PAMKASAN

Aya sabap a kinisoratn tano sa sorat aya na sowasowat tano ko Allah, go arap tano sa
kapakaborantaw o Bnar, go aya pd a sabap na siyap tano ko madakl a tao sa di iran kisowasowa ko
saba-ad imanto a gimamagulama a aya kpit iyan na ipzapar iyan iba phagonoti so Madhab (sabot) o isa
ko pat a Imam ka aya phaki-onotan iyan ko madakl a tao na so sabot o mga Bago (modern) a mga
Ulama iyan na bithowan iyan mapda sa Qur-an kon ago Hadith ka para imbanowit iyan ko akal o
madakl a tao, na takinoba bs ka aya pmbtowan iyan sa Qur-an ago Hadith a kpit iyan na so kpit o mga
Bago a mga Ulama iyan sa masa imanto. Na pizasamilian dn o baya a ginawa niyan so mga kpit o mga
bago a ulama iyan na sa kiyababaya-anon o baya a ginawa niyan na bithowan iyan sa Qur-an ago
Hadith a raks a aya niyan phaki-onotan ko madakl a tao. somiyayan sa ska niyan i somiyabot ko mga
ongangn ko Qur-an ago Hadith adiso pat a Imam, na so Madhab (sabot) o pat a Imam na iniitong iyan
sa aya makasosopak ko Qur-an ago so Hadith!. Di sasabotn o lagid anan a manosiya na so Madhab o
pat a Imam na giyanan dn so tafseer o mga ayat ko Qur-an ago san ko mga hadith o Nabi (pbuh).
KATAYA SO OKIT A KASAMBAYANG ANGGOLALAN KO KIYAOSAYAON O MGA ULAMA A
SHAFII
Paganay ron na Sangor kasa Qiblat, na makasangor kasa Qiblat na o adn a Siwak ka na paniwak ka
daan ka malai balas so kapaniwak ko before ka a Thakbir sa "Takbeeratul ihram" ko kapsambayang ka.
na mapasad na Pniyat ka sa psambayangan ka so wakto a mappnto sa sowasowat ka ko Allah, sa aya
Taralbi na liyo ko kapniyat o poso oka na milapal (mipagusalli) o dila aka so niyat a matatago ko Poso
oka sa diyangka a pkhang o tangila nga.

Kataya so okit a kapagusalli:

Opama ko wakto a lohor a psambayangan ka na aya mipagusalli nga na:

Nawaytu Usalli Fardha Addhohri Arbaa Rakaatin Ada-an Mustaqbilal Qiblati Lillahi Taala
Opama ko Wakto a Asar na aya mipagusalli nga na:

Nawaytu Usalli Fardhal Asri Arbaa Rakaatin Ada-an Mustaqbilal Qiblati Lillahi Taala

Opama ko Magrib na:

Nawaytu Usalli Fardhal Magrib Thalatha Rakaatin Ada-an Mustaqbilal Qiblati Lillahi Taala
Opama ko Isha na:

Nawaytu Usalli Fardhal Isha Arbaa Rakaatin Ada-an Mustaqbilal Qiblati Lillahi Taala
Opama ko Sobo (Fajr) na:

Nawaytu Usalli Fardha Assobhi (Al-Fajri) Rak'atayni Ada-an Mustaqbilal Qiblati Lillahi Taala

Note: Giyanan i okit a kaphagusalli nga opama oto ka skabo i psambayang. na opama ko Mamoom ka
na aya bo isambi ika sa Ada-an anan na Ma-mooman. Na opama ko ska i Imam na aya kisambi
ikaon na Imaman.

Makapagusalli ka na Takbir kadn sa Allahu Akbar a raks a iphoro oka ambala a Lima nga sa
diyangka a mipantag ka a mbala a lima nga ko dowa a tangila nga, go diyangka a mi-atag ka so dowa a
ama a Lima nga sii ko pthago-an sa aritis ko tangila. sa aya bontal a ikhidiya nga ko mga kmr ka sa
kipoporo-on kaon na pakambblablagn ka, a raks a paka-aadapn kaso mbala a palada lima nga sa Qiblat.
na mapasad oto na phakalingkakp ka sa sii nga pakambtada ambala a lima nga sa pagltan a rarb ka ago
tiyan ka (maana sii sa posong). Na mapasad na bati-anga sa masoln so Dua Al-Iftitah:


Wajjahtu Wajhiya lilladhi Fataras Samawati Wal Ardha Haneefan Muslima wama ana minal
Mushrikeen, Inna Salatie Wa nusuki wa mahyaya wa mamati Lillahi rabbil Alameen, La Shareeka lahu
wa bidha lika umirto wa ana minal Muslimeen
Mabatiya aka nan na batiya anga sa masoln so:

Audho Billahi Mina Sshaytanir Rajeem

Na mapasad ka nan matiya sa masoln na batiya anga so fatiha sa masoln sii ko sambayang a masolnon
so Kabatiya a datar o mga sambayang ko daondaw, na phakatanogn ka sii ko sambayang a matanogon
so batiya a giyanan so sambayang ko mga kagagawii. Sa banga pakalilipati matiya sa matanog
(mapayag) so Bismillahir Rahmanir Raheem sii ko sambayang a matanogon so batiya ka giyanani
paganay a ayat o Surah Al-Fatiha, ago ayat anan a pd ko langowan a Surah o Qur-an, makaliyoliyo ko
Surah At-Taubah ka giyanan i Surah a daa bismillah niyan. Mapasad ka matiya so fatihah na sakba ka
sa Surah a kabaya aka.
Note: Sii ko masa a katatago o ka sii ko sold o Sambayang na aya Sunnah a mbonayonan ka ko
pangilailayan ka na so darpa a pkhasojodan o bnng ka, makaliyoliyo igira a initoro o ka a totoro oka sii
ko masa kathahiyat ka sii nga pman khabonayon a pangilaylayan (Mata) nga sii ko totoro oka.
Na sii ko before a proko ka sa Lb na bayaon ka ambala a lima nga sa datar o bontal a kinibayaon
kaon ko paganay a kiyatakbir ka sa "Takbeeratul ihram" a raks a giraw ka a Allahu Akbar na roko ka
dn sa lb na pakatititho-anga a Likod ka ko masa a karoroko oka sa lb, go aya bontal a ikidiya nga ko
mga kmr ka sii ko masa a karoroko oka sa lb na pakambblablagn ka. Na aya mbatiyaan ka sa masoln
ko masa a karoroko oka sa lb na:
( 3)
Sub-hana Rabbiyal Adheem wa bihamdihi (3X)

Mabatiya aka nan sa makatlo na mbangongka a Raks a iphoro oka pman ambala a lima nga sii ko
bontal a kiniporo-on kaon ko kiyatakbir ka ko paganay a kiyatakbir ka sa Takbeeratul ihram. Na giraw
ka:

Samia Llahu Liman Hamidah

Mabatiya aka so Samia Llahu liman Hamidah na sompatn kaon a giyai a dowaa:

Rabbana Lakal hamd, Hamdan Katheeran Thayyeban Mubarakan Feehi, Milus Samawaati wa Milul
Ardhi, wa miluma baynahuma, wa miluma Shita min Shay-in Bad

Note: so katharoa ko Samia Llaho Liman hamidah na mlagid san so Mamoom ago so Imam.
Knaba aya bo a pnggiraw sa Samia llahu Liman hamidah naba sobo so Imam ka taman ko
Mamoom na maptharo iyan pn anan. Sa lagid mambo o katharoa ko Allahu Akbar sii ko takberatul
ihram, ago sii ko karoko sa lb, ago sii ko kasojod, ago sii ko kambangon ko sojod na mlagidon so Imam
ago so Mamoom.

Miporo oka so mbala a lima nga ko kiyambangon ka sa lb na tayothonga nga sa mbala a kilid ka. dinga
sowaa so mga tao a miporo iran so mga lima iran ko kiyambangon iran ko kiyaroko iran sa lb na
pphangalingka kp siran pman! Na di anan pd ko madhab tano a Shafii!.
Opama ko aya dinga gisambayangan na Sobo (Fajr) na Sunnah so kaqonot ka sii ko oriyan o
kapakambangon ka ko kiyaroko oka sa lb, ka so kakonot sii ko wakto a Sobo na giyanani Kaqonot a
dadn bagakn o Nabi (pbuh) sa taman sa kiyawapat iyan!.
Kataya so dowaa sii ko kaqonot:



Allahumma-hdina feeman Hadayt, Wa Aafina feeman Aafayt, wa tawallana feeman tawallayt, wa barik
lanaa feema Atayt, wa qina Sharrama Qadhayt, Fa innaka Taqdhi walaa Yuqdha Alayk, wa innahu Laa
yadhillu man waa layt, wa laa yaizzu man Aadayt, Tabarakta rabbana wa taaalayt, Fa Lakal Hamdu
Ala Maa Qadhayt, Nasta-ghfiruka wa natoobu ilayk, Wa sal lallahu ala sayyidina Muhammadin
Nabiyyil Ummie, wa ala Aalihi was ah-bihi wa sallam
Note: Aya sunnah a sowaan ka igira a masa a pqonot ka na imbayaw nga ambala a lima nga a raks a
ipapalad ka, na makapasad ka Komonot na Sojod ka dn sa dinga dn izapo sa paras ka so mbala a palada
lima nga, ka giyanan i Adab o kandowaa sii ko Kaqonot a knaba ipsapo so mbala a palad a lima sa
paras.
Na aya okit a kasojod ka na aya ipagona nga na so mbala a lb ka na gobo so mbala a lima nga. Na aya
mbatiyaan ka sa masoln sii ko masa a kasosojod ka na:

Sub-hana rabbiyal Ala wa Bihamdihi (3X).

Note: Aya ropaan o kasojod o mama sa sambayang na phaka-adapn iyan so mga poro a kmr o ai niyan
sa Qiblat ago pakatitindgn iyan piyapiya ambala a ski niyan a raks a pakmbblagn iyan sa diyangka a
sarangkaw, go aawatn iyan a tiyan iyan ko mbala a bobon iyan, go aawatn iyan a mbala a siko niyan ko
mbala a kilad iyan, a raks a ipoporo iyan ago ikakayang iyan sa matangka. Na so babay na aya okit a
kasojod iyan na indkt iyan a tiyan iyan ko bobon iyan, go indkt iyan ambala a siko niyan ko mbala a
kilid iyan. Na aya ikidiya niyan ko mbala a ski niyan na sakamauto mambo a pakapmblagn iyan sa
diyangka a sarangkaw.

Pananggilai nga iba adn a matatago sa ulo nga a pki-awi sa bnng ka ko masa a kapsojod ka!. Datar o
totob odi na Turban na phanananggilai nga iba pki-awi sa bnng ka sii ko masa a kapsojod ka!. Aya
ikidiya nga ko mga kmr ka sii ko masa a kasosojod ka na pakapnddktaan ka.

Na mabatiya aka a pmbatiyaan anan ko masa a kasosojod ka na mbangongka ka pagontod ka. na aya
mbatiyaan ka ko masa a kapaka-ontod ka na:

Rabbigh Firli, war-hamni, wa-jborni, warfani, warzuqni, wah-dini, wa aafini, wafu anni
Note: makaisaisa nga anan langon mabatiya!.
Na mapasad na Sojod ka pman, na aya bo pman ambatiyaan ka ko kapakasojod ka sa ikadowa na so
dn so pmbatiyaan sii ko masa a kasosojod. Na mapasad na pmbangongka ka tindg ka, na makatindg
kana mbatiya ka pman sa Fatiha ago sakb ka. na dinga dn mbatiyaa pharoman so Dua Al-iftitah ka aya
kapmbatiyaa san na sii bo ko paganay a Raka-at.
Kataya so pmbatiyaan ko Tahiyat Awal:


At-Tahiyyatul Mubarakaatus salawaatut tayyibaatu Lillah, Assalamu Alayka Ayyuhan Nabiyyu Wa
rahmatullahi wabarakaatuhu, Assalamu Alayna wa alaa ibadillahis Saliheen, Ash-Hadu Al-Laa ilaha ilLallah wa Ash-hadu anna Muhammadar Rasoolollah

Note: anda dn i kapakontod ka sa kapthahiyat ka na kms anga dn a mga kmr o kawanan a Lima nga
makaliyoliyo ko totoro oka, na dinga pasin ithoro a totoro oka ka aya kithoro-on kaon na sii ko kauma
anga ko il-Lallah na di nga dn mbaba-an so totoro oka sa taman sa dika makapasad thahiyat. na
opama ka sii ko tahiyat akheer na aya kimbaba-an ka ko totoro oka na sii dn ko kapzalam ka sa
kawanan.
Na sii ko Tahiyat akheer na giyanan dn i pmbatiyaanon a giyanan a pmbatiyaan ko Tahiyat awal na
isompat kaon badn a giyai a salawat ko Nabi (pbuh):


Allahumma Salli Alaa Muhammad wa aali Muhammad, Kama Sallayta alaa Ibraheem wa alaa aali
ibraheem, wa barik Alaa Muhammad wa alaa aali Muhammad, Kama Barakta Alaa Ibraheem wa alaa
aali Ibraheem, fil-Alameena innaka Hameedun Majeed
Mapasad ka matiya a salawat anan ko Nabi na miyapakay dn a Zalam ka. Na odi ka khabaya zalam
ka mbatiya ka pn sa dowaa na khapakay sa aya Sharat iyan na Arabic a dowaa, ogaid na aya Sunnah a
dowaa ko oriyan o kabatiya anga ko salawat ko Nabi sii ko tahiyat akheer na:

Allahumma inni Auodubika min Adhabi Jahannam, wa min Adhabil Qabr, wa min Fitnatil Mahya wal
mamaat, wa min Sharri Fitnatil Maseehid Dajjal


Allahumma inni Auodubika minal Maghrami wal mathami, Allahummagh firli Ma Qaddamtu wama
akkhartu, wama asrartu, wama Alantu, wama Asraftu, wama anta alamu bihi minni, wa antal
Muqaddimu wal mu-akkhir, Laa ilaha il-la anta

SO SUNNAH A KAONTOD SII KO MASA A TAHIYAT AKHEER

Aya Sunnah a kaontod sii ko tahiyat Akheer na Tawarrok. Aya bontal o tawarrok na so kiontodn ka
ko pitot ka sii dn ko tabla, na aya ikidiya nga ko diwang a ai nga na sii nga pakapmbowata sa kababaan o kawanan a ai nga, na so kawanan a ai nga na aya nga phakatindgn a raks a paka-aadapn ka sa
Qiblat so mga poro o kmr o ai nga a kawanan. Na aya Sunnah a kaontod a makaliyliyo ko kaontod ko

masa a tahiyat Akheer na Iftirash. Aya bontal a Iftirash na so kaontod inga ko palada ai o diwang a ai
nga, na phakatindgn ka so kawanan a ai nga a raks a paka-aadapn kaso mga poro o kmr a ai nga a
kawanan sa Qiblat.