Kipumkhatna in Gualzawhna hi.

(Late 133)
Contact Address
Halelujah Building Ph: 0933565003
Tat Oo 4/51, (Pinlong 8) Email: tuailai@gmail.com
Yathana St., Kalaymyo Web.: www.zomiyouth.org
25 J uly, 2014 - Lom 4 na, Hawm 30na
Pa_____________________
_____________________
Govt. Regd. No.2172
ZOMITE NEIH DING THU: Kalaymyo a teng
Zomi a kuama peuhin theihhuai thu pawlkhat a nuai
ah i kipulaak hi.
1. Surprise Check hong nasia deuhdeuh dinga,
Mawtaw Cycle lukhu khu loin hong kimat khak
a, na Cycle Licence nei lo (without) ahih leh taan
suak ding hi teh.
2. Na innkiim ah tuivunna omsakkei in, aoG ;vG ef
wkwfauG; le cisa nat tam mahmah hi. Thokang pan
kingah hi a, thokang kipetsak kei in.
3. Khua sungah lampi tawh kisai thu khun
(vrf ;pnf ;urf ;? ,mOf pnf ;urf ;) theih sawm in.
4. Driving Licence (Motor hawl theihna) neih
sawm inla, tua nei lo pi-in hawl kei zaw in.
ZOFA-EC THU KHENSATTE: A 9 veina Zofa Cup
2014 tawh kisai in ZOFA-EC thu kikupkhop a 2
veina July 2014 ni-in ZYA zum ah kinei in, a nuai-
a bangin thukhensatte i kizasak pha hi.
1. Pawlpi min zat a kiphal kei leh tua pawlpi
khangnote in mindang khat peuhpeuh tawh kihel
thei ding (Club min) i cih tua hizaw hi.
2. ZOFA Cup, 2014 ah kihel kimawlte NRC No.
Original (rS wf yH k wif rl &if ;) bek tawh kisang ding hi.
3. Zomi hi lo, namdang kum (23) nuaisiah mi (3)
pawlpi khatin la thei ding hi.
4. Pawlpi min zang lo a, min dangkhat tawh hong
kihelte kum (23) nuaisiah Zomi bek kisang ding hi.
KALAYMYO AH DBV KIHAWM: Kalaymyo
sunga om veng tuamtuamte ah mizawngte panpih
na ahi Digital Broad Casting Video (DBV) MRTV
tawh kizom Chanel (7) kingah in, kienthei a, Cable
(pavmif ;) nei zolota dingin lungdam huai phadiak hi.
LUNGDAM KOHNA: ZYA in cimawh dongtuakte
a ding khualna tawh in Super Custom Mawtaw thak
khat sang 50 in kilei in, Licence zong kingahta hi. A
kibatlak hi a, Mawtaw lei nading gamsung gampua
panin a zo, a kawl in huhna nong piak ziahziah manun
ZYA makaite kilungdam mahmah ahih manin, ZYA
Weekly News pan lungdamna thu kong pulak uh hi.
J APAN IN SANG 240 MAN HUHNA PIA:
IIZUKA Khuapi pan kumpi nasem Pension Mr. Takao
Yammamoto in Kawlgam sungah tan 4 sang inn 7
lamna ding leh Mithila khuapi ah mitkhua mulote
ading inn khat, dongtuakte ading nikten puansilh leh
antang pia in sum tangin Sang 1500/- val a pia khiapa
hi a, huhna tuamtuam a piak banah Mithila Town-
ship sunga zat dingin Meiphelh Mawtaw sang 240/-
man piakhia lai hi. Mr. Takao Yamomoto pen
Kawlgamte ading thupha naak khat ahi hi.
UNO AH ZOMI CIAPTEHNA NGAH: Zomite
Pasian in thupha hong pia in, mi pawlkhat in Zomi
om kei ci-in a otot lai tak, UNO i nuai-a Economics
and Social kipawlna ah Zomi Innkuan USA in con-
sultative (Siampi dimun) July 14, 2014 ni in kingah
hi. UNO ah Zomite kiciamtehta ahih main, i
lungdam a, a vaihawm ZIUSA makai Pu Go Sawm
Khup, Dr. Do Khan Khup, Dr. Kham Khan Suante
Z.Y.A Weekly News pan pahtawina pia in lungdam
thu i tangko hi.
UN ZUMAH ZOMITE'N THU SUNG DING:
Hong tung ding Aug. 27-29, 2014 ni sungin New
York khuapi UN Zumpi ah Zomite thu a va sung
dingleh gualzawhna pawipi kham dingin Zomi
makai 200 val vapai dingin kilamen hi. Zomite
Topa'n thupha hong piak i lungdam mahmah hi.
ZU NE KHAWM LAWMTA KI THAHNA:
Tonzang khuapi ah July 19, 2014 ni-in lawmta 5 in
zu nekhawm in, mi 4te kipawlin a lawmpa uh that
uh hi. Hih mithat 4te zong kimankhin in Falam
thongah kipuak khin hi. Hih mi 5te pen tan 8 sin lai
kum 15 gual ngen uh hilai hi.
HIV NATNA LUNGNO THAT CONDOM: Aus-
tralia gam mipilte in HIV lungnote sisak zo Condom
nam khat bawlkhia thei ta uh a, mipite tungah
zattheih dingin zuak huai maw, huailo cih a lungngaih
laitak uh ci hi. Hih Condom in zummawh kima, piang
natna lungno namte zong sisak zo ci uh hi.
ZOMI KHRISTIAN LEH ZU KI HUA
Zogam Zomite sungah lungdamna thu hong tunma in, Zomite nophun dahhun ciangin a kilimzat
mahmah in zu ahi hi. Zu om lo, zu kihel loin bangmah kisemlo hi. Mo helna, ton leh aih, mawh kisutna
etc...ah zu na limzat mahmah uh hi. Khanglui pu le pate vai a tun uh ciangin zu tawmta na teep uh a, a ci
uh damin, a khan uh zong na sau hi. Pasian thu lungdamna thu hong tun main Zomi le Zu kikhen thei loin
zu om loin Zomi om theilo a, Zomi a hih leh zu na zang hamtang uh hi. Sangmangte'n lungdamna thu
hong puak ciangun, Zomite in zu pen zangsiam hong sa loin, thu-um mi (Khristian) a suak peuhmah zu ne
lo dingin hong na pantah uh ahih manin lungdamna thu a sang, a um a zui Zomi thu-um masate in zu kam
khat valh ding ut loh manin, a gam a lei a inn a lo na nusia uh hi. Pasian thu-um Zomi a hih nak leh zu nelo
ding cih ahih manin u le nau, sungh leh pu kikalah kikhenna dong na thuak uh hi.
Zu kialian in siatna om ahih pah loh hangin Pasian thu hong puak masa Sangmangte pattahna ahih
manin mipil, misiam, mihau, milian Zomi tampite zu hangin bangmah lo a suak tampi i om hi. Tua bek hi loin,
zu kham sulin kitawng, kisel, kivua, kithat i om kawikawita hi. Thu tuam la tuamtuam in i gen hangin, a zungpi
pen zukham hang hi pipen hi. Tua ahih manin Zomi le Zu ki hua hi cih i thei a, zu dan a i ngaihsut lo Beer,
lenggahtuite na ngawng a dawn Pasian na semte lawhcingzaw hi. Mivom, mikang thu-um mite in zu zangkha
mah un teh. Ei Zomi thu-um ihih manin zu i neek leh siatna lam, niamna lam, kamsiatna lam, minsiatna lam,
kiamsukna lam, khantomna lam leh sihna lam a zuanzuan ihih lam kiphawk ni. Zomi le Zu ki hua in zu thah
Zomi tampi i omta a, khasiathuai hi. Hey! Zomi, Zu tawh ki hua nahi cih i ki phawkthak sak hi.
Editorial
MALAY VANLENG KIA MISI 200 VAI: Tukha
17, 2014 ni a Ukraine singnuai thautawite kapkhiat
dinga kiummawh Malaysia vanleng tunga tuang
misi 200te pen kuagam, kuami hiam cih a sit dingin
gammi tam a si pen Netherland gamah July 23,
2014 ni-in tungta ding ci uha, vanleng tangthu
kemcing BlackBox pen July 22, 2014 ni-in Malay-
sia kumpi tungah piakhiata uh hi. July 23, 2014
pen Netherland gam buppi in dahna limin dai takin
omding ci uh hi.
FOF THUSINNA KIKHAWLSAK: Canada gam
panin hong pai ahi FOF (Forum of Federation) kici
Federal ki-ukzia tawh kisai hilhcianna leh thusinsak
na Kalaymyo, Tengyi Hall ah July 21-23, 2014
sung nei ding a kici pen, Kalaymyo thuneiten phallo
ahih manin July 22, 2014 ni bek bawlsak in, din
khawlhiau uh ci hi. Hih thusinna ah Chin te tampi
pai in, Zomite khat zong kipailo dan in kigen hi.
KOREA MIHAUPA A SISA IN KIMU: Tukum
April kha sung S. Korea gama mi 300 kiim a sisak,
a nuam khualzinna Tembaw Company nei pa Bil-
lionaire Yoo Byung eun kum 74pa in Italy bawl
khedap hoih mahmah bulhin, ni le puan tam man
mahmah silhkawmsa in a kim a kiangah zu thawl
dim zihziah sain, Seoul khuapi pan km 300 a
gamlatna singlak khatah June kha sungin a sisa in
kimu hi. A mel kithei nawnlo ahih manin DNA a sit
uh leh a mah a hih lam kumpite'n July 22, 2014 ni-
in kipsak uh hi.
LEITUNG AIDS KHAWMPI: Leitungbup AIDS
natna encikpawl in Zomite khuapi khat mah ahi
Australia gam Melbourne khuapi ah July 23, 2014
ni-in Khawmpi nei uh a, Khawmpi thukong honna
leh Malaysia vanleng kia a si, makai pawlkhat
zahtak piakna US President lui Bill Clinton in nei
hi. Kawlgam pan in zong Khawmpi kah ding palai
pawlkhat pai ding ci uh hi.
THAI GAMAH KAWLGAM GALTAI: Thailand
leh Kawlgam kumpite thukimna om bangin Thai-
land gamgi a om Kawlgam mi galtai (Refugee)te a
khua uh puakkik ding tawh kisai in Thai kumpite
in July 21, 2014 pan kipan in galtaite' buk (Refu-
gee Camp) tengah min khumna, mi simna Census
kipanta uh ci hi.
Motor tawh nasepna (Friday - Friday)
Date Min Biakna/Pawlpi/Khua Theih ding
21-7-2014 SDA, Khai Kam Khai Kam- Royal City Cinapuak
Motor
Nu Sian Za Hau
Sisan tawh nasepna (Friday - Friday):
No.
Date
Min Biakna/Pawlpi/Khua
Natna
Sihawm/
ngen
Zato min Theih ding
1.
20-7-2014
Sihawm
Singen
Pa Cin Sian Khai
Tg. Thang Sian Lal
Pangpi SDA
AG, Buangkung
Liang
kitan
Kalay G.H
1 vei hawpna
1 vei ngetna
2. 22-7-2014
Sihawm
Singen
Pa Pau Khan Tuang
Nu Ngul Zen Niang
Leipi B.C, Kalay
St. Mary R.C, Kalay
Phei
kitan
Kalay G.H
6 vei hawpna
1 vei ngetna
3. 22-7-2014
Sihawm
Singen
Tg. Go Kim Sing
Pa Lian Khen Khup
Bethel ZBC, Kalay
Leipi B.C, Kalay
Khe
meima
Kalay G.H
11 vei hawpna
1 vei ngetna
4. 23-7-2014
Sihawm
Singen
Tg. Go Cin Mung
Nu Don Lam Ciin
Phualpi AG, Kalay
Bethel ZBC, Kalay
Gil
pina
Royal City
Clinic
1 vei hawpna
1 vei ngetna
5. 24-7-2014
Sihawm
Singen
Tg. Thang Lam Khual
Nu Ciin Deih Vung
AMC, Kalay
Pyidawtha, B.C
Sinna
Kalay G.H
1 vei hawpna
1 vei ngetna
6. 24-7-2014
Sihawm
Singen
Tg. Kai Sian Kham
Nu Don Lam Ciin
Bethel ZBC, Kalay
Bethel ZBC, Kalay
Gil
pina
Royal City
Clinic
2 vei hawpna
2 vei ngetna
Sisan (Thawl) Mawtaw (Vial) Oxygen (Bung)
1423 448 421
ISRAEL LEH PALESTINIAN BUAINA: Ni 15
sung Israel leh Palestine gam bulphuh Hamas
migilote' kikapna hangin Palestinian-te mi 652 si-
in, 4000 val liamta uh a, Israel-te ahih leh 30 sita
uh hi. Hamas-te in Israel gamsung Rocket tawh
July 22, 2014 ni-in kap uh ahih manin Tel Aviv
khuapi tu ding US pan vanleng khempeuh nai 24
sung kikhawlsak hi. Hih buaina lemtuah dingin UN
thuzeekpi Mr. Ban Ki Moon leh US gamdang Vuanzi
Mr. John Kerry-te Egypt khuapi Cairo July 21,
2014 ni-in tungta uh hi.
A NIH VEINA MELHOIH KIDEMNA: Leitung
nungak melhoih pil tawh thuah kidemna ah
Kawlgam pan in a dem dingin kiteelna Kawlgam
melhoih (Miss Universe Myanmar, 2014) kidemna
July 26, 2014) nitak nai 5pm -8pm sung Yangon
khuapi ah kibawl dinga hih kidemna ah a khatna
sum sang 50, a nihna sang 25, Miss Huawei $2000/
-, Miss Body perfect sang 10/-, Miss Healthy Skin
sang 10/-, Miss Congeniality (Gualhuai) sang 5/-,
Miss beautiful Hair by Palmolive $100/-, Miss at-
tractive $100, Miss Myanmar Thailand- Friend-
ship $100/-te kipia ding ci hi. Hih melhoih kidemna
panin mi 20 kitel in a hoih penpen khat Kawlgam
aitangin American gamah Miss Universe 2014
kidemna ah va dem ding ci hi.
RHEMA AG AH KZCYF KIKHOP OM DING
Kalay Zomi Christian Youth Fellowship (KZCYF) te
makaihna tawh khasimin a neih det uh mikang pau
tawh kikhopkhawmna ding mun leh a hun a nuai-a
bangin kong zasak hi.
Ani/hun- July 28, 2014, 7:30 PM - 9:30 PM
Amun: Rhema AG Biakinn
DOTNA: Editor pa aw, ZYA Mawtaw thak a dingin
huhna hong ngen napi uh cin keisang a neizaw
pawlkhat tunglah ngen ngeilo in, kei a nei pen ka hih
loh hang Z.Y.A vai ah nong phawk pahpah uh a koi
ci dan ai hia.
DAWNNA: ZYA Mawtaw lei nading leh ZYA nasep
nading huh ngetna ah Zomi vei a ZYA nasepna tha
hong pia hi cih ka telte tungbek uah huhna a ngen hi
ung. Zomi sumnei mahmah pawlkhat tungah
khatvei zong ka nget nailo uh zong om hi. Huhna
kisap ciang hong kiphawk a, kong pai pahpah uh
lamkhat pan a lungdamhuai hi a, sumnei napi cin
kong pai hetkei uh leh Zomi tawh kisai nasepna ah
kong muhna uh a tuamkhat om cihna hi. Sum neihna
sang, Zomi veina thupi lakzaw cihna hi.