Panalangin Para sa Halalan

Mapagmahal na Diyos, aming Ama,

iyong ipinangako na ikaw ay palaging mananahan sa amin bilang isang sambayanan
manahan ka sa amin sa panahong ito ng halalan.
Kasama ng iyong Anak na si Hesus,
sa panahong ito ng halalan kung saan ang tukso ng pagkakamit ng kapangyarihan sa masasamang paraan ay
laganap, kami ay dumadalangin para sa kapayapaan sa halip na karahasan.
Sa pamamagitan ng karunungang nagmumula sa Espiritu Santo,
tulungan mo kaming makita at maunawaan ang aming tungkulin at responsibilidad bilang mga botante. Bigyan
mo kami ng karunungan at kakayahan na siyasatin ang buhay ng bawat kumakandidato. Gabayan mo kami sa
aming pagpapasya at pagpili ng tamang ihahalal upang maiwaksi ang mga kandidatong nagnanais lamang ng
kapangyarihan, mga kandidatong may personal na motibo na tumitingin sa kapangyarihan bilang pribilehiyo.
Bigyan mo po kami ng kakayahan na pumili ng mabubuting mamumuno sa amin,
ng mga maglilingkod ng walang pasubali, ng may katapatan at kalinisan,
mga kandidato na magtatanggol sa buhay.
Aming ipinapanalagin ang lahat ng makikibahagi sa halalang ito
nawa silay maging isa sa pagganap ng kanilang mga tungkulin ng may kahusayan at pagsisikap
upang ang pagbebenta at pagbili ng boto at iba't-ibang pandaraya sa halalan ay tuluyan nang mapawi,
at ang kabanalan ng balota ay mapanatili.
Pangalagaan mo ang lahat ng mamamayan
At ang lahat ng kasapi ng PPCRV na mangangalaga ng halalan,
gayundin ang mga mamumuno sa proseso ng halalan
na magiging katuwang ng mga botante sa pagbabantay para sa isang maayos at malinis na eleksyon.
Tulungan mo kaming aming mabatid na ang malayang demokrasya at tamang pagpili ng mga pinuno ay
makapagdudulot sa aming bansa ng kapayapaan, kalayaan at kaunlaran.
Ama, dinggin mo ang panalangin ng iyong bayang Pilipino
na nananalangin sa pamamagitan ng iyong Anak na si Hesukristo,
na nabubuhay at naghaharing kasama mo at ng Espiritu Santo,
Iisang Diyos magpasawalang hanggan. Amen.

Halaw mula sa "Prayer for Elections" ni Fr. Genaro Diwa para sa PPCRV National
Isinalin sa wikang tagalog para sa Diyosesis ng San Pablo ng mga Miyembro ng Commission on Liturgy