ANG WIKANG FILIPINO

ANG ATING WIKA

Para kay Padre Pedro de Chirino, isang paring Heswita, natagpuan niya sa tagalog and katangian ng
apat na dakilanf wika:
Ang talinghaga ng Ebreo, ang katangi-tanging katawagan ng Griyogo hindi lamang sa mga
pangangalang lansak at mga pangalan ng mga bagay; ang kaganapan at kinis ng Latin, at ang
pagkamagalang at pagiging romantiko sa Castellan.
Ayon naman kay Dr. Richard S. Pittman ng Summer Institute of Linguistics of America:
Ang ortograpiya ng Tagalog ay isa sa mga wikang halos perpekto sa buong mundo.
Patunay pa rin ang akdang isinulat ni Dr. Jose Rizal noong 1893 sa dapitan at inialay kay Padre
Francisco P. Sanchez, S.J:

Ang Tagalog ay kalipi ng mga wikang ang mga salita ay binubuo sa pamamagitan ng paglalapi at
pagtatambal.

Idinadagdag pa niya:

Bagamat sa wikang Tagalog, sang-ayon sa pagbigkas at pagsulat nito sa kasulukuyan (na
bahagya lamang ang kaibahan sa matandang Tagalog) ay maraming salitang hiram sa mga
wikang Sanskrito, Kastila, at Instik, ang balangkas ng wika ay nananatili sa kanyang sariling
kakanyahan at katangian. Ang mga salitang hiram na itoy naging palamuti ng Tagalog, katulad
ng mga batong libinaon sa mga hiyas at dahil ditoy maaari silang mawala o palitan nang hindi
maka pipinsala sa kabuuan.

Sinaunang Paraan ng Pagsulat

o Alibata
Binubuo ng labimpitong (17) sagisag
3 Patinig
14 Katinig

o Maraming bagay ang sinulatan ng mga sinaunang Pilipino; mga dahon, palapa, at balat ng
ibat ibang prutas, ngunit karaniwan ang kawayan.
o Ang mga panulat naman ay matutulis na patalim o sundang, o ibang maliliit na piraso ng
bakal.
o Kapag inukit na ang mga titik sa kawayan, pinahiran nila ito ng abo upang lalong madaling
makita. Nang dunmating ang mga Espanyol, nagsimulang gamitin ng mga Pilipino ang papel,
pluma at tinta.
o Doctirina Christiana (1593)

Panahon ng mga Kastila

o Naganap ang unang malawakang kodipikasyon bg wikang pambansa.
o Nagkaroon ng ROMANISASYON ang ating alpabeto. Natuto ang mga Pilipino sa pagsulat sa
ganitong paraan subalit sinunod ang pagbabaybay ng mga salita sa alpabetong Kastila:
Halimbawa: icao (ikaw), Dios (Diyos), Catagalogan (Katalugan)
o Walang letrang K at W ang alpabetong Espanyol.
o Ang mga misyonerong Kastila ang nagdagdag ng E at U.
o Magiging pases para sa magandang hanapbuhay at sa mataas na lipnan ang pagbasa at
pagsulat sa alpabetong Romano.

Panahon ng mga Amerikano

o Naganap ang ikalawang yugto ng repormang pangwika.
o Sa panahong ito tahasang itinadhana ng batas ang paggamit ng isang wikang pambansa.

NOBYEMBRE 13, 1936
Itinatag ang SURIAN NG WIKANG PAMBANSA
(NATIONAL LANGUAGE INSTITUTE)

NOBYEMBRE 9, 1937
Ginawang saligan ng wikang pambansa ang katutubong wikang TAGALOG.

DISYEMBRE 13, 1939
Inilimbag ang kauna-unahang BALARILA

o ABAKADANG TAGALOG = 20 TITIK
Ang mga ito ay ginagamit sa mga karaniwang salitang tinanggap o naasimila na sa
bokabularyo o talasalitaan ng wikang pambansa.

AGOSTO, 1959
Ang wikang pambansang batay sa TAGALOG ay inumpisahang tawaging
PILIPINO (Kautusang Pangkagawaran Blg. 7)

Panahon ni Marcos

o Ang isyu na ang PILIPINO ay purong Tagalog lamang (Demetrio Quirino Jr.)
o Lumitaw ang panukalang Filipino upang maging wikang pambansa.

FILIPINO
Isang amalgamasyon o pantay-pantay na representasyon ng lahat ng mga wika
sa Pilipinas.

o Ang dating 20 titik na bumubuo sa alpabetoy naging 31 na. Idinagdag ang labing-isa (11) pa:
c, ch, f, j, ll, , q, rr, v, x, z.
o May mga nagmungkahing hindi na dapat na isama ang titik ch, ll, rr, at (Kastila) kaya
nagpalabas muli ng panukala na ang alpabetoy bubuuin ng 27 titik. Ang orihinal na 20 titik
ng alpabetoy nadagdagan ng pito (7): c, f, j, q, v, x, z.

1987

o Noong Marso 12, 1987, ang kalihim ng Edukasyon, Kultura at Isports ay nagpalabas ng
Kautusang Pangkagawaran Blg. 22 hinggil sa paggamit ng katagang Filipino sa pagtukoy sa
wikang pambansa ng Pilipinas.
o Bagong Alpabeting Filipino = 28 titik
Ang tawag sa mga titik ng alpabeto ay ayon sa bigkas-Ingles ng mga Pilipino maliban
sa (enye) na tawag-Kastila. Ang walong (8) titik na nadagdag: c, f, j, , q, v, x, z.

Ayon kay Virgilio Almario (mula sa sanaysay na Filipino ang Filipino <handouts>), may dalawang (2)
mistikal na problemang malimit ipataw laban sa wikang Filipino:

o Ang Filipino ay hindi pambansa.
o Ang Filipino ay nangangailangan ng Intelektualisasyon.