SIKZUM I SUI NGAM LAILAI DIAM?

"Kiteelna lungkimloh lahna in sumpi na ki khaktan aa Conference ki pau laphi". Church Manual
leh Working Policy a zuih loh man uh hi zaw hi. " Kiteelna lungkim lohna" hang acih pen adik aa
kiteel pipi lungkim lo tawh kibang hi. A tel nailo takpi na om uh leh telhuai lua ta hi. "Conference
kipau lap" ci-in ngawh, mawhsakna hi a, lampi man tawh semin ngah ngiat lo, a sung pan semin
ngahlo cih nungsang lampi dang bang om hiam? Pr. Min Lwin in Division in Conference
approved sa nangawn Union in thukim pih, thukimpih loh check kik ding cin 7-1-2004 in
laihawm hi. Kiteelna hang hilo, ih din hunta hizaw hi. Pa Thukkim in a tonkik, a lehkik pepeuh
zite nik teng ni ci in Tahan Biakinn sungah dinsa in kote mai ah hong pulaak hi. A tonkik peuh
mah, thudik phu ngam lo a hihteh nik teng tek ta uh hen. Thudik in guallel masa bangtaleh
nungsangah gualzo ding hi.
Jews te haksat mahmah hunin Mordecai in Esther kiangah "hihbang hunin dai (pulak lo) in na
om leh huhna leh honkhiatna mun khat pan Jews tading in hong tho (om) ding a, nang leh na pa
inn kisusia ding hi". (Esther 4:14) a cih pen na um thei uh hiam sanggam te aw?
Sia Mungno in Kai Dal a email na leh Sia Paupu in Pa Khup a email nate ah "Eimi makai ding in a
mimal in muanhuai khat zong om lo hihang" a cihte uh ei bangci a kimuh ih hi tam. Tua hi leh
Kayinte maw, Kalate maw, Mangte maw ih muan? Hithei tuan lo hi. Pasian lo-in kua muanhuai
tuan hiam? Sia Khan Za Vungh in Sia Paupu te a kawkna in "Sia Lianpu Union Treasurer ngah hi
ven, dai pah lel. Saizang mite muanhuai lo hi" na ci ngei hi. Minam tung kuakua tung ngakding hi
lo hi. Na muanna pen a sithei mitung nga kha ken la, Pasian bek muang in (Ps. 146:3).
"Mipi lungsim lak nading leh mipi lunglut nading in uang takin minam thu kibehlap hi". Uangtak
in minam thu kibehlap lo hi. Koi hiam a kibehlap? Ahi zahin kigen zolo hi. Sia Kyaw Balay, Sia
Sendee, Sia Bahkhin, Sia TinTun, Sia Herbert, Sia Muller ten SDA zomi tungah a bawl na te
theihhuai lua ta hilo hiam. November kha a Sia Kem Thang, Sia Gin lam Cin, Sia KhamKhan
Liante deihlo acih uh pen ei minam veina hi lo hi. Amau minam veei a hong bawlnate kigen hibek
hi. Ih nampih sangin minam dang peuh aliat zawk man, ahauh zawk man a panpihte namdang
lungtang asilh te va-ak utong kineih dan hi. Pulh kik pah lelding hi. Central Mission Kayin ten
"Amau mite a panpih lo te mi muanhuai hilo hi" naci zawsop uh hi. Taang Mungno pen Saw
Mungno ci kei ni.
Eimi te MUAS pan kum 5, 2 khawldan (debaring punishment) pia uha, deekte pialo se uh hi.
Zomi siate na hepkhiat kei uh leh deek kipawlna-ah hong khia nung ci lai uh hi. Minam lungsim!
Ih sangvaite zong minam veina hangin hong susia, hong buaisak hizaw hi. Gentehna in Kawl
gambup ading in Meik Htila High School pen 1909 in Mission School in kiphut hi. Centre tham
hi. Galpi khit teh, tua sang pen siagawp in puahkik zaw lo in tampi'n saklam nehsa lua uh, ("many
felt Mekhtila school was too far north") ahih manin kum 10 khit teh Kyauktaing teelpan se uh hi.
(SDA Encyclopaedia, "Taungngoo High School"). Minam lungsim na muthei uh hiam? Kawlgam
ading Myaungmya laizang (center) pen maw? (MYUM ciintuai tawh teh ken. Map en in.)
Myaungmya ah Zomite "mi maw, ui maw?" a cihte minam lungsim hilo maw! "Mihing ek ka sak
leh Zomi te ek hi" a kici te ee! Tua banah "Sihzang, Teizang deih lo" cih a phuak pen Mission te
Daw En Khaw Cing hi. Conference te' pau hi lo hi. Conference lapi na ngai ve- kuamah deidan lo
hi.
"SDA pawlpi Mission ii neihsa biakinn peuh, sanginn peuh ki tuh in-----". SDA pawlpi neihsa pen
Mission' neihsa hi cih koi Manual ah om hiam? Lamlak khial khin hi. Lauhuai lua! Mi sutuahtuah
hi zaw. Local Church neih leh Mission/Conference neih, Division neih cihbang in om dimdiam hi.
Biakinn te, Local Church sanginn te, van te pen tual pawlpi te neihsa hi aa Mission/ Conference
aa hi ngeilo hi. Tuate lunggulh manin ahi theilo disband peuh a pulaklak uh hi. Satan pil lua in
thuzuau lakah thuman tawm ong kihel teh telhak ihsa hi. High School nuaisiah khempeuh tual
pawlpi neihsa hi. Self-supporting High School zong tual pawlpi neihsa hi cin Education Manual
ah gen hi. Mungno Manual hi. A vekin SDA pawlpi neihsa kici thei bek hi.
"Ih pawlpi makai Division te tawh vaihawm khawm zaw lo in MBCF belhbuk in kinei zaw ta hi".
MBCF belhbuk in kinei hi lo hi. MYUM/UMM in zong registration nei nawnlo ahih manin MBC,
MCC khawngah ngen uh aa ngah lo uh hi. MBCF in lah sang thei lo hi. Self-support, self-
governing, self- propaganda tawh Pasian nasemte bek kipia se hi. A suksia zaw khatah,
banghangin MYUM worker te'n Division, GC ah a sum te uh khol lo in Guam a om Sunday tang
David Park tungah khol se uh hiam? Belhbuk dik hituan se diam?
MBCF lutna in Conference man leh manlo lahna om lo hi. MYUM/UMM makai te'n vuanzi pan
khuata dongah illegal association ci-in lai a phah ciang leh thunei khat peuh in "permit kisam in
na neih uh leh biakna na semte special in taiban te, phiangsiah te, a kimaap theite kimaap hi" a
cih ciangin a kilut hi a, kumsim a ki renew hi lai hi. RC University, Protestant te' University te ah
degree na lak ciangin amau upna thuguikhun te um na hi kei hi. Theihna, pilna zui letmat na ngah
na'ng hibek hi lo hiam? Sia Mungno in MBCF kullo sa ahih leh hihte dal theih nang lai hong pia
thei diam? A kiam thei diam? MBCF letmat in upna kipawlna hilo in Pasian thu, Adventist thu
gentheihna letmat
hizaw hi.
MBCF beel hi lo in Pasian beel ki hizaw hi. MBCF Manual leh policy tawh koimun tak upna khial
hong kikawk hiam? Division-GC tawh kizom nuam napi, kua'n hong khak / nolhsak hiam? Pasian
in thei gige hi. Lau na'ng nei lo hi hang.