Govt. Regd. No.

2172

Kipumkhatna in Gualzawhna hi. (Late 133)

Contact Address
Halelujah Building Ph: 0933565003
Tat Oo 4/51, (Pinlong 8) Email: tuailai@gmail.com
Yathana St., Kalaymyo Web.: www.zomiyouth.org
Z.Y.A NGALZANG: Chin State, Tedim Township
sunga om Ngalzang khuate in Z.Y.A Kalay te tawh
khutkilen a na sepkhoptheih ding lunggulhna tawh
Z.Y.A Ngalzang phuanin panmunlen a nuai-a bangin
telna nei uh hi.
President
: Pa Thang Za Hau
Vice President I
: Tg. Thang Sian Sang
Vice Presisdent II
: Tg. Cing Khat Mung
General Secretary
: Pa D. Hau Khua Pau
Assist. Secretary I
: Pa Langh Khan Khual
Assist. Secretary II
: Tg. Zen Khat Pau
Treasurer
: Lia Nem Khan Uap
MR. JEYSING LE NU CING CING: Kawlgam
bawlung Club kipawlna makaipi (CEO) Mr. Jey Sing
le Kawlgam bawlung kipawlna (MFF) panin Nu Cing
Cingte Dec. 6, 2014 nitak lam in Kalaymyo vanleng
tual ah ZOFA Committee-te leh ZOFA Cup 2014 pan
kimawlsiam teltuamte tawh thupitak in vaidawnna
kinei in, Dec. 8, 2014 (Mon) ni zingsang ciangin Z.Y.A
zum ah tutpihna kineihpih dinga, nitaklam nai 3PM
pawlin Kalaymyo bawlungtualpi ( jynfolYtm;upm;uGi)f; ah
kimawlna kinei ding hi. Nitak ciangin ZOFA Committee in annekpihna (Dinner) kineihpih ding hi.
Z.Y.A NEWS AGENT TE ZAKSAKNA: 2014 kum
hong bei ding hita ahih manin Z.Y.A News tatmante
i khua i pawlpi a Agent-te tungah piakimciat dingin i
ki zasak hi. Tua banah kumkhat sung Pasian le Zomi
itna tawh nong kipumpiak manun i lungdam
mahmah hi. Maikum ah Agent a sem zo nawnlo
dingte leh a lemlo dingte in, no khua, no pawlpi ciat
panin na tang dinguh na muanmi hong zongin Z.Y.A
zumah nong zaksakna dingun zahtakna lianpi le
muanna lianpi tawh i kizasak hi.
Z.Y.A NEWS TATMAN PIA SIANG NAILO TE: (1)
Leilum EBC (2) Old Dalkhai (3) Kawl Zozaang (4)
Sawbua (5) Tuimang (6) Singgialzaang (7)
Nanphalong (8) Nahnuai (9) Tuimui (10) Pangsak
(11) KBC (12) Kalay SBC (13) Rhema AG (14) Leipi
BC (15) AMC (16) St. Peter & Paul (17) Galilee AG
(18) Phualpi AG (19) Pangpi SDA (20) Myothit BC
(21) Fuller AG (22) Munlai ZBC (23) Munlai AG (24)
Munlai RC (25) Messenger ZBC (26) Phai ZBC (27)
Phai PCM (28) Siyin BC (29) Agape BC (30) Khaikam
(31) El-Shadai AG
NELSON TOPA' TANU LE A TU TE: Sangmang
FO Nelson topa-te i tanu upapen Lois leh a tate 3
Kawlgam hong hawhin Dec. 4, 2014 nitak in Tahan
Tuiphum Biakinn ah thugenna nei uh hi. Khangno
120 in muakna lasa in, ngeina lam 2 lak uh a,
pahtawina Zopuan tuamtuam zong pia uh a, Majesty Hotel ah Sia leh upate in nitak an nekpihna nei
uh hi. Dec. 5, 2014 ni-in Tedim pai to-in Saimual ah
Tedim khuabuppi in motor leh cycle omtheiteng tawh
thaulawng tampi lawnin dawn ding cih thu kiza a,
tua panin CMBC Biakinn lutsuak in Nelson topate'
nupa phawkna in zintun inn ding a kilam Buiding
sawng 2 honna neisuak in tuamun ah tungsakpah

5 December, 2014 - Lom 4 na, Hawm 49 na

Pa_____________________
_____________________
ding uh hi. Nelson topate hong tunzawh kum 75 cin
Diamond Jubilee (1939-2014) CMBC Pawlpi in
bawlna in Sial 1 leh Vok 3 go-in, TBC gamsunga Pastor-te leh Tedim khua sunga Pastor, khuanu khuapate
tawh ankuangumkhopna nei ding cih thu kiza hi.
Note: Tutung Nelson topate tanu leh a tute hong paina
sumbei khempeuh (sang 60) CMBC in si-in, hihciang
hong tun nading thu le la kisam khempeuh Rev.
Thawng Khan Cin (Sia Cicin) in hong makaih ahi hi.
EGYPT KUMPILUI HOSHINI MOBARACK: Egypt
gamah kum 30 val kumpi a sem Hoshini Mobarack
pen 2011 kum lungphona nei mipi 800 val sihna tawh
thong khantawnkia dingin thong kikhumpen tu in
thukhenzumpi pan in mawh lo hi cih leh sumnekguk
na tawh kisai in thongkum 3 kia in, suakta dingin
thukhen uh hi. Mobarack pen kum 86 pha khinta hi.
PLANET SHAKERS' LASAKNA: I theihsa le i
zaksaksa ommah bangin Dec. 5-7, 2014 sung
Kalaymyo, Tahan tualpi ah tu laitak a lasa minthang
Australia gam panin Planet Shakers'te leh cina
damsakna lam ah thugen minthang Tim Hall-te in
thugenna leh lasakna thupitak kinei in, a pai, a zakha
mipi khempeuh in khalam taksa lam phattuamna
tampi kingah hi. Na paikhak kei leh khangkhat a zekai
hiteh cih phawk ni.
KAWLGAM SUNGAH BANK HOIHPEN: England
gam bulphuh Financial Times-te in Kawlgam sungah
Bank mun 300 ah hongin, kumpi tungah phingsiah
(Tax) 22 billion pia zoin, gam tuamtuam tawh kizop
banah, sum leitawi tam piakhiazo penin, sum kikhol
tampen 4300 Billion val a nei KBZ Bank pen Kawlgam
sungah Bank hoihpen 2014 cih (Bank of the year in
Myanmar 2014) ngahinNov. 27, 2014 ni-in Londan
khuapi a om Continental Hotel ah letsong piakna neiin KBZ Bank President U Aung Ko Win in vasang hi.
SYRIA GAMAH IS TE 50 SI: Syria gam Kobane
khuapi ah IS migilote 50 si hi ci-in Britian gam
bulphuh etcik pawlin gen hi. Hih Kobane khuapi ah
IS migilote dona pen Sept. 18, 2014 pan kipan hi a,
tutung a pen IS a tamsihpen hidingin ciamteh uh hi.
INDIA AH VISA THU KHUNTHAK: Beisa hunin
India gamah hawh nuamte in VISA ngenin kalkhat
bang ngakkul a, tu in VISA thukhunthak ah online
panin kingenthei ding a, ni 4 sungin kitel dingin
bawlpha uh hi. Australia, Brazil, Germany, Japan,
Russia, Singapore, South Koreate pawl kihel in,
nidanga hong ukcip ngei Britain gamte kihelsak lose
uh hi. Hih VISA thukhunthak in India gamah
gamdang khualzin (Tourist)te tampi hong paisak in
sumngahna zong khangtuam ding hi ci-in khualzinna
lam vuanzi (Transport Minister) Mahat Sharma in
gen hi.
IS MIGILO MAKAIPA ZI KIMAN: Dec. 2, 2014 ni-in
Lebanon galkapte in IS migilo makaipipa Abu Bakr al
Bagdadi i zi dinga upmawh Saja ah- Dlaimi le a ta a
mat uh pen Iraq kumpite in hi lo hi ci-in Dec. 3, 2014
ni-in tangkokhia uh hi. Lebanonte in bel ummawh lai
veve uh ahih manin khihcip lai phot uh hi.

ISRAEL MINISTER 2 KIKHAWLSAK: Israel Prime

Minister Benjamin Netanyalu in Dec. 2, 2014 ni-in a
Minister 2te khawlsak in, a sawt loin Parliament kiteel
bawl ding ci-in a tangko zawh a zingciang Dec. 3,
2014 ni-in Israel thukhun bawl pawlin Mar. 17, 2015
ni ciang kitelna bawl dingin tangko uh a, PM
Netanyahu Party in zo dingin lamen uh hi..
HONGKONG BUAINA MAKAI 4 TE: Hongkong
gam sungah kha tampitak kumpite tungah lungphona
a neihpih a makaipi 4te Dec. 3, 2014 ni-in Hongkong
Central palikzumpi ah amau le amau kimansak dingin
va kipumpiak uh a, palikte'n na man nuam mahmah
lo uh ahih manin nai khat sung tang bang palikte
zum ah a om khit uh ciangin ciahkikmai uh hi.
BRITAIN IN N.KOREA TE SAM DING: Britain
gamte in Oct. 13-22, 2015 sung tengin North Korea te
thuthang zong Journalists 46te website zatzia le a
tuamtuamte kisinsak dinginka sam ding uh hi ci-in
Dec. 3, 2014 ni-in tangkokhia uh a, leitung in lamdang
kisa hi. Ahangin N. Korea gampen kuamah in
kipawlpih dingin a kideihlo gam khat ahi hi.
KAWLGAM DENMARK PALAI ZUM: Kawlgam ah
Denmark gamte i palai zum pen Nov. 27, 2014 ni-in
Yangon, Mazankung Township pilam lianpigei No.
7, tai 7na ah kihong in, Denmark palai H.E Mr. Peter
Lysholt Hansen leh kumpizum lam pan vuanzi U Soe
Tein te'n thugenna nei ci uh hi.
US FERGUSON KHUAPI AH MIVOM BUAINA:
US gam Ferguson khuapi ah kum 10 kim a pha
mivom sangnaupang khat palik mikang khatin
kaplum in, thukhenzum panin mawhlo hi ci-in thu a
khen na hangun, US gam khuapi tuamtuam ah
mivomte in lungphona nei kawikawi uh ahih manin
mivom kaplum palik ulian Daren Willson kum (28)
pen Nov. 30, 2014 ni-in a za panin amah le amah
kitawpsak hi.
AFGHANISTAN AH NATO GALKAPTE: Afghanistan gama om NATO galkapte Dec. 31, 2014 ni
ciangtan bek omtheih ding hi a, a ciangtan ni beita
ding ahih manin hih vai tawh kisai kikupna Brussels
khuapi ah kinei-in, kumthak ciangin NATO galkap
12,000 om suak lai dingin Dec. 3, 2014 ni-in thukimna
thak khat ngahkik uh hi.
MUALTUNG THAUTAWI KIPAWLNA UNFC:
Mualtung thautawi teng kipawlna a hi UNFC panin a
kahto Federal Union Army FUA te in a masapen
kikupna Kawlgam le Thailand gamgi munkhat ah nei
uh a, F UA pen saklam leh khanglam in khennih phasak
uh a, saklam pen KIO pan Bogyokekyi Gan Saung in
makaih in, khanglamte pen KNU pan Bomoeyoke Baw
Kyaw Hay in makaih dingin thukimna nei uh hi.
N. KOREA KIM JONG UN IN THUPIA: North Korea kumpipa Kim Jong Un pen a mipite in pakta lua
ahih manin a min zatpih ngeingai uh hiding hiam, kei
min tawh kuamah min kibang theilo dinga kibangte'n
a min uh laih un la, naungeksuakthakte in kei min
tawh a kibatsak leh nausuak lai hong kipialo ding hi
ci-in Dec. 3, 2014 ni-in mipi tungah theihsakna nei hi.

EL-SHADAI THEOLOGICAL COLLEGE: El-Shadai

Theological College in Zolai, Zopaungiat tawh Lai
Siangtho sinna kinei ding a, Pawlpi deidan om loin
sinna kician nei lo Pasian nasem nuamte kikahthei
hi. A lunglutte in Form kilatheita a, Feb. 6, 2015 ciang
kisang in Feb. 9, 2015 ni-in sang kihong ding hi.
Contact: Rev. Gin Do Pau- 09 33237576
NAULAK INNKUAN LAIBU PUAHPHATNA: A
nihveina Naulak innkuan laibu, laimai 320 na, a
tunglam pan No. 12-18 sung a kihel lo ding kihelkha
hi. Laibu omlai teng laimai 319-320 botkhia in laidal
thak tawh kilaihkhin hi. A phualphual a makaite
tungah puahphatna ding laidal hong kikhak ding ahih
manin, na kan in na laih un. (Pa Neng Khan Pau)
KAWLGAM AH PR VAI THAK : Kawlgam mi
gamdang khat peuhpeuh ah gambeel (Regugee) tawh
a omte hita leh gamsung gampua panin mi hoihlo
(Black list) sunga kihelkhate leh leitung gambuppi-in
gambeel (Refugee) ci-a ciaptehna ngahte in Kawlgam
sungah teentheih tawntungna (Permanent Residency,
PR) nget theihna kipia lo ding ci uh hi. Cihnopna ah
gamdang om i tu, i ta, i sanggamte i gam ah ciah in
hong tengthei nawnlo ding cihna hi.
GOLHGUK NEKSIM HAT GAMTE: Germany gam
bulphuh sum golhguk nesim encik pawl (Transparency International)te in 2014 kum adingin leitung
gam 175 panin a muhnate uh pulakna a neihna uah,
sum golhnek hat gam, Kawlgam, Afghanistan gam
le North Korea gamte ahi hi. 2013 kum in Kawlgam a
157na ah om in, tu 2014 ciangin a 156 na ah om hi.
Leitung ah sum golhguk a nasiapen gam Samalia,
North Krea leh Sudan gamte in ciamteh uh a, sum
golhguk ne lo gamte, Denmark, Neazealand, Finland
te a khatna gamte hi-in gam 10 lakah Asia gam panin
Singapore bek kihelzo hi.
ZIV LAI SIANGTHO THAK: Pasian in Zomite
thupha hong pia in ama kammal Lai Siangtho Zokam
International Version (ZIV) thak hong piak manin i
lungdam mahmah a, tuni ciangciang a simkha
khempeuh in thangahna bekbek kigen hi. Na deih leh
a nuai-a mun tengah kingahthei ding hi.
(1) ZCLS (2) Z.Y.A Kalay (3) ZBCM Zum (4) E.B.C
Tedim (5) Sia On Suan Sai, Tedim (6) B.A.G Tedim
(7) Music World (8) T.T.B.A Zum (9) C.T.B.A Zum
(10) Yangon U.B.S Lai Siangtho zuakna (11) Pa H.Gin
En Cin Inn (12) Pa Pau Suan Kap, Tamu.
NELSON MANDELA PHAWKNA: South Africa
gama mivom, mikang kideidanna, a sumaimang Africa kumpi Nelson Mandela a sihzawh kum khat
cinna Dec. 5, 2014 ni ciangin South Africa kumpite
makai in thupitak in kibawl ding hi ci-in Nelson
Mandela Foundation makaite in gen hi. Nelson
Mandela pen mivom, mikang kideidanna a beina
dingin thong kum tampi kia in, tua pan kumpi a sem,
mivom mi hi a, kum (95) a phak Dec. 5, 2013 in si hi.

A siading Honkhia in a si ding don in!

Na sisan tawh honkhia in!

oifhaoG;jzifh toufu,fyg/

ZYA Blood Donation Service

Sisan tawh nasepna (Friday - Friday):

No.

Date

1. 2-12-2014

Sihawm/
Biakna/Pawlpi/Khua
Min
ngen
Sihawm Tg. Pau Suan Lian Kim
St. Mary RC
Singen Pa Thang Khan Suan

Tahan ABC

Natna

Zato min

Theih ding

Tha bei

Kalay
GH

1 vei hawmna
1 vei ngetna

Mawtaw tawh nasepna (Friday - Friday)

Mawtaw

Date

Min

3-12-2014

U Win Htoo

Biakna/Pawlpi/Khua

Theih ding

Buddish, Kalay

Accident, Zato puak