INDU NING ALANG ANGGANG SAUP

(NENG: SONJAI SALENGA)

February 26, 2014 at 10:50pm
Public

Indu ming malugud at mapamakalulu,
Caring anak mung makalunus at kalulu.
Kecaming anak mung masakit at maghinalu,
Pakayapan mu kami at ibye mu ing panulu.

Indu ming alang sawang kecami sasaup,
Caring kapatad ming ulila ikang kukupkup.
Ika ing pagdulapan mi anting susulapo ayup,
Qng yatung malyap at misna qng kaskup.

Indu ming malugud at mapaglingap,
Caring anak mung bagya na sisingap.
Kecaming anak qng lugud mayayangap,
Kaulan mula Indu mantun lang lingap.

Indu ming maganaka ika ing panaligan,
Caring kecaming aklis at kayaduanan.
Malagua mung babie ing kapakibatan,
Anya pupurian da kayu pu at pasalamatan.

Ing kecang mapagmalang malagung larauan,
Qng altar ning parrocquia ming pisamban.
Larauan ne ning Indu ning meto sikluban,
Lulugud kecami qng mitmung kababan.

Ing panyatang mu qng kecaming parrocquia,
Pagmasusuian mi ngeni at lubus magsaya.
Misa at nobena ing yayampang mi keca,
Ikaming debotung pupuri pasalamat keca.