Estd. : 24. 10. 1994 Pro.

Permit No - 25 of 2004
Nang Malsawmna ni ang che....
Kumpuan : Ram leh Hnam Humhalh
Damlo
Chanchin kan lakkhawm laia
kan vengchhung mi CHS awm te:
1. Nl Jenny Lalrinawmi Sec V
2. Nl ZD Vanlalrempuii Sec IV
3. Pi Remlalpuii Sec III
4. Pu T Lalropuia Sec V
5. Pu C Lalnghinga Sec IV
6. Pi Lalnunmawii Sec-V
(w/o Pu K. Sangzuala)
Blood Bank Dinhmun
Chanchin kan lakkhawm laia
CHS Blood Bank dinhmun:
Vol - XVIII Issue No 263, the 26
h
July 2014 (Inrinni): Darthlalang Chanchinbu, Branch YMA, Serkawn : Kartin Chhuak Phek 1- na
* Hun awl hmanthat
* Kristian nundan tha ngai hsan
* Zofate hmasawnna ngaihtuah
SYMA LIBRARY HAWN HUN : THAWHTANNI, NILAINI, ZIRTAWPNI (3:30 PM - 4:30 PM)
YMA Thu Hla
1. GENERAL CONFERENCE AGENDA, KUMPUAN RAW-
TNA ETC:
YMA General Conference Dt 30.10.2014 - 2.10.2014 chhunga Ratu
khuaa neih tur atan agenda atana rawt duh nei te chuan branch Secretary
hnenah thehluh theih a ni a. Tin, hemi hun chhung vek hian Kum
2015 a YMA Kumpuan atana rawt duh neite leh CYMA chhiatni thatnia
inkaihhruainaa rawt duh neite pawhin branch secretary hnenah hian the-
hluh theih a ni ang.
Heng kan rawtna thehluh te hi Sub Headquarter YMA-ah thehluh
leh a ni ang a, Sub Hq hruaitute hian branch leh group hrang hrang atanga
rawtna lutkhawmte hi an lo thlifm dawn a ni.
2. FAINA CHUNGCHANG:
Faina chungchanga tan la thar leh turin mitin te kan inngen a, ch-
hungtin in mahni in leh a vel te vawng faiin kan veng chhunga school leh
offce te pawhin mahni hmunhma te vawng fai turin kan inngen a.
SYMA Executive Committee-in a lo rel tawh angin section tin te faina
kawng a tan la thar leh turin kan inngen a, thla khatah vawi khat tal faina
hnatlang mahni section huamchhunga nei turin Executive Committee chuan
min ngen a ni. Hei hi section tin in kan zawm theuh dawn nia.
3 P.A. SYSTEM THU HLA:
Tunlaiin fur lai te a ni a, PA System line chhia leh thalo palh te a
awm duh hle a. Line chhia te, horn ri theilo te a awm a nih chuan a rang
thei ang bera PA Sytem incharge te hnenah hriattir thin turin kan in ngen
a. Hengte hi SYMA PA System incharge te chu an ni-
1) Pu K Biakthansanga Mobile: 8119867453
2) Pu C Lalbiakzuala Mobile: 9862611372
4. PEM LEHKHA LEH INLUAH REPORT:
Kan inngen tawh thin angin Serkawn huamchhunga rawn awmthar
ten mahni awmna hmasa branch YMA atangin Pem Lehkha lachhuakin
branch YMA Vice President Tv P Lalrimawia hnenah thehlut turin kan
inhriattir a.
Tin, Serkawn huamchhunga inluah tur nei ten kan inluahtu mithar
an awmin a rang thei ang berin YMA Vice President hnenah hian report
thin turin kan inngen nawn leh a ni. Hei hi kan zavaia himna atana tih a ni
a, YMA ngenna kan ngai pawimawh hram hram dawn nia.
5. INNER LINE PERMIT CHECK:
YMA Kumpuan Ram Leh Hnam Humhalh bawhzui nan leh Sub
Headquarters YMA Lunglei atanga kan thu hmuh bawhzuina ni bawkin
SYMA chuan Dt 22.7.2014 (Thawhleh) zan khan Serkawn huamchhunga
vai awm te Inner Line Permit check a ni a.
Serkawn huamchhungah vai 76 awmin heng zinga 6 te hi Permit
chiangkuang lo an ni nghe nghe a. Kan check hmasak khan vai 61 awmin
tuna kan check nen a inkara an punna zat hi 15 a ni.
Hnamdangmi sponsor chungchangah hian Serkawn mipuite kan
thangharh a ngai hlein SYMA chuan kan hria a. Ram leh hnam khawih
thil a nih avangin kan fmkhur a tul takzet a. Mahni hlawhfa chhawr ni lo
te sponsorship lo pek ngawt te kan tih tur a ni lova. Kan hlawhfate pawh
kan chhawr tawp hunah chuan sponsor-na tih tawp mai tur a ni.
Tin, inluah tur neituten kan inluahtute hi vai an nih pawhin
YMA-ah report turin kan inhriattir a. ILP nei lo chu luah tir lo tur leh kan
inluahtute zingah ILP nei lo chu awm tir lo tur pawhin kan inngen thar
leh a. Tin, ramdangmi (foreigner) te ngat phei chu in luah tir lo turin kan
inngen nawn leh a ni. Kan ram leh hnam him nan YMA ngenna kan ngai
pawimawh hram dawn nia.

@ Pi Nithangi w/o Upa H
Zadingliana Sec IV chu a damloh
avangin Aizawl-ah kalpui a ni a. Tv
C Lalhmachhuana Sec-III chu Guwa-
hati lamah in check-up in hun eng-
ngemaw chen a cham tawh a. Dam
taka lo haw thuai turin kan duhsak
e.
@ Nl Priskil Lalrinpuii d/o Pu
J Lalthanchama Sec-I chu hun rei
tak Vellore lama an inenkawl hnuah
dam takin an lo haw leh ta e.
@ TKP Serkawn Unit te chuan
an Unit Anniversary/ MTKP Day
(July Ni 30) lawmna programme
an hmang chho mek a. Vawiin hian
Thuamluaia Mualah football khelin
hun an hmang ang a. Naktuk Path-
ianni hian chawhnu fellowship-ah
anniversary lawmna programme hi
hman chhunzawm an tum a ni. An-
niversay lawmnaah member a tam
thei ang ber kal turin STKP hruaitute
chuan an sawm a ni.
@ Ramzotlang unit TKP te
chuan naktuk, Pathianni chawhnu
hian colony inelna Furpui Quiz
competition an hmang dawn.
@ Kan President Pu ZD Rualch-
hawnzova chu MTOA meeting-a tel
turin Dt. 24.7.2014 (Ningani) khan
Aizawl-ah a kal.
@ High School leh HSS zirlaite
chuan term exam hmang zovin
chawlh an hmang mek.
@ Nl Lalzawngliani Sec-II chu a
u Pi Lalmuanpuii (BCM Missionary)
Guwahati-ah zai a nih avangin awm-
pui rih turin tunkar Thawhtanni khan
Guwahati ah a kal.
Vol - XVIII Issue No 263, the 26
h
July 2014 (Inrinni): Darthlalang Chanchinbu, Branch YMA, Serkawn : Kartin Chhuak Phek 2- na
E Mail: Darthlalang@gmail.com/ WWW.Facebook.com/Darthlalang
YMA Chhang Pual
Editorial Board
Editor - Lalbeiseia Pachuau - 8014773591
Jt Editors - John Laldingngheta - 8974420334
H. Lalbiaktluanga - 8414047995
Manager - Ng Lalmuanawma - 9612063939
Asst Manager - Chanchinmawia - 9612539593
Circulation Staff:-
R. Lalthanpuia N.K. Zama ZD Lalremruata
Lalchhanhima Ralte Malsawmkima Sailo
Members
C. Lalremruata Remlalnghaka Renthlei R. Rohmingliana
P. Lalhmingchhuana P. Laldinmawia
Lalthanmawia Chhangte K. Lalruatkima
O/B In Charge:-
H Lalduhthanga (Secy, SYMA) Ph - 9436157460
Thutlukna Mumal Neih A Hun Em?
Kan hriat theuh angin Mizoram Liquor Total Prohi-
bition Act 1996, Zu Khap Burna Dan tia kan hriat thin chu
hlih/ thlak danglam a lo ni ta a. A that zawk leh zawk loh
te chu hunin a la hril ang a, kan ram hruaitu, mipui aiawha
nikum maia kan thlanchhuah ten he dan hi ngun taka zir-
chianga an hlih leh siamthar a ni a. A thatna leh that lohna
tur te pawh keini aiin an hriain an zirchiang turah ngai ila.
Engpawh nise he thil thleng hian kawng hrang hrangin
Zoram a nghawr nghing nghal a, a la nghawr zel rih dawn
ni pawhin a lang.
Kan Serkawn khawtlang bikah engtinnge kan lo
dawnsawn ang tih zawngin rilru hmang ta ila. SYMA chuan
zu hi zalenin MLTP Act pawh hlih ni mahse Serkawna
zuzawrh hi kan remti chuang lova, zuzuar awm loh nan
hma kan la zel ang tiin kan rel a, thuchhuah pawh kan siam
tawh a ni.
YMA chauh ni lo, khawtlanga tlawmngai pawl dang
te, Kohhran te hial pawh auchhuah a, ngaihdan sawi hun lai a
ni lo maw? NGO Co-ordination ang zawng pawha ngaihtuah
tlan hunlai a ni em? Zawlaidi rawn zawrhchhuah a nih dawn
lai khan a rawn thlen hmain YMA/ YMA-VC Joint Meeting(?)
te khan zuar lo tura ngenna kan chhuah a, mipui lam pawhin
zawmin, tun thlengin hetiang thil hi zuar leh hralh kan la awm
lo niin a lang.
Mimal titi leh hmalakna thenkhata kan thawhhona
atang tea ka hmuh danin kan khawtlang thuneitu VC te ngei
pawh hian Serkawn hi zu leh ruihhlo zawrh nan an phal
lo hle tih ka hria. Helam kawnga kan khawtlang neitu VC
te hmalakna leh inpeknate pawh a fakawm em em thin a.
YMA lama hmalatute pawh tawng thlamuantu leh fuihtu,
a tul huna an hma hruai a, an hnungdawltu an ni thei zel
niin ka hre thin. VC te phei chu tlawmngai pawl leh NGO
satliah ni lovin mipui aiawh thlan tlin, kan khawtlanga
Magistrate thuneihna kengkawhtu leh a tobul (grassroot) a
roreltute an ni a, an pawimawh em em a, khawtlang neitu
tak tak an ni.
VC lam atang phei hi chuan ngenna mai ni lo Ser-
kawn huam chhungah chuan khapna thupek ang zawng
pawha siam/ chhuah tura thuneihna an nei a. Chu em em
chu a ngai lo a nih pawhin VC ngei hian NGO leh Kohhran
thleng pawh hian min han khaikhawm se, anni hruaina ngei
hian thu mum nei ila a tha angem? Buaina tawk palh ta ila
kawtkai remchang laia rel chawp chuk chuk te a ngai ang
a, fel lo deuh, rualkhai mang lo leh lungawi kim tak tak si
lo te hian kan phar buai ve vak palh ange....
Pathian Hnenah Ka Hrilh Ang....
Kan vanneihzia kan hriat nawn len nan
thil pakhat chiah... A hnuaia milem hi milem
hmuh nuam vak ni lo mahse internet/ facebook
lamah emaw chuan kan hmu fo tawh maithei.... He
naupang cher tak, natuar tih hriat ngawih ngawih
thlalak phenah hian thu ril leh lungchhiatthlak tak
a inphum asin.....
He nau hi tunge a nih tih fnfahna chiah a awm thei lo. Syr-
i a n mi pa
n a upa n g ,
kum thum
mi vel a ni a.
Tlawmngai
pawl Syrian
Emergency
Relief, Syria
ram buaina
vanga tuartu Syrian mipuite tanpuina hna thawktu
ten nikum 2013 khan Damascus khaw daifemah
a nu thi tawh ruang bawha chau taka lo awm an
hmu a. Anu hi sipai leh terrorist pawlte inkahnaa
silai mu dawn palh vanga thi niin alang.
Naupang hian a luah hliam a tuar a,
Chemical Weapon zunzamin a fanchhuak hneh
hle bawk. A chau em em a, rang takin damdawiin
lamah tlanpui a ni a, a nunna chhan ngei tumin
tlawmngai pawla an doctorte chuan an buaipui
nghal a. Mahse, he mipa naupang duhawm tak
leh lainatawm em em hi enkawl dam zawh rual
a ni tawh lo. Nikhaw hre mang lovin a phun sep
sep a, a nu leh pa thahsak an nih thu te, a riltamzia
te, pawi engmah a sawi lo chunga a tawrhdan te a
sawi niah niah a.
A tawp nan chu naupang khawngaihthlak
tak chu rawn meng leh hram hramin Pathian
hnena ka thlen hunah, heng thil zawng zawng
hi Pathian hnenah ka hrilh ngei ang (I must tell
all these thing to God a ti a, a maimitchhing a, a
Chatuan hmun tur chu a pan ta a ni. Leia a tuarna
bakah Chhandamtu Isua hre lovin a boral ta mai
hi a khawngaihthlak a, ngaihtuah thui zui ngam
chi pawh a ni lo.
Ralmuanga lehkhate zir a, KNP te kal a,
Pathian fak theia kan la awm te hi a lawmawm
em em a. Hetiang hun tha hi suahsual bawl nana
hman tur a ni lova, kan hun tha hi a ni lo zawnga
kan hman chuan Pathianin min kharsak thei.
He naupang hian Chhandamtu Isua Krista
hi lo hre ve tawhin Thlarau Thianghlimin a bulah a
cheng reng a ni tih te lo hre hman se chuan hetiang
dinhmuna a din hma hian Isua hnenah a buaina hi
a thlen ngei ang....
I must tell Jesus! I must tell Jesus! I cannot bear my
burdens alone..... Jesus can help me, Jesus alone....
Kan buaina leh lungngaihnate min ngai-
hthlak sak a, min tanpui thei rengtu Isua kan neih
avang pawh hian lawmthu i sawi thin ang u. Tin,
kan buainate kan harsatnate pawh Isua hnena sawi
nachang i hria ang u. Isua chauh min pui theitu a
ni.....
Vol - XVIII Issue No 263, the 26
h
July 2014 (Inrinni): Darthlalang Chanchinbu, Branch YMA, Serkawn : Kartin Chhuak Phek 3- na
Thuvawn: YMA chu tanpui ngaite tanpuitu a ni
Pathian Tel Lo Thiamna...
Fiamthu mai mai a nia.... India rama vaiho zinga zirna
kalphungah chuan....
# First Class chinin doctor leh engineer te an zir a, an thawk
a.
# Second Class ho chuan MBA leh General Arts/Science
zirin administrator lam hna te an thawk a, frst class ho awptuah
an tang ta zawk mah thin.
# Third Class ho politics-ah an lut a, nihna pawimawh tak
tak chelhin First leh Second Class ho an awp ve leh a.
# Lehkhathiam thei lo, fail a hlawhchham ta te chuan
suahsual bawlin an hel (terror) a, a chung amite pathum tan pawh
an hlauhawm em em a, an thu lehling phian mai a.
# Engmah zir ve lo, fail pawh fail ve phak lote chu an
inzuah buk a, puithiam (fakir/Swami/ Guru etc) ah an tang a.
Rul te khawiin mitdawivaih eng engemawte an thiam a, a lian a te,
lehkhathiam leh thiam loten an hlau em em a, hengho hnenah hian
milian leh mite, a sang ber ber te pawh chuan thilpekte pein mal
an insawm tir a... Fakir/ Swami mawl leh bal tak tak te hnenah
chuan mifng, zir sang zawk te chuan thawhlawm thawhin an
chawm a, an tlawn a ni ta ber a. HENG MITE HI A TAK TAKA
INDIA RAMA THUNEITU LIAN BER CHU AN NI ZAWK AWM
E tiin an sawi thin...
Nia, thiamna sang tak pawh neiin hausa tawntaw pawh ni
Ngaihtuah Zui Atan
(Bible chang thenkhat)
-Duati Pa, Sec-V
1. Lalpa tih hi fnna bul a ni
2. Mi rilru rinawmna ni mi chuan thil a
thup thin
3. Sem darh chu pun lehzualna a ni.
4. Mi thilphal nunna chu tihthauvin a awm
5. Mifng erawh chuan mualphona a thup
thin
6. Thinur har mi chu huaisenna nasa tak
nei mi a ni.
7. Mi thilphal chu malsawmin a awm ang
8. Rilru dam mi chuan hriatthiamna a nei
9. Uain leh hriak ngaina mi chu an hausa
lovang
10. I pa, a hringtu che thu pawm la, i nu
chu a lo tarin hmusit suh
11. I thenawm tlawh cheh lutuk suh,a ning ang
chia, a haw dah ang che.
12. Pathian ring tawh te chuan thil tha ti
zel turin ngaihtuah rawh se
13. A thusawi insum thin chuan fnna a nei
14. Mahni rilru thunun zo lo mi chu khaw-
pui chim, kulh nei lo ang a ni.
15. A fanu in a nu a chhun
16. Mi thinnel chu mi chak aiin a tha zawk
17. Nupui remhria erawh chu Lalpa lak
ami a ni.
18. Hmeichhia erawh chuan samsei a neih
chuan atan ropuina a ni zawk
19. Thinrim ula, sual erawh chu sual suh u
20. Mut thlahlel suh, i pachhe dah ange
21. Khawcheng leh hmeichhe an hmang
chu angkhat a ni
22. In pi leh pu ten hmakhawsanga ramri
an lo kham chu sawn suh
23. Mihring thinlung chu mihringah a
lang
24. Lalpa tihtu hmeichhia erawh fak a ni
ang.
25. Mihring sum hlu chu taihmak a ni.
26. Mihring mitin tawk tih reng a nei lo.
27. Thinur hi bansan la, thinrim hi sim
rawh
28. Hmeichhe khawsak tha chu a pasal
tan lallukhum a ni.
29. Hmeichhe tha chuan zahawmna a
chang ang.
30. Lalpa, in Pathian fate in ni a, in mith-
mul in met kawng tur a ni lo
31. Pathian hnaih rawh u, tichuan Anin
a hnaih ang che u
32. Pathian thu thuin awm rawh u, ama-
herawhchu Diabola dodal rawh u
33. Amaherawhchu (hmeichhia Pathian
ngaihsak intite chu in phu tawk bawkin) thil
tih thatin inchei se la
34. Itsika erawh chu ruh mawihna a ni
35. Thinlung hlim mi erawh chuan ruai a
theh reng mai a ni
(Kan senior ten min rawn uap hian a nuam
thin a. Duati Pa Sec-V in contribution hlu tak
a rawn nei hi kan lawm em em a. Amah hi kan
SYMA hruaitu hlun te zing ami, hun engnge-
maw chen SYMA Secretary te pawh lo ni tawh
a ni -Ed)
se, Chanchin Tha hriat lohna hmunah hi chuan
kim lo leh dik lo lai hi a awm tlat thin. Pathian
tel lova thiamna chu a ke a bai an tih thin angin
kan thiamna leh zirsannate hi Pathian hriatna
nena kal kawp tur a ni a. Sang taka pass-a eng
hna emaw thawh ringawt a ni ber lo. Kan thi-
amnate zau zawka Pathian leh midangte tana
kan chhit en zau zel a ngai tawh a ni.
Kan ngaihtuahna tihzau nan han sawi
zau ta zel ila. Kan thiamna leh zirnate hi eiza-
wnna hahdam deuh atan mai a ni lo, i hawi
zau lehzual teh ang u. Kan lehkhathiam te leh
zirlai duhawm tak te khawthlir hian eng chen
nge a thlen phak ang e?
Khawvel pumpui chu sawi loh kan ram India mai pawh hi
thlir ila. Thiamna, fnna leh kawng dang dangah pawh khawvel
ram ropui chu a ni ngei mai. Mahse Chanchin Tha hretu awm
mang lohna hmun a ni. Hetiang hmuna Chanchin Tha eng chhit hi
kan mawh a nih bakah Chanchin Tha hre tawh si, tunlai khawvel
thiamna leh changkannain a kalsante tih changkan leh an mamawh
hriattirna kawngah te hian kan thangharh thei angem le?
Serkawn Thalaite hian kan hmathlir tizau teh ang u. Khaw-
iva fall pawh ngaihtuah thleng phak lote hian Angel fall i thleng
teh ang u.... India ram chungchang han sawi leh ta ila. Maktaduai
tam tak rethei bakberha an khawsakna ram, nitin mi 15000 aia
tam riltama an thih ziahna ramah hian hnathawh tur a tam asin.
Scientist, engineer leh doctor ropui tak tak ten mitdawivaih thi-
am leh rul khawitute an intlawnsiakna ramah hian Kristian kan
nihna ang leh zirna sang zirchhuak kan nihna ang hian tihtur a
tam asin....
Kan thlang lawk, KM 100 pawh tling mang lova Chakma
unau tam tak hi ran thisenin an la inthawi a (ran thisena an la
inthawina khua, Chanchin Tha la hre reng reng lote khaw bul
lawkah chuan Baptist, Synod, UPC etc missionary te an in luh
thuah nuai nuai tih sawi ta kher lo ila). Inthawi ve tawh lote pawh
nun harsa leh hniam takin an la khawsa tih pawh kan hmu phak lo
a ni maithei.... Kan Zofa, thingtlang lama cheng te chhumchhiatzia
leh bakberhzia pawh hmu lo khawpin neih nei si lovin kan lo inla
khawpui mi a ni maithei. Kan ngaihtuahna zauh ila, kan puan in
hmun zauh zel chungin kan chhehvela mite tan malsawmna nih
zau zel i tum ang u....
Vol - XVIII Issue No 263, the 26
h
July 2014 (Inrinni): Darthlalang Chanchinbu, Branch YMA, Serkawn : Kartin Chhuak Phek 4- na
Published and Edited by Lalbeiseia Pachuau for and on behalf of Branch YMA, Serkawn : Printed at BPP Serkawn, 550 Copies
Darthlalang ti ti
@ Hman zan deuha thil puak kha Pi Lali Sec-V
hian an in leh kawmthlangte in inkar lai taka puak
niin a hria a. An thenawmpa Pu Ramsanga hovin
torch light nen an zawng nasa hle.
@ P&E Dept. aiawha Inter-Offce Football khel
phaklo langsar zual te- U Mawitea leh Pu Biakzara.
U Mawitea te hian tunlai chu an kawmthlang ami
vawksa an hmeh zing hle a, an vawksa hian chang
a nei, chhum hma chuan a me thei hle bawk a ni.
Ngaihthuah zawm peih te tan.....
@ Lawma Pa Sec-III hian kar hmasa khan
vawk a hralh a, Serkawnphei dawr hrang hrangah
ba rulin a lut phei char char niin kan Vice President
hian a sawi,,,
@ Kan VC member Pu Zodina Sec I hian VCP
nen Minsiter an hmuhna ah TV remote control a
lo pai a, eng atan nge a tih kan hre lo. Minister hi
control a emni?! Chhuanawma Pa chetchhiat a kal
tluang tlat....
@ Pu Puia Sec I hi an nu in Puia, tiin a ko
thut a, Keimah maw?, a lo ti let ve hmiah.
@ Kan hruaitu ten ILP an check na a vai lo
awm pakhat chuan ILP kan neih lo te chuan YMA
kan tanpui lo tihna a ni dawn asin, a lo ti sam et a.
Hemi zan hian kan V.President Pu Mawitea pawhin
Hindi serial flm Mehna phoolongie a en loh phah
thak a, a ui hle.
@ Kan Treasurer Pu Muanhlua oh! Pu Muan-
zova hi a bike, R15 oh! RX100 hi vai thirchhe za-
wngin leiah a dil a, a thinrim ve lutuk, rum deuhin
a en run run mai.
@ Kan member Pu Lalmama Sec-V hian
Khawiva ralah leipui a nei a. Feh nan bike a lei a, a
bike man hi a tharchhuak har awm mange te kan
lo ti mai mai.
@ RBMP te Tlawng kawng samfaia inhlawh
chu an eitui deuh ni tur a ni, an chawi belh niin
kan lo hria a, Pu Zohminga te, Pu Thankunga te
ho khan lo la na lutuk lo se....
@ Vawiina STKP te Thuamluaia Muala inkhel
turah chuan Lorrain Colony lam hian an player tha
Pu Chawnghminga an chhawr thei dawn lo a, 2012
kuma chiang taka Pu Chawnghminga kalh thlutu
Nl Tetei Sec-III erawh Savidge tan a khelh leh ngei
rin a ni.
Him Him Tailoring
Christian Hospital Annex Building Serkawn
Nau puan, thosilen puan siamsa (Readymade) leh
duh anga order theih leh a than lei tur kan kawl reng e.
Tin, nau pianghlim mamawh chi hrang hrang kan nei e.
Min rawn pan ve rawh le.
Pass Lawmpuina
H Lalmuanpuii d/o Pu H Lalnunchhuanga
Sec-VI chuan Mizoram University atangin B. Com
Ist Div ah a pass a.
B Vanlalthanga s/o B Zahmingliana Sec-IV,
R Biakchungnungi d/o Pu R Buatsaiha Sec-V leh F
Malsawmtluanga s/o Pu FB Liana te chuan BA tha
takin an pass a.
V Lalbiakpuii d/o Pu V Lalrinmawia Sec-V
chuan EFL University Hyderabad atangin MA (En-
glish) Ist Div ah a pass bawk.
R Lalbiakzuali d/o Pu R Lalchamliana (L)
Sec-I chuan MA (Socialogy) chu Ahmednagar Uni-
versity atangin Ist Div ah a pass a.
Kan veng mi hlawhtlinna thar nei te kan
lawmpuiin kan chhuang em em a ni. Kan theih chin
chin kan han dap zel a, hmaih palh leh hriat loh palh
an la awm nual kan ring a. Hmaih leh hriatsual palh
te kan lo nei a nih chuan inthlahrung lovin kan in
hriattir zel dawn nia
Duhthlan tur lam neih
-TBC Vanlalsanga (Lala), Serkawn.
Lal Isuan tui lai rapin awm suh u, a tih kha en-
gnge a awmzia? Engte hi nge tui lai rap-a kan lo sawi ve
thin? Tui lai rap hian a awmzia ni bera lang chu duhthlan
tur lam bik pawh nilo leh thlan tur bik pawh hrelo, kohhran
lam pah ngaihsak tha duh lo, sual lam kawng pawh zawh
tak tak ngam si lo hetiang mi te hi tui lai rap a awm thin
chu ti ila a sual tam lo ang chu maw! Khawvel lama tlan
tak tak ngam si lo, Pathian lam ngaihsak tha tak tak peih
si lo hi an ni deuh ber awm e.
Nangpawh hi i tel ve long maw?! In ngaihtuah
chiang duh teh khai! I lo tel ve palh ang e. I lum leh lum
law law la, i vawh leh vawt law law la, tiin Lal Isuan a
sawi chhan kha engte hi nge ni? in ngaihtuah chiang teh
ang. Pathian lam ngaihsak tha tak tak peih si lo, sual lam
kawng pawh zawh tha ngam tak tak lo mite hi Lal Isuan a
duh lo takmeuh a ni. Fak hla phuahtu chuan I kawng zawh
lai kha chhut ngun rawh, tiin a lo sawi tawh a, khawvel
hi ka ta a ni kan ti ngam em? ka ta a ni kan tih ngam si loh
chuan khawnge kan kal zel dawn tih inngaihtuah a hun
ta e.
Jacket Chhar
DIET leh Pi Tlangmawii te in inkar kawngpui
dungah mipa jacket tha tak chhar a ni a, a tibo chuan
Pu K Lalhmahruaia (Ph No-9862949204) hnenah
ngaihven theih a ni
Mistiri Association Serkawn
Mipuite Hnena Hriattirna
Nikum lam atanga tawh khan Lunglei vengdanga
mistiri hlawh hi nikhatah Rs 700/- niin helper hlawh hi
Rs 350/- a lo ni tawh a. Amaherawhchu Serkawn Mistiri
Association chuan Serkawn chhungah chuan tlawmngaih
chhuahin mistiri in Rs 600/-, helper in Rs 300/- hlawhin
kal rih ni se kan ti thin kha a ni a.
Amahrawh chu khawsak te a lo harin thil man te
a lo to chho ve zel a. Tun chinah chuan Serkawn Mistiri
Association chuan Mistiri hlawh Rs 700/- ni ve tawh se,
helper hlawh pawh Rs 350/- ni ve tawh se tiin kan rel ve
ta a. Serkawn mipuiten kan harsatnate min lo hriatpui a
kan rate thar hi min pawmsak turin kan ngen a che u.
sd/- PL HMINGSANGA
President
sd/- C LALRINZUALA
Secretary
Mistiri Association: Serkawn
Lawmpuina
Samson Lalremruata s/o Pu K Zomuana Sec-I
chu Aizawl lamah Baptist Higher Secondary School
NCC aiawhin NCC Shooting (silai kah) Competition-ah
pakhatna a ni a. Kan lawmpui em em a ni.
Serkawn I Vawngfai Ang u