Professional Documents
Culture Documents
Vengchhung: Yma M Otto
Vengchhung: Yma M Otto
Vengchhung: Yma M Otto
Website: www.electricveng.com
KUMPUAN
Ram leh Hnam
Humhalh
Vol. 21 No. 27 TUITU : ELECTRIC VNG : AIZAWL : NI 3 THLAZING 2014 (PATHIANNI)
1994 Estd.
(Kr tin Chhuak)
(An Official Organ of Electric Vng Branch Y.M.A)
Vengchhung
YM chu \anpui ngaite \anpuitu a ni
YMA MOTTO
1. Hun wl hman \hat
2. Zofate hmasawnna ngaihtuah
3. Kristian nun dan \ha ngaihsan
(
& Independence Day Celebration
Football Tournament khelh mek ah Ni
29.7.2014 khan EFC chu MPL Team
Mizoram Police nen inkhel in 8-1 in
an chak lo. Ni 2.8.2014(Inrinni)-ah
chawhnu dar 3:30 ah Reitlang FC nen
an inkhel leh a, chanchin hriat hman a
ni lo.
& Ni 28.7.2014(Thawh\anni)
khan Pi Hrangnawni w/o F.Neihkima,
Sec-V(B-1) chu Synod Hospital,
Durtlang-ah a kawng zai a ni a,
damdawiin ah enkawl mek a la ni.
& Ni 29.7.2014(Thawhlehni)
khan Pu F.Neihkima h/o Hrangnawni,
Sec-V(B-1) chu Synod Hosipital,
Durtlang-ah khan a Mit(eye) zai a ni.
& Ni 30.7.2014(Nilaini) khan
F.Lalremruata (NP) s/o F.Lalruatliana,
Sec-I(B-8) chu Nazareth Hospital,
Shillong ah in check up in an kal.
& Ni 30.7.2014(Nilaini) khan Pi
F.Saptawni, Sec-I(B-9) chu thawhah
vangin B.N.Hospital, Kulikawn-ah dah
luh a ni.
& Ni 31.7.2014(Ningani) khan Pu
R.Lalhmingliana (Mahminga) h/o
Zothanpuii, Sec-II(B-7) chu a
hnathawhnaah Electric in a man a, Al-
pha Hospital, Kulikawn-ah a awm mek.
& Ni 31.7.2014(Ningani) a\ang
khan Ruathlua(ni 9) s/o Jesse Lalnugra,
Sec-IV(B-3) chu a dam \hat loh avangin
Civil Hospital, Aizawl-ah up a ni.
& Ni 29.7.2014(Thawhlehni)
khan Pi Lalhriatpuii (23) d/o Lalsanga
Phuldungsei khua chu Malaria vangin
zing dar 2:05 ah boral a, kuang te siam
in a ruang hi an khua panpui a ni.
KUM 2014 E-YMA BRANCH EXECUTIVE COMMITTEE
HUTKHAWM VAWI 8-NA
Ni 1.8.2014 (Zirtawpni) zan dar 7-ah YMA Hall Stage-ah Branch
Executive Committee chu a \hukhawm a, Pu K. Lalthanmawia,Vice
President in a kaihruai. Committee member 44 an kal a ni.
Thurelte :
1. Bialtu MLA, Minister ni bawk Pu Lal Thanzara hnena kan dil
angin Kuang siamna tihzauhna tur MLA Fund atangin Rs 2,50,000/-
min pe a, Hruaitu te an lawm hle a ni, remchang hmasa berah thawhtan
tum a ni.
2. Sum dinhmun -
General Fund : Rs 1,39,596/-
Thlanmual Fund : Rs 59,240/-
Charity Fund : Rs 6,613/-
3. YMA Gen. Conference 2014 neih tura Kumpuan rawtna/
Agenda rawtna/ Chhiatni kaihhruaina siamthat chungchanga rawtna:
a) Kumpuan atan Khawtlang Nun Siam\hat tih rawtna thlen ni
se tih a ni.
b) Agenda atan Chakma te an pung chak lutuk hi an pundan
enchian ni rawh se tih thlen ni se kan ti.
c) Chhiatni hatni siamthat chungchangah Hlamzuih sawngbawl
dan tihchian ni se tih thlen ni se kan ti.
4. Thlanmual thar hung chungchang:
Veng \henawmte nena mual in\awm kan nih avangin uluk tak leh
\hat taka hung a nih ngei nan hmalak a ni ang.
5. YMA Music Video tlangzarh chungchang:
Music Video hi EYMA hruaitu ni \hin, Pu F.Emmanuel
Biakthanchuanga pual a nih angin a pianchamphaphak, August ni 21-a
tlangzarh theih ngei tura ruahman a ni.
6. Viasai Solo, Sub-Divisional Officer, PHED, Aizawl North
Water Distribution Sub-Division, Aizawl hnen atanga sawm kan nih
angin Kan Rama Tuihna Humhalh leh a awmsa tihpun alo darh zau zel
theihnan Inter-Branch YMA Drama Competition 2014-a tel ve ngei
tum a ni a, hetiang hian tlawmngaia hmala tur ruat an ni :
Convener : Pu Lalchuangliana
Secretary : Tv. Lalremruata Sailo
Branch Executive member kal khawmte hian Hall enkawl
chungchang pawh an ngaihtuah tlang hle a, tun aia uluk zawk a enkawl a
hlawh an duh hle a, hall hmangtu apiang te chu electric hman ren chem
tur te, light chhia leh hmanrua dangte pawh a chhiat ang anga hnutchhiah
mai lo a, siam \hat ngai te chu hruaitute hriattir zel turin an inhriattirin
an ngen a ni.
Editor : Malsawmtluangi
Jt.Editors : R. Zaimawia, Francis Lalnunmawia,
Jonathan Ramropuia.
News Editors : Lalrammawia Sailo, Lalpanmawia Sailo
Treasurer : Zohmangaihi Tuallawt
Correspondents:
Lalthangkima, PC Lalhruaitluangi, Vanlalhruaia, Jesse Lalngura,
Laldinmawia, Eddie Lalmuanpuia, R.K.Lalhmachhuana, Zothanmawii,
K.Lalrinsangi, Ophel Lalthlamuani, PC Lalsangzeli, Eric Lalremruata,
Lalramchhana, Lalhruaizeli, Vanlalrelkimi.
O.B. IN CHARGE : K.Lalthanmawia (Vice President)
SECTION HUANG
SECTION - I
* Ni 2.8.2014(Inrinni)-a kudam sak hnatlan tur a
ruahman chu chhiat tawk an awm vangin \hulh a ni a,
remchang hmasa berah hnatlan a ni ang.
SECTION - V
* Plastic chair t> hi chhiah tawh chauh a hman tur a
ruahman a ni tih member tinte/chhungkaw tinte kan
inhriattir a ni e.
F Ni 2.8.2014(Zirtawpni) zanah Branch Executive
Committee \hutkhawm a ni a, member 10 chin hriatloh
an ni a, zin pakhat a awm bawk. Tin, \anpui ngaite pual
thawhlawm Rs. 965/- a ni.
F Ni 31.7.2014(Ningani) khan Kumpuan Sub
Committee Chairman, Pu Lalrampara chu Kolkatta-ah
inentir turin a kal a, Branch-in Rs 500/- a kan a ni.
F Ni 22.07.2014 khan Tuitu Correspondent, Pu
Jesse Lalngura, chuan New Life Hospital ah fapa duhawm
tak a nei a.
F Branch Executive Committee member, Pu Samuel
Laldinglianga chu kohhran pawimawha Welsh a a zin
hnuah dam takin a lo haw a, Committee meeting room a
dah tur Welsh flag mawi tak a lo hawn nghe nghe a,
hruaitute an lawm hle.
F Kumpuan Sub Committee, Asst. Secretary, Pu
Lalchhuana Renthlei leh Sport Sub-Committee, Secre-
tary Pu Lalthangkima te chu Presbyterian Kohhran Elec-
tric Veng special camping buatsaih-ah an fatu.
BRANCH HUANG
2014 CENTRAL YMA HRUAITUTE LEH
2014 ELECTRIC VENG BRANCH YMA EXECUTIVE COMMITTEE MEMBER
THIL TUM
Thil tum neih hi a hlawhtlinna kawng pakhat
a ni a, tum mumal neihloh chuan hlawhtlin a har hle
a ni. Sikul te, pawl hrang hrang te hi tum nei a din leh
kalpui an ni a, an thil tum ber an chian loh hun hun hi
an tlukchhiat hun a ni \hin, chutiang chiah chuan
mihring nunah pawh hian a thleng a ni.
YMA chu \anpui ngaite \anpui tura din a ni a,
hun awl hman \hat, Kristian nundan \ha ngaihsan leh
zofate hmasawnna ngaihtuah chu a tum ber a ni. Heng
aia ngaih pawimawh a ngah hun chuan YMA chu
tlawmngai pawl ni lo in mitilui pawl a ni thuai anga,
\anpui ngaite \anpuitu ni lonin mi chhumchhia leh
\anpui ngaiten rap bettu leh tihlabar zualtu a ni ngei
ang.
Tuna sikul kal, B.A. emaw, M.A emaw thleng
zir mek te zingah pawh hian tum nei a lehkha zir chu
tlem te chauh an ni ang. Heng avang te hian harsa
taka lehkha zir a kan inchawm lauh lauh te hi kan an
hla titamtuah a chang ta fo a ni.
Mi \henkhat chuan tihtur tam tak leh tihtheih
tam tak a ngaihtuah chhuak a, mahse tum mumal an
neihloh avangin thil hre teuh chungin hmasawn
miahlo in an awm fo bawk a ni.
Eng ti turin nge ke ka pen a, enge ka dam chhan
tih hi kan inzawh fo a \ul hle a ni. hahnem ngaih
luat vangin mahni kuanglo nawr a awl hle a, chu
chuan hlawhtlinna kawng a dal fo a, buaina a siam
\hin. Chutiang lak kan pen bo loh nan te, hun, tha leh
zung a thlawna kan luan ral tirloh nan kan thil tum
\heuh ennawn ila hrechiang thar ang u.
Asst. Secretary : Lalchuangliana 9862374155
Treasurer : J Dengdailova 9774396407
Fin. Secretary : Lal\hachianga 9436143393
President : Vanlalauva 9436155098
V. President : K. Lalthanmawia 9862587424
Secretary : C. Lalnunfela 9774002188
(
Branch YMA
Office Bearers
Vol. 21 No. 27 TUITU : ELECTRIC VNG : AIZAWL : NI 3 THLAZING 2014 (PATHIANNI)
TU TU TE NGE?
EYMA PRESIDENT PAHNIHNA
S.ROTLUANGA
Pu S. Rotluanga hi Electric Veng Y.M.A. din
tirh a\anga hruaitu lo ni a, Vice President hmasa ber a
ni nghe nghe. Kum 1967, 1968,1969, 1971 leh 1972-
ah te Vice President niin, 1970-ah President a ni. Tun
hma chuan Biak in leh sikul \hutthleng chauh hi hman
tur a awm \hin a, YMA \hutthleng hi a hun laia chin
\an ni a hriat a ni.
PIAN LEH MURNA:
Pu S.Rotluanga hi kum 1935, July Ni 11
zinglam dar 11-ah Phullen khuaah a lo piang a. A pa
chu Upa Dodaia a ni a, a nu chu Van\huami a ni. An
unau hi mipa hlir 3(Pathum) an ni a, amah hi a naupang
ber a ni. Kum 10 vel a nih a\angin a pain chatuan ram
a pan san avangin a nu hovin an hmeithai ta a ni. Pi
Kawlthuami nen January Ni 27, 1954 khan Saitualah
Pastor Chuauva kutah an innei a. Fanau malsawmna
dawngin fanu 1 leh fapa 6 an nei a ni.
ZIRNA LAM:
Pu S. Rotluanga hian Primary School chu an
khua Phullen ah a kal a. Kum 1946 ah Lower Primary
a pass a, an Centre-ah 2-na a ni nghe nghe a ni. Zir
zawm zel a duh hle laiin Phullen ah Middle School a
awm si loh avangin a chawlh a,1947 a\angin lo lam
hna a thawk ta a ni.
Kum 1952-ah a vawi hnih nan Pawl 4 chu a zir
chhunzawm leh a, First Term exam-ah 1st division-a a
pass a, zirtirtuten an duhsak a, Pawl 5-ah an sawn a,
kum tawp exam-ah pawh \ha takin a pass ve leh ta mai
a. Kumthar 1953 ah pawl 6 a zir chhunzawm tak na a,
regular student ang thlapa fee pek ngai kha a pe thei si
lova, pawl 6 chu zo lovin a chawlhsan ta a ni. School
kal lo mahse sap\awng leh vai\awng hi mahni theih
ang angin a zir zel a, a thiam belh ve nual reng a ni.
HNATHAWHNA LAM:
A hnathawhah Pathianin mal a sawm a, buh
pawh an thlo chhuak \ha hle, kumtin mai phur 100 aia
tam an thar \hin a ni. A nu hovin Pathian zarah buh
1000 thlo tia koh theih an ni ve hial a, kum 2 phei chu
phur 400 zet an thar zawn a ni.
Kum 1958 kum bul a\angin eizawnna kawng
dang dap turin Aizawlah a liam thla ve ta chawm mai
a, puan\hui zirin a hun chu a hmang deuh ber \hin.
Zirtirtuah te a \ang a, sorkar hna te a chelh ve bawk a,
mahse puan\hui chu ei zawnnan a thlang ber a ni.
RAWNGBAWLNA LAM:
Kohhran bel tlat mi leh Sakhaw mi tak a ni ve a,
Pastor Bial, Presbytery leh Synod-ah te chanvo hrang
hrang an pek te lungawi takin a thawk ve \hin. Synod
Revival Speaker, Financial Campaigner-ah te ruat anih
angin Pathian leh a Kohhran tan lawm takin Mizoram
Kohhran hrang hrang ah hun a lo hmang a, K..P Leader
in Dawrpui ah kum 6 a awm a, Electric Veng indan
hnuah Leader kum 5 a ni leh a. Kum 1971 ah Kohhran
Upa ah nemngheh a ni.
Tin, School Education Department hnuaia Evan-
gelical Teacher Fellowship (ETF) ah Speaker atan
sawm a ni a, zirtirtute pawimawhzia hriain a theih ang
tawkin chu hna chu ni 19.4.1994 a\angin 21.6.2000
thleng khan a thawk ta a. A \ul angin hmun hrang
hrangah te a zin a, a thusawi chu zirtirtuten an hlawkpui
hle \hin a ni.
Pu S.Rotluanga hi Phullena a awm lai, a tlangval
laiin YMA Secretary-ah te leh Games & Sports Sec-
retary-ah te, Mizo Signaling Corps-ah te Corps Mas-
ter-ah te a \ang tawh bawk a, Mizo Union Secretary-ah
te a \ang ve hman bawk.
Aizawla a awm/pem tirh hian Tuikual Veng
YMA dinnaah tel vein Vice President-ah thlan a ni nghe
nghe. Hetiang mi hruaitu hmasa a kan nei hi kan vannei
hle a ni.
Thuziak
TRANSFORMER VENG KAN NI TA E
- Lalthankima
Aizawl laili taka awm, Electric Veng hi a
chengte remtihnain transformer an dah thin a, rem lo
chung chung pawhin khawtlang hruaituten a dahna an
ngaihtuahpui thin. Kan veng thenawm ten transformer
dahna hmun tur an neih remchan ve loh vang nge, kan
venga transformer ring hi an tam hle mai a, a kip a kawi
chuan kan hre ve pha lo naa kan zar hi veng thenawm
ten an lo zo ve fe tawh mai hi a lo ni a. Tunah hian kan
veng chhungah tranformer pali dah mek a ni a, pahnih
dang Zotui tuikhur area-ah leh Theihai tuikhur area ah
dah tuma hmalak leh mek a ni bawk.
1. P & E Complex-ah transformer pakhat dah a ni
a, hei hian Vengchung (Bial 1) zawng bakah Lower
Zarkawt leh Chanmari, Dr Selbuanga (L) in bul thleng
a chawm a.
2. YMA Hall bula dah hian Hermon, Church Street
leh Bial 5 chuan chung bakah Chanmari lamah Dr
H.Thansanga in bul thleng a chawm a, Chhinga veng
kawng chho zawng leh Saron Veng Hotel Orchid piah
hret thleng han chawmin New Market chhung a chawm
tel bawk. (chhunzawmna phek lehlamah)
Pu bl i s hed an d Ed i t ed b y Mal sawmt l uangi o n beh al f o f EYMA, Ai zawl
Pr i nt ed at t he Gi lzom Offset, El ect r i c Veng, : Copy 1130.