah mi minthangpen
khat hong suakto ziau hi. A thuhilhna ah pawlpi makaite ginat
lohna, pawlpi kalsuanzia Laisiangtho tawh a kituah lohna,
pawlpiphut pen Pitazuh hi zenzen lo-in Khazih ahihna cihte
nakgen mahmah hi.
Hus pen mipi leh uliante lakah maitaang khawm hi.
Kumpinu in a thugente ngai in a ma aituam sia in zang hi. Ahi
zongin, leitung thubuai tuamtuam hang leh a haza leh a mudah
pawlkhatte hangin Constance khua ah kimanin thong kikhia hi.
Council of Constance cih kikhopna ah John Hus leh a thuhilh, a
laigelhte mawhsakna kinei hi. Thong sungah gentheihna sauveipi
Thupha Puak April, 2014 Thupha Puak April, 2014
6 7
a thuak khit ciangin July6, 1415 ni-in tau tungah mei tawh
kihallum hi. Pa aw, ka kha kong ap hi a cih khit ciangin meilipi
sungah si hi. Zop lai ding
(Rev. Dr. Do Suan Mung gelh Tapidaw Pawlpi leh A upna Taangthu
pan kila hi.)
~~~oOo~~~
ETTEH TAAKCING PAWLPI DINMUN
(Nungkha pan azom)
Sia Dal Go Mang- Associate Pastor II, Tedim EBC
Etteh tak cing Pawlpi dinmun cih thulu tawh IThess.1:1-
10 bulphuhin, a thulu neu lina ong kikum kiksak thei, i biak Pasian
min phatin om tawntung ta hen. I Thess.1:7,8, en masa ni. Aneu
7 na-ah, Tua ahih manin Makedonia gam leh Akhai-a gam sunga
om thu-um mi khempeuhte etteh ding na suak uhi.., Aneu 8 na-
ah, Note tung panin Topa thu kizeel a, Makedonia gam leh
Akhai-a gamte bek hi lo-in, mun khempeuh ah a tung hi. Pasian
in na upna uh mun khempeuh ah thangsak khinzo ahih manin,
kong gen ding uh a kisam bang mah a om kei hi. Hih a tung a i
gelh tang nihte bulphuhin Tetalawni pawlpi pen..,
D. Khangmangthang a vei Pawlpi hi uhi
I Thess.1:7, a nu nung lamah Paul in, etteh ding na suak
uhi cih kammal na zang hi. Hih muna kammal ;etteh ding cih
pen Greek lai-in tupos hi-a, nuntakna tungtawn a, mite Khazih
mukhia sak ahih kei leh mite ading limpha cihna ahihi. Tua ahih
manin hih Tetalawni pawlpi pen kam a tawm theithei pau-in, na
tam theithei a sem, thu um pawlpi hi ci lehang kikhial lo ding hi.
Ei tu hun thu um te zong i gamtatna tawh lungdamna tangko thei
ihih lam kiphawksak nuam hi hang. Tua bek thamlo-in Paul in, a
neu 8 na-ah, note tung panin Topa thu kizeel a, cih kammal na
zang kik hi. Hih muna om ki zeel cih kammal pen Greek lai in,
echestai, hi-a, tangkhia ahih kei leh kithawn khia cihna ahihi.
Tetalawni pawlpi mite tungtawnin lungdamna thu, mi tampi tung
kizeel a, tua hangin mitampi in Khazih um in piangthak uhi. Eite
zong hih a piangthak pawlpi Tetalawnite bangin i om na munciat
ah lungdamnathu tang khiatsak ding ki hanthawn nuam hang.
I pianthak zawh a hun sawt tektek leh i lawpna zong kiam
semsem thei hi. Ahih hang i phawk tawntung ding thu khat in, i
omna peuhpeuh ah eite gamtat luhek tungtawnin, midangte tung
Khazih lungdamna thu kithawnin kizeel ahih lam phawk
tawntung hi.
Tetalawni pawlpi mite haksatna tuamtuam hangin leitung
mun khempeuh ah kizeel kawikawi uh a, a tuntun na uh ah Khazih
lungdamna thu, veina lianpi tawh gamtat luhek tungtawnin tangko
den uhi. Khamangthang a vei taktak pawlpi hi.
I lawpna a kiamkiam phial zongin Khamangthang i veina
khangsak semsem ni.
-Zoplai ding
Thupha Puak April, 2014 Thupha Puak April, 2014
5
77
7
8
9
A BUKIM PASIAN ITNA
John 19:28-30
28-Tua hun ciangin Zeisu in na khempeuh kicingta hi, ci-in thei
ahih manin Lai Siangtho sungah a kigelh thu a tuntheihna dingin,
Ka dangtak hi, a ci hi. 29-Tua lai-ah beel khat dimin
leenggahzu-hau om ahih manin amaute in tua sungah tuihupna
diahin puknah hiang dawnah a koih khit uh ciangin Zeisu kamah
a va tahto uh hi. 30-Zeisu in tua leenggahzu-hau ciamin, Man
khinta hi, a cih khit ciangin a lu puksukin a si ta hi.
Hih lai takah Zeisu in ka dangtak hi, ci akiko hunpen ka
khialh ahih kei leh nitaak lam nai 3 pawl ahihi. Gilkial dangtak
leh phuu-khung ih veikhit, ih gim ih tawl khit a pau pen, ih tha
dah zunghzungh thei hi. Pau thadah lua kisa, ong ki hopih leh
ih hehbang suak nuam theilai hi. Zeisu zong kivua kisat khit hi
a, zawm cihtak zawm mahmah ding hi. Ahi zong Laisiangtho
atangtunna dingin kadangtak hi ci-in na pau khia tantan hi.
Hihbang in akiko khitteh Galkap te in tuihupna la-in,
diah a, puknah dawnah akoihkhit uhteh Zeisu kamah a va tahto
uh hi. Hih pen khaat cihtak kha ci sawnsawn hi. Tuakhit ciangin
Jesus in Vanlam daakto in It is finishedcin nakpi tak kiko
in, alu kunsuk in , akha van a pa kiangah a ap hi.
Hibang kammal te in khiatna nei mahmah kammal hi.
Mite lungsim linglawng sak zo mahmah hi. Bektham lohin thu-
um masa te in zong Gospel John khawngmah a na sim kikkik
uhteh hih Zeisu kammalte thuuk le khiatna nei sa mahmah uh
cin thugen siamte in genbeh lai uh hi.
Ute naute sepna bawlna khat peuhpeuh ah sepding a
ong kipia na khat peuhpeuh ih sepkhit teh It is finished ki
manta hi, kici hamtang hi. Ahi zong ih sepding zah ih sep
keileh, ih bawlzawh keileh ih manzawh keileh cikmah hunin
IT IS FINISHED kici thei ngiat lo hi.
Nidang lai hih Jews ten zong biakpiakna piading in
(Temple) biakinn ah van khat peuhpeuh ong paipih uhteh
siampilianten hoihtak vel phot uh a, bangmah paubanna a
muhkei uh leh Your offering is accepted; it is perfect
cihbang in na hih tangtang uh hi.
Hihpen den a ih sim Laisiangtho le ih Zeisu kampau ki
manta hi cih tawh akibang hi lel hi.
Hih atung a ih gen KI MAN TA HI cih Zeisu kammal
pen, ei akua maciat in ih telding nakpi tak in thupi hi. Zeisu ii
deihna bulpi taktak in banghiam cih leh ama nasep hih leitung
gupkhiat na tawh kisai kicing ta, ki manta, bukim ta hi a naci
nuam na hihi. Aman ama lampan asepding teng manta ingh, a
naci na hi gige hi.
Zeisu in a nasep pen ong man siangta a, bangmah behlap
ding omnawn lo hi. Zeisu in asihna , ana sepna zawhna tawh eite
ading thaman ong piaksak khin hi. Aman ih leiba teng ong lohsak
khin hi.
A nasep zo sitset in Singlamteh tung ong kikhai teh van a
Pa in, Well done, this is my dear Son with whom I am well
pleased ci hi. Zeisu in anasep azawhna tawh van a Pa na lungkim
sak hi. Ute naute, tuni a ih topic a hi, A bukim Pasian itna
tawh kisai ih gen theih ding thu tampi a om thei ding hima tase
leh tuni taak in thu-3 gen nuam hi hang:
Thupha Puak April, 2014 Thupha Puak April, 2014
6
11
10
1. Zeisu sihna in Laisiang tho abukim nading hi.
Ei thu-um miten Laisiangtho ih simsim hang, tuabang
dan in, Pasian in ong tangtungsak kei-in Zeisu ong sikei
mawk leh adiakdiakin ei thu-um mite, ih upna pan ong
hoisak ding a, midangte up peuh ki-um zanzan theiding hi.
Ahi zong tuni pen eite ading in , tua ih up, ih pom ahi
Laisiangtho pen aman le adik taktak Laisiangtho ahihlam
Zeisu sihna in ong kilangsak ahihman in ei ading in Good
Friday ong suak hi.
2. Zeisu sihna in eite Pasian tawh ong kilem kiksak nading hi.
Zeisu sihna omlo hileh eite Pasian tawh ki gamla in,
ama kiang pan, paikhia in kal tampi suankhin hihang. Ahi
zong eite Pasian tawh ih kilem kik theihna dingin, Pasian
in Zeisu ong si sak hi. Zeisu sihna in na tampi khin hi. Tua
ahihman in It is finished cin Zeisu mahmah in zong asih ma in
na paukhia hi. Eiten tuni pen Good Friday cin min vawh a
nazang hi hang. A taktakin cileng Zeisu ading in tuni pen GOOD
FRIDAY hetlo hi.
Zeisu thuaknate ih etteh good day het het lo-in bad Friday
hizaw hi. Singlamteh tung kikhai, akhut akhete kikilh, a kikhaina
singkhuam na ngawn zong ham mahmah ci sawnsawn lai hi.
Hihteng ih lungngaih ciang Zeisu ading in GOOD FRIDAY
hetlo hi. Nak khasiat huailua, nak mulkim huailua hi. Hiteng
khempeuh eiteng hang a thuak hizen hi. Zeisu ii sep ahi, ama
sihna tawh tun eite Pasian tawh kilem kik hihang.
3. Zeisu sihna in A bukim Pasian itna akilat nading hi.
Pasian in ka hong it hi acihleh ong it pah takpi in, sihna
tawh a itna a hong lakpah lel hi. Topa nong it takpi mah hiam ci a
dotvet omlo hi.
Ei leitung mite ki itna le Pasian itna tehkaak lehang in
eite neih tua itna pen dau mahmah hi. A ki sihpih ngamzah dong
ding in , kuamah ki it zo nailo hihang.
Nupa kal nangawn lungkham luatman in akikhen tampi ki
om hi. Ute naute tuate itna man ahithei ding hiam?. Thawnkham
in a la sung ah Itna in gual ong zo sak ding hi ci hi. Bangzah ta
in ih zawng, ih ngau hang Pasian kiangpan a ih ngah ITNA nei
peuh leng kicing lel hi. Tua in ong maitai sak ding hi. Itna in ong
lungnuam sak ding hi. Itna pen thupi mahmah hi.
Paul in 1 Corinthians 13:13 sung ah Faith, Hope leh Love
om a, tuateng lakah alian penpen in ITNA hi, na ci hi. Pasian in
mihing khat a ong bawl nungsang itna ih neihkei leh ih nunna thaman
in khiatna neilo ong suak hi. Nei sunsun lehang zong ih itna, ih
kideihsak nate na kawi mahmah thei a, atakpi na hikhol lo thei hi.
Paul ii gen itna man ih neihding ong hanthawn hi.
Thupha Puak April, 2014 Thupha Puak April, 2014
14
7 13
12
Paul in itna athupitzia hi bangin na gen hi:
V. 4- Itna neite a lungduai-in migi hi. Itna neite in hazatna
lungsim nei lo-in, zong kisathei lo hi.
V. 5- Itna neite a kilawm lo-in gamta lo, heh pakpak lo,
mitemawhna ciamteh lo hi.
V.6- Thuman lote-ah lungdam ngeilo uh a, thumante bekah
lungdam uh hi.
V. 7- Itna neite lungkia cih om ngeilo hi.
Hibang teng Paul in ITNA a thupit lam eite ong theisak hi.
Paul in ih nisim nuntakna ah Itna maan nei a, ih kalsuan ding ong
deihsak hi. Leitung ah itna thu akigen sial in Nu le Pa ii itna in
abukim pen, a thukpen , a lianpen hi cin kigen hi.
Tuma kum 10 lai a, Nute in tate itna tawh kisai a kampau
uh ka zak ngei thukhat om hi. Khatvei mikhat in Nupi khatkiang
ah na tate avekin na itkim takpi hiam? ci in dong hi. Tua Nupi nu
in zong ka it takpi hi cin dawng kik hi.
Atawpna ah khatvei tuabang dan mah in ong dong leuleu
a, tua Nupi nu in zong a vekin itkim ingh, ahi zong hua lai a
mibang phalo pen ka lungnuam kei, vei phadiak ingh, it pha diak
ingh, cihbang in ong dawng hi.
Ute naute leitung ah Nu le Pa itna alianpen , athukpen le
azaipen in a kiciapteh hang, tuabang dan in it tuam, na nei veve
uh hi. Pasian in a tapa Zeisu a itdan pen piandang diak hi.
Laisiangtho in atapa a neihsun cin gen hi. Ih neih sunsun tate ki
it phadiak takpi ding hi, ahi zong alamdang khat ah Pasian in
atapa sang nang le kei ong it zaw lai hi. Hih in abukim Pasian
ong itna taktak hi.
Eiteng ih mawhna tawh tawntung Hell ah pai pheupheu
ding kim lai aman atapa neihsun , sihnuam zong hipeuh mah lo,
kivua, kisat, ki cilphih teng thuaksak phot in, tuakhit teh sisak
mawk hi.
Tua bang dan in, Pasian in a tapa ong thuaksak mawk teh
atapa Zeisu in zong My God, My God, why have you forsaken
me? na ci liang hi. Leitung mikhempeuh ii mawhna pua a , gik
mahmah kha ding ahihman in hihbang kammal na zang hikha
ding hi. Pasian itna zailua mahmah ahihman in Paul in zong hibang
in Romans 5:8 sung ah na gen liang hi.
V.8- Ahi zongin eite mawhna nei ihih laitakin eite-a
dingin Khrih hong si ahih manin Pasian in eite hong
it mahmahna thu hong lak khin hi, na ci hi.
Thupha Puak April, 2014 Thupha Puak April, 2014
14 15
Hihzah ciang a, Pasian in a itna ong lak hizen hi. Pasian
in hong itteh ih hihna bangbang tawh ong it hilel hi. Pasian in
ong it ingh, acihteh itna man tawh ong it takpi hi.
Pasian hong itzia, gentehna khat ong gennuam ingh :
Abeisa kum tam simsim lai in, England gam ah
Tangval no khat leh Nungak no khat kingai mahmah uh
a, akiteng ding zahdong in ong om uh hi. Tualeh akiten
niding khawng uh a ni akha nangawn ong khensat uh hi.
Tua amau kingaih mahmah hun sung in England gam
ah Gal kidona nasia tak in hong om citciat hi. Tualeh Galpen
beithei mahmah lo ahihman in , a do ding mi nakpi tak in
hong kisap teh tua Tangval pa zong Kumpi te sapna leh
Gam le minam a itna tawh Army Training ong kuan a,
tuakhit teh galsung ah galdo ding in kumpi ten amundang
ah puakpah hi. Tuabang in amundang ah gam ading gal ong
do mawk teh a kiten niding uh ong kipelh hiau mawk
hi.Tualeh khatvei a galkap na pan tua tangval pa ong ciah in,
hoihtak a lawmnu tawh ong kimu kik thei ban ah ,a kiten ni
ding uhzong ong kikum in, ahun ding ong postpone uh hi.
Galkap khuanciah hi a, apaikik ong hun hi, a paikik
madeuh i n al awmnu ki angah l awm aw, muntuam
gamt uam ah i h omhang l ai mah t awh ki t hu za
tanghtangh ni maw ci i n l ungki m huai t ak i n ong
kivaikhak in ong kikhen tuak uh hi.
Galphual atunzawh asawtlo in alawmpa in zong
laimah tawh ong thu za tanghtangh hi. A lawmnu in zong
alawmpa laikhak pen kha beikuan ta ah ong tung ahihteh
cin theihsa in nei gige den a, kha abeikuan sim in hopihna
lai ngah ding cihtawh lawp mahmah den hi.
(India ah LST ka kahlai in, ka Nu in khasial in lai ongkhak
geihgeih hi, tua in ka lung ong muangsak in, ka tha ong hatsak
mahmah hi.)
Tualeh gal sungah gal kikapna nasia tak in ong om in, bomb
khawng ong phuakkhap teh alawmpa sukha in akhut akhe ong
tawng mawk hi. Tua a kipan hih pa in alawm nu kiang lai at nop
hang ong at theinawn lo hi. Tuabang teng tawh , kha 4/5 bang
sawt in , atawpna ah kumte na ngawn ong bei to liang hi.Tualeh
alai atun hun in , ong tunloh teh alawmnu zongh nasia takin hong
dah mahmah a, ngaihsut lohding thu tampi ongngaih sunta hi. Ka
lawmpa galsung ah asi hiding hiam, or a cina hiding hiam, cihbang
in khatampi sung ong ngaihsun toto in, zan nangawn hoihtak ih
mu theilo ban ah, an zong hoihtak mah ne zolo in, ong ni gawn hi.
Tualeh asawtlo in, alawmpa letzi(khutlam) ahi hetlo, laidalno a
siapian thimthiam khat alawmnu kiangah hong tung litlit hi. A
lawmnu in a et teh nidang a alaingah tawh kibang keisi e cin ong
lung himawh pian hi.
Asung ong phen in hong etteh hibang in na kigelh hi,
Kong it lawm aw, hih lai kikhak ciang nangawn mitung
huhna ngen a ong khak ka hihteh, khantawn in nang kei nong
huhdet akulding himawk ingh, bangbang hileh nang ong
huhthei, ong panpih theiding mikhat tawh na kiteng in ci in,
alawm pa in lungzuan huaitak in, lai ong khak hi.Hih laikhak
Thupha Puak April, 2014 Thupha Puak April, 2014
16 1712
alawmnu in angahteh nuamlah nuambuang, dahlah dahbuang khat
in ong om biaibuai hi.
Amahzong hibang thute atheihteh ong omthei nawnlo a,
ahihtheih zahzah tawh alawmpa damlai buang ahihteh ka mit
mahmah tawh ka va muh kulding hi, cin ahihtheih top in , ong
hanciam in tua alawmpa te omna ah ong pai vingveng hi. Aphual
ong tunteh galkap Captain tawh ong kimu in , a lawmpa omna
address ong dotteh , tua Captain pa in zong hihbang in na gen hi.
Hihpa pen , hualam a aliam , abai leh a nasia zaw deuhte
kikepna Zato ah va lut leteh a bed number-7 na ah omding hi cin
va gen hi. Alawmnu zong thakhat in ong kithawi pah vingveng in
tua zato sungah ong lut a , alawmpa lupna number tawh abanban
in ong zong pheiphei pah hi.
A tawpna ah alawmpa number ong mu-in, a etsuk leh
alawmpa na hilua zen hi, laisung a agen mahbang in, akhut akhe
na kimnawn lo takpi hi, alawm nu in zong thakhat in na kawisuk
pah a, hibang in nagen hi, lawm aw hih kong kawina khutpen
nang atawntung in ong huh ding khut hi. Nang ading in hih
ka pumpi om hi. Lungneu ken , bangzah ta in na poi, na hem
hang, ken kong itna kiamtuan lo hi, kong itna bukim veve
hi,ci hi.
U te naute Pasian ong itna zong hibang mah hi. Bangzah ta in ih
poi , ih hem hang, ih citloh hang, ih mawh hang, ih zawn hang, ih
lungkham hang, Pasian in ong it veve hi. Pasian in atapa sihnatawh
ama itna hong lak hi. Tua Itna in abukim itna hi. Tua itna in tuni
Good Friday ah Pasian in ong kilang sak hi.
Pasian in hizah ta abukim itna tawh ong it a hihleh
1. En amah phawkna tawh it kik ni ..
2. En amah zahtaakna tawh it kik ni
3. En ama thu ahi LST simna le a sung aom thute zuihna
tawh it kik ni
4. En . .. amah kihtaakna le launa tawh it kik ni
5. En amah upna leh muanna tawh it kik ni
6. En amah honpa le Topa a sanna tawh it kik ni.
Tuateng hileh ei ading hih GOOD FRIDAY pen ong man
nei mahmah pan ding hi.
Ei leitung mihing ten Pasian it buang , itlo buang, ama
hong itna um buang, umlo buang in omden ih hihman in Pasian
in tuni ama hong itna SIHNA tawh ong lakgiap hi. Hih in abukim
Pasian itna hi. Tuni Pasian hong itna pen abukim ni hi.Topan ih
tan kimciat ding in, kicing takei leh hih A bukim Pasian Itna
cihtawh kisai ih kigen sunsun te thupha ong piaksak tahen!
Sia Thang Gin Piang - EBC Tedim
Thupha Puak April, 2014 Thupha Puak April, 2014
18 19
April14-21,2014 sungin Tedim EBY te Sia Pau Lam Mang-Youth
Pastor makai-in mi (41), Haiciin EBC, Selbungh EBC, Mauvom
EBC leh Cikha EBC te ah Gupkhiatna thugenna va nei uh-a, a
pai na peuh vuah tha kingah thei mahmahin a pai mimal khatciat in
zong thangah na thak nei ciat uhi, cih thu kiza hi.
April 7-13,2014 sung Vaalvum khua ah EBSM te leh Missionte
mi (11)in sun-in thusinna, mimal tungah Gupkhiatna thugenna le
nitaksimin Gupkhiatna thu taangkona kinei hi. Mitampi takin
khamuanna ngahin kilawh cing mahmah hi, cih thu kiza hi.
Sophia Academy, Tamu ah March-April nipi kalthum sung Rev.
Nang Za Thawn vaihawmna tawh Basic Music Course hilhna
kinei hi. Idol Thangta in Tonic Solfa le Staff Notation hilh-a,
khangno mi (100) bang kah hi. Kiphat tuampih mahmah a, Staff
notation en in labang sa thei pah uhi.
April 13-16, 2014 sung Nanmuntha khua Agape EBC biakinn
ah Youth Camp kibawl hi. Khangno mi (230) bang kihel hi.
Rev.Ngam Kho Mang, Rev. Vungh Suan Lian, Rev.Pau Kap
Thang, Pastor Saw Eh Do, Sia Tuan Sian Sang te in thusinna
neihpih a, Sia Suan Sian Khai in games ah makaih hi. Tamu
EBY Music Band (Khakhai, Sangboih, Siamno, Son Lian) te in
lasakna-ah makaih uhi. Rev. Pum Sian Hang, Rev. Pau Kap Thang,
Pastor Ko Ko Naing, Pastor Cin Suan Khai, Siama Khen Lawh
Cing le TT Khawk sung a sia/siamahte in gupkhiatna thu genpihna
nei uhi. Nitak simin Rev. Nang Za Thawn in Gupkhiatna thu genna
nei hi. Rev. Lian Khan Hau in mi (53) te April 16,2014 ni-in
tuiphum hi. Pasian minthangta hen.
THU TUAMTUAM
April 16-20,2014 sung Leilum EBC biakinn ah Youth Camp
kinei hi. Khangno (100) bang camp kah hi. Rev. Nang Za Thawn
in sun in thusinna le zanin crusade neih pih hi. Tamu EBY Music
Band(Khakhai, Sangboih, Siamno, Son Lian) te in lasakna makaih
uhi. Lasiam Pastor Saw Eh Do, Stephen, Thawngthawng, Haunu
le Lianneu te in lasakna neih pih uhi. Sia Suan Sian Khai in games
makaih a, Rev. Pau Kap Thang, Pastor Ko Ko Naing, Siama Khen
Lawh Cing, Siama Haunute in gupkhiatna thu kikuppihna nei
uhi. Piangthak mi (14) te Rev. Lian Khan Pau in tuiphumna nei
hi. Pasian minthang ta hen.
April 24-27, 2014 sung Leilum khawk EBY-OB te le Sezang
EBC pawlpite in Sezang ah camp nei uhi. Sia Langh Khan Zam,
Sia Dal Khan Khual, Sia Thang Huai Sang te in thusinna,
thugenna nei uhi. Piangthak mi (20) te tui kiphum uhi.
April 23-27, 2014 sung Mualveeng EBC (Laaitui) te in naupang
camp nei uhi. Pianthakna ngah mi (14) te Rev. Lian Do Nang in
tuiphumna nei hi.
April 15-17, 2014 sung LCEC te le EBSM ten Sakollam
Tuiphum pawlpite kiangah camp nei uhi, cih thu kiza hi.
May kha sungin Munlai ah Mission nasemte leh LCEC te
kithuah khawmin naupang Camp nei ding uh ahih manin
thungetna ah phawk ciat ni.
2015 kum ciangin EBC pawlpi kum (40) cinna Magazine kibawl
ding ahih manin Article a puaknuamte in Sia Khawm, Sia Khen,
te tungah ahih kei leh EBC Gambup zum ah kipuak thei hi.