Lingua Galega e Literatura, EXPRESIÓN ORAL. A entrevista, p.
73
Secuencia de traballo
1. Información previa sobre África e
sobre as ONG(D)s
Fornecida polo profe.
2. Partes dunha entrevista
ENTREVISTADO E TITULAR
PRESENTACIÓN
(DATA E ENTREVISTADOR)
PREGUNTAS
3. Tipos de preguntas
[] Pechadas (ex. Cantos discos...?)
[] Abertas (ex. Que opinas...?)
[] De comentario inacabado (ex.
A situación é complicada...)
[] Profundadoras (ex. Por que dis
iso?)
4. Actividades sobre o texto da
dereita
- Indica que tipo de datos se dan na
presentación.
- De que tipo son as dúas preguntas que
se reproducen?
- Completa con coherencia as cuestións
que faltan. (Podes empregalas despois á
hora de facer a túa produción).
5. Guión
Realízao seguindo as partes da
entrevista e pon especial coidado en:
• facer unha presentación breve
que recolla o motivo da interviu
• facer preguntas de distinto tipo
e ordenalas de maneira lóxica
6. Avaliación
✔ A presentación é breve e
certeira? Contextualiza
suficientemente?
✔ As preguntas son variadas e
están ordenadas?
✔ Usouse o rexistro axeitado?
✔ A alocución foi fluída e
correcta?
José Julio Martín Sacristán
"África cámbiache a orde de prioridades; alí a
comodidade é unha cousa secundaria"
O prestixioso cooperante repasa nos cursos sobre ’A conciencia
intercultural na resolución de crises e conflitos’ as súas dúas décadas de
experiencia humanitaria en países como Tanzania, Nixeria ou Zambia.
Naceu en Sevilla hai 45 anos, pero pasou máis de vinte en África.
Tanto se impregnou da cultura de alí e tan a fondo aprendeu os seus
idiomas, que ata se lle pegou o acento.
18/09/2009 - GUILLERMO ORTEGA
- Dá a impresión de que os que só
coñecemos os conflitos de África polo
que vemos desde aquí, temos unha idea
que non se axusta á verdade. É así?
Desde fóra hai unha idea distorsionada,
fundamentalmente porque aquí pensamos
que o que hai neses países son conflitos
tribais e relixiosos, cando non é nin o un
nin o outro, iso son estereotipos que creamos os demais. O certo é que
a maioría dos conflitos derivan do reparto do poder e dos recursos
económicos.
- ................................................................................................................
A única forma de que non te tomen como un intruso, como alguén
que vén meterse nos teus asuntos, é chegar coa intención de quedar
para un longo período, nunca con présas. Estar alí, aprender a súa
cultura, as súas linguas. O problema que teñen moitas ONG e
cooperantes que traballan en África é que van para pouco tempo, para
pasar...
- ...............................................................................................................
Ir a un foco de conflito é sempre perigoso. Eu estiven mediando en
Tanzania e Nixeria e lembro que neste último país, en 1994, mataron
un compañeiro do noso equipo. Aínda así, é obvio que hai un
enriquecemento persoal, que se nota desde o primeiro mes. Pero haino
se existe pola túa parte un compromiso a longo prazo para entender a
realidade africana.
- E para non botar en falta as comodidades da sociedade europea,
cousas como abrir unha billa e que saia auga...
É que, unha vez alí, as privacións económicas e de servizos séntense
menos. A calidade de vida humana é o máis importante, e desde logo
eu prefiro ter un trato humano profundo coa xente de alí que auga
corrente ao instante. Establécese outra orde de prioridades, na que as
relacións humanas contan máis có confort.
- ...............................................................................................................
É unha ferramenta para a socialización tan boa coma outra calquera.
Un traballo en equipo coma o fútbol achega disciplina e unha serie de
valores que lle serviron de moito a unha morea de mozos que estaban
en serias dificultades (…).