Meron na lang silang sapat na pera na pambili ng hapunan at pamasahe
pauwi, ngunit sa pagdalo nila ng Household meeting, sa oras ng bigayan ng tithes, naramdaman ng mag-asawang gusto ng Diyos na ibigay nila ang lahat ng pera sa kanilang bulsa. Ang kagalakan ng pagbibigay ng kanilang naramdaman ay hindi maipaliwanag. Pero naisip din ng mag- asawa kung gaano kalayo ang lalakarin nila upang makauwi at papaano nila pakakainin ang kanilang mga anak. Pagkatapos ng Household meeting inabutan sila ng may ari ng bahay ng isang malaking plastic bag at mangiyak-ngiyak sila ng Makita nila kung ano ang laman, puno ito ng pagkain. . . Salamat Lord, ang tanging nasabi nila. Ang isa naman nilang kasamahay inaya sila na makisakay na sa kanila pag-uwi. Thank you talaga Lord, napakabuti Mo, sigaw ng puso nila. Nakauwi sila ng napakabilis at walang kapagod-pagod Kapag naramdaman mo ang Espiritu Santo na kumikilos at bumubulong na magbigay o gumawa ka ng isang bagay, huwag itong ipagwalang- bahala, itoy upang masaksihan mo kung paano gumalaw ang Panginoon sa buhay mo. Higit sa pagsasakripisyo mo, nais ng Panginoon ay ang walang tawad na pagtitiwala mo sa kanya. Tandaan Kapag tayo ay nag-aalala, nagpapakita ito na mas binibigyang pansin natin ang mga bagay na wala tayo sa halip na kasaganaan na dala ng ating Ama. Panalangin Ama, patawarin mo ako sa tuwing nag-aalala ako sa mga bagay na wala ako sa halip na tingnan ang kung ano ang meron ka.